من يقدر يجيب لي قبول غير مشروط من امريكا ؟

[ثاني]

السلام عليكم
انا تخرجت من الثنوية هذي السنة 2009
من مدرسة مستقلة بمجموع 876 من 990

وماعندي توفل واحتاج شخص يساعدني انه يجيب لي القبول الغير مشروط حتى اقدر ادرس على حساب الدوله

للعلم الدراسة في امريكا وماعندي توفل ..
وافضل دراسه اللغة هناك ثم امتحن توفل

وشكرا

[مـحـمـد الـعـذبـة]

ليش ما تدرس في الجسر الاكاديمي اول لان معظم الجامعات الامريكية يطلبون توفل او ايلز وسات

[Qt.1]

ليش ما تدرس في الجسر الاكاديمي اول لان معظم الجامعات الامريكية يطلبون توفل او ايلز وسات


فعلاا ليش ماتسافر امريكا وتدرس في احد المعاهد لغه انجليزيه وعقب اتقدم على التوفل او حتى لين خلصت لين ليفل 8 الي اهو بريدج كورس يقبلونك بالجامعه بس ليش ماتبدى بالكليه اول وعقب روح الجامعه احسن لك.

[][ الوحيد ][]

اي ولايه ودك تدرس ؟؟

[ثاني]

مرحباً والله انا فكرت في الجسر لكن قلت مدري ودي ادرس لغة هناك ثم اقدم التوفل

بخصوص لو فيه طريقة اني ادرس لغه على حساب جهه مثل البترول ثم اقدم التوفل
وبخصوص الولاية والله ودي حد يساعدني بخصوص الولايات والجامعات

واشكركم واتمنى المساعدة

[مـحـمـد الـعـذبـة]

شف يا الغالي اذا تبي تدرس على نفقة قطر للبترول في الجسر الاكاديمي لازم تنجح في اختبار اللغه والرياضيات عندهم
واذا تبي تروح على حساب المجلس الاعلى اعتقد لازم تجيب الايلز 4

وبخصوص الجامعه في امريكا حدد التخصص الله يرضى عليك

[ثاني]

هلا اخوي امحمد ..
بخصوص التخصص الي ودي فيه هندسة ميكانيكية ,,
ويعطيك العافيه

[روح الاطلس]

اسوأ نظام ابتعاث شفته وعرفته بحياتي الموجود في قطر :) الله يفك عقد المسؤلين

[ثاني]

والله لو جامعة قطر تقبلني بدون توفل لدرست فيها
او لو انهم قالو سنة تأسيسي ثم ادخل التخصص الي ابيه شي حلو
لكن اهم يقولون سنتين تأسيسي ولازم تجيب توفل والله مشكلة ياخي

[مـحـمـد الـعـذبـة]

يا الغالي ارسلت لك على الخاص رقم اخوي هو في امريكيا الان اتصل فيه وان شاء الله بيحاول يخلصك في الجامعات الي في ولايته والولايات الي قريبة منه

[ثاني]

هلا اخوي امحمد اشكرك والله على المساعدة
لكني استحي اتصل فيه يمكن مشغول او شي بالدراسة فمادري ولله
المهم انا اشكرك وان شاء الله بتصله فيه بستفسر منه بخصوص القبول وجزاك الله خير

[بوخليفة3]

اخوي

الحل الله يسلمك هو حل واحد مافي غيره اذا تبي قبول غير مشروط هو انك اتجيب التوفل او الايلز
ونصيحه لك انك تمتحن الايلز والنصيحه ال 2 انك تمتحن فالبحرين لان يساعدونك في الاسبينغ فا تقدر انك تجيب درجه اوكي وهي المطلوبه 5.5

[ثاني]

هلا اخوي بوخليفة
بغيت اسئلك الحين لو انا امتحنت ايلز اقدر ادرس في امريكا ؟ لان يقولون امريكا فقط توفل
وبخصوص البحرين ممكن تعطيني رقم المكان الي يمتحنون فيه حتى احجز اقرب موعد وامتحن وجزاك الله خير

[كرستال]

ذل قرشك ولا تذل نفسك

اذا انت قادر روح لامريكا مباشرة ... والخيارات هناك مفتوحة


الله يسهل لك

[ahn]

