المساعد الشخصي الرقمي

مشاهدة النسخة كاملة : وكالة البوووورش يبادلوني؟


عضو قديم
20-06-2009, 09:39 PM
هلا فيكم

انا عندي فكسار2009 لؤلؤي جلد ماشي 20الف وخاطري في البورش كيان
هل وكالة البورش تبادل؟ وشنهو الانواع الموجودة؟ وهل البورش موتر عملي مقارنة مع الفيكسار؟هل خرباتها كثيرة
تحيتي للكل
على نياته
20-06-2009, 09:47 PM
نصيحة اذا تبي تغير ال في اكس ار بسيارة اغلى خذ لكزس فورويل الشكل الجديد .
QaTaR_OnE
20-06-2009, 09:53 PM
انا رايي انك تخلي موترك احسن .. وبتذكر كلامي اذا جربت البورش

وتحياتي لك
عضو قديم
20-06-2009, 09:56 PM
انا رايي انك تخلي موترك احسن .. وبتذكر كلامي اذا جربت البورش

وتحياتي لك

اكيد لك تجربة مع البورش>>>>نورني الله ينور دربك
فتى قطر
20-06-2009, 10:00 PM
ياخي كفايه ان اسم موترك بوورش..

الله يوفقك اخوي بس احتمال البورش الكايين اتغير ..
اذا بغيروها ماتسوا بس اذا ماراح اتغير روووووح اشترها..بس اذا اتحصللك وحده مستعمله عشان ماتخسر وايد عقب اذا بغيت اتبيعز
Um Sultan
20-06-2009, 10:06 PM
اول شي .. خلك على الفكسار ابرك لك .. تشتري راحتك وتبعد عن عوار الراس

البورش لما بتروح تاخذها بيغرونك وايد في المعرض.. بس عقب السيرفس عندهم زباله وانت بكرامه ..
انا اعاني منهم واااااااااايد .. مع ان سيارتي من الوكاله و2009 .. بس الله كريم

ثاني شي .. مقارنه مع الفكسار قطع غيار البورش الصراحه غاليه وتكسر الظهر
تشيك ايل ب 750 .. كل 10 الاف .. بس ماراح توصل قبل ال 10 بتغير ايل لان السياره تصرف ايل ..
تغير سفايف ودرامات قريب ال 8000 ريال ..

بالنسبه ان شكله بيتغير .. راح يتغير نهاية سنة 2012 ... على حسب كلام الوكاله نفسها ..

اذا تبي تاخذ موتر اغلى من الفكس ار .. خذ لك لكزس فور ويل ابرك ..

البورش بشكل عام من تركب عليها لوحه من المرور ينزل من سعرها 20 بالميه ..
غير الفكسار سعره فيه لو بعد سنه ...

الخيار الاول والاخير راجع لك ..
بس لاتبادل سيارتك في معرض البورش بيعها بمكان ثاني احسن عشان تجيب لك قيمتها ..
Northman
20-06-2009, 10:08 PM
خلك على كروزرك لاتندم ,,
HEART_LION
20-06-2009, 10:28 PM
مايبادلون بيعها وزود شوي وخذلك بورش قبل كلشي مر الوكاله واطلب تست درايف
فلفل حار
21-06-2009, 12:59 AM
نصيحة اذا تبي تغير ال في اكس ار بسيارة اغلى خذ لكزس فورويل الشكل الجديد .

ياعيني عليك ....

