لعبه خطط لها من قبل صناع سوق قطر قبل الاجانب...

[صراف]

الي يحصل من نزول مستمر مع انعدام الطلبات مع الاسف يدل على لعبه خطط لها من قبل صناع سوق قطر قبل الاجانب...
لاحظو عدد الصفقات مع قيمة الطلبات تلاحظون بأنها عمليات تدار من قبل صغار المستثمرين فقط وصناع السوق يتفرجون...
بمعنى عمليه مقصوده من صناع السوق لعملية تصحيح قويه مفتعله غير طبيعيه تصب في مصلحة الاجانب وضد المستثمر القطري.... فيجب تدخل هيئة سوق المال لتقليل خسائر المستثمرين القطرين وغيرهم فأذا كان من احد اهداف دخول الاجانب المردود المادي الكبير الذي سيعود للمستثمر القطري.. نلاحظ الان العكس فالكثير الان بدأ في مرحلة الخسائر فأين مصلحة المستثمر والمردود المادي من ذلك النزول
وساعدهم بذلك مع الاسف جهل اغلب المستثمرين الصغار الي اي هزه بسيطه يعرضون اسهمهم .. والي يشوفهم يقول انا اغلب الشركات اعلنت افلاسها من كثر خسائرها وضعف الاقتصاد القطري


ياجماعه تعبنا وحنا نقول لكم لالالا للبيع..كل المحفزات مجوده لارتفاع الاسهم من جديد.. فلا داعي للخوف مدام هناك ارباح ممتازه للشركات والنمو الاقتصادي الكبير التي تشهدها دولة قطر...

[سلطان]

انا اتفق معك يا صراف في ان الذي يحدث في السوق هو لعبه مخطط لها من كبار المستثمرين , والسوق مقبل على تصحيح قوي وقد شاهدنا اليوم رقم قياسي جديد في البورصه ولكن للاسف في الهبوط , وللاسف معظم صغار المستثمرين عندنا لا يعرفون اساسيات تداول الاسهم , واليوم لاحظنا انفلات الاعصاب وعدم التركيز وتجد الكثير من الناس تمشي في الشارع وتكلم نفسها فضلا عن اللي يلف عليك بسيارته في الشارع واليوم في منتدانا في الجلسه الصباحيه
لاحظنا العصبيه وتجاوز اداب الحوار بين بعض الأخوه بسبب نزول اليوم.

ياشباب خذوها قاعده اسهم معناها تذبذب , يعني صعود وهبوط , وبما ان لا يوجد في اي بورصه في العالم صعود
مستمر كذلك لا يوجد هبوط مستمر , وامسكوا اسهمكم ولا يضحكون عليكم الهوامير والسوق راح تشوفونه بعد
اسبوعين وراح تشوفون الارتفاعات واللي يبي يبيع الان من حقه وما نقول له لا تبيع بس نصيحتي له اكتب طلب
بيع وخله عن الوسيط واذا شفت في مجال للبيع كلمه واطلب منه يبيع اما اذا طلب صفري وعرض بعشرات الاف
جمد طلبك لان عرضك يضر اكثرمن ما يفيد , والحمد لله وضع اقتصادنا ممتاز وشركاتنا متوقع لها ارباح افضل هذا العام
ان شاء الله , والارتفاعات مقبله.

[الجزيرة]

ياجماعه ,,,,,,,,,,,,,,,, العدد محدود الى فى المنتدى .............. اقصد الشريحه الى انتو اتخاطبونها مش موجوده فى المنتدى.... للاسف .......... بس الى ابى اقوله .......... المساهم القطري يحتاج لثقافه اكبر الى مجال الاستثمار

[السهم الفضي]

انا بصراحه
صاااااااااااااااااار عندي الضغط

[ضايق الصدر]

الحين الناس تبحث عن السيولة للناقلات

[شاهيناز]

مانقول الا الله يستر
ويعود اللون الاخضر

ولاي دخل مجال الاسهم عليه تحمل كل النتائج

والحمدلله اولا وأخيرا

تسلم صراف على التحليل
وسلامي

[الخبير المالي]

في اي سوق يااخوان فيه صعود وهبوط ومثل ماطلع السوق لفترة طويلة اصبروا الفترة الحالية وانشالله الوضع بيرجع مثل قبل وافضل ولازلت اقول ان اللي يتحكم بالسوق هو انتوا والاجنبي بعده مادخل اللعبة

[الدانة عنود]

تدخلون السوق ولا تعرفون شي عنه

ترى


انتو توهقون نفسكم


وتوهقونا :mad:


صار السوق عكس التوقعات والدراسات والتحليل الفني والدعم والمقاومه والمضاربه :)

وللاسف حتى الجدول وشو محتوياته ماتعرفون

تعبتونا والله :)

علشان جذيه نقول
امش عكس تربح

لو من كل جا ونجر ما ضل في الوادي شجر

وسامحوني

[الدانة عنود]

تبيه- الرجاء الالتزام بالموضوع وعدم الخروج عنه

[إنتعاش]

تحية لكم اخواني صراف وسلطان وبقية الاخوه المشاركين .


لا شك ان عمليات البيع المتزايده الآن تضر اكثر من انها تنفع

انا والله كنت بابيع اشياء معينه

لكن يوم شفت الوضع العام للسوق وكمية الاسهم المعروضه

مستحيل ابيع

لأنني لو عرضت اسهمي للبيع وهذا عرض اسهمه للبيع وفق الصورة اللي شفناها امس

راح ندمر اكثر مما نستفيد

فلذلك الواجب الحذر والإحاطه بكافة الجوانب المحيطه بالناس

ودائما نحط في الاعتبار ان ما نضر احد في السوق بعروضنا