8 مطبات في شارع واحد .. << ارجو الرد من جاجاسم >>

[بوعلي-Qtr]

السلام عليكم ورحمة الله وبركاتة ..
شحالكم ؟؟

ياشباب والله اني مقهور بسبت المطبات اللي حاطينها لنا في كل داعوس وشارع .. قلنا حطو بس مب كل شارع 4 و 5 مطبات ..
والله زهقنا
مواترنا تكسرت

تخيلو من بيتنا لم جمعية الميرة اللي في الهلال .. امر على 13 مطبة .. <<
كل يوم لازم امر الشارع .. وموتري صالون ..
ياخي لازم يكون فيه دراسه على الشوارع اللي تحتاج مطبات .. مب كل مكان ..

واتمنى من الاخ جاجاسم يرد علي بما انه كان منزل موضوع عن المطبات الصناعيه ..

http://farm4.static.flickr.com/3414/3655468010_30986ec39c_o.gif

وهذا الشوارع اللي مخطط عليها بالاحمر .. طول الخط عليه مطبات .. الدائره السوده ( دوار وقود الهلال ) والله مب حاله .. كل يوم لازم امر هناك ..

[فلفل حار]

المشكله مب في عدد المطبات ووبـس ...!

المصيبه في طريقة صبها ...!

خاطري اعرف في مهندسين وخبراء ولا كم بتاني من ألي واقفين عند دوار الكتب يألفون في صبية المطبات ..؟!

اتكلم جد والله ...!

:omen2:



والله ياخوفي بالمستقبل نشغل الدبل في الكروزرات عشان نشقح هالمطبات ...!:anger1:


<--- من سنين وبـخاطره يشتري سبورت ومب قادر بسبت هالمطبات والحفر ....:weeping:



خلها على ربك يالغالــي ....



وصبــاح الخيــر يا هيئــة المواصفات والمقايـيــس .... :telephone:

[عـ العبيدلي]

ونفس الحاله فدحيل شارع واحد طوله مادري كم في ستين الف مطبه ..

بس الواحد شيقول ..
وفكل مكان ..

وفدحل الحمام لو تدخلون من صوب الحديقه في مطبه جنها طعس ..

بس الواحد شبيقول .. لا حياه لمن تنادي ..

الله يعينك اخوي

[بوعلي-Qtr]

:anger1:
<--- من سنين وبـخاطره يشتري سبورت ومب قادر بسبت هالمطبات والحفر ....:weeping:


:telephone:

نصيحه مني لك .. لاتفكر ..

[بوعلي-Qtr]

ونفس الحاله فدحيل شارع واحد طوله مادري كم في ستين الف مطبه ..

بس الواحد شيقول ..
وفكل مكان ..

وفدحل الحمام لو تدخلون من صوب الحديقه في مطبه جنها طعس ..

بس الواحد شبيقول .. لا حياه لمن تنادي ..

الله يعينك اخوي

:weeping:

:weeping:

موتري كل يوم يحك

:weeping:

:weeping:

[بوعلي 78]

الله يعينك
يااخي في الدوحه ماينفع غير الفورويل

[فلفل حار]

نصيحه مني لك .. لاتفكر ..

على العين والراس ياخـــووي .... :(



غصبن عني مب بيــدي والله ....

عندي فور ويل وبعد مب مترقع وشلون لو كان سبورت ...!

الشكوى لغير الله مذله .... :weeping:




تسلم على النصيحه يالغالــي .... :)

[daaark]

الله يوفق المسئولين بس
سايق عند واحد من الربع يقوله شوراع قطر كلها مكسره وحفر ومطبات معقوله هاذي دوله بتروليه وغازيه ومن اغنى دول العالم في سنة 2008
هاذا الكلام قبل 2009
بعدين ماتبيع سيارتك وتشتري جمس
ههههههههههه
الله كريم ياخوي

[بوعبدالله77]

حسبنا الله ونعم الوكيل

كرهت هالشارع من كثر المطبات :anger1: بس من ( الذكي ) اللي مقترح وضع الـــــ 8 مطبات