هذي الدلع ولا بلاش ....:victory:

بلا بورش بلا مايبخ .... :)

مالومك يوم قلت تبي بورش

شكلك ماسقت اللكزس ولا جان بتعرف قيمته صح ....:)


الله يوفقك يالغالــي ....:nice:
zbida
21-06-2009, 01:04 AM
مافيه مقارنه بين الفكسار والبورش ابد
والبورش مب حولها العمليه ابد
اللكزس احسن ولا لاتغيرها بالبورش
VIP1
21-06-2009, 01:29 AM
نصيحتي لك خلك على vxr
احسن واذا حاب تغير خذلك لكزس فورويل والله انه مووتر
ماعليه كلام
رويس
21-06-2009, 02:29 AM
تقارن الكروزر بالبورش؟؟؟ ياباني مع الماني مافي مقرنه طبعا000 قوه ثبات مستوى ماركه000000000 لكن الكروزر موجود في كل داعوس؟؟؟ توكل على الله واستمتع لك في بورش واذا لقيت امرجعه ماشيه شوي بتلقاها رخيصه وروح الوكاله وعندهم امرجعين وعلى الضمان وموفق خير00 وتبقى وجهة نظر0
مستثمر 999
21-06-2009, 07:42 AM
نصيحتي لك اول شي انك تبيع سيارتك وتروح لهم لانهم بيظلمونك في التقييم

اما البورش وخاصه الكيان اس ما شاء الله

جرب وبتدعي لي

وكل شي على الضمان ولا تعور راسك معاهم ولا شي وبلا مواعيد بلا هم

تغيير ايل في التويوتا ب 770 ريال والسياره ما مشت 10 الاف ..........نهبه
مستثمر 999
21-06-2009, 07:48 AM
على فكره شفت اعلان في جريدة الشرق
كيان اس موديل 2009 سوده ماشيه 11000 كم

مطلوب فيها 260 الف قابل

والرقم 550xxxxx

ممنوع كتابة ارقام الهواتف

الادارة
ولد-قطر
21-06-2009, 08:34 AM
نصيحه لا تشتري البورش لانه راح يتغير شكله على بداية السنه القادمه

انتظر لما ينزل الشكل الجديد
A bin M
21-06-2009, 09:40 AM
خلك على الفي اكس ار ابرك لك

وله اخذ لك لكزس فرويل .. انتشر بشكل رهيب :)
Um Sultan
21-06-2009, 04:12 PM
نصيحتي لك اول شي انك تبيع سيارتك وتروح لهم لانهم بيظلمونك في التقييم

اما البورش وخاصه الكيان اس ما شاء الله

جرب وبتدعي لي

وكل شي على الضمان ولا تعور راسك معاهم ولا شي وبلا مواعيد بلا هم

تغيير ايل في التويوتا ب 770 ريال والسياره ما مشت 10 الاف ..........نهبه



مممممممممم انا عندي وحده
مب كل شي على الضمان
بس المكينه والجير ..

اذا المكينه اختربت بسبب سوء استخدام انت تصلحها على حسابك

السفايف والاشياء الثانيه انت تدفعهاا
واذا قطعه اختربت داخل السياره او شي طلبيه وانت تدفع
اذا الشاشه احترقت وانت السبب دخل فيها ماي او شي انت تدفع تصليحها
يعني سالفه كل شي تدفع عليه ......
سهم عتيج
21-06-2009, 04:23 PM
يعطيك العافية,,بصراحة مستغرب من كثير من الردود في هالموضوع عن البورش والتويوتا مع انه بصراحة مافيه أي مقارنة بين الالماني والياباني..مع اني متأكد ان كثير من الناس ماساقت البورش أصلا او ماساقتها لفترات طويلة مع احترامي لهم

شخصيا كنت مثلك متردد قبل لا آخذ البورش كيان وسألت ناس عنها,, وفي الأخير توكلت على الله وخذتها..

في البداية ماكنت متعود على سواقتها,, بس مع الوقت صرت ما أحب أسوق الا البورش مع اني عندي تيوتا.. بس الكيان بصراحة سيارة رياضية وخفيفة ومرنة مع انها فورويل..

بالنسبة للسيرفس,, بصراحة جربت وكالة التيوتا ومعاملتهم الغير منصفة بصراحة,, وجربت وكالة البورش,, التعامل بصراحة مختلف تماما 180 درجة لصالح البورش بالطبع,, على الأقل وكالة تحترم زباينها..

