مجلس الوزراء : الموافقة على هدم وإعادة بناء مساكن ذوي الدخل المحدود [الأرشيف]

مشاهدة النسخة كاملة : مجلس الوزراء : الموافقة على هدم وإعادة بناء مساكن ذوي الدخل المحدود

عبدالله العذبة

18-06-2009, 10:29 AM

الموافقة على هدم وإعادة بناء مساكن ذوي الدخل المحدود

ترأس معالي الشيخ حمد بن جاسم بن جبر آل ثاني رئيس مجلس الوزراء الاجتماع العادي الذي عقده المجلس ظهر أمس بمقره في الديوان الأميري.

وعقب الاجتماع أدلى سعادة الشيخ ناصر بن محمد بن عبدالعزيز آل ثاني وزير الدولة لشؤون مجلس الوزراء بما يلي:

سادسا- الموافقة على اقتراح وزارة الشؤون الاجتماعية بشأن هدم وإعادة بناء المساكن الشعبية لذوي الدخل المحدود التي تم تسليمها للمنتفعين حتى نهاية 1987.

المصدر العرب الخميس 18-6-2009
http://www.alarab.com.qa/details.php?docId=86256&issueNo=542&secId=16

الألماسي

18-06-2009, 10:38 AM

الله يعز الدوله . .

خبر يشرح الصدر . . و 1000 مبروك لأخواننا

شكرا يا عبدالله

عبدالله العذبة

18-06-2009, 10:41 AM

الله يعز الدوله . .

خبر يشرح الصدر . . و 1000 مبروك لأخواننا

شكرا يا عبدالله

الأخ الغالي الألماسي المحترم

اللهم آمين، وهذا ما ننتظره من الحكومة الموقرة ولها الشكر، ويستاهلون المنتفعين من هذا القرار كل خير وبارك الله لهم.

مسلمة

18-06-2009, 10:52 AM

خبر مفرح فعلاً

الله يوفقهم دوم لخدمة الشعب

GOOKLUCK

18-06-2009, 10:54 AM

الصراحه خبر يثلج الصدور ..

تحياتي للجميع

Mansour_qa

18-06-2009, 11:38 AM

خبـر جميـل صراحـة والله يعينهـم مع بنـك التنميـة إذا تحولـت أوراقهم لهـا ..

الخير كله

18-06-2009, 12:32 PM

احلى خبر على المستوى الشعبي للقطريين منذ الاسياااااد (باعتقادي)يستاهلون هالمساكين والله ان الفلوس فيهم حلال...الله يرحم والديك يابو جبر وعساك من خير لاخير لهالقطر

" روح قطر "

18-06-2009, 12:41 PM

جزاك الله الف خير على هالخبر الحلو

وتبقى الدنيا حلوه

18-06-2009, 12:51 PM

جزاك الله خير

الموضوعي

18-06-2009, 01:53 PM

أخيراً بعد 8 سنوات من الانتظار ببشر رفيقي!

روح الاطلس

18-06-2009, 01:56 PM

هل بيوت التركيب المبنية منذ 1987 داخله في القرار ولا لا

Gold Boy

18-06-2009, 01:57 PM

good news

رأس بروق

18-06-2009, 03:54 PM

هل بيوت التركيب المبنية منذ 1987 داخله في القرار ولا لا

صحيح هذي هي البيوت اللي بالهـــلال والدفنـــــــــــه التـــركيــب :nice:

london 1

18-06-2009, 04:13 PM

يعني بيبنون ببلاش والا يبنون و يعيدون الاقساط مره ثانيه؟

ريماس الغلا

18-06-2009, 04:18 PM

نتأمل بالتطبيق السريع

والله يزينها ان شا ءالله

روح الاطلس

18-06-2009, 06:29 PM

شكله مجرد قرار لكن التنفيذ لين الحين يبي لهم 5 سنوات او اكثر :(

الخفي

18-06-2009, 07:18 PM

بس فيه مشكله راح تواجه اهل البيوت الشعبيه

الجماعه بانين بيوتهم ايام ماكانت البيوت على 300 الف

وكان القصد 800 ريال

الان السعر هل راح يكون 600 الف او مليون و200 الف

والقصد 2500 او 3000 ريال

هني المصيبه واغلبهم تقاعد وعياله قاعدين معاه في البيت

ورواتبهم ماتتحمل

ســـهم

18-06-2009, 07:43 PM

THE PILOT

18-06-2009, 08:31 PM

الف الف مبروك ويستاهلون هل قطر وعقبال تسديد الديون.

