مستشفى حمد والمهزلة.. الى أين؟

[امل الحب]

السلام عليكم ورحمة الله وبركااته

مستشفى حمد .. المستشفى الحكومي االرئيسي فالدولة .. والي المفروض يكون على مستوى عالي في دولة مثل قطر كونه المستشفى الرئيسي الوحيد والي المفروض يواكب التطور الحاصل لعدد السكان والقدرة على استيعابهم حتى نصل الى طبيب حق كل مريض حتى نستطيع توفية طلباتهم.. وكون الاهتمام بالصحة المفروض يكون مراقب على مستوى دقيق عدم تهاون ولعب بالناس ووقتهم وصحتهم على حساب دكاترة وممرضين لايعون من مسؤولية تخصصهم اي شي ولايدركون القسم الي اقسموه ولايدركون قيمة الوقت في حياة الناس ومشاغلهم.. :)

وفالبداية قبل البدء بالموضوع بالنسبة للي يقيمون الناس من منطق متحلطمين وشكايين الاحتفاظ بتعليقاتهم حق نفسهم افضل..

لان يكفيني ضغطي الي وصل 10 مليون اذا مو اكثر من المستشفى والشخصيات الي ماعندها ادني احترام حق الناس على مدى يومين واقصد بهم الممرضات والدكاترة..وان كنت اشكر الاداري المسؤول على تصرفها الي ينم عن وعي وادراك وتحملها للي ياها من كلام من الناس..

:)

دكتور يقول انا قادر على العياادات المسائية .. وبعطي كل جهدي .. ولكنه مو حمل هالمسؤولية..

بالامس كان عندي موعد مراجعة مع دكتور اعصاب في العيادة المسائية بناء على موعد معطيني اياه الدكتور ان يناسبه .. العياادات المسائية تفتح الابواب عند ال5 مساءا .. دوامي ينتهي قريب ال 4 .. :) مالي مجال للراحة ابدا..
الدخول.. التسجيل .. الدفع .. كلها مرت ومحد فيهم اكتشف ان الدكتور محد رغم ان هذا كله خذ ساعة ونص كاملة ..

التوجه حق اخذ الرقم.. شاف الورقة وقطها نزلي حق الاداري طلبي موعد وتوقيع عشان يرجعون فلوسج..ليش؟؟؟!

الدكتور مابيكون موجود من هني لين شهر قدام .. :(

زين من غيره موجود؟؟؟. مايصير لازم الدكتور يوقع تحويل..

زين ياماما ابي دوا عالاقل الدوا كافي حق يومين جدام..

الدوا لايصرف بدون دكتورج:rolleyes2:..

بس هالدوا مايتوقف فجأة لو شيصير والكل عارف هالشي..

سوري ماقدر اسوي شي.. :anger1: وصل ضغطي مليون..

نزلت حق الاداري المسؤول.. كانت شخصية واعية قادرة تتفهم الناس

ولكن الزحمة الي عندها مو طبيعية :(

طلعوا 6 دكاترة معتذرين .. زين ليش مايبلغونا عالاقل نروح البيت بدل هالمشوار..

صعب حصر كل الاسماء والاتصال :) عذر بايخ .. المهم عقب ماخصلت العالم بالتحويل على مواعيد تبعد 2 - 3 شهور بعد وصول موعدهم الي هو امس.. :) رجعوا فلوسهم وهزوء وزفوا وصرخوا وعصبوا لكن لانتيجة..

اوكي انا مشكلتي عالاقل ابي دوا يعني شسوي الدوا موموجود برا ..!

قالت بسيطة انتي موظفة .. اي نعم ماقدر ايي الصبح .. اوكي ارسلي السايق مع علبه الدوا والبطاقة الصحية وكرت الدكتور .. وبيدخل غرفة ويقول انج محتاجة هالدوا وبيصرفونه لج..

مرت السالفة وطلعت وانا بنفجر للحين بمر فالزحمة متى بوصل البيت :).. المهم ان اليوم كله ضاع بمشوار بايخ عالفاضي ووصول البيت كان 8 ونص .. :secret:

الصبح راح الدريول .. دخل وهو معاي عالخط عشان مايضيع فالمستشفى .. قال حق الممرضة مدام امس يجي ودكتور مسافر ويبي هذا دوا وهي عارفة هالدوا شيصير لو تضيع جرعة وحدة منها ماياخذها الي يستخدمها .. قالت له اطلع برا :eek5:.. قالي مدام قلت له قولها مدام عالخط .. قالها قالت له اقولك برا وقول حق مدام هذا دوا من عند دكتور :weeping: قالي شسوي قلت له روح حق الاداري لانهم عارفين هالاشيا..

راح .. وليته ماراح .. الاداري ان شاء الله بسوي وبكلمهم وكان شخص غير عن الي امس.. تم ساعة ونص وهو معطيه طاف وانا معاه كل دقيقة اتصل يقول مدام يقول هذا مايبي يكلم خلاص :)

المهم مر الوقت قلت له ارجع البيت خلاص.. ياني اتصال اطرشه ياخذه .. المهم وصل هناك .. سمعوه كلمتين ورجع البيت.. ان توك ياي الحين مافي استلام.. زين انتوا توكم متصلين..

فالاخير حسبي الله ونعم الوكيل فيهم وفي استهتارهم بارواح الناس.. ودكتوري بيلقى الي يرضيه مني على هالحركة البايخة .. والدوا على الله لان الباقي حق 3 ايام :)

هذي قصتي .. :) وموعدي تبارك الرحمن الي هو اقرب موعد عقب شهرين :)

* فتاة دخلت تشتكي تقول صار لي 4 شهور ناطرة موعدي ال2 بعد غياب الدكتور عن الموعد الاول.. واليوم الدكتور ماجا..وهذي 2 مرة يسويها.. قالت لها تبين موعد قالت اقرب موعد .. اقرب موعد شهر 9..

