زعتور وخربوش ............... ونسبة 99% في الثانوية العامة

[PoBox]

*
*
*

بسم الله الرحمن الرحيم


انا نااااااااجح في السانوية
عؤبال الابتدائية
ابتدائية دا اييييييه ياختي ، بدحك وياكي ياعنيا :secret:
*




99.3%
99.5%
101%:secret:
97.2%
96%
90%
85%

------------------

زعتور : طالب شاطر جاب وحده من النسب أعلاه مافوق ال85%
وخربوش : طالب ماشي حاله جاب 70%

زعتور ولد ذكي حسب راي الناس
خربوش يشوفونه الناس عادي

زعتور ولد لو خطب ماينرد حتى لو كان ..طووووووووووووووووط
وعيبته تعتبر طيش شباب =>> تليها ضحكة هاهاهاها

خربوش : طيشته تعتبر خطأ في صحيح البخاري تليها تكشيرة :omen2:


زعتور في عرف الناس ذكي
خربوش في عرف الناس بليد وغبي


السؤال
لماذا يعتبر مجموع الثانوية مقياس الذكاء عند الغالبية
هل المتفوق بالمنهج القطري هو ذكي أم حفيظ كويس !!؟


ولو انا نرى كثير من اصحاب المجاميع القوية
فاشلين في الجامعة او لم يكملوها
او في الامور الحياتية ( حالات طبعا مش قاعدة )
فأين الخلل
:telephone:

بيستانسون هل السبعينات وتحت الحين :omen2:


هل يعتبر صاحب نسبة 76% اذكى انه يجيب المطلوب
بحكم ان مافي فرق بينه وبين صاحب ال99% اللي كان ياكل الكتب اكل
وبالنهاية صاحب ال76 جاب التوفل قبل وراعي ال99 قيده مجمد حتى اشعار آخر :telephone:


سمعت كثير من الاعضاء يقولون نجيب 99% ودخلنا الجامعة لقينا طلاب جايبين 75 معانا على نفس الكراسي
وهل معتقد يا كازانوفا ان بيحطون صاحب ال75% على كرسي خشب وكرسيك جلد :omen2:


المتفوقين دراسيا قرات كثير من المقابلات معاهم عن اسرار التفوق والاهداف للمستقبل
ويقولون المفروض الواحد يكون محدد هدفه وعارف مجاله بالضبط و و و و
واحنا نبي ندرس طب او هندسة بالجامعة
ماشاء الله المجالين كلش قراب من بعض واهدافكم واضحة اوي :secret:



الموضوع عائم اكثر من اللازم عمدا
لفتح المجال لاكثر من جبهة للي حاب يتوسع بالكلام
:telephone:



* نص الاغنية كاملا في مسرحية شاهد ماشفش حاجة

[الامانه]

نفس معدل الجامعه
اللي يجيب ممتاز
نفس اللي يجيب جيد جدا
نفس اللي يجيب جيد
كلهم نفس المستوى في التوظيف

[صوت الضمير]

لاهنتو على الموضوع

ولو انا نرى كثير من اصحاب المجاميع القوية
فاشلين في الجامعة او لم يكملوها
او في الامور الحياتية ( حالات طبعا مش قاعدة )
فأين الخلل

انا مؤيده لذا القاعده او المقوله

لانه بالفعل اشوف بنات كان وياي بالمدرسه من الأوائل

اللي انطردوا واللي مستواهم مش ولابد في الجامعه

بصراحه انا كان مستواي ضعيف ايام الدراسه لاني ماكنت ادرس

لكن يوم جيت الجامعه تفوقت عليهم :)

نسبتي والحمدلله 80% بعد ماطافت سنه من عمري رسوب وسنه انسحبت من ثالث ثانوي

لما دخلت الجامعه ،، ماكنت اعرف وش السالفه ،، جاءني الانذار الاول

ظربه على علباي :) صحتني من الرقاد اللي انا فيه

واللحين ولله الحمد ،، عرفت ليش ابي اكمل الجامعه

وعرفت وشو الهدف اللي ابي اوصل له...

وأبشركم قربت أوصل لــ أهدافــــــــي

والله يوفقكم جميعا ،، أتمنى محد يوقف ويظل وراء هدفه لين يحققه

أعجبني طريقة كتابة الموضوع

الاسلوب الحواري عجيب من دون مجامله

العنود

[بوالفاروق]

اخوي هالايام احس انه النسبة ما عاد تسوي شي

يعني 75% تكفي وتوفي واذا عندك لغة انجليزية بتمشيـــــــــــــــــــــــك
وانت مستانس ..



