المساعد الشخصي الرقمي

مشاهدة النسخة كاملة : الاعلانات التجارية في برنامج وطني الحبيب صباح الخير


عبدالرحمن
16-06-2009, 09:43 PM
يجماعة الخير شرايكم في الدعايات الاعلانية الي يعرضونها على المستمعين خلال الفترة الصباحيه في برنامج وطني الحبيب صباح الخير انا عندي اكثر من ملاحظة بس ماعرف حد ملاحظ وياي ولالا؟.؟.؟.؟؟؟؟؟..؟؟؟.
سداوي&مدريدي
16-06-2009, 09:47 PM
صار لي فتره ما أستمعت للأذاعه

وأتذكر آخر مره كانو حاطين اعلانات

وأتمنى مايقلبون الأذاعه ويخلونها للأعلانات بس
لجين
16-06-2009, 09:51 PM
والله انا اللي لاحظته ان اللهجة رايحه فيها ثقيلة

يفشلون شدعوة هالقطر يتكلمون جذي
غزلان
16-06-2009, 09:54 PM
ما اسمع للبرنامج
عبدالرحمن
16-06-2009, 10:04 PM
صار لي فتره ما أستمعت للأذاعه

وأتذكر آخر مره كانو حاطين اعلانات

وأتمنى مايقلبون الأذاعه ويخلونها للأعلانات بس

الظاهر رواتب الستاف ومصاريف التشغيل من الاعلانات
كلي أمل
16-06-2009, 10:05 PM
اي خصوصآ من الساعه 8 لين 9

وبعد الاعلانات وااااااااااااايد طويله

ف انا اصلن ما اسمعه الا من 9 لين مايخلص
عبدالرحمن
16-06-2009, 10:07 PM
والله انا اللي لاحظته ان اللهجة رايحه فيها ثقيلة

يفشلون شدعوة هالقطر يتكلمون جذي

هذي الملاحظة الاولى الرئيسية صحيح اللسان ثقيل ومخارج الحروف مب لكنه قطريه كلش خصوصا دعاية كيا موتورز ودعايه انصار سيتي
ودعاية مركز القاده الي يقول ولدي مايحب المجالس!!!!!!!!
والدعايات الي باللهجة اللبنانية اقص يدي اذا لبنانيه الي تقول الدعايه اشكره مب صوبها
الألماسي
16-06-2009, 10:25 PM
Simply

Cheap Quilty


: )
مستثمره جديده
16-06-2009, 10:42 PM
كله في صوب ودعاية مدرسة سواقة السيارات في صوب انا تبط جبدي اللي تقول يايتكم ياهل الخبره يوووويتكوووووووم :p
تحداني
16-06-2009, 10:50 PM
.. كيف لشئ منتهيه صلاحيته ..
ان يعاد استخدامه او شربه او حتى احتسائه ..
.
.
هذا حال ..
.. اذاعتنا الفقيره ..
.. اذاعه قطر ..
.
.
.. ويبدو انهم لا يريدون التقدم خطوه للامام ..
..
ومصرين للرجوع الى الخلف ..

انا عندي اقتراح ..
( واقتراحي اعرف انه مامنه نتيجه ..لكن مجرد احلام وامنيات ) ..
.
.
لو ينقلون برنامج وطني الحبيب صباح الخير ..
لصوت الخليج يكون افضل ..:)
.
.
الله يسعدك يارب :)
قطريه ماركه
16-06-2009, 10:59 PM
اي اليوم انا ورفيجتي نسمع الكلام ونضحك ع اللكنه .. مش لأهل قطر ..

شكلها لدولة مجااااااوره *__*
دنيا الاسهم
16-06-2009, 11:14 PM
يفشلون اللغة الدعايات كلش مب لغة اهل قطر مدري وشو جنستهم :secret:
وكلة في صوب واللبنانية اللي تبط الكبد امحق كلام وامحق دعايات لكن الشكوى لله ماعليهم رقابة كلن يجي ويسوي دعاية لا لغة ولا اسلوب :omen2:
الدعاية طويلة وتاخذ من وقت البرنامج هي والاغاني مما يفقد البرنامج مصداقيتة وياخذ من وقت وحق المواطن والظاهر انة متعمد ياليت يلغيها الساعي
عيونا لمدينة
16-06-2009, 11:22 PM
الســلام عليكم

الصراحة الاعلانات تعبانة ومستواها هابط جدا

تحياتي
latty
17-06-2009, 12:47 AM
وش تبونهم يسوووني يطيرون ؟

تصير لهم يعني جوانح

حتى هم مب مقتنعين بالرد بول وحاطينه

والله فشله يقول لات شرب رد بول وهو سابقه الاعلان


وش نقول

اذاعة قطر
عبدالرحمن
17-06-2009, 08:18 AM
بصراحه المستوي هابط وسخيف واذا شفنا المستوى الركيك حق اللهجة الي مب صوب لهجة هل قطر
كلش


وعرفنا اسماء ممثلين الدور مارح نشرهه عليهم الشرهه والله على المسؤلين الي يسمحون بهالشي وخصوصا انه الاذاعة في عدد كبير من دول العربية (تنسمع )
يعني على سبيل المثال لا الحصر في دعايه كيا موتورز يوم يقول العروض الي اكثر سخونه في قطر
ويرد عليه الشخص الثاني ويقوله وين هاي؟ وبعد
ويقول تامين شامول(يقصد تامين شامل) يعني شي غريب عجيب
والي استغرب منه دعايه اكاديمية القادة
الي يبي يسمع الدعايت اعتقد في رابط لوطني الحبيب صباح الخير موجود في نت يختار اي حلقه خلال الشهر الي راح بيسمع الدعايه خصوصا اول نص ساعه من بث البرنامج لانهم ملقو وثقلو وغثونا بها
ف الاخير اذا بدلو حسن الساعي وعبير مبارك من تقديم برنامج وطني الحبيب صباح الخير اعتقد راح يرجع يسطع نجم البرنامج من يديد بعيد عن النفاق وبعيد عن التصنع وبعيد عن تلقي الاوامرفي مواضيع الطرح
اشكر الجميع على ردودهم على الموضوع
مهاجر
17-06-2009, 08:44 AM
اكثر الدعايات عن ريد بول واللي نسمعه ان رد بول له مضار وهذا برنامج الناس تستفيد منه فاعتقد ماينفع ينعرض في مثل هالوقت ...

او يطلعون بيان انه خالي من المضار وعقب يحطون دعاياتهم ....
MeMe MoOoON
17-06-2009, 01:16 PM
هههههههههههههههههههههه انا كل ماسمعهم اضحك عليهم
ليــث قطر
17-06-2009, 01:40 PM
ولا دعاية ألوان الخليج

ولا سفريات الديرة

ولا الشراع لبطاقات الافراح (حاطين لي اغاني طقاقات) !!


إييييييييييييييييييييييييييييييييييييييف


صج صج صج Low Quality
رحال
17-06-2009, 01:54 PM
ما أستمع للبرنامج ، لأن المذيع والمذيعة

يخلقون المشكلة ويبالقون فيها أكثر من أصحابها

وعندهم كم موضوع طوال دورة البرنامج رايحيين ورادين عليه

والتصنع واضح عليهم ، وكأنهم ملهوفين على المشاكل

شوي ويبلعون المايكرفون ...

والدليل أن أكثر المشاكل بعد التحري عليها تكون غير صادقة !!!:telephone:
شموخ العز
17-06-2009, 03:33 PM
خلاص برنامج و طني الحبيب صباح الخير ما عاد اتابعه احسن كلمه فيه ( وطني الحبيب صباح الخير ) بس

مو مثل اول الحين المذيع يرد ويتعذر ويجاوب في اي موضوع حتى المتصل .. مسكين يزهق .. خاااصه اذا قالو له ها الكلمه( رسالتك وصلت او انت عطيناك الوقت الكافي تقول اللي ف خاطرك)

اااااااااااااااااااااااااااااااااااااااااااايه يا برامج اول( مع كل حبي وتقدير للمقدمين والمعدين وجميع طاقم البرنامج...... بس بنرامج وطني الحبيب مو مثل اول


يعطيكم العافيه
فلفل حار
17-06-2009, 06:46 PM
ما اسمع للبرنامج

Me 2...:)
عبدالرحمن
17-06-2009, 07:41 PM
ما أستمع للبرنامج ، لأن المذيع والمذيعة

يخلقون المشكلة ويبالقون فيها أكثر من أصحابها

وعندهم كم موضوع طوال دورة البرنامج رايحيين ورادين عليه

والتصنع واضح عليهم ، وكأنهم ملهوفين على المشاكل

شوي ويبلعون المايكرفون ...

والدليل أن أكثر المشاكل بعد التحري عليها تكون غير صادقة !!!:telephone:

اتوقع انه بعض المتصلين هم من ربع المعدين والمقدمين ومحفظينهم شيقلون وخصوصا اذا تم طرح موضوع معين وتم النقاش عليه صحيح انا مش من متابعين البرنامج باستمرار بيس يصدف من 7 ونص لين 8 الا ربع او الا 10 اكون في السيارة متجهة للدوام واسمعة واوقات افر عنهم لانه مايبلها واحد ذكي ولا فهلوي مبين الاتصالات مسوين بروفه قبلها بيوم لانه اشكره المذيع يعرف المتصل شيبي وشيبي يقول قبل ليكمل
وخصوصا مواضيع بعض القطرين والقطريات اللي يبون شغل ويقولها عادي حتى لو تشتغلين فراشه ولا فراش ماعندك مانع ليش خلصت كل الوظايف عشان حضرتك تعرض عليهم هالوظيفه وهل اذا فنشوك يالساعي بتقبل فيها لانه هالكلام يجرح اي قطري في بلاد عز وخير يسمع هالشي طبعا المواضيع والردود اللي في وطني الحبيب صباح الخير كثير فيها من المغالطات والمحسوبية بس بعض النقاط صراحه تلفت الانتباة
اعتقد انه القيادة العليا للبلاد كانت تابع هالمواضيع وكانت تعطي اوامر بالتوجية وعمل اللازم لمن كانت فيه مصداقية واقعيه بس اشوف الناس بدت تصرف نظرها عنه للاسباب المذكورة اعلاة فيليت يتم تغير الكادر كامل في الدورة اليديدة ويستفيدون من برنامج ستديو1 الي في اذاعة الامارات المدعوم من حكام الامارات ويتصلون على الجهة الي فيها المشكلة ماينطرون المؤسسه ولا الوزاره تتصل ولا تدري عنهم وهذا اكبر دليل على اهمال جميع مؤسسات الدوله لهم وهم يتشكون مافيه رد لانة خلاص عرفو لهم
عبدالرحمن
19-06-2009, 05:05 PM
كله في صوب ودعاية مدرسة سواقة السيارات في صوب انا تبط جبدي اللي تقول يايتكم ياهل الخبره يوووويتكوووووووم :p

هههههههههههههههههههههههههههههههههههههههههههههههههه ههههههههههههههههههههههههههههههه
بالضبط
فارس العرب
19-06-2009, 05:40 PM
والله انا اللي لاحظته ان اللهجة رايحه فيها ثقيلة

يفشلون شدعوة هالقطر يتكلمون جذي

والله صادق يفشلون
Riku3
19-06-2009, 06:45 PM
وين ايام الدكتورة الهام بدر .. كان البرنامج قوي ومافيه السلبيات الي موجوده حالياً ..

وكانت كل المشاكل مهمة عندها وتوصلها لاكبر شخصية لحلها ! .. مب مثل الطاقم الحالي الي لسانهم دايم يقول "وصلت ملاحظتك وانتظر رد" (لو عطوك وجه) ..

والا لما يتصل شخص ويعطي ملاحظته ويقول انه اتصل على العلاقات العامة ولا فادوه وظلموه ... يقولونله بنحولك على العلاقات العامة وتفاهموا >_< ..

والا الناس الي انظلمت من التوزيعات الاخيرة لبنك التنمية واخرتها قالوا للكل ان اسمائكم باللسته القادمة ومنعوا الكلام عن الموضوع بعدها .. مع ان ماعندهم ضمان انهم بيكونون في اللسته ! ..

هذا غير اسلوب عبير السيء مع المتصلين وقطعها لكلامهم بشكل دائم .. وخصوصاً لما تحاول تترجم كلام المتصلين كأن المتصل مايعرف يتكلم بنفسه ! .. وغير انها تحب تفرض رايها عليهم وتهمش مشاكلهم ببعض الاحيان .. ودايم تقول "انا متأكده انهم ماراح يقصرون وانهم بخدمة المواطن وان شاء الله بنوصلك فيهم" ! .

هذا غير الاغاني والموسيقى الي ملى البرنامج .. والدعايات الهابطه الي تحدث عنها الاخوان قبلي ! .

يقولك .... التنزيلات من امتيييييييييين لا امتيييييييييين ..

مشي حالك :) .
همر
19-06-2009, 06:58 PM
انا خفت اتكلم في الموضوع يهبون علي ناس...

بس دام ناس وايد لاحظت اللكنه العجيبه

اقول حق الاذاعه اتقوا الله في اللهجه وحطوا لجنه للموافقه او الرفض للاعلانات اذا كان تسجيلها رديء ولا يكون همكم الفلوس وبس !!!

اما اذا صار همكم بس سعر "التااااكليفااااااه" فعلى اللهجه السلام...
عبدالرحمن
19-06-2009, 09:18 PM
انا خفت اتكلم في الموضوع يهبون علي ناس...

بس دام ناس وايد لاحظت اللكنه العجيبه

اقول حق الاذاعه اتقوا الله في اللهجه وحطوا لجنه للموافقه او الرفض للاعلانات اذا كان تسجيلها رديء ولا يكون همكم الفلوس وبس !!!

اما اذا صار همكم بس سعر "التااااكليفااااااه" فعلى اللهجه السلام...




لا بالعكس يالغالي الي بيهب عليك تراه نفس لهجتهم وبخصوص المادة المفروض الاذاعه جهاز حكومي ماتهمة المادة لانه يحصل دعم كبير وقوي من الحكومة
بخصوص مشاركه الاخ راكيو 3 ضحكتني صراحه كلمه التنزيلات من امتين لين امتين
كل ماسمع هالدعايه اضحك احس لهجه يهال يتكلمون مب ناس كبار
هي ودعايه كيوتل مع باقه نجوم الي بنته صغيره تقوله دشيت النت يقولها عفيه عليج بشتريلج اي بود او ساعه والله مب ذاكر بس يعني مكافاه لها انها دشت النت وزوجته بيشتريلها هديه وولده بعد بس عشان استخدمو خدمات كيوتل؟؟؟؟؟؟؟؟؟
انا حره
20-06-2009, 12:08 AM
انزين حتى بدايه البرنامج لما اتقول الاعداد والتقديم واتقول الاسماء احسها تنرفز
ذهب
21-06-2009, 10:42 PM
ابصراحه انا اشوف ان البرنامج وطني وللمواطن مايبي الدعايه الماسخه :telephone:

