شلي صار في بناتنا

[أنت]

يالربع والله ماقدر اكتم اكثر من جي كل يوم اجوف البعض وانا ماجمعهم البعض منهم
الي تلبس عبي مخصره والعبايه كلها الوان ومايتغشون وريحت العطر من كيلو ينشم
ليييش شلي صاااار لهدرجه ان ابوها وخوانها مايغارون خلاص ماتت الغيره الي في قلوبهم
وين غيرة شباب قطر الول تعقب البنت تلبس دفه مخصره وله شعره وحده طالعه برع الشيله
ولا بعد طلعو لنا في الدفه الي شكل البشت شنو هااي النجوووفه وكل وحده ادش المجمع
بمكياج كامل وشعر منفوخ من فوق متر ودشون السينما افلام كله وصخه
ياااااااخي ولله حرااام وقهر بنت بلادي تصير جي ليييييش ويوم نسافر برع نجوفهم بدون عبي واول مايوصلون مطار الدوحة لبسو العبي
ويوم يروحون السوق يتغشون ويوم يدشون المحل قدام الهندي كشفو ولا خوهم وله ابوهم قاعد برع
ليش يااااخي مادش مع هلك داخل ليش ماتلبسهم لبس محترم
ياااااخي الحين مهب مثل الاول الاول امااان الحين وقسم بالله مافي امان كلهم مراهقين وكل بنت قاعده على النت وكل ياهل قاعد على النت ياااخي وللله يوم كنا صغار نعقب نلمس شاشة الكبيوتر وله ناخذ بليب ابوي وله جواله الحين الخدامه عندها جوال يالت تحاااافضون على بناتكم وعيالكم تراااهم امااانه في رقبتكم ولله بتحاااسبون
وياااليت نجوف مشاركاات تنفعنا كلنا

[Me&OnLy]

ياخي اول ماكان فيه مجمع ماكان فيه تطور ماكان فيه دش ماكان فيه قنوات فضائية مفسده اول تحول وانا اخوك الحين كل شي صار موجود والي صار هذا كله بسم الانفتاح اشبع انفتاح ياخي
وكلمه اخير الطيب طيب سواه في والا مافي الي يبي الستر بيلاقيه وانا اخوك والي يبي يهيص ويليص ارض الله وسيعه احنا نأمر بالمعروف وننهي عن المنكر ان استطعنا وبس والشي الثاني ندعي وانتها


تحياتي اخوي

[الكايـــده]

الله يهديهم

[يحفظك ربي]

اي والله اخوي انك صادق

الحين في هالزمن كل شي صار عادي

نشوف البنات ماخذين راحتهم عادي تطلع تسوق بوقت متاخر بالليل ومكياج كامل وولا عطر ماشاءالله يفووووح

والعبايه مخصره والا مفتوحة ومن تحت بنطلون راااص وضيق

انا فعلا استغرب من هالاشكال اللي اشوفها وين اهلهم عنهم ؟

مايشوفون ؟ مايدرون عنهم ؟ والا عادي عندهم ييشوفون بهالشكل قدام الكل وصايرين مطنزه وملطشه للي يسوى واللي مايسوى ؟ !

هاي كله في ذمة الاهل .... البنت يوم القيامه تتعلق في رقبة ابوها واخوها وزوجها

ليش ما مسكوها وليش خلوها تسوي اللي تبيه على راحتها !!!!!

الله يحفظ بناتنا ويهديهم ان شاء الله !

ومشكور اخوي على غيرتك الصراحه اشكرك على هالموضوع الدنيا بعدها بخير .

