مؤامرة في البورصة

[Dior]

ما يحدث في البورصة هذه الايام ما هو الا مؤامرة ابطالها هوامير الاسهم القطريين
ما يحدث في الخفاء ما هو الا اتفاق سري بين كبار المستثمرين القطريين والاجانب على خفض الاسعار وهذا يصب في مصلحة الهوامير القطريين اكثر من الاجانب .. نتيجة لما يمتلكه الاجانب من خبرة وباع طويل في هذا المجال

المطلوب من المواطنين عدم الاستعجاااااااااااااااال في البيع .. ودمتم

[ناصر]

اخوي Dior,

خل عنك موضوع المؤامرات...............

الموضوع وما فيه ان الواحد منا لازم يطور ملاحظته في معرفة ايام التجميع وايام التصريف

وعلى هذي الملاحظة يدخل معاهم وقت اللي يجمعون
ويطلع قبل لا يصرفون او اثثاء تصريفهم مع التزام القناعة بالربح
والله يوفقك

[سماري]

ولكن اين ادارة السوق ووزارة الاقتصاد
هل يتفرجون
ولماذا لا توقف الادارة التداول ؟
كما فعلت عند ارتفاع الاسهم في الشهر الماضي
للاسف مايحدث ليس عملا اقتصاديا لكنه قرار سري
سيؤثر على سهم الناقلات والله يستر من الباقي
اين ادارة السوق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :rolleyes:

[boabdullah]

ما يحدث في البورصة هذه الايام ما هو الا مؤامرة ابطالها هوامير الاسهم القطريين
ما يحدث في الخفاء ما هو الا اتفاق سري بين كبار المستثمرين القطريين والاجانب على خفض الاسعار وهذا يصب في مصلحة الهوامير القطريين اكثر من الاجانب .. نتيجة لما يمتلكه الاجانب من خبرة وباع طويل في هذا المجال

المطلوب من المواطنين عدم الاستعجاااااااااااااااال في البيع .. ودمتم

ديور

مراحب

كلامك صحيح ومنطقي وأنا عن نفسي ناسي شي

أسمه أجانب

بس أرد وأقول أن المشكله الأساسية هي ((( الخوف)))

ومانقدر نلوم أحد الكل داخل للربح والربح السريع

عموما" الثقة مطلوبه في الوقت الحالي والمقبل

أخوك بوعبدالله :) :)

[Dior]

اخوي ناصر
الموضوع ومافيه تلاعب بين الهوامير
ولا اش قولتك في مسلسل نزيف النقاط اليومي .. كل يوم نازل 400نقطة
ياخي هالسوق يمرض .. يوم يطير فوووق ويوم ينزل تحت .. مافي استقراااااار ابدا

[Dior]

اخوي سماري

والله سوقنا يفتقد الشفافية والنزاهة .. وتجارنا مايراعون مصلحة احد

[Dior]

بو عبدالله

والله لما اشوف الكمية الهائلة في عرض الاسهم اتحسر ولكن ما باليد حيلة

صار دخول الاجانب وبال علينا ..

[السهم الفضي]

ما هو رأيكم في المصالحه , بين الهوامين
والقادمين برؤوس اموال كبيره من الخارج
هل ضاع المستثمر القطري الصغير ؟
ارجو منكم التحليل والأفاده بارأي
وشكرا لكم جميعاً .

[Dior]

السهم الفضي ..
اكيد في مصلحة مشتركة .. هوامير قطر مايبون يحطون روسهم بروس هوامير الخليج
وهوامير الخليج خصوصا السعوديين والكويتيين يبون الاسعار تنزل .. ماراح يشترون بهالاسعار
وسالفة تصحيح الاسعار اللي كل واحد طالع لي فيها.. لو كانت صحيحة مالقيت السوق كله احمر
مثال سهم المصرف الاسلامي .. توزيعاته قياسية وقيمته فيه.. المفروض ما ينزل من 540 الى 485
اتفق مع اللي قالوا في اسهم طلعت بدون داعي .. بس فيه اسهم تستاهل تطلع
والله من وراء القصد

[المراقب]

الخوف والخوف فقط، دفع الناس للبيع بهذه الصورة.

[موادع قطر]

يا اخوان الناس ماتلام اذا باعت تبي تشتري برخيص

[ضايق الصدر]

انا عن نفسي لو قدرت ابيع الحين واشتري بكرة
احسن لي اني اتجاوز قسط من مرحلة النزول
ويا شباب اصبروا اشوي المستثمر الاجنبي مش شاري بسهم وصل لسعر اول مرة يوصلة
يعني انت يالقطري حط نفسك مكان الاجنبي بتشتري الحين

[Dior]

انا اتفق معاكم ان الاجنبي يراعي مصلحته .. بس النزول الحاصل غير طبيعي
يعني بين يوم وليلة تنقلب الآية 180 درجة.. السالفة محبوووووووكة

انا مب قاهرني الا هالكميات اللي تعرض للبيع

ياجماعة مشكلتنا ان فيه نسبة كبيرة من المساهمين القطريين توهم داخلين البورصة وتوهم يتعلمون وانا بعد في بداياتي ماصار لي سنة ..

يعني اذا الاجانب يتحكمون في السوق وتوهم ماساهموا .. عيل اذا اشتروا اسهم اش بيصير ؟؟

بياكلونا بقشورنا

[قناص قطر]

السلام عليكم

الاجنبي دخل السوق من شهر فبراير وجالس الحين ايبيع مع الناااس

اي اجنبي تنطر بعد

الاجنبي اللي دخل باسم القطري من شهرين الحين جالس يحصد مع الحصاد

لان هذه فترة حصاااااااااااااااد

والظاهر السوق بينزل لغاية ............................ ،،،،

ننتظر السنه القادمه موعد خروج الاجانب ...

والله الموفق

[Dior]

هلا فيك قناص قطر
مع احترامي لرأيك.. مش كل الاجانب دخلوا السوق

فيه فئة من الخليجيين دخلوا السوق بأسماء قطريين لهم علاقة فيهم اما علاقة قرابة او صداقة
وعارفين مجتمعنا الخليجي مترابط .. وكل واحد فينا له قرابة في دول الخليج

[الجوري]

الله يستر من الاياااااااااااااااام الجايه
وماندري وش تخفي الايام

[Dior]

خليها على الله يالجوري .. انتي لا تبيعين واحتفظي بالاسهم الللي عندج ..

الله كريــــــــــــــم :)