ياريت لو يغيرون اسمه إلى شارع بو 8 مطبات

[وتبقى الدنيا حلوه]

الله يعينكم

[قطر love]

كلامك صح يا بوعلي والله انا عندي جمس يوم امر على المطبات الي صوب البيت من زود ما المطبه صغيره التاير الي جدام يطح جني طايح في حفره بس شنقول الله يعين

((تذكروو الحكومه سوت حفره لكل مواطن والحين بتسوي مطبه لكل مواطن ))

[بوالفاروق]

انا ساكن في نفس الفريج :nice:

بس صج والله معاك حق غير الـ13 مطبة عندك مطبات الفريج

انا قبل فترة ابدل جم شي في موتري وموتري صالون والسبة هالمطبات
ياخي كل واحد جا وقال ابي مطبة قدام بيتي ,,


ياخي تحط مطبتين قدام مسيد اوكي معليه المكان محتاج عشان المصلين
طالعين وداخلين بس تحطلي مطبيتن على كل لفة والشارع فيه اربع لفات :eek5:


والله المطبات زادت بشكل غير طبيعي في منطقة الهلال :rolleyes2:

الله يعينا والله

تسلم بوعلي

[ورد قطر]

السلام عليكم

اذا على المطبات بس الوضع يهون شوي :(... الشارع اللي عندنا كوكتيل مطبة حفرة مطبة حفرة مطبة حفرة ، تخيلوا 9 مطبات والشارع بطوله رايح فيها كله حفر .. الواحد ما غير طالع نازل..افف
دخنا والله :rolleyes2::rolleyes2:

[قطري فلته]

الله يعينك ياريال حاس فيك
انا فى العزيزيه وشوف شسو فى الشوارع
خربوها وحفريات ولا عدولها وكله مطبات والله موتري كله تشلخ من تحت
الله يعين بس والله قهر

[روح الاطلس]

وانا كنت ابحث عن سبب حب امتلاك اهل قطر للكروزرات ! بصراحه ماينلامون الصوالين كلش ماتنفع :rolleyes2:

انا سيارتي صالون صغيرة كل مامريت على مطبة الا واسمع صوت طراااااااااااااااااع تحت السيارة والله تكسرت :(

[روح الاطلس]

السلام عليكم

اذا على المطبات بس الوضع يهون شوي :(... الشارع اللي عندنا كوكتيل مطبة حفرة مطبة حفرة مطبة حفرة ، تخيلوا 9 مطبات والشارع بطوله رايح فيها كله حفر .. الواحد ما غير طالع نازل..افف
دخنا والله :rolleyes2::rolleyes2:

اللي يقهر انهم بس فالحين في المطبات يحطونها كل يوم والثاني حاطين مطبة جديده لكن الحفريات والشوارع المكسرة يغمضون عيونهم عنها:anger1:

[Riku3]

اعرف الشارع وادخلة علشان اروح النعيمي جنب الجمعية .. وصج من فترة عملوا المطبات الجديدة وتعقدت من الشارع !! ..

اوكي لو الي طالع من اللفه عنده مطبه .. الي بالشارع الرئيسي تعمله مطبه ليييش ! .. مافي مدارس ولا مستشفيات او مساجد توضح سبب هالمطبات ! .

هو صحيح ان الناس يمشون 80 او 100 بالشارع .. بس عدد المطبات كبير صراحه ! .

[بوعلي-Qtr]

اعرف الشارع وادخلة علشان اروح النعيمي جنب الجمعية .. وصج من فترة عملوا المطبات الجديدة وتعقدت من الشارع !! ..

اوكي لو الي طالع من اللفه عنده مطبه .. الي بالشارع الرئيسي تعمله مطبه ليييش ! .. مافي مدارس ولا مستشفيات او مساجد توضح سبب هالمطبات ! .

هو صحيح ان الناس يمشون 80 او 100 بالشارع .. بس عدد المطبات كبير صراحه ! .

