سؤال عن فودافون

[كلي أمل]

السلام عليكم

ياليت من اللي يعرف الخبر الاكيـــــد يفيدني ويفيد الناس

ناس يقولون اسهم فودافون بتنزل نهاية 6 بداية 7

وناس يقولون نهاية 7 :rolleyes2::rolleyes2::rolleyes2:

صراحه احترنا --- ف لو سمحتوا ممكن حد يقولي متى تنزل ؟


وبكون شاكره لكم

[مستجدة]

الله ياصبر صبرناه يا فودافون ** قبل التاسيس وبعد طرح الشراكه
هذا جديد المنافسة ياللي تظنون ** انه الورد يزهر بدون اشواكه
مابه خدمة ومساهمينك يصيحون ** من البنك اللي طيحهم بشباكه



صح لساني ^ ــ ^

[ابوفايز]

أعتقد بداية شهر 7

[MeSh3l_QaTaR]

اليوم واحد من الربع قالي بينزلونها في الاسبوع الثالث من شهر 7

وهذا والعلم عند الله .. وصح لسان الي قصد

[ahmed jasim]

أخر تصريح من فودافون عن طريق برنامج وطنى الحبيب
نتوقع الأدراج فى أخر أسبوع من شهر سبعة

[ثرية]

نهايه شهر سبعه

[كلي أمل]

مشكوريـــــــــــــن --- جزاكم الله الف خيـــــــــــــر

[غريب الحال]

اخوي الفاضل كلي امل

الاعلان كان واضح جدا

بانه من المتوقع الادراج قبل نهاية شهر 7

وكلمة المتوقع ممكن ان تفتح باب التأجيل

في وجهة نظري والله اعلم

ان الادراج سيكون ما بين 15 الى 27 من شهر 7 والله اعلم

موفق اخوي من الله والجميع

[QATAR 11]

لازم انشوف تصريح لفودافون في الجرايد عن تاريخ الادارج !!

وحسب علمي ان الادارج بيكون في بدايه شهر 7

[Bo-7assan]

اللي اعرفه ان الادراج في شهر 7 !!

[كلي أمل]

اخوي الفاضل كلي امل

الاعلان كان واضح جدا

بانه من المتوقع الادراج قبل نهاية شهر 7

وكلمة المتوقع ممكن ان تفتح باب التأجيل

في وجهة نظري والله اعلم

ان الادراج سيكون ما بين 15 الى 27 من شهر 7 والله اعلم

موفق اخوي من الله والجميع



الله يوفقك بعد --- اخوووي انا بنيه مب ولد :)

ومشكووور ع التوضيح

[كلي أمل]

شكرآ لكل من رد واتمنى يكووون الطرح خلال الاسابيع الاولى من شهر 7

[بنت عز نفسها]

ان شاء الله نهاية سته بداية سبعه مستعجله ابي ابيع :×

[مشهور]

اسمح عمرك ماباقي شئ وبالتوفيق

[بوخليفة3]

اخوي العلاقات العامه لشركة فودافون صرحوا لبرنامج وطني الحبيب صباح الخير

ان من المتوقع ادراجها في اخر اسبوع من شهر 7

يعني الشركه نفسها ما أكدت

[osama]

توقعات الجميع اخر اسبوع في 7

[بوحارب]

ياريت لو نسمع خبر اكييييييد

تسلمين كلي امل على الموضوع

[الفا برافو]

زين ياهل الخبره.. اتوقعون كم بيكون سعر الادراج !!
لانه الصراحه خذوا كل المبلغ اللي اساهمت فيه على اساس الاسهم بتكون نسبه وتناسب وبيردون المبالغ زي العاده .. والحمدلله انه مهب قرض ولا كان راحت علينا.