[درب السعادة]

موضوع مكرر خلاص ناقشناه وشبعنا نقاش راجعوا المشاركات القديمه

[>>> غــمـــوض <<<]

للاســف هاي اللي حاصـل

من شوي راده من الستي رحت اخلص لي كم شغلــه شفت عجب العجاب
والحال من سيء لاسوأ
بس الواحــد تعب من كثر مايتكلم ومافي اي فايده

الله يهدي بناتنا ويصلح حالهــم ويستر على كل مسلم ومسلمـه

[فرقة الصقور]

احيييييييييييييييييييييييييييك على روح الغيرة على بنات المسلمين وياليتي الناس تعرف ولا تفقه

واتحصل اكثر المؤيدين ماعندهم غيره والمعارضين ماعندهم غيره


الله يرحمنا ويدهديهم

[findi]

سبحان الله امس كنت اتكلم مع خواتي في هالموضوع وكان ودي انزل موضوع عن هالشي

بالفعل اخوي الوضع صار لايطاااق كل مالهم البنات ويدمرون اكثر واكثر يارب ستررك

امس كنت في فيلاجيو وشفت هالمناظر والله شي يعوور القلب

اقول حق اختي معقووله هذيلا الي اشوفهم قطريااات ؟!!!!

كل وحده لابسه لها هالعبايه الي تكشف اكثر من ماتستر

ولازم العبايه مفتوووحه لين النص ولابسه هالسكني

ومكياج كامل وبف والشيله قاطتها قط بس

والي يقهر امها او اخوها يكون معاها وعااااااادي عنده :(

قسم بالله شي يقهررررر

شدعوه ماعندك غيره على عرضك

والله العظيم هاي كلمة ريال حرام فيه

ماقول بس الا ياااارب ستررك

اللهم لاتؤاخذنا بما فعل السفهاء منا

:(

[الخنجر]

كله من امهاتهم

لو في ام عدلة بتعدلهم لكن شقول بس

حسبي الله ونعم الوكيل

[بومحمد911]

كاشخات وعطرهن فايح
والعبايا فوق لكتوفي
والشعر فوق المتن طايح
بالدلع يمشن ومكشوفي
والصبغ فوق الوجه سايح
لا حيا لا مستحا وخوفي
كل واحد موتره شايح
يصرخ واويلاه بالروفي
وبالمغازل خاطره رايح
أشكره والعالم اتشووفي
لو تشوفه يلايح ملايح
كن به ساروق في اليوفي
كل واحد دومه يصايح
والرقم تلقاه ملفوفي
ذاك عاده للرقم تايح
وذاك يبغي الصيده ايشوفي
يا صبيه تكفي افضايح
استري عرضك وبه روفي
الستر ما يرده الصايح
من عقب ما تصير معروفي


الله يهديهم

[فهد الخاطر]

الله يستر من الجاي
ويحفظ بناتنا جميعهم من الشر

[" روح قطر "]

الله يستر على بناتنا

كل يوم نشوف العجب في بلادنا

[أنت]

اخواني ادري ان الموضوع مكرر واايد بس شل المانع ان نفتحه كل يوم
مدام الشي فيه غيره على بناتنا افتحه كل ساعه مافي مشكله
في حديث عن الرسول وانا وابي اغلط فيه المعنى منه اذا شفتو المنكر حاول تصلحونه مب نخلي المنكر ماشي ونسكر حلوجنا
عن بناتنا وخواتنا ياااااااخي الواحد ينقهر وده الارض تبلعه ولا يجوف هذي الاشياء قدام عينه

[أم عبدالرحمن]

عسى ربي يهديهم يارب ويصلحهم

[Gold Boy]

للأسف مفهوم الحرية قاصر لدى الكثير من الناس ، فهم يظنون أن الحرية تعني أن يفعل المرء ما يشاء و متى شاء ، إلا أن المفهوم الحقيقي لها يندرج تحت معنى التحرر من كل معصية و ذنب يقيدك و يأسرك و يجعلك لا تنفك عنه ،و إن أنت تحررت من قيود هذه المعصية فقد أصبحت حراً فعلاً ..

