دعواتكم لهن : الله يفك اسر المدرسات المحبوسات

[بواردي]

نعم




......


.....

هناك مدرسات في مدرسة مستقلة ابتدائية للبنات في منطقة معيذر بداية شارع ام الدوم
تم اجبارهن على التواجد بعد الدوم وعدم السماح لهن بالخروج من المدرسة لغاية الساعة 5 مساء
والسبب ان النائبة الاكاديمية ما عندها وقت تشوف الشغل غير اليوم
والكل ينتظر الدور
اذا الشغل اوكي يطلع قرار الافراج
واذا ماعجبها الشغل عادي جدا
تعيد المعلمة المسكينة الشغل من اول
طبعا الشغل هو عبارة عن تجهيز ملازم الوحدة الاولى للسنة القادمة
وتعرفون ليش النائبة مو بفاضية غير اليوم
لانه بكرة عندها حفلة في المدرسة
ويويل الي ما تجي
ولازم كل وحدة تجي بالزي الرسمي لبلدها ويفضل تيب معاها اكل شعبية
يعني بنشوف بكرة كرنفال عالمي
من جميع دول العالم
طبعا الكرنفال بس للحريم
واذا الشباب يبي يشاركون
ما عليه يروحون يم المدرسة ويقعدون في سيايرهم
ويهرنون على الايقاع

مسخرة في مسخرة
المشكلة ان النائبة الي مسوية فيها ابو علي ( عربية مو بقطرية)
خريجة صيدلة ما تعرف شي عن التربية
ما تعرف انه في اهل ينطرون هالمدرسة المسكينة ترد حق بيتها
ما تعرف انه في عيال ينطرون امهاتهم
ما تعرف في ازواج ينطرون زوجاتهم
يعني لو انت اختك في هالمدرسة
ورحت مثلا الساعة2 عشان تاخذها البيت
وتنطرها لين الساعة 5
بالله عليك شبيكون رد فعلك؟؟؟؟
صح الي بيتها قريب ما فيها مشكلة
بس المساكين الي بيوتهم بعيدة يعني الي يبي ياخذ اخته ينطر ولا يروح البيت ويرد مرة ثانية؟؟؟

وما زال الحصار قائم حتى تاريخ كتابة الموضوع
واللي حاب يتاكد يتصل في المدرسة؟
الساعة 4.04 مساء
التاريخ
28-6-2009

[~ نســـايم ~]

شهالظلم ؟؟؟؟؟؟

[ذيبه مزاجيه]

صج قمة القهر
الله يكون بعونهم الصراحه
جربنا اللي جربوه !!
بس بطرق ثانيه من المستقلات ,,

[5ial al3lya]

والله المدراس المستقله كلهم خرطي في خرطي
واصلا مشروع المدراس المستقله فاااااااااااشل مادري ليش مستمرين فيه

الله يرحم ايام المدراس الحكوميه الدوام دوام لا يقل ولا يزيد

[بواردي]

صج قمة القهر
الله يكون بعونهم الصراحه
جربنا اللي جربوه !!
بس بطرق ثانيه من المستقلات ,,
والله قهررررررررر


شهالظلم ؟؟؟؟؟؟
ظلم بالجملة



والله المدراس المستقله كلهم خرطي في خرطي
واصلا مشروع المدراس المستقله فاااااااااااشل مادري ليش مستمرين فيه

الله يرحم ايام المدراس الحكوميه الدوام دوام لا يقل ولا يزيد
الله يرحم الحكومية صدقت اخوي

[الطيبة كلها]

حسبي الله عليها لو عندنا وزارة عدله مثل الدول الا خرى جان ما خلوا اشكالهم يتحكمون بخلق الله بس هي تدري لاحسيب ولا رقيب على المدارس هني كل مدير مدرسه على كيف كيفه

[بواردي]

حسبي الله عليها لو عندنا وزارة عدله مثل الدول الا خرى جان ما خلوا اشكالهم يتحكمون بخلق الله بس هي تدري لاحسيب ولا رقيب على المدارس هني كل مدير مدرسه على كيف كيفه

كلام سليم % 100
ولو انها قطرية
كان فضحوها بجلاجل
بس عادي
الله يخلي الفول والطعمية

[الامير]