مرحبا
كيف مستوى اللغه الانجليزيه في التحدث والكتابه’’’’’ وبعدين التوفل مهاره وتجي بالدراسه وكثير من اللي يتحدثون الانجليزيه ما يجيب 5 في اختبارات التوفل,,,, بس نصيحه حاول تحسن لغتك قبل السفر وجرب مع الطيران المدني او كهرماء اوراس غاز لانهم يؤهلونك هنا فبل السفر.....بس نسبتك المئويه كم ....والله يسهل امورك واكثر من الصلاه والاستغفار وبتتيسر الامور ان شاء الله

[مـحـمـد الـعـذبـة]

بخصوص الي يبغون يقدمون الاختبار الايلز في البحرين

يتبعون التالي

1- عب الابلكيشن هذا
http://www.ielts.org/pdf/IELTS_Application_Form.pdf

2- صورتين شخصية

3- صورة جواز وبطاقة شخصية

4- صورة لبطاقة الفيزا

وتخليها في ظرف وتروح ل DHL وترسلها للعنوان هذا


مركز AMA
146 شارع الشيخ سلمان
ص.ب.452
المنامة 356
مملكة البحرين المجلس البريطانى
555162 71 379 + هاتف
272142 71 379 + فاكس
bc.enquiries@britishcouncil.org.bh بريد الكترونى



Bahrain
Manama 356
British Council Bahrain

[ثاني]

كرستال

والله مادري انا فكرت اني اروح امريكا على حسابي .. لكن اشوف ان اكثر الجهات ترسل ..
فعشان كذا اشوف اول شي مع الجهات الي ترسل ثم اشوف اذا محد خذاني اروح على حسابي..

ahn
مرحباً اخوي ..
بالمحادثه تقدر تقول جيد
وبالكتابة مقبول .

مـحـمـد الـعـذبـة
مرحبا اخوي اليوم انا اتصلت في اخوك الساعة 11 فلليل لكن مارد علي يمكن مشغول او شي بتصله بكرة اذا فظيت لاني اليوم سويت حادث وأجلت اشياء كثيرة مثل اني اودي اوراقي واشيا وحاط كل اموري في الحادث والمرور والتأمين دعواتكم لي و ان شاء الله من بكرة احاول اراسل الجهات الي تأهل لللغة قبل التوفل او الايلز

جزاكم الله خير ويرحم الله والديكم

[الغفير]

ماتشوف شر يالغالي
و مثل ما يقولون - كفاره


عسى ما صادك شي ,,,,, و حمدلله على السلامة

[ثاني]

الغفير
الله يسلمك يريال الحمدالله على كل حال.. والحمدالله مافيني شي ..
مجرد اني كنت في تقاطع بغيت ألف يسار فما شفت وراي سيارة من المنظرة الي على يساري والف يسار واشوفة متجاوز من وراي واصفقة.. اول مادعمته لفيت يمين.. والمشكلة نسيت ادق اشارة فنزت من السيارة قلت له انا غلطان لما رحنا المركز الضباط والشرطة قالو ان اهو الغلطان بسبب التجاوز .. لكن الحين المشكلة تصليح السيارة والتأمين لين متى بس
الله يعين

[الغفير]

عموما ,,,, خارج من الشر يا رب
و الحمدلله جات في الحديد



رسلت لك على الخاص

[ثاني]

الشر مايجيك يالغالي
والحين بجيك على الخاص

يعطيك العافيه

[ahmed jasim]

2000 جامعة أمريكية تعترف بالأيلتس
http://www.ielts.org/pdf/USA_Recognition_List.pdf

[ثاني]

ahmed jasim


مرحبا اخوي
اخوي هل كل هالجامعات معترف بها في قطر ؟ واسف على الأزعاج

[تحداني]

.. مساء الخير ..
.
.
انا تحت امرك
..واطلب ..وما راح تلقى الا كل شئ يرضيك ..
.
.
بالتوفيق يارب

[ثاني]

تحداني الزمن
مرحبا اخوي ..
والله بس بغيتك تساعدني كيف اقدر اجيب قبول غير مشروط من امريكا من اي جامعة علماً اني ماعندي ايلز
حتى لو ادرس تأسيسي سنه مب مشكلة اهم شي القبول وشكرا

[تحداني]