اخوي انا مب ضد المطبات ..
بيحطون مطبه على العين والراس .. بس مب 8 مطبات ..
وتستاهل كرك على حسابي :omen2:

[شارع الأصمخ]

يالربع والله انه فريج الهلال ماينبغه من كثر مطباته

الشارع اللي قدام مسجد الامام البخاري في 6 مطبات

ورا الجولدن جم 7 مطبات


وانت رايح من دورا وقود لين الكرك في هاي الشارعين الصغار 13 بس اللي لازم تمر عليهم

والله كرهت روحتي للكرك وقسم بالله انه موتري فور ويل وتكسر

والله يالربع انه صوت مقصات الموتر قامت تطلع والله

لازم حل حق هذا الشارع قبل نوصل الجمعيه او الكرك في دقيقتين الحين 10 دقايق والله مب حاله

ارجوا من الاخ جاجاسم يشوفلنا حل لويتكرم علينا


وشكرااااا

[Qatar4all]

ما قمت أكرك من عقب هالمطبات :..

بس ترا انحطت من عقب ما صار حادث بنفس الشارع :.. يعني عقب الحادث بإسبوع حطوا المطبات :..

[وطن]

اخوي ع الاقل هذي مسافة طويله نوعا ما

ادخل السلطة من اول فتحه
وانت جاي من اشارة المنتزة لين دوار التضامن

6 مطبات بدوون مبالغة في هالشارع متتالية
ياريت بينها مسافة كافيه

وبعدها لو تكمل سيده بعد يجون 3 او اربع مطبات لين اخر الشارع !!

[بوعلي2]

:weeping:

[الدوحي7]

لا للمطبات الغبيه، والله حطوا مطبات ماقلنا شي بس بدراسه مب مطبه الصالون يحك فيها ههه،

[بومحمد911]

8 مطباات في شارع واحد

انزين يمكن اهل المنطقة اهم الي طلبو ان يحطون مطبات

يمكن في تهور من بعض الشباب في السواقة

[الدوحي7]

8 مطباات في شارع واحد

انزين يمكن اهل المنطقة اهم الي طلبو ان يحطون مطبات

يمكن في تهور من بعض الشباب في السواقة

خل يحطون ماقلنا شي بس مب تشغل الدبل علشان تطلع من المطب،

[بوعلي-Qtr]

^^^

اي والله . .

[شارع الأصمخ]

ما قمت أكرك من عقب هالمطبات :..

بس ترا انحطت من عقب ما صار حادث بنفس الشارع :.. يعني عقب الحادث بإسبوع حطوا المطبات :..


اي هم حطوا المطبات عشان الحادث اللي صار

اوكي خلهم يحطون بس مب 8 مطبات


مطبه او مطبين اوكي ثلاث بعد مب مشكله بس مب 8

[مستثمر غير قطري]

كنت فرحان بعد انتهاء الاعمال من هذا الشارع, ولكن لما مريت فيه حلفت ما اعيدها !!!

[theeb_qatar]

ٌقبل كم يوم
موتري طار جو بسبة المطبه الغير ملونه اللي على الشارع اللي يوديك وقوود
لوووول كنت مسرع شوي 80 تقريبا ....
فجأه وبدون سابق انذار ... جك بووم انا والجي اكس فووق

هالفريج كل يوم تحصل مطبه يديده
عسى ماشر ...


كله عشان شباب السبورت اللي يصفون جمب
ميلس واحد من الشباب ؟؟؟

لين هالدرجه عبالكم قالبين الفريج دراغ ريس ؟؟؟

بس ما اعتقد حد يقدر يحل لنا هالمشكله ...
لان واحد من هالبيوت الموجوده جمب الكرك ... واصلين .. وعليهم واسطه
لدرجة انهم حوطو الفريج بالمطبات ....

