المساعد الشخصي الرقمي

مشاهدة النسخة كاملة : بخصوص اراضي الهبه



سعادة الوزير
05-04-2005, 08:40 AM
السلام عليكم ورحمة الله

عندي ارض مساحتها 1200 متر وهي عبارة عن هبة اميرية .. وودي اني استغلها بشكل استثماري بدل ما ابنيها بالقرض .. هل ممكن اني ابني عليها فلتين (كل فله 600 متر) وبملكية وحده دون تقسيم الارض؟ او كونها هبة اميريه ففي شي يمنع؟ .. بصراحه مابي اسأل بشكل رسمي في هالموضوع خوفي افتح على نفسي باب :)

حمد
05-04-2005, 08:52 AM
والله ايقولون ان اراضي الهبه صار في امكانية انك تبني عليها فلتين بس شلون باسألك ...

هذا الي عرفته ... واعتقد في واحد بنى

بارد عليك ...

حمد

سعادة الوزير
05-04-2005, 09:09 AM
والله اني شاكر لك يا حمد .. ارجو انك تفيدني اذا ماعليك امر .. انا ناوي احط الي وراي والي دوني في هالسالفه

مغروور قطر
05-04-2005, 09:48 AM
اخوي سعادة الوزير الهبه كما تالي انا كانت عندي هبه وكا الاتي لازم يكون عليها مرور 15 سنه وكنت باني عليها اي بنيان اهم شي البنيان عليه شهادة بناء حتى لو غرفه

سعادة الوزير
05-04-2005, 05:42 PM
والله كلامك حطمني يا مغرور قطر!! .. وين 15 سنه!! ماصار لها الا 6 مادري 7 سنين بس .. وما عليها اي بنيان .. اصلا الخدمات توها واصله لها!

الامل في الله ثم في كلامك يا حمد .. تقول صار فيه تغيير .. انشالله للأفضل.

حسين ين عاقول
18-04-2005, 01:03 PM
اخوى بنسبه الاراضى لهبئه هل هى لجميع الشعب ام النا س معينين!!

حمد
19-04-2005, 11:29 PM
اخوي سعادة الوزير اسف على التأخير ..... والله نسيتك .... اسف

سألت اخوي .... لانه ايقول انه طلع ترخيص حق واحد من ربعه انه يبني فلتين على ارض الدولة ... وحده له ووحده سكن فيها اخوه

ايقول ان لازم استثناء من وزير الماليه .... ويقول سهل يطلع عادي

حمد

والله اعلم

$$$
20-04-2005, 12:25 AM
باعطيك فكره عجيبه وببلاش......ابني فيلا بقرض الحكومه في جزء من الارض.....يعني خل الفيلا في طرف الارض....وبعد ما يعطونك اتمام البناء ....افصل البيت عن الارض .....يعني طوفه....وبني في الجزء الثاني.....وايد ناس مسوينها.....

سعادة الوزير
20-04-2005, 03:27 AM
الله يعطيك مليون عافيهع يا حمد .. ماقصرت واسمحلي تعبتك معاي :) .. عيل باسأل الربع في وزارة المالية عن موضوع موافقة الوزير .. لا هنت :)

والله يا $$$ فكرتك ممتازه .. بس تهقى اقدر افصل الارض عن باقي البيت؟ اخاف مايوافقون .. خصوصا ان الماي والكهرباء بعد لازم ينفصلون.

الناصح القنوع
20-04-2005, 10:42 AM
سعادة الوزير اسمحلي احشر نفسي بالموضوع اعتقد ان البلدية اتمشي الطلب اذا كان فلتين لاني اعتقد ان هذا الامر سيصبح ضروري مستقبلا لان الحياة بدأت تغلى على المواطنين ولا بد من السماح ببناء فلتين في الارض الواحدة وهناك كلام حول هذا الموضوع وما عليك الان سو ان تشيل كشك او جشك وتذهب الى البلدية او التخطيط العمراني او اقول لك دق تليفون للبلدية المختصه و اذا ما فادوك اتصل بقسم الرخص رخص البناء بالبلدية او التخطيط العمراني الذهاب شخصيا احسن.

الناصح القنوع
20-04-2005, 10:50 AM
سعادة الوزير لقد اتصلت بالبلدية و افادوا بضرورة احضار كتاب من وزير المالية لبناء فيلتان اي بيتان ( مب نثية الفيل )

حمد
20-04-2005, 01:51 PM
يعني كلامي صح ..... روح الله ايوفقك .... .. وقولي اشبيصير .. .لاني باسوي مثلك

حمد

سعادة الوزير
20-04-2005, 03:16 PM
جزاكم الله الف الف خير .. وجعله الله في ميزان حسناتكم :)

ان شاء الله باشيل قشي يوم الاحد وباروح لهم .. وان شاء الله باعطيكم التفاصيل اول بأول .. بس ادعولي بالتوفيق :)

KHALIFA
20-04-2005, 04:15 PM
اخوي سعادة الوزير اسف على التأخير ..... والله نسيتك .... اسف

سألت اخوي .... لانه ايقول انه طلع ترخيص حق واحد من ربعه انه يبني فلتين على ارض الدولة ... وحده له ووحده سكن فيها اخوه

ايقول ان لازم استثناء من وزير الماليه .... ويقول سهل يطلع عادي

حمد

والله اعلم



صح كلامك ياحمد لازم استثناء من الوزير



************************************
سعادة الوزير

باعطيك فكره عجيبه وببلاش......ابني فيلا بقرض الحكومه في جزء من الارض.....يعني خل الفيلا في طرف الارض....وبعد ما يعطونك اتمام البناء ....افصل البيت عن الارض .....يعني طوفه....وبني في الجزء الثاني.....وايد ناس مسوينها.....


لازم رخصه للبناء مكتوب عليها بناء فيلا أو فيلتين


قبل سنتين سألت واحد عن نفس الموضوع قالي ما يصير

عزيز
20-04-2005, 09:08 PM
بصراحه افكاركم حلوه ياخوان

وودي حد يفيدنا بمعلومات اكثر علشان نفيد ونستفيد

واي شي جديد يصير معاي بعطيكم التفاصيل

تحياتي لكم :)

jajassim
26-10-2005, 01:02 PM
??????

ولـــد قطـــر
26-10-2005, 02:45 PM
الله يجزيكم خير

بنتظر بوشهاب يوم الأحد علشان نعرف ايش صار معاه وايش هي الاجراءات