فني
23-06-2009, 08:12 AM
يا ظبيةٍ إبحلا... معقودةٍ لـِــئلا
من الداناتِ موزات... تزهى بها اتدلا
بالحسن وصفوها... من فوق لين اسفلا
شرقي الجزيره حلها... بكفٍ يمينْ مِسحِلا
يحمونها فرسان ٍ... سيوفهمْ تصقلا
ومحامل شيدوها... إمشرعةٍ بدقلا
قلايط انفلوها... بدمع وعرق سِيلا
حواشهم لي نادى... هبوا لها مرسلا
رغم الضعف والشده... ما واحدٍ يجفلا
بين الحمايل سادات... وللعرب مدهلا
يدٍ بيضا مرفاهم... ممدوةٍ تنفلا
زمانٍ قد خلاهم... اكرام ٍفي المحلا
يقودهم بن ثاني... حفي ٍبه مهلا
ناضوا وفاضوا فيها... وشرع الله منهلا
يا ريحة الخلاني... بالقطيفي والنفلا
يا ظبيه ياللي بحلا... قد ضاق بك الحلا
غدا العقد سحاتيت... وحتى الزهر يذبلا
لفاها رجواً فيها... ومتقلطين الحلا
نرجوك يا راعينا... بدا العقد ينفلا
باجر باعلى صوتي... واتل فيها تلا
هلي قطر يا الآدي... عز العرب والخلا
لا عز من يشناكم... عله بعسر يعتلا
تاريخنا ندرى به... بشللي جرى وشحلا
يكفي إنْ قد خلوها... بنفيعنا نندلا
ما نبغي من يدون... تاريخ فيه زلا
كل ٍيدن الثاني... وبلسان ٍيتقولا
كنه قطر واهلها... من ايران لو كيريلا
شقرا وعليها ايلالها... لا تفتلوها فلا
اثرا العوجا ما تطلع... الا من قل العدلا
الله امرنا بستره... سبحانه عز وجلا
حق القصير نقدره... ولوكان من كربلا
لكنه يـبطر فينا... فنقول للا للا
باسم البداوه ننادي... اجفوا على الكلا
كلٍ يداري ربعه... ومتسلطين بغلا
ضحكٍ على الحانا... بمقولةٍ تختلا
من حق ربعه فيهم... يرز كل الشلا !
تعزهم اوصلهم... وبمالك انت اتحلا
ماهو بمال الدوله... تبغي الربع تفتلا
هذا يجهجه صوته... وهذاك ايدربلا
حتى ان بأم رقيبه... ندور خباب البلا
الى متى انتطوطح... وفلوس قطر ترحلا
حد بالكِبر يباهي... وذوقه لهم يعسلا
غدا حدانا يدور... حداهم يتغزلا
وأن واحد فيها قرب... الآفٍ تتحبلا
بس المهم ما يوصل... ويقرب من الملا
فلا معروف يبين... ولا له ادنى ظلا
كلٍ يسوقه بسوطه... والملا منه بحلا
الين يصير مسيكين... ويقول وش ذا العلا
بعدها الكل حبيّب... والملا جا كملا
الا، دسّاس ٍجاير... اهو الذي يصملا
غداهم حيل ٍتذبح... والباقي مرتدلا
ابراجهم وين حلت؟... واللي أدفعوه فلس الا
وتمشي على الكلا... بس المهم تتعلا
حشا ما اخص فيها... بس هالطبع ينملا
انا ما ادور فتنه... كلنا اهل في الحلا
واحنا ثرانا كلنا... لي صال جولٍ صلا
ان كانه واحدٍ خايب... في منصب ما ينخلا
ونسمع كلام من حوله... خيبان ويـبسملا !
علتنا في بطنا... ودواننا ما نهلا
احدٍ يذود بنفسه... ويحط ِكل منحلا
يعذرب ساس اهلها... ولا نِعم او هلا
قطعَ الارزاق عنده... بجرة قلم تنسلا
طاووس لي تمطى... ويشوفهم احثلا
نشوف هالمترهي... الباني الف فيلا
شيابنا وش لاقوا... غير الجفا والغلا
ما غير هالمستشفى... حتى انه يتقبلا
اذا انه ما يتحرك... جمعيةٍ تزهللا
وان عكظت واسطتهم... فاربعه معاه والا؟
ويقول لهم هي والله... بس المهم اتشللى
حتى الوصل ما عادوا... يرجون فيها خلا
الباب حتى البرزه... دبي ٍ لها وابذلا
شبابٍ واصله داخل... وشيابٍ اتهرولا
هذا اللي هو يستخبر!... والا هي على ثلا !