[ibrahem]

هذا مع الاسف يدل ان الشركه لاتوجد لها مصداقيه الي نعرفه انها في شهر 6 والحين بندخل 7

الله يعين بس

نتمنى ان يكون سعرها جيد ولانخسر فيها بعد هالصبر

[BuFaisal]

هذا مع الاسف يدل ان الشركه لاتوجد لها مصداقيه الي نعرفه انها في شهر 6 والحين بندخل 7
الله يعين بس
نتمنى ان يكون سعرها جيد ولانخسر فيها بعد هالصبر

التوقيت هام جدا لطرح السهم
لانه لو تم طرح سهم فودا فون والسوق نازل راح يقلل من قيمة السهم لانه سيتبع السوق والحالة النفسية لاهل السوق والمحافظ وصنّاع الاسهم
لكن لو تم طرح السهم والسوق صاعد فهذا بامر الله بيساعد السهم للوصول لاسعار افضل
اتمنى للجميع التوفيق

[كلي أمل]

وليش اهم مايحددون موعد معين - يعني هاذي الشي يسجل سلب عليهم وين المصداقيه

[عالي مستواة]

للرفع

[The Watcher]

حسب كلامهم .. نهاية 7 بإذن الله

[المستحيله]

رددو ياليل مطولك

[QATAR 11]

«فودافون» في البورصة الأسبوع الثالث من يوليو

الوطن القطرية 01/07/2009


رجحت مصادر الوطن أمس أن ادراج سهم شركة فودافون في بورصة قطر خلال الاسبوع الثالث من يوليو المقبل وتجرى الاستعدادات في الشركة لعملية الادراج التي ستتم وفق النظم التي تعمل بها بورصة قطر.

وكان الااكتتاب قد أتاح 40% من أسهم رأس مال فودافون قطر للمواطنين القطريين والمؤسسات القطرية بعد عرض عدد الأسهم المطروحة بلغ 338,160,000 سهم عادي من اسهم الشركة.

وقد جمعت فودافون قطر من خلال الاكتتاب مليار دولار مما جعله عند تاريخ اغلاق فترة الاكتتاب أكبر طرح للأسهم في العالم في 2009. وقد اكتتب 82.000 فرد قطري لـ 65% من الأسهم فيما أخذت المؤسسات الاستثمارية حوالي 273 مستثمرا معنويا من الشركات القطرية باقي الأسهم أي 35%، أي أن الاكتتاب تم بنسبة 100% لتصبح بذلك فودافون قطر شركة قطرية بنسبة 77% منها.

وكان قد تم تحديد سعر السهم الواحد المطروح للاكتتاب بـ 10 ريالات قطرية مع اضافة 0,25 ريال قطري عن كل سهم مقابل مصاريف الطرح.

وكانت فودافون قد اعلنت في وقت سابق انها ستقوم بالاطلاق التجارى لخدماتها خلال الاسبوع الاول من يوليو مع افتتاح الافرع التجارية الخاصة بها لاستقبال العملاء.

:nice::nice::nice:

[مستثمر 999]

انا مساهم وقالوا لي نهاية 7 الى نص 8

وهذا احسن وقت للبورصه

[BuFaisal]

رجحت !!! كيف يعني رجحت !!!
يعني تخمين ولا مصادر " طلبت عدم الافصاح عن اسمها " مثل كل مرة :)
ما اعتقد ان تحديد الوقت بيكون لغز على منتصف هذا الشهر لانه المفروض ان الكل يعرف متى ستطرح الاسهم

[كلي أمل]

متى مانزلت انزلت خلااااص

[ولد الخال]

محد إستفاد من أسهم هذه الشركة غير البنوك التي مولت الإكتتاب للقطريين

والله يعين القطريين الذين إكتتبوا عن طريج السلف

[الوفي]

عندي خبر حلو.....بالنسبة لفودافون انه بينزل بسعر 40 ريال والله كريم .....المصدر من موظفي البورصة بعد الأجتماع الأخــــــــير مع فودافون..........أتمنى العالم تتركد في البيع لان الزحف على البيع يعني كثرت العرض وقلت الطلب ولن يرتفع السهم اول ماينزل بالبورصة بل بينزل يعني الحل بيدكم........مبروك للمكتتبين

[BuFaisal]

