صور بناتنا في الاتصالات للي ما يدرون

[بنQATARت]

المهم اعزائي فيه موضوع مهم وخطير جدآ ذكره لي صديقي الموظف في الاتصالات بإحدى الدول الخليجية وطلب مني نشره للناس حتى يحذرون من الكوارث ...

ذكر لي بإن جميع موظفين الاتصالات بإمكانهم الدخول عبر النظام لديهم لأي رقم ويرون الرسائل المتعددة الوسائط (mms) و صور الفتيات و المراسلات فيما بينهم .
وذكر لي بإن احد الموظفين دخل على رقم صديقه له ودخل على رسائل الوسائط التي ارسلتها من جوالها لأحد قريبتها وطبعها وفاجأها بإن صورها لديه !!!!!!!!!!!


أخواني أخواتي حذروا أصدقائكم وأخوانكم و أحبائكم وكل من تعرفونه من هذا الخطر الكبير و أن جميع الصور المرسله بالوسائط يطالعونها أكثر من 3 لآلاف موظف في الاتصالات و محفوظه لديهم في الاجهزه ...

و اذكر لكم مثال واقعي لتأكيد كلامي : في حالة كان جوالك يستقبل ولا يرسل وجائتك رسالة وسائط من اي شخص لاتظهر لك الصور وفقط يظهر لديك بإن الرقم الفلاني ارسل لك رسالة وسائط وبإمكانك مطالعة الصوره عبر موقع الشركة ويعطونك رقم سري لفتحها !! بمعنا الصور محفوظه وموجوده لديهم !!!!!

يا جماااااااااااااااااااعه ارجوكم انقلوها و خبرو الناااااااااااااااااااااااااااااااااس
!
!
!
للأمانه منقوووول

:telephone::telephone::telephone:
لكن اذا كان صحيح
نبي توضيح من كيوتل

[وتبقى الدنيا حلوه]

سمعت وحده قالت لي حتى لو شغلتي كيمرا الجوال بدون اتصال فيديو

يقدرون يشوفونا !!

بس أنا ما صدقت

اتمنى كيوتل يردون

[::.Silent.::]

ما اعتقد


ناطرين رد من كيوتل

[halcrow]

سوالف قالي وقالت لي وسمعت من وحده .... كله كلام في كلام وأشاعات مالها داعي

ولاتقعدون اتسوون شوشره في البلد من ولاشي .

[ولد-قطر]

والله الي تطرش صورتها عن طريق الجوال تتحمل عواقب هذا الشيء لانه كل شيء قابل للخطأ

واخبر في سالفه صارت في قطر يوم اثنين حصل بينهم حالة طلاق أو مشاكل من هذا القبيل وذلك بسبب خطأ حدث من كيوتل بس ماني متذكر الموضوع بصوره واضحة

[المشط]

خذها من عندي مستحيل حد يقدر يشوف الصور او الرسائل الا كم شخص ... ونفس الشي الكم شخص مايقدرون الا بكتب رسميه او امنيه

[sara_qatar]

ترى الصج السالفه وصارت في قطر من كم اسبوع لانه مكالمات الفيديو والصور تتخزن في كيوتل

وماسكين 3 شباب وبنت لانهم دخلوا على النظام

وللحين قضيتهم بالنيابه

وانا بعيني شفت قضيتهم

حسبيه الله عليهم

[السد]

المصدر اخوي؟

[♣شيبةالنخرة♣]

و اذكر لكم مثال واقعي لتأكيد كلامي : في حالة كان جوالك يستقبل ولا يرسل وجائتك رسالة وسائط من اي شخص لاتظهر لك الصور وفقط يظهر لديك بإن الرقم الفلاني ارسل لك رسالة وسائط وبإمكانك مطالعة الصوره عبر موقع الشركة ويعطونك رقم سري لفتحها !! بمعنا الصور محفوظه وموجوده لديهم !!!!!


هالكلام صحيح ان جاتك رسالة وسائط وكان جوالك ليس من الجيل الثالث يعطيك باسورد لدخول موقع كيوتل ورؤية الرسالة وهالكلام انا جربته اكثر من مره وهذا يثير علامات استفهام كثيره وان انكرت كيوتل او غيرها بالعقل نفكر كيف يتم تخزين مثل تلك الرسائل ؟؟ اكيد في database معين لكيوتل بمعنى انه اكيد في عدد من الموظفين يستطيعون رؤية هذه الصور والرسائل .. المهم والنصيحه لحد يرسل صور شخصية من خلال رسائل الوسائط ترى اللي ماتت ضمايرهم كثير .. ولحد يدافع عن كيوتل في هالنقطه لان ظهروا ناس يطلعون ارقام بنات وشباب عن طريق موظفين في كيوتل اذن نتوقع اي شي يحصل منهم وهالكلام صحيح مئه بالمئه ولا شرايكم ؟؟

