((الجلســـه الصبــــــاحيه)) 5/4

[مغروور قطر]

السلام عليكم والرحمة الله وبركاته اصبحنا والصبح الملك لله اليوم ان شاء الله سوقنا اخضر يارب مع توقع ارتفاع طفيف ومد وجز في جميع الشركات


وشاركنونا وفالكم طيب

[الحزين]

السلام عليكم ورحمة الله ...

أصبحنا وأصبح الملك لله الواحد القهار . اللهم آتنا في الدنيا حسنة وفي الآخرة حسنة وقنا عذاب النار . اللهم لاتكلنا إلى أنفسنا طرفة عين ولا أقل من ذلك ..

الله يرزقنا اليوم من البورصة وانشاءالله اليوم يكون المؤشر للأفضل

[مغروور قطر]

اخوي الحزين الله يسمع منك يارب وبتوفيق ان شاء الله

[sulai6i]

السلام عليكم

صباح الخير جميعا

وان شاء الله صباحكم اخضر اليوم

[سعادة الوزير]

آمين يا رب العالمين

بس انا اقول خلو نظرتكم تفائلية وياريت على المدى البعيد شويه .. حطو في بالكم ان الي صار مش اكثر من نزول طبيعي جدا بعد فترة جني ارباح وارتفاع متواصل ل 3 شهو وانتهاء توزيع الارباح .. يعني كلمة مستثمر اجنبي مش سحرية وتقلب السوق فوق تحت!

[مغروور قطر]

اخواني واحد في حاله وسعادة الوزير عليكم السلاام والله يصبحكم بالخير وسوقكم اخضر ان شاء الله

[المراقب]

السوق سيستمر على حاله من مد وجزر حت طرح ناقلات بأسعار رخيصة.

وبالتوفبق

[مغروور قطر]

الله يسمع منك اخوي المراقب

[roadrunner]

السلام عليكم.

صبحكم الله بالخير .. انشالله نشوف السوق مخوضر اليوم... وانشالله نتجنب شر الحساد " الي شرى 28 سهم بالعقارية و جنني امس" واللهم كافنا شرهم يارزاق ياواحد يا أحد.

[مغروور قطر]

مرحبا صبحك بالخير مبرمجنا ان شاء الله بتشوف الي يسرك بس اعتقد العقاريه في نزوول وانت احسب الافرج مالك بين الاسهم الي عندك واسهم الاكتتاب وان شاء الله ربحان

[رجل شرقي]

التفاؤل حلو ..


لكن خل عندكم تحليل منطقي ..

لو تقرون تعليقات اعضاء منتدى الاسهم ، في جميع الاقسام ،
كلهم يقولون اول ما ينزل سهم ناقلات راح نشتري ..
يعني انت وهو وغيركم ... كلكم موفر السيولة لاسهم ناقلات ....


على شان كذا المتوقع ان البورصه في نزول .. لان الناس موفرين السيوله لاسهم ناقلات ..


خلكم واقعيين ... وابدأو من نفسكم .. بانكم تجاوبون هل بتشترون اليوم من البورصه او انكم راح توفرون السيوله من اجل ناقلات ..؟

اكد طبعا الكل راح يقول بنوفر السيوله من اجل ناقلات .


اذن اللي تفكر فيه غيرك يفكر فيه .



وشكرا لكم جميعا ...




واسمحوا لي على المداخله

[abdulaziz_y]

al salam 3leekom ... inshalla al yoom bekoon a7san mn ams

bs atwaga3 nzool al sooq il yoom la'an hl qatar mashalla 3leehom ma yebe3oon illa leen nezlat al ashom :(

bs inshalla al 7ala tet3adal al yoom ... laan ams al nzool kan 7aad fmn al 6abe3ee yekon al yoom a5af shwai

[FAHAD]

السلام عليكم شباب لو سمحتوا حد اقولي الساعة كم الحين في الدوحة تغير الوقت الصيفي عندنا و تلخبطت

[مغروور قطر]

عليكم السلام ورحمه ومرحبا في كل من دخل اخوي عبدالعزيز بشر امس شريت السلام او لا

[abdulaziz_y]

la ... ma nafethoo liiii :(

al tawgeet fe al do7a al mafroo'6 inna yekoon 7,30

madree itha 7esabtha 9a7 wella la ... lan ana b3d met5arbe6 mn al time change

7esbeya allah 3leehom wo 3ala twagethooom .... illi 5alat 9alat al ma'3arb tengiz leen al sa3a 9

[رجل شرقي]

الساعه 7.30 صباحا اخوي فهد

[مغروور قطر]

اخواني الذي لا يمكنه متابعه الاسهم من موقع السوق يمكنه المتابعه من هذا ارابط http://www.dohabank.com.qa/Arsite/Emain.asp

[roadrunner]

لا .. انشالله ما فيها خسارة .. بس لو المستثمرين يحسبونها صح ... المشكله عندنا اذا شافوا العرض اكثر من الطلب كلٍ يبي يتخلص من اسهمه لآنهم خايفين ان السهم ينزل .... وهذي اساس المشكلة ... لآن بيصير العرض اكثر من الطلب .... وهذا الي يزيد الطين بله والمشكله الأكبر ان اذا في عرض اكثر من الطلب على كمن شركة تشوف الخوف يعم على اغلب السوق ... وباقي الشركات تطب بعد ... بس اتمنى تكون في عقلانيه بالبيع شوي وعقبها بنكون بخير انشالله.
وخوفي ان المشكله تتكرر بالناقلات والسهم ينباع بأقل من سعره لآن فعلا نسبه كبيره حاطه ببالها البيع بأول يوم لتداول السهم... والله المستعان.

[مغروور قطر]

كلام صحيح اخوي 100% هذي المشكله الكبيره في نفسيات المستثمريين

[رجل شرقي]

نصيحه يا شباب ....ان كنتم تبون الاسهم ترتفع ..!!


لما تشوفون العرض اكثر من الطلب ، رجاءا لا احد يعرض اسهمه ،، لان زيادة العرض يقلل الطلب ويكاد ينهييه ..

ويعطي انطباع لدى المشتري ان العارضين واجد وبالتالي لو ما شريت اليوم اكيد بكره راح ينزل السهم اكثر لان المعروض اكثر من الطلب .


على شان كذا ياشباب جودو اسهمكم ولا تستعجلون ان كنتم تبون الاسهم ترتفع .


وهذي نصيحه ، واذا كنت غلطان حد يصحح لي .


ولا شرايكم شباب .