كفو والله عليها ,هذا شغل ولا بلاش

[بواردي]

كفو والله عليها ,هذا شغل ولا بلاش

:omg:
اكيد من حرتك تقول هالكلام

[عـيـون قـطـر]

:omg::omg:

[قطريه ماركه]

الله يفكـ أسرهم :(


و يفكنا من هالوزارة الفاشلة :(

[درب السعادة]

خلاص خلاص اسكتوا احسن كله كلام في كلام في كلام في كلام والامور تزداد سؤ كل يوم والاجازة قربت وما شفنا لا فرج ولارح نشوف اللي مب عاجبه يشتغل في المستقلات خلاص يستقيل .. سبق السيف العذل . الظلم موجود ولا مفرمنه وحسبي الله ونعم الوكيل .

[جهام]

ام الفول والطعمية تتحكم ببنات قطر ..قال مستقلة قال ..فاشلة فاشلة فاشلة ..بالثلاثه

[sendarala]

حسبي الله ونعم الوكيل
مثل ما قلتوا ما في حد يحاسب ولا كان خافوا مثل ما كان في السابق
بس الله يرحم ايام زمان

[شويهينــه]

ههههههههههههههههههه

والله هالمستقلات كل يوم يطلعون لنا بنكته جديده

الله يعين

[القلب المؤمن]

الله يفك أسرهم يااااااااااااارب ويرجعهم الى (وزارات) ثانية سالمين غانمين

[هدوء 2]

وبعدين وبعدين يعني ايش مانشوف حريمنا.... ما يجابلون بيوتهم ؟.....وليش تعمل أكله شعبيه؟؟؟؟ وشلي حدها تكعد لهذا الوقت ؟؟؟؟؟ أعتقد الدوام الرسمي معروف ليه متى؟؟؟؟
اهم شىء تعمل اللي عليها... واذا جىء وقت انتهاء الدوام ....تروح بيتهم.
واذا الاداره عندها شيء ترفعه للجهات العليا

[" روح قطر "]

قمنا نشوف القهر في بلادنا

حتى المدرسات ماسلمو من الظلم

الله المستعان

[بوعلي2]

ظلم

الله على الظالم

[kitmat]

لاعت جبودنا يعني شيبون يبون كل بنات قطر تفنش وش القصد من الي قاعد يصر غير إن القطريات يفنشون
ويقعدون في البيوت من المسؤل عن هذا الي يصير في قطر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وين صباح الهيدوس خل تقرا في المنتديات على الاقل بتعرف نص الي قاعد يصير وين الوزير الي لين ألحين مافتح عيونه والمشاكل حوالينه من كل صوب بس عادي في حد بيفتكر في المدرسات........................... ؟ لاكن أنا أقول لكم كل المدرسات في أعناقم يوم القيامه الذي لامفر لا تفرحون بمناصب لودامت المناصب لغيركم جان ماوصلت لكم عطو الي يبي بند مركزي وفكو العالم من شركم والي يبي يقعد في المستقلة يقعد بس رتبوا الاوضاع فيها لانها مازالت لاتطاق ولا الرواتب جاذبة فيها الناس لان الرواتب مازالت أخس رواتب وأخس وضع أصبح من صالح المدرس المسكين وما قول إلا متى يتم إصلاح حالهم وهل من مستجيب

[فلفل حار]

الله يعين المدرسات



بس لاتقارن مشاكل وظيفيه واداريه باسرى المسلمين ألي اتعبوا وانظلموا لاجل اوطانهم وبلادهم ...!


ظلمتهم وايد يالغالي ....

[الـقـاسـي]

اااخ ياليت عندنا برلمان مثل الكويت .. كان بنقدر نحاسب رئيس مجلس الوزراء وبنحاسب باقي الوزراء اللي قاعدين يلعبون ومايخافون الله في الامانه اللي وولو عليها ..

