المساعد الشخصي الرقمي

مشاهدة النسخة كاملة : ارجوا المساعده


سحايب
23-06-2009, 03:05 PM
بغيت المساعده الوالده مطلقه وراجعت الاسكان وقالولها ان ظهرلها قرض وعطوها وصل تراجع بنك التنميه وتستلم مساعده اجتماعيه بغيت اعرف كيف يخصمون منها لو استلمت القرض وتقدر ترفض القرض لان ولدها كافلنها والولد عليه ديووون
ممكن تردووون لو سمحتوا
سلمان_1
23-06-2009, 03:19 PM
اللي اعرفه انه الحريم ما يعطونهم قرض !!
اذا مطلقة ممكن يبنون لها ملحق في بيت احد من اقاربها !! او يعطونها بدل ايجار اذا كانت مستأجرة

صراحة اول مرة اسمع عن قرض للمطلقات !!

نشوف راي الشباب يمكن حد يعرف
سوق واقف
23-06-2009, 03:35 PM
السلام عليكم ورحمة الله وبركاته

أختي العزيزة سحايب لكي أرد على أستفسارك هل والدتك تعمل أو بدون عمل ..
فلفل حار
23-06-2009, 03:43 PM
للأســف ماعندي فكــره ....

بس حبيت أقولج الله يعطيج العافيه ....

وبالتوفيــق ان شــاء الله ....:)
سحايب
23-06-2009, 04:11 PM
قالتلها الموظفه في الاسكان نزل القرض في بنك التنميه وتقدر تستلمه الحين
الوالده لا تعمل وتستلم مساعده ماليه من الشؤووون الاجتماعي
سوق واقف
23-06-2009, 04:14 PM
قالتلها الموظفه في الاسكان نزل القرض في بنك التنميه وتقدر تستلمه الحين
الوالده لا تعمل وتستلم مساعده ماليه من الشؤووون الاجتماعي

غريبه والله أكيد الموظفة غلطانه

لأنه لازم يكون عندها مصدر للرزق يعني راتب لأنه راح يطلبون منها شيكات ضمان
أنا أقول راجعي الموظفة ومتأكد أنها غلطانه أختي
doha2012
23-06-2009, 09:54 PM
اختي سلام عليكم
اولا اللي مايشتغل مايعطونه قرض يعطونه بيت اسكان ذي الحاجه
اكيد قالوا لها بدل ايجار هو اللي مشوه للنسوان المطلقات ويعتمد المبلغ على عدد الاسره اللي في حضانتها
وحبيت اضيف معلومه الحين ماعاد يبنون في بيت احد يعطون بيت من الاسكان يسمى اسكان ذي الحاجه على حسب معلوماتي
واتمنى لكم الخير ان شاء الله
latty
23-06-2009, 11:37 PM
شكل هالموظفه بالشؤون الاجتماعيه غلطانه ويامكثر غلطاتهم وترددهم


استفسري احسن وراجعي بنفس الوصل واقراي الوصل زين واخذي نسخه منه يمكن لما تراجعها مره ثانيه تاخذ الوصل وتقول ماقلت راجعي وشوفي وش السالفه يمكن الوالده بعد مافهمت عليها زين


الله يوفقها يارب