[مغروور قطر]

اخوي رجل شرقي كلامك صحيح انا ناوي ابيع بصراحه اليوم بس بشوف العرض وطلب اذا العرض كبير ماراح ادخل الطلب وهم ناوي اشتري في المصرف

[ibrahem]

السلام عليكم جميعا صباح الخير اخواني

[مغروور قطر]

عليكم السلام ورحمه هلا فيك اخوي ابراهيم

[ibrahem]

اخواني اتمنى عدم الاستعجال

طبعا كما هو واضح السوق مرشح لنزول اكثر


وهاذي خطه كبيره لأقتناص سهم الناقلات بأرخص الأسعار


توقعي اليوم او غدا وجود ارتداد وهمي للسوق لذلك الحذر الحذر لاتتعلق مره اخرى


احتمال كبير اليوم او غدا وجود ارتداد وهمي لكي يصرفون باقي كمياتهم علينا

ووممكن يكونون صرفو من قبل وانتهو



لذلك اتمنى عدم الأستعجال ودخول السوق بسرعه



تحياتي

[رجل شرقي]

اخوي مغرور قطر ... هذا الصح .



لان الشخص لما ينوي يبيع او يشتري لابد ان يتابع السوق ثم يعطي امر الشراء او البيع .

الا ان بعض المساهمين يعطي امر البيع قبل افتتاح البورصه بيوم او بيومين ، و صدقني لقيت ناس يعطون اوردر البيع قبلها بفتره ..



فالواحد لما يبي يبيع لابد ان يشوف السوق ثم يبيع ، مو العكس .

[مغروور قطر]

اشكرك اخوي ابراهيم على هل الكلام الطيب صحيح عدم الاستعجال صدقنوني لو صغار المستثمريين يمسكون اسهم السوق سوف يشهد انتعاش بأذن الله

[ibrahem]

هلا فيك اكثر اخوي مغرور



اقترح عليك اخوي اذا لديك سيوله متبقيه حتى لو كانت قليله جدا ان تجزئها 4 او 5 اجزاء وتشتري بالأسعار المتدنيه غدا او بعده لكي تعدل معدل السعر الذي اشتريته في السابق


بس اهم شيئ انك تجزءها اكثر من جزء



كان بودي ان احضر الجلسه معاكم لكن مع الأسف لااتمكن الا الخميس فقط بسبب الدوام



وان شاء الله يوم الخميس بكون في سوق الدوحه لكي نقتنص في الغاز


اشوفكم على خير


تحياتي

[مغروور قطر]

انا الحمد الله شاري من الصيف وانتو عارفين وش كانت اسعار الصيف بس الي فاتني المصرف بصراحه واناوي اشتري فيه وانا استثماري طويل الاجل

[boabdullah]

((( ياحي ياقيوم , برحمتك أستغيث ,

فأصلح لي شأني كله

ولا تكلني إلى نفسي طرفة عين ,,,,,,)))

يسعد صباحكم جميعا"

أخوكم بوعبدالله :) :)

[مغروور قطر]

الله يسعد صباحك اخوي ابو عبدالله

[الخبير المالي]

صبحكم الله بالخير جميعا وانشالله يومكم خضر

[الدانة عنود]

السلام عليكم ورحمه الله وبركاته

صبحكم الله بلخير

[مغروور قطر]

صبحك بنور والعافيه اخوي الخبير المالي الله يسمع منك يارب

[مغروور قطر]

عليكم السلام ورحمه اختي الدانه

[مغروور قطر]

خلونا نتكلم عن التوقعات قبل افتتاح السوق بنص ساعه عني انا التوقع السوق كا الامس الى اذا حس صغار المستثمرين بالاخطر القادم من كميات العرض الذين يقومون فيها وان شاء الله يتداركون الخطر هذا بتريث في كميات العرض

[الخبير المالي]

اخوي مغرور احتمال يكون هبوط في السوق لكن من وجهة نظري اخف بكثير من امس وانشالله السوق يعود لمرحلة التوزان خلال فترة بسيطه

[boabdullah]

مغررررررور

السوق في الوقت الحالي

يحتاج دعم قوي حتى ترجع الثقة ويرجع السوق للوضع الطبييعي

وأتوقع الدعم قادم بأذن الله

بوعبدالله :) :)

[مغروور قطر]

صحيح عني انا حاس برتفاعات قادمه ان شاء الله

[الحزين]

الله يسمع منك اخوي مغرور ويرتفع السوق للأفضل انشاءالله

[abdulaziz_y]

allah yester inshlla

[مغروور قطر]

امين وباقي ربع ساعه ونشوف الوضع

[سلطان]

السلام عليكم

ان شاء الله يكون ارتفاع اليوم , وتوقعي هو مواصلة الهبوط بمستوى اقل واحتمال التوازن غدا

[مغروور قطر]

عليكم السلام ورحمه حياك الله اخوي سلطان

[boabdullah]

سلطان

صباح الخير ياخوي

وخلك دايما" متفاؤل وهذا اللي أنا أعرفه عنك

بوعبدالله :) :)

[مغروور قطر]

بسم الله الرحمن الرحيم


باقي 5 دقايق على قبل الافتتاح ان شاء الله يبشر بالخير يارب

[مغروور قطر]

بو عبدالله والله الي يعجبني فيك والله تفاؤل وهذا المطلوب تفاؤلو بخير تجدوه

[سلطان]

مرحبا بوعبدالله , انا متفائل وما زلت متفائل بسوقنا بس بالنظر الى قوة الهبوط امس ما اتوقع ينقلب اخضر اليوم

وان شاء الله تبدأ الارتفاعات عن قريب , ومثل ما قلت الهدف سهم ناقلات وراح تكون محاولات تجميعه باسعار رخيصه

وبالتالي رفعه للمضاربه .

[boabdullah]

مغرور

ماعليك زود ياخوي

وصدقني لابد من التفاؤل حتى نخلق ونغرس بداخلنا أمل كبير

والأمل دايما" موصول بوجود الله سبحانه

وأنا كلي ثقة

بوعبدالله

[رفيع الشان]

صبحكم الله بالخير والسرور انشالله السوق اخضر اليوم!!!

[العنان]

السلام عليكم ,, وصبحكم الله بالنور

[مغروور قطر]

السوووق يبين في نزووول قوي نفس موال كل يوم الله يعين

[مغروور قطر]

عليكم السلام ورحمه هلا بكل من دخل /// والله مادري هل ناس شلون تفكيرها بيضعيون السوووق معا كميات العرض

[الدانة عنود]

سوف يستمر اللون الحمر

[مغروور قطر]

شكله احمر وبنشوف اول ساعه شلون بيكون الوضع

[abdulaziz_y]

walla for9aaa lel9ena3aaaaaaaaatttt

[sulai6i]

اليوم ليميت داون لأغلب الشركات

اللي شكله صامد التخصصي والدولي

[502]

السلام عليكم ورحمة الله وبركاته............
صباح الخير عى الجميع ....................

