الهــــــــديـــــــــة

[هتـان قطر]

الهــــديــة..هي لغة التواصل بين الناس..

الهدية جمعت كلمات الحب..والصداقة..والاعتذار..والشكر

قال صلى الله عليه وسلم " تهادوا تحابوا "

فلقد رغب عليه الصلاة والسلام في تقديم الهدية

وحبب في قبولها..

اتذكر يوم كنت صغيرة والى الان..النساء بالذات يتهادون

اتذكر أمي لما تفتح الصرة واحنا ننتظر بلفة وشوق شاللي بيكون

داخلها..وغالبا تكون قطع من القماش وعطر ..وعود او بخور


وأمي نفس الشي ..لما نروح لاحد أقاربنا لازم تاخذ معها صرة مليانه

من اقمشه وما شابه ذلك..



تطورت الهدية في وقتنا هذا..واصبحت الهدايا مبالغ فيها

من حيث قيمة الهدية..ومن حيث تغليفها

انا من وجهة نظري..ان قيمة الهدية المعنوية تفوق اضعاف مضاعفة

قيمتها المادية..أحب الهدايا بين الاهل خصوصا اذا ما كان فيه مناسبة

اكيد بيكون وقعها في القلب له طعم أخر..

الهدية تقرب القلوب..وتذهب ما بها من شوائب ..وتفتح أفاق جديدة

للحب وللصداقة..

وقد ترجم العالم الغربي مارشال سالنز هذا المعنى حين قال : " اذا كان الاصدقاء

يتبادلون الهدايا فإن الهدايا هي التي تصنع الاصدقاء " .


اترك المايكرفون لكم..

:nice:

[Orion]

لاشك أنه تبادل الهدايا أمر محبوب ومرغوب به بل وأكاد أن أجزم أنه يُحبب النفوس لبعضها مهما أختلف البعض فلا يوجد أنسان على وجه الأرض مهما بلغ من المكانه أو الثراء لا يفرح بالهديه.

لكن للأسف الظاهر أنه عادة تبادل الهدايا في طريقها للأندثار ووصلت لهاي الأستنتاج الشخصي لأني من يوم تخرجت من الجامعه الين اليوم ما شفت ولى هديه باستناء هديه المُنتدى الي جاتني قبل فتره:weeping:

[PoBox]

من يوم تخرجت من الجامعه الين اليوم ما شفت ولى هديه باستناء هديه المُنتدى الي جاتني قبل فتره:weeping:

:funny:


===========

ماحب الهدايا الا من الوالدين اوالزوجة والابناء فقط لاغير
حيث يستحيل فيها دخول نية اخرى او اجبار اجتماعي وتكون نابعه من القلب فعلا
ولايتكلف فيها صاحبها بكثرة التجمل فيها
باختصار
تكون صافية
- راي شخصي -

[حلا]

قال صلى الله عليه وسلم " تهادوا تحابوا "

عن تجربه طبقتها وماندمت......

شكرا عالموضوع الحلو...

تقبلي مروري ..حلا..

[هتـان قطر]

لاشك أنه تبادل الهدايا أمر محبوب ومرغوب به بل وأكاد أن أجزم أنه يُحبب النفوس لبعضها مهما أختلف البعض فلا يوجد أنسان على وجه الأرض مهما بلغ من المكانه أو الثراء لا يفرح بالهديه.

لكن للأسف الظاهر أنه عادة تبادل الهدايا في طريقها للأندثار ووصلت لهاي الأستنتاج الشخصي لأني من يوم تخرجت من الجامعه الين اليوم ما شفت ولى هديه باستناء هديه المُنتدى الي جاتني قبل فتره:weeping:


خوش هدية عطوك اياها المنتدى..ان شالله ما يهدونا مثلها :nice:

اتفق معك في حب البشر الفطري للهدايا..حتى ان قدوتنا وحبيبنا محمد

صلى الله عليه وسلم..قبل الهدية

في هذا الوقت قل تبادل الهدايا بين الاهل..اللهم بين البنات وصديقاتهن

في المدارس والجامعات..بمناسبة وبغير مناسبة

اتمنى ترجع الكسوة بين النساء..مثل ما كانت في زمن امهاتنا وجداتنا:weeping:

[هتـان قطر]

:funny:


===========

ماحب الهدايا الا من الوالدين اوالزوجة والابناء فقط لاغير
حيث يستحيل فيها دخول نية اخرى او اجبار اجتماعي وتكون نابعه من القلب فعلا
ولايتكلف فيها صاحبها بكثرة التجمل فيها
باختصار
تكون صافية
- راي شخصي -





بوبوكسنج..اخبار موضوع الكسالى والشاطرين..؟؟

نزلته وتركته..خسارة كان موضوع حلو..:omen2:

الهدايا بمجملها حلوة اذا كانت مهداة من قلب محب

بدون أي مغزى من وراها ..

