المساعد الشخصي الرقمي

مشاهدة النسخة كاملة : معقوله يامستشفى حمد التقشف لهذه الدرجه


nor85
21-06-2009, 01:46 PM
عندي صديقه تشتغل في مستشفى حمد وتقول التقشف بدأ في المؤسسه لدرجه مطارات الماي صار لازم يشترونها من فلوسهم حتي الماي ايش دعوه وين عايشين احنا وكل ماطلبوا شيء قالوا لهم مافي ميزانيه بس ماتوصل لدرجه الماي الله يعينهم والله لارواتب عدله ودوام لين الساعه 3 .
بوعبدالله100
21-06-2009, 01:53 PM
حالتهم حاله مؤسسة حمد .. تقشف من اهني ومن جهه ثانيه رواتب فوق ال 100 الف للاجانب ..:anger1: غير جذي حق القطري ضاايع .. مثال على ذلك مستشفى رميله ماافيه الا قطري او اثنين ويكسرون الخاااطر دكاتره :anger1: مسائيلهم هنود وفلبن.. سولفت مع وااحد منهم قالي بالحرف الواحد انااا جااي اخذ الخبره سنتين واطلع منهم :nice: بالعقل يعني دكتور دارس مليون سنه راتبه 11 الف وخرده ؟!؟؟!؟!؟!؟!؟!
::.Silent.::
21-06-2009, 01:56 PM
بصراحه

الله يعينهم

و لا كأن البلاد فيها خيـــــر
أريج
21-06-2009, 01:58 PM
قصدج مطارات الماي الكبيرة ؟

عااد المطارات الصغيرة من زمان نشتريها من فلوسنا متى هم شروو لنا
ابن الجزيره
21-06-2009, 01:59 PM
عندي صديقه تشتغل في مستشفى حمد وتقول التقشف بدأ في المؤسسه لدرجه مطارات الماي صار لازم يشترونها من فلوسهم حتي الماي ايش دعوه وين عايشين احنا وكل ماطلبوا شيء قالوا لهم مافي ميزانيه بس ماتوصل لدرجه الماي الله يعينهم والله لارواتب عدله ودوام لين الساعه 3 .


قريب بيتسنعوووون

اللي ماسكين الميزانية !!!
nor85
21-06-2009, 02:01 PM
شاكره لكم مروركم انا مستغربه اهي مش تبع الدوله ليه مخلينها شذي حالتهم حاله
nor85
21-06-2009, 02:02 PM
قصدج مطارات الماي الكبيرة ؟

عااد المطارات الصغيرة من زمان نشتريها من فلوسنا متى هم شروو لنا

ايوه الكبيره تبع الثلاجات عاد يقلون لهم الكابونات خلصوا والمؤسسه فيها تقشف الحمدلله والشكر
أريج
21-06-2009, 02:05 PM
قريب بيتسنعوووون

اللي ماسكين الميزانية !!!

يتسنعون اشلون بشرنا
شويهينــه
21-06-2009, 02:05 PM
من قال انهم كانوا يفرون مطارات الماي

5 سنين وانا اشتغل عمرهم ماعطونا غرشه ماي ببلاش
أريج
21-06-2009, 02:08 PM
بعدين خاطري اعرف ليش مايطبقون قانون الموارد البشرية مادام الرواتب مثل ماهي من سنين
بوعبدالله100
21-06-2009, 02:26 PM
الكل يردد وراي .. يااااااااااااااااااااااااااااااااااااااليل مطولك escape
أريج
21-06-2009, 02:58 PM
8

8

هههههههههههه اي والله يابوعبدالله

الله المستعان
Q A T A R
21-06-2009, 03:09 PM
الله المستعان
فلفل حار
21-06-2009, 03:12 PM
الله يعين رفيجتج والموظفين ...!


الله كريم .... :)
nor85
21-06-2009, 03:26 PM
الله يعين الجميع والله الموظفين تعبانين من جد ومحد حاس فيهم الله المستعان
كيفـي
21-06-2009, 03:38 PM
بكل مكان التقشف..!!

والمصيبة اللى نقراه بالجرايد.. وإعطاء فكرة عن قطر بإنهم ولدوا وفي فمهم ملعقة من ذهب..:(

والله المستعـــــــان..!!
nor85
21-06-2009, 04:57 PM
هذه المصيبه
الامانه
21-06-2009, 06:32 PM
بس جات على مطارات الماي

الله المستعان
رجل الجزيرة
21-06-2009, 07:03 PM
عندي صديقه تشتغل في مستشفى حمد وتقول التقشف بدأ في المؤسسه لدرجه مطارات الماي صار لازم يشترونها من فلوسهم حتي الماي ايش دعوه وين عايشين احنا وكل ماطلبوا شيء قالوا لهم مافي ميزانيه بس ماتوصل لدرجه الماي الله يعينهم والله لارواتب عدله ودوام لين الساعه 3 .