* مريض قلب.. تعباان وحالته محتاجة جراحة ودكتوره الي يتابعه موموجود اليوم.. خذ موعد حق عقب شهر.."هذا موعد عاجل" .. ههههههههه تحطيم..

وطبعا صباحي ممنوع بعد لازم تحويل من الدكتور .. يعني موت عادي بس لاتزعج الدكتور .. :)

** تحية مني حق الموظفات ال3 الي كان بالهم طويل وتحملوا الي صار وضغط الناس وانفلات اعصابهم بروح حلوة وتقدير منهم ..

* تحيه حق دكتور طلع مع مريضه عشان ينبه الكاونتر ان اجازته شهرين 7 و 8 ويعطونه موعد في اول عيادة له بعد الاجازة .. "كم دكتور مثله؟"



بس السؤال..؟

1- هل الدولة عاجزة عن توسعة المستشفى بحد يكفي الجميع رغم وجود كفااءات من الاطباء يشهد لهم حتى يشغلون عيادات ثانية في نفس المجال والوقت؟؟

2- هل لو كان هناك اجراء صارم مع اي طبيب يتخلف ويتسبب بمشاكل حق مرضاه دون ابلاغهم.. بينتبه وبيحاسب وبيحط في باله القسم الي اقسمه يوما ما..

الاجراءات الصارمه مثل:

1- اغلاق عيادته وايجاد غيره قادر على هالشي ومنعه من دخول المسائية.
2-الزامه بتقديم الاجازة قبل 3 اشهر حتى تكون الصورة واضحة للمرضى.
3- ايجاد بديل مناوب في نفس التخصص في حال غيابه.

اجراءات للمرضى:

4- ايجاد وسيلة مثل ال SMS لابلاغ الناس بزر واحد وداتا بيس وحدة للتسهيل على المرضى
5- ربط الشبكة حق الكاشير مع شبكة الكاونتر عشان يبين ان الدكتور موموجود
6- عرض جدول باسم الدكتور الغير موجود عالاقل الواحد ينتبه قبل ماتضيع عليه ساعتين وهو ينتظر..
7- اعطاء موظفينهم كورسات التعامل مع الناس.


والنقطة الاهم.. سرعة تحرك المسؤولين في متابعة توسعة المستشفى ترا طفح الكيل بمايكفي منكم يامستشفى حمد

سوا ولادة او عام او حتى عيادات ..

الولادة دائما الغرف فل شنسوي يعني تبقى المريضة 2 يوم قبل لايلقون لها سرير والله حالة ..

ولحد يقول تحلطم او غيره..

لان الكلام كله صحيح

مستشفى غير قادرة على التوسع والانتهاء منها بسرعة في اغنى دولة فالعالم ..

ترا الكلام الي انقال امس جدامي اسوأ من جذي ياريت يامسؤولين تلفتون حق الناس شوي.. ماعتقد هذي كماليات بعد !!!

هذي احد عجائب الدنيا :)..

[روح الاطلس]

ااااااااااه ياوخيتي قصتج تعور القلب والله

انا بعد لي سالفه مع دكاترة مستشفى حمد .. وخاصة الحين شهر 6 و 7 و 8 كل الدكاترة يطلعون اجازات وبوقت واحد .. انا كنت اخذ مضاد حيوي وتدرين المضاد الحيوي لازم الواحد مايقطعه لين يكمل الكورس كانت السالفة شهر 7 السنة اللي فاتت وخلص المضاد الحيوي ورحت للمستشفى ادور دكتورتي قالوا لي طالعه اجازة .. طيب اشوف دكتورة ثانية قالوا لي كلهم اجازات وماراح يرجعون قبل شهر 8 !! قلت لهم هالمضاد لازم اخذه ولا تعب الاشهر اللي طافت بيروح عبث ان ماكملت الكورس ..اااه بس وش نقول وش نخلي من مشاكل هالمستشفى والاطباء عديمي الضمير يروحون يستانسون ومتناسين مرضاهم

وبالنسبة حق المباني كلها خالصة من سنة 2006 بس مدري ليه الحين ما افتتحوها !! علامة استفهام كبيرة
اذا حتى العمارات السكنية حقت الاطباء للحين ماسلموها لهم مع ان الاسياد خلصت من ثلاث سنين

هذا غير المراكز الصحية الخالصة وللحين مافتحوها واحد منهم في منطقة سيلية ابو نخله خالص من سنة 2005 والغبار غطاه ومافتتحوه

الله يعينا بس ونتفائل خير على الوزير الجديد

[الخفي]

مستشفى كل شي فيه غلط

التشخيص غلط

المواعيد بالاشهر

الاسره والغرف مافيه

النظافه مافيه

الاداره فاشله

المواقف مافيه

العيادات المسائيه تخبط وزحمه ودكاتره مو ملتزمين

اذا انه اكبر تخبط يعيشه مستشفى في العالم

[رجل الجزيرة]

أختنا الفاضلة / أمل الحب حفظج الله تعالى

السلام عليكم ورحمة الله وبركاته

أولا: يجب أن تتابعي الطبيب المعالج لج شخصياً والسبب هو عارف التشخيص بالضبط وهو الذي يعطيج الدواء المناسب لجسمج فمن غير المعقول أن يأتي مثلا طبيب الأطفال ويصرف العلاج لأنه غير مؤهل لهذا الإختصاص وإنما للأطفال فقط أنا قلت هذا على سبيل المثال.
وبالمناسبة كما تعلمين أن معظم الأطباء وعوائلهم يسافرون خاصة في الصيفية وليس الكل وإنما هناك البدلاء وهذه الإجازة من حقه وخاصة إذا كان هو إستشارياً.