هل يعتبر صاحب نسبة 76% اذكى انه يجيب المطلوب
بحكم ان مافي فرق بينه وبين صاحب ال99% اللي كان ياكل الكتب اكل
وبالنهاية صاحب ال76 جاب التوفل قبل وراعي ال99 قيده مجمد حتى اشعار آخر


صارت معاي وشي اشوفه .. نسبتي في الثمانينات وقيدي مجمد حتى اشعار آخر
وناس جابوا في السبعينات وعدوا الانجليزي والحين ما شاء الله يكملون
ان مب حاسدهم على هالشي الا الحمدلله مستانس لهم واثق فيهم انه يقدرون
يكملون وانه النسبة مب كل شي .. والله يوفقهم

لكن هذا اللي صار درسنا وصرفنا فلوس على اايام الثانوية عشان
نقدر نجيب نسبة ونقدر ندرس بكل حرية لكن للأسف اللغة الانجليزية عاق
بسبة التأسيس الضعيف في المدارس ,,, لكن ربي كريم ورزاق وكاتب رزقي قبل لا انولد

والله في شباب من النسب الضعيفة يقدرون يدرسون وينتجون ويفيدون البلاد
لكن بعض الاماكن تعيق عليهم هالشي

عندك كلية النورث اللي البعض ينتقدها على المستوى الاخلاقي لبعض الطلبة
لكن كدراسة تقنية ممتازة جداً ويعطونك معلومات تفيدك بشكل كبير وهذا الكلام
سمعت من ربعي اللي ادخلوا وتخرجوا وكانت نسبهم في الستينات والسبيعنات
وتابعت بعضهم ما شاء الله يفكرون ويبدعون هذا لانه انفتح لهم المجال ..

كلامي مب امرتب ..

في النهاية النسبة ليست العامل الوحيد هناك عوامل ثانية وتغير الوضع

شكراً لك اخوي على طرح الموضوع

:)

[هتـان قطر]

مثل ما عودتنا بوبوكسنج ..دايما مواضيعك تحفة

اسامي الشخصيات عجيبة..:nice:

دائما هذا الموضوع نتناقش فيه على نهاية كل عام دراسي..

الناس في نظرهم ان الشاطر في المدرسة بيظل شاطر وموفق في حياته

طول عمره..والكسلان بيظل كسلان وفاشل طول عمره

مع ان الواقع يقول غير كذا والدليل اللي حوالينا..كم شخص قدامك الحين

موفق في عمله وفي اسرته ويعتبر شخص ناجح مع انك لو اطلعت على ماضيه

الدراسي لوجدت العكس تماما..

الاباء دائما يسعون لتفوق عيالهم متناسين الوضع الاجتماعي ..يعزلونهم

عن المجتمع بحجة الدراسة..ادرس وما عليك من اللي حولك..اهم شي النتيجة

هذي نظرة اغلب الاباء..وفعلا الولد بيجيب النتيجة اللي ترضي والديه

ولكن بعد ان ينعزل اجتماعيا وينغلق على نفسه..طبعا هذه ليست قاعده

ولكن نشوفها بشكل ملحوظ..

اما اللي حظه قليل في الدراسة ..تراه منطلق..منفتح على الحياة..يمتلك

عدد غير قليل من الاصدقاء..ان اصابه ادنى شي ..تراهم متواجدين حوله

وينطبق عليهم المثل اللي يقول الصديق وقت الضيق <<< اشدخل :rolleyes2:



يمكن تكون لي عودة ان شاءالله..

:)

[to0oti]

الله نفس الجامعه 75% نفسسسس 99,9%

[نشميّه]

:victory:

خوش موضوع يا poboxing

:telephone:

أول شي الثانويه العامه عندنا الكل يقدر ينجح فيها لو شد حيله
ماشوف الثانويه العامه صعبه ! حالها حال ثاني ثانوي وأول !
عن نفسي نجحت في الثانويه بدون اي ضغط على حالي وجبت فوق الـ 90%
وتحسفت ! قلت ياليت شديت حيلي ! عقب ماشفت الجامعه قلت يالله مش مهمه النسبه !
تعرفون ليش؟ من اول يوم سجلنا في الجامعه عندج توفل ايلز ؟
والله اللي جايبين 97 .. معلقين في لفل 1 في الانجليزي ! و اللي 99 نفس الحاله !
رحنا وقدمنا ايلز .. والحمدلله جبته من اول مره قلت يالله الحمدلله سهالات !
دخلنا الجامعه تعالي ترجي دكتور ظالم المفروض تاخذين عنده a بيعطيج b
والسبب اجوبتج مب في المستوى المطلوب؟ واللي داخلين الامتحان بسماعاتهم
ضامنين الـ a في كل كورس .. يعني نغش ؟ نفس " وايد " بنات ؟ لا والله ضميري
مايسمح !

