المساعد الشخصي الرقمي

مشاهدة النسخة كاملة : مستقبل الؤلؤة-قطر في ظل الازمة الاقتصادية



bond007
13-06-2009, 10:49 PM
كثر الحديث عن نزول العقار في الفترة الاخيرة بسبب الازمة المالية/الاقتصادية
ولاحظنا اختلاف الاراء والتصريحات بشان العرض والطلب والاسعار بشكل عام والتوقعات المستقبلية ..

حبيت اعرض هذا الموضوع للنقاش ليستفيد الجميع من اراء المحللين ووجهات نظر اعضاء منتدانا الغالي .. وخصوصا لمكانة هذا المشروع محليا وعالميا ..

بعض الاسئلة التي تخطر في بالي دائما .. هل يعتبر الاستثمار في اللؤلؤة حاليا مجدي؟خصوصا لمن لم تسنح له الفرصة بعد بالتملك فيها؟؟؟

سؤال اخر لمراقبين او المستثمرين ، كيف ترون اتجاه الاسعار في الوقت الراهن؟ هل انخفضت ولا بس اكتفت بالاستقرار؟؟

هل في ابراج واقفة ولا كلها مواصلة البناء؟؟


اتمنى من اخواني الاعضاء والمشرفين و المحللين بابداء ارائهم وطرح اسئلتهم حتى تعم الفائدة للجميع ..

شموخ دائم
14-06-2009, 04:45 PM
,

,


(شكرا على الموضوع)


راح تختلف التعليقات كثير على هذا الموضوع لسبب واحد

ليس السبب اقتصادي ولكن السبب ( تشائم و التفائل )

وهذا دليل على عدم اتضاح الرؤيه للناس ولذالك الكل يقول رايه على حالته النفسيه

الازمه عالميه لذالك نفتقر الى المعلومه الصحيحه وشح المعلومات ترك الازمه ضبابيه

بالنسبه للوضع في قطر

الاستثمار في العقار مربح جدا بشهاده الجميع ويحتاج الى صبر ويحتاج الى المال الكافي

وطلعات السوق في العالي وهبوطه هذا شي طبيعي ويحدث بكل الدول

فتره بسيطه ويرجع الى وضعه الطبيعي

الشراء في النزول هو قانون التجاره بشكل عام

و نحن في نزول مابعده نزول خاصه في الاراضي

( البلد لاتكبر ولكن الناس تزداد ) لذالك طلوع الاسعار شي لابد منه

وهو الفرصه التي ينتظرها( التجار) وحط خط احمر تحت التجار

لان الفرق بين الشخص العادي والتاجر هو الاقدام والدخول بالفرص بعد دراستها بحذر

وليس ( بخوف )


هل يعتبر الاستثمار في اللؤلؤة حاليا مجدي؟خصوصا لمن لم تسنح له الفرصة بعد بالتملك فيها؟؟؟


أنا اعتقد ان التجاره الان في الاراضي هو وقتها المناسب ولكن بعيد عن المشاريع الكبيره الاستثماريه مثل اللؤلؤه

اللؤلؤه تخدم فئه معينه وشريحه وهناك شركات متخصصه تعمل بهذه الفرص والترويج لها عالميا وانا لا انصح دخول الشخص العادي فيها لقله الخبره


اما الشريحه الاكبر فهي في الاراضي بمختلف الاماكن في قطر وسهوله التعامل فيها

بالنسبه للشخص العادي او الشخص القليل الخبره

ولذالك انا ارجح الدخول بسرعه بهذه الفرصه وهذا ما افعله أنا الان

اتمنى التوفيق للجميع والله اعلم والرزق بيد الله





,

,



اخوكم


شموخ دائم

mubarak2000
15-06-2009, 06:38 PM
اللؤلؤة مشكلتها ,الرسوم الي اتعادل 2000 الى 4000 شهريا وقابلة للزيادة سنويا

الـخـور
16-06-2009, 07:08 AM
سمعت ان فاللؤلؤة فيها مكيفات تحت الارض بحيث اتخلي درجة الحرارة في اللؤلؤة 26 على مدار السنة

sultanqtr
16-06-2009, 07:40 AM
الرسوم طبيعية ... لو الواحد ياخذ له شقة فى اي دوله لازم يدفع رسوم صيانة و رسوم بلدية
بس احنا فى قطر بلد الخير و العز مفتكين منها ....حتي مفتكين من الكهرباء الى حد الان
و هذا شئ غير طبيعي بالنسبة الى باقي دول العالم ان ما فى رسوم بلدية او فواتير كهرباء

اما المكيفات الى تحت الارض ....صح و غلط فى نفس الوقت
فيها تبريد مركزي .... شركة Qatarcool توزع الماء البارد بشبكة انابيب تحت الارض
بهدف تبريد العمارات المختلفة و ليس تبريد الجزيرة..... هناك توفير من حيث ان هناك وحدة كومبرسر واحدة و كبيرة ..... بالضبط مثل شركة تبريد فى دبي

sultanqtr
16-06-2009, 07:47 AM
خبر قرائتة من كم يوم ان الدولة بدائت فى اصدار اقامة دائمة فى مناطق التي مسموح فيها بتملك الاجانب

مثل اللؤلؤة و الخليج الغربي الخبر نشر فى مجلة لجلف بزنز و البننسيولا القطرية

هذه الميزة لا يستفيد منها القطري اذا شري فى اللؤلؤة ... و لكن يدفع ثمنها من ضمن الاسعار المرتفعة

لانة يتنافس فى سوق غير سوقة ....

bond007
16-06-2009, 03:06 PM
في البداية احب اشكر جميع الاخوان اللي تفاعلوا مع الموضوع ...

اقدر وجهة نظر اخوي شموخ دائم واوفقه بالنسبة للشراء وقت النزول .. مث ما قال: "الشراء في النزول هو قانون التجاره بشكل عام" :nice:

اخوي سلطان قطر ..
مثل ماقلت هناك رسوم الكل يدفعها سنويا لصيانة المبنى وحمام السباحة والنادي الصحي والامن (في قطرنا بلد الامان) وتنظيف الممرات والاصنصيرات وغيره من الخدمات اللي كل برج يقدمها ..
فهي تختلف بعض الشي .. مثلا البعض يكون فيها مكان مخصص للاطفال مجهز بالبلايستيشن والاكس بوكس وغيره :discuss: .. بعضهم يوفر مركز لرجال الاعمال (business center) فيه كمبيوترات وطابعات .. والبعض يركنلك السيارة بدالك (valet parking) .. طبعا هذي الاشياء تكون من ضمن الرسوم السنوية اللي تفضلتوا وذكرتوها ..

نعم اوافق الجميع بانها مبالغ فيها جدا :anger1:

,, واشوف ان لو كانت بين 5000-15000 سنويا(كلن على حسب مساحة شقته) معقولة خصوصا لو حسبنا قيمة الاشتراك السنوي باحد الاندية اللي في الفنادق مع شوية الخدمات اللي يقدمونها..

اما بخصوص رسوم الاقامة .. فالقطري معفى عنها .. واعتقد انها في حدود 1% من قيمة الشقة
يعني لو لشقة ب مليونين .. رسوم الاقامة ٢٠ الف للغير قطري


الشي اللي لين الحين ما حصلت اجابة شافيه له هو رسوم الكهرباء والماء ..:telephone: هل القطري يدفعها؟ فمشروع اللؤلؤة قطر يقع داخل قطر !!والقطري معفى منها !!! :rolleyes2: ولاشرايكم؟؟؟

وعلى فكرة .. ناطر اراء اخوانا المحللين والمحاورين الاقتصاديين لابداء وجهة نظرهم وعشان الكل يستفيد ..
ولا ترى بناديكم بالاسم :):victory:


.
.
.

وغذرا للاطالة ..

بو فهد
16-06-2009, 03:31 PM
يوجد في الدوحة وضواحيها 112 الف مجمع سكني جاهز وثلاثة الاف وخمسمائة تحت الانشاء

ثم نضيف عليهم قرى بروة ةالديار والوعب وابراج سكنية مثل البرج المتعرج وابراج الفيصل وابراج اخرى

هل لاحظتم هل من تغيير على هذة المشاريع العجلة تدور واقتصادنا بخير

ولايمكن ان يؤثر على مستقبل الؤلؤة لان الؤلؤة وضعت الخطة لها لمدة 99 عام .