مثلا البنت تهدي امها هدية بسيطة في اي وقت ومهب تنتظر لين يجي عيد الام..!!

بخصوص الاباء والامهات..انا كوني أم اشوف اني مقصرة في هالشي

لانهم ما يتركون لي مجال اهديهم..طلباتهم بحد ذاتها كثيرة

لذلك ما الاقي فرصة اني اهديهم..

مرة من المرات تذكرت عيالي الكبار..فقلت ليه ما اشتريلهم غرشتين عطر

واغلفهم..اكيد بيستانسون..وفعلا فرحوا بالهدية مع اتها بسيطة..بس كلمة

الولد الكبير تمت في قلبي..قال ..اخييييرا تذكرتي لك عيال تهدينهم..؟؟؟:eek5:

وفعلا البنات ماخذين اكثر من حقهم..لا وياخذون هدايا لصديقاتهم..مساكين الصبيان

[هتـان قطر]

قال صلى الله عليه وسلم " تهادوا تحابوا "

عن تجربه طبقتها وماندمت......

شكرا عالموضوع الحلو...

تقبلي مروري ..حلا..

فعلا ماراح يندم من اهدى ومن قبل الهدية..

الهدية تعتبر من السنن التي سنها نبينا عليه الصلاة والسلام

احلوت ايامك يا حلا :)

[هتـان قطر]

ملعوبة حلوة :nice:

الله يهدينا ويها
دايما يحط نفسه في مواقف محرجه .



الله يهدي الجميع..

طيب اخوي فاكس..متى اخر مرة اهديت فيها شخص

ومتى اخر مرة احد اهداك هدية..؟؟
جاوب..:omen2:

[فاكس727]

الله يهدي الجميع..

طيب اخوي فاكس..متى اخر مرة اهديت فيها شخص

ومتى اخر مرة احد اهداك هدية..؟؟
جاوب..:omen2:


حتى لا نخرج عن الموضوع الشيق*


نعم اختي هتان ’’’’الجواب على سؤالك بتحديد (متى)

خلال العشر الايام الماضية ’ اهداء لي واهدية والحمدلله :)



ولا تسألني وش تكون الهدية *

[هتـان قطر]

حتى لا نخرج عن الموضوع الشيق*


نعم اختي هتان ’’’’الجواب على سؤالك بتحديد (متى)

خلال العشر الايام الماضية ’ اهداء لي واهدية والحمدلله :)



ولا تسألني وش تكون الهدية *


تمنيت اني ما حددت السؤول..:secret:

علشان نعرف وش هي الهدية ومن من..؟؟

وهل كانت بمناسبة او بدون..؟

وكيف كانت نفسيتك بعد قبول الهدية..وهل زاد التقارب بينك وبين الشخص المهدي؟؟

فيصل القاسم..مهب هتان قطر :shy:

[ANONYMOUS]

الهديه بالفعل لها مفعولها



جا في بالي بيت شعر..

كل جرح فات مني لك هديه.. وش بلاك تخاف من رد الهدايا

اللي ابي اعرفه.. هل الشاعر.. يبي ينجرح.. ولا وش يبي في رد الهدايا.. ؟

[شاهيناز]

حلو الموضوع اختي هتان

الهديه حلوه وخاصه اذا جات من الناس الي نحبهم

احب الهدايا البيسطه

وخاصه هدايا الاطفال

في يوم الام بنت اختي لصغيره اهدت لي صحن ملونته في كافيه سراميك حطيته في مكان بارز في غرفتي عشان اشوفه دوم

وفي الفلنتاين بعد بنت اختي الي اكبر منها اهدتني وساده حمرا عليها صوره دبدوب

لكن للاسف في ناس ماتعرف للهدايا البعض يعطي هديه غاليه وتضطر تشتري له هديه مثلها

جذيه ماحب اتعامل مع عشاق الهدايا الغاليه احس انها مب من القلب

واخر مره اهديت فيها هديه كان لاحد شبابنا شريت له ملابس المان يونايتد

وتسلمين مره اخرى

[هتـان قطر]

الهديه بالفعل لها مفعولها



جا في بالي بيت شعر..

