برنامجكم ((( بعنــــا وشرينــــ)))5/4

[مغروور قطر]

مرحبا اخواني مبروك للي شراء اليوم وباع انا عني في خاطري اشتري المصرف وان شاء الله اشتري بس تراجعت قلت يمكن اصيده بأقل بأذن الله


تحياتي لكم

[إنتعاش]

هلا فيك اخوي الكريم

انا اليوم بالطببببع لا شريت ولا بعت

واراقب السوق واقول . . . الله يفرج هالوضع هذا

واعتقادي انه كله من قرب نزول الناقلات + اكتتاب دلاله + اكتتاب العقاريه + اكتتاب المتحده + اكتتاب السلام + دخول الاجانب والوضع الجديد

كل هالاسباب تأثر مره وحده في تكديس الاحداث في فتره زمنيه وجيزه جدا جدا

في تنزيل السوق . .

وهاذي النشره الاخيره للاسعار اليوميه :


مقارنة ما بين اسعار الامس واليوم

الوطني320 - 303.9
التجاري 251.1- 236.9
المصرف 507.5 - 484.3
الدوحه 244 - 233.7
الدولي 339 - 321.4
الاهلي 146.4 - 139.1
قطر تامين 240 - 238
دوحه تامين 99.9 - 91.1
الخليج تامين 305- 305
العامه تامين453.5 - 499.9
الاسلاميه تامين 326.2 - 321
التحويلية 83.5 - 79.4
اسمنت 350 - 340
مطاحن 59 - 59
صناعات 230 - 217.2
متحده 112 - 101.4
الطبيه 52.2 - 49.9
كيوتل 317 - 291.9
كهرباء 112.7 - 104.4
نقل 181 - 170.1
عقاريه 183.4 - 174.3
سلام 60.5 - 57.5
اجاره 81.7 - 77.7
ملاحه 194.2 - 184.5
تخصصي 93 - 89.4
فحص فني 85 - 80.5
سينما 83 - 83
وقود 145.2 - 138
مواشي 57 - 54.2
مخازن 66 - 62.7

[azgert]

بكره 5 % نزول الله يعين ونصبر علا الهبوط بل لو 10% كان صج دخنا من قلب
لابعت ولا شريت ما فيه مجال
http://www.tayob.com/up/files/azgert-1112070612.gif

ربك كريم :(

[bo_yousif]

هلا اخوي مغرور ،،،

والله يوفقك بما تسعى له انشاء الله ،،

انا سمعت نصيحتك (( بالامس )) وشريت في السلام وقدمت طلب ولكن ما ارسلو مسج بالشراء هم باعواا 4700 سهم وانشاء الله يكون لي نصيب فيها ..

واتمنى التوفيق للجميع

[مغروور قطر]

يمكن فيها خيره اخوي ابو يوسف وان شاء الله تشتري بكره بأقل سعر قول امين ويوفقك الجميع يارب

[قطر]

السلام عليكم


طبعا اليوم ماتحركنا مجرد مشاهدين

انتعاش ليش اتحط الاسعار اتحطمنا اكثر


بويوسف

ان شالله فيها خيره وتاخذ السلام بكره بسعر اقل باذن الله


:)

[bo_yousif]

أذن ياشباااااااب

الصلاة الصلاة ..

ولا تنسون ادعولي ان ربي يهديني واتزوج ،،،

هههههههههههههههههههههههههههههههههههه

[boabdullah]

من باع؟؟؟؟؟؟؟

من شرا؟؟؟؟؟؟

الأجابة عندي :

اللي باعوا الله يسامحهم هم اللي يبون يثبتون سعر اللمت دوان

وأنجحوا في فكرتهم

واللي شرا الله يعينه على الأيام الجاية

أرد وأقول يوم أصعب من أمس والله يستر من الجاي

وأنا عن نفسي مابعت لأني لو أبيع راح أعلن الخسارة وهذا مستبعده نهائيا"

الحمدالله على كل حال في اللي رايح واللي جاي

بوعبدالله :) :)

[رجل شرقي]

مجرد مشاهدين .... فيديو كليب ..!!!

[الوضع ما يطمن]

هلا فيك اخوي الكريم

انا اليوم بالطببببع لا شريت ولا بعت

واراقب السوق واقول . . . الله يفرج هالوضع هذا

واعتقادي انه كله من قرب نزول الناقلات + اكتتاب دلاله + اكتتاب العقاريه + اكتتاب المتحده + اكتتاب السلام + دخول الاجانب والوضع الجديد

كل هالاسباب تأثر مره وحده في تكديس الاحداث في فتره زمنيه وجيزه جدا جدا

في تنزيل السوق . .