[مغروور قطر]

والله التخصصي قوي بس يا جماعه شوفو كميات المطلوبه انا التوقع للحين الاجانب مادخلو صدقوني

[مغروور قطر]

502 عليكم السلام وصباحك عسل

[الحزين]

الله يستر .. العرض والطلب مايطمن اليوم

[sulai6i]

المشكلة في اللي قاعدين ايبيعون

لو يصبرون شوي وما يسوون اوردرات بيع

والله كان الوضع غير غير

[راعي البورصه]

السلام عليكم ورحمه اللة وبركاته

[الدانة عنود]

شكلها العقاريه السلام المتحده مواشي صناعات لمت داون

[boabdullah]

وحده اللـــــــــــــــــــــــه سبحانه

هو مغيــــــــــــــــــــــــر الأحوال

بوعبدالله :) :)

[مغروور قطر]

امين ان شاء الله ترتفع وفرصه للمصرف والله اتهدد عليه اقول يمكن بكره ينزل اكثر

[العنان]

انشاء الله اليوم يكون اخضر

[مغروور قطر]

العنان الله يسمع منك ان شاء الله

[الدانة عنود]

الله يسمع منك


بس المكتوب باين من عنوانه

[سراب الامل]

السلام عليكم

صباح الخيرات والمسرات

انشاءالله اليوم صباحكم السهم الاخضر مع انه توقعاتي مواصلة الهبوط لكل الشركات

[عليان]

في توقع انه اليوم بتخضر شركات قويه بس

[العنان]

تفائلو بالخير تجدوه

[bo_yousif]

السلام عليكم

واسعد الله صباحكم بكل خير

[سراب الامل]

الله يسمع منك يالعنان واليوم نشوف غير التوقعات

تدورن بورصتنا كل شي صار فيها جايز وانشاءالله اليوم تعكس توقعات الكل

ونشوف السهم اب للشركات الكبيرة

[عليان]

الحمممممممممممممممممممممممممممممممممد لله بدت الشركات تنطلب ,, يالله الاسهم والدعم من عندك.

[الدانة عنود]

المخازن

تبي تلحق

المتحده والصناعات والمواشي والعقاريه والسلام

في


المت داون

[مغروور قطر]

عليكم السلام ورمرحبا بكل من دخل

[بيل جيتس]

كان بودى اجول صباحكم اخضر لكن الجواب باين من عنوانه

عموما بقاء الحال من المحال وان شاء الله الاخضر قادم فى الطريق

بس لايتأخر علينا والا نضيع

بس قول يـــــــــــــــــــــــــــــــــــــارب

[سهم طايش]

الله يصبحكم بالخير

اتمنى اليوم يصير احسن من امس

بس كل الدلائل تشير غير ذلك

شوفوا العرض مقابل الطلب !!

الله يستر

[abu ali]

السلام عليكم

يا الله على بابك ولا خاب طلابك يا كريم
انشا الله اليوم اخضر والكل رابح دووووووووووووووووووووووووووووم

[طبشور]

هبووووووووووووووووووووووووط

[جمال النعيمي]

السلام عليكم

لاحولة ولاقوة الا بالله عسى ان تكرهو شي وهوا خيراً لكم وعسى ان تحبوا شي وشراً لكم

اصمدو ياشباب لايهم الخير جاي انشاء الله

[إنتعاش]

السلام عليكم جميعا

http://www.al-watan.com/data/20050405/textfiles/images/cartoon1.jpg

[سهم طايش]

أربطوا الاحزمه و شدوها مضبووووووط

مطبات هوائيه جامده

[مغروور قطر]

عليكم السلام ورحمه في كل من دخل والله السوووق في انتكاسه كبيره الله يعين ونطلع منها يارب

[bo_yousif]

وعليكم السلام

[سهم طايش]

اعتقد و الله اعلم بداية صعود للمصرف

[الدانة عنود]

الحمدلله على كل حال

[عليان]

يا جماعة الخير اليوم من شرء كسبان ,, اعتقد بيطلع السوق .صدقوني الكل بينلم

[مغروور قطر]

السووووق كله الله يستر شكله بيتصكر السوق بدري اليوم بيصكر انخفاض 5% اليوم

[سهم طايش]

الطلب على جميع الشركات لا يتجاوز 2000 سهم معقوله !!!!!!

2000 سهم لكل الشركات

[قطري]

صباح الخير جمــــــــــــــــــــــــــــيع
يقول المثل من صبر قدر
والله كريم...بس يخلص موضوع ناقلات :mad:
الي لا ريحتنا في الاكتتاب ولا في دخولها السوق
الظاهر هي الشماعة الحين
يالله هانت بمجرد مايبيعون الناس ناقلات ان شاء الله يرجع السوق
والله كريم

[عليان]

النقل طالع اليوم

[bo_yousif]

ياخوي عليــــــــــان

توني جاي من البورصة ،،

للاسف كل اللي حولي يبيعون مافي الا انا و واحد مقدمين طلب شراء

[عليان]

انا مصر انه اليوم صعود

[مغروور قطر]

صحيح كلامك اخوي قطري اعتقد بعد ماتنزل ناقلات بينتعش سوق

[bo_yousif]

لا حول ولا قوة الا بالله

الصبـــــــــــر يا اخوان

[سهم طايش]

اي صعود يا عليان شوف العرض و شوف الطلب

[مغروور قطر]

اربطو اربطو الاحزمه فوق مثلث برمودا

[العنان]

والله شكله السوق يخوف مادري اشتري لي شي اللحين ولا انطر لين يوم الخميس

[بوعبدالله2005]

السلام عليكم ورحمة الله وبركاته


الله الله يا اخوان الي عنده بيزات يشتري على دفعات

والي ما عنده مثلي يصبر على اسهمه ولا يبيع

[مغروور قطر]

عليكم السلام اخوي بو عبدالله 2005

[bo_yousif]

اربطو اربطو الاحزمه فوق مثلث برمودا


معاد بها برمودا ياخوي ....

قول تسونامي

[boabdullah]

بويوسف

صباحك رظا وسعادة

والله يعوض علينا

وخلك ياخوي مؤمن بوجود الله سبحانه

والتغيير واررررد

بوعبدالله

[العنان]

انا بصراحه حاط عيني على العقاريه بس انطرها تنزل بعد حبتين

[رجل شرقي]

احمر ..لين بكره ..


اللي عنده طلب بيع يسحبه ، لعل وعسى البورصه تنتعش ..!!

