ضعنا ..والسبب عدم توحيد الاجازات

[هتـان قطر]

:rolleyes2: احولت عيوننا من السهر..

ضعنا بين المدارس الحكومية وبين المستقلة..

طلاب الحكومية عطلوا وبدت المعاناة مع السهر

وعلى النقيض طلاب المستقلة اشتغل الحسد

عندهم على طلاب الحكومية..

ليش هم سهرانين..؟

اشمعنى هم عطلوا واحنا لا..؟

وعلينا احنا يالامهات ان نتعايش مع هذا الوضع المزري

سهر مع طلاب الحكومي

وقومة الصبح مع طلاب المستقلة..!!!

ارحمونا يالمجلس الاعلى..وحدوووووا الاختبارات والاجازات...

لا وللعلم بعض مدارس المستقلات خلصوا الاختبارات

وخذوا الدرجات ولين الحين يداومون ...مسألة نحاسة

لا اكثر ولا اقل..


ام مقهورة..:rolleyes2:

[msd313]

اي والله صدقتي وسبقتيني في طرح الموضوع اختي هتان
وازيدج بعد ان المدارس الخاصه بعد مواعيدهم بروحهم خاصه الاكاديميات اللي عندهم 3 فصول
هذي مصيبتهم اكبر واكبر

والله يعين

[هتـان قطر]

اي والله صدقتي وسبقتيني اختي هتان
وازيدج بعد ان المدارسه الخاصه بعد مواعيدهم بروحهك خاصه الاكاديميات اللي عندهم 3 فصول

هذي مصيبتهم اكبر واكبر والله يعين


امبين السهر من خلال كلامك اللي بالاحمر :nice:

ايوالله الله يعينا ويعينكم..

[يحفظك ربي]

اي والله اختي صدقتي بكل اللي قلتيه ...

نعاني من الطرفين .. بس انا اللي ابي افهمه الحين المدارس المستقله اللي خلصوا امتحانات يدامون ليش ؟؟؟

الصراحة مافي تفكير ولا تخطيط كلش مادري شالتفكير اللي عليهم !!!!

اخوي الصغير في مدرسة مستقله مسكين يقوم من الصبح ويروح المدرسه وعشان شنو ؟؟؟

مخلص امتحان وطالعه النتيجه والمشكله ان يداومون لكن مدرساتهم ماخذين اجازه وغايبات !!!

والادراه مانعتهم من الغياب يقولون هاي امر من المجلس الاعلى

فوق جذي يرجع البيت متاخر والمشكله ان كله حصص احتياط !!! وان غاب احشرونا بالمسجات ممنوع وممنوع غياب الطلاب

والله ماينعرف لهم صراحه .. لو يردون المدارس حكومية نفس الاول جان الدنيا بخير

مانقول الا الله كريم !!!!

[msd313]

امبين السهر من خلال كلامك اللي بالاحمر :nice:

ايوالله الله يعينا ويعينكم..

مسرع رديتي واقتبستي:anger1:
والله يعين

[واحد 11]

نبي نتطور ماعرفنا

[مضاد]

مسرع رديتي واقتبستي:anger1:
والله يعين

ياااااشيخ الله يهدينا واياك ’

تقولك مقهوره >> :anger1: مستعده تشلخ الكيبورد في لمح البصر.

___________


ماتنلام....و الله يكون في عونكم ويجركم خير

[سويسرا]

والله انج صادقـــــه


بس لا تتوقعين حد بيفكـــر فيــنا !!!!!

[&شهد&]

آآآآآآآآآآآآه ...جبتيها والله
مأساااااااااه...أو.....لعانه بالصح!!

[msd313]

ياااااشيخ الله يهدينا واياك ’

تقولك مقهوره >> :anger1: مستعده تشلخ الكيبورد في لمح البصر.

