من أحسن دكتور للقولون [الأرشيف] - منتديات شبكة الأسهم القطرية

عابر سبيل

26-06-2009, 01:41 AM

اولا خطاكم الشر اختنا الكايده...و كل المسلمين..
ثانيا...اشوف ان كلام اخونا "سوق واقف" فيه وجهة نظر معتبرة..

فاذا ان مشاكل القولون ثابته عند مريضكم...بالدليل..
فما له داعي الكلام...

اما اذا انها اعراض و من الاستفسارات او التخمينات من كلام الناس...
اذن عدم الاستعجال بزيارة اي طبيب او استخدام اي عقار هو الاسلم.

احيانا غالبه..نوع الاكل....له دور كبير..في اعراض
تبدوا انها من القولون..

و احيانا كثيرة الضغط العصبي و التوترات
هي المحرك الاساسي لالام القولون و حتى اعراض
"النزيف"!

فالقصد..على من يشتكي هالمسألة ان يتفحص نفسه
اولا و يرى...ان كان بالامكان معرفة السبب
و بالتالي يكون العلاج اسهل اما ذاتيا
او حتى عند الاصرار للذهاب لطبيب.

كان لي زميل مصري..هاديء جدا في طبعه...
اشتكى من شيء من هذا القبيل...و المستشفيات في قطر
خلوه ايوسوس بزود وزادوا له العوق..

المهم..انا نصحته بتهدأة توترة ( بعد وفاة ابوه
و تازم العلاقات مع اخوانه و الورثة..الخ الخ)
هو اشوي استفاد..بس لما زار له دكتور شيبه في مصر...
قال له عليك بالخبز اللي فيه نخاله...
و غير بعض الاكلات و هكذا..و خل عنك الاداوي الا في الضرورة القصوى..

المهم...ان الرجال عاد لطبيعته و رجعت صحته تمام..بتعديل نظام اكله اولا...
و بالسيطرة على توتراته ثانيا...

قبل لا اختم: الماء..
كثرته فيها فائدة عظيمة..خاصة اول الصبح بعد النوم...و بكثره...
لانه يعين الاجهزة الهضمية بشكل فعال..و مجرب..
شرب الماااء طول اليوم مفيد جدا جدا خاصة لمثل هالاعراض
و في مثل هالجو الحار...

و بالصحة و العافية..

اسف عالاطاله....سلام

الكايـــده

26-06-2009, 01:51 AM

سوق واقف - عابر سبيل

جزاكم الله خير الجزاااء ماقصرتوا

latty

26-06-2009, 01:54 AM

اختي الكايده

نصيحه ابتعدي عن الفلفل والملفوف

امشي لك نص ساعه كل يوم

اخذي البابون كمشروب ساخن فيه راحه ماتتخيلي لاعصابك

الخبز والمعجنات ابعدي عنها وعليك بالخبز البر قطر المستطاع

هالمسمى الروتي ابتعدي عنه

وايضا لاتهملي نفسك وتطمني عند طبيبك اتصلي بالمركز الموجود به الدكتور المذكور واعرفي متى يرجع

فقط كي تتتطمني ان امورك اوكي

والله يشفي الجميع

غناتي1

26-06-2009, 02:04 AM

د. عبدالعظيم عبدالوهاب

المستشفى الاهلي

اللي اعرفه ومن زماااان ان الدكتور حمدي ممارس عام اصلا مش استشاري

يعني -- حجااااام وقشااااع ضروس

قطرنت

26-06-2009, 02:06 AM

انا صار لي 8 سنين اعني من القولون مافي دكتور مارحت له في الدوحه وبرا الكل يجمع على انه مرض ملازم للمريض لايوجد له علاج لحدالحين يوجد فقط مسكنات فنصيحه حمدي اكثر دكتور مريته ولا منه فايدة وهذي من تجربتي يصرف مهدئات لاكن ماعنده علاج للمرض ويكثر الادويه لدرجه ماتنطاق فالنصيخه الي معاة القولون يرتب اكله ويريح دماغه هذا هو العلاج الموجود بس لايدخل في متاهات الادويه وينشب