[بوعبدالله2005]

والله ثم والله محد مونسني في الأسهم الا هذا المنتدى الطيب والي فيه

وانا كل معرفتي الأسهميه ما خذها من هذا المنتدى الطيب

[حمد]

شباب ايش رايكم في هالوضع تنصحون بالشراء .... وايش الي ينشرى في هالوقت ؟

حمد

[سهم طايش]

و الله يا حمد ما انصحك بالشراء

انتظر لي بكره بتنزل اكثر و الله اعلم

[العنان]

محد منزل البورصه غيركم ياللي تبون تبيعون حاطين طلبات بيع بالهبل امسكو شوي اسهمكم وانطروا لين ترتفع الاسهم

[bo_yousif]

يصبحك بنور والسرور

لا شك ياخوي بـــــــــــــــــوعبدالله

واللي مصبرني تــــــوقيع الشخصي كل ماشوفة تنفتح نفسي للشراء

[سراب الامل]

معقولة الموجود عروض بيع ولا شركة لها طلبات شرا

وين المحللين ياريتهم يفهمونا ممكن هالوضع

سوال ممكن البورصه تنتعش الاسبوع الجاي والا الوضع راح يتدهور اكثر

[مغروور قطر]

الله يعين يارب

[جمال النعيمي]

محد خرب السوق الا 5% يا اخي شلوها خلا الضرب يصير عدل

خلنا الشوف الى وين تروح طلبات العرض كلها لازم لها مشتري

و من شرى لابد لة من بيع ولكن وين 5% كرت احمر

عمري ماشفت 5% على الربح يا اخي من هل عبقري الى ارشدهم عليها ؟؟؟!!!

[مغروور قطر]

تدرون والله انا صكرت البورصه بشوفها بعدين الوضع ثابت ويسد نفس بس ان شاء الله الايام الجايه بيكون اخضر

[حمد]

سهم طايش ... عدل كلامك ... وفي رايي ان السوق بيتم احمر لين نزول ناقلات ....

والله ايعين الشباب

[مغروور قطر]

والله كلامك صحيح اخوي jKF

[bo_yousif]

والله ثم والله محد مونسني في الأسهم الا هذا المنتدى الطيب والي فيه

وانا كل معرفتي الأسهميه ما خذها من هذا المنتدى الطيب


وانا مازيد عليك يابوعبدالله2005

الشكر الجزيل لكل من ساهم في هذا الموقع المميز

وعساكم عالقوة يامشرفينا

[رجل شرقي]

نفسي اشوف .. شركه بس مولعه اخضر ...!!!!

[بوعبدالله2005]

فديت خشمك يا بو يوسف

مالنا الا الصبر

والرجاء لا احد يضع امر بيع اصبروا

[عليان]

شكل السوق والله اعلم بيصك ,, بس انا مب مصدق لين الحين.

[مغروور قطر]

اخواني المنتدى لكم وانتو الخير والبركه فيه وبدونك مايشتغل

[q8_investor]

صبحكم الله بالخير
يالله صباح خير ... شنو محد يبي يشتري
شنو صاير عندكم

[العنان]

محد ينعش السوق ويقومه غير تداول الناقلات

[جمال النعيمي]

عندنا اجانب

[بوعبدالله2005]

العبه الأن انه محد يعرض اسهمه

بس ياريت يسمع لقصير رأي

[حشربشر]

راحت افلوسنا (هل من ناصرا ينصرنا)

[قطري]

محد خرب السوق الا 5% يا اخي شلوها خلا الضرب يصير عدل

خلنا الشوف الى وين تروح طلبات العرض كلها لازم لها مشتري

و من شرى لابد لة من بيع ولكن وين 5% كرت احمر

عمري ماشفت 5% على الربح يا اخي من هل عبقري الى ارشدهم عليها ؟؟؟!!!
هم حطوها للحفاظ على صغار المستثمرين
بس الي صار انهم ضرتهم اكثر من انها تفيدهم
وتكلمنا في هذه السالفة لين تعبنا ولكن لا حياة لمن تنادي :cool:
والله كريم

[مغروور قطر]

خلكم مراقبين لسوق ومن بعيد

[بوعبدالله2005]

يا خوان ممكن ا لواحد يشتري سهم واحد فقط

او لازم يشتري كميات

[المستثمر الكويتى]

صبحكم الله بالخير

ارجو من الاخوه عدم متابعه السوق حتى لاتتعب النفسيه

حتى لو يتعدل السوق محد راح يبيع لان المشترا طالع عليهم غالى

ان كانالله يعين السوق يوم السبت ويبدا يرتفع

واذا ما ارتفع ان شوووووفكم شهر يناير المقبل فى ارتفاع حاد فى البورصه



يااااالله انك تخلى السوق لمت اب لمدة 3اسابيع ونبيع ونريح انفسنا آآآآآآآآآآآميييييييييييين

[مغروور قطر]

اخوي قطري اعتقد بيكون فيه تغير قريب بس وش عقبه بعد ماغرقو العالم في الغبه

[q8_investor]

ياجماعه اكيد السوق بيتعدل لما تنزل ناقلات؟
او هذى بس كلام تريحون فيه انفسكم ؟
مومعقوله شركة وحدة ولحد الحين ماشتغلت
بتغير مجرى السوق

[مغروور قطر]

هاهاهاها اخوي مستثمر الكويتي ان شاء الله لمت اب ا على طول عارف مش معقوله بس نتمنى

[المستثمر الكويتى]

وااله ما ادرى تقولون ناقلات بترفع السوق وما ندرى يمكن تتوسدها الناقلات

[بوعبدالله2005]

يا حبايب قلبي كيف اعمل طلب وهمي

[مغروور قطر]

والله خاطري في المصرف وكل يوم اقول بكره بينزل اكثر ان شاء الله نصيده بسعر حلو

[قطري]

ههههههههههه
اي والله غبه :)
هذا اول درس لازم الواحد يتعلمه في البورصة
مثل مافي ارتفاع في نزول...يالله محد يتعلم ببلاش

[رجل شرقي]

المصرف زاد 10 ريالات من افتتاحه وصل 495

[q8_investor]

الناس الي كانو خايفين وباعو من اول يوم
طلعو اشطر منا احنا الي مسوين فيها
اقلوبنا قويه ونصبر :) يعني نبنصطاد بالماي العكر
وعاملين فيها فاهمين .. بس ماقول الا الله يرزقهم
ويعوض علينا خير

[مغروور قطر]

صحيح ايه والله محد يتعلم بلاش بس احنا صامدين

[قطري]

ياجماعه اكيد السوق بيتعدل لما تنزل ناقلات؟
او هذى بس كلام تريحون فيه انفسكم ؟
مومعقوله شركة وحدة ولحد الحين ماشتغلت
بتغير مجرى السوق
اخوي الكويتي
اخبر يوم تم طرح مواشي للأكتتاب السوق انخفس
على كم سهم حصلوها

[مغروور قطر]

امين اخوي q8 جزاك الله خير صحيح الله يرزقهم ومكتوب على الجبين مكتوب

[سهم طايش]

شدعوه و لا شركة مرتفعه

انخفاض جميع الشركات

شوفوا لنا مطوع يقرى على البورصه

[boabdullah]

أخواني

أعتقد الجماعة الكبار

أهمهم في الوقت الحالي

محاولة النزوووول للمؤشر العام

واللي واضح أن السوق راح يسكر في الوقت القريب

المؤشر -4,29

يارب تعينا ياررررررب

بوعبدالله :) :)

[مغروور قطر]

ماشاء الله بورصة الكويت تشهد ارتفاع اليوم الله يوفقهم وعقبالنا

[رجل شرقي]

نزل المصرف 4 ريال الحين ..!! وارتفع مره ثانيه 494.50


يالله بنك الدوحه يرتفع ... والعرض واجد ..!!