[درب السعادة]

لاعت جبودنا يعني شيبون يبون كل بنات قطر تفنش وش القصد من الي قاعد يصر غير إن القطريات يفنشون
ويقعدون في البيوت من المسؤل عن هذا الي يصير في قطر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وين صباح الهيدوس خل تقرا في المنتديات على الاقل بتعرف نص الي قاعد يصير وين الوزير الي لين ألحين مافتح عيونه والمشاكل حوالينه من كل صوب بس عادي في حد بيفتكر في المدرسات........................... ؟ لاكن أنا أقول لكم كل المدرسات في أعناقم يوم القيامه الذي لامفر لا تفرحون بمناصب لودامت المناصب لغيركم جان ماوصلت لكم عطو الي يبي بند مركزي وفكو العالم من شركم والي يبي يقعد في المستقلة يقعد بس رتبوا الاوضاع فيها لانها مازالت لاتطاق ولا الرواتب جاذبة فيها الناس لان الرواتب مازالت أخس رواتب وأخس وضع أصبح من صالح المدرس المسكين وما قول إلا متى يتم إصلاح حالهم وهل من مستجيب

هدي اعصابج اختي انتي محتاجه لهدوء الاعصاب لأن الموضوع مطول والسالفه يبي لها سنين وسنين من التخبط والعشوائية لحد ما نصير مكرونه . والله لويعطونا تقاعد براتب كامل وجزاهم الله خير واللي أقل من 15 سنه خلهم ينكرفون في المستقله او يستقيلون :tease:

[بواردي]

الله على الظااااااااااااااااااااااااااااااااااااااااااااالم

[قطريه ماركه]

الله على الظااااااااااااااااااااااااااااااااااااااااااااالم

طمننا عليهم متى هدوهم :telephone:

[بواردي]

طمننا عليهم متى هدوهم :telephone:

الساعة الخامسة مساء بتوقيت معيذر

واللي ما صادها الدور اليوم بكرة حسابهااااااااااااااا عسيررررررررررررر

[ღغروريღ]

مابي اكون ظالم في الحكم بس اعتقد انه لو الموضوع صحيح في كذى جهة ممكن المدرسة المتظلمة تروح لها
ويشفون العقد بين الادارة والمدرس وهل في قانون يسمح انه يظل بعد الدوام الرسمي او لا واذ كان نعم كم الاوفر تايم الي يصرف لاكن كلام في المنتدى والله لايقدم ولا ياخر مع احترامي لصاحب الموضوع

[latty]

ويقولون اشتغلوا بالمدارس المستقله

اكيد هذي سياسة تطفيش

[مستثمره جديده]

مـــــــــــــصــــــــــــــــــــــخــــــــــــ ـــــــــــــــــره :victory:

[moonبنتnight]

هذه اللامركزية وعدم الرقابة 00

أستعباد وظيفي 00

[قطرية مثقفة]

المشكلة مب في المعلمة ،،،،،، المشكلة في نظام المستقلات ،،،،،،السالفه كله ملخبطه ،،،،،
والله ايعينه على الجاي ،،،،،،،:(

[وتبقى الدنيا حلوه]

يشتكون في المجلس الاعلى

[قطرية مثقفة]

ام الفول والطعمية تتحكم ببنات قطر ..قال مستقلة قال ..فاشلة فاشلة فاشلة ..بالثلاثه

:nice: :nice: :nice:

[الطائر الحائر]

كلام سليم % 100
ولو انها قطرية
كان فضحوها بجلاجل
بس عادي
الله يخلي الفول والطعمية

وأن أقول كلامك سليم 100 % ( حسبنا الله ونعم الوكيل ) قالو مستقله !!!

[براماتا]

[quote=الله يخلي الفول والطعمية[/quote]

عزيزى انت موضوعك مهم وجيد ........ بس ما يحتاج يكون هجومك شخصى

حتى ما يكون فيها استهزاء......والله يسلمك فول والا طعمية والا غيره كلنا مسلمين

والفول والطمعية هم بعد اكل حلال ومافيه شى....فما ينبغى تعير احد بهالشىء

واعتقد احسن حل هو الشكوى عند المجلس الاعلى

ودمت بخير

[سداوي&مدريدي]

أوفـر تايم

يستاهلون دبل راتب

مساكين مظلومين

الله يكون في عونهم

[alnajjar]

الحياة تخلص والشغل ما يخلص
الله يعين الجميع

[أخت رجال]

حسبي الله عليها وعلى اللي وظفها وولاها بنات قطر

المفروض لما يسسون لكم المقابله وتشوفون النائبة الاكاديمية ( فول وطعميه )

