جدول مقاربة الدرجة المجمعة الكلية لنتائج الشهادة الثانوية المستقلة ....غير منطقي

[طواش]

كيف حسبت النسب المئوية في الجدول التالي ؟؟؟

http://www.education.gov.qa/EVI/QSSC/Refrence_Scale.pdf


هل هناك طريقة حساب نسب مئوية جديدة لا نعلم عنها ؟؟؟؟

رجاء الإيضاح ممن لديه المعرفة أو الإطلاع .

[طواش]

كيف حسبوا النسب في هذا الجدول العجيب الغريب ؟؟؟؟؟؟؟

[طواش]

هذا الجدول لو كان قد وزع على المدارس وأولياء الأمور والطلبة من بداية السنة الدراسية

لكان وقع النسب أخف على الجميع .

أما أن نفاجأ بذلك بعد إعلان النتائج فهذا أمر غير مقبول .

[قطريه ماركه]

هاااااي فنتك من فناااااااتك المدارس المستعله *__^

[طواش]

هاااااي فنتك من فناااااااتك المدارس المستعله *__^

المدارس ما لها دخل ، هاذيه محدده المجلس الأعلى للتعليم .

[الـقـاسـي]

مالت عليهم المستقله .. انا حسبت درجه اخوي طلعت 97 استانست وبشرته وهو مسافر كان بيرد .. ولما قريت موضوعك حصلت درجته 87% المسكين احس انهاار ..

[طواش]

مالت عليهم المستقله .. انا حسبت درجه اخوي طلعت 97 استانست وبشرته وهو مسافر كان بيرد .. ولما قريت موضوعك حصلت درجته 87% المسكين احس انهاار ..

أخوي :

إحنا ما نبي ندعي على أحد لكن نبي نفهم كيف طلعوا هاذي النسب .

يا يقنعونا يا نقنعهم .

[A7med]

فعلا اكثر من شخص عندنا في الاسره منصدم من نتايج عياله

يقرا شي وبالحسبه يطلع شي !!

[طواش]

فعلا اكثر من شخص عندنا في الاسره منصدم من نتايج عياله

يقرا شي وبالحسبه يطلع شي !!

والحل ؟؟؟؟؟

[saranay1]

بعلم علماء الرياضيات
والمعادلة المعترف بيها عالميا
الدرجة × 100
الناتج ينقسم على المجموع الكلي واللي هو 990
اما المعادلة الجديدة للمجلس الاعلى .. الله يعلم عنهم
بس اعتقد انهم خاصمين من كل شخص 5%
تعلموا من الدولهليما خصمت معاشات بعض المواطنين
من يقدر يحاسب من .. ؟ لا احد
حسبي الله عليهم
الله لا يفرحهم اللي خسسوا في اعيالنا
انا عن نفسي .. خذت بالمعادلة المعترف بيها عالميا .. واللي درسناها من نحن صغار .. واللي يدرسون اعيالنا الحين ..

[صمت القلوب]

بصراحه انا بعد ابي افهم ....اخوي مطرشين له مسج يقولون له انه في الثمانين ....والبعض طلعو نسبته (بالحسبه المجهوله ...او الغير معروفه القيمه) وطلعت سبعينات ....يعني اي نسبه نااااخذ ؟؟؟؟!!!!!!

[بنت سعادة السفير]

السلام عليكم ورحمة الله وبركاته
اسمحلي على المداخله ياراعي المووضوع
وحبيت اعطيكم توضيح لجدول مقاربة الدرجة الكلية لنتائج الشهادة الثانويه المستقله ....

http://www.up.qatarw.com/get-6-2009-mo20iibt.jpg (http://www.up.qatarw.com)


http://www.up.qatarw.com/get-6-2009-xklsqu6u.jpg (http://www.up.qatarw.com)

المصدر
* موقع المجلس الاعلى للتعليم

[بنت الحرمي]

أمر يدعو للسخرية

رئيس لجنة التقييم في المجلس الأعلى للتعليم

لا يعرف كيفية حساب الدرجات وما يعدلها بالنسبة المئوية الآن على وطني الحبيب

وانما قال للمذيع الرجاء الاطلاع على جدول مقاربة الدرجات

اعتقدت اتضحت الصورة

:secret:Enough Talking

[الزاجل]

أمر يدعو للسخرية

رئيس لجنة التقييم في المجلس الأعلى للتعليم

لا يعرف كيفية حساب الدرجات وما يعدلها بالنسبة المئوية الآن على وطني الحبيب

وانما قال للمذيع الرجاء الاطلاع على جدول مقاربة الدرجات

اعتقدت اتضحت الصورة

:secret:enough talking

بنت الحرمي..

