### ارجو المساعده من عنده خلفيه اريد اعيد الثانويه ###

[ابوصالح1]

اريد اعيد الثانويه وهل في الجامعه موازي تخصص كهرباء وهل اذا عدت الثانويه ولم انجح تروح على الشهاده الاولى

[ابوصالح1]

اريد اعيد الثانويه لاجل ادخل الجامعه وهل في الجامعه موازي وهل اذا عدت الثانويه ومانجحت تروح على الشهادة الاولي ارجو المساعدة انا اتصلت على ادارة الامتحانات ولم يردوا والجامعة ايضا وهل في الجامعة تخصص كهرباء لاني فني كرهباء في البترول

[_بوشهاب_]

هلا اخوي بوصالح
انا قبل سنه قررت اعيد الثانويه وقدمت فصل وحد وماكملت بسبب ضروف وكلمت الوزاره قلت لهم الشهاده الاوليه تتكنسل قالوا لي لا وقلت لهم اذا جبت نسبه اقل من الشهاده الاولى قالوا نعتمد الاولى احنا مع مصلحه الطالب

وبخصوص الموازي ان شاء الله الشباب يفيدونك

((ارجوا نقل الموضوع للعام ))

[ابوصالح1]

شكرا اخوي بوشهاب

[روح الاطلس]

تقصد جامعة قطر ؟؟

اذا تقصدها فقبل لا تعيد الثانوية وتعور راسك وتضيع سنة من عمرك على الفاضي

اتصل على المعهد البريطاني او جامعة قطر واسألهم متى اقرب موعد لامتحان التوفل ولازم تجيب 500 عشان تدخل الجامعه واذا مامعك توفل ولا ايلز فشهادتك الثانوية حتى لو جايب 99 % ماراح تنفعك بشي :)

[بن درويش]

جامعه قطر فى تخصص كهرباء بس على ماظن لازم علمى تكون
واذا تبي جيك جامعه قطر وله شمال الاطلنطي

[ابوصالح1]

شكرااخوي بن درويش

[_بوشهاب_]

جامعه قطر فى تخصص كهرباء بس على ماظن لازم علمى تكون
واذا تبي جيك جامعه قطر وله شمال الاطلنطي

شمال الاطلنطي عندهم كهربا وشهادتهم قويه اعرف واحد خذ من عندهم دبلوم ميكانيكه وفي اقل من سنه خذ البكالريوس من بريطانيا ويقول تقريبا اغلب الاشياء الي عطوني اياها في لندن انا كنت دارسها في الشمال اطلنطي

والله يوفقك يابوصالح

[ابوصالح1]

اخوي روح الاطلس اقدر ادخل امتحان توفل اولا ثم اعيد الثانويه والتوفل 500 من كم للعلم لغتي الى level4 وذا نجحت في التوفل لازم اعيد الثانويه وماهو التوفل والايلز ارجو الشرح وشكرا وجزاكم الله خيرا

[ابوصالح1]

شكرا اخوي بو شهاب

[كلي أمل]

اخوي عيد السنه وتوكل على الله وشد حيلك وجيب نسبه هاذي اول شي

ثاني شي --- شنو التوفل وشنو الايلتز ؟

اهم اثنينهم >>> امتحان تحديد مستوى في اللغه الانجليزيه - اللهم الاختلاف هو ان التوفل امريكي والايلتز بريطاني -

وطبعآ على حسب الجامعه اللي تبي تدخلها تتحدد الدرجه

يعني مثلآ جامعة قطر تبي في الايلتز 5.5

او البديل

التوفل 500

وطبعآ 5.5 في الايلتز تعادل 500 قي التوفل

واذا تبي تفاصيل اكثر انا حاضره وعندي ملفات ومواقع ممكن اتفيدك حق هالنوع من الامتحانات

بس اخوي مثل ماقلت لك اهم شي انك اتعيد الثانويه وتجييب فوق الـــ 75%

واسأل الله التوفيق لك وللناس آجمعيين

[روح الاطلس]

ابو صالح التوفل امتحان للغه الانجليزية عبارة عن اختيار من متعدد لكنه صعب شوي لازم تكون ليفيل 5 او ليفيل 6 لكن ممكن اذا مستواك زين في الانجليزي تجيب ال 500 بالراحه اما الايلز هو اختبار ثاني لكن يصلح حق اللي المحادثه عندهم قوية والكتابه عندهم قوية يعني مش نفس التوفل مجرد اختيار من متعدد والدرجه المطلوبة فيه هي 5 ونص

ااي امتحان فيهم مقبول يا توفل او ايلز وتقدر تقدمهم في اي وقت نفس ماقلت لك شوف اقرب موعد لو كنت مستعد وقدمهم اما لو مش مستعد نصيحه اقعد ادرس له شوي وفيه مواقع كثيرة بالنت فيها نماذج للامحانات وتقدر تدرب عليهم

اذا ان شاء الله خلصت وقدمت الامتحان وجبت الدرجه المطلوبة وضمنت التوفل في مخباك ساعتها تعيد الثانوية وتدخل الجامعه من اوسع ابوابها :)

لكن لحد علمي ان الموازي تم ايقافه من ثلاث سنين مدري اذا لين الحين ..

لكن اخوي بما انك في البترول هل شغلك يقدر يعطيك تفرغ للدراسة ؟؟؟ عشان تدرس صباحي ؟ لان الموازي احتمال كبير انه تسكر

ولو شغلك يبعثك برا بيكون احسسن لك بكثير من الشحططه في جامعه قطر

[روح الاطلس]

اخوي عيد السنه وتوكل على الله وشد حيلك وجيب نسبه هاذي اول شي

ثاني شي --- شنو التوفل وشنو الايلتز ؟

اهم اثنينهم >>> امتحان تحديد مستوى في اللغه الانجليزيه - اللهم الاختلاف هو ان التوفل امريكي والايلتز بريطاني -

وطبعآ على حسب الجامعه اللي تبي تدخلها تتحدد الدرجه

يعني مثلآ جامعة قطر تبي في الايلتز 5.5

او البديل

التوفل 500

وطبعآ 5.5 في الايلتز تعادل 500 قي التوفل

واذا تبي تفاصيل اكثر انا حاضره وعندي ملفات ومواقع ممكن اتفيدك حق هالنوع من الامتحانات

بس اخوي مثل ماقلت لك اهم شي انك اتعيد الثانويه وتجييب فوق الـــ 75%

واسأل الله التوفيق لك وللناس آجمعيين


معليش اختي اختلف معك بهالنقطه لو عاد الثانوية وتعب سنة كاملة وعقبها تعثر في التوفل مثل ماهو حاصل مع اغلب خريجي الثانوية وش بيسوي ؟؟ يتصور مع شهادته ؟ لازم بالاول يتأكد من مستواه في الانجليزي وانه قادر يجيب التوفل وعقب اعادة الثانوية مجرد تحصيل حاصل عشان يجيب النسبة فقط لا اكثر

لان جامعه قطر الحين ماتعترف بالنسبة في الثانوية لو مامعك توفل يعني اللي فرحان بنسبته وجايب 90 % بدون توفل لا يقرب وجهه من باب الجامعه واللي يجيب 75 وتوفل 500 فيا هلا ومرحبا فيه

[Q6o]

بوصالح الشهاده الاولى ماتروح عليك الا اذا نجحت بنسبه اعلى من الشهاده الاولى

وثاني شي انا سمعت الموازي كنسلوه ولازم تراجع جامعة قطر

ثالث شي مافي تخصص كهرباء بالنسبه للموازي

الموازي تخصصاته محدوده نفس الاعلام وغيره

وبعد راجع جامعة قطر عشان تعرف التخصصات المتوفره بالنسبه للموازي

وبعدين اذا دخلت بتاخذ تاسيسي والسالفه بتطول ياك

تقدر تقدم في جامعة القاهره في مصر وتسجل قانون وتروح فترة الامتحانات بس والشهاده معترف فيها لانها تعتبر انتظام ولانها حكوميه ولان وزارة التربيه تبعث الطلاب للدراسه فيها

والشي الاخير نصيحه لاتعيد الثانويه ولا غيره
ادخل البريتش كونسلت وخذ الايلز او التوفل وتقدر تدخل جامعة قطر موازي من خلال شهادة الايلز او التوفل والايلز اسهل من التوفل وتقدر تاخذه خلال 6 شهور واقل

واذا ناوي تعيد الثانويه سجل السنه الجايه لانها اخر سنه بالنسه للمدارس الحكوميه ومن بعدها مافي الا مستقله وبس

وبالتوفيق ان شالله

[كلي أمل]

معليش اختي اختلف معك بهالنقطه لو عاد الثانوية وتعب سنة كاملة وعقبها تعثر في التوفل مثل ماهو حاصل مع اغلب خريجي الثانوية وش بيسوي ؟؟ يتصور مع شهادته ؟ لازم بالاول يتأكد من مستواه في الانجليزي وانه قادر يجيب التوفل وعقب اعادة الثانوية مجرد تحصيل حاصل عشان يجيب النسبة فقط لا اكثر

لان جامعه قطر الحين ماتعترف بالنسبة في الثانوية لو مامعك توفل يعني اللي فرحان بنسبته وجايب 90 % بدون توفل لا يقرب وجهه من باب الجامعه واللي يجيب 75 وتوفل 500 فيا هلا ومرحبا فيه



اهااا - اخوي انا فقط قدمت النصيحه للاخ اللي طارح مشكلته من وجهة نظري وماحددت جامعه يدخلها ولا لا فقط ضربت مثال - وهو ممكن يقدم الثانويه العامه ويجيب نسبه وهذا اهم شي ويدخل جامعة القاهره او بيروت انتساب وايد اعرفهم سووا جذي لان مايقدرون ايبون التوفل او الايلتز بس الاهم عندهم ((( نسبه قووويه ))) - اهو طلب من الاعضاء ارائهم وانا قدمت my opinion وله الاختيار ف الاول والاخير - اما يصور او مايصور مع شهادته ف انا ماراح اتكلم ب هالاسلوب - :)

[ابوصالح1]

جميع من ساعدني الله يوفقكم جميع والله يجزاكم خيرا دنيا واخره

[وتبقى الدنيا حلوه]

بالفعل حتى لو كانت نسبتك نازله و جبت 600 مدري 500 بالتوفل يقبلونك

[قطرية مثقفة]

اريد اعيد الثانويه وهل في الجامعه موازي تخصص كهرباء وهل اذا عدت الثانويه ولم انجح تروح على الشهاده الاولى


أخي الكريم ،،،،
ما أنصحك تعيد ،،، لأنك ممكن أتجيب مجموع ضعيف مرة ثانية ،،،،
الأفضل أنك تلتحق بكلية المجتمع اللي راح تفتح في الدوحة ،،،، وهي كلية نظامها أمريكي ،، وراح تقبل أصحاب المجاميع الضعيفة ،،، وتدرس فيها اعتقد لمدة سنتين ،،، واتخرج بدبلوم ،،، وبعده أي جامعة في المدينة التعليمية راح تقبلك بدون توفل ،،، وتقدر اتكمل بكالوريوس ،،، للعلم سمعت ان الجامعة مو خلط ،،،،، وانه من وجهت نظري اهي فرصة حلوة ،،،،، ياريت الشباب يستفيدون منه ،،،،، :))