العيادات الخارجية فتسألين الأمن فهم يأخذونج للقسم الذي ذكرته من شوي وتعطينهم جميع معلوماتج وهم بدورهم سيتابعونج ومع طبيبج المعالج أو البديل إذا طبيبج مسافر أو يمكنه مسافر لمؤتمر طبي.

ثالثا: صدقوني المسئولين في مؤسسة حمد الطبية ما يقصرون معج ومع أي مريض آخر، لأن هناك أوآمر من إدارة المؤسسة بإهتمام المرضى كل واحد بإختصاصه وإذا لا سمح الله إذا فيه خطأ مع أي موظف كان وجتى ولو كان طبيبج بنفسه بس أنتي روحي لقسم خدمات المرضى وهم بتصرفون، لأن أهم شيء الجودة، وأنا ما أقول ما فيه أخطأ وهم بشر مثلنا، بس الواحد يخص ولا يعم.

وآسف على الإطالة.
ثانيا: يقول راعي المثل من سأل ما ضاع، المفروض تسألين عن قسم إسمه "خدمات المرضى" على الأقل عند مدخل

[رجل الجزيرة]

ااااااااااه ياوخيتي قصتج تعور القلب والله

انا بعد لي سالفه مع دكاترة مستشفى حمد .. وخاصة الحين شهر 6 و 7 و 8 كل الدكاترة يطلعون اجازات وبوقت واحد .. انا كنت اخذ مضاد حيوي وتدرين المضاد الحيوي لازم الواحد مايقطعه لين يكمل الكورس كانت السالفة شهر 7 السنة اللي فاتت وخلص المضاد الحيوي ورحت للمستشفى ادور دكتورتي قالوا لي طالعه اجازة .. طيب اشوف دكتورة ثانية قالوا لي كلهم اجازات وماراح يرجعون قبل شهر 8 !! قلت لهم هالمضاد لازم اخذه ولا تعب الاشهر اللي طافت بيروح عبث ان ماكملت الكورس ..اااه بس وش نقول وش نخلي من مشاكل هالمستشفى والاطباء عديمي الضمير يروحون يستانسون ومتناسين مرضاهم

وبالنسبة حق المباني كلها خالصة من سنة 2006 بس مدري ليه الحين ما افتتحوها !! علامة استفهام كبيرة
اذا حتى العمارات السكنية حقت الاطباء للحين ماسلموها لهم مع ان الاسياد خلصت من ثلاث سنين

هذا غير المراكز الصحية الخالصة وللحين مافتحوها واحد منهم في منطقة سيلية ابو نخله خالص من سنة 2005 والغبار غطاه ومافتتحوه

الله يعينا بس ونتفائل خير على الوزير الجديد

روحي لقسم خدمات المرضى وهو بيهتمون بالموضوع.

[رجل الجزيرة]

مستشفى كل شي فيه غلط

التشخيص غلط

المواعيد بالاشهر

الاسره والغرف مافيه

النظافه مافيه

الاداره فاشله

المواقف مافيه

العيادات المسائيه تخبط وزحمه ودكاتره مو ملتزمين

اذا انه اكبر تخبط يعيشه مستشفى في العالم

حبيبنا هون على نفسك ولا تضخم الموضوع، ولا تنسى هو المستشفى الوحيد في قطـر.
بتقول ليش ما بنوا من قبل فإلي صار صار ولكن أبشرك إن المسئولين شغالين على مراحل.

[امل الحب]

أختنا الفاضلة / أمل الحب حفظج الله تعالى

السلام عليكم ورحمة الله وبركاته

أولا: يجب أن تتابعي الطبيب المعالج لج شخصياً والسبب هو عارف التشخيص بالضبط وهو الذي يعطيج الدواء المناسب لجسمج فمن غير المعقول أن يأتي مثلا طبيب الأطفال ويصرف العلاج لأنه غير مؤهل لهذا الإختصاص وإنما للأطفال فقط أنا قلت هذا على سبيل المثال.
وبالمناسبة كما تعلمين أن معظم الأطباء وعوائلهم يسافرون خاصة في الصيفية وليس الكل وإنما هناك البدلاء وهذه الإجازة من حقه وخاصة إذا كان هو إستشارياً.

العيادات الخارجية فتسألين الأمن فهم يأخذونج للقسم الذي ذكرته من شوي وتعطينهم جميع معلوماتج وهم بدورهم سيتابعونج ومع طبيبج المعالج أو البديل إذا طبيبج مسافر أو يمكنه مسافر لمؤتمر طبي.

ثالثا: صدقوني المسئولين في مؤسسة حمد الطبية ما يقصرون معج ومع أي مريض آخر، لأن هناك أوآمر من إدارة المؤسسة بإهتمام المرضى كل واحد بإختصاصه وإذا لا سمح الله إذا فيه خطأ مع أي موظف كان وجتى ولو كان طبيبج بنفسه بس أنتي روحي لقسم خدمات المرضى وهم بتصرفون، لأن أهم شيء الجودة، وأنا ما أقول ما فيه أخطأ وهم بشر مثلنا، بس الواحد يخص ولا يعم.