لكنهم من شيمه... ما يطرقون الزلا
مالك بالسالفه لازم... خشمك ولو يملا
شيوخنا ال ثاني... نسري معهم ونحلا
وكلٍ بيلاقي ربه... مضلول والا ضلا
ان خلوا واحد وافي... والا لاعب تمبلا
يجعل من هالرياضه... أذان يرفع تلا
ويشيخ من ما يسوى... باعلامٍ ايطبلا
والله يا من صحفي... مخاباه به مكتلا
محافل! وش لاقينا... غير الغلا والفلا
مصوا الجيوب وطاروا... وجزاهم على حلا
حتى القضايا صارت... في صالحهم تتبلا
وان كان محدٍ راضي... فالمنصب يتدبلا
وين البلاد بتمشي... ان هذا فكر ٍجـُلا
اذا اجنبي ٍواصل... في منصب ويتعلى
بلسان وثغر باسم... سلوها منا سلا
كل ٍانصقع جنسيه... وثقافتهم زعبولا!!
والله ياللي نووا به... تلقاه أمهرقلا
يسايرهم ويماير... والا يغاير الكلا!
انظن أمن موطنهم... نايم ولا يتغلا؟!
توصلهم كل علومكم... حتى خمام الفيلا
أبلادهم مرستهم... الوجه بالف طلا
نشوف الامور تحتنا... وما ندري وش يحصلا!
تبغونهم لا تعطونهم... كل هالغلا والدلا
علموا عيالكم كاهم... حتى البلد تتملا
محدٍ يحصل هين... الا بشقى ينصلا
وتعليمنا من هو له؟... هوي هوي ويلا يلا
التعليم عنا مناحي... وافلاذنا تنشلا
مجلس تعليم ٍإمسوني... وسخايم ما تنسلا
الراطن احسن واحد... حتى ولو ما صلى
نتايج ابتكروها... المنطق منها أيقلا
شيريل بينارد سمتنا... تِرَبي جيلٍ ضلا
تبغي قطر نموذج... وحق الرذايل دلا
اقطع الله ذيك الطله... خشة الدراكولا
نبغيها تذلف عنا... وبذرها ينخل خلا
رد الله كيدها فيها... تصلا جهنم صلا
ماعت البلاد وصارت... حريمِنا ترفلا
الستر ماهو بلازم!... بس المهم تشتلا!
شكلٍ ذريفٍ سافر... وشفايفٍ تبتلا!
شمسٍ تبدي على الغير... وتغيب على الحلا
وشبابنا وشصاروا... يمه على هالطلا!
سوالف اتعل قلبك... حنا وحنا وهذولا
من الترهي ماعوا... من لندن لي ماربيللا
بسياره ماهي بحلها... كنه الا في فورملا
ما نبغي شعب باصج... كوبرا وشعر ٍإخصلا
يشوف بطرف عينه... تقول ابوفرعلا
يالله هبابه يسلم... كن خلق الله تقذلا !!
ثرا البطره ممغـوته... وربنا ثرا يمهلا
خافوا الله فينا... من كف عبد ٍ ألاّ
تبغون الكل منا... ياخذ نهج هابيللا
يعيش حياته عاله... حتى الحظ يتشكلا
احيوا شرع الله فيهم... بقرآنٍ ايرَتلا
صلاتهم في جماعه... وصيام ٍكل ما حلا
خلو التشدق عنكم... اوكيه سوري وترلللا
نبغي أخلاق الأمه... نِـرغــِب فيهم وإلا؟
احنا قطرنا فينا... ولسانا ما تبدلا
ونبينا يوصينا... من حق أميرنا نولا
شيوخنا اكبرنا... يفصلون وانسربلا
شيوخنا البن ثاني... وما فوقهم يتعلى
وشيابنا نقدرهم... زاد ما لهم او قلا
هذا كلامٍ قلته... وأدري ثقيل الظلا
لكن من قلبٍ ناصح... ولسان فاصح ما غلا
لنا برسولنا اسوه... وبالمركب مثلا
الركاب فيهم واحد... ينخر سطحَ المقلا
ياخذون بيده اولى... والا اهلكوا بالكلا
ابي الامور تبين... وعند الولاة الحلا
ابغيه ياسع صدره... ثرها دنيا مرحلا
وان كانه ما الله آمر... فالخير عنا ولى
ولربنا فينا شوفه... ومن يرقب فينا إلا
وله مننا نطلب له... ان يصلح به الخـلا
ثر محدٍ فيها كامل... الا الذي يتولى
سبحانه مالك الملك... المعز المذلا
وصلوا على نبينا... عد القمر ما هلا
من الداناتِ موزات... تزهى بها اتدلا
بالحسن وصفوها... من فوق لين اسفلا
شرقي الجزيره حلها... بكفٍ يمينْ مِسحِلا
يحمونها فرسان ٍ... سيوفهمْ تصقلا
ومحامل شيدوها... إمشرعةٍ بدقلا
قلايط انفلوها... بدمع وعرق سِيلا
حواشهم لي نادى... هبوا لها مرسلا
رغم الضعف والشده... ما واحدٍ يجفلا
بين الحمايل سادات... وللعرب مدهلا
يدٍ بيضا مرفاهم... ممدوةٍ تنفلا
زمانٍ قد خلاهم... اكرام ٍفي المحلا
يقودهم بن ثاني... حفي ٍبه مهلا
ناضوا وفاضوا فيها... وشرع الله منهلا
يا ريحة الخلاني... بالقطيفي والنفلا
يا ظبيه ياللي بحلا... قد ضاق بك الحلا
غدا العقد سحاتيت... وحتى الزهر يذبلا
لفاها رجواً فيها... ومتقلطين الحلا
نرجوك يا راعينا... بدا العقد ينفلا
باجر باعلى صوتي... واتل فيها تلا
هلي قطر يا الآدي... عز العرب والخلا
لا عز من يشناكم... عله بعسر يعتلا
تاريخنا ندرى به... بشللي جرى وشحلا
يكفي إنْ قد خلوها... بنفيعنا نندلا
ما نبغي من يدون... تاريخ فيه زلا
كل ٍيدن الثاني... وبلسان ٍيتقولا
كنه قطر واهلها... من ايران لو كيريلا
شقرا وعليها ايلالها... لا تفتلوها فلا
اثرا العوجا ما تطلع... الا من قل العدلا
الله امرنا بستره... سبحانه عز وجلا
حق القصير نقدره... ولوكان من كربلا
لكنه يـبطر فينا... فنقول للا للا
باسم البداوه ننادي... اجفوا على الكلا
كلٍ يداري ربعه... ومتسلطين بغلا
ضحكٍ على الحانا... بمقولةٍ تختلا
من حق ربعه فيهم... يرز كل الشلا !
تعزهم اوصلهم... وبمالك انت اتحلا
ماهو بمال الدوله... تبغي الربع تفتلا
هذا يجهجه صوته... وهذاك ايدربلا
حتى ان بأم رقيبه... ندور خباب البلا
الى متى انتطوطح... وفلوس قطر ترحلا
حد بالكِبر يباهي... وذوقه لهم يعسلا
غدا حدانا يدور... حداهم يتغزلا
وأن واحد فيها قرب... الآفٍ تتحبلا
بس المهم ما يوصل... ويقرب من الملا
فلا معروف يبين... ولا له ادنى ظلا
كلٍ يسوقه بسوطه... والملا منه بحلا
الين يصير مسيكين... ويقول وش ذا العلا
بعدها الكل حبيّب... والملا جا كملا
الا، دسّاس ٍجاير... اهو الذي يصملا
غداهم حيل ٍتذبح... والباقي مرتدلا
ابراجهم وين حلت؟... واللي أدفعوه فلس الا
وتمشي على الكلا... بس المهم تتعلا
حشا ما اخص فيها... بس هالطبع ينملا
انا ما ادور فتنه... كلنا اهل في الحلا
واحنا ثرانا كلنا... لي صال جولٍ صلا
ان كانه واحدٍ خايب... في منصب ما ينخلا
ونسمع كلام من حوله... خيبان ويـبسملا !
علتنا في بطنا... ودواننا ما نهلا
احدٍ يذود بنفسه... ويحط ِكل منحلا
يعذرب ساس اهلها... ولا نِعم او هلا
قطعَ الارزاق عنده... بجرة قلم تنسلا
طاووس لي تمطى... ويشوفهم احثلا
نشوف هالمترهي... الباني الف فيلا
شيابنا وش لاقوا... غير الجفا والغلا
ما غير هالمستشفى... حتى انه يتقبلا
اذا انه ما يتحرك... جمعيةٍ تزهللا
وان عكظت واسطتهم... فاربعه معاه والا؟
ويقول لهم هي والله... بس المهم اتشللى
حتى الوصل ما عادوا... يرجون فيها خلا
الباب حتى البرزه... دبي ٍ لها وابذلا
شبابٍ واصله داخل... وشيابٍ اتهرولا
هذا اللي هو يستخبر!... والا هي على ثلا !
لكنهم من شيمه... ما يطرقون الزلا
مالك بالسالفه لازم... خشمك ولو يملا
شيوخنا ال ثاني... نسري معهم ونحلا
وكلٍ بيلاقي ربه... مضلول والا ضلا
ان خلوا واحد وافي... والا لاعب تمبلا
يجعل من هالرياضه... أذان يرفع تلا
ويشيخ من ما يسوى... باعلامٍ ايطبلا
والله يا من صحفي... مخاباه به مكتلا
محافل! وش لاقينا... غير الغلا والفلا
مصوا الجيوب وطاروا... وجزاهم على حلا
حتى القضايا صارت... في صالحهم تتبلا
وان كان محدٍ راضي... فالمنصب يتدبلا
وين البلاد بتمشي... ان هذا فكر ٍجـُلا
اذا اجنبي ٍواصل... في منصب ويتعلى
بلسان وثغر باسم... سلوها منا سلا
كل ٍانصقع جنسيه... وثقافتهم زعبولا!!
والله ياللي نووا به... تلقاه أمهرقلا
يسايرهم ويماير... والا يغاير الكلا!
انظن أمن موطنهم... نايم ولا يتغلا؟!
توصلهم كل علومكم... حتى خمام الفيلا
أبلادهم مرستهم... الوجه بالف طلا
نشوف الامور تحتنا... وما ندري وش يحصلا!
تبغونهم لا تعطونهم... كل هالغلا والدلا
علموا عيالكم كاهم... حتى البلد تتملا
محدٍ يحصل هين... الا بشقى ينصلا
وتعليمنا من هو له؟... هوي هوي ويلا يلا
التعليم عنا مناحي... وافلاذنا تنشلا
مجلس تعليم ٍإمسوني... وسخايم ما تنسلا
الراطن احسن واحد... حتى ولو ما صلى
نتايج ابتكروها... المنطق منها أيقلا
شيريل بينارد سمتنا... تِرَبي جيلٍ ضلا
تبغي قطر نموذج... وحق الرذايل دلا
اقطع الله ذيك الطله... خشة الدراكولا
نبغيها تذلف عنا... وبذرها ينخل خلا
رد الله كيدها فيها... تصلا جهنم صلا
ماعت البلاد وصارت... حريمِنا ترفلا
الستر ماهو بلازم!... بس المهم تشتلا!
شكلٍ ذريفٍ سافر... وشفايفٍ تبتلا!
شمسٍ تبدي على الغير... وتغيب على الحلا
وشبابنا وشصاروا... يمه على هالطلا!
سوالف اتعل قلبك... حنا وحنا وهذولا
من الترهي ماعوا... من لندن لي ماربيللا
بسياره ماهي بحلها... كنه الا في فورملا
ما نبغي شعب باصج... كوبرا وشعر ٍإخصلا
يشوف بطرف عينه... تقول ابوفرعلا
يالله هبابه يسلم... كن خلق الله تقذلا !!
ثرا البطره ممغـوته... وربنا ثرا يمهلا
خافوا الله فينا... من كف عبد ٍ ألاّ
تبغون الكل منا... ياخذ نهج هابيللا
يعيش حياته عاله... حتى الحظ يتشكلا
احيوا شرع الله فيهم... بقرآنٍ ايرَتلا
صلاتهم في جماعه... وصيام ٍكل ما حلا
خلو التشدق عنكم... اوكيه سوري وترلللا
نبغي أخلاق الأمه... نِـرغــِب فيهم وإلا؟
احنا قطرنا فينا... ولسانا ما تبدلا
ونبينا يوصينا... من حق أميرنا نولا
شيوخنا اكبرنا... يفصلون وانسربلا
شيوخنا البن ثاني... وما فوقهم يتعلى
وشيابنا نقدرهم... زاد ما لهم او قلا
هذا كلامٍ قلته... وأدري ثقيل الظلا
لكن من قلبٍ ناصح... ولسان فاصح ما غلا
لنا برسولنا اسوه... وبالمركب مثلا
الركاب فيهم واحد... ينخر سطحَ المقلا
ياخذون بيده اولى... والا اهلكوا بالكلا
ابي الامور تبين... وعند الولاة الحلا
ابغيه ياسع صدره... ثرها دنيا مرحلا
وان كانه ما الله آمر... فالخير عنا ولى
ولربنا فينا شوفه... ومن يرقب فينا إلا
وله مننا نطلب له... ان يصلح به الخـلا
ثر محدٍ فيها كامل... الا الذي يتولى
سبحانه مالك الملك... المعز المذلا
وصلوا على نبينا... عد القمر ما هلا