الجدول هذا معمول به من ثلاث سنين ..

هل معقولة مديري ومديرات المدرسة ما نبهوا طلابهم؟

هل معقولة في السنة الثالثة
الطلاب يضربون المجموع في 100 يقسمونه على المجموع الكلي؟

مع ان هالنظام معمول به في المجلس الأعلى من اول سنة تم فيها
تطبيق امتحانات المجلس الأعلى ؟

هالسنة صارت كل هالضجة لأن النسب مب مثل ما توقعوها
فوق 90% للكثيييييييير من الطلاب..

المتفوق واللي قدر يحل امتحانات المجلس الأعلى حافظ على نسبته فوق 90%
لكن اللي كانت نسبهم 95 و93 و94 في امتحانات المدارس
واللي عليها فقط 40%

وما اقدروا يحلون امتحانات المجلس الأعلى انضروا بشكل كبير..

ما اعتقدوا انهم انضروا اكثر مما ان هذي هي مستوياتهم الحقيقية
التي غطتها امتحانات المدارس السهلة ..

[عيون راشد]

والله حرام العب فعيالنا لعب حسبي الله ونعم الوكيل
لا اله الا انت سبحانك اني كنت من الظالمين

[بنت سعادة السفير]

أمر يدعو للسخرية

رئيس لجنة التقييم في المجلس الأعلى للتعليم

لا يعرف كيفية حساب الدرجات وما يعدلها بالنسبة المئوية الآن على وطني الحبيب

وانما قال للمذيع الرجاء الاطلاع على جدول مقاربة الدرجات

اعتقدت اتضحت الصورة

:secret:enough talking


مع احترامي لج اختي ياليت رئيس لجنة التقييم في المجلس الأعلى للتعليم يقرى ردج ف المنتدى ، وبيعرف يرد عليج عدل :)

[قلب صادق]

الصدمة والترويع في نتائج الثانوية المستقلة والجدول العجيب والغريب واللي مدير التقيم لم يستطع ان يحسبه او يوضح طريقه عمله او شرحة كم بينت الاخت سارة جزاها الله خير
وهنا علامة تعجب واستفهام من وضع مثل هذا الجدول وكيف سيتم احتسابه من قبل الجامعات والمعاهد والموسسات التي سوف يتقدم لها الطالب للدراسة او العمل!!!
وتسال اخي الزاجل في محله لماذا لم يكن هناك اي ضجه في السنوات الماضيه عن مثل هذا الجدول العجيب
ولماذا لم يتم توضيح مثل هذا الموضوع للطلاب واولياء الامور وتوعيتهم من المدارس والمجلس الاعلى وهم الذين لا يخلوا يوم الا وهم يبعثون نشرات وكتب ومطويات وتقيم وطلبات لاولياء الامور فلماذا لم يكلفوا انفسهم شرح هذا الجدول العجيب الذي من خلاله يتم تحديد مصير الطالب ومستقبله المهني والعلمي
للاسف هذه التجربه كتب عليها الفشل واصبح التعليم في عداد الموتى
اااااااااااااااااااااااااااااااااااااااااااااااااا ااااااخ يالقهررررررررررررر

[الزاجل]

قلب صادق

تدري ليش الجدول ما سوى ضجة السنتين اللي طافوا؟

لأن السنة الأولى كان للمدرسة 60%
فنسب التفوق كانت كبيرة وامتحانات المجلس الأعلى ما أثرت..

العام كانوا النص بالنص50% للمدرسة .. 50% للمجلس الأعلى
صاروا ما بين وبين..

هالسنة 40% للمدرسة ....> وااايد طلاب صاروا عباقرة ومجاميعهم فوق 90%
مع انهم في الأول الثانوي والثاني حدهم 75%..

وكان للمجس 60%
امتحان المجلس كشف كل شي.. المتفوق حافظ على تفوقه
لكن اللي ارتفعوا بقدرة قادر.. انكشفت الأوراق ..