وآسف على الإطالة.
ثانيا: يقول راعي المثل من سأل ما ضاع، المفروض تسألين عن قسم إسمه "خدمات المرضى" على الأقل عند مدخل

اسمح لي اتجاوز الكل وارد عليك

:)

دواي معروف والكمية يصرفها الدكتور لمدة 3 اشهر ويرجع يجددها وهي نفسها ماتتغير عشان مايتلخبط وضعي الصحي .. وهذا شي معروف بمجرد ذكر اسم الدوا

ثانيا.. الاداري المسؤول هو الي قام بالتحويل لان كل شي فالكمبيوتر واضح ومشروح وشنو الدوا الي كان يصرف طول هالفترة..

بس الاستهتار لكون الي راجعهم هندي وعدم مبالاتهم بأن الناس فالدوام يسوي اكثر من جذي

وصدقيني للحين ماطاب خاطري.. بس احضر الاحد ان شاء الله واستئذن وبشارتهم عندي باذن الله.. :) ..

هذي مسؤولية مو لعبة تجاوز جرعة وحدة فقط يردنا لبداية العلاج ويدخلنا في متاهات وغيبوبة انا في غنى عنها ..

وبخصوص البدلاء.. اشوف حلو الازمة الي صارت امس .. زين ماطقوهم الناس والدكاترة مسكرين جوالاتهم والحياة سعيدة.. :)

وخدمات المرضى قالوا يستقبلون الشكاوي فقط وتم تخصيص غرفة 34 لصرف العلاجات العاجلة في غياب الاطباء اعتمادا على الكمبيوتر..

بس جودة مافي .. مانعم لكن 90% منهم ماعندهم ادنى مسؤولية او احترام.. والطبيب لازم يكون عارف اجازته متى ومحددها مع المستشفى ولايوهق خلق الله ..بس تعال اليوم بطلع اجازة كنسلو مواعيدي..!

[شيط ويط]

المهم الحين اشلون (ضغطج) :secret:

[امل الحب]

المهم الحين اشلون (ضغطج) :secret:

للحين حده :anger1:

[شيط ويط]

للحين حده :anger1:

عليج بقوطي (روب) وكثري من (الملح) عليه :secret:

[امل الحب]

ااااااااااه ياوخيتي قصتج تعور القلب والله

انا بعد لي سالفه مع دكاترة مستشفى حمد .. وخاصة الحين شهر 6 و 7 و 8 كل الدكاترة يطلعون اجازات وبوقت واحد .. انا كنت اخذ مضاد حيوي وتدرين المضاد الحيوي لازم الواحد مايقطعه لين يكمل الكورس كانت السالفة شهر 7 السنة اللي فاتت وخلص المضاد الحيوي ورحت للمستشفى ادور دكتورتي قالوا لي طالعه اجازة .. طيب اشوف دكتورة ثانية قالوا لي كلهم اجازات وماراح يرجعون قبل شهر 8 !! قلت لهم هالمضاد لازم اخذه ولا تعب الاشهر اللي طافت بيروح عبث ان ماكملت الكورس ..اااه بس وش نقول وش نخلي من مشاكل هالمستشفى والاطباء عديمي الضمير يروحون يستانسون ومتناسين مرضاهم

وبالنسبة حق المباني كلها خالصة من سنة 2006 بس مدري ليه الحين ما افتتحوها !! علامة استفهام كبيرة
اذا حتى العمارات السكنية حقت الاطباء للحين ماسلموها لهم مع ان الاسياد خلصت من ثلاث سنين

هذا غير المراكز الصحية الخالصة وللحين مافتحوها واحد منهم في منطقة سيلية ابو نخله خالص من سنة 2005 والغبار غطاه ومافتتحوه

الله يعينا بس ونتفائل خير على الوزير الجديد

:rolleyes2:

ياكثر مشاكلهم..

سؤال محيرني بس .. الاوراق والملفات مرتبة عندهم والا كل شي عايم نفس حالهم..

وضعهم مأساة :telephone:

[امل الحب]

مستشفى كل شي فيه غلط

التشخيص غلط

المواعيد بالاشهر

الاسره والغرف مافيه

النظافه مافيه

الاداره فاشله

المواقف مافيه

العيادات المسائيه تخبط وزحمه ودكاتره مو ملتزمين

اذا انه اكبر تخبط يعيشه مستشفى في العالم

:)

يبي لهم اداري قوي فاهم شنو يعني ادارة.. وقادر يمشي المستهترين مستقيمين ..:victory:

مو يترزز بس ..

الله المستعان

[مستقلة]

مبروك الوظيفة

[هتـان قطر]

الله يكون في عونك اختي أمل..وأنا معك في كل كلمة قلتيها

اليوم كان عند أمي موعد ونفس الحالة الدكتور معتذر..طيب كلمونا

عطونا خبر على الاقل بدل ما اتعب أمي في هالحر..

دخلونا على دكتور غير ومشينا الحال..

زين جينا عند الصيدلية الا تقولون جوج وماجوج ..حشى مهب الدوحة ذي

الانتظار يملل والزحمه مهب طبيعية..

ياليت يرأفون بحالنا ويخصصون مستشفى خاص بالقطريين

كفاية الامراض اللي يجيبونها الاجانب من بلادهم..

حتى بغرف الترقيد زحمة زحمة..اربع مرضى بغرفة وحده

هذا غير المرافقين ..والله حالنا ما يسر ..نبي نحس ان بلادنا تميزنا

عن غيرنا ..مهب عنصرية ولكن حق من حقوقنا على دولتنا

أمل الحب الله يشفيك ويتم عليك نعمة الصحة

[دلوليانوز]

ع بلاطه..اختي


انا واحد...لي من السوابق كثير,,,مع مستشفى حمد..بالذات.,,,ومريت بالرميله..ومريت بالامل..