___________


ماتنلام....و الله يكون في عونكم ويجركم خير

هذا قولك اخوي :con2:
خلاص عيل سامحتها:victory:

[ذيبه مزاجيه]

هالشي بيكون من الماضي السنه الجايه لان كل الدوام والاجازات بتكون موحده بين المستقله والحكوميه وقالوا لنا هالشي والله اعلم ..
اما اكثر شي يعل القلب دوام الطلاب والطالبات بعد الامتحانات اسبوع بعد الامتحانات!!!!!!!!!
الصراحه مب بس عيالكم يتعبون ,, حتى احنا المدرسات نتعب وما يمدينا نخلص تصحيح او تحضير للسنه الجايه او اي شي ,, وما تنلام المدرسه لو غابت لان سواء عندج شي او ما عندج شي بعد لازم تدخلين علييهم وتشرحين لهم بعد تخيلوا .. اولا اليهال متمللين ومقهورين ان اخوانهم في البيت وثانيا ثلاث ارباع الصف غايب اصلا وثالثا الواحد ما يقدر يعطي درس حق عدد قليل ومالهم بارض بعد ولا عاد فينا طاقه من الشغل اللي علينا ..
الله يلوم اللي يلومكم .. ويعيننا احنا ,,

[!الشايمه!]

والله توني اليوم افكر بهالموضوع....

من خمس سنين واجازاتي كلها مهب متوافقه مع اجازات اهلي

<<<في ناس يبون يسافرون مهب عارفين<< خلص الاكسباير ديت ابي اجدد

الطاقة :weeping:

وين يوم كنا صغار كل اهل قطر يعطلون مع بعض :( اجازة شهرين...الناس

يحسون انهم يعيشون ويرتاحون من الحر ودوشة المدارس والشغل ....نسافر مع الاهل

واهل الاهل...والجيران...واهل الجيران... مصر والا لندن:(....

نسوي مخيم لاجئين في الشقق:) من كثرنا ووناستنا...الحين الاسرة الوحده

مهب عارفه تلتم على بعضها :(......نسافر نص....والا ربع.....يومين

والا اسبوع....عن العين والنفس......اونه ترفيه....ماتسوي شي في هالحر :(

يارب يوحدون الاجازات يارب:(

تحية

[غـيـد]

عقبـ ما درسوا قانونـ الموارد البشريهـ وخلصوا وبطوا مرارة الناسـ

قالوا بندرسـ قانونـ توحيد اجازات المدارسـ .. بسـ متى بتبتديـ الدراسهـ مادريــ !!

[هتـان قطر]

اي والله اختي صدقتي بكل اللي قلتيه ...

نعاني من الطرفين .. بس انا اللي ابي افهمه الحين المدارس المستقله اللي خلصوا امتحانات يدامون ليش ؟؟؟

الصراحة مافي تفكير ولا تخطيط كلش مادري شالتفكير اللي عليهم !!!!

اخوي الصغير في مدرسة مستقله مسكين يقوم من الصبح ويروح المدرسه وعشان شنو ؟؟؟

مخلص امتحان وطالعه النتيجه والمشكله ان يداومون لكن مدرساتهم ماخذين اجازه وغايبات !!!

والادراه مانعتهم من الغياب يقولون هاي امر من المجلس الاعلى

فوق جذي يرجع البيت متاخر والمشكله ان كله حصص احتياط !!! وان غاب احشرونا بالمسجات ممنوع وممنوع غياب الطلاب

والله ماينعرف لهم صراحه .. لو يردون المدارس حكومية نفس الاول جان الدنيا بخير

مانقول الا الله كريم !!!!

هذا اللي يقهر يا هند..مخلصين ويداومون لييييييييش..؟

شالمشكلة لو عطلوا في الوقت اللي عطلوا فيه اخوانهم

شاللي بيضرهم فيه...؟

ننطر ليما السنة الجاية كان الله احيانا وبنشوف

ونتمنى ما تتكرر هالمأساة...تعبنا الصراحة نفسيا وجسديا

[هتـان قطر]

مسرع رديتي واقتبستي:anger1:
والله يعين



شسوي مقهورة وحطيت الحرة فيك..:shy:

[هتـان قطر]

نبي نتطور ماعرفنا



واحنا الضحية!!!!!!

يسويها الكبار ويطيح فيها الصغار..

[هتـان قطر]

ياااااشيخ الله يهدينا واياك ’

تقولك مقهوره >> :anger1: مستعده تشلخ الكيبورد في لمح البصر.

___________


ماتنلام....و الله يكون في عونكم ويجركم خير



ياجرنا وياجرك خير..

ايوالله وانا اختك مقهورة..

لاحظ وقت نزول الموضوع وشوف الحين الساعة كم

ما يمدي الواحد يرقد الا صاح المنبه ..