ترفضون وماتشتغلون وتواجهون المديره أو صاحبة الترخيص بسبب الرفض وبراس مرفوع

وبعين قوية ( دامج اخترتي فول وطعميه كمليها ورق عنب وكشري وزيتون )

والله ثم والله لو اتبعتوا هالسياسه وماشتغلتوا غير بمدرسه نائباتها قطريات وبنات البلد

اللي ثوبهم من ثوبنا وعوايدهم من عوايدنا

انكم ماعاد تشوفون هالاشكال اللي في بلادهم متعودين على الكرف ويداومون فترتين

[درب السعادة]

حسبي الله عليها وعلى اللي وظفها وولاها بنات قطر

المفروض لما يسسون لكم المقابله وتشوفون النائبة الاكاديمية ( فول وطعميه )

ترفضون وماتشتغلون وتواجهون المديره أو صاحبة الترخيص بسبب الرفض وبراس مرفوع

وبعين قوية ( دامج اخترتي فول وطعميه كمليها ورق عنب وكشري وزيتون )

والله ثم والله لو اتبعتوا هالسياسه وماشتغلتوا غير بمدرسه نائباتها قطريات وبنات البلد

اللي ثوبهم من ثوبنا وعوايدهم من عوايدنا

انكم ماعاد تشوفون هالاشكال اللي في بلادهم متعودين على الكرف ويداومون فترتين

السؤال الذي يطرح نفسه ( هل المجلس الاعلى أصحاب مصداقيه يمكن الرجوع اليهم ورفع الشكوى اليهم ، أم هم سبب المشكله وينبغي أن يشتكي عليهم ) ؟؟؟؟ سؤال يحتاج أجابة . :discuss:

[أخت رجال]

المجلس الاعلى يدرون

يعني معقوله مايدرون

مايقرون جرايد ولايدشون منتديات ولايسمعون الاذاعه؟!!!!!

من ناحية يدرون يدرون

بس اللي يحير

ليش ساكتين؟!!!!

علامة السكوت الرضى

[أخت رجال]

عند من نشتكي عليهم

هذ السؤال اللي يطرح نفسه

[الدوحي7]

والله المدراس المستقله كلهم خرطي في خرطي
واصلا مشروع المدراس المستقله فاااااااااااشل مادري ليش مستمرين فيه

الله يرحم ايام المدراس الحكوميه الدوام دوام لا يقل ولا يزيد

:nice::nice:

[عيون Qatar]

الله يعينهم

[بواردي]

عند من نشتكي عليهم

هذ السؤال اللي يطرح نفسه



عند الله عز وجل
والمجلس انسي
لا حياة لمن تنادي
بس سوال اختي
انتي من المجني عليهم؟؟؟

[بواردي]

تقرير يوم الاثنين الموافق 29/6/2009

بدت النائبة الاكاديمية متعبة :app: عندما عادت الي المدرسة لتبدا مسلسل الرعب على المدرسات
وبدات الحملة التفتيشية الساعة الواحدة ظهرا:waiting:
واستمرت الى الساعة 3 مساء

تعرفون ليش النائبة تاخرت في حملت التفتيش
لان حضرتها تعبانه من الحفلة :dance
كانت في حفلة في الروضة التابعة للمدرسة
عادي جدا المهم انها انبسطت وفرفشت
بعدين لاحقين على الشغل
والمسكينات الي في الابتدائية ناطرات حضرتها تخلص .......... عشان تبدا معاهم التفتيش
والله مسخررررررررررررررررررررررررررررررررررررررررررررررر ررررررة



والاخوة الزعلانيين من كلمة فول وطعمية :thumbup1:
ما في داعي للحساسية الزايدة
اللي يبي يتاكد يتصل ويسال المدرسات الي في المدرسة
يعني ما ظلمنا حد
وشي موبيديد على المدارس المستغلة

انتظروا تقرير الحلقة الاخيرة غدا
دمتم بود
مراسلكم من معيذر
فلترووووووووو

[eXpert*]

أنا ما تعودت أحكم الا من بعد أن استمع للقصة من الطرفيين . وفي حالة تعذر الطرفين أحاول أحسن الظن و أنظر بايجابية للموضوع.

