ممكن مساعده الموتر يدق سلف بي ما يشتغل (فورد) واعتقد طرمبت البترول

[محمد 2002]

السلام عليكم يا شباب طبعاُ ما نستغني عنكم في كثير من الامور من بعد الله

عندي موتر فورد جبت له كهربائي بعد ما فحصه في البيت قال لازم توديه عشان ينزلون درام البترول ويغيرون الفلتر او لطرمبه ما فهمت له بظبط

الموتر يدق سلف بس ما يشتغل وانا خايف احرق دينمت السلف ياليت لو تخبرون لي كراج عدل وسريع لن الشركة بينقعوني والموضوع تقريباً بسيط باجيب بركدون اليوم وبوديه للكراج الي تشفونه مناسب

في انتظار توجيهاتكم

[محمد 2002]

في انتظاركم ياخوان

[جيفنشي قطر]

اخوي تبي نصيحتي مالك الا الشركه صح بينقعونك بس اضمن لك
انا صادتني نفس الحاله مع جمس سيرا
وبدلت طرمبت البترول عقب قال لي الكمبيوتر محترق
زهقت ووديته الوكاله طلع واير محترق فالكمبيوتر
الله يعينك اخووي وانشاءالله اني فدتك

[الـخـور]

ودها الوكالة اخوي

في كراجات للامريكي بس انا انصحك بالوكاله ولاتروح مكان ثاني

معليه نطرة اسبوع احسن من نقلة من كراج الى كراج

وماتوقع تصليحه بكلفك وايد

[eXpert*]

كراج منصور في الصناعية

[يحفظك ربي]

الله يعينك اخوي على هالمشكله صج عوار راس

[mohd89]

الوكاله احسن

بس اذا تبغى كراج امريكي شغله حلو

كراج فشارع 6 ما عرف اسمه

بس هو اول كراج فالشارع

بتحصل كابرس وجموس بره بتعرفه

[خيال شمر]

الوكــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ الة إذا الموتر جديد إذا قديم عندك كراج
أسمه
( المنطقة الصناعية الحديثة ) شارع 4 قبل وكالة التيوتا

[محمد 2002]

ما قصرتو يارب

[راعي النيسان]

اخوي اللي عندك ياطويل العمر الفيول بمب ضارب ما يصعد البترول حق الانجكتر .. يبي له تغيير هذه عوايد الفورد من واقع تجربة شخصية والله يعينك .. احسن لك توديها الوكالة ولاتخلي احد يتعبث بالموتر

والشغلة بسيطة كلش فك وركب جديد ،، والموضوع بيطلع عليك حروة 1200 اذا كثر يعني شغل يد وتركيب وقطع غيار ..

[بوخالد353]

اخوي اذا كان الموتر قراندماركيز او فكتوريا*** في دقمه في الدبه من جهت اليسار هاذي سيفتي بالعاده تشتغل اذا صار حادث للسيلره من ورا او بشر شيك عليها ممكن تكون فاصله للبانزين !! او تكون الفيول بمب

[فلفل حار]

ماقصرووا اخواني الاعضاء ....

ونصيحه لك روح دايركت لأقرب فرع حـــق ...!


http://www.byunspeed.com/images/AC%20Delco_320x240.jpg

تخصص مواتر امريكيــه ....


وياكثرهم الدوحه ....:nice:

[halcrow]

والله مالك الا الوكاله ولاتعور راسك بكراجات الصناعيه لا وازيدك يعطونك ضمان لترمبه البترول اذا اطلعت

اهي الخربانه يعني شغلهم عليه ضمان .

[عـ العبيدلي]

روح AcdELCO ..

هالمكان حق المواتر الامريكيه معروف وزين بس حرامي شوي ..