الله يكون في العون..:(

[ROSE]

نفس المعاناة ولكن بطريقة ثانيه

ناطرتهم يجوني وطبعا مايقدرون يجون الا كلهم مع بعض

فتخيلي اللي مخلص المدرسة ناطر اخوه اللي بالمستقله يخلص

عشان يجون مع بعض وبهالشكل الاول يحس ان اجازته ضاعت عليه

والثاني متحرقص يبي يجي فماقدرت اخلي حد يجي والثاني يدرس ومقهور :(

الله يعينا والمفروض فعلا يكون فيه توحيد للاجازات

بس مثل ماسمعت ان المدارس كلها راح تتحول مستقله يعني


راح تتوحد غصب ان شاء الله :rolleyes2:

[هتـان قطر]

والله انج صادقـــــه


بس لا تتوقعين حد بيفكـــر فيــنا !!!!!

الله يعيننا..ويعينكم



آآآآآآآآآآآآه ...جبتيها والله
مأساااااااااه...أو.....لعانه بالصح!!

سميها اللي تسمينها يا شهد

على قولة اخونا دولار محد مفتكر فينا اصلا..


هذا قولك اخوي :con2:
خلاص عيل سامحتها:victory:

:)

شكرا

[هتـان قطر]

نفس المعاناة ولكن بطريقة ثانيه

ناطرتهم يجوني وطبعا مايقدرون يجون الا كلهم مع بعض

فتخيلي اللي مخلص المدرسة ناطر اخوه اللي بالمستقله يخلص

عشان يجون مع بعض وبهالشكل الاول يحس ان اجازته ضاعت عليه

والثاني متحرقص يبي يجي فماقدرت اخلي حد يجي والثاني يدرس ومقهور :(

الله يعينا والمفروض فعلا يكون فيه توحيد للاجازات

بس مثل ماسمعت ان المدارس كلها راح تتحول مستقله يعني


راح تتوحد غصب ان شاء الله :rolleyes2:


الله يفرجها يا روز عليكم وعلينا

من متى واحنا نسمع بتوحيد الاجازات

ولين الحين ما شفنا شي..!!!

ما فيه تخطيط ..ما فيه احساس بتعب اولياء الامور

وبمعاناتهم ..كفاية ضغوطات الحياة الاخرى

[KABOOM]

مشــكله والله..
لعوزونا.. مافي ترتيب ولانظام..

حد معطل من شهر 5 وحد للحين ماعطل!!!
عسى ماشر

[هتـان قطر]

هالشي بيكون من الماضي السنه الجايه لان كل الدوام والاجازات بتكون موحده بين المستقله والحكوميه وقالوا لنا هالشي والله اعلم ..
اما اكثر شي يعل القلب دوام الطلاب والطالبات بعد الامتحانات اسبوع بعد الامتحانات!!!!!!!!!
الصراحه مب بس عيالكم يتعبون ,, حتى احنا المدرسات نتعب وما يمدينا نخلص تصحيح او تحضير للسنه الجايه او اي شي ,, وما تنلام المدرسه لو غابت لان سواء عندج شي او ما عندج شي بعد لازم تدخلين علييهم وتشرحين لهم بعد تخيلوا .. اولا اليهال متمللين ومقهورين ان اخوانهم في البيت وثانيا ثلاث ارباع الصف غايب اصلا وثالثا الواحد ما يقدر يعطي درس حق عدد قليل ومالهم بارض بعد ولا عاد فينا طاقه من الشغل اللي علينا ..
الله يلوم اللي يلومكم .. ويعيننا احنا ,,



الله يكون في عونكم اختي ذيبة مزاجية..

العام الدراسي طويييييل جدا..وممل

والمفروض يدرسون هالامر زين..وما فيه داعي

لكل هذا الدوام مادام المناهج خلصت ..!!!

لا وسمعنا بعد ان مدرسي المستقلات بيداومون

في العشر الاواخر استعدادا للعام الجديد..:rolleyes2:

[روضة]

حول هذه المشكلة قالت مديرة هيئة التعليم ان المدارس المستقلة لن تستطيع ان تضبط اجازاتها مع الوزارة لأن أيام التمدرس بينها مختلفة ففيما يقضي طلاب المدارس المستقلة 180 يوما في المدرسة يقضي طلاب التربية 130 يوما فقط وهذا الفارق الذي يصل إلى 50 يوما هو السبب الرئيسي لعدم استطاعة توحيد أيام الاجازة.