عاد الصراحة هذي قوية.
الطيبة كلها
21-06-2009, 08:18 PM
اهم شئ الاجانب راضين عن معاشاتهم ولا القطريين عادي مب مهم رضاهم باي شئ
بنتكم
21-06-2009, 08:35 PM
شنو مطرات ماي حق شنو يوزعونها اختي نور

مافهمنا مافيه مطرات ماي تتوزع بالدوامات مافهمنا

عشان نتكلم بالمنطق:rolleyes2:
شموخ العز
21-06-2009, 09:53 PM
من قال انهم كانوا يفرون مطارات الماي

5 سنين وانا اشتغل عمرهم ماعطونا غرشه ماي ببلاش

( اي والله متى هم كانو يوفرون ماي الميا مجاني في كل زاويه من جميع مستشفيات الدوله فيه ثلاجه ماي )



اي والله من قال مطاااره ماي حتى الماي يبونه مجاني والله فكرت موضوع مهم ماي يحفرون لهم بئر ماي احسن
الوعب
21-06-2009, 10:22 PM
عندي صديقه تشتغل في مستشفى حمد وتقول التقشف بدأ في المؤسسه لدرجه مطارات الماي صار لازم يشترونها من فلوسهم حتي الماي ايش دعوه وين عايشين احنا وكل ماطلبوا شيء قالوا لهم مافي ميزانيه بس ماتوصل لدرجه الماي الله يعينهم والله لارواتب عدله ودوام لين الساعه 3 .




مع الاسف كلام صديقتك مو صحيح

الماء والشاي والنسكافيه والسكر والاقلام والاوراق وغيرها كلها توزع من غير مقابل.

خلي صديقتك تكلم مديرها المباشر او تدخل غرفته واشوف هالاشياء موجوده او لا.

اما بالنسبه للمعاشات ما حدث اي تغير وان شاءالله يكون لكم خير
بنتكم
21-06-2009, 10:49 PM
صح كلام الوعب

شنو مطرات ماي :anger1: وتغشف
فرقة الصقور
22-06-2009, 12:22 AM
قريب بيتسنعوووون

اللي ماسكين الميزانية !!!

وشعندك من جديد الاخبار؟
الظاهر انهم مثل اهرامات مصر:victory: متسمرين عدل
هدوء 2
22-06-2009, 01:19 AM
خلو الماي هم كل واحد يجيب مايه من البيت :rolleyes2:
nor85
22-06-2009, 05:33 AM
عاد الصراحة هذي قوية.

الظاهر مش عايش في الدوحه
nor85
22-06-2009, 05:36 AM
شنو مطرات ماي حق شنو يوزعونها اختي نور

مافهمنا مافيه مطرات ماي تتوزع بالدوامات مافهمنا

عشان نتكلم بالمنطق:rolleyes2:

حبيبتي الثلاجات تيع الماي اللي فيها مطارات اللي تنباع على 8 ريال كان اول يوزعون كابونات على المدير عشان يشتري فيها هذه المطارات الحين الكابونات خلصت واهم مضطرين يشترونها بفلوسهم
nor85
22-06-2009, 05:38 AM
مع الاسف كلام صديقتك مو صحيح

الماء والشاي والنسكافيه والسكر والاقلام والاوراق وغيرها كلها توزع من غير مقابل.

خلي صديقتك تكلم مديرها المباشر او تدخل غرفته واشوف هالاشياء موجوده او لا.

اما بالنسبه للمعاشات ما حدث اي تغير وان شاءالله يكون لكم خير

لا والله صحيح انا زرتها في دوامها وقلت لها ماعندكم ماي قالت لا وبعدين قالت لي القصه هذه وصحيح السكر والشاي موجود بس وين الماي ومسئولهم قال لهم تقشف لاحد يطلب شيء لاشعار اخر
يحفظك ربي
22-06-2009, 05:54 AM
مانقول الا الله كريم

والا الواحد لين متى بيقعد يتكلم ويصارخ ؟ ولا حياة لمن تنادي

يابو لنا هالاجانب وسكنوهم احسن الاماكن ويمشي لهم راتب ولا بالاحلام

وانت يالقطري خذ كل شي على حسابك !!!!

الله كريم بس الله كريييم .... يقووولك الله على الظالم كبييييير !! :/
رجل الجزيرة
22-06-2009, 06:02 AM
لا والله صحيح انا زرتها في دوامها وقلت لها ماعندكم ماي قالت لا وبعدين قالت لي القصه هذه وصحيح السكر والشاي موجود بس وين الماي ومسئولهم قال لهم تقشف لاحد يطلب شيء لاشعار اخر

إلا مسئولها كذاب خليها تروح للمسئول الإداري وتقول له ويش إلي صار، صدقيني بتساعده.
aabdulla1
22-06-2009, 12:36 PM
غريبة !!!!! أخابر بعض الأقسام ريوقهم وغداهم بوفيه مفتوح من مطبخ المستشفى!!!
ولا بعضهم يشيل معاه البيت حق العشاء!!! .... يمكن ناس وناس! ..الله المستعان
بوحارب
22-06-2009, 01:01 PM
غريبة !!!!! أخابر بعض الأقسام ريوقهم وغداهم بوفيه مفتوح من مطبخ المستشفى!!!
ولا بعضهم يشيل معاه البيت حق العشاء!!! .... يمكن ناس وناس! ..الله المستعان

صج سرينج من قلب :sneaky:
وتبقى الدنيا حلوه
22-06-2009, 02:19 PM
قريب بيتسنعوووون

اللي ماسكين الميزانية !!!