واللوم بيكون على الجدول اللي هالسنة بس صار عوي وغلط
والعام واولت العام كان عسل ومقبول ..

[w.qatar]

صراحه اليوم انصدمت من هذا اللي مستظيفينه في وطني الحبيب زين يعني هالجدول منزل من السماء ما له اي طريقه عشان تعطينا المعادله واحنا نحسب بنفسنا ؟؟؟

المذيع حسن الساعي الله يعطيه العافيه حكر له كذا مره وفشله كذا مره وذاك يضحك !!! صراحه احتريت يحطون مدراء للتعليم و التقييم و الظاهر هم حتى جدول الضرب موحافظينه ؟

[الزاجل]

صراحه اليوم انصدمت من هذا اللي مستظيفينه في وطني الحبيب زين يعني هالجدول منزل من السماء ما له اي طريقه عشان تعطينا المعادله واحنا نحسب بنفسنا ؟؟؟

المذيع حسن الساعي الله يعطيه العافيه حكر له كذا مره وفشله كذا مره وذاك يضحك !!! صراحه احتريت يحطون مدراء للتعليم و التقييم و الظاهر هم حتى جدول الضرب موحافظينه ؟

هل بالضرورة مدير الموارد البشرية يلم بالأمور الحسابية ؟


الجدول مب منزل من السما..

الجدول له طريقة المفروض يستشيفون شخص يقدر يشرح لنا
اشلون تم حساب النسبة..

اما انهم ما يعرفون جدول الضرب
ما اعتقد انه مب حافظ جدول الضرب..:eek5:

الا بالمناسبة الشخص اللي استضافوه
السيد عادل السيد ؟

[فني]

هل بالضرورة مدير الموارد البشرية يلم بالأمور الحسابية ؟


الجدول مب منزل من السما..

الجدول له طريقة المفروض يستشيفون شخص يقدر يشرح لنا
اشلون تم حساب النسبة..

اما انهم ما يعرفون جدول الضرب
ما اعتقد انه مب حافظ جدول الضرب..:eek5:

الا بالمناسبة الشخص اللي استضافوه
السيد عادل السيد ؟


يا الزااجل انت تلمع هالمجلس على الرغم من كل عيوبه، أتق الله يا أخي

في ذمتك هالديباجه التعريفية بالجدول شتفهم منها:


يراعي برنامج الشهادة الثانوية العامة للمدارس المستقلة منهجية علمية لاستخراج الدرجة المجمعة الكلية للشهادة الثانوية العامة للمدارس المستقلة والتي نتعرف عليها ضمن المعلومات المتعلقة بالشهادة بهذا المجال من خلال جدول المقاربة التالي

والله عيب.......

اذا كلام ما يعرفون يكتبونه ما تبينا نشكك في كفآتهم. مؤتمر وحاله وحرق اعصاب وحاطين واحد متشدق يبون يرونا ان هالمجلس كله تعاملهم بالكمبيوتر..........

[المقهوره]

انتوا لين الحين تقولون الجدول ولا الطريقه التقليديه في الحساب


ياجماعه عطيتك الموقع موجود فيه الجدول اكثر من كذا شتبون

[المقهوره]

هذا الموقع

http://www.education.gov.qa/section/sec/evaluation_institute/qssc

جدول الدرجات على الجهه اليمنى


جدول مقاربة الدرجة المجمعة الكلية

[الزاجل]

يا الزااجل انت تلمع هالمجلس على الرغم من كل عيوبه، أتق الله يا أخي
في ذمتك هالديباجه التعريفية بالجدول شتفهم منها:
والله عيب.......
اذا كلام ما يعرفون يكتبونه ما تبينا نشكك في كفآتهم. مؤتمر وحاله وحرق اعصاب وحاطين واحد متشدق يبون يرونا ان هالمجلس كله تعاملهم بالكمبيوتر..........

ابدا ما لمعت يا فني..
ولا راح المع..
كلامي هو الواقع..
فسر لي انت الإعتراض على الجدول هالسنة بالذات؟

مع انه نفس الجدول استخدم العام و اول العام؟

ليش ما كان عليه اعتراض؟

هل مجلس الأعلى تغير ؟

والا في شي برز على الساحة اثبت ان الجدول غلط ؟

ليش الجدول ما كان غلط يوم المدرسة كان لها نسبة 50%
و نسبة 60%
واليوم الجدول غلط يوم صار للمجلس 60% وللمدرسة 40%؟

بكل بساطة لأن النسبة هي اللي بينت مستوى الطلاب
مب الجدول ..