و لكن الحق يقال : أعتقد الموضوع تم المبالغة فيه نوعاً ما - مع احترامي الحار لـ كاتب الموضوع - ، ويعلم الله أن ما بيني وبينه هو و أي من كتب رد من الأعضاء أي شي الا كلمة حق تقال .

لا اعتقد اذا تأخرت المدرسة مرة ولا مرتين في الشهر ان لم تكن في السنة ،، لتأدية مهام العمل ،، كـ مقال حيّ : حيث أعمل ساعات الدوام الرسميّ لدينا من السابعة والنصف الى الثالثة والنصف عصراً ،، ولكن لما تقتضي له الضرورة وحيثيات العمل الدؤوب ،، نواصل في العمل حتى ساعات متأخرة تصل أحياناً الى العاشرة والنصف مساءً وهذا يتكرر مرتين الى ثلاث مرات في الشهر ان لم تكن في الاسبوع الواحد و أحياناً متضمنة عطل نهاية الأسبوع .

ونص العقد يقول ساعات الدوام الرسمية من الـ 7.30 صباحاً وحتى الـ 3.30 مساءً ويجوز تمديد ساعات العمل بما تقتضي له الحاجة .



مع العلم أن الدرجة اللي أنا عليها ،، لا تستحق راتب عمل اضافي (أوفر تايم) ..

لكن ما تقتضيه المصلحة العامة و رفعة البلد فوق كل شئ .

[نورالهدى]

أختي في الله
إن كان هناك ظلم وقع عليكن فمن يديكن
لماذا سمحتم لها
لأنه حق
أختي الموضوع مب قطريه أو أجنبيه أو مقيمه أو هنديه
هي ليش مأخرتكم
مب للشغل
وبعدين موضوع الروضه والهززز أظنتي ماكان لازم تتطرقين له
هذا لن يعيبها
لو ضرت أحد فيكم بنقول معلش
أختي لقد رفضت التدريس في المدارس المستقله لعلمي بما فيها من أعمال كثيره:telephone:
الله يعينكم ولا تنسي أختي الفاضله أن هذا كله في ميزان حسناتكن:nice:
الموضوع كان لازم تروحي للمجلس الأعلى وتفتحيه
أو كتاب للوزير وتقدميه:victory:
ولو كنتي على حق بتاخذين حقك أنتي وزميلاتك

[بواردي]

أختي في الله
إن كان هناك ظلم وقع عليكن فمن يديكن
لماذا سمحتم لها
لأنه حق
أختي الموضوع مب قطريه أو أجنبيه أو مقيمه أو هنديه
هي ليش مأخرتكم
مب للشغل
وبعدين موضوع الروضه والهززز أظنتي ماكان لازم تتطرقين له
هذا لن يعيبها
لو ضرت أحد فيكم بنقول معلش
أختي لقد رفضت التدريس في المدارس المستقله لعلمي بما فيها من أعمال كثيره:telephone:
الله يعينكم ولا تنسي أختي الفاضله أن هذا كله في ميزان حسناتكن:nice:
الموضوع كان لازم تروحي للمجلس الأعلى وتفتحيه
أو كتاب للوزير وتقدميه:victory:
ولو كنتي على حق بتاخذين حقك أنتي وزميلاتك


جزاك الله خير اختي
بس انا ريال مو بنت
فلتر مااااااااان

[أخت رجال]

عند الله عز وجل
والمجلس انسي
لا حياة لمن تنادي
بس سوال اختي
انتي من المجني عليهم؟؟؟

لا انا لين الحين حكومي

انا من المحكوم عليهم بالتدريس مع سبق الاصرار والترصد


والمشكله سوو لنا حصار ومنعوا التنقل :rolleyes2:

[بواردي]

أنا ما تعودت أحكم الا من بعد أن استمع للقصة من الطرفيين . وفي حالة تعذر الطرفين أحاول أحسن الظن و أنظر بايجابية للموضوع.

و لكن الحق يقال : أعتقد الموضوع تم المبالغة فيه نوعاً ما - مع احترامي الحار لـ كاتب الموضوع - ، ويعلم الله أن ما بيني وبينه هو و أي من كتب رد من الأعضاء أي شي الا كلمة حق تقال .