الكعبي qtr
16-06-2009, 04:20 PM
يعطيكم العافي هذا اللي اقدر اقوله

hard to get
20-06-2009, 08:46 AM
يوجد في الدوحة وضواحيها 112 الف مجمع سكني جاهز وثلاثة الاف وخمسمائة تحت الانشاء

ثم نظيف عليهم قرى بروة ةالديار والوعب وابراج سكنية مثل البرج المتعرج وابراج الفيصل وابراج اخرى

هل لاحظتم هل من تغيير على هذة المشاريع العجلة تدور واقتصادنا بخير

ولايمكن ان يؤثر على مستقبل الؤلؤة لان الؤلؤة وضعت الخطة لها لمدة 99 عام .

ولكن الازمة الاقتصادية اثرت على مشروع اللؤلؤة
بدليل ان الكثير من الشقق معروضة للبيع من الملاك بقيمة شراءها الاصلية ولا تجد من يشتريها
السماح بالاقامة في مشروع اللؤلؤة والبرج المتعرج اعلن عنه منذ اول يوم تم طرح المشروع
ولكن لا تنسى ان امارة دبي سبقتنا في هذا المجال وهي منافس قوي
حيث ان اسعار الوحدات السكنية اقل من ماهي عليه في قطر
في دبي يوجد جميع المستويات
المساكن الفخمة والمتوسطة ولذوي الدخل المحدود
في قطر لا يوجد الا المساكن الفخمة
فبالتالي تجد صعوبة في تصريفها على عكس ماهو في دبي حيث بامكانك ان تجد شقق تتراوح من 300 الف الى 5 مليون
اي ان كل المستويات موجوده
دبي مفتوحة للاستثمار الاجنبي في كل القطاعات
اي ان الاجنبي عندما يشتري وحدة سكنية في دبي ويحصل على اقامة يستفيد منها افضل ما يمكن
اما في قطر وان حصل الاجنبي على الاقامة. ماهي فرص الاستثمار المتاحة له؟ّ
طبعا محدودة جدا وهو دائما بحاجة الى شريك قطري لكي يستثمر
لذلك وحدات اللؤلؤة تواجه صعوبة في تصريفها
و انا على علم بان بعض المستثمرين قامو بتجميد بعض المباني في اللؤلؤة وذلك لعدم وجود مشترين
فالمشروع يواجه صعوبات مثله مثل اي مشروع في القطاع العقاري
حيث ان بعض الشركات المطورة قامت بالاستغناء عن بعض موظفيها وبتجميد بعض مشاريعها
وايضا عرض اكثر من برج للبيع براس ماله واكثر من قطعة ارض ولكن لا يوجد مشترين
احنا مانبي نقول ان المشروع مات او انتهي
المشروع يتحرك لانه مدعوم دعم قوي من الدولة
ولو لم تتدخل الحكومة في شراء المحافظ العقارية لحصل ملا تحمد عقباه
والحمدلله على كل حال

mubarak2000
20-06-2009, 09:01 PM
الرسوم طبيعية ... لو الواحد ياخذ له شقة فى اي دوله لازم يدفع رسوم صيانة و رسوم بلدية
بس احنا فى قطر بلد الخير و العز مفتكين منها ....حتي مفتكين من الكهرباء الى حد الان
و هذا شئ غير طبيعي بالنسبة الى باقي دول العالم ان ما فى رسوم بلدية او فواتير كهرباء

اما المكيفات الى تحت الارض ....صح و غلط فى نفس الوقت
فيها تبريد مركزي .... شركة qatarcool توزع الماء البارد بشبكة انابيب تحت الارض
بهدف تبريد العمارات المختلفة و ليس تبريد الجزيرة..... هناك توفير من حيث ان هناك وحدة كومبرسر واحدة و كبيرة ..... بالضبط مثل شركة تبريد فى دبي

حبيبي المشكلة انة فية ثغرة في عقد الصيانة اتخلي المطور ايزيد الرسوم عليك بعد ماتتورط على كيفة , في دبي حلوا هاذي المشكلة عن طريق هيئة تنظيم شؤون العقارات

المزن الرياني
20-06-2009, 10:27 PM
حبيبي المشكلة انة فية ثغرة في عقد الصيانة اتخلي المطور ايزيد الرسوم عليك بعد ماتتورط على كيفة , في دبي حلوا هاذي المشكلة عن طريق هيئة تنظيم شؤون العقارات


أي ثغره هذه !!
عقدي واضح جداً .. 65 ريال للمتر المربع سنوياً لمده ثلاث سنوات فقط
والعقود اللاحقه اللي اعرفه ان التعرفه تغيرت لـ 23 ريال للمتر المربع شهرياً

رحال
21-06-2009, 06:39 PM
أي ثغره هذه !!
عقدي واضح جداً .. 65 ريال للمتر المربع سنوياً لمده ثلاث سنوات فقط
والعقود اللاحقه اللي اعرفه ان التعرفه تغيرت لـ 23 ريال للمتر المربع شهرياً

وهل تعتقد أن 23 ريال قليلة ؟؟؟

يعني اللي مساحة شقته 150 متر مربع

150 × 23 = 3450 × 12 = 41400

الخلاصة يعني بالشهر يدفع : 3450

وهذا غير شامل الماء والكهرباء !!!