وهاذي النشره الاخيره للاسعار اليوميه :


مقارنة ما بين اسعار الامس واليوم

الوطني320 - 303.9
التجاري 251.1- 236.9
المصرف 507.5 - 484.3
الدوحه 244 - 233.7
الدولي 339 - 321.4
الاهلي 146.4 - 139.1
قطر تامين 240 - 238
دوحه تامين 99.9 - 91.1
الخليج تامين 305- 305
العامه تامين453.5 - 499.9
الاسلاميه تامين 326.2 - 321
التحويلية 83.5 - 79.4
اسمنت 350 - 340
مطاحن 59 - 59
صناعات 230 - 217.2
متحده 112 - 101.4
الطبيه 52.2 - 49.9
كيوتل 317 - 291.9
كهرباء 112.7 - 104.4
نقل 181 - 170.1
عقاريه 183.4 - 174.3
سلام 60.5 - 57.5
اجاره 81.7 - 77.7
ملاحه 194.2 - 184.5
تخصصي 93 - 89.4
فحص فني 85 - 80.5
سينما 83 - 83
وقود 145.2 - 138
مواشي 57 - 54.2
مخازن 66 - 62.7

الاسعار خسف

[دهن العود]

أنا اليوم شريت أسهم الاجارة بسعر 77،7

وقلت خلاص ما راح أشوف شاشات العرض الا بعد أسبوع علشان ما شوف اللون الاحمر اللي مليان في البورصة

وأتشائم

[roadrunner]

انا مابعت ... بس عرضت اسهم العقارية على اللمت اب ... يعني .. ماعط روحي امل شوي :d وشفت البيع على العقارية كان ظارب التوب 494 سهم .. قلت بس باقي قدامي 1000000 طلب .. يعني قرب دوري.

الله يكون بالعون

[ضايق الصدر]

انا حاط عرض بيع اجارة وما تنفذ
وكنسلت بيع الصناعات والوقود

[مغروور قطر]

الله يعطيكم العافيه وسحبو الطلبات الين ينتعش السوق

[ضايق الصدر]

المشكلة مش في صغار المستثمرين

[ضايق الصدر]

الي انا شايفة انة هناك جني ارباح من عدة محافظ كبيرة

[مغروور قطر]

اخوي ضايق انا التوقع لمشكله الكبرا من صغار المستثمريين انت شوف العرض الكميات كبير جدا واعتقد ان لكل خايف فا يعرض قبل فوات الاوان هم لو يمسكون بيرتفع السوق ولكل يبي سيوله للغاز وخاصه الاكتتاب في بعض الشركات منها المتحده والعقاريه والسلام فا هذي هي الحقيقه السوووق

[سهم عتيج]

اسمحوا لي اني أضع بين ايديكم هذه الاحصائيات البسيطة والتي عملتها لتداولات اليوم لعلها تفيد المتابع جيدا للسوق

أولا من حيث قيمة التداول
فان قيمة التداولات كانت فقط 91 مليون وثمانمائة الف ريال فقط,, وهي اقل بكثير من معدلات التداولات اليومية في الأسابيع القليلة الماضية حيث تصل قيمة هذه التداولات اليومية الى أقل من 20% من متوسط التداولات في الأسابيع الماضية

ثانيا: حجم التداولات
بلغ عدد الأسهم المتداولة 375 الف سهم تقريبا وهو عدد صغير جدا مقارنة مع عدد الأسهم المتداولة في الأيام السابقة حيث وصلت في بعض الأحيان الى اكثر من 4 ملايين سهم تداول في اليوم

ثالثا.. اكثر الأسهم تداولا

حيث احتل المصرف الترتيب الأول من حيث كمية الاسهم المتداولة ب 69500 سهم تقريبا وجاء النقل البحري في المركز الثاني بعدد 43 الف سهم تقريبا.. ويعزى ذلك الى ان الجمعيتين لهذين السهمين لم تنعقدا حتى الآن

ولكن الشيء الغريب هو ان سهم الصناعات احتل الترتيب السابع من حيث كمية الأسهم المتداولة بعدد 25500 سهم تقريبا..

أخيرا :: بالنسبة لقيمة الأسهم المعروضة للبيع في آخر التداول فان قيمتها الاجمالية توازي ال 600 مليون ريال تقريبا,, وهذا ما يجعلنا نضع علامة تعجب حيث انها تمثل تداول ليوم واحد فقط,, ولا ندري من يعرض هذه الكميات بهذا السعر,, هل هم صغار المستثمرين ام المحافظ المالية الكبرى للتأثير على الأسهم أكثر للنزول ومن ثم شراءها بأسعار متدنية,, حيث كما ذكرت ان قيمة الأسهم المعروضة في آخر التداولات لا تمثل سوى يوم تداول واحد في المتوسط مقارنة مع الأيام السابقة للتداول ومن السهولة شراءها من قبل المحافظ المالية الكبرى..