تدرين..حمد..هي الوحيده..اللي بلاويها..وصلت امريكا ودول اوروبا..

كم مره كتبنا تعهد..على نفسنا علشان صارخنا على دكتور..متسيب..واحمق لا يفقه للطب في شي

وعلشان اريحك..هدفهم من هاي كله..التوجه للعلاج الخااااااااص
تطفيش..انا يوم صار لي سالفه مع الوالد ايام ما كان في حمد..ما ابي اقول التفاصيل..قالي اللي يسمي نفسه دكتور..مب عاجب شغلنا..شيل ابوك وامشي..تخيلي

لربما..بعد افتتاح مستشفى الوكره..والغرافه والخور..بكامل طاقتهم يخف الضغط اللي على مستشفى حمد..ولكن

هل بينتهى التسيب..هل بيتغير...شي
حاليا..خلنا نتفائل..مع استلام سمو الشيخه موزة للتعليم والصحه..وان شاء الله يصير تغير..

والعياده الخارجيه..وايد مسوية لي سوالف..لاني اوصل الوالد من فترة الى فترة...كان الله في عون الجميع

وصبرك...على ما ابتلاك...ادعي الله

وقولي يا رب..وان شاء الله ترتاحين من المستشفيات للابد

[toota]

بسم الله الرحمن الرحيم
ايش اخلي وايش اقول عن مستشفى حمد.
بالنسبه لي من زمان ما اروح المستشفى الا لزيارة مريض .
طبعا اروح الخاص. بس تدرون مره من شهر تقريبا حدتني الظروف اني اروح الطوارئ لان كان يوم جمعه وطبيبي الخاص غير موجود. ايش اقول وايش اخلي . والله مهزله. من كثر ما انا مستائه ما اقدر اعبر بالكتابه عن اللي شفته .اولا انا لما رحت كنت تعبانه واتألم . طبعا رحت للموظف اعطيه البطاقة . الموظف كان قطري وانا مش قادرة اسند نفسي علشان اوقف. طبعا الموظف يكلمني من ورا الزجاج وانا ما سمعته . قلت له نعم اخوي ايش قلت . ما وعيت الا هو نافت علي ذيك النفته . اشدعوى هذا مستشفى لا وطوارئ والناس مرضى لازم تراعيهم واتكلم معاهم برفق. ليش الصراخ . عيب والله حتى مش من اخلاق دينا . شلون تصرخ على انسانه مريضه . الله فوق. المهم طبعا الحين الطوارئ في ممرضات قطريات . اول تدخل عليهم وهم يقيمون حالتك على اساس ميزان افتراضي من 0 الى عشره كل ما كبر الرقم تكون الحاله طارئه اكثر. وطبعا هالميزان مثل ما قلت لكم افتراضي . يعني حسب ما تقيمك الممرضه . ممكن تكون بتموت من الوجع وتعطيك الممرضه ان حالتك على اساس الميزان شدتها 2. انت وحظك .
وبعد ذلك الطامه الكبرى . ينادونك ويدخلوك غرفه بين غرف والله ما ادري شلون اوصفها . من كثر ما هي ملخبطه . ما اقدر اوصفها ان كانت غرفه والا ممر . حجمها تقريبا 4 متر في 4 متر . وكل المرضى اللي جايين الطوارئ وينتظرون دورهم يكونون معاك . طبعا ما في منفذ تهويه واحد ولا شباك ولا نور طبيعي من الشمس ولا شي تقول داخل قبر . مكان لو تدخله تلوع كبدك .لا بك الريحه . لا بك الناس كل واحد عنده مرض . يعني اللي جاي طايح ومكسوره يده ياخذ معاه فايروس انفلونزا وهو طالع, لان المكان مكتوم والكل مع بعض . بعدين يدخلونك على الدكتوره بعد ما يرنونك في هالغرفه اللي انا رفضت اصلا اجلس فيها .
وطبعا لا تنسون انهم عطوني ورقه اوقعها ان المستشفى غير مسؤول عن شي يصير لي .
في ذمتكم هذا مستشفى . شلون في مستشفى في العالم قبل لا يسوي اي شي للمريض يقول له اكتب تعهد ان احنا مش مسؤولين عن ايش خطأ احنا نتسبب فيه . بصراح انا وقعت بس حطيت ملاحظه ان مستشفى حمد هو مسؤول عن اي خطأ طبي يتسبب لي فيه . واطالبكم كلكم ترفضون هالورقه ولا توقعون الا بعد ما تكتبون ملاحظتكم . ما ادري هم شلون يفكرون . يستخفون بعقولنا والا ايش . منتهى التخلف صراحه. بعدين دخلنا على الدكتوره .
طبعا وانت عند الدكتوره تشوف المريضه اللي قبلك موجوده في نفس الغرفه معاك . والله انا انحرجت. شلون ادخل والسيده اللي قبلي تشتكي عند الدكتوره يعني هذا المفروض يكون شي خاص بالمريض والطبيب وبس. الحمد لله والشكر . طبعا الدكتوره ما تدري وين الله حاطها . الله لا يحوجنا لهم يا رب . بعدين اكتبت لي الطبيبه ابره . ودعيت ربي الف مره ان الممرضه اللي تعطيني الابره تكون الممرضه الهنديه لاني صراحه الممرضات القطريات ما قدرت استحملهم . وبدون زعل . خاصه ان المستشفى لازم تشوف لها حل مع ملابس الممرضات وخاصه المحجبات . يعني ما يصير الممرضه القطريه لابسه لها تنوره اطول منها بشبرين . تسحب كل وسخ المستشفى بملابسها , ذيل تنورتها محلط اسود من الوسخ . بتقولون لي ستر . بقول لكم الحين البنات والممرضات نفسهم لو تشوفهم في السوق بتلاقيهم لابسين بنطلون وفوقه عبايه. انا بقول لكم ليش التنوره الطويله . علشان بعد الدوام لما يلبسون العبايه والكعب تكون التنوره تمام مضبوطه على الكعب والعباية الطويله يتمخطلون فيها . يعني يا ليت يعطونهم ملابس ممرضات مثل البنجابي يعني مثلا يكون قميص طويل تحت الركبه وبعدين بنطلون واسع مش مشكله . والحجاب يا ليت يكون بعد موحد . لونه واحد مش وحده لابسه ابيض والثانيه بيج وفيه خط زري . بعدين الممرضات حاطين اكسسوارات وخرابيط . ما ادري احس يبغي لهم ضبط. شكليا ومهنيا لانهم يتعاملون مع المريض بغلظه .بعدين ممرضه ثيابها خامه المستشفى بما فيه من امراض شلون تمرضني وتعطيني ابره.
حادثه ثانيه مررت بها . اني سألت موظفه ( قطريه) عن كيفية تجديد بطاقتي الصحيه.
تدرون شلون ردت. كأني ماكله حلال ابوها. تنزرني . طبعا بلغة فيها حده قالت
يعني ايش تبغين تعرفين ؟ قلت لها ايش الاوراق والمستندات المطلوبه ؟
قالت : وشو يعني جيبي البطاقه القديمه وصوره ؟ قلت لها كم مقاس الصوره؟
قالت : بعد وشو صوره وبس ؟ والله ما قدرت اكمل معاها لان اسلوبها زفت كأنها بتعطيني شي من كيسها والا جابرينها على الشغل .
صدقوني عندي الكثير عليهم مع ان زياراتي للمستشفى قليله جدا يعني بمعدل 1% كل خمس سنين. بس لي موضوع اخر واقتراحات لحل هالمأساه.