المزن الرياني
21-06-2009, 08:28 PM
وهل تعتقد أن 23 ريال قليلة ؟؟؟
يعني اللي مساحة شقته 150 متر مربع
150 × 23 = 3450 × 12 = 41400
الخلاصة يعني بالشهر يدفع : 3450
وهذا غير شامل الماء والكهرباء !!!


من قال انها قليله أو كثيره ؟!
سؤالي واستفساري للأخ mubarak2000 عن الثغره اللي تكلم عنها
قلت احتمال في شي بالعقد انا مب منتبه له

ع العموم اخوي .. مشروع اللؤلؤه جديد على قطر ومثل هالمشاريع يبيلها سنين لين الناس تاخذ عليها
بالنسبه للأسعار سواءً للوحدات السكنيه او لرسوم الخدمات فهذا شي نسبي
كل واحد وامكانياته
وعلى طاري الاسعار ,, هل من المنطقي شقه 3 غرف نوم مساحتها ماتتجاوز 170 متر بـ مليون و800 ألف ريال وبمنطقه النجمه !!
يعني الفيو أول ماتفتح ستاره غرفه النوم ... سوق الحراج :rolleyes2:

هذه أسعار تملك الاجانب للعقار :victory:

مساهم عادي
21-06-2009, 08:56 PM
هذه الشقق على المدى البعيد غير مجدية...

ايش يضمنني ان حال العمارة بعد 30 سنة يكون جيد....

المباني في مناخ الخليج الرطب والحار عمرها الافتراضي 35 سنة فقط وبعدين تستلزم الهدم.. والا تكلفة الصيانة ستتجاوز سعر الشقة

mubarak2000
22-06-2009, 04:48 PM
أي ثغره هذه !!
عقدي واضح جداً .. 65 ريال للمتر المربع سنوياً لمده ثلاث سنوات فقط
والعقود اللاحقه اللي اعرفه ان التعرفه تغيرت لـ 23 ريال للمتر المربع شهرياً

انت الحين اثبت انك مثال للفخ , كم تضاعفت عليك الرسوم في ثلاث سنوات

وبعد كم سنة كم بتكون

mubarak2000
22-06-2009, 04:58 PM
من قال انها قليله أو كثيره ؟!
سؤالي واستفساري للأخ mubarak2000 عن الثغره اللي تكلم عنها
قلت احتمال في شي بالعقد انا مب منتبه له

ع العموم اخوي .. مشروع اللؤلؤه جديد على قطر ومثل هالمشاريع يبيلها سنين لين الناس تاخذ عليها
بالنسبه للأسعار سواءً للوحدات السكنيه او لرسوم الخدمات فهذا شي نسبي
كل واحد وامكانياته
وعلى طاري الاسعار ,, هل من المنطقي شقه 3 غرف نوم مساحتها ماتتجاوز 170 متر بـ مليون و800 ألف ريال وبمنطقه النجمه !!
يعني الفيو أول ماتفتح ستاره غرفه النوم ... سوق الحراج :rolleyes2:

هذه أسعار تملك الاجانب للعقار :victory:

انت اتعرف يعني شنهوا انك تدفع 3500 شهريا وكل سثلاث سنوات تتضاعف , يعني شقتك اذا انت تبي اتبيعها وكان سعرها مليون لازم اتضيف عليها قيمة الرسوم يعني نفرض انة الرسوم 3500 شهريا وكانوا الجماعه كرماء معاك ومحد زاد عليك الرسوم , 3500*12=42000 الف يعني خلال 30 سنة 1260000 الف , الله ايعين المشكلة مو قية الرسوم نفسها لكن الرسوم اصلحت وسيلة لحلب جيوب ملاك الشقق, لازم انشوف حلول تنظيمية