تحداني الزمن
مرحبا اخوي ..
والله بس بغيتك تساعدني كيف اقدر اجيب قبول غير مشروط من امريكا من اي جامعة علماً اني ماعندي ايلز
حتى لو ادرس تأسيسي سنه مب مشكلة اهم شي القبول وشكرا



.. صباح الخير ..
الله يوفقك يارب ويسهل امورك ..
لايمكن تلقى جامعه في امريكا لا تحتاج التوفل والايلز ..
لان من اهم شروط الجامعه ان يكون الطالب حاصل على هذه الشهاده ..
تختلف الدرجه باختلاف شروط الجامعه ..
.
.
ويجب ان تضع في عين الاعتبار هذه الجامعات تتكلم لغه انجليزيه ..
واذا لم تكن جيد في اللغه كيف لك اكمال الدراسه الجامعيه فيها ..
.
. في البدايه عليك بدراسه اللغه لمده سنه واحده او اقل من ذلك ..
تختلف المده الزمنيه باختلاف طبيعه الشخص ..
متى ما احسست انك تجيد اللغه ..بعدها يمكنك الحصول على القبول الغير مشروط ..
.
.
بالنسبه للسنه التأسيسه ../ السنه التأسيسيه تعني انك ستأخذ مواد هي مقدمات للتخصص الذي ستلتحق به ..وليس سنه لغه ..وهناك فرق كبير بين الاثنين ...
واذا حصلت على قبول من الجامعه بالسنه التأسيسيه يعني ذلك انك تخطيت عائق اللغه ..
هذا فيما يتعلق بأمريكا ..
اما باقي الدول فلها اجراءات مختلفه ..
.
.
اذا اردت ان تحصل على قبول لاحد معاهد اللغه في امريكا ..
انا تحت امرك ..
.
.
بالتوفيق يارب :)

[نشميّه]

شوف اخوي اذا قدرت تخلص الايلز او التوفل ف الدوحه
ادرس في جامعة قطر والله يوفقك ترى الغربه شينه ..
اول شي قدم امتحان الايلز مره ومرتين و 3 .. لين تجيبه ولو مستواك " زين "
بتجيبه من اول مره مافيه شي صراحه وسهل الامتحان ..
التوفل قدمه مره ومرتين .. وان جبت فوق الـ 450 بتدخل لفل 3 في جامعة قطر
ولفل 4 .. وخلاص مايحتاج انك تجيب التوفل .. تكمل دراستك عادي ..
ولا اذا لك خاطر تدرس برع لازم لازم تدرس فاونديشن في الجامعه اللي تبيها
علشان كل شي بتدرسه بيكون انجلش لازم تأسس نفسك عدل وتعرف تفاهم وياهم
علشان امورك الدراسيه ..

والله يوفقك

[بيسان]

يرجى مراجعة الخاص للحصول على اسم جامعة تساعدك على ذلك

[ثاني]

جزاكم الله خير ورحم الله والديكم

تحداني الزمن
اخوي ماقصرت والله
يعني مثلاً لو جبت قبول المعهد اقدر اقدمة ل قطر للبترول ثم يرسلوني ادرس في المعهد على حسابهم
اتمنى منك ترسل رقم جوالك على الخاص وشكرا لك

[تحداني]

جزاكم الله خير ورحم الله والديكم

تحداني الزمن
اخوي ماقصرت والله
يعني مثلاً لو جبت قبول المعهد اقدر اقدمة ل قطر للبترول ثم يرسلوني ادرس في المعهد على حسابهم
اتمنى منك ترسل رقم جوالك على الخاص وشكرا لك



.. مساء الخير ..
كان ودي ارسل لك رقم جوالي وانا اختك بس للاسف ..:(
اذا كان عندك قبول لاحد المعاهد خارج قطر لدراسه اللغه ..
قطر للبترول لا تتكفل بذلك ..
.
.
انما تتكفل بالدراسه الجامعيه الفعليه فقط ..
الله يوفقك يارب :)

[ثاني]

تحداني الزمن

مرحبا اختي انا اسف جداً ماكنت ادري...

المهم الله يعين والله انا متوهق الحين ولا مكان يرسل بعثه او مثلا ادرس لغة برع عقب اكمل والله مشكلة

الله يعين ودعواتكم