خلاصة الموضوع : الثانويه العامه جيبوا 75 بالظبط وكفايه !! لاتعبون روحكم
المهم تتعبون في الايلز والتوفل وهالسوالف .. والله يعينكم ع الجامعه
وخرابيطها .. ومخوخ اللي فيها !! والأقسام البدائيه اللي فيها !!!
والله نتعب ونتعب وبعدين اشكال زعتور هي اللي تنجح :p
وفي عنصريه انه الطالبه القطريه جايه الجامعه تكشخ وماتبي تدرس
انزين مب مشكله اذا كشخنا وجبنا a ? ولا الكشخه والامتياز مايجون مع بعض؟
والبنت الاجنبيه هي دليل الامتياز ؟ والله ان القطريات اشطر من وايد اجنبيات
بس " الكاركتر تايب " هي اللي غالبه
الله كريم !

[كلي أمل]

اهم شي يكووون عند اي طالب Ielts or toefl

والنسبه سهله :nice: وادبي وعلمي وااااااااحد للاسف :weeping:

[بوعبدالله100]

انا موظف كحيان خريج ثانويه استلم في العشرينات وغيري دارس 8 سنين في احد البلدان وجااي راتبه 13 .. متفوق ولا غيره كله واااحد هالايام ..حتى الاراضي والقروض ماتفرق بين سنير وجنير..

[كلي أمل]

انا موظف كحيان خريج ثانويه استلم في العشرينات وغيري دارس 8 سنين في احد البلدان وجااي راتبه 13 .. متفوق ولا غيره كله واااحد هالايام ..حتى الاراضي والقروض ماتفرق بين سنير وجنير..



:eek5: الله يوفقك اخووي

بس هاذي اللي مسوي لي وحق ناس وايد اكييد احباااااااااااااااااااااااااط

والمصيبه ان حتى اللي ما خلص خامس ابتدائي ممكن ايكون راتبه احسن من الجامعي

وين صارت هااااذي ؟ لا حول ولا قوة الا بالله

بس احنا اصلن دراستنا وتفوقنا عامل نفسي حقنا والله يسامحهم

[بوعبدالله100]

:eek5: الله يوفقك اخووي

بس هاذي اللي مسوي لي وحق ناس وايد اكييد احباااااااااااااااااااااااااط

والمصيبه ان حتى اللي ما خلص خامس ابتدائي ممكن ايكون راتبه احسن من الجامعي

وين صارت هااااذي ؟ لا حول ولا قوة الا بالله

بس احنا اصلن دراستنا وتفوقنا عامل نفسي حقنا والله يسامحهم

:nice: عامل نفسي ومحفز وتفوق وزعتر وفول وحمص والله مايوكل عيش هالايام .. :victory: الله يعينكم على مابلاكم من تفوق وشهادات عليا ماتوكل عيش.. وعلى سعه الدراسه موو مستعيل ..

[OTOsan]

يمشي زعتووور .. وهو مسرووور .. الدنيا تدوووور ..الدنيا تدووووور :)


--

وصلت لمرحلة الايقان ان التفوق الدراسي ليس ابدا مقياسا للتفوق والتميز في الحياة ، فقد وجدت نماذج عدة من هذا النوع .. جعلتني اقول ان التفوق الدراسي شهادة لن تغنيك ابدا عن شهادتك بنفسك في مجالات الحياة المختلفة !

عندما اقارن نفسي ببعض اقراني .. ارى انني المتفوق الذي لايملك تلك الخبرة في الحياة والتعامل مع كافة انواع البشر ..والمتفوق الذي (يمشي اموره) في الحياة بكل حذر وتقوقع -----> قع قع !!

بينما بذات الوقت .. ارى اقران لي كانوا معي في المدرسة .. احدهم كان في حضيض المجموع المدرسي والآخر كان اعلى من الحضيض بقليل ..اراهم وقد نجحوا فيما فشلت فيه انا .. نجحوا في مدرسة الحياة !!


بوكس .. لدي استفسار .. قد يجلي عني بعض الضباب ( ان وجدت لديك اجابة عنه ) :

اذا اعتبرنا ان مقياس التفوق الدراسي .. هو الشهادة التي تثبت بانك قد تخرجت بمجموع يفوق التسعينات ، فما هي .. تسعينات الحياة ..؟؟

هل هي المال الوفير .. ام الاستقرار النفسي والعاطفي .. ام اشياء اخرى اجهلها ؟!