اما من ناحية سعر قطع الغيار,, أكيد قبل ما أفكر في البورش فكرت في الصيانة والسيرفس وقطع الغيار,, وأكيد حطيت في اعتباري السعر المرتفع لقطع الغيار لأني راح أشتري سيارة سعرها مرتفع..

ومقارنة بسيطة بين التويوتا والبورش في الصيانة,, اللكزس كل 5000 كيلوا لازم تغير زيت وصيانة خفيفة تكلفك الحين تقريبا 700 ريال,, بينما البورش كل 10.000 كيلو تدخلها الصيانة تكلفك 750 ريال.( من الأرخص!!!)

وعلى فكرة سفايف البورش ممكن تمشي معاك 50.000 كيلوا لو كانت رجلك خفيفة على البريكات وما أعتقد ان اللكزس تمشي هالمسافة حتى لو كانت رجلك خفيفة على البريكات لأني مجرب..

وعلى فكرة,, صحيح ان قطع غيار البورش يمكن تكون أغلى,, لكن عمرها الافتراضي أكبر من التيوتا..

واللي أدهشني في البورش يوم قريت في كتيب السيارة يوم شريتها,, أن ثلثي سيارات البورش لازالت تسير في الشوارع حتى اليوم منذ أن دخلت الخدمة في الستينات من القرن الماضي.. وهذا دليل على قوة وصلابة البورش..

اما بالنسبة لتغيير شكل السيارة,, فشخصيا عندي سيارة جديدة 2009 ولكني ما شوف فيه فرق كبير بينها وبين موديل 2004 الا بأشياء بسيطة,, وهذه سياسة البورش اللي تحترم زبائنها بحيث لمّا تغير الموديل فانها لاتجري تعديلات كبيرة على الموديل عشان مايطيح كرت الموديل القديم وتحافظ على زباينها القدام,, وهذا الشيئ يمكن تلمسه في السيارات السبورت مثل التيربو911 في البورش من زمان حتى لو تغير الموديل..

والله يوفقك ان شاء الله..
ابوصالح1
21-06-2009, 04:31 PM
يشباب البورش شفت له صوره متغير كامل موديل 2010
HEART_LION
22-06-2009, 01:33 PM
يعطيك العافية,,بصراحة مستغرب من كثير من الردود في هالموضوع عن البورش والتويوتا مع انه بصراحة مافيه أي مقارنة بين الالماني والياباني..مع اني متأكد ان كثير من الناس ماساقت البورش أصلا او ماساقتها لفترات طويلة مع احترامي لهم

شخصيا كنت مثلك متردد قبل لا آخذ البورش كيان وسألت ناس عنها,, وفي الأخير توكلت على الله وخذتها..

في البداية ماكنت متعود على سواقتها,, بس مع الوقت صرت ما أحب أسوق الا البورش مع اني عندي تيوتا.. بس الكيان بصراحة سيارة رياضية وخفيفة ومرنة مع انها فورويل..

بالنسبة للسيرفس,, بصراحة جربت وكالة التيوتا ومعاملتهم الغير منصفة بصراحة,, وجربت وكالة البورش,, التعامل بصراحة مختلف تماما 180 درجة لصالح البورش بالطبع,, على الأقل وكالة تحترم زباينها..

اما من ناحية سعر قطع الغيار,, أكيد قبل ما أفكر في البورش فكرت في الصيانة والسيرفس وقطع الغيار,, وأكيد حطيت في اعتباري السعر المرتفع لقطع الغيار لأني راح أشتري سيارة سعرها مرتفع..

ومقارنة بسيطة بين التويوتا والبورش في الصيانة,, اللكزس كل 5000 كيلوا لازم تغير زيت وصيانة خفيفة تكلفك الحين تقريبا 700 ريال,, بينما البورش كل 10.000 كيلو تدخلها الصيانة تكلفك 750 ريال.( من الأرخص!!!)