الـقـاسـي

19-06-2009, 01:17 AM

اتوقع ماراح ياخذون فلوس .. لان واحد هدموا له بيته وبنوه مره ثانيه وكانوا مستأجرين له بيت ..

مستجدة

19-06-2009, 01:37 AM

اتوقع ماراح ياخذون فلوس .. لان واحد هدموا له بيته وبنوه مره ثانيه وكانوا مستأجرين له بيت ..

اكيد ولد عز ولا عندة واسطه من فووووووووووووووووووووووووق

الله يرحم اللي ماعندة واسطة :secret:

~ نســـايم ~

19-06-2009, 07:29 AM

بارك الله فيهم ما يقصرون والله يديمها علينا من نعمة الحمدلله رب العالمين

احلام الدوحة

19-06-2009, 04:29 PM

قرار يفرح بس اعتقد بتكون هناك لجنة وهاللجنة بتعاين البيت وتشوف اذا صالح ام غير صالح يعني ماظن الكل

صوت الضمير

03-07-2009, 12:56 AM

اكيد ولد عز ولا عندة واسطه من فووووووووووووووووووووووووق

الله يرحم اللي ماعندة واسطة :secret:

مرحبا اخواني واخواتي

فعلا حنا ابوي راتبه ضعيف وبيتنا قديم ملك لابوي

وطلبنا اعادة بناء وجاو البيت شافوا حالته

وطلعنا ببيت ايجار على الحكومه يدفعون لنا ،، وبيبنون لنا البيت من جديد

بدون واسطه ولاهم يحزنون

يبي لكم اثباتات ومراجعه واموركم متسيره باذن الله

وهذا الموضوع من زمان هاذي منحة من الدولة

وكثير من الناس مايدرون فيها:) الحمدلله صار لنا اربع سنوات في بيت ايجار من الحكومه

ننتظر يعيدون هدم بيتنا وببناءه من جديد بس عقب ماتخلص الاجراءت ...

هم يعطونكم قرض ونسدد على مهلنا .. لكن البيت يظل مرهون لين ماتخلصون التسديد

هذا اللي فهمته من الموضوع...

هذا الموضوع اتوقع حق البيوت العجزه اللي معطينها ذو الدخل المحدود

وموضوعي حق اللي عنده بيت ملك وقديم :) دخلت عرض

العنود

هذلان

03-07-2009, 01:24 AM

قرار مفرح بيض الله وجه حكومتنا الرشيده و ولاه امرنا .

يا جماعه فيه ناس مثلنا لاطلنا لا خضر ولا يابس للاسف و احنا فئه قليله . الي هم الي سكنوا في بيوت اعتقد اسمها بيوت الشيخ الانصاري .. انبنت البيوت هذي من اكثر من ٣٠ سنه لاهل قطر يسكنون فيها (على اساس ماكانت بيوت من الحكومه الي تاخذ لها القرض) بعد سنين قالت الحكومه الي يبي يسجل البيت باسمه ممكن نسجله و الوالد رحمه الله عليه سجل البيت باسمه و فيه ناس ماسجلت البيوت باسمها و استحقوا بيوتهم العاديه (الارض و القرض) احنا قالولنا ما تستحقون لانكم حصلتو على بيت منحه .. طيب نبي مثل اخونا نعيد نبني البيت مره ثاني خصوصا ان البيت قديم جدا و ايام بنيانه ماكان فيه شي اسمه رمل مغسول (اجلكم الله).. قالو لا هذي مش بيت اسكان عشان نبنيه لكم مره ثانيه انتو وضع خاص !! وبتنحل مشكلتكم .. فلا طلنا بيوت جديده مثلنا مثل العالم ولا اعادو بناء البيت

وبحكم كثره المراجعات الي راجعناها اتوقع بيقولون هالمكرمه هذي ماراح تشملكم وخصوصا الي مثل حالتنا عددهم مش كبير جدا عشان تكون لنا حاله واضحه ... ضايعين لا طايلين هذي ولا هذي ... ودي اكون متفائل بس كل ما حاولت تسكرت جدامي ... طيب مالنا ذنب ضايعين بين هالقوانين ماندري شنسوي

السهم الذهبي

03-07-2009, 02:00 AM

وين مكان تقديم طلب هدم واعادة بناء ؟

the engneer

03-07-2009, 02:01 AM

هل بيوت التركيب المبنية منذ 1987 داخله في القرار ولا لا

اخوي بيوت التركيب منتهي موضوعها والدولة متكفلة بهدمها واعادة بناءها والتعويض عن اي مباني قد اضيفت كملاحق وتوفيرra لفترة البناءبغض النظر عن عمرها او حالتها