استفتاء ومشوره البنوك الاسلاميه [الأرشيف] - منتديات شبكة الأسهم القطرية

مشاهدة النسخة كاملة : استفتاء ومشوره البنوك الاسلاميه

بتال

15-06-2009, 06:06 AM

السلام عليكم ورحمة الله وبركاته

اخواني بغيت نصايحكم في افضل البنوك الاسلاميه في قطر

من حيث نسبة الارباح والتعامل المصرفي مع العميل

وشكرا

_QTR_

15-06-2009, 10:34 AM

مرحبا اخوب

انا على وشك اني انقل من البنك التجاري

وشكلي بروح الوطني الاسلامي لاني سمعت انه اوكي وخدماته طيبة

الفتى

15-06-2009, 10:47 AM

أنا كنت في الدولي وكان زين من حيث التعامل - ولو أنه شوي متأخر عن باقي البنوك

و حالياً بالمصرف و مرتاح ^_^ لأن واحد من الربع يداوم هناك

منفعل

15-06-2009, 01:41 PM

انا عن نفسي ماتعاملت مع بنوك اسلامية مع ان ودي احول للاسلامي..

بس على اللي اسمعه من الشباب انهم وايد مرتاحين من الوطني الاسلامي لسهوله التعامل, بس يشتكون من العمولات, يعني تقريبا ً على كل شي عموله.

الحين احس التوجه صار نحو التعاملات المصرفية الاسلامية وهذا شي طيب....بس احس انهم توهم على بداية الطريق ونتمنى انها تتطور في الفتره الجايه.

fhd4

15-06-2009, 01:47 PM

شوف الله يسلمك ... أقدر أقولك مستحيل تحصل جواب شافي لسؤالك ... لأن لكل بنك مزايا وعيوب ...

وصدقني أكثر الاراء ما راح تخرج عن حالتين ...

واحد يمدح لك بنك لأنه حسابه فيه ...

وواحد يذم نفس البنك بعد لأنه حسابه فيه ...

ومثل ما قالوا الاخوان ممكن تحصل واحد مرتاح في بنك لأسباب كثيرة منها انه يعرف ناس في البنك ... وتحصل واحد ثاني كاره نفس البنك ...

الموضوع يعتمد عليك ... واذا تبي رايي بصراحة .. اذا تعرف أحد يشتغل في بنك افتح حسابك عنده ... :victory:

PoBox

15-06-2009, 01:49 PM

*
*
*

كل بنك له مزايا مختلفة وحسب المواقف اللي حصلت لك معاهم راح تحكم

شخصيا جربت ( كل) البنوك الاسلامية في قطر

وفرع الوطني الاسلامي

وفي النهاية قلت قديمك نديمك ولو الجديد اغناك

رجعت لمصرف قطر الإسلامي بعد فتح خدمة المصرف نت وتطوير الكول سنتر وآخر حلاوة

قطر love

15-06-2009, 01:50 PM

انا انصحك ب المصرف اكثر الشباب يمدحونه

QaTaR_OnE

15-06-2009, 01:51 PM

يقولون المصرف اقل نسبه فايده في البنوك الاسلاميه

فلفل حار

15-06-2009, 01:51 PM

فلفل حار

15-06-2009, 01:53 PM

مرحبا اخوب

انا على وشك اني انقل من البنك التجاري

وشكلي بروح الوطني الاسلامي لاني سمعت انه اوكي وخدماته طيبة

اخــوب....:eek5:

الشيخ بسألك .... أيش الخدمات الحلوه ألي بالوطني الاسلامي ..؟!

:telephone:

لاني بالوطني وافكر احول للمصرف بس قلت بالمره بسألك شكلك خبره ما شاء الله عليك....:discuss:

والله يعطيك العافيه .... :)

م. عبدالعزيز

15-06-2009, 03:53 PM

المصرف ماشاء الله ممتاز وعنده فروع كثيييييييييييييييييره

رجل الجزيرة

15-06-2009, 07:50 PM

وأنا في المصرف من على أيامه في الغرافة لين الحين ولا أطلع منه، الصراحة خدمته معي ممتازة.

بتال

18-06-2009, 02:09 AM

اشكركم اخواني جميعا

انا حاليا غي الوطني الاسلامي وبانقل للمصرف لاني درت جميع البنوك الاسلاميه وبالدراسه والمقارنه اخترت المصرف وراح اقول لكم الاسباب

جميع البنوك تتفق في نقاط اساسيه كثير من حيث الخدمات ولاكن ،، الفرق في النسبه والاختيارات

مثال الوطني الاسلامي يعطيك سياره ولاكن مرهونه ؟؟ المصرف لا غير مرهونه ونسبة الفائده اقل
جميع البنوك الاسلاميه تتفاوت سعر الفائده عندها في التمويل الاسهم او السياره واقلها ربحية المصرف
هذا مالمسته من جولتي للبنوك الاسلاميه في قطر
والف شكر للوطني الاسلامي ولاكن ابحث للافضل

اكثر واحد جرب البنوك انا البداية كانت بالربا والحمدلله اللي اعانني على ترك حرامه لحلاله
بدايتي كانت من البريطاني - ستاندر- الوطني - الاهلي - الوطني الاسلامي - واخيرا المصرف الله يبارك ان شاء الله

اخواني نصيحة مجرب اتركوا الرباااااااااا مهما كان الامر والنقل للبنوك الاسلاميه لكي يبارك الله لكم
وان ماقدرت اخي العزيز فجعل نيتك النقل وترك الربا وطلب رب العالمين بخشوع ان يخلصك من الدين والربا

وفقكم الله جميعا لما يحب ويرضا

سوق واقف

18-06-2009, 02:42 AM

السلام عليكم ورحمة الله بركاته
الصراحه أنا في التجاري والحمد الله وابي أترك التجاري واحول على بنك اسلامي ولكن البنوك الإسلامية صعبة في التعامل يعاملونك بسوء جدااا الصراحه جربت المصرف معاملتهم كانت سيئة معاي تطلب شيء كأنك تطر منهم يحسسونك بأمور غريبه ... أتضايق أذا أدخل عندهم ..... يعني أذا تعرف موظف في البنك أمورك سهالات واذا ما تعرف الله يعينك ....

مثال : البنك التجاري أذا تعرف أحد تاخذ كل شيء بلاش مثل شهادة ر اتب واذا ماتعرف أحد الله يعينك تدفع

أذا تعرف أحد في البنك ما يخصمون من راتبك 20 ريال أذا مافي فلوس في الحساب بس ياخذون 10
يعني أمور كثيرة في البنك التجاري وصارلي 9 سنوات ولكن أيام قليلة راح أنتقل الى الوطني الإسلامي أشوف الكل يمدحه الصراحه .... و بنتظر بنك بروه أو الريان إن شاءالله