التمدرس هو السبب حتى لو على حساب الطلاب والمدرسين لازم 180 يوم غصب ولاطيب:anger1:

[هتـان قطر]

حول هذه المشكلة قالت مديرة هيئة التعليم ان المدارس المستقلة لن تستطيع ان تضبط اجازاتها مع الوزارة لأن أيام التمدرس بينها مختلفة ففيما يقضي طلاب المدارس المستقلة 180 يوما في المدرسة يقضي طلاب التربية 130 يوما فقط وهذا الفارق الذي يصل إلى 50 يوما هو السبب الرئيسي لعدم استطاعة توحيد أيام الاجازة.


التمدرس هو السبب حتى لو على حساب الطلاب والمدرسين لازم 180 يوم غصب ولاطيب:anger1:



وشهو..؟ التمدرس..يعني ايش

انا بيقضون علي بقراراتهم..:anger1:

50 يوم زياده ليششش..؟ ياليت يفهمونا ويقولون لنا

الطلاب وش بيستفيدون من اطالة المدة..؟

والمدرسين بعد الله يكون في عونهم..ضغط عليهم

بيولد عندهم الانفجار..الله يستر ما يكونون عيالنا هم الضحية

[روضة]

التمدرس ظاهرة عالمية وتعني في لغة غير المتقعرين أن نتعود على الظاهرة المدرسية وندمنها حتى لو لم نتعلم فعلاً من المدرسة تماماً كما يحدث اليوم مع كل أطفالنا ..التسطيح العقلي والإنساني الذي يتعرض له الطلاب كل يوم ورغماً عن ذلك لا نملك خيار عدم ذهابهم للمدرسة إذ إننا يجب جميعاً أن نذهب للمدرسة سواء تعلمنا أم لم نتعلم!

[OTOsan]

ياااازين االلي (مـركـلــس ) .. لايدري عن اجازة ولا تهمه الا اجازته هو :)


الله يكون في عونكم يارب .. وان شاء الله مثل ماكان في توحيد للرواتب .. يجيكم توحيد اجازات :)

يعطيج العافيه اختي هتان ،،

[هتـان قطر]

التمدرس ظاهرة عالمية وتعني في لغة غير المتقعرين أن نتعود على الظاهرة المدرسية وندمنها حتى لو لم نتعلم فعلاً من المدرسة تماماً كما يحدث اليوم مع كل أطفالنا ..التسطيح العقلي والإنساني الذي يتعرض له الطلاب كل يوم ورغماً عن ذلك لا نملك خيار عدم ذهابهم للمدرسة إذ إننا يجب جميعاً أن نذهب للمدرسة سواء تعلمنا أم لم نتعلم!


مساكين عيالنا ..لازم يتمدرسون والا بيتفنشون :nice:

روضة تسلمين على هالاضافة الرائعة..

فعلا عيالنا من سن 4 سنوات الى 18 سنة يقضونها في الدراسة

سواء استفاد او لم يستفيد المهم انه في مدرسة ..يتمدرس

[هتـان قطر]

ياااازين االلي (مـركـلــس ) .. لايدري عن اجازة ولا تهمه الا اجازته هو :)


الله يكون في عونكم يارب .. وان شاء الله مثل ماكان في توحيد للرواتب .. يجيكم توحيد اجازات :)

يعطيج العافيه اختي هتان ،،



الله يطول في عمرك وتعيش الوضع اللي عشناه مع عيالك

بس خسارة بيوحدون الاجازة من السنة الجاية يقولون << حسد :)

[OTOsan]

الله يطول في عمرك وتعيش الوضع اللي عشناه مع عيالك

بس خسارة بيوحدون الاجازة من السنة الجاية يقولون << حسد :)

الله يعطيج الصحه والعافيه يارب ..


عاد انا باركلس حول السنتين .. وماتدرين اشبيصير في هالسنتين ..

يمكن يشطبون المدارس ويردون نظام تدريس المطوع :secret:

[هتـان قطر]

الله يعطيج الصحه والعافيه يارب ..


عاد انا باركلس حول السنتين .. وماتدرين اشبيصير في هالسنتين ..