" روح قطر "

26-06-2009, 02:08 AM

حبيبتي

عليج بالماى وكثرة الأستغفار

وابتعدى عن البهارات والحوار بأنواعها

والدهون والنشويات وريحي بالج من التوتر والضيقة

وراح تشوفين الفرق بين علاج الدكتور والطريقة اللي اتبعتيها

والله عن تجربة يالغالية

والف حمد وشكر على العافية

الكايـــده

26-06-2009, 03:47 AM

جزاكم الله خييير يارب وفي ميزان حسناااااااااااااااااااتكم ان شاء الله

J & N

26-06-2009, 04:21 AM

نجاح الزياني
مستشفى البحرين التخصصي

كله اسمع عنها ممتازه :nice:

M!$s ĀŁ!eN

26-06-2009, 04:23 AM

القولون ماله علاج ..
انتي حاسبي على عمرج من العصبيه
ولا تاكلين فلفل اوكي ..
الوقايه خير منقنطار علاج ..

الكايـــده

26-06-2009, 04:36 AM

نجاح الزياني
مستشفى البحرين التخصصي

حد يقدر يعطيني رقمهااا ..!

وهي عياده والا مستشفى حكووومي ولازم موعد

مافيا قطر

26-06-2009, 07:26 AM

الكايده ابتعدى عن بعض الاكلات ونصيحه لوجه لله عليك بالاستغفار والبعد عن التوتر والقلق

انا كان عندى وسويت هاى الشى والحين مرتاح ولله الحمد

Northman

26-06-2009, 08:17 AM

د عبد العظيم عبد الوهاب هو الافضل ,, من واقع تجربه ,

كاتم الاسرار

26-06-2009, 08:24 AM

ما تشووووووفون شر ان شاءالله

مجازف

26-06-2009, 09:26 AM

نجاح الزياني
مستشفى البحرين التخصصي

حد يقدر يعطيني رقمهااا ..!

وهي عياده والا مستشفى حكووومي ولازم موعد

اختي الكايده شافاكم الله وعافاكم
بخصوص رقم د. نجاح الزياني راجعي الخاص عندك

مارشلاجو

26-06-2009, 09:41 AM

في دكتور هندي في الهند يعالج بالاوزون

قطرية مثقفة

26-06-2009, 11:24 AM

عن تجربة ،،،،،
دكتور علي الظن
مستشفى ابن النفيس ( خاص )
البحرين - ت : 0097317828233
وماتشوفون شر ،،،،،،

بولينجر

26-06-2009, 11:31 AM

د. عبدالعظيم تخصصه جراحة مب باطنة.... د.مصطفى في عيادة الدوحة زين....

الكايـــده

26-06-2009, 03:07 PM

مشـــــــكورييين اخواني وخواتي والشر مايجيكم يارب ..

بنت سعادة السفير

26-06-2009, 03:10 PM

ماتشووفوون شر ان شااء الله

حياة

26-06-2009, 03:48 PM

حبيبتي الكايده
انا من واقع وتجربه طويله (العمادي-الاهلي-حمد العذبه-محمدامين-عيسى مطر-ونجاح الزياني حتى لندن شفت فيها اطباء ماارتحت الا ع الدكتور حمدي وحاليا اتابع معاه وممتاز جدا جدا
هو مسافر حاليا وماعندي اي فكره متى بيجي
واذا تبين اي استفسار بخصوص اي شي انا حاضره سواء ع الخاص او العام
الدكتوره الزياني في مستشفى البحرين التخصصي ولازم موعد

الكايـــده

26-06-2009, 03:51 PM

حبيبتي الكايده
انا من واقع وتجربه طويله (العمادي-الاهلي-حمد العذبه-محمدامين-عيسى مطر-ونجاح الزياني حتى لندن شفت فيها اطباء ماارتحت الا ع الدكتور حمدي وحاليا اتابع معاه وممتاز جدا جدا
هو مسافر حاليا وماعندي اي فكره متى بيجي
واذا تبين اي استفسار بخصوص اي شي انا حاضره سواء ع الخاص او العام

مشكوره الغاليه فعلا امدحولي د.حمدي قالوا علاجه اووكي تعبت من العيادات الثانيه

ان شاء الله القى علاجي عنده

مشكوووره:shy:

Meero

26-06-2009, 03:53 PM

نجاح الزياني
مستشفى البحرين التخصصي

:nice:

بنت ذياب

26-06-2009, 04:04 PM

هلالالالالالالا الكايده

شلونج عساج بخير :nice:

انا والقولون ربع من 6سنين..