بوكس .. اعطني كرسي الدكتور النفسي .. فانا اود ان استلقي .. وافضفض :(


يعطيك العافيه بوكس على هالموضوع ،،

[وتبقى الدنيا حلوه]

الارقام ماعادت مهمة أهم شي اللغة

[ضوى]

بوكسينج عئبال ماتاخذ الشهادة الكبيرة يابني ( دكتوراه اقصد ان شاء الله )

الفشل في الحياة الدراسية مايعني فشل في الحياة العامة بالضبط مثل النجاح في الحياة الدراسية مايعني النجاح في الحياة العملية ، اشوف ناس ماشاء الله عليهم شهادات عليا ولكن للاسف الشديد اسلوب ولا اسوأ في التعامل مع البشر مع كل اللي حواليهم ، وهذا مايعني انه مرت علي حالات النجاح كان حليف في الاثنين وبالطبع هذا ليس مقياس
نسبة النجاح في الثانوية العامة مش اساس عشان نقيس انه هذا الشخص غبي وهذا الشخص ذكي ، مثلا بنتي نسبتها دائما فوق التسعين وهي حالياً باول اعدادي ، بس تعال اسألها اشلون نركب دائرة كهربائية ماتعرف !! تعالي اشلون يتكون الثلج ماتعرف ، ولعي الفرن ماتعرف ، مسحي الطاولة ماتعرف ، هي بالنهاية تسوي اللي اطلبه منها لكن فيه امور احسها بليدة بشكل وغبية بشكل لايعقل لدرجة اني ابطل عيوني واقولها من صجج والا تستعبطين ؟؟ واكتشف انها بالفعل غبية
المثل الاخر ولدي الكبير نسبته من بعد الاعدادية ثمانينات سبعينات وحاليا بالثانوية ستينات بس لم اعتمد عليه اوكي نوعا ما ذكي يشغل مخه مب بدرجة كبيرة بس نوعا ما احسن من اخته يفكر شوي
المثل الثالث ولدي الصغير ماشاء الله عليه نسبتها فوق التسعين ونبيه وذكي ويعرف يتعامل مع الناس ويعطي كل واحد سنه وغير هذا اشوفه ناجح في التعامل مع الناس بشكل كبير ويشغل مخه بشكل اكبر من اخوانه

من النماذج اعلاه نكتشف انه مافي علاقة لا عكسية ولا طردية بين نعت الشخص بالذكي او الغبي من خلا نسبته الدراسية لذلك لا يمكن تقييم الشخص بكم نسبته في الثانوية العامة

[المقهوره]

طيب ثانويه عامه بس كم سنه خبره؟؟؟؟؟ يابوعبدالله

انا كان راتبي راتب جامعيه مع اني ثانويه عامه بس حصلت على هالراتب عقب 9 سنين خبره لاني اخذت كذا شهادة لغه والـــ من الشهادات


يعني كني مخلصه الجامعه مرتين

ويجونا ناس جامعين انا ودي اعرف شلون خلصوه هالجامعه ؟؟؟


بصراحه نفس الي يتخرجون من الثانويه نبدأ ندربهم من الزيرووووو












بس بعد قانون الموارد البشريه ساوونا بخريجي الثانويه الجدد ---------------------------------------------- نفس الدرجه --------------- حرااااااااااااااااااااااام

[بوعبدالله100]

طيب ثانويه عامه بس كم سنه خبره؟؟؟؟؟ يابوعبدالله

انا كان راتبي راتب جامعيه مع اني ثانويه عامه بس حصلت على هالراتب عقب 9 سنين خبره لاني اخذت كذا شهادة لغه والـــ من الشهادات


يعني كني مخلصه الجامعه مرتين

ويجونا ناس جامعين انا ودي اعرف شلون خلصوه هالجامعه ؟؟؟


بصراحه نفس الي يتخرجون من الثانويه نبدأ ندربهم من الزيرووووو

بس بعد قانون الموارد البشريه ساوونا بخريجي الثانويه الجدد ---------------------------------------------- نفس الدرجه --------------- حرااااااااااااااااااااااام

اول شي هاردلك بخصوص ذاك الموضوع لانه تفركش :nice: وثاني شي خبره 6 سنين تقريبا وكااني ادرس على سعه بين مصر وقطر .. الحمدالله ممشين..الواحد شيبي من الدنيا داام الواحد بصحته وعافيته وبين ولده الفرفور العبيط :nice:

[لله الحمد]

في ناس يجيبون فوق التسعين

يتصلون لهم عشان يدرسون في احدى جامعات المدينة التعليمية

او للدراسه خارج الدولة .. (بعثة)



عرفت وايد ناس هنيه .. ماعندهم شهادات ..

