هل توظف حد عن طريق معرض الوظائف

[قطري 22]

انا شخصيا اعتبر معرض الوظائف مجرد (شو) عرض كلن يقول عملنا وسوينا عشنا يبررون موقفهم قدام الحكومه وقدام وسائل الاعلان ان احنا مع التقطير ومع التوظيف وكثير من العبارات اللي لاتغني من جوع ...... ولا قهرني الا تصريح مدير المعرض قال احنا استقبلنا اكثر من 10 ااف طلب وظيفه .... السؤال ياعزيزي مب هذا... السؤال كم طلب من ال 10 الاف تم توظيفهم ... للاسف دايم ننظر للجزء الفاضي من كوب الماء ......
وقت المعرض مريت باثنين قطرين من العارضين يسولفون مع اجنبي يقولن له الستاند حق هيئتنا كلف 200 الف .... والله قهر ... صرف فلوس الدوله ولاحد توظف ....

اذا في حد توظف عن طريق المعرض ياليت يفيدنا واتمنى اني اكون غلطااااااان
ارجو المصداقيه لاهنتوووووووووووووووووووووا

[المسا]

انا للحين ما توظفت بس آخيرا رضت عني كيو بي قطر للبترول وعبروني دقوا علي وقدمت امتحان
بس للحين ما صار شي .. كنت دايم اقدم عندهم وكانوا معقديني من تخصصي يقولون لي لو كنت هالتخصص بدل هذا كنا خذناج ومن هالكلام .. والحين بنشوف شنو بيصير صار لي اكثر من شهرين مقدمه الامتحان
وخذت النتيجه بس مادري متى يكمل الفرج؟

[بنت ابوها 19]

في كذا بنت
معاي بمنتدى قطري


تشاورو بهل الموضوع

وكم وحده قالت انه عملو معاها مقابله

وفي ثنتين توظفو بالداخليه
وفي وحده بكروه


وفي كم مكان والله ذكروه انهم اجرو مقابلات فيه
والي عرفته من وحده معاهم كانت تتكلم انها من الموارد البشريه في مكان كان مشارك بالمعرض


قالت انه مازالت السفيات تنجرد كل يوم
على حسب ( الخبره . الشهاده . العمر . وغيره )


وحتى قالت للبنات
لاتستعيلون
السالفه ماشيه للحين ينادون ويجردون بالسيفيات ..


والله تعالى اعلم

لكن نصيحه اخت اخوي
والله

اقرا سورة البقره كل يوم
بتشوف الفرج قريب قريب باذن الله ..

الله يوفقكم جميعا

[شمعة الدوحه]

انا عن نفسي معرض السنه اللي طافت طلبني البنك الدولي الاسلامي

وقطر للبترول

بالنسلبه لقطر للبترول كان عندي اختبار وطنشت لهم

لانه حصلت وظيفه خلاص بس هالوظيفه ماكنت مقدمه عليها بالمعرض

وبالنسبه حق معرض هالسنه قطر للبترول اطلبوا اخوي وسووا له اختبار بس لحد اللحين مااحد رد عليه

وانا لحد اللحين مااحد اتصل لي من اللي قدمت لهم بالمعرض

يالله الواحد لازم يصبر

وموب كل الاماكن ترى يطنشون حق السيفيات .. الاماكن اللي محتاجه راح يطلبوون

[بدوي]

اللي أعرفه ان الجهات العسكرية

أكثر مصداقية بكثييييييييير من الجهات المدنية

واعتقد توظفوا فئة ليست بالقليلة

----------------------

كفوا عليهم .. تدرون ليه ؟؟

لأنه أغلبهم أهل قطر سواء من مستقبلي السيفيات ومن مرؤوسين

والله يوفق الجميع يارب

[المقهوره]

انا زوجي توظف بالبنك

[وتبقى الدنيا حلوه]

أنا توظفت عن طريقهم سنة 2007

[القلم الصريح]

انا قدمت 3 سنوات ورا بعض في معرض التوظيف ولا احد دق طلب مقابله مع العلم اني جامعي وخدمه 10 سنوات في مجال البنوك والهيئات

[يحفظك ربي]

انا اختي قدمت في الداخليه محد رد عليها للحين !!!!

[eXpert*]

الخطأ يكمن في توقيت المعرض المهني ،، وهو قبيل منتصف السنة .