Ross
22-06-2009, 05:17 PM
يعطيك العاافيه

حمد
22-06-2009, 05:47 PM
انت اتعرف يعني شنهوا انك تدفع 3500 شهريا وكل سثلاث سنوات تتضاعف , يعني شقتك اذا انت تبي اتبيعها وكان سعرها مليون لازم اتضيف عليها قيمة الرسوم يعني نفرض انة الرسوم 3500 شهريا وكانوا الجماعه كرماء معاك ومحد زاد عليك الرسوم , 3500*12=42000 الف يعني خلال 30 سنة 1260000 الف , الله ايعين المشكلة مو قية الرسوم نفسها لكن الرسوم اصلحت وسيلة لحلب جيوب ملاك الشقق, لازم انشوف حلول تنظيمية

تصدق عاد

ان رسوم الصيانه وغموضها هي فقط السبب الي منعني اني اخذ اي شقه سواء في قطر او دبي او البحرين

المزن الرياني
22-06-2009, 06:23 PM
انت الحين اثبت انك مثال للفخ , كم تضاعفت عليك الرسوم في ثلاث سنوات

وبعد كم سنة كم بتكون


لافخ ولا شداخه
العقد واضح جداً,, 65 ريال للمتر المربع سنوياً ولمده ثلاث سنوات فقط
يعني 15804 بالسنه ولمده ثلاث سنوات فقط بدون درهم زياده
يعني من بعد ثلاث سنوات ولا درهم بدفعه والعقد واضح جداً
والشقه أستلمتها والحمدلله


:victory:

المزن الرياني
22-06-2009, 06:31 PM
انت اتعرف يعني شنهوا انك تدفع 3500 شهريا وكل سثلاث سنوات تتضاعف , يعني شقتك اذا انت تبي اتبيعها وكان سعرها مليون لازم اتضيف عليها قيمة الرسوم يعني نفرض انة الرسوم 3500 شهريا وكانوا الجماعه كرماء معاك ومحد زاد عليك الرسوم , 3500*12=42000 الف يعني خلال 30 سنة 1260000 الف , اللة ايعين المشكلة مو قية الرسوم نفسها لكن الرسوم اصلحت وسيلة لحلب جيوب ملاك الشقق, لازم انشوف حلول تنظيمية


وانت تشوف ان 42000 بالسنه واايد ؟!
اذا انت تشوفها وايد غيرك يصرفها بسفره بدبي بأسبوع

ترا هالمشروع مب لأهل البلد بالاساس
شركه الفردان العقاريه تمتلك أول أربع ابراج على ماظن .. أفتحوا البرج الاول
ونظامهم فقط تأجير .. مافي أستملاك
روح وشوف الساكنين وشوف اسعار الشقق اللي بعضها طاف سعر أجار فيلا بالخليج الغربي

عزوز المضارب
22-06-2009, 10:03 PM
وانت تشوف ان 42000 بالسنه واايد ؟!
اذا انت تشوفها وايد غيرك يصرفها بسفره بدبي بأسبوع

ترا هالمشروع مب لأهل البلد بالاساس
شركه الفردان العقاريه تمتلك أول أربع ابراج على ماظن .. أفتحوا البرج الاول
ونظامهم فقط تأجير .. مافي أستملاك
روح وشوف الساكنين وشوف اسعار الشقق اللي بعضها طاف سعر أجار فيلا بالخليج الغربي

يعطيك الف عافيه اخوي المزن الرياني
فقط ملاحظه البرج الاول تم افتتاحه
ملاك عاديين اصحاب الشقق وليس الفردان العقاريه
لكن في شركه متخصصه قرات احد العقود تاجر الاستوديو ب 12 الف ريال
والشقه غرفتين 16000 الف ريال وال3 غرف 22 الف ريال
وما عندهم مشكله لو العقد سنه او سنيتن او اربع حتى!!!

المزن الرياني
22-06-2009, 10:15 PM
يعطيك الف عافيه اخوي المزن الرياني
فقط ملاحظه البرج الاول تم افتتاحه
ملاك عاديين اصحاب الشقق وليس الفردان العقاريه
لكن في شركه متخصصه قرات احد العقود تاجر الاستوديو ب 12 الف ريال
والشقه غرفتين 16000 الف ريال وال3 غرف 22 الف ريال
وما عندهم مشكله لو العقد سنه او سنيتن او اربع حتى!!!