لا اعتقد اذا تأخرت المدرسة مرة ولا مرتين في الشهر ان لم تكن في السنة ،، لتأدية مهام العمل ،، كـ مقال حيّ : حيث أعمل ساعات الدوام الرسميّ لدينا من السابعة والنصف الى الثالثة والنصف عصراً ،، ولكن لما تقتضي له الضرورة وحيثيات العمل الدؤوب ،، نواصل في العمل حتى ساعات متأخرة تصل أحياناً الى العاشرة والنصف مساءً وهذا يتكرر مرتين الى ثلاث مرات في الشهر ان لم تكن في الاسبوع الواحد و أحياناً متضمنة عطل نهاية الأسبوع .

ونص العقد يقول ساعات الدوام الرسمية من الـ 7.30 صباحاً وحتى الـ 3.30 مساءً ويجوز تمديد ساعات العمل بما تقتضي له الحاجة .



مع العلم أن الدرجة اللي أنا عليها ،، لا تستحق راتب عمل اضافي (أوفر تايم) ..

لكن ما تقتضيه المصلحة العامة و رفعة البلد فوق كل شئ .


سعيد بمرورك
لي الشرف اخوي تكون احد الضيوف في الموضوع
احترم وجهة نظرك
بس مافي ساعات اضافية بالمستقلة مدفوعة الاجر
يعني متى ما يبونك تجي غصب ولا تفكر بالاوفر تايم

[بواردي]

لا انا لين الحين حكومي

انا من المحكوم عليهم بالتدريس مع سبق الاصرار والترصد


والمشكله سوو لنا حصار ومنعوا التنقل :rolleyes2:

الله يفك حصاركم
نسال الله يوفقكم لوظائف افضل
وانشالله الفرج قريب

[eXpert*]

سعيد بمرورك
لي الشرف اخوي تكون احد الضيوف في الموضوع
احترم وجهة نظرك
بس مافي ساعات اضافية بالمستقلة مدفوعة الاجر
يعني متى ما يبونك تجي غصب ولا تفكر بالاوفر تايم


أنا أسعد بردودك الراقية ، وان دلت فأنها تدل على شخصك الكريم وأخلاقك النبيلة .

كما ذكرت آنفاً ،، ان كان نص العقد ذكر ان من واجب المدرسة البقاء حتى ساعات متأخرة حتى ولو كان بدون راتب أضافي(أوفر تايم)فـ الواجب الالتزام بما نصه العقد.

شاكر لك حسن حوارك .

[غناتي1]

ياشييييييييييييييييين اللي يتجبر -- ويظلم غيره

[براماتا]

والاخوة الزعلانيين من كلمة فول وطعمية :thumbup1:
ما في داعي للحساسية الزايدة


اخو قلبى.... محنا زعلانين

بس انت قاعد تعير وتسخر من انسانة مسلمة بغض النظر عن اكلها فول والا حتى جريش

ايش هى الحساسية ؟...احنا بس ننصحك خلك نقدك علمى بحت بعيد عن الشخصانية.

وكل دولة لها اكلة ...اشلون يعنى نقعد نقول ام المكبوس....ام السلتا...ام الدولمة

ام المحروق اصعبة...ام .......ام اربعة واربعين.

ما ينبغى.....خلك بصميم موضوعك.....اروح اتهاوش مع احد ادخل فى اصله ومدري

وش......!!!!

سلام اخو قلبى

[بواردي]

اخو قلبى.... محنا زعلانين

بس انت قاعد تعير وتسخر من انسانة مسلمة بغض النظر عن اكلها فول والا حتى جريش

ايش هى الحساسية ؟...احنا بس ننصحك خلك نقدك علمى بحت بعيد عن الشخصانية.

وكل دولة لها اكلة ...اشلون يعنى نقعد نقول ام المكبوس....ام السلتا...ام الدولمة

ام المحروق اصعبة...ام .......ام اربعة واربعين.

ما ينبغى.....خلك بصميم موضوعك.....اروح اتهاوش مع احد ادخل فى اصله ومدري

وش......!!!!

سلام اخو قلبى

وجهة نظر احترمها
وشاكر لك تنويهك
ولا تزعل في المواضيع الثانية انشا الله نبتعد عن الحساسية
شاكر مرورك

[ولد-قطر]

المفروض المدرسات مايعطونها وجه دام محصله احد معبرها اكيد راح تعمل فيهم كذا واكثر