مخالفة ممنوع الطلوع ؟؟!!

[وحيد-الشوق]

السلام عليكم

بدخل في الموضوع على طول اليوم وانا رايح صوب بوهامور والمعمورة مريت على محطة وقود الي قبل داور وقود ودشيت لفه المحطه يمين عشان افتك من الزحمة وجاتني لفه يمين ويسار بس انا خذت يسار رانسيد :shy:

والا الشرطي يشوفني من بعيد معصب ويأشر علي :eek5:عقب وقفني وتم يتكلم معاي شنو خياس نفس :anger1: لاسلام ولاشيء بس سجل الرقم عقب قلتله لحظه انا شنو مخالفتي عطاني ستيكر فاضي وماكتب فيه شيء وقالي شوف المخالفه عقب قلتله شنو مخالفتي قالي ممنوع الطلوع :rolleyes2: << بالذمه هاي رد :rolleyes2:

اذا هو مايعرف نوع المخالفه من الي يعرف والله قهر يالربع واكثر من واحد بعد ماخذ رانسيد وماقدر الا علي وين الاخلاق وين الاسلوب السنع ولاالمخالفات بس تجي بالمزاج :weeping:

[الحـ قطر ــب]

حلوه ممنوع الطلوع باجر يمكن يخترعون ممنوع الدخول ها هااااااااااااااي
الحمدلله والشكر صج صج مب صاحييين

[H A S S A N]

اخوي هو يقصد رن سيد
والله يعينك يقولون انها 6000

[bofahad5080]

الله يعينك انا معطيني مخالفة حزام وانا رابط حزام عند دوار قطر للديكور !!

بس الحمد لله ولمدير مركز المعموره الشيخ بوناصر .

علا طول شلها لأنها بدون ستكر والكل مستغرب شلون مخالفة بدون ستكر!!

الله كريم

[وحيد-الشوق]

حلوه ممنوع الطلوع باجر يمكن يخترعون ممنوع الدخول ها هااااااااااااااي
الحمدلله والشكر صج صج مب صاحييين

هههههههههه

المشكله الشرطي مسويلي فيها الفاهم وهو حتى مب عارف شنو نوع المخالفه :omg:

قسم بالله قهر


اخوي هو يقصد رن سيد
والله يعينك يقولون انها 6000

:eek5: طيب مايعرف يقولها شنو ذي ممنوع الطلوع :eek5:

والقهر الي وراي ماشافهم قلتله شوف ذيلا الي هناك قالي ماعليك منهم انا بخالفهم << اكيد بيقولهم ممنوع الطلوع :rolleyes2:

انا كنت حاط في بالي 3000 ريال :anger1: صراحه مابدفعها لو شنو :anger1:


الله يعينك انا معطيني مخالفة حزام وانا رابط حزام عند دوار قطر للديكور !!

بس الحمد لله ولمدير مركز المعموره الشيخ بوناصر .

علا طول شلها لأنها بدون ستكر والكل مستغرب شلون مخالفة بدون ستكر!!

الله كريم

شنو هذا صراحه استخفاف بعقولنا تخيل اليوم عطاني ستيكر فاضي مب مكتوب فيه ولاشيء وقالي روح شوف مخالفتك صراحه قله ذوق :anger1:

حتى لو احنا نغلط بس هذا مب اسلوب :weeping:

[صاحب صديق]

مب من حقه يعطيك استكر فاضي ما عليك امر ممكن الرق مالاحمر اللي عل ىالمخالفه ووين بالضبط

وابي مواصفات الدوريه يعني المرور او الخويا او الفرزعه وان شاء الله نقدر نحل الموضوع لك

تحياتي لك

[ابوصالح1]

الله يعين على هل الزحام انا ايضا اليوم ونا جاي من الصناعيه من ورا المعارض الطريق زحمه لفيت حصا طلع في وجهي واحدمن اهل بلدنا ولفيت يمين ايضا طلع في وجهي و الله اني عصبت بشده عسا الله يرحم الحال بس الله عانني عليه عندما لف يسار طلعت يمين بسرعه طلعت لحقني وقاعد يشر على كف يده يعني بخالفك ماقلت شي

[أبو طلحه]

انت لو تحس بتعبه بتقدره

واقف لك في الشمس ويرتب السير وانت تجي رونسيد

وشدراك انه بيخالفك يمكن يسامحك ما دام انه عطاك استيكر فاضي والله اعلم


والله يعينك يخوي

والله يا الربع لو تشوفون معاملة الشرطة في دول ثانية بتحمدون الله

[ابوصالح1]