هههه

[halah]

:victory:

وفي عنصريه انه الطالبه القطريه جايه الجامعه تكشخ وماتبي تدرس
انزين مب مشكله اذا كشخنا وجبنا a ? ولا الكشخه والامتياز مايجون مع بعض؟
والبنت الاجنبيه هي دليل الامتياز ؟ والله ان القطريات اشطر من وايد اجنبيات
بس " الكاركتر تايب " هي اللي غالبه
الله كريم !


هذي فكرة بعض الدكاترة الأجانب عنا للأسف

في دكتور عربي دايما مسوي تفرقة بين القطريات والعربيات

فلما يسأل سؤال صعب يقول يلا يا أخواتنا العربيات جاوبوا على السؤال (وكم مرة يتفشل هو وياهم ما يعرفون يجاوبون وتجاوب عليه القطريات بكل سهولة وبساطة ويقولوله "ده العادي بتاعنا")

ولما يسأل سؤال سهل أو تافه يقول ده نسيبو لأخوتنا الئطريات

وانا شخصيا عانيت من دكتور حسبي الله عليه ونعم الوكيل

كنت أنا وطالبة من إحدى الجنسيات العربية ماخذين نفس الدرجة بالضبط وهي نجحت وعدت الكورس وأنا رسبت وأعدت المادة <<< ليش لأنه يعتقد ان احنا أغبياء ومرفهين وما نستاهل النجاح وهم أذكياء ويستاهلون النجاح والتفوق.


وأشكر صاحب الموضوع والنجاح فالجامعة وحتى فالحياة ماله علاقة بنسبة الثانوية العامة

هذا الكلام قبل كم سنة كان صحيح لكن الحين لا بسبب عوائق التوفل والايلز والسات والدكاترة العنصريين والمعقدين

وعلى العموم حتى الطالب لما يتخرج من الجامعة بغض النظر عن معدله بيشتغل راعي الإمتياز وراعي الجيد بنفس الوظيفة وبنفس الراتب وكل واحد وشطارته من يقدر يثبت نفسه فشغله ويترقى ومن بيتم مجرد موظف عادي طول عمره.

[!الشايمه!]

اولاً......96% كوووووول<<يستاهل صاحبه الناموس:shy:

ثانياً.....الموضوع عائم اكثر من اللازم عمدا
لفتح المجال لاكثر من جبهة للي حاب يتوسع بالكلام

نرسي العائم عمدا.....ليش لا ......:)

الموضوع له عدة تفرعات...وكل فرع له عدة افرع...في افرع
خفيفه....وفي افرع صعبه.....وكل عضو فرعه
لفرعه اللي محيره وشاغل باله :rolleyes2:<<< يبي له قعده

لي عودة.....

تحي0

[H A S S A N]

يا حبيبي العلم في الراس مب في الكراس :victory:

والحين الموضه تروح تخطب يجيك الرد لا والله البنت تبي جامعي نفسها

مع اني متخرج من الجامعه بس الدراسه مب كل شي و اهم شي الاخلاق والتربيه

[miss-qatr]

قريت أول فقره من موضوعك وفهمته :) ----> لأن وقت مقيال :omen2:



وصح ياخوي أنا مااعتبر مجموع الثانوية ولا حتى مجموع الجامعه مقياس لذكاء أو حتى طموح الطالب


يعني أنا وهالكلام أقوله بكل صراحه كنت طول عمري متفوقه لكن الإنسان اتمر عليه ظروف قاهره ممكن تقلب حياته بلحظة ويشوف الدنيا مره وحده انقلبت وتبدلت الأدوار فيها


ومااقولك ماتحطمت إلا مرضت والله والسبب هالنسبه بس عسى ربي يخلي من وقف معاي الوالده ربي يحفظها والحمدلله قدرت اوصل للي ابغيه :)




ماادري هل طلعت عن الموضوع !! بس قلت اقول تجربتي :)



تصبحون على خير بس بننتظر الأذان :omen2:

[..الاميرة..]

http://www.dohaup.com/up/2009-06-21/dohaup_1912954187.jpg (http://www.dohaup.com/)

هذا زعتور مبين عليه ذكي .. :nice:

http://www.dohaup.com/up/2009-06-21/dohaup_1921414523.jpg (http://www.dohaup.com/)

وده خربوش حفيظ كويس .. :nice:






نيجي للجد والجد الله الله عليه .. :rolleyes2:

عمر المجموع ما كان مقياس سواء كان للـــ قبول بالجامعه ولا في ميدان العمل ..

الجامعه جيب التوفل حياك الله تفضل ..