[غناتي1]

مب انت المقهور -- كلنا مقهورييييييييييييييييييييين

الله يستر على بناتي يا رب العالمين

الحمدلله انه لين الحين متمسكين بعاداتنا وما نروح السوق او السفر

الا بعبايات الراس -- لكن الصراحة للزيارات العائلية اسمح لهم

يكشخون بعباية الكتف بس مش مخصررررررررررررررررة

[بوخالد911]

الله يهديهم

[J & N]

الله يهديهم

[STAR]

الاستهتار من قبل البنات والشباب مو البنات بس....

وعلى قولتك .. ياليت نرجع مثل زمان... لا البنات يعرفون هالسوالف ولا الشباب هايتين من مجمع لمجمع...
الله يرحم ايام اول

[غرشوبة دبي]

مب بس عندكم في قطر

[القلب المؤمن]

كاشخات وعطرهن فايح
والعبايا فوق لكتوفي
والشعر فوق المتن طايح
بالدلع يمشن ومكشوفي
والصبغ فوق الوجه سايح
لا حيا لا مستحا وخوفي
كل واحد موتره شايح
يصرخ واويلاه بالروفي
وبالمغازل خاطره رايح
أشكره والعالم اتشووفي
لو تشوفه يلايح ملايح
كن به ساروق في اليوفي
كل واحد دومه يصايح
والرقم تلقاه ملفوفي
ذاك عاده للرقم تايح
وذاك يبغي الصيده ايشوفي
يا صبيه تكفي افضايح
استري عرضك وبه روفي
الستر ما يرده الصايح
من عقب ما تصير معروفي


الله يهديهم

ــــــــــــــــــــــــــــــــــــــــــــــــــ ـ
شفت في الرجولة فضايح
لحد ماضاعت حروفي
ديوث يوزع نصايح
واهله لابسات الشفوفي
اخلاقه راحت ورايح
مسوي شيخ عفوفي
رب بيت.. دينه طايح
وبناته ضاربات الدفوفي
اقول فاحت منه روايح
وهو.. بالكبائر شغوفي
قالوا المرأة تناطح
وزوجها كنه خروفي
ما اختلفنا انتصارح
تلعن القسوة ظروفي
اختلاط ما يبارح
غطي يا الحرمه كفوفي
غضوا الابصار ناصح
يا مطولين الزلوفي
كلكم صايع وشاطح
وانتشرتوا بالصفوفي

:nice:

[مافيا قطر]

تصدقون ما عرف ايش للحين ايش هاى البف اللى يحطونها البنات عبالى بف باف مال الذبان

اما البنات حدث ولا حرج والحين صيف وملل يعنى انتوا جيتوا على البنات تعالوا على الكبار امهات العيال

مربيات الاجيال اشلون بعضهم لبسهم ولا طريقه الكحل والمكياج واخس من البنات
والنقاب الظيق ومن غير وغير خلونا ساكتين مانبى نتكلم

[الـقـاسـي]

ترى الذنب مب ذنب البنت لاوالله مالها ذنب وماتنلام يوم تسوي هالحركات ..
تدرون من منو ؟؟ من الخنازير اللي عندها في البيت اخوانها وابوها ..
هم فعلا اهل هالبنات اللي طالعين بهالمنظر هم الديوثين اللي نسمع عنهم ..

يودي اخته وكاشخه وكاشفه ونص الشعر طالع والعباية مفتوحه وملابسها ضيقه عنبوووه مافيه دم مايخاف الله مايغار مايعوره قلبه على اخته ..
هذا المفروض ينحر اللي يرضى على اهله .. الله يستر علينا ويستر على بنات المسلمين ..
اعوووذ بالله ..

[dream~qa]

لين مريت على هالنوعية من البنات هلل واستغفر بصوت عالي صدقوني ترى يتأثرون من هالشي واعرف وحدة من تجربتها قالت لي أنها كرهت نفسها بسبة أن واحد مر عليها وطالعها باحتقار ومن عقبها الله هداها . مع أن على قولتها أنها كانت مجرد أنها تقلد ربعها في اللبس ما لها أي نية سيئة .

الله يهدي شبابنا وبناتنا يا رب .