يالربع مايسير زين بيخالف ياخذ رقم السياره وبس ويترك صاحب السياره في سبيله

[La Bella]

ليش ما تكون في دورات للشرطة في مجالات
كتابة المخالفات + فن التحدث مع الجمهور
والله يكسرون الخاطر بهاي الشمس متلتهين

[ابوصالح1]

راي طيب ان ياخذون كورسات فن التخاطب مع الجمهور ايضا لاجدوي من التكلم مع المتخالف اذا هو محرر المخالفهة لامحاله

[كاتم الاسرار]

الله يعييييييينك والله ان االيوم جائتني مخالفه حزام امان بس بدون استكر على شارع المطار دوار الكهرباء يعني انرووح ندفع مايصير واسطه الصراحه فلسسسسسسسسسسنا منهم مافي حل نيشششششششششلها

[وحيد-الشوق]

مب من حقه يعطيك استكر فاضي ما عليك امر ممكن الرق مالاحمر اللي عل ىالمخالفه ووين بالضبط

وابي مواصفات الدوريه يعني المرور او الخويا او الفرزعه وان شاء الله نقدر نحل الموضوع لك

تحياتي لك

المكان صوب محطة وقود مثل ماانا ذاكر في الموضوع

الموتر دورية مرور

وهذا الرقم الاحمر 262653


الله يعين على هل الزحام انا ايضا اليوم ونا جاي من الصناعيه من ورا المعارض الطريق زحمه لفيت حصا طلع في وجهي واحدمن اهل بلدنا ولفيت يمين ايضا طلع في وجهي و الله اني عصبت بشده عسا الله يرحم الحال بس الله عانني عليه عندما لف يسار طلعت يمين بسرعه طلعت لحقني وقاعد يشر على كف يده يعني بخالفك ماقلت شي

الزحمة هي جابت لنا العيد :weeping:


انت لو تحس بتعبه بتقدره

واقف لك في الشمس ويرتب السير وانت تجي رونسيد

وشدراك انه بيخالفك يمكن يسامحك ما دام انه عطاك استيكر فاضي والله اعلم


والله يعينك يخوي

والله يا الربع لو تشوفون معاملة الشرطة في دول ثانية بتحمدون الله

اخوي شدخل انا ماقلت اني مب حاس بشغله

انا ادري انا غلطان بس في شيء اسمه سلوب مب خياس نفس شدعوه :anger1:

وثاني شيء هو ماكان واقف في الشمس تقريبا كان موقف سيارات خلق وشافني من بعيد وتناحس معاي :weeping:


يالربع مايسير زين بيخالف ياخذ رقم السياره وبس ويترك صاحب السياره في سبيله

:rolleyes2:


ليش ما تكون في دورات للشرطة في مجالات
كتابة المخالفات + فن التحدث مع الجمهور
والله يكسرون الخاطر بهاي الشمس متلتهين

والله البعض اسلوبهم محترم وماعليهم زود لكن في فئة منهم اعوذ بالله حتى تفاهم ماتقدر تفاهم معاهم


راي طيب ان ياخذون كورسات فن التخاطب مع الجمهور ايضا لاجدوي من التكلم مع المتخالف اذا هو محرر المخالفهة لامحاله

بس بعضهم مع التفاهم ممكن يشيل المخالفه بس هذا اسلوبه كلش الله بالخير


الله يعييييييينك والله ان االيوم جائتني مخالفه حزام امان بس بدون استكر على شارع المطار دوار الكهرباء يعني انرووح ندفع مايصير واسطه الصراحه فلسسسسسسسسسسنا منهم مافي حل نيشششششششششلها

اي والله ياخوي صج فلسنا من هالمخالفات شارع 80 حدك 90 كيلو زدت كيلو واحد يعني 91 على طول 500 ريال :anger1:

ولا الحزام صار 500 :anger1:

[مستثمر 999]

عادي عزيزي المحترم وحيد

بيني وبينك انت استعجلت في الكتابه لانه يمكن يكون مجرد انذار ويحب يخرعك فقط

ولكن للاسف بيرد عليك واحد مسوي يتخيل انه وزير الداخليه او مدير المرور وهو ماله علاقه بالمرور نهائيا

المهم المخالفه مقدور عليها كلها 500 ريال او 1000 ولكن النقاط الله يعينك عليها
عموما انتظر يومين واتصل بالرادار او بال sms 2992
او موقع الداخليه وتلقى المفاجأه ان شاء الله بدون اقصد ما يخالفونك


اخوك الغايب الحاضر المقر؟؟؟؟؟


تحياتي لك

[Q6o]

الله يعيينك
واهي تعتبر رونق سايد

انا نفس الشي صادني موقف مع شرطي عماني عند دوار محطة وقود
كنت جاي من الوكره ودشيت طريق بروه اللي من دوار سلاح الجو يطلعك على دوار وقود
ويوم كنت في اخر خط اللي يطلعك على طول عند دوار وقود
تدري الخط سايد ورونق سايد
تجاوزت من اليسار ودشيت على الخط قبل دوار وقود
الا وقفني العماني وبخياس نفس يتكلم وعطاني مخالفة عكس سير 6 الاف ريال
كلمت واحد من الربع ضباط ودش على الشيخ بوناصر وشرح له الموضوع واني ماكنت ادري ان هذا يعتبر عكس سير لان الشارع اصلا مسموح فيه التجاوز نفس طريق الخراره
بس يقولك مايصير تتجاوز قبل الدوار ولان الخطوط اللي بين الشارعين مش مقطعه يعني ممنوع التجاوز
والشيخ بوناصر ماقصر وجزاه الله خير وحولها من 6 الاف ريال الى مخالفة عدم امتثال الاوامر 500 ريال

وانا لو منك روح دش عليه واشرح له الوضع وقوله ثبت دوريه هناك وشوف كم شخص بيدخل من نفس اللفه لان صج كل يوم مئات يدخلون اللفه هذي وبنفس طريقتك
لان اصلا دخلتها ممنوعه سوا خذت يسار فيها او يمين
لانها بس للدخول للمحطه

[السد]

هذه اللفة الغبية من وراء مجمع قطر للوقود
هي جايه لفة من اليمين ولفة من اليسار
وهذه اللفة الصراحة غبية غباء لدرجة ما اتصدقون
روحو شفو لها
بالعقل هذه لفة خروج مش لفة دخول
وان شاء الله احاول ارسم لكم المخطط

[بوتميم؟]

اخوى المخالفه 500 وماعليك من الي مب عارف بس يتخبط ويتفنن ومخالفة عكس السير 500 فققققققققققققققققققققققققققققققققققققققققققققققققق قققققققققققققققققط

[السد]

الله يعيينك
واهي تعتبر رونق سايد

انا نفس الشي صادني موقف مع شرطي عماني عند دوار محطة وقود
كنت جاي من الوكره ودشيت طريق بروه اللي من دوار سلاح الجو يطلعك على دوار وقود
ويوم كنت في اخر خط اللي يطلعك على طول عند دوار وقود
تدري الخط سايد ورونق سايد
تجاوزت من اليسار ودشيت على الخط قبل دوار وقود
الا وقفني العماني وبخياس نفس يتكلم وعطاني مخالفة عكس سير 6 الاف ريال
كلمت واحد من الربع ضباط ودش على الشيخ بوناصر وشرح له الموضوع واني ماكنت ادري ان هذا يعتبر عكس سير لان الشارع اصلا مسموح فيه التجاوز نفس طريق الخراره
بس يقولك مايصير تتجاوز قبل الدوار ولان الخطوط اللي بين الشارعين مش مقطعه يعني ممنوع التجاوز
والشيخ بوناصر ماقصر وجزاه الله خير وحولها من 6 الاف ريال الى مخالفة عدم امتثال الاوامر 500 ريال

وانا لو منك روح دش عليه واشرح له الوضع وقوله ثبت دوريه هناك وشوف كم شخص بيدخل من نفس اللفه لان صج كل يوم مئات يدخلون اللفه هذي وبنفس طريقتك
لان اصلا دخلتها ممنوعه سوا خذت يسار فيها او يمين
لانها بس للدخول للمحطه

اخالفك الرأي اخوي
شوف هذه اللفة كم سيارة تدخل باليوم الواحد
اكاد اجزم حوالي 15 سيارة فقط
مع العلم هناك بوابه رئيسية لدخول المحطة
و 99% يدخلون من المدخل الرئيسي

[Q6o]

سلامتك يالسد
روح شوف يوم تصير زحمه عند دوار وقود
كل السيارات الجايه من دوار العبيدلي تدخل المحطه وتدخل اللفه هذي عشان تطلع من ورا على دوار بوهامور

[بواردي]

لو فرضنا ان الشرطي عضو في المنتدى
وسبقك في كتابة الموضوع وقال انه في شخص طالع عكس السير وكان مستهتر بقانون المرور وموبخايف على روحه ولا على ارواح الناس وصكيته مخالفة

الكل بيقول ما قصرت فيه
ولا ابشرك بتشوف ردود خنفشارية
اللي يقول اسجنوه واللي يقول احجزوا موتره
والي يقول اسحبوا الليسن
واللي يقول واللي يقول.......

دامك مخالف ليش زعلان
تبيه يبتسم في ويهك وانت طالع رون سايد
لا تبوق ما تخاف
الي ما يتحمل الزحمة وما يبي يخالفونه
يشري له طيارة
لاتزعل من الصراحة

مثل مانت زعلت يوم خالفك
هو حقه يزعل يوم خالفت

[زمن الغدر]

عادي انا من فتره 10 ايام بالسد والله الموتر بالدي ويمشي ريقي والشارع زحمه عند عش البلبل القديم
المهم شوي الا جاني الشريظي وقب قدام الموتر الا كتب الرقم قتله شنو قالي موقف السيد انت وانا والله ولا احد وراي
ولا شي انقهرت وسجل المخالفه على ضهر دفتر الستكرات

[وحيد-الشوق]

عادي عزيزي المحترم وحيد

بيني وبينك انت استعجلت في الكتابه لانه يمكن يكون مجرد انذار ويحب يخرعك فقط

ولكن للاسف بيرد عليك واحد مسوي يتخيل انه وزير الداخليه او مدير المرور وهو ماله علاقه بالمرور نهائيا

المهم المخالفه مقدور عليها كلها 500 ريال او 1000 ولكن النقاط الله يعينك عليها
عموما انتظر يومين واتصل بالرادار او بال sms 2992
او موقع الداخليه وتلقى المفاجأه ان شاء الله بدون اقصد ما يخالفونك


اخوك الغايب الحاضر المقر؟؟؟؟؟


تحياتي لك

تهقى اني استعجلت :rolleyes2:

بس ياخوي انا قهرني اسلوب الشرطي واول مره اشوف شرطي يعطي احد ستيكر فاضي واسم المخالفه قهرني :tease:

مافي الا ننتظر وان شاء الله خير



الله يعيينك
واهي تعتبر رونق سايد

انا نفس الشي صادني موقف مع شرطي عماني عند دوار محطة وقود
كنت جاي من الوكره ودشيت طريق بروه اللي من دوار سلاح الجو يطلعك على دوار وقود
ويوم كنت في اخر خط اللي يطلعك على طول عند دوار وقود
تدري الخط سايد ورونق سايد
تجاوزت من اليسار ودشيت على الخط قبل دوار وقود
الا وقفني العماني وبخياس نفس يتكلم وعطاني مخالفة عكس سير 6 الاف ريال
كلمت واحد من الربع ضباط ودش على الشيخ بوناصر وشرح له الموضوع واني ماكنت ادري ان هذا يعتبر عكس سير لان الشارع اصلا مسموح فيه التجاوز نفس طريق الخراره
بس يقولك مايصير تتجاوز قبل الدوار ولان الخطوط اللي بين الشارعين مش مقطعه يعني ممنوع التجاوز
والشيخ بوناصر ماقصر وجزاه الله خير وحولها من 6 الاف ريال الى مخالفة عدم امتثال الاوامر 500 ريال

وانا لو منك روح دش عليه واشرح له الوضع وقوله ثبت دوريه هناك وشوف كم شخص بيدخل من نفس اللفه لان صج كل يوم مئات يدخلون اللفه هذي وبنفس طريقتك
لان اصلا دخلتها ممنوعه سوا خذت يسار فيها او يمين
لانها بس للدخول للمحطه

اي والله شكثر عالم يدخلون هاللفه ومن حظي الردي صادني الشرطي :(

الشرطي شكله كان عماني لايكون هو نفسه :tease:


اخوى المخالفه 500 وماعليك من الي مب عارف بس يتخبط ويتفنن ومخالفة عكس السير 500 فققققققققققققققققققققققققققققققققققققققققققققققققق قققققققققققققققققط