مابي اتذكر معاناتي معاه واقلب الموضوع عزى خخخخخخخخخخ

بس كلام الاعضاء صح .. ومن واقع تجربه ..القولون ماله علاج .. قالوا لي جي من قبل

بس انا رحت اتعالج وادور .. وعمليات ومنظار وسافرت برع وبالدوحه وغسيل معده وقولون

واحيانا يجيني نزيف ..وصلت لمرحلة اني ماصرت اطلع من البيت بسبته..

الله لا يراويج خخخخخ

بس تعالجت وشفيت .. والكل مستغرب مني .. ولله الحممممممممممد :shy:

علاجه هو : (( طنش تعش )) .. ولو سويتي سيرج بتشوفين واحد تشافى لانه طنش وعاش حياته ولا كانه فيه شي

لاتعطينه اكبر من حجمه !

يمكن انتي ف بداياتج .. من جذي متضايقه .. بس طنشي مرة مرتين ثلاث

استحملي الالم .. وعقب صدقيني بيروح من نفسه و ماراح تحسين فيه كلش ,,

:nice:

وفي دواا ينباع بالصيدليات اسمه ,, "Imodium " لونه اخضر ..

مادري واحد من الاعضاء كتب عنه ف موضوع سابق عن القوولون ويمدحه

انا شريته بس جذي .. لكن ماجربته ..

وماتشوفين شر حبيبتي ..

حياة

26-06-2009, 04:34 PM

rarayyan

26-06-2009, 04:44 PM

الكايدة افضل دكتور التشخيص الجيد من ثم تبداء رحلة العلاج للقولون. القولون ليس له علاج وانما بعض العادات التي يجب اتباعها واهمها التوكل على الله واحتساب الاجر والنظام الغذائي الجيد والابتعاد عن الدهون والبهارات ويمكن للمريض ان يعالج نفسه بنفسه من خلال خبراتة في الاكل مثلاً اذا اكلت اكله معينه وانتفخ القولون بعدها فيجب عليك مراجعه مقادير الاكل ومعرفه السبب وتجبنبه في المرات القادمه.
الله يشفيك ويشفي مرضى المسلمين

بنت ذياب

26-06-2009, 04:58 PM

حبيبتي بنت ذياب
القولون ماتقدرين تطنشين له اذا ضرب عليج ياعمري
هو فجأه يضرب وبدون سبب انا من سنه 1997 لين الحين اعاني منه نظمت اكلي دهون مافيه مقاطعتها والفلفل بعد وامشي واتعشى نفس ماافطر الصبح يعني خفيف جدا
عاد اذا ضرب علي مالي بعد الله الا دكتور حمدي ويعطيني علاج مده بسيطه ولله الحمد اتحسن عليه

حبيبتي كنت اقول نفس كلامج !!

وكنت يوميا اصيح من الالم ومااداوم

وكنت مااكل اللي ابيه واخفف ومادري وشو .. بس الحين اضرب بالخمس :omen2:

بس صدقيني انتي جربي تحملي الالم مرة مرتين ثلاث .. قاااومي .... واذا حسيتي بألم القولون .. لا تكتأبين وتقولين اففف ياني والحين بتعب وماباكل

باختصار

عيشـــــــــــــــــــي حيــــــــــــــــاااااتج

كلي اللي تبينه .. صدقيني احنا مافينا شي واللله ..

طيعيني وجربي .. بتتعبين فالبدايه بس بترتاحين طول عمرج !!

لا تعتمدين على الدكاتره .. اقطعي لحبوب وكل شي ..

