ناقلات والمجموعه

[Qtrun]

السلام عليكم ورحمة الله وبركاته
-
-
-
-
-

اخواني عندي مشكله وياليت ألقى عندكم الحل أنا قبل سنه ونص توفى الوالد "الله يرحمه" وخذيت توكيل عام من جميع الورثه وفيهم قصر اثنين ويوم الاكتتاب سجلت لهم كلهم بموجب التوكيل للبالغين اما القصر فعندي كتاب من المحكمه بيع وشراء اسهم بااساميهم بس اليوم واجهتني مشكله يوم رحت للمجموعه قلت لهم ابي ابيع الاسهم الي بأساميهم واحول الباقي بااسمي قالوا لي التوكيل الي عندك مايمشي لأنه ادارة السوق مانعه اي توكيل في ناقلات ؟؟؟ :confused:

قلت له والحل قال لازم يروحون كلهم يوقعون على طلبات البيع قلت له في اخت لي مب موجوده في الدوحه مسافره ولا راح ترجع الا بعد كم شهر قال مااقدر افيدك :confused:

قلت في نفسي لو التوكيل مسويه لي شخص غريب عني بقول معاهم حق خايفين من اني اكون شريت بطاقات ناس او شي ثاني بس يكون التوكيل عام ومن أهلي ويقول هالشي مايصير هالشي الي حيرني !!

ياليت الاخوان الي عندهم خلفيه عن هالموضوع يفيدوني او يعطوني حل للمشكله هذي

مع تحياتي للجميع

[al_lord]

اذكر انه فيه في المحكمه طلب تفويض او شي من هالقبيل لبيع وشراء اسهم للقصر راجعهم وان شا ءالله خير

[الدانة عنود]

لعله خيــــر

[سهم طايش]

نعم في المحكمه في تفويض للبيع و الشراء للقاصرين

عليك مراجعة شؤون القاصرين

[Qtrun]

صباح الخير مره ثانيه الظاهر الربع مافهموا علي انا عندي كتاب تفويض من المحكمه للقصر بس المشكله الحين للبالغين مب معترفين بالتوكيل الشرعي الي معاي

ملاحظه: التوكيل الي معاي توكيل عام من سنه نص تقريبا

ويعطيكم العافيه انتظر الجواب الشافي :)

[سعادة الوزير]

دام معاك توكيل شرعي ومذكور فيه صراحة مايدل على توكيلك ببيع و شراء الاسهم .. لا المجموعة ولا ادارة السوق ولا اي حد كان يقدر انه يمنعك .. القاضي قال حكمه واصدر التوكيل واصبح توكيل شرعي غير قابل للنقض او الالغاء الا بواسطة من وكلت عنه فقط ، وليس اي احد غيرهم سواء المجموعة او البورصه او حتى وزير الاقتصاد نفسه.

[Qtrun]

مشكورين اخواني بس حبيت اوضح لكم ان التوكيل الي معاي بالنسبه للبالغين توكيل عام يعني اتصرف واسوي كل شي على راحتي بس المجموعه يقولون ممنوع التوكيلات في ناقلات حاولت افهم السبب قال هذا قرار من ادارة السوق معنى اني مب فاهم شسالفه ولا المقصود من هالقرار مثل ماقلت قبل لو الي مسوي لي التوكيل شخص غريب اقول مب مشكله معاهم حق بس عندي توكيل عن هلي كلهم والمجموعة تقول هالتوكيل مايمشي شي عجيب والله

وآسف عورت راسكم بس لأني محتار مب عارف شسالفه قلت مافي الا الاخوان الي في المنتدى هم الي بيفيدوني

مع تحياتي للجميع

[سعادة الوزير]

يا بعد جبدي .. قاعد اقول لك ان التوكيل الي عندك صادر من جهة تشريعية في الدوله!! .. صادر من محكمة!! .. مستحيل اي حد يقدر انه يطعن في مفعوله ابدا .. نصيحتي لك انك تروح لادارة السوق وتذكر لهم الي حصل وياك .. وانشاء الله مايصير الا لك خير.

[Qtrun]

اوكي يابعد قلبي تسلم يالغالي ومشكورين وبنروح لادارة السوق وبنشوووف اشوووفكم على خير
مع السلامـــــــــه