[Qt.1]

ترلى اساس البيت اهو الااول والااخير والحين اساس البيت اصلاا منكسر ومايل شتوقع بيكون البنيان الله كريم ياخوي والله يهدي الجميع.

[دانة قطر]

يحسبون التقدم والتطور بالتعري
الله أكبر من متى عدنا للجاهلية كان كل شي مسموح
جاءالإسلام وستر المرأة والزمها بيتها الا للضرورة ولا مانع من العمل والذهاب للسوق ولكن بالاحتشام والحياء وغض البصر والحجاب الشرعي الاسلامي
احين البنت عيني عينك اطالع في الرجال لين هو يدنع ويسحتي او يرقمها ويفك نفسه منها
الله يهدي البنات والأمهات لو الأم اتراوي البنت العين الحمرا لي جات تطلع مكان البنات تجرئ اتسوي جذية
بس الأم اتخاف على مشاعر بنتها
اعرف وحده بنتها في اول ثانوي لازم تشتري بلوزة ماركة والله قيمتها 3 الاف ريال لفصل واحد ويمكن شهر بعد اقول لها ليش اتقول اتشوف بنت عمتها
الله سترك

[Meero]

الله يهديهم

بس بعد لازال فيه المحتشمه والنقيه والي حافظه نفسها

[العنود55]

لين مريت على هالنوعية من البنات هلل واستغفر بصوت عالي صدقوني ترى يتأثرون من هالشي واعرف وحدة من تجربتها قالت لي أنها كرهت نفسها بسبة أن واحد مر عليها وطالعها باحتقار ومن عقبها الله هداها . مع أن على قولتها أنها كانت مجرد أنها تقلد ربعها في اللبس ما لها أي نية سيئة .

الله يهدي شبابنا وبناتنا يا رب .

صح لسانك هذا المفروض اللي يصير المواضيع واستايئنا من هالوضع لاراح يغير شي من هتالصرفات لكن لما الرجال والا الشاب يناظر البنت المايعه بنظرة احتقار والا على الاقل واهو ماشي يقولها الله يهديج بتأثر فيها البنات اللي يسوون هالشكل قاعدين يعووضون نقص داخلي فيهم ويبون يلفتون الانظار باي طريقه انا اتمنى من كل شاب يقرا هالموضوع انه يكون له دور ايجابي موبالرد لا رد فعلي صدقوني بيكون له عظيم الأثر جرب اخوي الشاب انك تعطي هالبنت من البنات شريط عن التبرج جرب تقول اذا كنت مار على شلة بنات كلمة الله يهديكم جرب انك تنظرلها مره وحده بنظره احتقار جرب وراح تلاقي نتيجه مرضيه نسأل الله السلامه والعافيه من الفتن ماظهر منها ومابطن .

[عضو قديم]

الغيرة....الغيرة....الغيرة
أمممممممممممممممم

يمكن مأثره فيهم انفلونزا الخنازير؟

[أستر]

اذا كان رب البيت لدف ضاربا فشيمة اهل البيت الرقص

[فهد الخاطر]

الاستهتار من قبل البنات والشباب مو البنات بس....

وعلى قولتك .. ياليت نرجع مثل زمان... لا البنات يعرفون هالسوالف ولا الشباب هايتين من مجمع لمجمع...
الله يرحم ايام اول

الاستهتار من الطرفين
والاكثر خطوره
التشبه بالنساء من البعض والتشبه بالرجال من البعض
جبتيها صح
:victory:

[قطري فلته]

يبه هاي تطور اشفيكم بعدين يحسبونا متخلفين

خلاص دنيا ريوس طال اعماركم

[بوعلي2]

الله يهديهم

[STAR]

الاستهتار من الطرفين
والاكثر خطوره
التشبه بالنساء من البعض والتشبه بالرجال من البعض
جبتيها صح
:victory:

شكرا:nice:

اللي ابي اوصله للناس ان البنات غلطانين والشباب بعد غلطانين...

صج البنات مصخوها بلمسهم لكن الشباب بعد مومقصرين حتى لو وحدة محتشمة بعد تحرشوا فيها....