ارجع واقول ترى كلللللللل شي بيدنا احنا .. احنا اللي نتحكم بنفسنا .. مو القولون :nice:

جربي وخبريني بالنتايج :omen2:

* على فكرة : اخصائي اللي قالي عن هالطريقة .. عشان ما تقولون " بنت ذياب" قاعده تخربط علينا :D

Me&OnLy

26-06-2009, 06:31 PM

ياجماعة الخير ويا اختي كايده انا صراحه فيني قولون وملعوزني تلعوز لادرجة اني وسوست وصار الوسواس قهري جدا جدا ولكن مع الاذكار والصبر والاحتساب صار اخف من اول وزال الوسواس ولله الحمد وانا نصيحه لوجه الله سورة البقره حاولي تقرينها كل ليله والا حاولي تسمعينها على الاقل وبنية الشفاء والله سبحانه قادر بالاسباب وبدون الاسباب واسأل العلي العظيم الواحد الاحد ان يشفيج ويشفي كل مسلم اللهم امين يارب العالمين
وانا اعطيج نصيحه اخو لاتقعدين بروحج نهائيا حتى لو ثار عليج حاولي تقعدين مع هلج لو تسمعين سوالفهم لكن لاتقعدين بروحج وماعليج بأس ولا شر واجر ان شاء الله

روح الاطلس

26-06-2009, 08:25 PM

اختي سويتي اختبار النفخ ؟؟ لان غالباً امراض المعده والقولون تكون من جرثومة ولازم تسوين لها تحليل النفخ

ريال قطري

26-06-2009, 10:46 PM

مافيه غير الدكتور نزيه الدويك على مستوى قطر

وفيه دكتوره عراقيه توها منظمه الى ستاف مستشفى حمد وعندها مواعيد العصر

اسمها نغم الصراحه ممتازه

وشكرا

راسيه

26-06-2009, 11:07 PM

عن تجربه حمد اللعذبه

الكايـــده

26-06-2009, 11:24 PM

الكايـــده

26-06-2009, 11:25 PM

نجاح الزياني
مستشفى البحرين التخصصي

هالدكتوووره لها عياده خاااصه والا شلوووووووون ياليت اللي عنده فكره عنهاا يقووووووولي بليز ودوامها متى ابي رقمهااا لو سمحتوا

قدام

26-06-2009, 11:31 PM

الله يشفي الجميع .... بس ممكن نعرف ما هي اعراض القولون
للفايده بس
شكراا

روح الاطلس

27-06-2009, 01:29 AM

انا كان بدايه ميكروووب فالمعده وحاليا يقولون قولون بس ابي اتأكد :(

والله يشفيني ويشفيكم يارب تسلمون عالدعاوووي

بنت ذيااااااااااااااااااااب

اشكررررج على كل كلمه قلتييييييييها فعلا المفرووض انساااه بس انا توه جايني والم مب طبييييييييييييييعي يجي فجأه لي قدني طالعه والا قاعده مع حد اموووت منه :( يالله الحمد لله

بس ماعطوووني لامهديات ولاشي ووقت الالم بشوف حمدي لي جاااء ان شاء الله

راسيه

حمد العذبه عنده عياده فالاهلي والا طوارئ شلون لازم موعد ؟؟

بداية ميكروب ؟؟ معناها جرثومة نفس ماقلت وهذي لها علاج خاص بالمضادات الحيوية وهي سبب كل مشاكل القولون لازم تعرفين بالضبط تشخيص حالتك عشان تاخذين العلاج الصحيح ولا تعتمدين بس على الدكتور حمدي شوفي احد غيره وتأكدي ان الميكروب راح لان هو بالتأكيد سبب كل هالمشاكل والمشكله الدكاترة مايسوون فحص الجرثومة أول شي وعلى فكره هي منتشرة جداً واغلب الناس عندهم والبعض يشتكي من اعراض والبعض الاخر لا وفي اخر ابحاث بينت انها السبب الرئيسي لقرحه المعدة ان لم يتم علاجها واهملت .. شافاك الله وعافاك