كل جرح فات مني لك هديه.. وش بلاك تخاف من رد الهدايا

اللي ابي اعرفه.. هل الشاعر.. يبي ينجرح.. ولا وش يبي في رد الهدايا.. ؟


انا فهمت غير اللي فهمته anonymous

اعتقد ان الطرف الاخر خايف من الجرح..وهو يا ما جرح من غير ما يكترث

[هتـان قطر]

حلو الموضوع اختي هتان

الهديه حلوه وخاصه اذا جات من الناس الي نحبهم

احب الهدايا البيسطه

وخاصه هدايا الاطفال

في يوم الام بنت اختي لصغيره اهدت لي صحن ملونته في كافيه سراميك حطيته في مكان بارز في غرفتي عشان اشوفه دوم

وفي الفلنتاين بعد بنت اختي الي اكبر منها اهدتني وساده حمرا عليها صوره دبدوب

لكن للاسف في ناس ماتعرف للهدايا البعض يعطي هديه غاليه وتضطر تشتري له هديه مثلها

جذيه ماحب اتعامل مع عشاق الهدايا الغاليه احس انها مب من القلب

واخر مره اهديت فيها هديه كان لاحد شبابنا شريت له ملابس المان يونايتد

وتسلمين مره اخرى

هلا شاهي..اتفق معك احب الهدايا البسيطة جدا لانها بتكون معبرة اكثر

واحبها اكثر لما تجي فجأة من غير مناسبة..

اتصدقين بنتي البكر يوم كانت في الابتدائي ..اهدتني ورقه فيها صورة عائلة

وتحتها كاتبه كلام حلو عن الام وحبها وحنانها لعيالها..ومازالت هذه القصاصة

عندي ومحتفظه فيها ..تعبيرها كان غير بالنسبة لي..

المبالغة في الهدايا..وشوفوني كيف هداياي وكأني اتحداكم تهدون مثلها..ابدا ما ارتاح لها

وحتى قبولها بيكون شكليا فقط..وبيخليني أفكر كيف أقدر أرد الهدية بأحسن منها

شاكرة اضافتك المميزة شاهي..:)

[ANONYMOUS]

انا فهمت غير اللي فهمته anonymous

اعتقد ان الطرف الاخر خايف من الجرح..وهو يا ما جرح من غير ما يكترث

مممم

في بداية الابيات يقول.. مابقى لي قلب.. يشفع لك خطيه..
معناته ان الخطايا دائما من الطرف الاخر مب من الشاعر نفسه..

جايز.. :rolleyes2:

ماعلينا.. :)

سوعال عام.. طالما فتحتي لنا شباك.. نسأل..

عادة.. ماهي هدية البيت الجديد ..يعني سكنوا بيت جديد.. وقرائب من الدرجه الاولى... ؟


نستقبل اقتراحاتكم ع الخاص.. لمن يجد الحرج ع العام

وشوكرن

[ROSE]

ههههههه ذكرتيني بمثل دايما اردده لما يقولون لي تموتين على الهدايا

انا غنيه واحب الهدية :tease:

تذكرت يوم صغيره وللحين هالطبع فيني

من حد يجي من السفر

لما كنت صغيره انط صوب الشنطه واقعد اطالع متى بيطلعون هديتي

والحين لما كبرت اقعد بعيد واترقب شنهي الهدية ولو ماجابوا لي شي


ماكلمهم عدل فتره بعدين احاول اغير من اسلوبي (( طبع فيني ادري انه مب شي بس مدري ليش متطبع فيني هالطبع عكس اخواني واختي ))


المهم


الهدية حلوه ببساطتها والله ياهتان ماتتصورين قيمة الوردة عندي

لو وحده تهديني ورده وكانها اهدتني كنوز الدنيا


احب اهدي وانهدي مش بخيله من هالناحية

اكثر شخص يحصل هدايا مني اختي واخوي الصغير

واكثر شخص احب اهديه هي حبيبة قلبي عضوه معانا بالمنتدى مابي اذكر اسمها

هي تعرف نفسها


عيالي فديت قبلهم لما يهدوني دايما متعودين يهدوني ورد وشي ثاني بسيط

وعلى طاري بنتج اذكر اول رسالة اهدتني اياها بنتي وكانت بالصف الاول

للحين محتفظه فيها مع رسمها وخطها

واول هدية من ولدي لما كان في الروضه صحن ورقي ابيض وراسم فيه وحده

انها انا وكاتب تحت الصوره "ماما" :shy:


وفيها وردها بعد


تسلمين على هالموضوع الحلو

[هتـان قطر]

مممم

في بداية الابيات يقول.. مابقى لي قلب.. يشفع لك خطيه..
معناته ان الخطايا دائما من الطرف الاخر مب من الشاعر نفسه..