هذه الفترة أساساً يكون فيها ركود ،، و أغلب الشركات تكون مركزة على العمليات التشغيلية لجني و اعلان الارباح النصف سنوية لاعضاء مجلس الادارة.

أنشط فترات التوظيف تكون عادةً من من شهر 9 الى شهر 12 .

وللعلم السي في يعتبر أعلان نصيّ عن الشخص ،، والشخص قدر ما يقدر لازم يسوّق حق نفسه عدل.

والوظائف والارزاق بيد العالمين .. الواحد لازم يؤمن ويوقن بهذا الشئ .

[STAR]

انا سويت مقابلات مع نص بنوك الدوحة وامتحنت ونجحت و مع راس غاز... وامتحنت ونجحت ... لكن لحتى اللحين محد عطاني ويه

[الفريق أول ركن]

من ناحيتي قدمت وعطيتهم سي في وللحين محد تعب نفسه واتصل لي


الحمد لله اني على راس عملي والا كنت بدق اصبع ورا هالمعرض

[امل الحب]

الله يوفقكم كلكم وتلاقون الي تبون .. :)

[شاهيناز]

اعرف 4 بنات توظفو عن طريق المعرض

وفرحانين وايد الله يكمل عليهم فرحهم

[قطري 22]

انا اشوووووووووووووف نصيب الجنس الناعم اكثر من نصيبنا في التوظيف هههههههههههههههههه

الله يووووووووووووووووووووووووووووووفق الجميع

[qatari1]

انا اشوووووووووووووف نصيب الجنس الناعم اكثر من نصيبنا في التوظيف هههههههههههههههههه

الله يووووووووووووووووووووووووووووووفق الجميع

كلام صحيح للأسف الشديد:secret:

وكلما كانت الفتاة أجمل وأغنج كلما زادت فرصتها في التوظيف.

[nouar]

اللي اعرفه انهم ما وظفوا حد مجرد قطوا الورق ....

وما في تعين بالعكس الوزارات والهيئات ماخذه تفنيش في العالم في حين الهيئات محتاجة موظفين شباب ..

يعني أقول " واحد معاه 13 شهادة برمجة ودورات ما يلاقي وظيفه في قطر"

ايش المطلوب ؟؟؟؟؟؟
ايش اقول لا حول ولا قوة الا بالله

[عروة]

مقابلة في قطر فودنديشن
امتحان في كيوبي
امتحان ومقابلة في شل
وللحين ناطر ومستنى

[خريج اعلام]

انا اشوووووووووووووف نصيب الجنس الناعم اكثر من نصيبنا في التوظيف هههههههههههههههههه

الله يووووووووووووووووووووووووووووووفق الجميع


الجنس الناعم
:weeping:

لا اله الا الله
:waiting:

[بواردي]

الي توظفوا 1%

كذب في كذب

[فلفل حار]

الله يفرجهـــا ....

[احلى دنيا]

ماحد توظف للاسف

[ولد-قطر]

انا عن طريق المعرض كلموني احد الجهات والحمدلله اموري مشت تساهيل

وللعلم اغلب الشركات البتروليه عملت اختبار تحديد مستوى للمتقدمين ولكن الى الان لم يتم عمل معهم اي شيء وكثير من ربعي فرحوا انه قطر للبترول عملت معاهم اختبار ولكن للأسف لم توظف منهم احد هذا بالنسبه للي اعرفه اما الباقي الله اعلم بهم

[وتبقى الدنيا حلوه]

انا اشوووووووووووووف نصيب الجنس الناعم اكثر من نصيبنا في التوظيف هههههههههههههههههه



كلام صحيح للأسف الشديد:secret:

وكلما كانت الفتاة أجمل وأغنج كلما زادت فرصتها في التوظيف.

كلامك غير صحيح

بالصدفه قدمت و ماكان في اي تخطيط

رحت بجوتي رياضة بدون مكياج عباية سادة و مطنقره

و الحمدلله ربي كتب و توظفت

[الياقوت99]

محد ناداني لين يومكم

[قطري 22]

كلامك غير صحيح

بالصدفه قدمت و ماكان في اي تخطيط

رحت بجوتي رياضة بدون مكياج عباية سادة و مطنقره

و الحمدلله ربي كتب و توظفت


عزيزي كلامي هذا انا قلته بناء على ردود الاعضاء

وبعض البنات اللي شفتهم في المعرض ... الله يهدينا وياهم انشالله