عندي خبر حلو.....بالنسبة لفودافون انه بينزل بسعر 40 ريال والله كريم .....المصدر من موظفي البورصة بعد الأجتماع الأخــــــــير مع فودافون..........أتمنى العالم تتركد في البيع لان الزحف على البيع يعني كثرت العرض وقلت الطلب ولن يرتفع السهم اول ماينزل بالبورصة بل بينزل يعني الحل بيدكم........مبروك للمكتتبين

لا احد يحدد سعر سهم الا العرض والطلب وحال السوق وقتها
وهذا شيء منطقي ورايناه بطرح الاسهم السابقة

[جنوب الدوحه]

لا احد يحدد سعر سهم الا العرض والطلب وحال السوق وقتها
وهذا شيء منطقي ورايناه بطرح الاسهم السابقة

انا معاك 100 % 100 .. يعتمد على شغلات كثيره ويمكن تكون مفاجئات بعد لن سوقنا ابو المفاجئات ... بعض الايام نرى ان السيوله كبيره وبعض الاحيان ننحرج من السيوله الي تكون في اوقات التداول .. وعلى قوله القايل .. سوق البورصه جبان ؟ تدرون ليش

لأنه يتاثر باي خبر حتى لو كان اشاعه ..


ودمتم يا اهل المنتدى ..:nice:

[BuFaisal]

ان خرجت السيولة فهذا شيء ليس مستغرب لان الوضع العالمي الان ليس ايجابي
اقتبس ردي بموضوع اخر لعل وعسى يفيد

لا حول ولا قوة الا بالله
الظاهر ومن الوضع العالمي ان التصحيح سيكمل مشوراه المنتظر
والذي نوه بخصوصه المحللين الكرام بسوق قطر .. واعتقد ان الداو جونز ايضا سيصحح
يعني تداول الغد للسعوديه وبعده لباقي الخليج سيكون بمهب الريح وعلى اساس الاخبار السلبية حتى الان
سواء باغلاق داو جونز السلبي بالامس وهبوط سعر النفط امس واليوم الى اسعار لا تسر اسواق المال بتاتا

[الوفي]

لا احد يحدد سعر سهم الا العرض والطلب وحال السوق وقتها
وهذا شيء منطقي ورايناه بطرح الاسهم السابقة
صح كلامك هذا اخر شي ينحسب ويكون بحسبة المتوسط الحسابي بين الطلب والعرض ودايما يزيد سعر السهم كلما كان عدد الملاك قليل بس فيه سياسة من اجتماعات لكبيري الاقتصاد بالبورصة يحددون اللمت اب واللمت داون وبعدين يدخل حسبة التوقعات بالمتوسط الحسابي لو السعر يعتمد على العرض والطلب اذكر اكثر ملاك اسهم ناقلات عرضينها فوق 100 ريال ونزل اقل بوايد والطلب دايما ضئيل باسهم الشركات الجديدة لانها فيها غموض نوعا ما ولو انه ينحسب بالطلب والعرض كان اتفقوا هل الدوحة بالاشاعة ان العرض يكون ب500 ريال ونزل بالبورصة على الاقل 250 ريال لكن هذا الكلام مرفوض بكل بورصات العالم والتحكم بسعر البورصة يكون بعد لم الحصة الكبيرةو يتحكم فيه صاحب اكبر حصة او كبيري الحصص من اسهم الشركة يعني الهوامير العوده وعلى فكرة المعلومات الي اقولها مب مني من واحد مدير قسم في البورصة ومن اقاربي المقربين واذكر انه قالي سهم الناقلات كم بينزل قبل العرض والطلب وبعتها في البداية يومها فوق...وكل شركة تنزل اسئله ويطلع قريب من الرقم.....لومايتحدد سعر السهم وش حقه ياخذون توقعات خبراء البورصة بالبرامج الاقتصادية....على العموم السعر 40 ريال اللمت اب والداون 10 ريال مع المتوسط الحسابي شوف كم بينزل السهم ......واذا السوق اوكيه والطلب وايد والعرض قليل بيزيد فوق ال40 ريال يعني يمكن تتكرر سيناريو الصناعات والله كريم
تحياتي للمكتتبين....

