>> تاجر ينصب على بنك وبشهادات مزوره من جهة عملة << !!!

[الـقـاسـي]

قدم شهادات ضمان بالراتب من جهة عمله السابق لأحد مشاريعه الخاصة .. تاجر ينصب على بنك ويسحب نصف مليون ريال ..

التفاصيل :

تمكن تاجر من سحب مبلغ يقارب نصف المليون ريال من أحد البنوك المحلية بعد أن قدم شهادات ضمان بالراتب من جهة عمله التي تبين فيما بعد أنه لم يعد يعمل لدى الجهة التي أحضر منها شهادة راتب ممهورة بختم تلك الجهة، وتوضح انه لا يزال على رأس عمله فيما الحقيقة انه لم يعد يعمل لدى الجهة المعنية وانه قد تم الاستغناء عنه منذ فترة طويلة. إلا أن تلك المعلومات لم تتكشف للبنك إلا بعد أن تم تسليم المبلغ للتاجر وهوما حدا بالبنك بمطالبة العميل بارجاع المبلغ إلا أنه كان قد ذهب في أحد مشاريعه الاستثمارية الخاصة ومن الصعوبة ارجاع المبلغ المسحوب خلال فترة قصيرة من الزمن. وكان التاجر ينوي التوسع في أحد مشاريعه ولان عليه التزامات مالية أخرى فلم يتمكن بضمان عمله التجاري الحصول على التسهيلات اللازمة وهو ما حدا به الى الاستعانة بشهادة راتب من جهة عمله السابق وقام بتغيير التاريخ القديم بتاريخ حديث، ولم يتبين موظفو البنك لتلك الجزئية الصغيرة فتم اعتماد التسهيلات المالية خاصة وان الشهادة صادرة عن شركة وطنية كبرى لها مصداقية لا يشك فيها وفيما بعد تبين لادارة البنك ان التاجرلم يعد على رأس عمله، وبالاتصال بالشركة التي قدمت شهادة الضمان ممهورة بختمها الرسمي أوضحت انه لم يعد للشخص الذي حررت باسمه الشهادة المنسوبة اليها أية علاقة تذكر وانه لم تصدر له في التاريخ المذكور اية شهادة تفيد بانه لايزال على رأس عمله لانه حسب التاريخ المبين في الشهادة كان الموظف قد ترك العمل منذ فترة طويلة وعليه تأكد البنك ان العميل قدم شهادة مزورة ومعلومات غير صحيحة وهو ما حدا بالبنك الى تقديم بلاغ رسمي ضد العميل ليتمكن من استرداد الاموال التي تم صرفها بناء على شهادات تبين انها غير صحيحة بل وتم تزوير أكثرها بهدف الحصول على تلك التسهيلات المالية.

المصدر : الشرق

http://www.al-sharq.com/articles/more.php?id=152308


غريبة راقدين يعني اللي فالبنك ماينتبهون !!

[غناتي1]

اي والله غريبة -- هالامور وهالقروض اللي بمبالغ كبيرة

ما تطلع ولا تنصرف الا لين يتأكدون من كل الضمانات

يمكن السالفة مرت على كذا واسطة

[الـقـاسـي]

اي والله غريبة -- هالامور وهالقروض اللي بمبالغ كبيرة

ما تطلع ولا تنصرف الا لين يتأكدون من كل الضمانات

يمكن السالفة مرت على كذا واسطة

والله يمكن ليش لا .. التهاون والتلاعب اتوقع انه السبب وراء هالحالة ..

[عـيـون قـطـر]

لاحول ولا قوة الابالله
الله يعوض عليهم خليهم ينطرون الفرج

[يحفظك ربي]

بللل حسبي الله عليه هالكثر باايق !!!!!!

هاي شلون طاوعته نفسه

الله يكون بعونهم وترجع لهم فلوسهم !