الله يعافيك أخوي عزوز
انا ماقصد برج a4 اللي على يمين المدخل
كنت أقصد البرج الاول اللي بالطرف ... أول برج بالترتيب ببورتو أربيا
هذا اللي عرفته لشركه الفردان العقاريه ونظامهم تأجير وليس تمليك

بالنسبه لبرجين المتحده اللي على يمين ويسار المدخل الرئيسي
فعلا يأجرون الشقق وانا عرضوا علي 24000 بدون تأثيث ولمده سنتين والسعر يوصل 28000 بالتأثيث
وصحيح كلامك هو الوحيد اللي تم أفتتاحه ومافي اي برج بيلحقه الا بشهر ديسمبر

عزوز المضارب
22-06-2009, 10:29 PM
الله يعافيك أخوي عزوز
انا ماقصد برج a4 اللي على يمين المدخل
كنت أقصد البرج الاول اللي بالطرف ... أول برج بالترتيب ببورتو أربيا
هذا اللي عرفته لشركه الفردان العقاريه ونظامهم تأجير وليس تمليك

بالنسبه لبرجين المتحده اللي على يمين ويسار المدخل الرئيسي
فعلا يأجرون الشقق وانا عرضوا علي 24000 بدون تأثيث ولمده سنتين والسعر يوصل 28000 بالتأثيث
وصحيح كلامك هو الوحيد اللي تم أفتتاحه ومافي اي برج بيلحقه الا بشهر ديسمبر

مشكور وما قصرت على المعلومه اخوي المزن الرياني
استفسار هم عرضوا عليك 24000 الف من المره الاولى
لان العرض اللي شفته من يومين بس ب22 الف بدون تاثيث ونهائي :secret: ؟

المزن الرياني
22-06-2009, 10:36 PM
مشكور وما قصرت على المعلومه اخوي المزن الرياني
استفسار هم عرضوا عليك 24000 الف من المره الاولى
لان العرض اللي شفته من يومين بس ب22 الف بدون تاثيث ونهائي :secret: ؟

أفا عليك حاضر لك
شوف اخوي هم قالوا لي عندنا نظامين
يا تأجر لنا بسعر 22000 لمده سنتين وطالع وبدون تأثيث أو نسوق لك بالسعر اللي تجيبه ولنا شهر كدلاله
وفي شقق ب3 غرف بس بظهر البرج .. يعني الفيو على الدفنه تأجرت بفوق 22000
والشقق اللي اطلالتها على البورتو ممكن تجيب سعر اعلى اذا جاها حد بوعيون خضر ومصنف عليها

آخرتها الشركه هي اللي دافعه :secret:

عزوز المضارب
22-06-2009, 10:44 PM
أفا عليك حاضر لك
شوف اخوي هم قالوا لي عندنا نظامين
يا تأجر لنا بسعر 22000 لمده سنتين وطالع وبدون تأثيث أو نسوق لك بالسعر اللي تجيبه ولنا شهر كدلاله
وفي شقق ب3 غرف بس بظهر البرج .. يعني الفيو على الدفنه تأجرت بفوق 22000
والشقق اللي اطلالتها على البورتو ممكن تجيب سعر اعلى اذا جاها حد بوعيون خضر ومصنف عليها

آخرتها الشركه هي اللي دافعه :secret:

الف تشكرات اخوي المزن الرياني (بالتركي,,شكرا:victory:)
تم العرض ب22 الف ريال وبدون تسويق وياخذون عموله شهر ,,:anger1:
بالفعل ما خاب من استشار ,,بارك الله فيك اخوي المزن وشاكر لك معلوماتك القيمه :discuss:

ابن البيطار
22-06-2009, 11:46 PM
للاسف البعض يتكلم وهو مايدري شسالفه .

الي يقول 42000فالسنه مادري من وين جاب هالرقم . المتر 65ريال في السنه مب فالشهر . يعني مايتعى 8000ريال في السنه وهي رسوم الصيانه والنظافه والحراسه ,,,,الخ

المشروع استثماري درجه اولى انا شقتي وقعت عقدها مع شركة اجنبية غرفتين نوم مساحتها 170متر ب20الف ريال بدون اثاث وانا شاريها بمليون وسبعميه يعني عائد اكثر من 13%. وممكن تأجرها نظام قطاعي يعني في الويكند او لمدة اسبوع وبعائد ممتاز وباقي الايام اذا صنفت تروح تغير جو فيها .يعني تضرب عصفورين بحجر.