لدرجة ان يهال فالابتدائية يلاحقون باص بنات ثانوية ويتحرشون فيهم..!!!
لهدرجة وصلنا...!!!:eek5:

[عـيـون قـطـر]

الله يهديهم

[طبعي كذا]

الله يهديهم ويصلح حالهم ...على بالهم تفتح وتطور مايدرون إنه قل الوازع الديني وغياب دور الوالدين
الله يسترنا بستره ..

[أنت]

وقسم بالله بسبة هذا الاشياء بجينا زلالزل وبراكين منغضب ربي

[فلفل حار]

لو كل واحد عليه من هله وبـس ....

جان الدنيا بخير ....

بس ينعرف الرجال من الرخوم لما نشووف هالبنات ألي جذي بالمجمعات ....


اللهم لاشماته ....

[بـن عدوان]

مليت وانا اعلق ياخوي .. :(

[!الشايمه!]

للأسف مفهوم الحرية قاصر لدى الكثير من الناس ، فهم يظنون أن الحرية تعني أن يفعل المرء ما يشاء و متى شاء ، إلا أن المفهوم الحقيقي لها يندرج تحت معنى التحرر من كل معصية و ذنب يقيدك و يأسرك و يجعلك لا تنفك عنه ،و إن أنت تحررت من قيود هذه المعصية فقد أصبحت حراً فعلاً ..


:nice:

كلام كبير ....بصراحة

تحية لك

[شاي كرك]

الله يهديهم ..

طيب لو طلبت منكم حل او تصرف يخلي البنت " تستحي على دمها " وتعرف ان التصرفات هذي مرفوضه بشكل غير طبيعي من البعض ..

شلون ممكن نتصرف ، هل ننصحها عيني عينك ؟؟ ام ننظر لها بنظرة احتقار ؟؟ ام مثل ما قال واحد من الأعضاء " اول ما تشوفها قول استغفر الله بصوت عالي " او اي حل ثاني ... ؟؟؟

[عبدالمحسن]

ياحي اول


كنا نتروع اذا شفنا وحده تسوق

:)

[شموخ العز]

انت مشكور على الموضوع المهم ( المشكله في راعي البيت مهمل)


كله من امهاتهم

لو في ام عدلة بتعدلهم لكن شقول بس

حسبي الله ونعم الوكيل

والله جبتها على العوووق( يا خنجر) والله فعلن لو الام عدله ما اطلعت من البنت بمكياج كامل او عطر ريحته تهز بلد ومخصره من اللي

لكن الصرااااحه فيه عوائل اهلهم يمكن ما عمرهم دشو مجمعاااات تدرون ليه

من الابو والام والااخوان مو با الطق والصراااخ لا يقولون لهم حنا عوائل عاداتنا ما تسمح لنا ندش مجمعات ( عيب عيب) والله اني اعرفهم وعندهم قناعه ومستورين ( الله يسترهم)

يا ززززززززززززززين سوق واقف

مع السلامه

[حـ ن ـيـ ن]

تصدقون عقب ماتزوجت كنا قاعدين نسولف عن اماكن التمشية وفي سوالفهم ان الستي يروحون له

يتمشووون ...

قلت تدرين اني ماقد جيته لا قبل ولا بعد الزواج ...الا فيه وحده من الاخوات بغت تطلع عيونها برا

وتقول معقولة فيه احد ماراح الستي سنتر...

[حـ ن ـيـ ن]

ومن وجهة نظري الشخصية مافيها شي الواحد يروح مجمعات ولا اسواق عادية ...اهم شي الاحتشام واختيار

الاوقات المناسبة للخروج...

[شمعة الدوحه]

يانااااس السالفه موب سالفة مجمعات

هالاشكال موجوده بالمجمعات وبرى المجمعات

حتى بالجامعات والمستشفيات راح تشووفونهم

والمجمعات سووها علشان التسوق بس بعض الناس يستغلونها لشي ثاني

لاتربطون المشكله بسبب واحد

وبعدين من وين بنتسوق بعدين .. تعتقدون سوق واقف بروحه كافي

وان هالاشكال ماراح تشوفونهم هناك .. موجودين بكل مكان

[العنود55]

الله يهديهم ..