[الدكتور عزوز]

هههههههههه لعبها صح الحبيب

لكن صدقوني هو ضامن انه ما راح ينصاد لين ما ياخذ فلوس القرض

هو وراه ظهر داخل البنك ولا الموضوع ما كان مشى كذا منا والطريق

اللي اعرفه ان البنوك يتأكدون قبل ما يعطون اي احد قرض ويتلصون على جهة عمله ويتأكدون من البيانات اللي في شهادة الراتب لو كانت صحيحه ولا لا

واعتقد ان البنك ما سووا هالشي لأنهم لو سوو هالشي كان اصلا ما وافقوله عالقرض



خصوصا المبالغ الكبيره اللي فوق ١٠٠ الف فما بالكم مبلغ ٥٠٠ ألف

شوفوا الظهر اللي وراه داخل البنك كم خذ من الموضوع


واترك لكم التعليق

[سلمان_1]

الأزمة المالية هي السبب

[قطر76]

والله انا اللي اخبره ان لين فنش الواحد
من شغله يطرشون للبنك كتاب يفيد بانه الشخص لم يعد يعمل لديهم


الواضح ان الموضوع في ان والظاهر ان الصحفي ما تاكد ولا مستحيل اصلا
تعدي على البنك

[بيانو]

المال الحرام

بيأخد كل شىء وياه

ولا يدوم غير الحلال

[" روح قطر "]

شنو 500 الف عند البنك ولا شي

لاتنسون أن البنك ياخذ فوائدة قبل مايسدد القرض

وانا الصراحة أشوف أنهم يستاهلون مادامة صادق بالتسديد وراح يسدد لهم كل شهر

بناء على الأتفاقية اللي بين المدين والبنك

الله يهدية وانا ما أشوفها فلوس حرام لانة بيدفع أكثر من اللي خذاة

هالبنوك قاصبة القطرييين قصاب وسالخة جلودهم سلاخ

أشكر فنة الصراحة عطاهم ضربة جامدة على الرااااااااس

ومن لة حيلة فليحتال ................. ""خير بلادة وهو أولا فية

[Meero]

الأزمة المالية هي السبب

شددددددددددددخل :eek5::eek5::eek5::eek5:

[فلفل حار]

المال الحرام

بيأخد كل شىء وياه

ولا يدوم غير الحلال

:nice:

[وتبقى الدنيا حلوه]

الله يمهل ولا يهمل

[مرتبش]

تاجر
وماخذ سلف بضمان الراتب
خوش تاجر .. فاشل في التجارة وفاشل في البوق

[ديابلو]

شنو 500 الف عند البنك ولا شي

لاتنسون أن البنك ياخذ فوائدة قبل مايسدد القرض

وانا الصراحة أشوف أنهم يستاهلون مادامة صادق بالتسديد وراح يسدد لهم كل شهر

بناء على الأتفاقية اللي بين المدين والبنك

الله يهدية وانا ما أشوفها فلوس حرام لانة بيدفع أكثر من اللي خذاة

هالبنوك قاصبة القطرييين قصاب وسالخة جلودهم سلاخ

أشكر فنة الصراحة عطاهم ضربة جامدة على الرااااااااس

ومن لة حيلة فليحتال ................. ""خير بلادة وهو أولا فية





صدقتي والله ويوم ان البنوك رفعوا نسبة الفايدة جات مباركة من المصرف المركزي واحسن
للبنك يقوم بتسوية مع التاجر يعني يعتبره قرض حسن

[كاتم الاسرار]

شنو 500 الف عند البنك ولا شي

لاتنسون أن البنك ياخذ فوائدة قبل مايسدد القرض

وانا الصراحة أشوف أنهم يستاهلون مادامة صادق بالتسديد وراح يسدد لهم كل شهر

بناء على الأتفاقية اللي بين المدين والبنك

الله يهدية وانا ما أشوفها فلوس حرام لانة بيدفع أكثر من اللي خذاة

هالبنوك قاصبة القطرييين قصاب وسالخة جلودهم سلاخ

أشكر فنة الصراحة عطاهم ضربة جامدة على الرااااااااس

ومن لة حيلة فليحتال ................. ""خير بلادة وهو أولا فية

:victory::victory::victory::victory:

يتساهل

[ناقد]

دائماً البنوك هي من تستغل ( تنصب ) على العملاء

فما المانع أن يكون هناك عملاء( ينصبون) على البنوك

[" روح قطر "]

حتى السالفة موب مضبوطة

لان المصرف المركزى أصدر قرار القروض الشخصية للمواطنين ماتتعدى 20%

يعنى أذا راتبة 20 الف ماراح يعطونة الا 200 الف

ومافية قطرى ياخذ أكثر من هالراتب

[شيط ويط]

أخبر واحد من الربع (صاده) موقف مشابه مع (البنك) قدم على سلفية مبلغ (200 الف ريال) .. المهم عقب ما خلصت المعامله قاله الموظف دقايق وينزل المبلغ في حسابك .. الحبيب شيك حسابه وسحب المبلغ في نفس الوقت عن طريق شيك .. طبعا بسبب خطأ من الموظف وفي خطوة من الإجراءات في النظام ..تم اضافة المبلغ للحساب مره ثانيه .. :rolleyes2: قام اخينا وسحب المبلغ مره ثانيه .. يعني صار عنده (400 الف ريال) .. طبعا البنك عقب ما اكتشف السالفة اتصل على العميل وشرح له الوضع .. وتموا يفاوضونه عشان يرجع المبلغ .. المهم في الاخير الرجال قدر يوصل وياهم لاتفاق مشروط .. اشترط عليهم يرد المبلغ مقابل الغاء جميع الفوائد اللي على القرض الخاص فيه .. وبالفعل تم له ذلك .. هالسالفه صار لها حول 10 سنين يعني مب تو .. :shy:

[" روح قطر "]

أخبر واحد من الربع (صاده) موقف مشابه مع (البنك) قدم على سلفية مبلغ (200 الف ريال) .. المهم عقب ما خلصت المعامله قاله الموظف دقايق وينزل المبلغ في حسابك .. الحبيب شيك حسابه وسحب المبلغ في نفس الوقت عن طريق شيك .. طبعا بسبب خطأ من الموظف وفي خطوة من الإجراءات في النظام ..تم اضافة المبلغ للحساب مره ثانيه .. :rolleyes2: قام اخينا وسحب المبلغ مره ثانيه .. يعني صار عنده (400 الف ريال) .. طبعا البنك عقب ما اكتشف السالفة اتصل على العميل وشرح له الوضع .. وتموا يفاوضونه عشان يرجع المبلغ .. المهم في الاخير الرجال قدر يوصل وياهم لاتفاق مشروط .. اشترط عليهم يرد المبلغ مقابل الغاء جميع الفوائد اللي على القرض الخاص فيه .. وبالفعل تم له ذلك .. هالسالفه صار لها حول 10 سنين يعني مب تو .. :shy:


زين سوى فيهم وتصرف بعقل الله يكملة بعقلة

الحين البنوك حررررررريصة كل الحرص ومبققين عيونهم على كل شي

[الكلدي]

الموضوع شدني

ياخي ما قدرت ابلع السالفه
الحين الفقير المسكين لا راح ياخذ سلفه 10 الاف ريال طلعوا روحه حتى قياس الــــ يطلبونه

وبو كرش يعطونه بالــ500 الاف والمليون لا ضمان ولا غير

ياحبيبي العبوا غيرها

[عبدالرحمن]

اشهد انه ذيب الي قدر ينصب على البنك ومبين عليه ربوي يعني حرامي يسرق من حرامي
بس مال حرام سواء سدد ولا ماسدد الله يعنيه على بلاوه