[Scorpion]

شكلكم مارحتوا منطقة بني هاجر crazy

[Abu Deeb]

أخوي المطبات هاذي ماصارت الا بعد حادث خطير صار قبل اسبوع شخص دعم كبينة الكهربا اللي بالشارع بالقرب من جدار بيت
فعلا هالمطبات مزعجه لكن اعتقد انهم وضعوها بعد وبسبة الحادث

[Abu Deeb]

المشكلة الان ان المطبات غير واضحه وغير مصبوغة وقد تسبب حوادث اكثر

[بوعلي-Qtr]

^^^^

ياخوي انا اقول .. 8 مطبات في شارع واحد مبالغ فيه .. ولا شرايك ؟؟

ليش مايكون فيه 2 او 3 ..؟؟ بالكثير

[Bu Rashid]

وين اخوي جـ جاسم .... escape

[Abu Deeb]

^^^^

ياخوي انا اقول .. 8 مطبات في شارع واحد مبالغ فيه .. ولا شرايك ؟؟

ليش مايكون فيه 2 او 3 ..؟؟ بالكثير

كلام صحيح فعلا وايد

[الـقـاسـي]

والله شي يقهر ياخي مادري مايعرفون يسوون مطبات ولا شنو .. خل يستعينون بأخوانا من الامارات يعلمونهم شلون يحطون مطبات ويخططون شوارع ..

[فلفل حار]

اي هم حطوا المطبات عشان الحادث اللي صار

اوكي خلهم يحطون بس مب 8 مطبات


مطبه او مطبين اوكي ثلاث بعد مب مشكله بس مب 8

ماسمعت عن مشروع اشغـــال الجديـــد ..؟!




لكــل بيــت مطبــه ...! :eek5:


:weeping:

[شارع الأصمخ]

وين جاجاسم يشوفلنا حل حق الموضوووووووووووووع

[فلفل حار]

وين جاجاسم يشوفلنا حل حق الموضوووووووووووووع


تصدق يالغالــي والله اني ماعرف جاجاسم ولا قد قابلته ....

بس يبين عليه ولد اياويد ولو بيده شي ادري بيسويه ومب مقصر .....:)

خفوو عليه شووي ياجماعه والله يعينه ....:secret:



تراه مب وزير ....:(

ولا جان انا اول واحد تمصلحت له خخخخخ .... :tease:

[Qa6ar]

المفروض اي مطبه تنحظ تنحط بتخطيط مسبق ومطبه لتخفيف السرعه مب لتكسير السيارات وبالاخص الصالون

لانه كل صالون بيمر على مطبه لازم ينعرض على الجنب وانتوا اعرف

[سهم عتيج]

8 مطباات في شارع واحد

انزين يمكن اهل المنطقة اهم الي طلبو ان يحطون مطبات

يمكن في تهور من بعض الشباب في السواقة


نعم انت حطيت يدك على الجرح,, بس النتيجة هي مثل ما تشوف ان الكل قاعد يشتكي من المطبات العشوائية اللي صارت أكثر من سكان قطر!!!

خلنا نحلل الوضع وبعدين خلنا نحط الحلول..

من وجهة نظري أن المطبات العشوائية اللي تشوفونها هي نتيجة عجز المرور عن أداء واجبه خاصة في الأحياء السكنية وهو اللي خلى الوضع يصير الى ماصار اليه.. حيث أنه عندما يتهور شاب او مجموعة من الناس في فريج ما.. يبدأ الأهالي بالتذمر من الوضع خوفا على عيالهم وعيال فريجهم,, فعندما يقوموا بالاتصال بالشرطة او النجدة ويشتكوا لهم عن هذا الوضع,, فان ردة الفعل من جانب الشرطة تكون باردة في كثير من الأحوال الا اذا كان فيه حوادث ودهس وما الى ذلك..

وبعدها يقوم الأهالي بالتوسل الى ادارة المرور لعمل مطبات صناعية,, فيأتي الجواب من ادارة المرور بأنه لامانع من عمل ذلك اذا كان على حساب أهل البيت او الأهالي اللي يسكنون في نفس الشارع..