[مغروور قطر]

بنك الدوحة موب حوله يرتفع شوف العرض

[المستثمر الكويتى]

وينك ياعليان وينج ياموووزه السوق نزل ارفعوووووووه وين تحليلاتكم


قبل تقول موووزه المستثمر الكويتى اذا نزل السوق تراه بيطلع وبيقول شفتوااا قلت لكم

واذا ارتفع ما راح يبين


وانا ما اقول شى ولا اتشمت انا اقوووول عيشووووووا بواقعيه


ويارب ترفع السوووووق فوووووق فووووووق برزان


الله يسامح اللى كان السبب

[سهم طايش]

أنا بقرى على السوق و انشالله يرتفع


بسم الله الرحمن الرحيم

قل هو الله احد (1) الله الصمد (2) لم يلد ولم يولد (3) ولم يكن له كفوا احد (4)

صدق الله العظيم

[مغروور قطر]

اخوي اليوم اعتقد بيتصكر السوق بدري بسبب الانخفاض الكبير 5% وقارب عليها المؤشر

[سهم طايش]

صج انك ثقيل طينه و مو وقتك

[جمال النعيمي]

ماعندي كلام

الي صار الان صار

بس خاطري اناقش الي عمل 5% لمت اب نعم لمت اب

وين كان يفكر بلمعكوس واريد اعرف الحكمة الجبارة من هذا الشي

[مغروور قطر]

مافيه الى العامه لتامين بتبيع 20 سهم لمت اب

[رجل شرقي]

الله يعين ... شوف العقاريه وصل المعروض قرابة مليون سهم ، ولا حد شرا فيها كلش ..!!


الله يعينهم اللي في العقاريه ..


ويالله يا بنك الدوحه ..

[bo_yousif]

أنا بقرى على السوق و انشالله يرتفع


بسم الله الرحمن الرحيم

قل هو الله احد (1) الله الصمد (2) لم يلد ولم يولد (3) ولم يكن له كفوا احد (4)

صدق الله العظيم

الله يجزاك كل خير
اقرا (( المعوذات ))

[إنتعاش]

والله يا اخوان المعروف في سوقنا والمعتاد عليه انه لما تنزل شركة ( عليها تركيز اعلامي كبير ) - مثل الصناعات سابقا والناقلات حاليا -

ان السوق كله يندمر وينخسف عشان الكل بيشتري فيها ويضارب ويبيع ومدري وشو

فيعني ضررها اكبر من نفعها .

ولا تنسون ان الحين الناقلات بتنزل + اكتتاب ادلاله + اكتتاب العقاريه + اكتتاب المتحده + اكتتاب السلام + اكتتاب النقل

وغيره وغيره وغيره . . والجو الجديد علينا بدخول غير القطريين بشكل اوسع . .


كل هذا في وقت مضغوط و واحد


في نظري ان العمليه كلها تكمن في التوقيت الخاطىء من المسؤولين

في عملية ( تكديس ) الاحداث الحساسه في وقت ضيق وبسيط جدا جدا جدا

يعني نتخيل لو كان دخول الاجانب بعد شهر من الآن

والناقلات الآن تنزل يمكن يكون الوضع اخف بكثير . .

سواء في حدة الارتفاع او في حدة الانخفاض

لكن المشكلة كلها في وقت واحد !!

والله سوقنا ( بكر ) . .

ما تستحمل هالاحداث الكبيره كلها بوقت واحد

[Business Man]

يالربع ... منو الى حذف السوق بالطماط اليوم ؟؟ !!

[مغروور قطر]

صحيح كلامك اخوي انتعاش بسبب الناقلات والاكتتاب في كذا شركه الناس تبي سيوله

[المستثمر الكويتى]

لوووو تلاحظووووون ترا السوق لما الحين بخير وفيه موارى طيبه


صحيح السوق نازل والعرض كبير بس الكميه المشتراه قليله جدا وهذا يدل على انه لما الحين متماسك وقوى

[قطر9111]

ياجماعة الخير ليش متكدرين لهذي الدرجه يعني في سوق في العالم دايما مرتفع لابد من نزول وهذا امر طبيعي ولكن الي حصل هذي المرة كان قوي بسبب كثرت العرض وقلة الطلب ونزول لجميع الاسهم
خله كل واحد ايتحسف ياجماعه اقتنعوا بشئ واحد انه هذا هو نصيبك وقولوا انشالله ايصير تغيير وتفاؤلوا بالخير انتوا اكبر من انه النفسيه اتعبكم خلوا اقلوبكم قويه واحسبها كل واحد الحين ايتنه لو كان عنده كاش من بدال الاسهم علشان يشتري وينتظر الارتفاع والله ياجماعه مافي داعي للخوف كل طلوع وله نزول وكل نزول وله ارتفاع وتحياتي للجميع وصباحكم سكر

[مغروور قطر]

انا التوقع للحين الاجانب من دخوله مافيه كميات طلب يعني يدل على عدم دخول الاجانب للحين متفرجين

[مغروور قطر]

اخوي قطر 9111 صحيح كلامك بس تعرف نفسيات العالم ولكل متخوف بس ان شاء الله سوف يكون هناك ارتفاعات مثل مافيه نزول قوي

[بوعبدالله2005]

فعلا يا اخوان الأسهم المشتراه قليله جدا

ولو المعروض كبير

[q8_investor]

لوووو تلاحظووووون ترا السوق لما الحين بخير وفيه موارى طيبه


صحيح السوق نازل والعرض كبير بس الكميه المشتراه قليله جدا وهذا يدل على انه لما الحين متماسك وقوى
بالعكس اخوي هذى شي يخوف .. معناتها الناس مو عاجبتهم هل الاسعار
ويبونها تنزل اكثر .. وموقاعدين يشوفونا سعر مناسب للشراء

[مغروور قطر]

شوفو البوكر متصل فيني يقول هاه اعرض لك العقاريه وهو بوكر قلت له انت ماتشوف السوق غرقان تبي التزيد الطين بله لا تعرض والله حاله البوكر وهو بوكر يبي يغرق السوق اكثر

[المستثمر الكويتى]

يارب توصل نسبه التغيير 5%- حتى يسكروووون السوق ونريح تعبت نفسيتنا

[عليان]

عليان موجود والسوق موجود والله فوق الجميع ,, ننتظر ونشوف يل أجنبي.

