حبيت اخذ رايكم في ال c63 AMG 2009-2008

[صاحب صديق]

حبيت اخذ رايكم في ال c63 AMG 2009-2008

ايش رايكم في هالموتر وشلون استخدامه وشنو عيوبه اتمنى ما تقرون معاي لاني محتااار في شركه المرسيدس ضعت وانا ادور لي موتر


تحياتي للجميع

[بوعبدالله100]

اي 63 ولا ام فايف كله وااحد .. وتبي صج ترى قوه بس ماتجذب حد .. اذا بتاخذ اس 500 حلو او اتش تو برتقالي مثلي ههههههههههههههه ايش جاب المرسيدس حق الهمر

[صاحب صديق]

يسلمووووووووو يا بو عبدالله ام 5 احسها غاليه عل ىالفاضي وا لاانت ايش رايك

[FULL]

c63 موتر ماعليه كلام .... عزم وقوه ... وتحكم سهل ... بالاضافة لخفة الوزن وسرعة التسارع .....

اما العيوب .. تقريبا تكاليف الصيانه هي الامر المزعج بالنسبة لجميع مكاين 63 و 65 على اي نوع من انواع سيارات المرسدس ... ولان سعر السرفس والصيانه غااالي لهالمواتر ... تحصل سعرها مستعمل رخيص مقارنه بسعر الشراء من الوكالة لان اغلب اللي يرغبون بهالمواتر يشترونها جديده مب مستعمله

اما عن عيوب ثانيه ... ماعتقد تحصل لان الموتر جديد في السوق


وبالتوفيق ان شاء الله

[صاحب صديق]

يسلمووو حجي وما قصرت نووووووووووورت ممكن احد يقولي كم سعر تكلفه السيرفس

[بوعبدالله100]

يسلمووو حجي وما قصرت نووووووووووورت ممكن احد يقولي كم سعر تكلفه السيرفس


مثلك عارف اخوي لما تشتري موتر فئته سبورت اعرف ان كل قطع الغيار مصممه سبورت واسعار القطع والسيرفس دبل مايبيله كلام .. على كم هالمرسيدس حوول 320 اظن ماادري بس احس السعر اوفر على موتر صغير..اذا انك سويق سبورت ولك هالسوالف اصبر على الكامورو ارخص وسيرفس اوكي وضبط بعدين على كيفك من فلتر وحركات وتدري الالماني ماتقدر تزيد شي على الماكينه الا من الوكاله وان زدت انت بمعرفتك ضرب عليك الكمبيوتر وتفدع الموتر .

[صاحب صديق]

والله يا خالي خاطري في موتر كشششششخه وبس وهالموتر وايد عاجبني بس انت ايش رايك ابي موتر كشخه والماني

[FULL]

والله يا خالي خاطري في موتر كشششششخه وبس وهالموتر وايد عاجبني بس انت ايش رايك ابي موتر كشخه والماني

حط خياراتك .... واحنا بنرشح لك :victory:

[صاحب صديق]

موتر الماني وكشخه و4 ابواب ومنظر ورزه وبس

[وحيد-الشوق]

ماانصح بالسي حتى لو كان 63

الموتر صغير وشكله مب رزه وايد

انا اشوف لو تاخذ بورش افضل لك وعندك الGTS صراحه الموتر رزه وعجيب و400 حصان او تاخذ تيربو احلى واحلى

والله يعينك لو تفكر تاخذ اي موتر الماني فكر في السيرفس وقطع الغيار قبل لانها صج تكلف وقت البيعه بيطيح سعر الموتر واجد :weeping:

بالتوفيق يابوراشد :tease:

[FULL]

موتر الماني وكشخه و4 ابواب ومنظر ورزه وبس

خذ مرسدس s 350 او 500 كت amg بانوراما .... موتر منظر ورزه ... وسعره فيه ....

[بوعبدالله100]

بالمواصفات الي تبيها رزه وكشخه ..جربت الاكس فايف عند واحد من الربع ..احس وااايد ضيق والموتر فاضي من داخل بس فيه ثبات وسرعه .. والرنج واايد واايد مرتز من قدام كنك قاعد ع البانه بس بعد رزه وصار واايد بالدوحه والبورش نفس شي اذا بتاخذلك يربو الله يعينك على مشاكل حرق الايل .. كنت مثلك قااعد ادور شي كشخه ..اخر شي يااخوي رحت المناعي واطخ لي ذاك الاتش تو الي صراحه ابد مااتحسفت اني خذته ..من ناحية باور 441 مثل الاسكاليد وعزم موو صااحي ع الرمل .. وغير البا ي باي عند كل اشاره واذا بروح سيلين وااايد يوقفوني علشان يصورون فيه دااخل وبرع :nice: بالعربي حللت البيزات :victory: واذا انك راعي صالون قط على بانت المرسيدس 500 اس الظرف :app: وونس القعده والتمشيه احسن لك من الضيق ..