تحية لك ..

[بو نايف]

حسبنا الله ونعم الوكيل


والله ما عندهم ساااااالفه حتى الحسبه غيروها عشاان الناس تقل درجاتهم



والحبيب ما يعرف شلون الحسبه !!!!!!!!!!!!!!!!!!!! اهم شي ينزلون وشوووفوا الجدول


والله عييييييييييييييييب يا مجلس يا اعلى !!!!

[طواش]

السلام عليكم ورحمة الله وبركاته
اسمحلي على المداخله ياراعي المووضوع
وحبيت اعطيكم توضيح لجدول مقاربة الدرجة الكلية لنتائج الشهادة الثانويه المستقله ....

http://www.up.qatarw.com/get-6-2009-mo20iibt.jpg (http://www.up.qatarw.com)


http://www.up.qatarw.com/get-6-2009-xklsqu6u.jpg (http://www.up.qatarw.com)

المصدر
* موقع المجلس الاعلى للتعليم

أخت سارة :

موقع المجلس نعرف ندخل عليه وأعتقد إن لغتنا العربية كافية حتى نقرا المكتوب فيه ،

لكن خلي الجدول على صوب وشرحي لنا الموضوع المفاجىء للمدارس قبل الأهالي والطلبة .

شرحي لنا الجدول بدون ما تحطين الجدول .

أختي :

هيئة التقييم ما احترمت عقول الناس ولا مجهودات المقيمين على المدارس ولا مجهودات

الأهالي والطلبة .

لو كانت محترمة عقول الناس كان طرحت عليهم هذا الجدول من أول العام الدراسي .

هيئة التقييم تعاملت مع المدارس والأهالي والطلبة بسياسة الأمر الواقع وهذا يتنافى مع

سياسات الشفافية والمصداقية والاستقلالية التي على أساسها أنشأت المدارس المستقلة .

أختي :

ما قامت به هيئة التقييم غير مبرر وحركة إدارية متعالية موغلة في البيروقراطية .

[الزاجل]

طواش..

اشلون الجدول مفاجئ؟

هل هذه اول سنة يتم تطبيق الجدول فيها ؟

[طواش]

طواش..

اشلون الجدول مفاجئ؟

هل هذه اول سنة يتم تطبيق الجدول فيها ؟

نعم هذه أول سنة ، حتى إدارات المدارس في ذهول من الموضوع .

[الزاجل]

نعم هذه أول سنة ، حتى إدارات المدارس في ذهول من الموضوع .

قارنت ما بين مجاميع عيالي والنسب اللي حصلوا عليها
اطلعت مطابقة للجدول.. مع انهم خريجي العامين السابقين ..

فاشلون مديري المدارس منصدمين ؟

فلو طلعت النسبة بالطريقة التقليدية نسبهم بتكون اعلى..

فاشلون تقولون انها تطبق الطريقة هذه لأول مرة ؟

[طواش]

وهناك من يرد على من سيذهب للدراسة في الخارج بأن حساب النسبة سيكون بالطريقة

العادية .

أما طلاب الداخل واللي بيدخلون الجامعات في قطر فنسبهم بتكون على حسب الجدول (الفارق ) .

يعني :

النتيجة لها قلبة وعدلة ، طرة وكتبة .

لا حول ولا قوة إلا بالله العلي القدير .

[طواش]

قارنت ما بين مجاميع عيالي والنسب اللي حصلوا عليها
اطلعت مطابقة للجدول.. مع انهم خريجي العامين السابقين ..

فاشلون مديري المدارس منصدمين ؟

فلو طلعت النسبة بالطريقة التقليدية نسبهم بتكون اعلى..

فاشلون تقولون انها تطبق الطريقة هذه لأول مرة ؟

إسأل من تبي وبييك الجواب .