والوقت ما يكفي وفيه اخبار وعرظه ، يعني صار مزدحم وممل وحنا مش محتاجين تعريف لحليب ابو قوس بلهجه لبنانيه احنا الي بنعلمهم الكرك :victory:
ولد البدر
21-06-2009, 11:08 PM
في هالوقت من 8 - 9 أحس كأنه ما يطلبه المستمعون ، كله أغاني اتخلص اغنية يحطون غيرها ما دري شيسوون في هالفترة
بنت ابوها 19
22-06-2009, 03:23 AM
يكرهي للزلمه لو تحجت قطري
والله ع طول افر القناه
يحفظك ربي
22-06-2009, 07:01 AM
ما أستمع للبرنامج ، لأن المذيع والمذيعة

يخلقون المشكلة ويبالقون فيها أكثر من أصحابها

وعندهم كم موضوع طوال دورة البرنامج رايحيين ورادين عليه

والتصنع واضح عليهم ، وكأنهم ملهوفين على المشاكل

شوي ويبلعون المايكرفون ...

والدليل أن أكثر المشاكل بعد التحري عليها تكون غير صادقة !!!:telephone:

اسمحلي كلامك غلط .. بالعكس انا اشوفهم متفاعلين مع المستمع وقلوبهم على هالمواطنين المساكين

عكس الوزارات والادارات والمؤسسات الباقيه اللي جنه مالها خص !!!!!


:victory:
يحفظك ربي
22-06-2009, 07:05 AM
كلله ولاذيك لين سوت نفسها ناعمه لين تتكلم وتقول الاسامي ورقم التواصل

ودي ارقعها بكف يعدل بلعومها اففف

وبخصوووص اللهجه صججج رايحه في عينها

واااايد يشدوون على مخارج الحروف والكلمات تطلع عويه ومعاقه !!

اكان احنا القطريين مانتكلم جذي .. !! وعندكم دليل بعد مقدمين البرنامج نفسهم مايتكلمون جذي !

الا هالاشكااال اللي مادري من وين يايبينهم كلامهم غير ما لأمه خص في قطر

فشلووونا ياخي

وزياده على اللهجه احس اسلوبهم اسلوب يهال هههههههههه

هذا كله من انصار سيتي الي رقمهم 401029458045؟

ششدعوه وين قاعدين يالربع

والا انا تمللت من الغبار شسوي الحين يابو فلان ؟؟

قسسم بالله انفقع من الضحك الله يخسسهم
بوعبدالله100
22-06-2009, 08:08 AM
اشوفها عاااديه .. لانها تمر على لجنه على مقرر اللجنه الي اعرفه شخصيا من المؤسسين وخبرته ماتقل عن 30 سنه باذاعة قطر .. ودام مخارج الحروف سليمه مش وخل الناس تترزق .. وانت قصدك على اللهجه البحرينيه الي باينه في الاعلانات بعد هذا الي موجود ويقبلون يطلعون بالراديو .. اي احسن هاللهجه المقاربه ولا بعيون خضر يسولف لهجتك ؟

وعلى فكره في كذااعلان انشالو بعد مامسك الريال المكان مثل هااذيكي الي تقول : لااااااااااااا يااااااااااااااعيووووووووووووووووووني لا زم تجيب التوووووووووووووفااااااااال .......... واجانب بلهجه خليجيه
Sonik
22-06-2009, 09:46 AM
انا لاحظت ان اعلان ريدبول باللهجة اللبنانية فيه لفظ غير لائق ويخدش الحياء
نرجوا من الاخوان القائمين على البرنامج ملاحظة ذلك
بوعبدالله100
22-06-2009, 09:54 AM
انا لاحظت ان اعلان ريدبول باللهجة اللبنانية فيه لفظ غير لائق ويخدش الحياء
نرجوا من الاخوان القائمين على البرنامج ملاحظة ذلك

ماتدري الشيخ ترى في رقابه يمكن ينشال اي وقت.. بس اذا انت حسيته يخدش الحياء غيرك يشوفه عااادي
شموخ
22-06-2009, 07:36 PM
الدعاية مالهامعنى بس حق تضييع وقت البرنامج من كثرةالشكاوي00
alsenator
22-06-2009, 07:49 PM
Mbc ايام رمضان