قطري vip

27-06-2009, 02:48 AM

الدكتور حمد العذبه جيد بس ينفع اكثر للكبد والبطن بس القولون افضل حمدي الناس تشكره وعندج معاه عبدالوهاب اعتقد بعد بسمتوصف الجزيره وخليهم بالاول يعطونج العلاج الثلاثي للجرثومه وبعد اسبوع

من العلاج بتروح ان شاء الله ومن بعدها ابتدي علاج القولون ووبيكون حبوب طبعا واتمنى انه يروح منج

qatari_xp

27-06-2009, 11:46 PM

السلام عليكم ورحمه الله وبركاته

كيف حالكم جميعا ؟

بغيت استفسر عن أحسن دكتور للقولون ؟ وش رايكم في دكتور حمدي عياده الجزيره ومن عنده فكره متى بتخلص اجازته ؟؟

:telephone:

الدكتور حمدي بيداوم ان شاء الله 1/8/2009

وماتشوفين شر ان شاء الله

الذيب1

28-06-2009, 12:08 AM

انا بعد اقول.. الدكتور/ حمد العذبة ممتاز (من تجربة)

المقهوره

28-06-2009, 09:08 AM

للعلم بس القلون ماله علاج نهائي

هو العلاج بيد المريض

اذا كان عصبي فيبتعد عن العصبيه وشد الاعصاب

واذا كان قولون بسبب نوع الاكل فيبتعد عن البهارات وكل مهيجات القولون.

وعلى فكره الي يشرب العشرج كل شهر مايصيبه القولون

لان القولون سببه كثر الدعس الي ندعسه في هالبطن المسكين

انا كان فيني القولون ولله الحمد سمعت كلام امي الي كنت اضحك عليها يوم تقول لي اشربي عشرج وانتي تطيبين

وقطيت كل الحبوب والادويه وكلام الأطبه والتزمت بالاكل الصحي الي يشبعني مب يزيد عن طاقتي

وشربت العشرج الي ما اداني طعمه بس شنسوي اقلها احسن من الادويه الي مامنها فايده

الشعال

28-06-2009, 11:15 AM

صراحة ومن واقع تجربة نظم الاكل و راح تشفى انشالله

بنت الصقور

28-06-2009, 12:48 PM

د0 حمدي ممتاااز من واقع تجربه

الورده

28-06-2009, 01:34 PM

انا باقول لكم تجربتي معه انا لي معاناة من 20 سنه مع القولون ما خليت مكان ولا دكتور بدايتي مع دكتور رياض اللي في بقيق اول ما شافني وكانت ماسكتني ضيقه مهيب طبيعيه وكنت افكر في اني فيني سرطان قال انتي تفكرين في الخبيث قلت نعم قال مافيك اي شئ هذا قولون وهذا ماله الامهدئات وما ينقطع ابد وعليك بقراءة القرأن
صاريجيني باسهال اكرمكم الله بعض الاحيان 4مرات 5 مرات في اليوم وبلاسابيع جيت رياض الزعنون قال هذا وسواس تأقلمي مع الوضع هدى نفسك
رحت للعمادي في عيادته القديمه سوى منظار وقال لي قولون عصبي عطاني الحبوب الكرتون اللي فيه خط احمر
رجعت له وسوالي منظار ثاني ونفس الكلام
رحت للدكتور حمدي قال ما فيك الا قولون لازم الهدوء ثم الهدوء كنت يوم جيته وانا يمكن 7 شهور اسهال لدرجة من شافني تروع لانه نزل وزني
ومعه على العلاج مرن يا حليلي ومرن الله لا يوريكم حتى لدرجة اني شكيت في خداماتي انهم مسويين لي شئ
اخر اكتشافات الدكتور حمدي اني مع دوسنتاريا اميبيه خذيت العلاج ولازالت الحاله
انا قعدت مع نفسي وقلت علاجي بيدي
غيرت نظامي سواء من صوب الاكل صرت ما اكل الاالبرولا الجريش والارز الاسمر والروب والفواكه عامه
القهوة والشاي امتنعت منها في البدايه اشرب الحين فنجان واحد وبياله واحدة
اشرب شئ جديد وهذا من اختراعاتي شاي الشمر والنعناع يومياً يمكن زمزميه على طول اليوم
اشرب اكثر من 8 اكواب ماء من الصبح الين الليل
نسيت اقول لكم افتتح ريقي على ليمون وعسل وماء دافئ
وحاول اهدئ نفسي قد ما اقدر لاني عصبببببببببببببببببببببببببببه موت وهذا بلاي
وما اقول انه انقطع لكن 50 في المئه انا مرتاحه
انا مأخذة موعد عند نجاح الزياني بس شكلي باروح قبل للدكتور الاهلي
ارجو اكون افدتكم ما ابي الادعوة طيبه منكم بس ياليت تسوون تجربتي واللي يستفيد ياليت يقول لنا
عليكم بالاذكار وقراءة القرأن وخصوصاً سورة البقرة والتأمل ولاسترخأ