الي يقول ان المطورين متوهقين بالشقق ومايقدرون يبيعونها اقول روح اسئل المطورين الشقة الي كانت في 2008 بمليون ونص الحين مليون و800الف ولاينزل لك ريال واحد . السبب ان المشروع الوحيد فلبلاد وممكن الشركة تأجر الشقق الي ماتنباع بأسعار مرتفعه ولاتقارنون مشروع اللؤلؤه بدبي الي فيها اكثر من 1000برج واحنا كلها 39برج في مشروع مافي مثله في دبي الا النخله وبعد مشروع اللؤلؤه افضل . وروح شوف اسعار الشقق في النخله كم .


الي يحصلي شقة في اللؤلؤه غرفه وحده بس ومطله عالمارينا بمليون له مني 100الف عموله .

hard to get
23-06-2009, 12:48 PM
للاسف البعض يتكلم وهو مايدري شسالفه .

الي يقول 42000فالسنه مادري من وين جاب هالرقم . المتر 65ريال في السنه مب فالشهر . يعني مايتعى 8000ريال في السنه وهي رسوم الصيانه والنظافه والحراسه ,,,,الخ

المشروع استثماري درجه اولى انا شقتي وقعت عقدها مع شركة اجنبية غرفتين نوم مساحتها 170متر ب20الف ريال بدون اثاث وانا شاريها بمليون وسبعميه يعني عائد اكثر من 13%. وممكن تأجرها نظام قطاعي يعني في الويكند او لمدة اسبوع وبعائد ممتاز وباقي الايام اذا صنفت تروح تغير جو فيها .يعني تضرب عصفورين بحجر.

الي يقول ان المطورين متوهقين بالشقق ومايقدرون يبيعونها اقول روح اسئل المطورين الشقة الي كانت في 2008 بمليون ونص الحين مليون و800الف ولاينزل لك ريال واحد . السبب ان المشروع الوحيد فلبلاد وممكن الشركة تأجر الشقق الي ماتنباع بأسعار مرتفعه ولاتقارنون مشروع اللؤلؤه بدبي الي فيها اكثر من 1000برج واحنا كلها 39برج في مشروع مافي مثله في دبي الا النخله وبعد مشروع اللؤلؤه افضل . وروح شوف اسعار الشقق في النخله كم .


الي يحصلي شقة في اللؤلؤه غرفه وحده بس ومطله عالمارينا بمليون له مني 100الف عموله .

يا اخي اي جو اللي بتغيره في اللؤلؤة
تقص على نفسك
يعني الدوحة فيها غبرة ورطوبة واللؤلؤة مافيها؟!!!
اللي يبي يغير جو يروح بورتو بانوس في ماربيلا في اسبانيا
مب تروح اللؤلؤة
وبعدين انا ضربت لك مثل عن المستثمرين
لو خيروهم بين اقامة دبي او اقامة قطر
يفضل دبي لان دبي مفتوحة للاستثمار الاجنبي
قطر ما تقدر تستثمر فيها الا اذا عندك شريك قطري
التنوع في دبي يخلق منافسه وتعدد الخيارات في صالح المشتري
اما في قطر
شقة في السد بمليون و 200 الف
في اللؤلؤة ب مليون و100 الف
ايش هذا الاستعباط الموازين مختلفه
هل يعقل ان شقة في جزيرة تم استصلاحها ب 50 مليار مثلها مثل شقة في السد؟
لماذا لا يوجد شقق للدخل المحدود؟
انا اقول لك المشروع مدعوم من الدولة ولولا دعم الدولة ماكان شفت برج واحد
والله يوفقك في شقتك ويرزقك الرزق الحالال

mubarak2000
23-06-2009, 10:18 PM
للاسف البعض يتكلم وهو مايدري شسالفه .

الي يقول 42000فالسنه مادري من وين جاب هالرقم . المتر 65ريال في السنه مب فالشهر . يعني مايتعى 8000ريال في السنه وهي رسوم الصيانه والنظافه والحراسه ,,,,الخ

المشروع استثماري درجه اولى انا شقتي وقعت عقدها مع شركة اجنبية غرفتين نوم مساحتها 170متر ب20الف ريال بدون اثاث وانا شاريها بمليون وسبعميه يعني عائد اكثر من 13%. وممكن تأجرها نظام قطاعي يعني في الويكند او لمدة اسبوع وبعائد ممتاز وباقي الايام اذا صنفت تروح تغير جو فيها .يعني تضرب عصفورين بحجر.