اخوي يقولي نفس الكلام قهر والله حتى لو 500 << فلسنا من المرور

:(


هذه اللفة الغبية من وراء مجمع قطر للوقود
هي جايه لفة من اليمين ولفة من اليسار
وهذه اللفة الصراحة غبية غباء لدرجة ما اتصدقون
روحو شفو لها
بالعقل هذه لفة خروج مش لفة دخول
وان شاء الله احاول ارسم لكم المخطط

هي صج لفه غبيه صراحه :rolleyes2:

[وحيد-الشوق]

اخالفك الرأي اخوي
شوف هذه اللفة كم سيارة تدخل باليوم الواحد
اكاد اجزم حوالي 15 سيارة فقط
مع العلم هناك بوابه رئيسية لدخول المحطة
و 99% يدخلون من المدخل الرئيسي

بالعكس قول عادي 100 سيارة في اليوم كل الي اعرفهم يدخلون هاللفه :telephone:


سلامتك يالسد
روح شوف يوم تصير زحمه عند دوار وقود
كل السيارات الجايه من دوار العبيدلي تدخل المحطه وتدخل اللفه هذي عشان تطلع من ورا على دوار بوهامور

صحيح كلامك :)



لو فرضنا ان الشرطي عضو في المنتدى
وسبقك في كتابة الموضوع وقال انه في شخص طالع عكس السير وكان مستهتر بقانون المرور وموبخايف على روحه ولا على ارواح الناس وصكيته مخالفة

الكل بيقول ما قصرت فيه
ولا ابشرك بتشوف ردود خنفشارية
اللي يقول اسجنوه واللي يقول احجزوا موتره
والي يقول اسحبوا الليسن
واللي يقول واللي يقول.......

دامك مخالف ليش زعلان
تبيه يبتسم في ويهك وانت طالع رون سايد
لا تبوق ما تخاف
الي ما يتحمل الزحمة وما يبي يخالفونه
يشري له طيارة
لاتزعل من الصراحة

مثل مانت زعلت يوم خالفك
هو حقه يزعل يوم خالفت


اخوي اللفه مب في شارع عام يعني حتى لو دشيتها انا مابذبح احد :anger1:

ردك ماله داعي وانت شلي مزعلك :)


عادي انا من فتره 10 ايام بالسد والله الموتر بالدي ويمشي ريقي والشارع زحمه عند عش البلبل القديم
المهم شوي الا جاني الشريظي وقب قدام الموتر الا كتب الرقم قتله شنو قالي موقف السيد انت وانا والله ولا احد وراي
ولا شي انقهرت وسجل المخالفه على ضهر دفتر الستكرات

:eek5: بل صج متسبب

[خيال شمر]

أشتك عليه في حقوق الانسان في طريقة تعامله معاك وشوف وش بيصير معاه حتى لو ظابط بعد خلاص يبه ماعاد فيها بيني وبينه القانون هو ياخذ حقه مني اذا انا غلطان وانا اخذ حقي منه اذا طريقة كلامه معاي مش اوكي

[بواردي]

:telephone:






اخوي اللفه مب في شارع عام يعني حتى لو دشيتها انا مابذبح احد :anger1:

ردك ماله داعي وانت شلي مزعلك :)



:eek5:

ماله داعي ؟؟؟؟

لازم الواحد يقول انك انت الي صح والشرطي غلطان؟ عشان ترتاح
مسحوبة المشاركة اخوي

وصج مثل ما قلت ماله داعي
الغلط من الاساس اني فكرت اكتب رد في هالموضوووووووووووووووع

[السد]

هذا رسم بسيط لمحطة بترول الوقود وكيفية الدخول اليها
:victory::victory::victory::victory:
:victory::victory::victory:

[نيساني]

هذا رسم بسيط لمحطة بترول الوقود وكيفية الدخول اليها
:victory::victory::victory::victory:
:victory::victory::victory:



ماشاء الله عليك يالسد ابدعت

[وحيد-الشوق]

أشتك عليه في حقوق الانسان في طريقة تعامله معاك وشوف وش بيصير معاه حتى لو ظابط بعد خلاص يبه ماعاد فيها بيني وبينه القانون هو ياخذ حقه مني اذا انا غلطان وانا اخذ حقي منه اذا طريقة كلامه معاي مش اوكي

ياخوي ماتوصل للهدرجه اني اشتكي عايه في حقوق الانسان السالفه بتكول وفيها سين وجيم :telephone:




ماله داعي ؟؟؟؟

لازم الواحد يقول انك انت الي صح والشرطي غلطان؟ عشان ترتاح
مسحوبة المشاركة اخوي

وصج مثل ما قلت ماله داعي
الغلط من الاساس اني فكرت اكتب رد في هالموضوووووووووووووووع