وعلى فكرة سفايف البورش ممكن تمشي معاك 50.000 كيلوا لو كانت رجلك خفيفة على البريكات وما أعتقد ان اللكزس تمشي هالمسافة حتى لو كانت رجلك خفيفة على البريكات لأني مجرب..

وعلى فكرة,, صحيح ان قطع غيار البورش يمكن تكون أغلى,, لكن عمرها الافتراضي أكبر من التيوتا..

واللي أدهشني في البورش يوم قريت في كتيب السيارة يوم شريتها,, أن ثلثي سيارات البورش لازالت تسير في الشوارع حتى اليوم منذ أن دخلت الخدمة في الستينات من القرن الماضي.. وهذا دليل على قوة وصلابة البورش..

اما بالنسبة لتغيير شكل السيارة,, فشخصيا عندي سيارة جديدة 2009 ولكني ما شوف فيه فرق كبير بينها وبين موديل 2004 الا بأشياء بسيطة,, وهذه سياسة البورش اللي تحترم زبائنها بحيث لمّا تغير الموديل فانها لاتجري تعديلات كبيرة على الموديل عشان مايطيح كرت الموديل القديم وتحافظ على زباينها القدام,, وهذا الشيئ يمكن تلمسه في السيارات السبورت مثل التيربو911 في البورش من زمان حتى لو تغير الموديل..

والله يوفقك ان شاء الله..

هذا الكلام ولا بلاش

اللي مايعرف الصقر شيسوي فيه؟
مستثمر 999
22-06-2009, 01:54 PM
مممممممممم انا عندي وحده
مب كل شي على الضمان
بس المكينه والجير ..

اذا المكينه اختربت بسبب سوء استخدام انت تصلحها على حسابك

السفايف والاشياء الثانيه انت تدفعهاا
واذا قطعه اختربت داخل السياره او شي طلبيه وانت تدفع
اذا الشاشه احترقت وانت السبب دخل فيها ماي او شي انت تدفع تصليحها
يعني سالفه كل شي تدفع عليه ......


على الاقل وكالة البورش لو صار شي في المكينه او الجير يتم تبدلها مب مثل عبد الغني
مشغل له كم من بنقالي يفكون المكاين لسيارات بعدها على الضمان كنه يدفع من جيبه

المكينه لازم تتبدل بمكينه جديده وحتى القير

انا استغرب من كم سياره فحصتها سواء 6 سلندر او فكسار 8 سلندر اكتشف ان المكينه مفكوكه وملعوب فيها مع انها ما وصلت 10 الاف كم

ومن خبرتي لاكثر من 23 سنه في السيارات ما مرت علي سياره المانيه مكينتها مفكوكه او القير ملعوب فيه ........مستحيل
doha_vip
22-06-2009, 01:56 PM
اخوي نصيحه .. خلك على الفي اكس ار احسن .. انا كان عندي بورش وبعته وخذت في اكس ار

وبعدين ضمانهم بس على المكينه والقير .. وباقي الاشياء على حسابك

واتمنى انك ماتستعجل ... والله يوفقك
HEART_LION
22-06-2009, 02:38 PM
اخوي نصيحه .. خلك على الفي اكس ار احسن .. انا كان عندي بورش وبعته وخذت في اكس ار

وبعدين ضمانهم بس على المكينه والقير .. وباقي الاشياء على حسابك

واتمنى انك ماتستعجل ... والله يوفقك

الضمان شامل اخوي من وين طلعت هالكلام انا عندي بورش طار اللون اللي في السكان ماقالوا سوء استخدام غيروه لي
doha_vip
22-06-2009, 03:02 PM
الضمان شامل اخوي من وين طلعت هالكلام انا عندي بورش طار اللون اللي في السكان ماقالوا سوء استخدام غيروه لي

من وين مطلع هالكلام .. اعصابك بس ؟؟ وبعدين شدخل لون السكان ..انا كان عندي بورش ومجرب