الي يقول ان المطورين متوهقين بالشقق ومايقدرون يبيعونها اقول روح اسئل المطورين الشقة الي كانت في 2008 بمليون ونص الحين مليون و800الف ولاينزل لك ريال واحد . السبب ان المشروع الوحيد فلبلاد وممكن الشركة تأجر الشقق الي ماتنباع بأسعار مرتفعه ولاتقارنون مشروع اللؤلؤه بدبي الي فيها اكثر من 1000برج واحنا كلها 39برج في مشروع مافي مثله في دبي الا النخله وبعد مشروع اللؤلؤه افضل . وروح شوف اسعار الشقق في النخله كم .


الي يحصلي شقة في اللؤلؤه غرفه وحده بس ومطله عالمارينا بمليون له مني 100الف عموله .

الرجال مالك الشقة ايقولك 23 اريال قي الشهر واحسب وبتعرف , وخلنا انشوف لما تجهز الابراج وبنشوف السوق ,

الـخـور
23-06-2009, 11:16 PM
مشكلتنا ان الشعب القطري مب متعود يسكن في شقق

يعني مشروع اللؤلؤة بالكامل يعتمد على طلب الشركات والاجانب

هو مشروع زين ومكان راقي وحلو .. بس لو انهم شجعو القطري انه يسكن مثلا

- عطو اولوية للقطري وباسعار افضل .. لان حاليا سعر الشقة نفسه سعر فيلا تقريبا
- لو انهم صممو الشقة دورين يعني كانها فلة بس على دورين هنا يمكن الطلب بيزيد او 3 ادوار
بحيث يكون دور كامل مجلس الرجال والادوار البقية صالة وغرف .. الخ
هني راح يشجعون القطري على سكنها وراح يكونون ابدعو في التصميم

هذي مجرد وجهة نظري وربي يوفقكم جميعا

ابن البيطار
24-06-2009, 12:22 AM
يا اخي اي جو اللي بتغيره في اللؤلؤة
تقص على نفسك
يعني الدوحة فيها غبرة ورطوبة واللؤلؤة مافيها؟!!!
اللي يبي يغير جو يروح بورتو بانوس في ماربيلا في اسبانيا
مب تروح اللؤلؤة
وبعدين انا ضربت لك مثل عن المستثمرين
لو خيروهم بين اقامة دبي او اقامة قطر
يفضل دبي لان دبي مفتوحة للاستثمار الاجنبي
قطر ما تقدر تستثمر فيها الا اذا عندك شريك قطري
التنوع في دبي يخلق منافسه وتعدد الخيارات في صالح المشتري
اما في قطر
شقة في السد بمليون و 200 الف
في اللؤلؤة ب مليون و100 الف
ايش هذا الاستعباط الموازين مختلفه
هل يعقل ان شقة في جزيرة تم استصلاحها ب 50 مليار مثلها مثل شقة في السد؟
لماذا لا يوجد شقق للدخل المحدود؟
انا اقول لك المشروع مدعوم من الدولة ولولا دعم الدولة ماكان شفت برج واحد
والله يوفقك في شقتك ويرزقك الرزق الحالال

اخوي لما اقولك تغير جو ماقصد في الصيف بس ترى السنة 12شهر .
انقطه الثانيه انت تتكلم عن دبي اولا الاقامه ممنوعه في دبي وتحولت الى زيارة الا في جزيرة النخله . والشقه في النخله 100متر مب اقل من مليون ونص . (في اعلان في قسم العقار روح شوف كم طالب في الشقه الي في النخله والتسليم بعد سنتين) .

اخيرا ممكن صار سؤ فهم لان جزيرة اللؤلؤه مب للدخل المحدود هذي منطقة نقاهه وترفيه واستثمار .اما الدخل المحدود ممكن تشتري فله في ام صلال او ام عبيريه بمليون وتريح راسك :)

ابن البيطار
24-06-2009, 12:24 AM
الرجال مالك الشقة ايقولك 23 اريال قي الشهر واحسب وبتعرف , وخلنا انشوف لما تجهز الابراج وبنشوف السوق ,

اخوي مافي شي اسمه فالشهر الرسوم سنويه من 60الى 95ريال حسب المطور على المتر في السنه . معلوماتك غلط