انا مادري شفيك معصب ياخوي هدي اعصابك وانا ماقلت شيء :rolleyes2:

انت داش ومشتط مادري شفيك اوكي انا غلطان ماقلت شيء بس عتبي ماكان عالغلط :)


هذا رسم بسيط لمحطة بترول الوقود وكيفية الدخول اليها
:victory::victory::victory::victory:
:victory::victory::victory:


ماشاء الله عليك يالسد ابدعت

:nice:

صج ابدعت اخوي السد وهذا المكان بالضبط :weeping:

[بوالفاروق]

ايوووووووووا

زين انك حطيت الصورة يالسد ..

انا دووم ادش هالمكان اشرد من الزحمة :eek2:

ياخي هالمكان في صوب ومحد يشوفه اعتقد :waiting:

الله يعينك والله , نبي نيمع جم ريال , الفلوس على طول للمخالفات :anger3:

تحياتي

[السد]

ايوووووووووا

زين انك حطيت الصورة يالسد ..

انا دووم ادش هالمكان اشرد من الزحمة :eek2:

ياخي هالمكان في صوب ومحد يشوفه اعتقد :waiting:

الله يعينك والله , نبي نيمع جم ريال , الفلوس على طول للمخالفات :anger3:

تحياتي


حاضرين لكم
لكن راعي الموضوع تعبني وان ارسم المخطط:victory::victory::victory:

[ابوالكلام]

والمشكله ان ادراره المرور شكلها ثاني جهه تدخل فلوس بعد قطر للبترول.

[y.o.y.o]

الله يكون في عونك اخوي

وشالفه الرادارات الي يخشونها

صادني واحد على الــ 200

وطرشولي رساله ان المبلغ 0 ريال

اتصلت عليهم وقالولي تحولت نيابه

والسالفه فيها بهدله شوي

الله يستر

:weeping: :weeping:

[وحيد-الشوق]

ايوووووووووا

زين انك حطيت الصورة يالسد ..

انا دووم ادش هالمكان اشرد من الزحمة :eek2:

ياخي هالمكان في صوب ومحد يشوفه اعتقد :waiting:

الله يعينك والله , نبي نيمع جم ريال , الفلوس على طول للمخالفات :anger3:

تحياتي

نلاقيها من كيوتل ولا من المرور :weeping:



والمشكله ان ادراره المرور شكلها ثاني جهه تدخل فلوس بعد قطر للبترول.

:nice: :secret:


الله يكون في عونك اخوي

وشالفه الرادارات الي يخشونها

صادني واحد على الــ 200

وطرشولي رساله ان المبلغ 0 ريال

اتصلت عليهم وقالولي تحولت نيابه

والسالفه فيها بهدله شوي

الله يستر

:weeping: :weeping:


الله يعين الجميع بس مستغرب لين الحين مابينت المخالفه يمكن يتغشمر معاي :eek5:

200 :eek5: ان شاء الله تعدي السالفه على خير :weeping:

الله يحفظك وعن السرعة ياخوي :(

[وحيد-الشوق]

ارجو اغلاق الموضوع :)

[مستثمر 999]

نلاقيها من كيوتل ولا من المرور :weeping:




:nice: :secret:




الله يعين الجميع بس مستغرب لين الحين مابينت المخالفه يمكن يتغشمر معاي :eek5:

200 :eek5: ان شاء الله تعدي السالفه على خير :weeping:

الله يحفظك وعن السرعة ياخوي :(


قلت يا طويل العمر ما صدقتني

عموما تذكر ان ؟؟؟؟؟

ولا لا داعي ما نبي نزعل ابو علي اليافعي خلني ساكت

[مستثمر 999]

IZE="4"]الله يعين الجميع بس مستغرب لين الحين مابينت المخالفه يمكن يتغشمر معاي :eek5:

200 :eek5: ان شاء الله تعدي السالفه على خير :weeping:

الله يحفظك وعن السرعة ياخوي :([/SIZE][/QUOTE]

[شارع الأصمخ]

انا بعد وقفني وخالفني والمخالفه طلعت 500 ريال

بس والله كان طيب الصراحه معاي لانه قبل لا امشي قالي ابي اشوف ليسنك قله ترى انا ماعندي ليسن قالي حرك ومابي رفيجي الثاني يشوفك بيسويلك سالفه


ماقصر والله