ميدان العمل يبي في اغلب الاحيان جنب الشهادة خبره عمليه

ولا راح يدخل في طور التدريب والتطوير والتأهيل لحين اثبات جدارته هل هو كفء ام لا !! << الشايمه هذا اي فرع الريان ولا الغرافه ؟ :telephone:

[ROSE]

وين راح بوكسي قط الموضوع وقال عدوا لي :court:




من افلح في امر خاب في اخر

غالباً الولد الشاطر يكون ذكي والذكاء بحد ذاته تشمل بعض الامور الحياتيه المهمه

مثلا كملخص

ولد شاطر بالدراسة = مستقبل جيد

ولد شاطر بالدراسة = راتب ممتاز

ولد شاطر بالدراسة = اخلاق عالية

ولد شاطر بالدراسة = ذكاء متقد


طيب شالمشكلة اللي ممكن تواجه من يتصف بالصفات اعلاه ؟

كمثال

ولد ذكي وشاطر بالدراسة : ممكن : راسب عاطفيا :shy:

ولد ذكي وشاطر بالدارسة : ممكن : راسب اجتماعياً

ولد ذكي وشاطر بالدراسة : ممكن : راسب في الPlay ستيشن :tease:

ولد ذكي وشاطر بالدراسة : ممكن : راسب اخلاقياً

وهلم جرا

والحين نشوف الولد اللي نسبته قليله

النسبة اللي حطيتها تعتبر بعد جيده بوكسي مقارنة مع اللي نسبته 99%

خل نحط نسبة اقل مثلا 55%

هني ممكن نحكم على هالولد انه على الحافة وتلاحظ ان حياته كلها تمشي على الحافة

وظيفته ، مستبقله ، تفكيره ، طموحه ، .... الخ الخ الخ


فمن رايك من الافضل فيهم ؟ وليش ؟

والحين نجي لصلب الموضوع مع انه عائم واحلى شي انه عائم


دائما الانسان المتفوق في امر بنسبة 99% مثلا تحصله في امور اخرى جاهل بنسبة مثلا 40% يعني مش جاهل بقدر يجعله فاشل فيه لانه بيستخدم ذكاءه،، والعكس

ففيه شي اسمه العوض شيئ يعوض عن شئ في الانسان

مانقدر نحكم ان هالانسان غبي او فاشل لمجرد انه فشل بدراسته او ماجاب نسبة عالية


احب ولدي يكون متفوق ،، وناجح

مثلا عندي ولدين واحد فيهم جاب لي نسبة 95% والثاني جاب لي نسبة 65% كمثال

من منهم بيكون برد قلبك اكيد اللي يكد ويجتهد ويحصد ثمار تعبه ومن هني

نظرتي له ومعاملتي له تتلخص كالتالي :


في الروحة والجية ،، فديته وفديت قلبك حياتي

امر تدلل لو تطلب عيوني ماتغلى عليك حبيبي

وين تبي تروح ووين تبي تسافر

فديت ولدي الشاطر اللي
برد قلبي


اما الثاني


هلا ماما :omen2:

شتبي :rolleyes2: لا عاد صج والله :waiting: مع هالنسبة اللي جايبها وبعد تبي ؟

زين ماما ان شاء الله بنسافر بس لاتطلب وايد لانك مابردت قلبي

شفت شلون يوم اقول لك ادرس ماتسمع الكلام شوف نسبتك الحين شلون

خلاص السنة الجاية حاول تعوض :omen2: وبلبي لك كل اللي تبيه


:secret:


ملاحظة :


اللي نسبته نازله شوي مانقدر نقول عنه فاشل ابداً ممكن هالشخص يكون متفوق في مواد ثانيه

[ضوى]

وين راح بوكسي قط الموضوع وقال عدوا لي :court:




من افلح في امر خاب في اخر

غالباً الولد الشاطر يكون ذكي والذكاء بحد ذاته تشمل بعض الامور الحياتيه المهمه

مثلا كملخص

ولد شاطر بالدراسة = مستقبل جيد

ولد شاطر بالدراسة = راتب ممتاز

ولد شاطر بالدراسة = اخلاق عالية

ولد شاطر بالدراسة = ذكاء متقد


طيب شالمشكلة اللي ممكن تواجه من يتصف بالصفات اعلاه ؟

كمثال

ولد ذكي وشاطر بالدراسة : ممكن : راسب عاطفيا :shy:

ولد ذكي وشاطر بالدارسة : ممكن : راسب اجتماعياً

ولد ذكي وشاطر بالدراسة : ممكن : راسب في الPlay ستيشن :tease:

ولد ذكي وشاطر بالدراسة : ممكن : راسب اخلاقياً

وهلم جرا

والحين نشوف الولد اللي نسبته قليله

النسبة اللي حطيتها تعتبر بعد جيده بوكسي مقارنة مع اللي نسبته 99%

خل نحط نسبة اقل مثلا 55%

هني ممكن نحكم على هالولد انه على الحافة وتلاحظ ان حياته كلها تمشي على الحافة

وظيفته ، مستبقله ، تفكيره ، طموحه ، .... الخ الخ الخ


فمن رايك من الافضل فيهم ؟ وليش ؟

والحين نجي لصلب الموضوع مع انه عائم واحلى شي انه عائم


دائما الانسان المتفوق في امر بنسبة 99% مثلا تحصله في امور اخرى جاهل بنسبة مثلا 40% يعني مش جاهل بقدر يجعله فاشل فيه لانه بيستخدم ذكاءه،، والعكس

ففيه شي اسمه العوض شيئ يعوض عن شئ في الانسان

مانقدر نحكم ان هالانسان غبي او فاشل لمجرد انه فشل بدراسته او ماجاب نسبة عالية


احب ولدي يكون متفوق ،، وناجح

مثلا عندي ولدين واحد فيهم جاب لي نسبة 95% والثاني جاب لي نسبة 65% كمثال

من منهم بيكون برد قلبك اكيد اللي يكد ويجتهد ويحصد ثمار تعبه ومن هني

نظرتي له ومعاملتي له تتلخص كالتالي :


في الروحة والجية ،، فديته وفديت قلبك حياتي

امر تدلل لو تطلب عيوني ماتغلى عليك حبيبي

وين تبي تروح ووين تبي تسافر

فديت ولدي الشاطر اللي
برد قلبي


اما الثاني


هلا ماما :omen2:

شتبي :rolleyes2: لا عاد صج والله :waiting: مع هالنسبة اللي جايبها وبعد تبي ؟

زين ماما ان شاء الله بنسافر بس لاتطلب وايد لانك مابردت قلبي

شفت شلون يوم اقول لك ادرس ماتسمع الكلام شوف نسبتك الحين شلون

خلاص السنة الجاية حاول تعوض :omen2: وبلبي لك كل اللي تبيه


:secret:


ملاحظة :


اللي نسبته نازله شوي مانقدر نقول عنه فاشل ابداً ممكن هالشخص يكون متفوق في مواد ثانيه

:waiting::waiting::waiting:


مدري انا نسخة عنج والا انتي نسخة عني يالله توافق روحي مش معقول :shy:

[ROSE]

:waiting::waiting::waiting:


مدري انا نسخة عنج والا انتي نسخة عني يالله توافق روحي مش معقول :shy:

:shy::shy: ماتشوفيني اموت فيج هههههههههه

[ضوى]

:shy::shy: ماتشوفيني اموت فيج هههههههههه

وانا اكثر ياغلاتي :shy:

[!الشايمه!]

[QUOTE=..الاميرة..;4340726
ولا راح يدخل في طور التدريب والتطوير والتأهيل لحين اثبات جدارته هل هو كفء ام لا !! << الشايمه هذا اي فرع الريان ولا الغرافه ؟ :telephone:

[/QUOTE]

دام وصلتي الريان يا الاميرة......عيل قربتي كثير..... :)
......

في الموضوع عدة نقاط....احيان تبعد....واحيان تقرب...من بعض

النقطة الاولى:

الموضوع من البداية...يجب ان نقول فيه....ان اصحاب المجاميع
العالية...يستحقون الاعجاب......يستحقون فرحتهم...وفخر اهاليهم بهم....

ويجب ان يتخلص البعض ( ومن ضمنهم اختي :) ) من هالنظرة الكلاشيه... للطالب المجتهد
على انه....مهب راعي مخ بس حفيظ درجة اولى...او ليش مايجيب درجة زينه
طول السنة حاكر نفسه في البيت.....!

ويقلل من ماوصل اليه الطالب..الذكي..المجتهد...الطموح..

ولو مناهجنا طلبت...اكثر من الحفظ.....او اكثر من الفهم المتواجد حاليا....
لا كان قدها...وكفؤ انه يجيب نفس هالنتيجة الرائعة.
......

النقطة الثانية:

البعض عنده فكرة.....ان الطالب الشاطر..لابد ان يكون صاحب شخصية
منطوية...محروم من الاصدقاء...محروم من الخروج..
محروم من تجارب الحياة...ومزنووووووؤ في غرفته ليل نهار لاجل الدراسة...

وانا اشوف هذا ليس صحيح...
الشطارة...والحصول على درجة جيدة..شئ

وشخصية الشخص متفتحة او منطوية شئ ثاني...