واسمحوا لي على الاطالة..

والله يوفق الجميع..

[مغروور قطر]

لاحظو الفرق سعر كيوتل في بورصة الدوحة 291 وبورصة بو ظبي 334 فهل يعقل فرق السعر الكبير تقريبا 43 الاف ريال قطر يعني عمليه بسيطه تشتري في قطر وتبيع في بوظبي

[بيل جيتس]

صراحه انا اليوم سكرت الشاشه وما تابعت السوق شفته اول الصباح وجمت مسكر الشاشه تراه تحطيم للاعصاب :mad: :mad: :mad: :mad: :mad:

والله يستر علينا ويرزقنا من خيراته

بس قول يـــــــــــــــــــــارب

[مغروور قطر]

اخوي بيل جيتس امين يارب

[بيل جيتس]

تراني اليوم مبتلي ببالوتين

الاولى النزول الحاد للسوق

الثانيه ترانى اليوم رايح ابيع النقل البحرى قالوالى الاخوان ببنك قطر ما عندك اسهم !!! قلت اشلون ومني ومناك تراهم بايعينها من 17/2/ وانا ماعندى خبر . من وين جابوا ها الاوردر والله انا مادري . لا وكل يوم حارق اعصابى على نزول هلسهم .\\

راجعت اوراقي تراني حاط اوردر بيع في شهر يناير وحتى نهاية الشهر مادرى اشلون دول بايعين فى شهر فبراير

الحين اشلون الحل وياهم

الله يعينا

[مغروور قطر]

اخوي بيل جيتس انت ماكنسلت الطلب والطلب حق كم يوم مخليه واذا باعو انت وماكنسلت الله يعوضك ان شاء الله

[بيل جيتس]

اخوي مغروور الطلب يتكنسل اوتوماتك نهاية شهر يناير والاخوان بايعين فى 17/2 يعنى بشهر فبراير

الطلب 16/1/2005 وحتى نهاية الشهر :mad: :mad: :mad: :mad: :mad:

المفروض يكون الطلب متكنسل اولردي

[ابوعلي اليافعي]

مساء الخير اخوي مغرور والاخوان العضاء ..طبعا اليوم كالعاده لا بيع ولا شراء ..بس متفرجين ومتعجبين من الي يحصل..عالعموم انا املك محفضه من اسهم شركات لم توزع بعد فاذا لم ترتفع الى الحد المعقول للبيع والا اخذنا الارباح والاسهم المجانيه واكتتبنا والله كريم انشالله بيجيها يوم وتتعدل الاسعار...واقول حق الي لديهم اسهم خاسره الحل الوحيد الصبر وعدم متابعة السهم هذه الايام حفاظ على صحتهم ونفسيتهم ..ونشالله الاسبوع الجاي بالكثير راح يتغير الوضع..وسلامتكم

[بيل جيتس]

ياترى يا ابوعلى ويش توقعاتك للسلام وين راح يوصل سعره ترانى شارى فيه وهو الامل الوحيد لدي الان بعد ماطار النقل مني

الله يعوضنا فيه خير ان شاء الله

[مغروور قطر]

الله يحيك اخوي ابو علي والله يوفقك يارب اخوي بيل جيتس تقدر تحجهم ويشترون لك الاسهم المباعه انا اعرف واحد صار له نفس حركتك وشرو له مره ثانيه الشركه

[ابوعلي اليافعي]

والله ياخوي بل جتس..اخاف امدح السلام يقولون اني شاري فيه..لكن يكفي اني اقولك ان كل اعلان من الاعلانات الخمسه الي كانت في الموتمر الصحفي مفروض ترفع السهم لمت اب ..لكن الحظ خلا الاعلان ينزل مع نزول السوق فماكان له تاثير كبير..عالعموم السلام شركه تبشر بخير ومشاريع كبيره قادمه يعني لو مارتفع السعر الافضل الاكتتاب لان السعر سيرتفع حين الاعلان عن الاكتتاب فالشركه العقاريه(بنيان)او عند ادراج اسهمها في دبي والكويت..او عند الاعلان عن النتائج الربعيه..وانا ناوي اشتري فيه عندما يستقر السعر حتى اعدل الافرج..

[الوهم]

<< متفرررج لا يبيع ولا يشترري

[عزيز]

لاحظو الفرق سعر كيوتل في بورصة الدوحة 291 وبورصة بو ظبي 334 فهل يعقل فرق السعر الكبير تقريبا 43 الاف ريال قطر يعني عمليه بسيطه تشتري في قطر وتبيع في بوظبي


السلام عليكم ياخوان

اقدر اشتري في قطر وابيع في بورصه بوظبي؟؟ متأكد من هالكلام اخوي ولا تقوله حق ترفع المعنويات :d :d

تحياتي لك اخي العزيز :)