[oxqatarxo]

هذي طلاسم المشعوذين

[طواش]

هذي طلاسم المشعوذين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

[w.qatar]

اخوي احنا شدرانا شالوضع السنتين اللي راحوا اخوي اللي تخرج هالسنه اول واحد يدش مستقله ويتخرج منها يعني ماعندنا اي خلفيه بطريقه المستقله المعقده لا تعتقد ان الولد كسلان ونسبته نزلت بالطريقه اللي في الجدول صج نزل بس لين الحين نسبته عاليه وهذا اللي استغربت منه يعني من حقنا نعرف الاليه اللي تمت لوضع هالجدول مب يحطونه بدون توضيح العمليه الحسابيه وما اظن ان الشي اللي طلبناه عيب ولا حرام من حقنا عشان نرتاح ونتاكد بنفسنا !!

[الزاجل]

إسأل من تبي وبييك الجواب .

اسمح لي يا اخونا طواش..

الجدول مطبق من ثلاث سنين مب اختراع هالسنة..

روح حاسب مجلس الأعلى للتعليم ليش مديري المدارس ما عندهم علم
ويخبرون اولياء الأمور انها حسبة يديدة وما يدرون عنها ..:omen2:

[الزاجل]

اخوي احنا شدرانا شالوضع السنتين اللي راحوا اخوي اللي تخرج هالسنه اول واحد يدش مستقله ويتخرج منها يعني ماعندنا اي خلفيه بطريقه المستقله المعقده لا تعتقد ان الولد كسلان ونسبته نزلت بالطريقه اللي في الجدول صج نزل بس لين الحين نسبته عاليه وهذا اللي استغربت منه يعني من حقنا نعرف الاليه اللي تمت لوضع هالجدول مب يحطونه بدون توضيح العمليه الحسابيه وما اظن ان الشي اللي طلبناه عيب ولا حرام من حقنا عشان نرتاح ونتاكد بنفسنا !!

من حقج.. يا توحا..

بس اللي فاقع لي مرارتي ان الغالبية من الطلاب و أولياء الأمور
يقولون انها حسبة يديدة :secret:

من حقكم تعرفون اللي لكم واللي عليكم..

بدل ما تحاسبون المجلس الأعلى حاسبوا مدارسكم
اللي اول وحدة بتنصل وبتقول احنا قلنا لهم بس هم ما يستوعبون ..

الجدول هذا معمول به من قبل سنتين وهالسنة هي الثالثة ..

[نمـر]

السلام عليكم

المفروض منا كمواطنين نشكر هيئة التعليم على هذا الجهد الذي يبذلونه في سبيل تطوير التعليم في دولتنا والله في نظري التعليم في المدارس المستقله أفضل بمليون مره من التعليم السابق وانا عندي ناس يقربون لي اشوف ايش يعطونهم ما كنا ناخذه في الثانويه وهو في ابتدائي ومستواهم ما شاء الله اقارن نفسي معاهم يوم كنت في نفس المرحله افضل مني بكثير مشكلتنا متعودين (احفظ وسمع)

وسبحان الله منتشره المقوله ( المدارس المستقله فاشله ) والله انها ناجحه نجاح كبير وانها عطت الشباب فرصه كبيره انهم ينهون الشهاده الثانويه

[الزاجل]

السلام عليكم

المفروض منا كمواطنين نشكر هيئة التعليم على هذا الجهد الذي يبذلونه في سبيل تطوير التعليم في دولتنا والله في نظري التعليم في المدارس المستقله أفضل بمليون مره من التعليم السابق وانا عندي ناس يقربون لي اشوف ايش يعطونهم ما كنا ناخذه في الثانويه وهو في ابتدائي ومستواهم ما شاء الله اقارن نفسي معاهم يوم كنت في نفس المرحله افضل مني بكثير مشكلتنا متعودين (احفظ وسمع)

وسبحان الله منتشره المقوله ( المدارس المستقله فاشله ) والله انها ناجحه نجاح كبير وانها عطت الشباب فرصه كبيره انهم ينهون الشهاده الثانويه

:tooth::tooth::tooth:

http://www.pic4ever.com/images/2lbkos0.gif

[Smart]

مع الاسف فرص وايد ضاعت على الطلاب للبعثه الدراسيه لان معظم الشركات والجامعات يطلبون 80%

[طواش]

لا تخلطون الأوراق يا إخوان ،

إحنا مب ضد المدارس المستقلة ولا ضد تطوير التعليم ،

بل على العكس إحنا نبي لعيالنا فرص تعليمية أحسن من اللي توفر لنا ، وقد توفر لنا في زماننا

الخير .

لكن الموضوع الحالي موضوع حساب النسب والنتائج ،وهيئة التقييم مطالبة بتبرير منطقي لما

قامت به من تقييم لأداء الطلبة .