بيسان

28-06-2009, 01:55 PM

اخي انصحك بكوب ماء + ملعقة زيت زيتون + نصف ليمونه + برشة زنجيبل صباحاً على الريق
لاغراض معالجة القالون
وسلامتكم

بيسان

28-06-2009, 01:59 PM

غيرت نظامي سواء من صوب الاكل صرت ما اكل الاالبرولا الجريش والارز الاسمر والروب والفواكه عامه
عليكم بالاذكار وقراءة القرأن وخصوصاً سورة البقرة والتأمل ولاسترخأ

كلام سليم 100%
الانسان حصيلة ما يأكل
فهذه دعوة عامة للجميع، لتغيير نظامه الغذائي وخاصة اهل الصحارى، انصحهم باتباع ما ورد بالسنة (طعام رسول الله صلى الله عليه وسلم) وخاصة ان لكل منطقة نوع خاص من الاغذية اللازمة

اتمنى من الجميع ان يستفيد من تجربتك اختي
وشافاكم الله جميعاً

طبعاً لا تنسو الينسون فهو مساعد ايضاً على تهدئة التهيج في القولون

الكايد احلى

28-06-2009, 04:16 PM

السلام عليكم اختي ..

عزيزتي انا اختي صار لها 17 سنه تعالج بالدوحه ومحد عرف شنهي مشكلتها لين مادلوها على الدكتوره نجاج بالبحرين بصراحة كلمة شاطرة شوووي عليها وهي الوحيدة اللي عرفت مرضها ويسمى بالكرونز ..

كذلك الوالده صادها الله يعزكم ويعز الملائكة اسهال وترجيع ومافيه مستشفى خاص ماجاته وبالاخير قالوا لها بنقطع جزء من الامعاء لين ماراحت للدكتورة نجاح وقالت السبب وجود بكتيريا بالمعدة .. وبس

انا بحط رقمها عالعام علشان الكل يستفيد

0097317812100

الكايـــده

28-06-2009, 05:04 PM

كلمت الدكتوره نجااااااااااااح قالت لي مافيه مواعيد الا شهر 9 :( ابي الحيييييييييين والله اني تعبانه :(

حد يعرفها ياخذ لي موعد

الكايـــده

28-06-2009, 05:05 PM

ومشكورين خواتي ماقصرتوووووووووووووووووووا

بنت ذياب

28-06-2009, 05:11 PM

كلمت الدكتوره نجااااااااااااح قالت لي مافيه مواعيد الا شهر 9 :( ابي الحيييييييييين والله اني تعبانه :(

حد يعرفها ياخذ لي موعد

فديتج :( تصبري لين شهر 9 .. احسن من ماتروحين عند اي حد ويخربط عليج

طيب سويتي منظار ..؟؟ وتاكدتي من اللي فيج ؟؟ ومن قالج ان اللي فيج قولون ؟؟

عموما انا اذا عورني قولوني .. اشرب جاي اخضر ولا يانسون ولا اي شي من هالاعشاب

وااااااايد يخف ..

تحلصينهم بالجمعيات ..اشتري كراتين واشربي.. عن نفسي مااتخلى عنهم .. حتى لو مافيني شي

بنت ذياب

28-06-2009, 05:15 PM

اي ونسيت اقولج بعد .. في اعشاب تحصلينها بالجمعيات واي مكان.. خاصه للقولون .. مكتوب عليها للقولون

ووايد تخفف من الالام .. عموما الاعشاب بشكل عام تريح ..