[فلفل حار]

الله يكون بعونج أختي أمل....


ذكرتيني بموقف صار معاي بطوارئ حمد كنت مودي اخوي الكبير وكان تعبان شوي وقاعدين وياه نقعونا ساعه ونص بس على طلة الدكتور الحبيب...!

المهم فجأه أخوي اعتفس ويها اقوله شفيك يافلان يقول ابي هوا مافي اكسجين ورحت ادور لي حد يجي مب لاقي حد...!

رحت للمرض أقوله هات الاكسجين يالطيب اخوي مب قادر يتنفس يقول آسف ماقدر أجيب لك هالشي الأ باستشاره طبيب ...!

اقوله تعال شوفه انت ممرض ايش فايدتك ...!

الرجال اطلعت عيونه ولونه صار أصفر يبي اكسجين بس ...!

غير بدل ويقول ماقدر يالطيب اسمحلي مب من صلاحيتي ...!

:omen2:



عيل ليش مسمينهم طوارئ ...!


هذا وانا مواطن ويابلفيت لي الاولويه المسبقه .... والله أشوف الهنود مسدحين عند الباب يعورون القلب اقوول الله يعينهم ...!

القطري في بلاده وقاعد يتشكى عيل هو المسكين وين يروح ...!

ولا لحول ولا قوة الا بالله ....

ولكم المايك ...:telephone:




ماتشوفين شر أختي أمــل .... :)

[بو ذياب]

الله يعينج ياما و ياما بتشوفون من مستشفى حمد


انا امي كانت بتموت تحت يدهم ..

دخلوها غرفة العمليات و العبو فيها داخل

حسبي يالله و نعم الوكيل فيهم



و عقب ما سو سواتهم ,, جاتني الدكتوره بكل وقااااحه تقولي

(( انا اسفه بس انا طبيبة عظام و توني متخرجه من ثلاث شهور و الجراحه مش تخصصي بس كان لازم امر قسم الجراحه .. و اذا تبي نصيحتي سفر امك تتعالج برع ))

مسكت اعصابي و امي تحت رحمتهم بس :anger1:

و طرت في امي ثاني يوم على حسابي الشخصي طبعا لان مافي امل تطلع لك موافقه من اللجنه الطبيه بدون واسطه خخخخخخخخخخخ



و الحمدلله الوالده الحين باحسن حال ..



و لا اقول غير حسبي يالله و نعم الوكيل فيهم
و الله يكيفنا و يكفيكم شر مستشفى حمد ..

[فلفل حار]

تستاهلون سلامة الوالده أخوي بو ذياب ....

ذل فلوسك ولا تخلي فلوسك تذلك ....



زين سويت ياخوووي .... :)

[روض]

زين والحل الحين بنقعد كذا ولا بعد هالموضوع ماراح حد يسمعنا فيه بس نهذر ونشكى على الفاضى

انا اكثر شى قاهرنى سالفه الورقه الى انوقعها اول ماندخل المستشفى او اذا وديت ولدى السد رزوا هالورقه اول ومستحيل يعلجونك الا اذا وقعت<<<قمه التخلف والاستهتار فينا

[وطن]

ااااااااااه ياوخيتي قصتج تعور القلب والله

انا بعد لي سالفه مع دكاترة مستشفى حمد .. وخاصة الحين شهر 6 و 7 و 8 كل الدكاترة يطلعون اجازات وبوقت واحد .. انا كنت اخذ مضاد حيوي وتدرين المضاد الحيوي لازم الواحد مايقطعه لين يكمل الكورس كانت السالفة شهر 7 السنة اللي فاتت وخلص المضاد الحيوي ورحت للمستشفى ادور دكتورتي قالوا لي طالعه اجازة .. طيب اشوف دكتورة ثانية قالوا لي كلهم اجازات وماراح يرجعون قبل شهر 8 !! قلت لهم هالمضاد لازم اخذه ولا تعب الاشهر اللي طافت بيروح عبث ان ماكملت الكورس ..اااه بس وش نقول وش نخلي من مشاكل هالمستشفى والاطباء عديمي الضمير يروحون يستانسون ومتناسين مرضاهم

وبالنسبة حق المباني كلها خالصة من سنة 2006 بس مدري ليه الحين ما افتتحوها !! علامة استفهام كبيرة
اذا حتى العمارات السكنية حقت الاطباء للحين ماسلموها لهم مع ان الاسياد خلصت من ثلاث سنين
هذا غير المراكز الصحية الخالصة وللحين مافتحوها واحد منهم في منطقة سيلية ابو نخله خالص من سنة 2005 والغبار غطاه ومافتتحوه

الله يعينا بس ونتفائل خير على الوزير الجديد

للعلم فقط

العمارات السكنيه تم تسليمها ومسكونه وبعضها محول لادارات تابعه لمؤسسة حمد
وبعضها عيادات غير اللي مسكونه من الاطباء والممرضات
الملاحظ انها عمارات سكنية والمؤسسة حطت فيها ادارات وعياده وغيره
هني نحط علامة الاستفهام والتعجب

وبخصوص المستشفى وتأخره الأكيد ان في أسباب والجهات العليا أدرى بها منا

مؤسسة حمد عندهم تخبط واضح في ادارتهم
وخابصين المستشفى وملتهين المرضى


أمل الله يكون بعونج اختي
وما تشوفين شر
حاولي تاخذين كمية من الدوى تكفيج لـ 6 شهور أو أنج تراجعين الدكتور قبل لا ينتهي الدوى بشهر

[امل الحب]

الله يكون في عونك اختي أمل..وأنا معك في كل كلمة قلتيها

اليوم كان عند أمي موعد ونفس الحالة الدكتور معتذر..طيب كلمونا

عطونا خبر على الاقل بدل ما اتعب أمي في هالحر..

دخلونا على دكتور غير ومشينا الحال..

زين جينا عند الصيدلية الا تقولون جوج وماجوج ..حشى مهب الدوحة ذي

الانتظار يملل والزحمه مهب طبيعية..

ياليت يرأفون بحالنا ويخصصون مستشفى خاص بالقطريين

كفاية الامراض اللي يجيبونها الاجانب من بلادهم..

حتى بغرف الترقيد زحمة زحمة..اربع مرضى بغرفة وحده

هذا غير المرافقين ..والله حالنا ما يسر ..نبي نحس ان بلادنا تميزنا

عن غيرنا ..مهب عنصرية ولكن حق من حقوقنا على دولتنا

أمل الحب الله يشفيك ويتم عليك نعمة الصحة

ماعليها شر الوالدة ان شاء الله..

وضع طبيعي الي ذكرتيه فوق والحمدلله لقيتي بديل حق الوالدة ..

لاتطلبين شي خاص لانج بتكونين عنصرية وبتجرحين مشاعر البقية .. :)

تسلمين هتاان

[Revamp]

لللللللللللللللللللللللللللللل

[امل الحب]

ع بلاطه..اختي


انا واحد...لي من السوابق كثير,,,مع مستشفى حمد..بالذات.,,,ومريت بالرميله..ومريت بالامل..

تدرين..حمد..هي الوحيده..اللي بلاويها..وصلت امريكا ودول اوروبا..

كم مره كتبنا تعهد..على نفسنا علشان صارخنا على دكتور..متسيب..واحمق لا يفقه للطب في شي

وعلشان اريحك..هدفهم من هاي كله..التوجه للعلاج الخااااااااص
تطفيش..انا يوم صار لي سالفه مع الوالد ايام ما كان في حمد..ما ابي اقول التفاصيل..قالي اللي يسمي نفسه دكتور..مب عاجب شغلنا..شيل ابوك وامشي..تخيلي

لربما..بعد افتتاح مستشفى الوكره..والغرافه والخور..بكامل طاقتهم يخف الضغط اللي على مستشفى حمد..ولكن

هل بينتهى التسيب..هل بيتغير...شي
حاليا..خلنا نتفائل..مع استلام سمو الشيخه موزة للتعليم والصحه..وان شاء الله يصير تغير..

والعياده الخارجيه..وايد مسوية لي سوالف..لاني اوصل الوالد من فترة الى فترة...كان الله في عون الجميع

وصبرك...على ما ابتلاك...ادعي الله

وقولي يا رب..وان شاء الله ترتاحين من المستشفيات للابد

:)

اذا كان التوجه للعلاج الخاص الحل.. ماعندي مشكلة .. ولكن وجود مختص بالشي الي اعانيه مضمون؟؟!.. لا اخوي مافي لو في كان تركت من زماان ولاتحملت البهدلة والزحمة الي ماتسوى علي ..

التسيب مابيتغير الا اذا في اجراء صارم .. والا من امن العقاب أسأ الادب..

والحمدلله في كل الاحوال ..