[صاحب صديق]

^^^^^

يسلموووو وما تقصرون بس ممكن اعرف اسعارهم والبورش الفورويل شلووون

[ابوالكلام]

الصراحه يشبه النيسان صني من ورا وسعره زياده (طبعا من امريكا بكثييير)لاأنا اهني قاصين علينا في السعر والصيانه
موتري الاوليcls63 اربع سفايف ب20000 ريال ومره بدلو لي الدرامات 5300 ريال
والا ام 5 للأسف مافيها برنامج الصيانه المجانيه من ال بي ام علشانها سبورت اما تاخذ اكس 5 ولا الفئه السابعه ولا الخامسه اي سياره بي ام مش ام سبورت تكون عليها صيانه مجانيه ماعليك سوى البترول والتواير واسألني وايد ارتحت معا البي ام اكثر من المرسيدس والله مره وحده بس دفعت للجامبين الامامي 5000 بس واستعملت السياره 3 سنوات من بعد المرسيدس احلى كلام

[BO SAUD]

اخوي اكثر ربعي الي كان عندهم كانو يشتكون انه الموتر يابس شوي يعني وعر
وبس اخوي والخيار لك والله يوفقلك

[صاحب صديق]

ما قصرت يا بو الكلام زين ايش رايك في ال s500 or s350

او البورش ال GTS 2009 OR TURBO 2008

[بوعبدالله100]

^^^^^

يسلموووو وما تقصرون بس ممكن اعرف اسعارهم والبورش الفورويل شلووون

اخر مره رحت الوكاله .. الكيان العادي 220 والاس على 270 والجي تي اس 370 والتيربو اظنه حول 450 شي
.. سيته حده وعر الله يعينك اذا بتسافر عليه .. بس ك ثبات وسرعه كفايه اسمه بورش.. ياخوي ماادري سمعت من كذا وااحد يقولون الي عنده تيربو يعطونه غرشة ايل يزيد الماكينه كل كم كيلو ؟؟!! ماادري اذا صج ولا لا ..

[صاحب صديق]

^^^^

مادري والله وان محتااار بس البورش الفورويل وال اس 500 او 350

[الكعبي qtr]

السلام عليكم انا جربت البورش التيربو والمرسيدس ال 350 اس ونصيحه خذ البورش احسن والمرسيدس 350 اس بيتغير 2010 فيس لفت واذا تبي السياره التوب اخذ لك 911 تيربو الجديده ولا تفكر والله يوفقك

[صاحب صديق]

مشكووور اخوي الكعبي وشكلي باخذ بورش كايين تيربو او تيربو اس

[احلى ارقام]

ياخوووي خذ c63 وتوكل على الله صرااااحه موووتر ماااله حل وانا ركبت البورش والمرسدس ال s بس ال c63 رووووعه

[moschino8]

السي 63 موتر ماتتحسف عليه وصووته عجيب وقت الرييس ولما تعطيه ريس ماراح يخيب ضنك :) بالتوفيق :)

[kakashi]

مشكووور اخوي الكعبي وشكلي باخذ بورش كايين تيربو او تيربو اس

حتى البورش كيان بيتغير بعد سنه

انصحك تروح شركة البورش وتحجز الباناميرا مره وحده

الماني + رزه + ٤ ابواب + شكل جديد وروعه من داخل ومن برع

واذا عيزان تنطر ليش ماتاخذ الـ bmw x6 ٨ سلندر توين تيربو الشركه

مسويه عروض عليها ، شكل جديد وعزم وصيانه ماتحتاج وخذ سواقه

انا الصراحه اشوف اسواقتها احلى من البورش جي تي اس

والله يوفقك

[قطري فلته]

صاحب صديق

تبي الزبده موتر ما بستاهل واحد من ربعي قسم بالله تلعوز من السيرفس اذا انت قد السيرفس وكاش خذ لان هل موتر قوي مو اى واحد يضبط والله يوفق لك سوري يا جماعه لا احد يزعل من كلامي يعني من طيب شوارعنا تاخذ هل الموتر وشكرا

[skyjacker]

صاحب صديق شيك الخاص ولا تهوووون

[الطائر الحائر]

الموتر حلووو وروعه بس ما يصلح حق شوارعنا

[Qtrstyle]

اخوي السي 63 .. ماعليه كلام .. معنى انا عندي ام 5 .. بس خاظري في سي 63

وانشالله باخذ لي واحد هاليومين

[قطري 22]

بالتوووووووووووووووووووووووووووفيق