جايز.. :rolleyes2:

ماعلينا.. :)

سوعال عام.. طالما فتحتي لنا شباك.. نسأل..

عادة.. ماهي هدية البيت الجديد ..يعني سكنوا بيت جديد.. وقرائب من الدرجه الاولى... ؟


نستقبل اقتراحاتكم ع الخاص.. لمن يجد الحرج ع العام

وشوكرن



انا افضل السجاد لهدايا البيت الجديد..

اما ان كان الشخص قريب منك وتقدر تستفسر منه عن النواقص اللي لين الحين ما شراها

تقدر تفاجأه بهدية يكون هو محتاجها ..

احيانا يكون صاحب البيت يحب هو بنفسه يأثث بيته من الصغيره الى الكبيره

ويحب تكون لمسته في كل زاوية في البيت ..هنا يفضل ان تهدية مبلغ من المال

يتصرف هو بنفسه ويشتري اللي يبيه..

وسلامتك..:)

[هتـان قطر]

ههههههه ذكرتيني بمثل دايما اردده لما يقولون لي تموتين على الهدايا

انا غنيه واحب الهدية :tease:

تذكرت يوم صغيره وللحين هالطبع فيني

من حد يجي من السفر

لما كنت صغيره انط صوب الشنطه واقعد اطالع متى بيطلعون هديتي

والحين لما كبرت اقعد بعيد واترقب شنهي الهدية ولو ماجابوا لي شي


ماكلمهم عدل فتره بعدين احاول اغير من اسلوبي (( طبع فيني ادري انه مب شي بس مدري ليش متطبع فيني هالطبع عكس اخواني واختي ))


المهم


الهدية حلوه ببساطتها والله ياهتان ماتتصورين قيمة الوردة عندي

لو وحده تهديني ورده وكانها اهدتني كنوز الدنيا


احب اهدي وانهدي مش بخيله من هالناحية

اكثر شخص يحصل هدايا مني اختي واخوي الصغير

واكثر شخص احب اهديه هي حبيبة قلبي عضوه معانا بالمنتدى مابي اذكر اسمها

هي تعرف نفسها


عيالي فديت قبلهم لما يهدوني دايما متعودين يهدوني ورد وشي ثاني بسيط

وعلى طاري بنتج اذكر اول رسالة اهدتني اياها بنتي وكانت بالصف الاول

للحين محتفظه فيها مع رسمها وخطها

واول هدية من ولدي لما كان في الروضه صحن ورقي ابيض وراسم فيه وحده

انها انا وكاتب تحت الصوره "ماما" :shy:


وفيها وردها بعد


تسلمين على هالموضوع الحلو


اتصدقين روز..انا نفس الشي بس انحرج ابين..<< ليش كاتبه الموضوع..؟:shy:


قبل كنا نسميها " صوغة " ..الحين تطورنا وصرنا نقول هدية..:)

اعتقد روز هذا شي بالفطرة ..وفي الناس كلهم ..حب الهدايا

اتذكر في آية كريمة عن الملكة بلقيس لما ارسل لها النبي سليمان

يدعوها للاسلام..ما قدرت ترفض طلبه لانه يملك من الجنود والملك ما الله به عليم

لذلك اجمعت قومها وقالت لهم اشرايكم ابعث له بهدية

وننتظر شاللي بيصير..لعلمها ان الهدية تقرب القلوب وتغير النفوس..

علشان كذا يفضل تبادل الهدايا..خصوصا المتخاصمين واللي قلوبهم

شايله على بعض..

روز شرفني مرورك وربي يبارك لك في ابنائك..:)

[ANONYMOUS]

انا افضل السجاد لهدايا البيت الجديد..

اما ان كان الشخص قريب منك وتقدر تستفسر منه عن النواقص اللي لين الحين ما شراها

تقدر تفاجأه بهدية يكون هو محتاجها ..

احيانا يكون صاحب البيت يحب هو بنفسه يأثث بيته من الصغيره الى الكبيره

ويحب تكون لمسته في كل زاوية في البيت ..هنا يفضل ان تهدية مبلغ من المال

يتصرف هو بنفسه ويشتري اللي يبيه..

وسلامتك..:)



خلاص بنسوي اجتماع طارىء في البيت وبنشوف وش بنهبب اقصد نجيب هديه

وشوكرن