واعتقد ان الضمان الشامل مثل وكاله الفردان .. صب بترول وامش .. مب تغير السفايف والدرامات ويل على حسابك والاشياء الاستهلاكيه
Um Sultan
22-06-2009, 09:58 PM
يشباب البورش شفت له صوره متغير كامل موديل 2010

ممكن الصور ؟

لان انا عندي 2009 ومدير المبيعات بنفسه قالي راح تتغير على نهاية 2012 بداية 2013

وفيه صور نزلت في النت بس فوتو شوب مش من الوكاله نفسها ..
Um Sultan
22-06-2009, 10:01 PM
الضمان شامل اخوي من وين طلعت هالكلام انا عندي بورش طار اللون اللي في السكان ماقالوا سوء استخدام غيروه لي


انا خذت السياره من الوكاله

والقطعه اللي تحت الدرج اللي جدام كرسي العبري كانت تتحرك

وقلت لهم كم مره عليها يوم وديتها تشيك عند 1500 ..

قالوا لي القطعه مكسوره من داخل ولازم تتبدل اذا تبين

قلت لهم انا من خذت السياره من المعرض وهل القطعه تتحرك

وبالسيرفس قالوا اوكي بنبدلها لج .. وسعرها 250 ريال ....

قلت لهم القطعه من خذت السياره تتحرك انا شلون بكسرها من داخل .... يعني مش كل شي على الضمان

قالي كان لازم تردين السياره بنفس الوقت وانا اتصلت بالمعرض قالوا لي خليها على الفحص ... ماكنت اعرف ..

بس لان مابي سيارتي يكون فيها شي غلط دفعت وغيرت ....


وشلون لون السكان يطير .؟؟؟؟؟؟؟؟؟؟
مستثمر 999
23-06-2009, 12:23 AM
ممكن الصور ؟

لان انا عندي 2009 ومدير المبيعات بنفسه قالي راح تتغير على نهاية 2012 بداية 2013

وفيه صور نزلت في النت بس فوتو شوب مش من الوكاله نفسها ..

مدير المبيعات هذا اكيد فيه شي يذكرني بمدير مبيعات النيسان ايام 2003

قلت له الدفعه الجايه بتكون 3500 قال انت بتؤؤل ايه بلاش اشاعات


وبعد يومين الا السياره واصله بالمكينه الجديده

وبعيدا عن الاستعراض والفلسفه الزايده السياره الجديده موجوده حاليا في الامارات

وبعد الانتهاء من التجاري الصحراويه يتم تدشينها

2010 وانا متأكد ان موديل 2010

وعندي صوره لها
مستثمر 999
23-06-2009, 12:29 AM
وهذي الصوره

http://file:///C:/Documents%20and%20Settings/user/My%20Documents/My%20Pictures/picture-57274.jpg
سمو انسان
23-06-2009, 12:35 AM
البورش ماعليها كلام ،بس نصيحتي لك بيع الموتر وعقب خذ لك بورش ومن فتره شفت مواتر مستعمله معروضه للبيع في مواقف المعرض اللي فطريق سلوى وممشاها قليل
مستثمر 999
23-06-2009, 12:44 AM
http://images.upload2world.com/get-6-2009-upload2world_com_pibmsq.jpg (http://www.upload2world.com)
DarkBoy
23-06-2009, 01:52 AM
انا عندي بورش بس مهب شئ

االصراحة من اول يوم ومب عاجبتني

انا اقول لو تااخذ لكزس احسنلك البورش زين بس مب لهناااك ومحد يمدحة

يعني خذلك لكزس احسنلك وسعره مايطيح لانة يمكن لما ينزل الشكل الجديد البورش يطيح سعره

ماقولك انة البورش مب شئ لكن مب لهنااااك اماا الكزس سمعت عنه والكل يمدحة
HEART_LION
23-06-2009, 07:22 AM
انا خذت السياره من الوكاله

والقطعه اللي تحت الدرج اللي جدام كرسي العبري كانت تتحرك

وقلت لهم كم مره عليها يوم وديتها تشيك عند 1500 ..