على ايدك انشالله:nice:
حنان الدنيا
22-06-2009, 03:03 PM
السلام عليكم اختي وبعدين من متى حمد توفر شئ لموظفين ولاشئ كل شئ بحسابنا

والرواتب مافي اي تعديل فيها لان قانون الموارد البشريه ماتمشي علينا وحتى هالزياده ماصارت علينا

بس كانت للدكاترة والتمريض والمدراء بس والموظفين الباقين طبعا مافي زياده ولاشئ يمشي علينا الحمدلله

والمشكله نشتغل بذمه ومب عاجبهم ولا هم راضين يزودونا والشكوى لغير الله مذله

والمستغربه منه ليش قانون الموارد البشريه مب لنا ليش


مشكورة اختي
nor85
23-06-2009, 03:42 PM
والله حبوبه الله العالم كأن مؤسسه حمد عليها لعنه مافي شيء زين فيها وكل حرامي ينشل يجي مكانه حرامي اخس اللي ماسكين الميزانيه لاحسيب ولارقيب
الوعب
23-06-2009, 09:43 PM
والله حبوبه الله العالم كأن مؤسسه حمد عليها لعنه مافي شيء زين فيها وكل حرامي ينشل يجي مكانه حرامي اخس اللي ماسكين الميزانيه لاحسيب ولارقيب




اتقوا الله في كلامكم ولا تقذفون الناس

محاسبون عن هالكلام يوم القيامه
بنتكم
23-06-2009, 10:33 PM
الزياده للموارد البشريهـ عليها بعض التعديلات وبتنزل ان شاء الله

والتعديلات مانزلت لا اي حد ...

بس سالفة مطارات الماي مب صحيحـهـ وصدقيني يانور اللي قالك هـ الكلام وربي مب صادقـهـ

قبل ماتتكلين بلسان اي حد تحري الصدق من الكذب ولاتزعلين اختي

شدخل مطارات الماي بالتغشف ...
لولوتي
23-06-2009, 10:55 PM
طبعا الثلاجات في مستشفى حمد نوعين
الاولى هذي((الكولر))
http://www.ii1i.com/uploads4/f7d6f2ff57.jpg (http://www.ii1i.com)
وهذي النوعيه ماصار لها اكثر من اربع او خمس سنوات داخل اقسام المؤسسه
واللي اعرفه ان اللي حطها مب المؤسسه ... لا... هي ابتدأت كعمل خيري من البعض...
او على الأقل واللي انا متأكده منه ان احد المسؤولين هو اللي ابتدأ بتوزيعها في القسم اللي هو مشرف عليه
وبعدها اقسام ثانيه بتعاون مابين الموظفين إشتروها لأقسامهم

فإذا صار وامتنع الاشخاص عن توفير المطارات فمن وجهة نظري :
كلها 8 ريالات للمطارةhttp://www.ii1i.com/uploads4/702422831b.gif (http://www.ii1i.com)
لو اشتريناها وشربنا منها وكسبنا اجر في غيرنا من اللي بيشرب منها ماراح اتكون فيه خساره بإذن الله :)


اما النوعية الثانية واللي هي موجوده من زمااان:rolleyes2: في كل اقسام المؤسسة
http://www.ii1i.com/uploads4/ce3a0ade6a.jpg (http://www.ii1i.com)
صحيح اني طلعت هالصوره من النت.. لكن اللي وده يجرب طعم وريحة هالثلاجات يتفضل ويروح ويجرب وعسى يلقاها صالحة للاستخدام الادمي :)
بنتكم
24-06-2009, 08:48 PM
صح كلامج اختي لولوتي مب المؤسسة اللي موفرتهم ...اللي اقصد المطرات (( الكولر ))

عشان جذي اقول تحروا قبل ماتغلطون ...
المقاول 1
24-06-2009, 08:51 PM
لاحول ولا قوه الا بالله
أريج
25-06-2009, 12:04 AM
الزياده للموارد البشريهـ عليها بعض التعديلات وبتنزل ان شاء الله

والتعديلات مانزلت لا اي حد ...

بس سالفة مطارات الماي مب صحيحـهـ وصدقيني يانور اللي قالك هـ الكلام وربي مب صادقـهـ

قبل ماتتكلين بلسان اي حد تحري الصدق من الكذب ولاتزعلين اختي

شدخل مطارات الماي بالتغشف ...



يعني راح يطبقون في مؤسسة حمد قانون الموارد البشرية ؟ عااد متى ؟؟

والزيادة السنوية اللي صاار لها اربع سنين مااستلمناها ؟