خصوصا الصبح الالم يزيد صح ؟؟؟

اخبر قبل .. كنت قبل لا اطلع الصبح .. اشرب لي يا يانسون يا جاي اخضر يا بابونج

لين يومج هاي .. تعودت .. :d

وماتشوفين شر حبيبتي ,, :(

الكايد احلى

28-06-2009, 05:41 PM

كلميهم مرة ثانية وقولي لهم ابي ايرجنت لانك تعبانة والله يسهل عليك

الكايـــده

28-06-2009, 05:44 PM

فديتج :( تصبري لين شهر 9 .. احسن من ماتروحين عند اي حد ويخربط عليج

طيب سويتي منظار ..؟؟ وتاكدتي من اللي فيج ؟؟ ومن قالج ان اللي فيج قولون ؟؟

عموما انا اذا عورني قولوني .. اشرب جاي اخضر ولا يانسون ولا اي شي من هالاعشاب

وااااااايد يخف ..

تحلصينهم بالجمعيات ..اشتري كراتين واشربي.. عن نفسي مااتخلى عنهم .. حتى لو مافيني شي

الله يعين مافيه الا اتصبر لان حمدي مب جاي لا اول 8 ونجاح اول 9 :(

اللي قالوا لي قولون حمد وعطوني اسوي منظار بس مابغيتهم يلعبون فيني لين اشووف بس متعبني حده :( ويدك علي ف اوقااات اكون فيها رايقه ويخرب علي :weeping::weeping:

الله كريييم

الكايد احلى

قالت مايصير كلهم ارجنت :(

بنت ذياب

28-06-2009, 06:11 PM

الله يعين مافيه الا اتصبر لان حمدي مب جاي لا اول 8 ونجاح اول 9 :(

اللي قالوا لي قولون حمد وعطوني اسوي منظار بس مابغيتهم يلعبون فيني لين اشووف بس متعبني حده :( ويدك علي ف اوقااات اكون فيها رايقه ويخرب علي :weeping::weeping:

الله كريييم

الكايد احلى

قالت مايصير كلهم ارجنت :(

امممممممممم ... يعني ماسويتي منظار

عالاقل لو سويتي منظار .. بتعرفين شفيج بالضبط ..بكتيريا ولا قولون ولا شنو:(

عموما ترى المنظار مايخرع ومب شي خطير ..

انا ماسويت بالدوحه .. سويت بالخارج .. وعطوني بنج ورقدت , ماحسيت بنفسي..

مايخرع :( لاتخافين ..

وانتظري الدكتور حمدي عالاقل بيرجع شهر 8 .. وان شاء الله ترتاحين على ايده :(

ماتشوفين شر .. سلامتج :(

q6r2009

28-06-2009, 10:34 PM

السلام عليكم والرحمه00

الشيخه ماتشوفين شر00

الدكتورة نجاح شاطرة واخوي يتعالج عندها من 3 سنوات00
احجزي لك موعد وثبتيه وسافري البحرين وروحي الطواري وعلى حسب حالتك اذا محتاجه الدكتورة ماراح تقصر وبتعاينك00

وماتشوفين شر مره ثانية00

وبالنسبه لدكاترة قطر اللي ذكرتوهم كلهم اسمحولي اخالفكم الراي00

اعرف واحد طاح مريض واول ماجاه الله يعزكم اسهال وترجيع وماخلى عياده ولا دكتور واخرتها عيادة العمادي جاهم دكتور مناوب وطلبوه عشان يشوفه وقرر عليه يقطع من الامعاء لانها الحل الوحيد وسوا العمليه وساءت حالته اكثر وسافر لتايلند واكتشفوا ان اللي معه مرض كرونز وماكان يحتاج لقطع امعاءه00والحمدلله مستمر عالعلاج وصحته زينه00

وانا عن تجربه ما أثق بدكاترة مستشفى حمد بالمــــــــــــــــــــره--