قالوا لي القطعه مكسوره من داخل ولازم تتبدل اذا تبين

قلت لهم انا من خذت السياره من المعرض وهل القطعه تتحرك

وبالسيرفس قالوا اوكي بنبدلها لج .. وسعرها 250 ريال ....

قلت لهم القطعه من خذت السياره تتحرك انا شلون بكسرها من داخل .... يعني مش كل شي على الضمان

قالي كان لازم تردين السياره بنفس الوقت وانا اتصلت بالمعرض قالوا لي خليها على الفحص ... ماكنت اعرف ..

بس لان مابي سيارتي يكون فيها شي غلط دفعت وغيرت ....


وشلون لون السكان يطير .؟؟؟؟؟؟؟؟؟؟

يعني اذا انكسر شي تحت الضمان؟ وشعرفهم انه مكسور من اول انتي خذتي السياره واستخدمتيها وبعدين طلع العيب

مراح اعلق اترك التعليق للشباب ونشوف الردود
مستثمر رشيد
23-06-2009, 07:58 AM
نصيحة من مجرب البورش 2008

البورش موتر رزة وكشخة ماعليه كلام ... بس ترى هذا اول مانزل الشكل الجديد الحين جاذبيته قلة بسبب وفرته

لكن مقارنة البورش كاستخدام مع الاند كروزر صراحة الكفة تميل كثييييييير للكروزر للاسف لان سواقة البورش كايين يابسة ووعرة خاصة بحكم اني مستخدم دائم لطريق الشمال

يعني لما اطلع في البورش للشمال وارجع في نفس اليوم ارجع البيت متكسر حدي ومهدود الحيل

فنصيحة من مجرب اخوي اذا خاطرك في بورش جربها من زميل لك او حتى من مكتب اجار .... تدفع 1000 ريال والا 500 ريال اجار ابررررررك بكثير من انك تشتري الموتر وتتحسف

الله يوفقك
HAMAD2008
23-06-2009, 10:29 AM
تفضل.......

شكرا
الصاعق الحارق
23-06-2009, 10:32 AM
نصيحة من مجرب البورش 2008

البورش موتر رزة وكشخة ماعليه كلام ... بس ترى هذا اول مانزل الشكل الجديد الحين جاذبيته قلة بسبب وفرته

لكن مقارنة البورش كاستخدام مع الاند كروزر صراحة الكفة تميل كثييييييير للكروزر للاسف لان سواقة البورش كايين يابسة ووعرة خاصة بحكم اني مستخدم دائم لطريق الشمال

يعني لما اطلع في البورش للشمال وارجع في نفس اليوم ارجع البيت متكسر حدي ومهدود الحيل

فنصيحة من مجرب اخوي اذا خاطرك في بورش جربها من زميل لك او حتى من مكتب اجار .... تدفع 1000 ريال والا 500 ريال اجار ابررررررك بكثير من انك تشتري الموتر وتتحسف

الله يوفقك

والله انت صادق جربته صراحه مهب شئ وعر كاني اسوق عراووي

الله يجزيك خير على نصيحه
Qatar11
23-06-2009, 10:57 AM
ممكن الصور ؟

لان انا عندي 2009 ومدير المبيعات بنفسه قالي راح تتغير على نهاية 2012 بداية 2013

وفيه صور نزلت في النت بس فوتو شوب مش من الوكاله نفسها ..


اختي اخر شكل للكايين راح يكون على 2010 وما راح يتغير
وهالشي متاكد منه
لانه السيارات الجديده قبل لا تنزل السوق يسون لها show في عدت معارض
وعادهم البورش في ترتيباتهم للشكل الجديد اللي راح تنزل
اخر 2010 ومدير المبيعات مع احترامه له كل من كلمه عطاه تاريخ مختلف
وهالشي من صالحهم عشان ما يتاثرون من نسبه البيع
الشكل الجديد راح ينزل اخر 2010
Um Sultan
23-06-2009, 11:13 PM
يعني اذا انكسر شي تحت الضمان؟ وشعرفهم انه مكسور من اول انتي خذتي السياره واستخدمتيها وبعدين طلع العيب

مراح اعلق اترك التعليق للشباب ونشوف الردود


هم اللي قالوا لي ان القطعه اللي داخل مكسوره .. انا ماكنت ادري كنت احسبها بش مب مثبته ويوم شافوها قالوا لي ..