هنا المرور ضرب عصفورين بحجر واحد,, الأول هو ضمان بأن أهل تلك المنطقة راح يفكونهم من عوار الراس وعدم الاتصال والتذمر.. الثاني أن هذه المطبات لن تكلف خزينة الدولة شيء..

ومع مرور الوقت شفنا أن الحالة زادت ووصلت الى ماوصلت اليه وحتى الفاصل بين مطبة وأخرى لايفصل عنهما سوى عدة أمتار,, وهذا الوضع يجعلنا نتسائل..

على من تقع المسؤولية,, هل على أهل المنطقة اللي يتذمرون من بعض المتهورين,, ام على الدوريات والمرور اللي لو قاموا بأداء واجبهم وضبطوا النظام لما شفنا فئة من الناس لاتتعدى أصابع اليد الواحدة تجبر الناس على عمل مطبات عشوائية هنا وهناك.. ام هل اللوم يقع على أشغال اللي كان يجب عليها أن تعمل المطبات الصناعية باحترافية عند تصميم الشارع...... الخ..

[ame32480]

والله سبقتني


كنت ابي اشتكي ف وطني الحبيب صباح الخير

والمشكله المطبات مب محطوط عليها علامات

يعني الواحد ماينتبه

[Riku3]

شكلكم مارحتوا منطقة بني هاجر crazy
:omg: .. دخلت وشفتها وياريتني مادخلت :rolleyes2: ..

في مطبات رجعت منها ومادخلتها وشردت ، كأنها تحدي للسائقين ! .. هل تعدي سيارتك ام لا .. جرب وشوف ! .

الصالون مايمشي عندكم كللللش .. والمشكلة حاطين طوابيق على الاطراف علشان محد يتجاوز بالرمل .. يعني ماكلها ماكلها .

[♣شيبةالنخرة♣]

وش ذا القلق ؟؟:anger1:

[علي بن جبر]

والله قهر قهر ,, انشالله الي امر ان يحطون المطبات موتره يحك ويخر ايل ويخبط ومايلقى قطع غيار ويكون بنتلي ويبيعه برخيص وانا اشتريه واحرقه قدام بيته ,,,,,,,,
ومن حلاه الشوارع حاطين مطبات والله مصخره ,,,

[يحفظك ربي]

اي والله غربلونا مع هالمطبات والمشكله اذا الواحد موتره صالون والا يجيك عرواي مظبط ومركب دبه ويتمشى على راحته عالمطب ويلفلف يمين ويسار ومسوي وراه مسيره

قسم بالله تمللنا من هالمطبات الواحد لازم يدور له طريق بديل عشان مايمر عليهم

[يحفظك ربي]

والله قهر قهر ,, انشالله الي امر ان يحطون المطبات موتره يحك ويخر ايل ويخبط ومايلقى قطع غيار ويكون بنتلي ويبيعه برخيص وانا اشتريه واحرقه قدام بيته ,,,,,,,,ومن حلاه الشوارع حاطين مطبات والله مصخره ,,,

هههههههههههههههههههههههههههههههههههههههههههههههههه هههههههههههههههههههههههههههههههههه اشششكر فننننك بوحسووون قسم بالله انفقعت من الضحك هههههههههههههههههههههههههههههههههه


:nice::nice::nice:

[شارع الأصمخ]

الله يعين

[khaldoon]

السلام عليكم

اذا على المطبات بس الوضع يهون شوي :(... الشارع اللي عندنا كوكتيل مطبة حفرة مطبة حفرة مطبة حفرة ، تخيلوا 9 مطبات والشارع بطوله رايح فيها كله حفر .. الواحد ما غير طالع نازل..افف
دخنا والله :rolleyes2::rolleyes2:

الله يكون في عونكم

[khaldoon]

فعلا في تخبط في وضع المطبات
الاحظ وجود المطبات عند البيوت الفخمه دائما

الاحظ وجود المطبات بمسافات متقاربه جدا يعني ما في امل الشخص يقدر يسرع بعد ما يعدي المطب ...كم بتكون السرعه لو المسافه بين المطبات اقل من 100 متر او حتى 50 متر في بعض الاحيان ..مالها داعي المطبات بهذه المسافات المتقاربه

