ابي اشتري لي موتر جديد او مستعمل ومحتار .. .. شوركم وهدايه الله

[صاحب صديق]

السلام عليكم ورحمة الله وبركاته

حبيت اطلب شوركم في موضوع

انا ابي اشتري لي موتر يعني 2009 -2008

ومحتار بين مواتر وايد

يعني من فئه الفورويل

بورش جي تي اس
اكس6
جيب اس ار تي8
كاديلاك اسكاليد

ومن فئه الصالون
اس350
سي ال اس
كاديلاك cts-v
ام 5
---

انا ابي موتر استعمله مده طويله يعني يعيش واستخدمه على طول صج عندي موتر غيره بس ابي موتر مريح من كل انلواحي شخصي او للعائلة ويكون السيرفس ماله مب مبالغ فيه ويكون اوكي

واتمنى محد يبخل علي برأيه وابيه يكون موتر فخم وكشخه ومريح

تحياتي لكم وانتظركم

[خيال شمر]

صاحب صديق تبي الصراحه الفورويل عليك يبه بالــــ vxr موتر عمر وسعره فيه وعائلي ولا عليه كلام
اما الصالون خذلك طال عمرك cls <<<< تستخدمه يوم تكون بروحك وحق الويكند :) والله يوفقك

[صاحب صديق]

تسلك يا غالي وما تقصر بس الفي اكس ار عبيبه سعره غالي على موتر ما فيه مميزات هالمبلغ

[جعران]

fxr خذة وتوكل على الله

[bo3of]

تبي موتر يريحك سنين طويلة ومايتغير شكله وفخم درجة اولى بس رنقاته جنهم رنجات باجيرو غيرهم شالمشكلة المهم مالك الا لكزس lx570 صراحة وانا نفسك ادور ومحتار مع التفكير قلت ان شاء الله باخذلي هالموتر بس باصبر لين بداية شهر 8 الاسعار بتنزل طبعا باخذه مستعمل حرام اخذه يديد سعره 345 المستعمل ماشي شوي سعره 270 الى 290 نظيف نظافة الشركة موتر خراباته قليلة سواقته ماشاءالله ماعليها كلام واسمحلي طولت عليك واستخير والله يوفقك

[q6ri_vip]

والله خذها مني كفخامه ورزه x6 ضمان 5 سنوات ماعليك غير تشييك بترول وتغير التواير فقط

يعني دافع مبلغ بموتر شوف خدمتهم مابعد البيع والله ليجوك البيت وياخذون الموتر وشيكونه ويرجعونه لك بدون ماتدفع ريال واحد

ومايطول عندهم الموتر في السيرفس بنفس اليوم تاخذه ومثل ماقلت لك 5 سنوات

وبالتوفيق

[Northman]

نصيحه واحد توه راجع من الصناعيه ...<<< صار له اسبوعين رايح جاي من هناك


خل عنك المواترالي مامنها فايده و توجع لك راسك و تحرق فلوسك ,, و اسمع النصيحه و تعلم من اغلاط غيرك <<< ياما انصحوه و ماطاع


خذ لك تويوتا ,, كروزر ,, افالون ,, كامري ,, كورولا ,, اي شي ,, ترى بتشتري راحه بالك و بتوفر فلوسك

[ابوصالح1]

اختر vxr او lx570 افضل وتحفض فلوسك عند البيع

[صاحب صديق]

المشكله انا مب مقتنع في ال اكس 6 ويالربع اللكزش الصراحه سعره غالي وما يسوى كلش شكل عادي

وبس واخرتها تويوتا ومن زين التويوتا الحين سيرفس فاشل ومواترهم فاشله وقطع غياره غاليه

ومشكورين عل ىالنصيحه وبنتظار باقي الاعضاء

[Northman]

وبس واخرتها تويوتا ومن زين التويوتا الحين سيرفس فاشل ومواترهم فاشله وقطع غياره غاليه


قلت مثلك ,, و غيري قال مثلك ,, قلنافاشلين في الصيانه ,, فاشلين في قطع الغيار ,, فاشلين في كل شي ,,


جرب غيرهم و بتعرف قدرهم ,, و بتترحم على ايامهم



نصيحه هي ,, ان خذت بها ,, الحمد لله و باكون سويت خير في واحد ماعرفه ,,, و ان ماخذت بها ,, بتتذكرني عقب كم شهر ,, و بتغني (ياليت)

[صاحب صديق]

مشكووور يا غالي ونبي الشباب اللي عندهم امريكي اوالماني يقول لنا رايه


وتحياتي للجميع

[q6ri_vip]

اذا مب مقتنع ب x6 طيب ليش مرشح هالموتر من بين المواتر المحتار بينهم وتعبتنا وخليتنا انرد ع موضوعك

حتى بهالمواضيع ماتحصل ناس عندهم جديه

[دولة قطر]

الفوروويل

اسكاليد

x5

ml63

الصالون

s class

cls

[صاحب صديق]

اذا مب مقتنع ب x6 طيب ليش مرشح هالموتر من بين المواتر المحتار بينهم وتعبتنا وخليتنا انرد ع موضوعك

حتى بهالمواضيع ماتحصل ناس عندهم جديه

فديت خشمك انا قلت رأيي الشخصي وحبيت اسمع راي الاعضاء يمكن اغير رأيي

وفديت خشمك انا تعبتك في وشو في انك كتبت كم كلمه الله يسامحك

على العموم مشكور على المرور وتمنيت انك تقنعني بالموتر اذا هو اوكي او لا

لكن الظاهر الواحد خلاص ماله داعيياخذ راي الناس يسوي اللي يبيه وبس واتمنى

اغلاق الموضوع وتحياتي للجميع واللي ردوا مشكورين وما قصرتا وتحياتي للجميع

[Q A T A R]

ياشيخ لا تفكر في غير ال في اكس ار 2009
واذا تبي تبيعة مايقعد دقيقة في المعرض وسعره ثابت
وبالتوفيق واسأل الله ان ييسر لك امرك

[halcrow]

فديت خشمك انا قلت رأيي الشخصي وحبيت اسمع راي الاعضاء يمكن اغير رأيي

وفديت خشمك انا تعبتك في وشو في انك كتبت كم كلمه الله يسامحك

على العموم مشكور على المرور وتمنيت انك تقنعني بالموتر اذا هو اوكي او لا

لكن الظاهر الواحد خلاص ماله داعيياخذ راي الناس يسوي اللي يبيه وبس واتمنى

اغلاق الموضوع وتحياتي للجميع واللي ردوا مشكورين وما قصرتا وتحياتي للجميع


انا قريت موضوعك كامل والردود والعضو قطري في اي بي اهو الوحيد اللي رد على موضعك

اما بقية الاعضاء اختارو لك مواتر غير عن اللي انت حاطهم

وانا نصيحه مني لك خلك على التويوتا ولاتنطح للألماني :victory:

[بوعلي-Qtr]

ال vxr او اللكزس lx570

وانت مغمض ..
موتر سعره فيه .. يتم معاك فوق العشر سنين ..

ولم تبيعه ماتخسر فيه ..

وبالتوفيق

[الأمبراطور]

بلللللللللل الله يعينك لايخوك روح اسال ناس غير اهنيه مايعرفون الا الفكسار واللكسز الله يعينك بس
الريال يحطلكم لسته تنقزون له بالفكسار غصب....240000 على شنو بس