رحله الى هونكونج, ماليزيا ,تايلند , مقترحاتكم افضل الاماكن للزياره

[اهل قطر]

لو كانت عندكم رحله لهذي البلدان بغيت الي مر بها يعطينا تجاربه
هونكنج , ماليزيا , تايلند ,
كم يوم تكفي لكل بلد ؟
افضل الاماكن للزياره ؟

الاكل الحلال متوفر والا لا ؟

اقتراحاتكم وملاحضاتكم ؟

وايش طول الرحله من قطر لهونكنج

[ROSE]

السلام عليكم ورحمة الله وبركاته

بامكانك زيارة هذا الموضوع للاطلاع على تقارير الاعضاء

وان شاء الله راح تستفيد

http://www.qatarshares.com/vb/showthread.php?t=259456

وهذي ملف شامل لماليزيا

http://www.qatarshares.com/vb/showthread.php?t=120537&highlight=%E3%C7%E1%ED%D2%ED%C7

[كركور]

بخصوص تايلند بلد روعه وانا رايح لها العام اهم شي تزور بوكيت وبتايا واحلى الرحات هي البحريه اما بانكوك حدها يومين حق التشري وتايلند في المطاعم العربية والايرانيه

[لوردغاليري]

تايلند رووووعه
والطريق ال هونكونج10ساعات ونصف من الدوحه

[نسيم الجنوبي]

ماليزيا رووعه لانها بلاد مسلمه وفيها حلال وفيها اماكن حلوه عندك بنجن المائيه وجنتنج الفندق الي فوق الجبل وفي نفس الفندق تنزل تحت وتاخذ سكاي ترين << القطار المعلق الي كنه صندوق ويوديك مكان ثاني وفي اماكن مثل ماقلت بعد تنزل تحت وفي مطاعم وسوق واماكن ماشاء الله حلوه
وعندك السانوي لاجون القريه المائيه الثانيه وعندك حديقة الفراشات وفي اماكن وايد وانصحك اذا اول مره خذ
معاك مرشد سياحي كأول مره تروح فيها وعقب ماتحتاج ان شاء الله

تايلند العيب فيها انها مب نضيفه يعني ذيك النظافه ماتصلح وايد وايد حق عايله هي زينه حق التشري النانا ستريت وعندك بتايا روعه حق البحر وفيها بنانا وسكوترات وبراشوتات وفيها غواصه تنزلك تحت 9 امتار ولااكثر شوي وفي مكان تنزل مشي تحت البحر 6 او7 امتار ومصنع البوذا وعندك النهر الي فيه سوق ولاكن اعوذ بالله من الشيطان نسيت اسمه لاكن بيقولون لك عنه وبعد في تايلند انصحك بمرشد سياحي لان في تايلند
مايعرفون انجليزي كلش كلش يعني نادر ماتعين حد يتكلم انجليزي وخذ لك بعد رحله سفاري ومجمع ان بي كي طوكيو مجمع 10 طوابق يمكن يبيلك 3 او 4 ايام لين تخلصه وفيه سينما ثري دي بعد جربها ولا يقصون عليك في المشتري دايما قط من القيمه الي هم يبونها نص الصعر وذا مارضو زيد شوي على نص السعر واتمنى لك يالغالي رحله سعيده ان شاء الله تروح وترجع بالسلامه