احيانا تجد المطبات عند محلات معينه وكانها محاوله من اصحاب هذه المحلات ان يجبروك على تخفيف السرعه فملاحظة وجود المحل (دعايه يعني)

الله يكون في العون

روحوا على طرق الصناعيه وشوفوا المطبات في الشوراع

كانها مب مطبات كانها الشوراع تعرضت لقصف جوي لانه بين كل حفره و حفره يوجد حفره اكبر منهما وما تعرف من وين تهرب فتلاقي نفسك وقعت في المطبات والحفر و تكسر موترك

المطبات فيها معكوسه على عرض الشارع يعني بكون المطب على شكل حفره بعرض الشارع تماما فما في امل تهرب منها الا لو مشيت على التراب و تركت الاسفلت

[PathFinder]

شعارنا مطبين لكل بيت علشان يكون محمي من الجهتين

[قطري عنيد]

المطبات شعار قطر الدائم

[بوعلي-Qtr]

:weeping::weeping::weeping:

[jajassim]

:weeping::weeping::weeping:

هلا أخوى العزيز بوعلى Qtr


امس بعد صلاة الجمعة ،،، صورت الشارع ( امام بيوت الذيات ) ،،

وكلمت الخرجي عن هالمطبات ،، لهذا صورت الشارع ،، بعد يومين رايح له ،، وان شاء الله ،، خير ،،

مع العلم ،، ما اضمنك بشئ ،، بس أحسن من ان أسكت :victory:

[_بوشهاب_]

ونفس الحاله فدحيل شارع واحد طوله مادري كم في ستين الف مطبه ..

بس الواحد شيقول ..
وفكل مكان ..

وفدحل الحمام لو تدخلون من صوب الحديقه في مطبه جنها طعس ..

بس الواحد شبيقول .. لا حياه لمن تنادي ..

الله يعينك اخوي

اي والله هالمطبه اليوم مريت عليها والله ان قلبي عورني

وعلى طاري مطبات الصناعيه في شارع اسمه شارع الكسارات في الصناعيه والله هذا يبيله نيسان كام كربيتر عشان تعديه حشى طعوس وعراقيب مب مطبات

[بوعلي-Qtr]

هلا أخوى العزيز بوعلى qtr


امس بعد صلاة الجمعة ،،، صورت الشارع ( امام بيوت الذيات ) ،،

وكلمت الخرجي عن هالمطبات ،، لهذا صورت الشارع ،، بعد يومين رايح له ،، وان شاء الله ،، خير ،،

مع العلم ،، ما اضمنك بشئ ،، بس أحسن من ان أسكت :victory:
جزااااك الله خير ..
وجعل ماتقدمة لنا يكون اجر لك ..

[بومحمد911]

يا جماعة بشروا ايش صار في سالفة المطبات

[بوالفاروق]

الصراحة هناك حل افضل

انه يكتفون بثلاث مطبات على طول الطريج
وباقي المطبات تتوزع على بداية كل لفة للتقاطع فقط
لانه هناك لفات مجابلة بعض ومحتاجة مطبات

يعني المكان بيغيله توزيع للمطبات بدل ماتكون 8 مطبات ورا بعض

وشكراً لك اخوي جاجاسم رايتك بيضة

تحياتي

[شارع الأصمخ]

مشكور باجاجاسم وجعل عمرك طويل للمنتدى ولشباب المنتدى

وكل هاي محسوب لك اجر في ميزان حسناتك يااااااااارب

[عابر سبيل]

هلا أخوى العزيز بوعلى Qtr


امس بعد صلاة الجمعة ،،، صورت الشارع ( امام بيوت الذيات ) ،،

وكلمت الخرجي عن هالمطبات ،، لهذا صورت الشارع ،، بعد يومين رايح له ،، وان شاء الله ،، خير ،،

مع العلم ،، ما اضمنك بشئ ،، بس أحسن من ان أسكت :victory:



يقال و العهدة على الراوي اللي هو ثقة عندي..
و شاهد عيان للشارع و مار بالشارع بنفسه...

انه تم بحمد الله ازالة عدد من المطبات
امام بيت آل ذياب اللي على الشارع المعني...
و ترك بعض المطبات الضرورية عن احد التقاطعات في وسط الشارع.

نقول هذا لشُكر كل من سعى و تحرك لايصال
الطلب...

فالشكر للمرور و للاخ/jajassim

و لهذا المنتدى القطري ذو النبض
القطري!.

تحية...

و ين اللي يبون كرك من معصرة
النعيمي...

خل ايروحون بس شوي شوي...
و لا ينسون اخوهم/ بوجاسم...يستاهل
كوكتيل طبقات في هالحر!.

عن نفسي انا ابي "ملك شيك من محطة وقود" <<<< العيديه يا "بيه"! :victory:

[مرتبش]

الثمان مطبات تقلصت الى 6
نبي لجنة تدرس وضع هالشارع
وياريت دراسة استشاري وسفرة للخارج لمعاينة شوارع في طوكيو وبرازيليا مشابهة للشارع "الكنز"

[theeb_qatar]

كل الشكر لك اخوي جاجاسم
الحمدلله
صارووو 6 بدل ثمان ...

ونتمنى يصيروون 4 بدل ست ..
واحنا راضين بـ 4 مطبات ... بدل 8 ...

جزاك الله ألف خير ...

بس ملاحظة بسيطة ...
ياليت احجامها تكون معقوووله ...
لان اللي جمب الجميـعة وايد كبااار ...

ويعطيك العافية

[الفا برافو]

يعني لو صارت حريجه في الفريج لا سمح الله شبيصير في سيارة المطافي !! او لو اسعالف شايل مريض ومسرع للطواري ومر بهالشوارع ذي شبيصير بالمريض غير انه يطير من الباب..
المطبات من يحطها ؟؟ وبطلب من ؟؟؟ يعني يصير كل واحد في الفريج يطلب مطب عند بابه لانه هذا اللي انا اشوفه في بعض المناطق.. وبعدين المطبات لين يحطونها بين ليله وضحاها ليش مايحطون معاها لوحة تحذير بوجود هالمطبات. وليش ماتنصبغ بنفس الوقت.. اذكر المطبات اللي في فريج كليب عند المدرسه الاجنبيه.. حطوهم من دون اي لوحه تحذيريه والشارع هناك ظلام خرمس مافيه ليتات وخذ مناقز السيارت وضرب البريكات عقب ما ينقز الموتر اللي جدامك.. والله تمت المطبات اكثر من سته شهور قبل لا تنصبغ.. ويعدين هالمطبات مالهم قياسات قانونيه في الارتفاع والعرض ولا مثل ماقالوا الاخوان البتان صابينها وهم يسولفون
صدقوني يالربع انا شريت كيان وبعته ورديت على الكروزر لانه شوارعنا مايبليها الا هانوع من السيارت.. والله الحافظ .

[الفا برافو]

:omg: .. دخلت وشفتها وياريتني مادخلت :rolleyes2: ..

في مطبات رجعت منها ومادخلتها وشردت ، كأنها تحدي للسائقين ! .. هل تعدي سيارتك ام لا .. جرب وشوف ! .

الصالون مايمشي عندكم كللللش .. والمشكلة حاطين طوابيق على الاطراف علشان محد يتجاوز بالرمل .. يعني ماكلها ماكلها .

والله انك ذكرتني بمطبات بني هاجر.....
اصلا مفروض على بداية المنطقه يحطون اعلان ويكتبون عليه الدخول بواسطه فورويل فقط
:)

[بوعلي-Qtr]

ياجماعة الخير
احتمال كبيييييير يشلون مطبتين بعد ..

والشكر موصول لك من وصل الموضوع حق الخرجي والوطن واي واحد تكلم عن الموضووع ... يعطيكم العافية


محبكم في الله

بوعلي قطر :nice: