ابغي اشتكي نزلوا رااااتبي للمرة الثانية

[هدوء العاصفة]

نزل راتبي للمرة الثانية ومادري ليش حسبي الله ونعم الوكيل على الظالم كفاية اني اخذ اقل من ما استحق ويتم تنزيله مرة في قانون الموارد البشرية ومرة اخرى بعد نزول الهياكل ..

اش اجراءات المحكمة الادارية يا اخواني الاعزاء؟

وابغي اعرف ليش هالظلم حرام اللي يصير ترى الظلم ظلمات يوم القيامة ياللي كل اشوي تلعبون في رواتب الموظفين وتتحكمون على كيفكم ..

[هدوء العاصفة]

صراحة انه ابغي اكلم ولي العهد الله يحفظه .. ولاة امرنا مايرضون على الظلم

[مـحـمـد الـعـذبـة]

حسبي الله ونعم الوكيل

[الـقـاسـي]

لاتسكت عن حقك كلم ولي العهد او كلم الامير بنفسه .. وصلها لاكبر راس فالدولة ..

[&بوشهد&]

الله يعينك
عليك بالدعاء
دعوة المظلوم لا ترد

[سوق واقف]

اخوي لاتستعجل شيك مع شغلك يمكن خطأ في الشئون الإدارية

[هدوء العاصفة]

حسبي الله ونعم الوكيل

والله يااخوي محمد الواحد شيقول بس .. مالنا الا الله والنعم بالله .. بس الحال مايل ..

[هدوء العاصفة]

لاتسكت عن حقك كلم ولي العهد او كلم الامير بنفسه .. وصلها لاكبر راس فالدولة ..

والله ودي ياخوي بس والله استحي شاقول له .. نقصوا ثلاث الاف من راتبي

هو مبلغ بسيط بس بالنسبة لي كبير ..

[هدوء العاصفة]

الله يعينك
عليك بالدعاء
دعوة المظلوم لا ترد

شاكر لك يابوشهد .. نعم صدقت اخي العزيز

الحمدلله على كل حال

[هدوء العاصفة]

اخوي لاتستعجل شيك مع شغلك يمكن خطأ في الشئون الإدارية

ممكن خطأ بس خطأ يبط الجبد لان الراتب اصلا دمران ونازل من الاساس وفي تظلم كاتبه بهذا الخصوص ..

بس الظاهر خلاص راح وطرنا ياسوق واقف وصرنا ملطشة ..

[نووون]

ما يضيع حق وراه مطالب




و





الحقوق يبي لها حلوووووق:omen2:

[عبدالرحمن]

والله ودي ياخوي بس والله استحي شاقول له .. نقصوا ثلاث الاف من راتبي

هو مبلغ بسيط بس بالنسبة لي كبير ..

اول شي الشكوى لغير الله مذلة وربك كبير وكريم
ثاني شي توك تبي تقابل ولي العهد ليش تستحي
شيوخنا مايحبون الي يستحي يحبون الجرىء انت انظلمت كلنا نزلت رواتبنا من كم شهر مهوب بس انت فينا الي مب معتمد على هالراتب واموره ماشيه وفي ناس لا واله اعمتاده الكلي هالراتب وانت راجع لقاء رئيس مجلس الوزراء من كم يوم مع رجال الاعمال شرح الموضوع كامل اذا انت تقصد نزولك مره ثانيه هنيه في اشكاليه حااول تحلها اول شي مع شغلك بكتاب رسمي واخذ الرد رسمي اذا ماقتنعت ارفعه فوق وارفق وياه الكتاب الرسمي مع الرد وصدقني النتيجه ايجابيه ان شالله والشيوخ اجازه كل عام وانت بخير عقب العيد ان شالله تقدر تقابلهم الحين صعبة ................بس في حل تقدر تقابل الامير او ولي العهد يوم الاحد الصبح اذا......

[كاشخ في قطر]

اللـــــــــــــــــــــــــــــــــــــــــــــــ ـــــــــــــــــــــــــــــــــــه كـــــــــــــــــــــــــريــــــــــــــــــــــ ــم هـــاي الي اقدر اقوووووووووووووووووووووووووووووووووووووووله بس ,,,,,.....,,,, والله يعين الجميع

[هدوء العاصفة]

ما يضيع حق وراه مطالب




و





الحقوق يبي لها حلوووووق:omen2:


هييه يا نون .. قاعدين نطالب ولنا حلوق بس للاسف محد يسمع ..

[هدوء العاصفة]

اول شي الشكوى لغير الله مذلة وربك كبير وكريم
ثاني شي توك تبي تقابل ولي العهد ليش تستحي
شيوخنا مايحبون الي يستحي يحبون الجرىء انت انظلمت كلنا نزلت رواتبنا من كم شهر مهوب بس انت فينا الي مب معتمد على هالراتب واموره ماشيه وفي ناس لا واله اعمتاده الكلي هالراتب وانت راجع لقاء رئيس مجلس الوزراء من كم يوم مع رجال الاعمال شرح الموضوع كامل اذا انت تقصد نزولك مره ثانيه هنيه في اشكاليه حااول تحلها اول شي مع شغلك بكتاب رسمي واخذ الرد رسمي اذا ماقتنعت ارفعه فوق وارفق وياه الكتاب الرسمي مع الرد وصدقني النتيجه ايجابيه ان شالله والشيوخ اجازه كل عام وانت بخير عقب العيد ان شالله تقدر تقابلهم الحين صعبة ................بس في حل تقدر تقابل الامير او ولي العهد يوم الاحد الصبح اذا......

ياهلا اخوي عبدالرحمن ..

والله ودي اقابل ولي العهد .. ويوم قلت اني استحي .. فعلا استحي اكلمه على مبلغ ثلاث الاف ماتعودنا وانه اخوك نتكلم على فلوس .. عزة النفس تمنعنا ياخوك .. لكن يبقى الاحساس بالمرارة داخل النفس ..

نعم اليوم وصلني مسج وللاسف بعد الدوام الرسمي بالراتب وهو نازل غير نزول القانون الجديد .. وان شالله بكتب كتاب بهذا الخصوص ..

وعارفين انهم في اجازة ..

والمشكلة ياخوي عبدالرحمن ان الواحد وده ينتقل الى مكان ثاني بكرامته ومايكون فيه ظلم وظلام على اللي مالهم سند ..

صعب الواحد منا يلح في مواضيع فيها فلوس .. نعم هي حق من اقل الحقوق الموجودة ولكن الرجال تكفيهم الاشارة ..

يارب اذا لي حق عندهم يارب خذه لي وارزقني من حلالك ومن فضلك ولاتحوجني الى حد ..

[" روح قطر "]

فية أسباب أخوى

لازم تراجعهم وتطالب بحقك هذا تعب عافيتك

وأدارتك تعرف الأسباب راجع قسم شؤن الموظفين وراح يعطونك التفاصيل

والله يكون بعونك

[" روح قطر "]

والله ودي ياخوي بس والله استحي شاقول له .. نقصوا ثلاث الاف من راتبي

هو مبلغ بسيط بس بالنسبة لي كبير ..


ليش تستحى ثلاث الاف شوية

هذا تعب عافيتك محد طق الباب عليك وعطاك مية ريال

ويوم بتحتاج محد بمعطيك ترى

ثلاث الاف تجيب أغراض البيت كاملة لمدة شهر وتعطى الخدامة والدريول رواتبهم

وبيبقى منها بعد

الله يهديك لا تتنازل من ريال واحد طالب بحقك وروح كلم المسؤلين

غيرك أجنبي وعايش ملك عندنا ويعطونة ضعف راتبك 3 مرات

مايسوى عليك قومة من الصبح وكرف طول اليوم واخرتها ينقصون في راتبك

لا تسكت على حقك

[..الاميرة..]

اخوي راجع بالاول قسم الــ hr عندكم وشوف شنهي الاسباب يمكن يكون خطاء والخطاء وارد ..

اما خصم الراتب من غير سبب ومن غير ابلاغ الموظف بسبب الخصم

لا ياخوي في شؤون قانونية تقدر ترجع لها حسب تعاقدك المبرم بينك وبين جهة عملك ..

[كيفـي]

أكيــد انتي قطرية..

عشان جذية على (القطريين فقط) تقشف..!!

والله يعينــك.. هذاني نزلوا راتبي وعلى قولتهم انتظري التسكين..:(

حسبنا الله ونعم الوكيل يارب..!!

[بنت الزعيم]

الشيخ انت وين تداوم؟في كهرماء؟

[هدوء العاصفة]

ليش تستحى ثلاث الاف شوية

هذا تعب عافيتك محد طق الباب عليك وعطاك مية ريال

ويوم بتحتاج محد بمعطيك ترى

ثلاث الاف تجيب أغراض البيت كاملة لمدة شهر وتعطى الخدامة والدريول رواتبهم

وبيبقى منها بعد

الله يهديك لا تتنازل من ريال واحد طالب بحقك وروح كلم المسؤلين

غيرك أجنبي وعايش ملك عندنا ويعطونة ضعف راتبك 3 مرات

مايسوى عليك قومة من الصبح وكرف طول اليوم واخرتها ينقصون في راتبك

لا تسكت على حقك

مب اشوي بالنسبة لي .. لكن اشوي بالنسبة لمقابلة ولي العهد ..

شاكر لج نصايحج وان شالله بتابع الموضوع .. والراتب الحمدلله على كل حال عادي حالي حال اهل قطر ..

[هدوء العاصفة]

اخوي راجع بالاول قسم الــ hr عندكم وشوف شنهي الاسباب يمكن يكون خطاء والخطاء وارد ..

اما خصم الراتب من غير سبب ومن غير ابلاغ الموظف بسبب الخصم

لا ياخوي في شؤون قانونية تقدر ترجع لها حسب تعاقدك المبرم بينك وبين جهة عملك ..

هيييييه يا اميرة هو بقى فيه عقد .. القطري ماله عقد يا اميرة .. ماتدرين ؟

يمصعون فيه يمين ويسار .. ياليت عندنا عقود على الاقل عرفنا حقوقنا ..

[هدوء العاصفة]

أكيــد انتي قطرية..

عشان جذية على (القطريين فقط) تقشف..!!

والله يعينــك.. هذاني نزلوا راتبي وعلى قولتهم انتظري التسكين..:(

حسبنا الله ونعم الوكيل يارب..!!

لاتعليق الله يعينج اختي ..

[هدوء العاصفة]

الشيخ انت وين تداوم؟في كهرماء؟

لا مش في كهرماء ..

[يحفظك ربي]

الله يعينك اخوي كل يوووم نسمع عن هالمشاكل

الله كريم وان شاء الله حقك ماراح يضيع عليك بالدعاء ودعوة المظلوم مستجابه

ان شاء الله بيرجع لك حقك والله يكووون بعونك

[..الاميرة..]

هيييييه يا اميرة هو بقى فيه عقد .. القطري ماله عقد يا اميرة .. ماتدرين ؟

يمصعون فيه يمين ويسار .. ياليت عندنا عقود على الاقل عرفنا حقوقنا ..


غريبه ما فيه عقد !!

اشمعنا بالهيئة عندنا في عقود خاصة بالقطريين !!

الله يكون بعونك زين ياخوي تأكيد يوم الاحد من قسم الموظفين وان شاء الله يطلع فيه خطاء او على الاقل تعرف واش سالفة الخصم ..

[روح الاطلس]

جاتنا عين ماصلت على النبي

[هدوء العاصفة]

ارجوا الغاء الموضوع من الادارة .....

[غناتي1]

الكل نمتأذي من هالسالفة

الرواتب تنقص -- والغلا يزيييييييد

[أنت]

داش عرض ولي يرحم والديك خل العالم تفض فض هني شبلاك ناشب لهم
اذا مب عاجبك الموضوع مهب لازم ترد
ماتبون القطري يقول الي في قلبه حتى في المنتدى

[Qa10]

دعوة المظلوم مستجابة

لكن اعفو واصفح ترا الأجر أرحم

وترى تعيش مظلوم ولا تكون ظالم

كلم المسؤولين ولاتسكت عن حقك

[حلا]

لاتكست عن حقك لوشيصير ولاتيأس من هالموضوع كلش
والله معاك وماعليك منهم ..

[aljar]

الشكوى لغير الله مذله الله يعينك اخوي انت قص فراتبك غيرك بند مركزي مادري سجن مركزي وغيرك وغيرك الله المستعان
بس تعال انت ليش ماتعوض هالنقص الي صار بتجاره صغيرونه بدل ماتعب نفسك بالزعل والقهر ؟

[فلفل حار]

والله ودي ياخوي بس والله استحي شاقول له .. نقصوا ثلاث الاف من راتبي

هو مبلغ بسيط بس بالنسبة لي كبير ..

من يقول بسيط ..؟!

:)


لا يالشيخ مب بسيط ....

تأكد من الاسباب واذا ماقتنعت فيها راجع عقد توظيفك عند شؤون الموظفين وتأكد منهم بالضبط شنهي الاسباب ألي أدت إلى تنزيل راتبك ....

وحاسبهم على كل ريال تستلمه من معاشك ....

انت تتعب وتشتغل مب تاخذ شي بلاش ...!


لاتسكت عن حقك ياخــوووي ....

[!الشايمه!]

الله يفرجها عليك...وتلقى من ينصفك...الله يعينك..

تحية

[م. عبدالعزيز]

المبلغ مب بسيط .. وتأكد انه غيرك وايد تضرروا.. !

[eastqatar]

اللهم اجرني في مصيبتي و ارزقني خيراً منها

تأكد و راجع - تراه حقك