[Espied]

اخوي الوفي يعجبني تفاؤلك ولكن لا تتفائل وايييد لأن اذا نزل سعر السهم ب 6 او 7 ريال بتتحططططططططططططططم

[مستجدة]

يارب ينزل بــ 40 اخوي الوافي

[مستثمر 999]

ليش مب 50 او 60

الاجانب الله مكثرهم ويشترون فقط لانها شركة اجنبيه وجزء من الريع مخصص للصليب الاحمر وال....؟؟

[BuFaisal]

نقول تفائلوا بالخير تجدوه
الله يوفقكم ويوفقنا معاكم ان شاء الله

[محمد بن حمد]

السلام عليكم يا الربع

ترا اللي يحدد موعد ادراج السهم في البورصه اهي اعضاء هيئة السوق اللي هم يداومون في وزارة الاقتصاد ومب ادارة السوق نفسها اللي هم المدير واللي حوله .. لان المدير يعتبر جهة تنفيذيه لقرارات هيئة السوق فمهمته فقط تنفيذ قرارات الهيئه بالاضافه عن مسؤوليته عن الكمبيوترات والشاشات والربط بين الوسيط والسوق وغيره من اشياء فنيه تهتم بسير البورصه كما خطط لها وبالاضافه للشؤون القانونيه بما يتعلق بالعميل.. اما قرار ادراج شركة جديده او موعد ادراجها ووزنها في المؤشر فهذا قرار هيئة السوق ..

طبعا هذا كله قبل لا يتغير اسم السوق .. والحين ما اعرف اذا للحين نفس ما هو ولا تغيرت هيكلته بعد ما تغير اسمه

[مهاجر]

عندي خبر حلو.....بالنسبة لفودافون انه بينزل بسعر 40 ريال والله كريم .....المصدر من موظفي البورصة بعد الأجتماع الأخــــــــير مع فودافون..........أتمنى العالم تتركد في البيع لان الزحف على البيع يعني كثرت العرض وقلت الطلب ولن يرتفع السهم اول ماينزل بالبورصة بل بينزل يعني الحل بيدكم........مبروك للمكتتبين

اخوي وين يبا راحت ايام الاربعين والخمسين والاخبار اللي مالها اساس من الصحه

انا عن نفسي اتوقع لو نزل السهم ووصل 20 انجاز وما اتوقع يزيد عن 25 ريال لاتنسون ان مافي ارباح لين 2013 والبورصه انعدمت الثقه فيها والشركات الكبيره نازله مثل بروه والبنك الدولي الاسلامي فصعب ان فودافون توصل للاربعين وهي لين الحين جديده في سوقنا

[الصيـاد]

لا احد يحدد سعر سهم الا العرض والطلب وحال السوق وقتها
وهذا شيء منطقي ورايناه بطرح الاسهم السابقة



هذاك اول يا بوفيصل يوم كنا غافلين نفكر نفس تفكيرك

[ابوجـاسم]

احتمال تاجيل اسهم فودافون لشهر 10
لان ماضنتي تنزل والسوق بهالحاله

[براتزية برازيلية]

اخر اسبوع من شهر 7

[كبير المتداولين]

اكدت مصادر في السوق انه لن يقبل اي امر تقل قيمته عن القيمه الاسميه للسهم وهو 10 ريال مما يدل على ان افتتاح سهم فودافون لن يقل عن 10 ريال قطري للسهم

وهذه دعوه للكل بعدم عرض السهم اقل من سعر 10 ريال قطري كون الامر سوف يتم رفضه من قبل الوسيط

[سهم سهم]

من الي مب صاحي شاري السهم 10وربع ويبيعه باقل من سعر الاكتتاب؟؟؟؟؟؟

الله ايوفق الجميع في بيع وشراء فودافووووووووووووووون

[ibrahem]

مبروك عليكم السهم

وان شاء الله يثبت فوق ال 10