مشكلة في مكينة gxr-v8 2008

[واحد ثقة]

فجأة طلع صوت في المكينة من كم يوم ولاعرفوا له حل وهو الآن في الوكالة مفلطين المكينة قطعة قطعة علشان يعرفون سبب الصوت وانا انتظرهم :weeping:

مع أن كل التشييكات في الوكالة وانا محافظ على الموتر وأبدل زيت أول بأول عندهم ،،

واليوم قالوا لي أن الضمان يقول بأنهم يصلحون العطل الميكانيكي على حسابهم أو يغيرون قطع في المكينة ومايحق لي تغيير المكينة إذا كانوا يقدرون يصلحون العطل ،،


هل لي الحق في استبدال المكينة الحالية بمكينة جديدة ولا شالحل ؟

[رآعي موآجيب]

الحل الله يكون في عونك


ذا الشركه ما تاخذ منهم حق ابد

[البحار00]

بالصوت بتاخذ منهم كل شيء

شفت المثل الي يقول خذوهم بالصوت لايغلبوكم

[Bo-7assan]

عليكم بهم بتشرشحهم بتاخذ حقك بتسكت بيتم موترك حروة الشهر ولا بيخلصونه !

الله يعينك

[halcrow]

لاتعب نفسك مهب مغيرين لك المكينه بمكينة جديده

بيغيرون لك قطع داخل المكينه وبيمسحون لك الهد ملي ونص وبيهبطونه من جدام

وروح ياشيخ خخخخخخخخخخخخخخ بعد شتبي جاهز حق الحلبه في رمضان يابوشفيق

[الوهاااااج]

اخذهم بالصوت والشكوى على الله

[فلفل حار]

الله يكون بعونك ....

سو مثل ماقالوا لك الشباب


عليكم بهم بتشرشحهم بتاخذ حقك بتسكت بيتم موترك حروة الشهر ولا بيخلصونه !

الله يعينك

[zbida]

الله يعينك انشالله

[جاسم القطري]

الله يعينك ان شاء الله

مثل ما قالوا الشباب

لاتصير طيب وحبوب ومحترم

خلك شري ولا تسكت عن حقك ولا ترا بتاكلها

والله يعينك

[qtr-23]

صحيح سو نفس مقلولك الشباب ووهم بيحولون يمللونك انت عاد اقعدلهم قول انا ماطوفة ولا تشيكه وانشبلهم قول انا مابي هذي المكين وترا صرتلي نفس الحركه بس مع شركة جمس وهدتهم اني بشتكي لشركة الام قلو اول شي بلفيت مو خايفين عقب قلولي خلاص بنبدلك المكينه .............انشب صح

[واحد ثقة]

شكراً لكم جميعاً على ردودكم وتفاعلكم ،،

انا ماسكت عليهم وحشرتهم من البداية وعطوني سيارة أستخدمها لين مايخلص موتري ،،

ولكني بصراحة مارضى يفتحون المكينة مادام العيب من المصنع ، المفروض يبدلونها على طول ، لهذا انا بكبر الموضوع وبرسل إيميل للشركة الأم ولكني ماعرف إيميلهم ، إذا فيه حد يعرف إيميلهم أكون شاكر له ،،

[ولد-قطر]

اذا العطل استدعى فتح نص مكينه اطلب التغيير افضل لك وعلى الضمان

لايغريك شغل الوكاله اي شيء يفتح من بعد المصنع اعرف انه راح تصادفك مشاكل في المستقبل

[HEART_LION]

هو المفروض اذا العطل يتصلح يصلحونه لك واذا مايتصلح يغيرون لك المكينه

لاكن الافضل تغييرها طبعا بس اكيد مراح يغيرونها الا اذا مالقوا حل للمشكله

[واحد ثقة]

اذا العطل استدعى فتح نص مكينه اطلب التغيير افضل لك وعلى الضمان

لايغريك شغل الوكاله اي شيء يفتح من بعد المصنع اعرف انه راح تصادفك مشاكل في المستقبل


فعلاً هذا اللي صار ، العطل استدعى فتح نصف المكينة وقالوا بأنهم بيصلحونه ومادري عن شغلهم زين ولا أي كلام !

حسبي الله ونعم الوكيل ،،

[làst çhàncè]

لاتسكت عن حقك , قول لهم بدلو لي السيارة , وأيذء مابدلو لك أرفع عليهم قضية وسحب فيهم في النيابة العامة ,,, ولاتنسى الموتر عليه ضمان ,,, راجع شروط الضمان

[رآعي موآجيب]

ماعرف إيميلهم ، إذا فيه حد يعرف إيميلهم أكون شاكر له ،،


أخبر أخونا العضو gxr كان يراسلهم

حاول تراسله وتاخذ العنوان منه

وندعيلك بالتوفيق

[فلفل حار]

شيــك الخــاص اخــوووي :)

[ابوصالح1]

ياخوي دام الموتر على الضمان خلهم يصلحونه

[واحد ثقة]

انا لو أحصل إيميل رسمي للشركة الأم بس !

مجهز إيميل جامد من أمس ولكن دورت وماحصلت إيميل الشركة ، وموقع التويوتا مايعطيك إلا الوكلاء والموزعين ،،

[واحد ثقة]

الوكالة صلحوا العطل والإستلام اليوم إن شاء الله ،،

[واحد ثقة]

أبشركم حصلنا إيميل مدير علاقات العملاء في تويوتا العالمية وأرسلت له إيميل رسمي في هذا الموضوع :


http://www.qatarshares.com/vb/showthread.php?p=4406293#post4406293

[بوعلي2]

شرشحهم مثل ماسويت لهم وشوف اذا ماغيروا لك مكينه ماكون بوعلي

شرشحهم ادخل الشركه وحواجبك صايره رقم 88

اذا شافوووووك جذي ودايما عندهم بل

اخبر بدلت بلاوي بـ 23 الف بلاش والسبب راجع من بعد الله لحواجبي الـ 88 => يعني فاتن

شسوي ياخوك هذا حقك !!

لاتسكت عن حقك انت دافع مع 200 الف والله مب ارفع حواجبي واعصب بس الا يمكن تحصلني من الصبح افتح الشركه مع الموظفين من القهر

[قطر 88]

الله يعينك اخوي

[آبن السبيل]

الله يكون في عونك

[الكاسر99]

أخوي عليك فيهم قول لهم أنك تبي تقابل المدير ودخل على المدير دخله جامده ولا تخاف صارخ

والله بتاخذ حقك وزياده

أنا كان في موتري طقة في الشفت عند قومة الموتر وكل ما وديت لهم الموتر وقلت لهم في الموتر

طقة على ال5000 قالوا لي بدلنا لك الشفت وبعد يوم من طلعت الموتر طلعت الطقة مره ثانية


وفي ال10000 دخلت على المدير وقلت له يا أنك تاخذ الموتر وتعطيني فلوسي أو أنك

تصلح الموتر وفعلاً تم تبديل الشفت أمامي وراحت الطقة ولله الحمد

أخوي إذا تبي تاخذ حقك روح لهم وصارخ حدك وبتشوف أنهم بيعطونك حقك وزيادة

[المزاجي قطر]

الله اكون بعونك

[kfaani]

الله يكون في عونك ياخوك بس تدري

والله لو تاخذهم مثل ماقالو لك الاخوان .. بالصـــوووت

وناحس ماعليك الحق معاااك

لو توصل انك تهددهم بالشكوى في المركز ترا انت الربحان في الموضوع

لان الضمان لين الحين .. موجود