[يحفظك ربي]

آآآآخ بس

ياكثر الشكاوي على مستشفى حمد قسم بالله لو اتكلم من الحين لين بكرا ماراح اطلع اللي بخاطري

ذاك اليوم كان عندي موعد مع دكتور اعصاب وتعرفون مواعيدهم ماتجي الا بعد كم شهرر

الكل عارف زحمة المواقف تحت الواحد يدوووور ويحووس بالساعه يالله يلاقي له مكان يوقف سيارته

مكان لاحظوا .. مب باركنغ اصلي .. لالا بس مكان على الرصيف ولا شي وبعد بتجيك مخالفه

المهم بعد معاناه لقيت لي مكان صفيت السياره على جنب ونزلت في هالحرررر

ومشييييييت لين وصلت الباب ( لاني واقفه بعيد ماي مكان )

ويوم رحت عطيتهم كرتي والا تقول الدكتور محد !!

قلت لها شنو؟ انزين انا عندي موعد ؟ ( وعلى فكره نفس الموظفه اللي كانت معطتني الموعد يعني )

تقول اي بس الدكتور محد ! قلت لها انزين متى بيرجع عشان انطرره

والا تقول لي محد مب ياي اليوم ! انزين انا شسوي ؟

اولا متعنيه وجايه في هالحر ومأساة المواقف ثانيا المواعيد بالشهور نلاقيها ثالثا عندي علاج وابي اخذه !

شسوي انزين ؟ قسسم بالله فووووورت لكن ما باليد حيله

الواحد على كثر مايشتكي ويتكلم ويصاارخ ولافيه فايده الممواطن اقنووور وحياتكم

احنا تسمونا مواطنين ؟ احنا مقيمين حتران بعد مب مقيمين من اللي موفرين لهم كل شي

والله يقهر زوود الموقف اللي صار لي ان كلللل اللي يايين اجانب

يعني مستشفى حمد صار للاجانب وانت يالقطري اذا تبي تعالج رووح مستشفى خاص

زين ليش ؟ مب من حقي اعالج في مستشفى بلادي !!

والله الواحد مايعرف كيف يعبر ويطلع اللي بخاطره .. مأساه ومعاناة مالها تالي

الله يكووون بالعوووون

والله يعينج حبيبتي صراحة سالفتج قهرتني كله ولا يوم تطرد الهندي

الله يكرههم من موظفين هذول المفروض قبل لايوظفونهم يعطونهم كورسات في الاحترام والتعامل !!!

[بنت سيف]

عزيزتي أمل الحب ..


بودي أجاوب على أسلئتج .. اللي في محلها .. وأتمنى إنج تكونين بخير .. وما عليج شر يا رب ..




1- هل الدولة عاجزة عن توسعة المستشفى بحد يكفي الجميع رغم وجود كفااءات من الاطباء يشهد لهم حتى يشغلون عيادات ثانية في نفس المجال والوقت؟؟


لا عزيزتي الدولة .. غير عاجزة .. ولكن التوسع السكاني غير المدروس .. وفتح الباب لمزيد من المقيمين في قطر .. جعل الضغط على كثير من المؤسسات الخدمية مثل مستشفى حمد العام عالي جداً.
صحيح هناك مباني جديدة ولكنها لم تجهز داخليا .. حتى ولا تسأليني لماذا؟ لأني لا أعرف ..
نعم الدولة غير عاجزة ..
لكن الكثرة في السكان .. بهذه السرعة .. على مستشفى حكومي واحد أعد سلفا لخمس عدد السكان الحالي .. هو المشكلة ..



2- هل لو كان هناك اجراء صارم مع اي طبيب يتخلف ويتسبب بمشاكل حق مرضاه دون ابلاغهم.. بينتبه وبيحاسب وبيحط في باله القسم الي اقسمه يوما ما..

إذا كان سبب التخلف هو إهمال من الطبيب لا بد أن يكون هناك إجراء صارم ..

ولكن دعينا نضع الأعذار الممكنة للطبيب (مع العلم بأنني لست طبيبة)
أليس هذا الطبيب هو أيضا انسان .. ممكن يمرض أو يحدث له أي ظرف مثل حادث .. أو ظروف وفاة في العائلة ..
أليس من الممكن .. أن إدارة مؤسسة حمد كلفت هذا الطبيب لحضور مؤتمر ..
اليس من الممكن ..

بالنسبة ..لـ


اجراءات للمرضى:

4- ايجاد وسيلة مثل ال sms لابلاغ الناس بزر واحد وداتا بيس وحدة للتسهيل على المرضى
5- ربط الشبكة حق الكاشير مع شبكة الكاونتر عشان يبين ان الدكتور موموجود
6- عرض جدول باسم الدكتور الغير موجود عالاقل الواحد ينتبه قبل ماتضيع عليه ساعتين وهو ينتظر..
7- اعطاء موظفينهم كورسات التعامل مع الناس.

اتفق معك في كل هذا ..
وبالنسبة لرقم (7) .. قد يتم ذلك ونحن لا نعلم .. ولكن يجب أن يكون هناك إعادة تأهيل للعديد منهم في اسلوب التعامل بشكل دوري ..


** **

موضوع جداً متعب .. لكن المهم الآن هو حصولك على الدواء ..

وأن تكوني بصحة طيبة ..

بنت سيف

[sood mhamed]

اسال الله العظيم رب العرش العظيم ان يشفيك ويشفي كل مريض ولا يحوجكم لمستشفی حمد ......بس مثل ما قلتي المستشفی محتاج وقفه من السولين .

[its me]

لا حول ولا قوة الا بالله
مابليد حيله

[شيخ القبيلة]

كل شي في هالمستشفى غلط حتى الوزير غلط لان كل وزير يجي يكون اخس من الثاني مادري شلون يفكرون اخرتها هالمستشفى بيسونها كراج لتصليح السيارات

[مضاد]

مستشفى حمد والمهزلة.. الى أين؟


:whistling:




الله يكون في عون الطبقة الكادحة من أهل قطــــــــــــــــــر