المساعد الشخصي الرقمي

مشاهدة النسخة كاملة : نيسان ارمادا ضد لكزس فوروييل الجديد


HAMAD2008
15-06-2009, 07:02 AM
السلام عليكم:
المكينتين 5,7 ...بس من يروح فالقومه والخط..يقولون الارمادا قوي جدا....سؤال وابي اعرف اجابتة باختصار

شكرا
بوعبدالله100
15-06-2009, 07:27 AM
اسئلني محد قالي .. والله الارمااادا موتر موو صاحي ... رايح فيه العديد على ايام التخييم والله تقول راكب ملز موو مووتر مشالله .. من كثر مااهو مريح رقدت في الرجعه .. ويدخل اي مكان مشالله كوسيلة عبور موو استعراض ومااادري شنو .. واظن مستواه مثل الهمر الكبير من الفئه الجديده 2008 و 2009 مشالله عندي وااحد وتقريبا نفس المستوى بس يفرق الهمر عزمه وييين وااايد وااايد عجيب... واللكزس اهو زين مااقول موو شي بس يااخوي انت تشتري موتر حول ال 400 الف وماتحصل سيرفس شالفايده ؟؟!! والي بيقولي التيسير وغيره ماسوينا شي .. ياريال حتى اذا بغيت تستلم سيارتك من عندهم يقط عليك المفتاح كنه الواحد صبيهم ويقولك شفت الحوطه ... رح دور موترك ...!!! وك سيفتي معروف سيفتي الياباني على طوول الشارع الثاني:rolleyes2: وفي القومه بيفرق اللكزس بس بتحصله نهاية الخط مقلوب ولا تاايره فارط او مفوشح .
HAMAD2008
15-06-2009, 07:39 AM
اخوي بوعبدالله...مشاركتك حلوة وعن تجربة...بس ابي على الاقل شخص مجرب مع اللكزس الجديد لان ابي اعرف صج اللي ينقال عن الارمادا ولا كلام بس ..يعني قصدي اشاعات

شكرا
راعي العشوا
15-06-2009, 08:00 AM
الله يوفقكم
مهاجر
15-06-2009, 08:00 AM
مافي مقارنه بين اللكزس والارمادا

الارمادا امريكي وشكل ومكينه وبس حتى التكييف لك عليه لكن اوبشن وراحه طبعا اللكزس افضل بواااااايد
ولا تفكر في الموتر عالقومه والخط اهم شي يريحك في السواقه ومن مشاكله
بوعبدالله100
15-06-2009, 08:02 AM
اخوي بوعبدالله...مشاركتك حلوة وعن تجربة...بس ابي على الاقل شخص مجرب مع اللكزس الجديد لان ابي اعرف صج اللي ينقال عن الارمادا ولا كلام بس ..يعني قصدي اشاعات

شكرا

يااا ريال اللكزس ياات على قومته .. ساحب ثلاث لكزس جداد بقراطيسهم ويوم اسئل الريال منسم ..يقولي اي والله بس ماادري اشفيه ماايمشي على قولته فيه انظمة زحف عااد انه يزحف على الرمل لا يشتغل ولا شي .. لا صج الارمادا مااعليه كلام موتر رفسه وعزم وعلى الخط مثل الامريكي لايعلا عليه.
فلفل حار
15-06-2009, 10:21 AM
شنــاوي عليـــه ياراعــي الموضــوع ...! :pic:
بو نايف
15-06-2009, 10:26 AM
شوفت كذا ارمادا محترق من قدام من عند المكينه

يقولي واح انه اذا صارله حادث شوي قوي من الاما على طول يشب ..


وبعدين الموتر امرييييكي !!! يعني خذ راحه وخربااااات ..


سلااااام
HAMAD2008
15-06-2009, 10:28 AM
شنــاوي عليـــه ياراعــي الموضــوع ...! :pic:
احم احم.......ها ...يمكن
فلفل حار
15-06-2009, 12:40 PM
احم احم.......ها ...يمكن

:stop:
على نياته
15-06-2009, 12:44 PM
مكينة اللكزس صح 5.7 لكن الارمادا راجع معلوماتك .
bofahad5080
15-06-2009, 07:18 PM
سمعت من واحد من الربع وياي في الشغل وهو عنده ارمادا بس ما ادري اي موديل !!
انه جرب مع لكزس وكان الكزس متقدم شوي !!!

والله اعلم
bo sltan
16-06-2009, 01:59 AM
أخوي تبي تشوف بعينك من الأقوى دش على اليوتيوب وأكتب أرمادا أو قومة أرمادا

جرب بالعربي وبالأنجليزي بيطلعلك كم مقطع وأحكم

وعلى فكره لاتنسى بعد الدينالي أقوى من الكسز والأرمادا بس الناس مايدرون عن هذي

المكاين القويه عامي أعيونهم مواتر عبدالغني ألي لافيها سيفتي ولاصيانه عدله
Q-Q
16-06-2009, 05:23 AM
هدوووووووووووووووووووووووووووووووووووووووووووووووو وووووووووء

لا امريكي ولا خرابيط انا جربت الامريكي 2008 بصراحه قمه المسخره والصيانه تعبااااااااااااااااااااااااااااانه لو يعرضون علي الامريكي ب1000 والياباني ب 100000 اخذ الياباني بدون تفكير

يكفيك ان اذا اخذته وسافرت مع اهلك مايتعطل عليك على الخط ويبهدلك
صاحب صديق
16-06-2009, 06:19 AM
الارمادا 5.6 لتر