1+1=2

[شكري وتقديري]

كثرت الشكوى على كل المستويات من هذا الأمر ، وأظن على هيئة التقييم أن توضح اللبس ،

أو تتراجع عن الجدول إن كان تجريبيا وأثبت عدم جدواه ، لأن الشهادة الثانوية أيا كان اسمها

تشكل منعطف طريق لمعظم الشباب من بنين وبنات .

[طواش]

السلام عليكم

المفروض منا كمواطنين نشكر هيئة التعليم على هذا الجهد الذي يبذلونه في سبيل تطوير التعليم في دولتنا والله في نظري التعليم في المدارس المستقله أفضل بمليون مره من التعليم السابق وانا عندي ناس يقربون لي اشوف ايش يعطونهم ما كنا ناخذه في الثانويه وهو في ابتدائي ومستواهم ما شاء الله اقارن نفسي معاهم يوم كنت في نفس المرحله افضل مني بكثير مشكلتنا متعودين (احفظ وسمع)

وسبحان الله منتشره المقوله ( المدارس المستقله فاشله ) والله انها ناجحه نجاح كبير وانها عطت الشباب فرصه كبيره انهم ينهون الشهاده الثانويه


احنا في الموضوع لا نناقش مدى صلاحية المدارس المستقلة ولا نرفضها ،

احنا رافضين الطريقة اللي انحسبت بها النسب المئوية .

الجدول غير قانوني وغير منطقي وغير عادل .

ترضى يا أخوي على بنتك ولا ولدك ياخذون من درجاتهم بدون وجه حق ؟؟

ترضى لهم ينظلمون وتتكسر مجاديفهم ؟؟؟

اللي سوته هيئة التقييم ظلم واضح وبيّن ولا مبرر له .

[ابن قطر]

الظاهر الحسبه ضايعه عندهم

واحلى شي يرد الشخص المسئول ويطلب الوقت الكافي ليرجع للبرنامج ليبين الحسبة وهو مال التقيم

هزلت

الله يعين اعيالنا

[طواش]

بصراحه انا بعد ابي افهم ....اخوي مطرشين له مسج يقولون له انه في الثمانين ....والبعض طلعو نسبته (بالحسبه المجهوله ...او الغير معروفه القيمه) وطلعت سبعينات ....يعني اي نسبه نااااخذ ؟؟؟؟!!!!!!

لابد من مراجعة المجلس الأعلى .

لأن الجدول لا أساس له من الصحة ولا المنطق .

[طواش]

بنت الحرمي..

الجدول هذا معمول به من ثلاث سنين ..

هل معقولة مديري ومديرات المدرسة ما نبهوا طلابهم؟

هل معقولة في السنة الثالثة
الطلاب يضربون المجموع في 100 يقسمونه على المجموع الكلي؟

مع ان هالنظام معمول به في المجلس الأعلى من اول سنة تم فيها
تطبيق امتحانات المجلس الأعلى ؟

هالسنة صارت كل هالضجة لأن النسب مب مثل ما توقعوها
فوق 90% للكثيييييييير من الطلاب..

المتفوق واللي قدر يحل امتحانات المجلس الأعلى حافظ على نسبته فوق 90%
لكن اللي كانت نسبهم 95 و93 و94 في امتحانات المدارس
واللي عليها فقط 40%

وما اقدروا يحلون امتحانات المجلس الأعلى انضروا بشكل كبير..

ما اعتقدوا انهم انضروا اكثر مما ان هذي هي مستوياتهم الحقيقية
التي غطتها امتحانات المدارس السهلة ..


هل أنت مصدق ما تقول وتكتب .

الله يهداك ويصلحك .

[طواش]

بعلم علماء الرياضيات
والمعادلة المعترف بيها عالميا
الدرجة × 100
الناتج ينقسم على المجموع الكلي واللي هو 990
اما المعادلة الجديدة للمجلس الاعلى .. الله يعلم عنهم
بس اعتقد انهم خاصمين من كل شخص 5%
تعلموا من الدولهليما خصمت معاشات بعض المواطنين
من يقدر يحاسب من .. ؟ لا احد
حسبي الله عليهم
الله لا يفرحهم اللي خسسوا في اعيالنا
انا عن نفسي .. خذت بالمعادلة المعترف بيها عالميا .. واللي درسناها من نحن صغار .. واللي يدرسون اعيالنا الحين ..

