استفسار لاصحاب الخبرة عن سيارة التيما ؟

[( الفهد )]

سيارة التيما 4 سلندر

ودي اشتري التيما حق البيت

انا مجرب المكسيما سيارة ما عليها كلام وممتازة ..

هل الالتيما نفس المستوى ؟
مرغوبة والا لا في السوق .. فيها خربات .. سواقتها ..صرفيتها ..واي معلومات اضافية عنها !

اكون شاكر جدا

وتقبلو تحياتي .

:pardon:

[الرايــق]

روح للكامري ابرك من نفس مستواها ..

قطعها غالية والكامري عملية افضل منها
ولا تنسى الاستخارة ومبروك مقدما ..

[عبــ الرحمن ــد]

ما انصحك في الالتيما
تراها سيارة امريكية ضعيفة
روح للكامري

[( الفهد )]

مشكورين ياخوان ..

انا مجرب الكامري ..ماعليها كلام !

للي مجرب الالتيما ..نبي نعرف تفاصيل اكثر ؟

[فلفل حار]

سافرت في ألتيما 4 سلندر موديل 2008

تحن وااااااااايد مع دعسة الريس العاديه جنك راكب بطبطه ...!:rolleyes2:



وثابته بالخـط شوووي مب وايد ....

بس يقولون الـ6 سلندر قوويه وأثبت .... :)



وبالتوفيــــــق ياخــــــوووي ....

[ابوصالح1]

اخذ اف جي اقوي وافضل من الصالون لانه عند السرعه تتطيح الكورات

[بن درويش]

انا استعملتا 6 شهور كانت جديده من الوكاله مافيها شي وماعليها كلام
بس سعرها يطيح وقت البيع لازم لانها نيسان

[( الفهد )]

مشكورين ياخوان ..

للرفع مزيدا من الفائدة ..

[نيساني]

خذت وحده 2005 من الوكاله اول ماوصل العداد 80000 اختربت علي قطعه في القير واسمها كنترول بولف وهي اللي تتحكم في التبديلات زكانت 4 سلندر واعتقد ان استعمالي كان خشن مع هالموتر

ومن ناحية السفر والخطوط اشوفه زين وعزم اقوى من الكامري والمكيف شي خيالي


وبالتوفيق

[( الفهد )]

خذت وحده 2005 من الوكاله اول ماوصل العداد 80000 اختربت علي قطعه في القير واسمها كنترول بولف وهي اللي تتحكم في التبديلات زكانت 4 سلندر واعتقد ان استعمالي كان خشن مع هالموتر

ومن ناحية السفر والخطوط اشوفه زين وعزم اقوى من الكامري والمكيف شي خيالي


وبالتوفيق
تسلم ياخوك...

من ناحية الاستعمال .. ما في اعطال تتكرر؟؟

[فتى الجود]

والله خذنا للبيت فترة 3سنوات
وماعليها كلام

[جاسم القطري]

سعرها يطيح

وقطع غيارها غاليه

روح للكامري ابرك لك

[نيساني]

تسلم ياخوك...

من ناحية الاستعمال .. ما في اعطال تتكرر؟؟




لا يالغالي وبالتوفيق

[وحيد-الشوق]

ارشح الكامري افضل

اشكثر سمعت عن خرابات الالتيما والله اعلم :)

والله يوفقك

[( الفهد )]

مشكورين ياخوان ..

والله يجزيكم كل خير ...

الكامري سيارة معروفها وماعليها كلام وانا شخصيا مجربها .. وكل الشكر لاقتراحاتكم

[( الفهد )]

لا يالغالي وبالتوفيق

:) عجبني اسمك ( نسياني ) دليل عشق

تسلم بارك الله فيك :victory:

[Qt.1]

سيارة التيما 4 سلندر

ودي اشتري التيما حق البيت

انا مجرب المكسيما سيارة ما عليها كلام وممتازة ..

هل الالتيما نفس المستوى ؟
مرغوبة والا لا في السوق .. فيها خربات .. سواقتها ..صرفيتها ..واي معلومات اضافية عنها !

اكون شاكر جدا

وتقبلو تحياتي .

:pardon:


نصيحه ياخوي ابعد عن الاالتيما ماتنفع كلش كانت عندي وحده وماكمل العداد 20 الف تخيل والله اصوات قامت تطلع مع اني انسان محافظ لدرجه ماتصورها يعني لااراعي سرعه ولاني من الناس الي ايكسرون السيارات يعني كنت محافظ عليها وايد لكن الموتر اساسا تعبان مافي فايده حتى لو اتحافظ عليه وخراباتها حدث ولااحرج مانصحك فيها.