يمكن يشطبون المدارس ويردون نظام تدريس المطوع :secret:



ههههههه ما اعتقد ..مطوع عاد..؟

هم قاعدين يحابون اللغة ودروس الشريعة

كيف بالله بيرجعون للمطوع..؟

في كل الاحوال..التعب في الغالب على الام

انت خلك مركلس على طول :)

[فلفل حار]

يازيــن العزوبيـــه ....:telephone:





الله يعينكم ان شاء الله ....:)

[هتـان قطر]

يازيــن العزوبيـــه ....:telephone:





الله يعينكم ان شاء الله ....:)



الكل يعاني...:(

الله يكون في عون الجميع

[moonبنتnight]

مشكلة كل سنة 00

مادري نظام الدوام 180 يوم طبعاً بدون أجازة ( الجمعة والسبت ) أيش الحكمة فيها 00

عيالنا ما بيطلوعون عباقرة أذا ادرسوا أكثر 00 صيف وحر وبلدهم غير عنا مطر وبرد ورعد ياخذون أجازة 00 أهم يهتمون بعطلة الصيفية 3 شهور يتعلمون فيها 00 أما عندنا كانهم دوام موظفين بس لا يدرسون ولا شي خلص المنهج قاعدين يلعبون 00

أن شاء الله يوحدون العطلة نهاية السنة مثل ما وحدو بداية السنة الدراسية وعطلة الربيع 000

[الخارجية]

الله يهديهم ويصلح بالهم وقول اميييييييييين

[هتـان قطر]

والله توني اليوم افكر بهالموضوع....

من خمس سنين واجازاتي كلها مهب متوافقه مع اجازات اهلي

<<<في ناس يبون يسافرون مهب عارفين<< خلص الاكسباير ديت ابي اجدد

الطاقة :weeping:

وين يوم كنا صغار كل اهل قطر يعطلون مع بعض :( اجازة شهرين...الناس

يحسون انهم يعيشون ويرتاحون من الحر ودوشة المدارس والشغل ....نسافر مع الاهل

واهل الاهل...والجيران...واهل الجيران... مصر والا لندن:(....

نسوي مخيم لاجئين في الشقق:) من كثرنا ووناستنا...الحين الاسرة الوحده

مهب عارفه تلتم على بعضها :(......نسافر نص....والا ربع.....يومين

والا اسبوع....عن العين والنفس......اونه ترفيه....ماتسوي شي في هالحر :(

يارب يوحدون الاجازات يارب:(

تحية


صادقة الشايمة اختلفت الاجازات والبركة في تنوع المدارس

ضاعوا الاهل بين الحكومية والمستقلة والخاصة

المدارس الخاصة مختلفين اختلاف كلي عن الباقين

حتى عطلة الربيع وطلعات البر اصبحت صعبة على الكثيرين

لابد ان يراعي المسؤولين هذه النقاط..ولابد يحلون هذه الاشكالية

تحية :)

[هتـان قطر]

عقبـ ما درسوا قانونـ الموارد البشريهـ وخلصوا وبطوا مرارة الناسـ

قالوا بندرسـ قانونـ توحيد اجازات المدارسـ .. بسـ متى بتبتديـ الدراسهـ مادريــ !!


اي دراسة..هم على طول ينفذون بدون دراسة وبدون تخطيط..!!!!

[الطيبة كلها]

من سنين نطالب بتوحيد الاجازات بس عمك اصمخ

[امل الحب]

هتاان..

شكااوي كل سنة تتكرر.. ولكن هل حلوها؟؟

ولا بيحلونها ..

خلج كوول وطنشي الحيااة وتكيفي مع الوضع :)

[الزاجل]

عندي حل

امنعي عيالج من المدارس..

بتكون ايامهم كلها وحدة

يسهرون مع بعض ويقعدون مع بعض..:shy:....>لحد يتهور ويفلعنا بملاس ..:shy:

[هتـان قطر]

من سنين نطالب بتوحيد الاجازات بس عمك اصمخ


:telephone::telephone:



هتاان..

شكااوي كل سنة تتكرر.. ولكن هل حلوها؟؟

ولا بيحلونها ..

خلج كوول وطنشي الحيااة وتكيفي مع الوضع :)

صدق من قال ان المرأة كالحرباء ..تتشكل كيفما تشاء

:nice:




عندي حل

امنعي عيالج من المدارس..

بتكون ايامهم كلها وحدة

يسهرون مع بعض ويقعدون مع بعض..:shy:....>لحد يتهور ويفلعنا بملاس ..:shy:


:sneaky::sneaky::sneaky: