الحبوب الصينيه؟؟!!!!

[qtrzone]

السلام عليكم ورحمة الله وبركـــاته

خواتي واخواني عندي استفسار عن الحبوب الصينيه الي تفتح الشهيه وتمتن

ياليت لو اي احد عنده اي معلومه تفيدنا او وين ممكن القاها مايبخــــل علي

وتسلمون ,,




دمتم بـــــود

[shaikha ma]

لـــــــــــــرفع

[collection]

حبيبتى موجود منها بالاحساء ..اذا تعرفين احد بيروح وصيه يجيبها لج.. تنباع بالهبل هناك..

[شموخ-qtr]

حبيبتي اذكر كنت اخذها ايام الثانويه ومتنت ويوم تركتها رجعت مثل ماكنت :(

انا ماخذتها من عند محل الاعشاب ... اذا تذكرت اسمه بطرشه لج خاص

[ملك البضائع]

انا بصراحه ما انصح باستخدامها انا جربتها في شهر متنت بس عقب رديت ضعفت اكثر من اول مو مشكله الضعف المشكله لها عوارض والله سببت لي قولو ونفخ ف البطن يالله يالله عالجته وسببت لي حساسية ف الجلد وقام الجلد يطلع منه ماي نفس الصدفيه والحمد لله عالجتها بعد سنه عذاب كله من هالحبوب ما اصح والله هذا من مجرب في بوده طبيعية تركية ماعرف شسمها وفي اشياء طبيعية اتذكر في وحده تبيع نفس التمر احسن ومفيد الحبوب الصينيه والله مرض

[>>> غــمـــوض <<<]

ترى الصحـه غاليـه :) ولا تخاطرون بنفس هالشغلات وتاخذونها
ممكن ناس جربتها واستفادت وممكن ناس تاخذها وتضرها لان الجسم يختلف من شخص لثاني

نصيحه لوجــه الله : ابتعدو عن الحبوب والمواد هذي وخلكم عالشي الطبيعي :nice:
يعني اللي يبي يمتن يحاول ياكل زياده وشغلات فيها سكريات ... واللي يبي يضعف يستخدم نظام غذائي متوازن ويلعب رياضــه ... الخ

في النهايــة طبيعة اجسمنا طبيعة وراثيه وفي ناس تركيبة جسمهم جذي وصعب انهم يمتنون
فاللي حاب يستشير دكتور ويمشي معاه خطوه خطوه افضل
:)
تحياتي

[بشرى]

انا استخدمتها صج اتمتن بس لها اضرارانا زاد وزني في اسبوعين عشره كيلو بس طلع خطوط بجسمي من المتن السريع الجلد تمزق وعقبها قمت اتعالج
يعني انعدل شي ويخترب شي:)
اسمها جنسينغ تنباع في السعوديه والبحرين

[وتبقى الدنيا حلوه]

على فكره في محل في الغرافة يبيعها و اختي كانت تستخدمها و عقب ودت حبه منه حق مختبر الصحة و اسألوا من وين شاريته

لأنه لقوا فيه نسبه كبيره من الكرتزون و اشياء مب زينه

أنصحك بعسل يفتح الشهيه و من بعدها ماراح تصكرين حلجك من كثر ماتاكلين

بس ما أذكر اسمه :(

و بعد المفتقه المصرية تفتح الشهية

[latty]

تعرفون كيف تعمل هالحبووووب؟

هي حبوب تحبس الماء بالجسم وتقلل عمل الكلى فيتشرب الجسم السوائل فتنتفخ البشره فتظن البنت انها متنت فعلا خاصه وان وزنها زاد اللي زاد هو الماء المحبوس بالجسم ولسمح الله يسبب فشل كلوي لانه يعطل او يبطئ عمل الكلى

ماانصحك اختي بها

وان اردتي زياده بالمزن اتبعي ماياتي

كاس حليب كامل الدسم
مقدار من الفستق مقدار ملئ كفك
نص ملعقه اكل خميره مب فوريه لااااااااا خميره عاديه
ثم زيدي عليها ملعقة عسل
بالاضافه لموزه واحده
ثم بالخلاط للجميع اشربيه على الريق لمدة 15 يوم وشوفي ان رايتي تحسن اكملي حتى توصلي الوزن المطلوب

جربته وزاد وزني والحين احاول انزل وزني باي طريقه مانزل

[qtrzone]

تسلمووووون على الرددددود وعلى النصااايح

والله الموضوع انا طارحته مب لي صراااحه
وحده سسالتني وقلتلها انه مب زينه انا مستحيل اخذ حبوب تمتن او تضعف او تسوي اي شي

هي سالتني وقلت اسال لها فالمنتدى


تسلموووووووووون ماقصرررتووا

[alranan]

يومياكوب حليب طبيعي مضاف اليه6ملاعق حليب مجفف(نيدو مثلا)وملعقةصغيرةعسل.صحيح دسم بس أطباء التغديةيوصفونه كعلاج طبيعي لفقدان الشهيةأوللنحافةبغرض زيادةالوزن.

[بـن عدوان]

والله انا مثل صديقتج قاعد ادوره من فترة

الحبوب منعوها في في قطر من زمان

وقبل اسبوع رحت البحرين قلت بشتري من هناك

تخيلي لما رحت المحل في المحرق قالي انه خلاص مايبيعونه !!!

مثل ماقالوا الاخوان والاخوات لها أضرار كبيرة

والاخت latty ماقصرت في التوضيح وانا استفدت من معلوماتها

[فلفل حار]

بايعه نفسج اخــتــي ..؟!:anger1:




ترا الصحــه غاليــه ....

[eXpert*]

هالحبوب صحيح تسمن الجسم

بس مع الاسف بعد فترة تسبب التبول اللاارادي ، اتوقع السبب نفس ما ذكرت الاخت latty

نصيحة لزيادة الوزن عليج بـ الحلبه مع العسل :nice:

[اميرةالصحراء]

الله يوفقج

[hamad-QG]

الله يوفقكم

[The war]

خلج من هالخرابيط
وعليج بحليب دافي تحطين فيه ملعقة عسل طبيعي وتشربينه على الريج

وناس وايد جربوه واستفادوا منه

[^امـ نواري^]

خلج من هالحبوب ترى مضره بالصحة وتسبب احتباس الماء والسوائل بالجسم
كان يبيعها محل بالغرفة بس وقفوها ومنعوها للضرر الواضح