[شاهيناز]

صباح الورد
الهبوط متوقع الكثير سيلو اسهمهم من اجل ناقلات

ان شاءالله الارتفاع قريب
المفروض الجميع يتنبهون للاصوات الي تحاول ترهبهم
حتى يبيعون اسهمهم
اي بيع في هذا الوقت بيكون لصالح الاجنبي الي يحاول يشمت
ويشتمت والوضع عاجبه لانه في صالحه

والله يوفق الجيمع كاقطرين نحب الخير للجميع
لكن دعائنا على الشامت
وسلامي

[saham]

alsalam 3alykom
it seems this down wave will take the market down up to 9000 points and then start go up

[boabdullah]

أنتعاش

صباح الخير وأنا معاك في كلامك

بس أنا اي رأي خاص وهو

أن السوق وووواضح ومستهدف بعملية نزوووول بالمؤشر العام

وهذا اللي ألاحظه هالأيام وأنا ماأتكلم عن الأجانب ودخولهم

لأني مثل ماقلت قبل أنا ماأحس بأي دخول أو ردوود فعل لأي أجنبي لحد الآن

السوق مثل ماقلت((( مستهدف)))

وفي أعتقادي الربحان هو اللي صامد وصابر في النهاية

بوعبدالله :) :)

[ريال سعودي]

السلام عليكم
كم سعر التحويلية والمتحده للتنمية
المشاركه بواسطة كمبيوتر كفي

[العنان]

والله انا قاعد اخطط على العقاريه شوركم اخذ اللحين ولا انطر

[مغروور قطر]

اخويsaham ان شاء الله بينزل لغياة 9000 ان شاء الله يرد قريب قبل الوصول الى 9000

[إنتعاش]

اخوي ريال سعودي

التحويليه 79.4

والمتحده 101.4

[سهم طايش]

العنان انتظر على الشراء و شوف بكره

[saham]

al3amah insurance company every day they sell 20 or 50 shares on limit up

i dont know where is the market adminstration
they should take action against them
all the market limit down and al3amah limit up every day

[عليان]

والله انا قاعد اخطط على العقاريه شوركم اخذ اللحين ولا انطر

خذ والله يرزقك خيرها ويكفيك نزولها

[مغروور قطر]

التغير ينخفض وصل الى 4.27 ولان 4.13 يعني فيه بشرا على ارتفاع طفيف

[سهم طايش]

العامه للتامين قاصين علينا كل يوم يشترون فيها 20 سهم علشان ما تنزل

[دهن العود]

أخوي ريال سعودي ,,

التحويلية سعرها : 79،40
المتحدة سعرها : 101،40

[saham]

i dont advice u to buy al3aqqariah now

[المستثمر الكويتى]

اخوى العنان اقبض باقى قريشاتك قبل تروح مع اللى راح وتعوذ من ابليس


السووووق كله محمر والوجييييه محمره

[ريال سعودي]

شكرا اخوي انتعاش

[عليان]

بدت العقاريه يا سلام والله حلوه يالربع (100% حلال)

[سهم طايش]

لالا العنان لا تشتري ما تشوف العرض في العقاريه

انتظر بكره و شوف السعر

[عليان]

خذوا يا جماعه وانا اعتقد انه كسبان

[مغروور قطر]

عليان لحد يطمر العالم تو ناس اعتقد بتنزل اكثر معن انا عندي فيها بس اعتقد بتنزل

[roadrunner]

العرض اكثر من الطلب ... شي طبيعي ينزل السوق .. بس الغير طبيعي في البشر ... يشوفون السوق طايح ويدمرونه زود بزيادة طلبات البيع على اللمت داون ... وبعدين يقولون ليش السوق قالب حمر .. يعني بالذمه .. احنا نقول المستثمرين الأجانب بينعشون السوق .. يعني لما المستثمرين الأجانب يشوفون كل شي داق اكيد بينطرون ولا بيشترون لين ما يتعادل العرض والطلب .. وبعدين بيدشون ... يعني بالعربي ... محد بيدمر السوق غيرنا احنا هل قطر ... عيل .... طلبات البيع بمئات الألوف ونقول ليش السوق رايح في عينها .... صدقوني .. اذا تم الحال على ما هو عليه عرض اكثر من الطلب و الكبار بياكلونا اكال ... وعقب ما كنا نحلم بالروز بنركب عراوي لا وشاصيه عوي بعد. :o

[مغروور قطر]

مبرمجنا شفت العقاريه كم امباع فيها 117 سهم

[عليان]

انا اعتقد السوق بدء يتحرك ..والله اعلم

[bo_yousif]

[ ... وعقب ما كنا نحلم بالروز بنركب عراوي لا وشاصيه عوي بعد. :o[/QUOTE]


وانا معـــــــــــــــاك ،،، الله يهديهم ربعنا !! :D :D

[saham]

3layan al3aqqariyah will go limit down at least for 3 more days

[بوعبدالله2005]

اليوم الشغل كله عند مصرف قطر الأسلامي

[roadrunner]

مبرمجنا شفت العقاريه كم امباع فيها 117 سهم

عاد شبتقول لهم ... خلها على الله ... على فكره .. تراني انا بعد حاط اورد بيع اليوم ... بس على اللمت اب :d .... خبرك .. لازم اعطي روحي امل شوي ... حتى البروكر استغرب .... لا واول ما اتصلت له يحاول يقنعني اني احط الأوردر على اللمت داون ... ويقول لي ما بينباع ... قلت له مو مشكله ... بعد خله على اللمت اب .. انشالله عمرهم ما نباعوا ...

[مغروور قطر]

ههههههه الله يوفقك يا مبرمجنا العزيز

[إنتعاش]

مقارنة ما بين اسعار الامس واليوم

الوطني320 - 303.9
التجاري 251.1- 236.9
المصرف 507.5 - 491
الدوحه 244 - 233.7
الدولي 339 - 321.4
الاهلي 146.4 - 139.1
قطر تامين 240 - 238
دوحه تامين 99.9 - 91.1
الخليج تامين 305- 305
العامه تامين453.5 - 499.9
الاسلاميه تامين 326.2 - 321.1
التحويلية 83.5 - 79.4
اسمنت 350 - 328
مطاحن 59 - 59
صناعات 230 - 217.2
متحده 112 - 101.4
الطبيه 52.2 - 49.9
كيوتل 317 - 300
كهرباء 112.7 - 104.4
نقل 181 - 170.1
عقاريه 183.4 - 174.3
سلام 60.5 - 57.5
اجاره 81.7 - 77.7
ملاحه 194.2 - 184.5
تخصصي 93 - 91.5
فحص فني 85 - 80.5
سينما 83 - 83
وقود 145.2 - 138
مواشي 57 - 54.2
مخازن 66 - 62.7

[سهم طايش]

اللي مو مستعجل على فلوسه لا يبيع بخساره

و الايام الجايه بأذن الله بتكون حلوه على الجميع

وسعوا الخاطر و الامل بالله قوي

[العنان]

سهم طايش انا حاط في بالي اخذ فيها يوم الخميس اذا الله اراد يعني قبل الناقلات, تتوقع انها بترتفع اذا نزلت الناقلات ولا بتنزل ؟

[مغروور قطر]

والله مافيه الى لعبه في العامه كل يوم لمت اب كأن السوق مافيه حد

[سهم طايش]

شكرا اخوي انتعاش على مجهودك

[سهم طايش]

الله يعلم اخوي العنان

شوف بكره العرض و الطلب و حدد موقفك

العرض فوق 900 الف سهم اليوم

و السوق معرض لنزول اخر و الله اعلم

[roadrunner]

سهم طايش انا حاط في بالي اخذ فيها يوم الخميس اذا الله اراد يعني قبل الناقلات, تتوقع انها بترتفع اذا نزلت الناقلات ولا بتنزل ؟


ما انصحك تشتري الحين كلش ... اذا حاط في بالك تشتري اصبر شوي لين ما تشوف في تعادل بين العرض والطلب.

[مغروور قطر]

صحيح انتظر شوي مو الحين وافضل لك تشتري معا نزول الناقلات او الاسبوع الجاي

[سهم عتيج]

السلام عليكم

معقولة الساعة 10 والتداولات لم تتجاوز ال 50 مليون

[مغروور قطر]

كله من 5% لو يفتحونا على الاقل بيتحرك السوق بيكون فيه مرونه

[boabdullah]

صدق أولاتصدق

أنا حسبت الآن كمية عدد الأسهم للشراءالساعة 10

في البورصة كلها 5400 سهم بس

يالله المستعان

بوعبدالله :) :)

[سهم طايش]

أصدق يا بوعبدالله

[عليان]

السوق بيطلع ,, باذن الله اليوم ...شوفوا ولاحظوا....................

[مغروور قطر]

بوعبدالله الي اعرفه منك التفاؤل لا تتشائم بليز

[bo_yousif]

انــــــا قدمت أمر شراء اليوم الصبح

ولين اللحين ما ارسلوا مسج بالشراء ،،،

[المستثمر الكويتى]

لو يفتحووون 5% يعنى 10% رحتووووو ووووطى من صيد امس


الا الحمد لله انها 5% يمدى الواحد يفرك لها يحط اركبه عند اللحيييه عند الشرده

[إنتعاش]

مقارنة ما بين اسعار الامس واليوم

الوطني320 - 303.9
التجاري 251.1- 236.9
المصرف 507.5 - 488
الدوحه 244 - 233.7
الدولي 339 - 321.4
الاهلي 146.4 - 139.1
قطر تامين 240 - 238
دوحه تامين 99.9 - 91.1
الخليج تامين 305- 305
العامه تامين453.5 - 499.9
الاسلاميه تامين 326.2 - 321.1
التحويلية 83.5 - 79.4
اسمنت 350 - 328
مطاحن 59 - 59
صناعات 230 - 217.2
متحده 112 - 101.4
الطبيه 52.2 - 49.9
كيوتل 317 - 300
كهرباء 112.7 - 104.4
نقل 181 - 170.1
عقاريه 183.4 - 174.3
سلام 60.5 - 57.5
اجاره 81.7 - 77.7
ملاحه 194.2 - 184.5
تخصصي 93 - 90
فحص فني 85 - 80.5
سينما 83 - 83
وقود 145.2 - 138
مواشي 57 - 54.2
مخازن 66 - 62.7

[boabdullah]

مغررررور-سهم طايش-بويوسف -عليان

أخواني الكرام

(((( ياجبل مايهزك ريح))))

بوعبدالله :) :)

[مغروور قطر]

تعجبني يا بو عبدالله خلك ذيب لا تهتم واحنا لها

[bo_yousif]

مغررررور-سهم طايش-بويوسف -عليان

أخواني الكرام

(((( ياجبل مايهزك ريح))))

بوعبدالله :) :)


اي يابوعبدالله رونا توقيع الشخصي ،،،،،


هههههههههههههههههههههههههههههههه

[بوعبدالله2005]

الحين العامه للتأمين ليمتد اب بخمسين سهم والله لعبه

[جمال النعيمي]

لو يفتحووون 5% يعنى 10% رحتووووو ووووطى من صيد امس

احنا مشتعودين على الشردة ياكويتي

لاتلعب في ماء العكر احسن لك

[عليان]

السوق بيطلع ,, باذن الله اليوم ...شوفوا ولاحظوا....................


Up Up Up Up Up Up

[roadrunner]

لا تضيق صدوركم ياجماعة من الي صاير .... دام ان السوق كله نازل انشالله محد بيخسر .... دام ان السهم الي عينك عليه ينزل مع سهمك فمنت بخسران انشالله ... هذا في حالة انك حاط ببالك تبيع سهمك وتشتري بشركه ثانية.

لازم نهون عليكم ... شنسوي بعد :d

[عليان]

العقاريه عندما يصبح العرض 1000000 = بتنلم .

[مغروور قطر]

عليان وش تقول انت شكلك حاط حلالك كله في العقاريه وين تلم مافيه امل اليوم تتحرك

[عليان]

اتوقع والكل يتوقع

[مغروور قطر]

بس مو اليوم

[عليان]

ما ادري يا خوي هو احساس صادق والا امل

[ريما]

السلام عليكم

انا مشاركه جديد جيت اساندكم في هاي الايام الحمره

الله يعديها تعبنا من الصبر ننطره يرتفع كل يوم نقول بكر بس متى يجي باكر:(

[إنتعاش]

الاسهم المخالفه بالناقلات

علمت عيون المدينة أنه تم تحويل الأسهم التي اكتتب بها عدد من المساهمين بصورة غير قانونية إلي جهات خدمية في الدولة للاستفادة منها في زيادة حصتها في شركة ناقلات ، وقالت مصادرنا إن عدداً كبيراً من الأسهم تم تحويلها إلي هيئة التقاعد والمعاشات وإلي جهات أخري كانت قد شاركت بنسب متفاوتة في ناقلات ، وأشارت المصادر إلي أن هذا التحويل سيسمح للجهات المستفيدة من زيادة استثماراتها وتحقيق عائدات متميزة ستنعكس علي المواطنين المنسوبين والمشتركين بها.

[عليان]

والله انتعشت الملاحه والنقل البحري ,,, يا سلام

[مغروور قطر]

ومازال الانخفاض يزيد وصل التغير الى 4.30%

[boabdullah]

رررررريما

مررررراحب أختي

وحياك معانا وصدقيني

سوقنا هذا يبي له صبر وقوة تحمل

مره نازل ومرااااات طالع

وأنشاءالله دخلتك هذي معانا وارها خير

قولي آآآآآآآآآآآآآآآمين

أخوك بوعبدالله :) :)

[رجل شرقي]

يا جماعه كن ساعة منتدى الاسهم القطريه ...مغلطه ..والله شكلها ..!!

الساعه الحين 10.30 صباحا .. وشوفوها .






شاسوي من هبوط الاسهم ، رحت ادور شيء اتسلى فيه ..

[مغروور قطر]

اختي ريما الله يحيج بين اخوانج واخواتج والله يعين الجميع وان شاء الله الون الاحمر في نهايته واعتقد الاخضر قريب بأذن الله

[مغروور قطر]

ان شاء الله سوف يتم التعديل قريب بأذن الله ونشكرك على الملاحظه واخوي قطري عنده خبر بالموضوع

[رجل شرقي]

يالربع ... شوفو العرض في الاسلاميه للتأمين .. العرض 2 سهمين فقط ..!!

شكله يبي يقطها لمت داون .!!

[قطر]

السلام عليكم

ويالله صباح خير

من شفت الشاشه قبل الافتتاح قلت اسكرها ابرك

والحين الشاشه كنها ماتتحرك

والدوااااام عندنا هدوووووووووووووء قاتل

كلن ايفكر في اسهمه ههههههههههههه


الحمدلله على كل حال


اشحالكم ياشبااااااااااااااااااااااااااااب

[عليان]

النقل رايح فووووووووووووووووووووووووووووووووووووووق

[الوضع ما يطمن]

السلام عليكم

ويالله صباح خير

من شفت الشاشه قبل الافتتاح قلت اسكرها ابرك

والحين الشاشه كنها ماتتحرك

والدوااااام عندنا هدوووووووووووووء قاتل

كلن ايفكر في اسهمه ههههههههههههه


الحمدلله على كل حال


اشحالكم ياشبااااااااااااااااااااااااااااب


انا بعد توني واصل ...


:d

[مغروور قطر]

عليكم السلام ورحمه اخوي قطر هاه شلون نفسيه بعد شوي بيفتح بنكك الاسلامي واعتقد هو بعد انخفاض

[إنتعاش]

شباب ناخذ لنا جولة سياحيه في المنتدى ابرك ترا

تفضلوا هالرابط :

رؤوس اموال الشركات و حصص الحكومه فيها : جدا مهم

http://67.15.54.46/vb/showthread.php?goto=newpost&t=2709

[قطر]

رجل شرقي الطلب سهمين

:)

[bo_yousif]

هلاااااااااااااااااااااااااااااااا بلي حضر

وينك يالوضع مايطمن

[رجل شرقي]

شاسوي البورصه بهدلتنا ..!!

[قطر]

الوضع مايطمن هلا اخوي وصول السلامه وين كنت :)

مغرور قطر والله بقولك متأثر بالانخفاض والشاشه المميته جدا
بس والله كل ماقول الحمدلله على كل حال واحس ان هذا المكتوب ارتاح :)

بالنسبه للبنك البريطاني الله يستر والله احاول مااتابعه بس مااقدر

على العموم لو رجع ينزل لين 25 بزيد كميتي فيه وبنساه

الا ماتعرف لي بروكر انترناشونال وواون لاين؟؟

والله انه عجيب للمضاربه

============

انتعااااااااااااااااااش
يسعد صباحك

مامليتوا من الهدوء ............. :) شوف المصرف كنه بدا ايتحرك

[boabdullah]

قطرررررر

صباحك رظا وسعادة

أنا ماأقدر أسكر الشاشة وذلك لسبب رئيسي

أحساسي بأرتفاعها بأي لحظة

بس الحمدالله مدام أنا أشوفكم وبالوجوه الطيبة

دايما" أستبشر خير

صدقني وراء هالنزول ((( شيء كبير مقبل عن قريب )))

بوعبدالله :) :)

[مغروور قطر]

اخوي قطر عليك في البنك الاهلي واحد من اربع امس شرو له في نص ساعه مر عليهم وشوف وهو حاط طلب في بنك الدوحة صار له شهر راح الاهلي على طول شرو له

[إنتعاش]

قطر

ادري المصرف نزل

لكن البلوى ان فلوسه وزعتها على كذا شركه

والبلوى اللي اكبر منها

ان كلهم اغرقوا

يعني مساكم الله بالخير

[العنان]

الله يستر انشاء الله ويعوض الجميع ...
آميـــــــــــــــــــــــــــــــــــــــــــــــ ــــــــن

[قطر]

هلا والله بوعبدالله
انا ماابي امني نفسي بارتفاعات كبيره وانصدم

بس انا كنت افكر ابيع واطلع واتم اشوف واحدد الوقت المناسب للرجوع مره اخرى
الله ايسامح اللي كان السبب في عدم خروجي

بس اللي انا مؤمن فثيه ان هذا ماكتب لي

وعليه قمت بتعديل الخطة للاستثمار الطويل والمتوسط لبعض اسهم الشركات

لكن الشركات الباقيه وخصوصا اللي فيها اكتتاب انا صامد بها مااتحرك لين اخذ حقي :cool:

===========

مغرور والله انا شريت مع واحد من الربع بالتجاري عن طريق التلفون

لكن ماجربت اني ابيع واشتري اخاف مااحصلهم

وخاطري اجرب اون لاين والله

احس اسهل واسرع

واظمن لك

[مغروور قطر]

قطر جرب اليوم بيع وشوف وش رايك وقولي وش صار معاك

[الوضع ما يطمن]

هلاااااااااااااااااااااااااااااااا بلي حضر

وينك يالوضع مايطمن


انشغلت اشوي اليوم ويا الاسكان ...

شلون الجو فاتني شي ؟؟؟

;)

[بورصة مان]

السلام عليكم


هي الشاشه مالت اليوم ولا الصيف


اتذكرني بايام الصيف