الفزعه ياجماعه

[قطري فلته]

السلام عليكم

يا ربع بسالكم عن تركيا اشلون الاوضاع

كيف الجو تصلح لعائله وابي سكن اوكي نبي الى جربو تركيا

عاد يقولون الله ولغه الى عندهم هاي وهقه اشلون اتفاهم معاهم

اشلون سياحتها كلمت الى فى ميلس ماحد راح لها عاد ما لقيت الا انتو ما تقصرون

[ماجد البدر]

تركيا بلاد كبيرة

ويختلفون اهلها بختلاف المناطق

اكثر الناس الي راحوا اسطنبول تمللوا من الحر برغم من ان اسطنبول فيها المتاحف والاسواق وكل ماهو طيب ولكن الحر ممل بعض الاحيان كذلك اسطنبول فيها من كل نوع من البشر واكثرهم مش طيبين واخلاقهم تعبانه البعض وليس الكل

الافضل ان نجعل اسطنبول محطة لتحركنا في تركيا يعني
اسطنبول نقعد فيها يوم بس ونستريح او يومين وبعدها نشد الرحال بطيران داخلي الى شمال تركيا طربزون المكان و الزمان و الجو مختلف واخلاق اناس تختلف وكلما دخلتوا القرى الي على ضفاف الجبل البحر الاسود كلما شاهدتوا الناس على طبيعتهم من محبة للعرب وحبهم للمساعدة ولكن تبقى اللغة عائق كبير بينا
ولكن مافيه اي مشاكل دام النفس طيبة واغلب المشاكل هي في اسطنبول

طربزون هي المدينة الكبيرة منها قرية اوزنجول اجمل مناطق الدنيا
و
حيدر نبي
و
سلطان مراد
كلها اماكن عائليه بكامل الحشمة ماتشوفون فيها اي مشاكل ان شاء الله غير السكن بس لو تقدرون تاكدون عليه يكون خلصت المشاكل الي عندكم

الاماكن التابعة لمدينة طربزون

سلطان مراد تركيا
http://www.qatarshares.com/vb/showthread.php?t=263569



قرية كيكرا تركيا 2008
http://www.qatarshares.com/vb/showthread.php?t=264625


الطريق الى تركيا اوزنجول 2008
http://www.qatarshares.com/vb/showthread.php?t=262495

[قطري فلته]

بو جاسم كفيت ووفيت ما قصرت صراحه متردد بين تركيا ولبنان وعلى علم مافى فرق على سعر التذاكر بين لبنان وتركيا بس انا سمعت لبنان انصحوني ما تصلح للعوائل قلت تركيا والله ما يندري انا الحين متردد بس مشكور على المساعده اخوي

[قطريه فديتني]

اخوي شوف منتدى العرب المسافرون بتستفيد منه واااااااايد
في عن تركيا وعن لبنان وعن دول وايد

[قطري فلته]

قطريه فديتني ادري عن الموقع بس حبيت استفسر هني ليش اروح منتدي ثاني وهني مايقصرون

[فزعـــــ قطر ـــــة]

http://www.uaekeys.com/fwasel/www.uaekeys.com27.gif
تبين الصرااحة كل اللي يرووحووون تركيا ينجنون عليهاااا والمناظر الساحرة وشعبهم حبووب .. حلوه حق العوايل والجو حلو في هاالوقت من 20 الى 25 والمشاوي والحلويااات تقريبا مثل لبنان وأحلى..واذا على اللغة فيه اهناك سواقين يتكلمون عربي يعني امهونه
http://www.uaekeys.com/fwasel/www.uaekeys.com27.gif

[ماجد البدر]

مافيه مقارنه بين لبنان وتركيا من ناحية الامن ولامان وراحتك مع اهلك
خاصة في الاماكن الي ذكرتها لك ناهيك عن ان اليهود حسبي الله عليهم لابد من ان يكسرون حاجز الصوت فوق بيروت كل سنة خاصة في الصيف لترعيب الناس
وهذي سياسة متبعه في كل صيف

و القرار لك

[قطريه فديتني]

ادري اخوي مايقصرون الاخوان بس حبيت افيدك لانه هناك في تقارير وايد ممكن تستفيد منها

[ماجد البدر]

شكرا للجميع لمن افاد و استفاد من الموضوع

[فلفل حار]

ان شاء الله يفيدونكـ الاعضاء ... :)
تروح وترجع بالسلامه ... ^-^

[Miss]

انا رحت تركيا العام .. حلوووة وفضيعه وشعبها ما عليه كلام .. بس لغتهم الاساسيه التركيه ..
احنا كنا مأجرين سياره مع دريول يتكلم عربي وكانت رحله حلوة بس غلطنا غلطه ..
احنا قبل ما نسافر حولنا فلوس لليره.. ويوم جينا تركيا وبغينا نحول بعد قالوا ما فيه تحويل اي عمله خليجيه الا الريال السعودي ودريولنا قال انه يعرف واحد بعيد شوي يحول فلوس قطريه .. وعطيناه 2000 قبل ما نرجع للدوحه بيومين وللاسف نصب علينا وسرقهم .. يعني حاسب من السواقين العرب هناك