طيب لو طلبت منكم حل او تصرف يخلي البنت " تستحي على دمها " وتعرف ان التصرفات هذي مرفوضه بشكل غير طبيعي من البعض ..

شلون ممكن نتصرف ، هل ننصحها عيني عينك ؟؟ ام ننظر لها بنظرة احتقار ؟؟ ام مثل ما قال واحد من الأعضاء " اول ما تشوفها قول استغفر الله بصوت عالي " او اي حل ثاني ... ؟؟؟



ياخوي نظرة الاحتقار منكم كاااااافيه للهنوعية المتبرجة جربوا تعطونهم اشرطه دينيه عن التبرج او قول وانت مار من احذاهم بصوت مسموع الله يهديكم حتى اذا صادفتك بنية شاله برج على راسها جرب انك تضحك عليها وتعلق باستهزاء صدقني لو البنات شافوا هالتصرفات منكم ياشباب بيتعدلون وبتساهمون بشكل كبير في انقراض هالنوعيه اهم شي تكاتفكم يالشباب في محاربة هالشي .

[سداوي&مدريدي]

الله يهديهم ..

طيب لو طلبت منكم حل او تصرف يخلي البنت " تستحي على دمها " وتعرف ان التصرفات هذي مرفوضه بشكل غير طبيعي من البعض ..

شلون ممكن نتصرف ، هل ننصحها عيني عينك ؟؟ ام ننظر لها بنظرة احتقار ؟؟ ام مثل ما قال واحد من الأعضاء " اول ما تشوفها قول استغفر الله بصوت عالي " او اي حل ثاني ... ؟؟؟



الحل الله يسلمك انها اتشوف الصور الي بحطها

http://images.alarabiya.net/large_26392_1515.jpg

وأتقارن نفسها بينهم

هي خليجيه وعربيه ومسلمه وتربت على الاسلام منذ الصغر

والي في الصورة مسلمات من أصل امريكي ما صار لهم 5 سنوات او اقل

الفرق شاسع

المفروض تستحي على دمها

[حياة]

في ذمه اهااااااااااااااااااليهم
اللهم عافنا واياهم ياااااااااارب
المفروض ندعي لهم بالهدايه والصلاح

[حياة]

الدنيا هي هي بس الناس تغيرت حتى الصلاه اللي هي عمود الدين معاد فيه حرص عليها نسئل الله السلامه والعافيه ولابد نرجع للدين علشان الله يحفظنا ويحفظ عيالنا وبناتنا
والمجمعات مافيها شي العيب في اللي يصير فيها وعن نفسي مااروح الا الظهر
مره رحت مع زوجي يوم جمعه بعد المغرب ماقدرنا طلعنا ع طول حسيت بيغمى علي من الزحمه اعووووووووووووووذ بالله كانه ليله عيد

[شـــوق]

السلام عليكم ورحمة الله وبركاته ..

الله يهدي بنات المسلمين.. ويرجعون الى رشدهم يارب..

من خذوا البنات الليسن ( رخصة القياده ) وهم حالتهم معتفسه ..
مجرد أمنيه :

منع قيادة النساء من بعد السادسه مساءً

يمكن لما تحتاج تطلع حد من اهلها يوصلها وتحترم نفسها وتلبس محتشم .. يعني ماتطلع بالخش لا من شاف ولا من درى عنها ..

[^امـ نواري^]

حتى لو الموضوع قديم ما يمنع يتناقش وينفتح مرات ومرات
لان الوضع صار مبالغ فيه وصار التكشف وقلة الحياء عيني عينك !!
والكل ملاحظ هالشي

نبغي حملة توعوية للكل ..
قياعالم كلكم راع وكلكم مسئول عن رعيته