احيان نشوف شخص منطوي...ومن يكون مع اصدقائه او المجموعة اللي
تناسبة نجده انسان ثاني..ونشوف صفاته الحقيقية عن قرب..
مختلفة كثير عن اللي في بالنا.....
....

النقطة الثالثة :

هل الذكاء في الدراسة...لا يجب ان يقابله ذكاء اجتماعي..؟

مثل ماقالت روز....

الذكاء في الدراسة.....يحقق وظيفة افضل..حياة افضل..مستوى اجتماعي افضل..
راحة بال<<< انسان يعمل لنفسه.

والذكاء الاجتماعي...انسان محبوب...منفتح مع الناس...الثقة بالنفس...الفهلوة في التعامل
مع الناس....!! اصدقاء كثيرين......! <<< شئ يتعلق بالشخصية اكثر.

فهل يتعارض هذا مع هذا.......؟!

من خبرتي...عاشرت اصحاب مجاميع عالية...وبصراحة لم اجد مايتعارض
بين شخصية منفتحه وتعرف كيف تستمتع بشكل معقول بالحياة.....!
وبين تفوقهم في الدراسة وسعيهم لطموحاتهم.

وفي الاخير الحكم للشخصية نفسها...في انسان ذكي في حياته العلمية والاجتماعية
او العكس....او ذكي في احدهما فقط...

.....

النقطة الرابعة:

التوفل.....

اعتقد الانسان الذي يجيب مجموع فوق ال 80% <<بعثة....ويجعل التوفل
يقف في طريقة للجامعة......انسان خانه طموحه....وذكائه.

ولا مبرر لاي انسان قدراته 99% انه يجيب 70% ابدا...لمجرد
انه مايفرق قدام امتحان التوفل.....!

وين self satisfaction...الارضاء الداخلي....؟
اي طالب مجتهد.....يفرق عنده انه يكون.....ِA student او C Student
اي طالب طموح...تفرق عنده انه درس في جامعة كذا......او جامعة كذا...


اذكر من ست سنين...تخرجت من الثانوية عمري ماسمعت بشئ اسمه
توفل.....يتصلون لي تعالي ..اجي...مايتصلون لي...ما اجي...

اليوم ماشاء الله من اول ثانوي....معظم الطلاب...يعملون لاجل التوفل...دورات
وسفر للخارج لامتحان التوفل...ومعظمهم عندهم معلومات طيبة
عن الجامعات..في قطر وفي الخارج والسكورز المطلوب من كل جامعة....

شئ بصراحة جميل...ومشجع...وحلو الواحد يتعب لاجل طموحه..ولا
يخلي شئ يوقف قدامه..

.....

النقطة الخامسة والاهم...واللي خلتني ارد على الموضوع:

هل نحن في مجتمع يقبل التمايز؟

هل نتقبل ان صاحب هذا التخصص....اهم من صاحب هذا التخصص؟

هل المتخرج من هذه الجامعة .....او هذه....او من الخارج سيشكل فرق؟

وان اختلفنا هل الاختلاف سيكون ......في المسمى او المنصب او في الراتب
الذي سيناله اي واحد منهما؟

هل يعني ان نقدر خبرة صاحب شهادة الثانوية..او الاعدادية...ان نبخس
حق صاحب البكالوريوس...او الماستر؟

وان اخذنا بنظرية البعض: محد احسن من حد.....هل سنكون عادلين؟

اسئلة عائمة عمدا.........اخرى :)

تحية[/COLOR][/CENTER]

[بوحارب]

:looking:

[جرير]

قال تعالى ((قل هل يستوي الذين يعلمون والذين لا يعلمون))

قال تعالى ((وقل رب زدني علما))

قال الله تعالى: (يَرْفَعِ ٱللَّهُ ٱلَّذِينَ ءامَنُواْ مِنكُمْ وَٱلَّذِينَ أُوتُواْ ٱلْعِلْمَ دَرَجَـٰتٍ)

اطلبو العلم من المهد الى اللحد


اطلبو العلم ولو في الصين

[كلي أمل]

:nice: عامل نفسي ومحفز وتفوق وزعتر وفول وحمص والله مايوكل عيش هالايام .. :victory: الله يعينكم على مابلاكم من تفوق وشهادات عليا ماتوكل عيش.. وعلى سعه الدراسه موو مستعيل ..



الله يهداك هاذي بلاء :omg: ؟؟؟ هاذي نعمه من الله ان احنا نحب التفوق والطموح وكل ماهو عالي والحمدلله

انا اصلن ماحد يدري شيصير فيني اذا بس خذيت B :weeping:

وماعرف اعيش اذا ماجبت معدل مرتفع <<< احس الحياة غلط