أخوي لا نريد أن ندعو على أحد ولا أن نذكر أحد بسوء ، نريد فقط حقوق عيالنا في نسبهم

التي حصلوا عليها ، لا نريد أن يخذلوا من جهة المفترض منها دعمهم بسبب أخطاء يرفض البعض

الاعتراف بها .

الخطأ من الممكن وقوعه ولكن رفض تصحيحه هو الخطأ بعينه .

[الموضوعي]

والله ياهل قطر لو تقحصون من هنيه إلى بكره صوتكم ماله قيمة عند المسؤولين

[طواش]

والله حرام العب فعيالنا لعب حسبي الله ونعم الوكيل
لا اله الا انت سبحانك اني كنت من الظالمين

لا حول ولا قوة الا بالله العلي القدير

[طواش]

ابدا ما لمعت يا فني..
ولا راح المع..
كلامي هو الواقع..
فسر لي انت الإعتراض على الجدول هالسنة بالذات؟

مع انه نفس الجدول استخدم العام و اول العام؟

ليش ما كان عليه اعتراض؟

هل مجلس الأعلى تغير ؟

والا في شي برز على الساحة اثبت ان الجدول غلط ؟

ليش الجدول ما كان غلط يوم المدرسة كان لها نسبة 50%
و نسبة 60%
واليوم الجدول غلط يوم صار للمجلس 60% وللمدرسة 40%؟

بكل بساطة لأن النسبة هي اللي بينت مستوى الطلاب
مب الجدول ..

تحية لك ..

يا زاجل :

الجدول جديد ........جديد

الجدول إصدار 2009 .

[مدار قطر]

ممكن مساعده

انا ضعت اختي مجموعها 843
يعني كم نسبتها بالضبط ؟؟؟؟؟؟


لأني قلبت الجدول يمين يسار يساااار يمين
ماااااااله حل


ممكن المساعده !

[طواش]

مع الاسف فرص وايد ضاعت على الطلاب للبعثه الدراسيه لان معظم الشركات والجامعات يطلبون 80%

البركة في الجدول الخارج على العادة

[طواش]

انتوا لين الحين تقولون الجدول ولا الطريقه التقليديه في الحساب


ياجماعه عطيتك الموقع موجود فيه الجدول اكثر من كذا شتبون

الجدول كلام ماخوذ خيره .

[طواش]

كثرت الشكوى على كل المستويات من هذا الأمر ، وأظن على هيئة التقييم أن توضح اللبس ،

أو تتراجع عن الجدول إن كان تجريبيا وأثبت عدم جدواه ، لأن الشهادة الثانوية أيا كان اسمها

تشكل منعطف طريق لمعظم الشباب من بنين وبنات .





هيئة التقييم ان اعترفت بخطأها بتكون هيئة تستحق التقدير والثقة لأن الاعتراف بالخطا فضيلة .

[فني]

ابدا ما لمعت يا فني..
ولا راح المع..
كلامي هو الواقع..
فسر لي انت الإعتراض على الجدول هالسنة بالذات؟

مع انه نفس الجدول استخدم العام و اول العام؟

ليش ما كان عليه اعتراض؟

هل مجلس الأعلى تغير ؟

والا في شي برز على الساحة اثبت ان الجدول غلط ؟

ليش الجدول ما كان غلط يوم المدرسة كان لها نسبة 50%
و نسبة 60%
واليوم الجدول غلط يوم صار للمجلس 60% وللمدرسة 40%؟

بكل بساطة لأن النسبة هي اللي بينت مستوى الطلاب
مب الجدول ..

تحية لك ..

اي نعم برز شي جديد في الساحة وسنة الجاية بيطرأ شي اكثر. أعداد الطلبه في المستقله يا حبيبي يتزايدون وبيزيد الأمتعاض. الجدول يقولون لك ما فيه منطقية بتاتاً.

ليش ما اشتكوا من العام والا اولت العام؟!! الناس يتكلمون عن الجدول!! انه ما ينصف الطالب من حيث النسبه.

حساب النسبه ما يبيلها فيثاغورث كلها "مجموع*100 /المجموع الكلي". والا لازم يطلعون فيها عباقره ويغيرون المنطق اللي متعلمين عليه الناس. ما هان تبارك يا خوي!!