السالفه ان عقب ماخذت السياره بيومين كنت انظفها من داخل وامسحها القطعه تتحرك .. يعني مب مثبته عرفت ..

ومستحيل حد بيوصل حق هل القطعه من داخل .. شدعوه بكسرها وبقولهم تتحرك ومادري شسالفه ليش ماعندي ضمير يعني ؟؟

لان اللي يثبت القطعه من داخل هو المكسور مش موجود اصلا وسيارتي استخدامي الشخصي

محد يطلع وياي ويجلس جدام ^_^ نادر جداا اذا امي راحت وياي مكان يعني من بيدش وبيخرب سيارتي ..
بوحارب
23-06-2009, 11:16 PM
ام سلطان تسابقيني بالبورش

عندي عراوي موديل 92:(
Um Sultan
23-06-2009, 11:18 PM
اختي اخر شكل للكايين راح يكون على 2010 وما راح يتغير
وهالشي متاكد منه
لانه السيارات الجديده قبل لا تنزل السوق يسون لها show في عدت معارض
وعادهم البورش في ترتيباتهم للشكل الجديد اللي راح تنزل
اخر 2010 ومدير المبيعات مع احترامه له كل من كلمه عطاه تاريخ مختلف
وهالشي من صالحهم عشان ما يتاثرون من نسبه البيع
الشكل الجديد راح ينزل اخر 2010


والله مايندرى عنهم

يالله تحينا لين ذاك اليوم بيكون مر على السياره سنتين وبنشوف ..
بس الشكل الحالي 2009 احلى بصراحه الشكل الجديد صاير من ورى كانه سياره يابانيه تشبه اللكزس الفور ويل الصغيره
شكلي من عقب البورش اذا ببدل بروح اللكزس فور ويل بلاعوار راس ولاشي






بالنسبه للاخ الي حاط الصور . ترى صورة الجير والشاشه حق البانميرا وهي نزلت الحين




ام سلطان تسابقيني بالبورش

عندي عراوي موديل 92:(


هههههههه بوحارب اوكي بس بشرط ان صادني الرادار انت تدفع
بوحارب
24-06-2009, 12:15 AM
هههههههه بوحارب اوكي بس بشرط ان صادني الرادار انت تدفع

ههههههههههههههههههههههه اوكي ولا يهمج<<< بس دوريني عند اقرب لفه :shy:
فتى قطر
30-06-2009, 09:59 AM
مممممممممم انا عندي وحده
مب كل شي على الضمان
بس المكينه والجير ..

اذا المكينه اختربت بسبب سوء استخدام انت تصلحها على حسابك

السفايف والاشياء الثانيه انت تدفعهاا
واذا قطعه اختربت داخل السياره او شي طلبيه وانت تدفع
اذا الشاشه احترقت وانت السبب دخل فيها ماي او شي انت تدفع تصليحها
يعني سالفه كل شي تدفع عليه ......


الصراحه كلامك صحيح..معاملة التويوتا تعبانه وقطع الغيار غالي وخرابات واايد بس الناس ماتقول ان التيوتا يخترب بس خل البورشه يخترب فيها شي بسيط يطلعونها سكراب..
مافي مقارنه بالياباني والاماني..
halcrow
30-06-2009, 01:53 PM
يبه دلع روووحك وخذ لك بورش وطيب خاطرك

وخلك مميز وشيخ بين الجيات
بو عيسى
09-07-2009, 11:31 AM
الله يوفقك اخوي