[بنت سعادة السفير]

السلام عليكم

اسمعوا برنامج وطني الحبيب صبااح الخير

يشرحوون الجدول بالتفصيل

[عذب الكلام 1]

مساكين اعيالنا يتعبون ويدرسون واخرتها بارده مبرده يخصمون 5% ليش من الاول حطوا النسب واضحه عشان محد ينصدم صج مستغله اقصد مستقله

[طواش]

اي نعم برز شي جديد في الساحة وسنة الجاية بيطرأ شي اكثر. أعداد الطلبه في المستقله يا حبيبي يتزايدون وبيزيد الأمتعاض. الجدول يقولون لك ما فيه منطقية بتاتاً.

ليش ما اشتكوا من العام والا اولت العام؟!! الناس يتكلمون عن الجدول!! انه ما ينصف الطالب من حيث النسبه.

حساب النسبه ما يبيلها فيثاغورث كلها "مجموع*100 /المجموع الكلي". والا لازم يطلعون فيها عباقره ويغيرون المنطق اللي متعلمين عليه الناس. ما هان تبارك يا خوي!!

الجدول انتقائي غير منطقي ولا يدخل المخ

[طواش]

السلام عليكم

اسمعوا برنامج وطني الحبيب صبااح الخير

يشرحوون الجدول بالتفصيل

يا أختي الله يهداك ، ايش يشرحون وايش يخلون ، الموضوع شكله ما له ساس .

[طواش]

مساكين اعيالنا يتعبون ويدرسون واخرتها بارده مبرده يخصمون 5% ليش من الاول حطوا النسب واضحه عشان محد ينصدم صج مستغله اقصد مستقله

المفروض إن الأمور كانت واضحة من البداية ، لا سير ولا تعال .

[طواش]

طريقة حساب الجدول عقابية بدون أساس ففيها من بيحصل 990 من 990 له الحق في

الحصول على نسبة 100% أما الباقي فلا حق لهم ولازم تنزل درجتهم عقابا لهم على عدم

وصولهم الدرجة الكاملة .

هذا التفسير الوحيد لاستلاب وهضم نسب الطلاب .

[طواش]

رغم كل المحاولات لشرح الجدول إلا أنه لم يستطع أحد فك رموز الجدول اللغز .

[BusinessWoman]

ممكن مساعده

انا ضعت اختي مجموعها 843
يعني كم نسبتها بالضبط ؟؟؟؟؟؟


لأني قلبت الجدول يمين يسار يساااار يمين
ماااااااله حل


ممكن المساعده !

على الحسبه التقريبيه للجدول
74.7 = 843

[طواش]

على الحسبه التقريبيه للجدول
74.7 = 843

النسبة المئوية الحقيقية لهذا المجموع = 85,15

كيف تحولت على يد من دبر وخطط إلى 74,7

إلى الله المشتكى

[طواش]

هيئة التقييم قيمت أداء عيالنا بجدول تعسفي .

فمن يقيم أداء هيئة التقييم ويعيد الحق إلى نصابه ؟؟؟؟

[halah]

بصراحة هم اللي جابو لنفسهم الكلام

يعني من البداية كان حطيتوا الدرجات اللي تمثل نسبة الطالب الفعلية

لكن جذي وهقتوا الناس وانتو بعد توهقتوا

تعال شوف درجتك وطلع نسبتك من الجدول وليس على أساس النسبة المئوية المعتادة

[طواش]

بصراحة هم اللي جابو لنفسهم الكلام

يعني من البداية كان حطيتوا الدرجات اللي تمثل نسبة الطالب الفعلية

لكن جذي وهقتوا الناس وانتو بعد توهقتوا

تعال شوف درجتك وطلع نسبتك من الجدول وليس على أساس النسبة المئوية المعتادة

الله يظهر الحق بحوله وقوته .

[طواش]

هل تقريب الدرجات المجمعة يكون بحذف 5% أو أكثر من النسبة المئوية للمجموع .

[طواش]

صاروا الناس يسألون من كان عنده ثانوية مستقلة :

كم نسبتك المئوية وكم نسبتك عند المجلس ؟؟؟؟؟؟؟؟

[طواش]

( مبروك تفوقك )

عبارة شارت في أفواه الناس ولم تخرج بسبب جدول المقاربة .