[hemoud123]

انا اشوف ان الكلام مفروض يتوجه الى تحذير البنات من وضع صورهم او ارسالها بواسطه هذي التقنيه وانا ما اشوف اي سبب مقنعيضطر البنت ترسل صور لها بواسطة الجوال الا انها تكون اساءه استخدام

[♣شيبةالنخرة♣]

خذها من عندي مستحيل حد يقدر يشوف الصور او الرسائل الا كم شخص ... ونفس الشي الكم شخص مايقدرون الا بكتب رسميه او امنيه

ولدي المشط بقولك شغله .. ترى هالكلام سمعناه من بعض موظفي كيوتل يوم صار لبعض الناس شكاوي ان كيف حد يقدر يطلع ارقامهم قالو ماهوب اي شخص يقدر يطلع وممنوع وبينكشف ومن هالكلام ولكن مسلسل (تطليع) ارقام خلق الله من اللي يشتهونه ضعاف النفوس لين الحين شغال بمعنى ان الكلام اعلاه ما يطبقونه ولا شي وترى كيوتل مع احترامي لها ولكن عليها حركات ساعات نص كم مثل مره جاني اتصال من الامارات من شركة معينه كانت تبغي استبيان فاستغربت كيف جبتو رقمي ؟ قالت الموظفه بالحرف الواحد خذنا الارقام من كيوتل ويمكن دون اسماء بس يكفي انهم يبعثون بارقام العملاء وهذا اللي يتسبب في ازعاج الكثير من العملاء اللي تجيهم رسائل من خارج الدوله من ارقام غريبه او شركات معينه ..

[wise_man]

هالكلام صحيح ان جاتك رسالة وسائط وكان جوالك ليس من الجيل الثالث يعطيك باسورد لدخول موقع كيوتل ورؤية الرسالة وهالكلام انا جربته اكثر من مره وهذا يثير علامات استفهام كثيره وان انكرت كيوتل او غيرها بالعقل نفكر كيف يتم تخزين مثل تلك الرسائل ؟؟ اكيد في database معين لكيوتل بمعنى انه اكيد في عدد من الموظفين يستطيعون رؤية هذه الصور والرسائل .. المهم والنصيحه لحد يرسل صور شخصية من خلال رسائل الوسائط ترى اللي ماتت ضمايرهم كثير .. ولحد يدافع عن كيوتل في هالنقطه لان ظهروا ناس يطلعون ارقام بنات وشباب عن طريق موظفين في كيوتل اذن نتوقع اي شي يحصل منهم وهالكلام صحيح مئه بالمئه ولا شرايكم ؟؟


معاك قلبا وغالبا ياشيبة النخرة :d

وبما ان الموضوع مايضر احد والنصيحه موجوده لا بد من شكر صاحب الموضوع

وبصراحه استغرب من اللي ترسل صورتها حتى لو مستحيل موظفين كيوتل يشوفونها ممكن تغلط في رقم وتروح الصوره لشخ ثاني

[maha0]

حاسبوا من البلاك بيـــري

في نظام في كيوتل توصلهم اول الوسائط والمسجات بعدين تصل للشخص المرسل اليه


مصدر موثوق وانتوا بكيفكم

[نورالهدى]

الحين المفروض الواحد ما يستهتر ويرسل صوره وخصوصا النساء
سبحان الله لو صار غلط وراحت لشخص ثاني ويش بيكون رد الفعل
الوسائط خليها حق صور اليهال وبس
أدعيه بصوت جميل
مب عشان الواحده اتصور عمرها واتطرش
الحذر واجب
الله يستر على الجميع

[المشط]

ولدي المشط بقولك شغله .. ترى هالكلام سمعناه من بعض موظفي كيوتل يوم صار لبعض الناس شكاوي ان كيف حد يقدر يطلع ارقامهم قالو ماهوب اي شخص يقدر يطلع وممنوع وبينكشف ومن هالكلام ولكن مسلسل (تطليع) ارقام خلق الله من اللي يشتهونه ضعاف النفوس لين الحين شغال بمعنى ان الكلام اعلاه ما يطبقونه ولا شي وترى كيوتل مع احترامي لها ولكن عليها حركات ساعات نص كم مثل مره جاني اتصال من الامارات من شركة معينه كانت تبغي استبيان فاستغربت كيف جبتو رقمي ؟ قالت الموظفه بالحرف الواحد خذنا الارقام من كيوتل ويمكن دون اسماء بس يكفي انهم يبعثون بارقام العملاء وهذا اللي يتسبب في ازعاج الكثير من العملاء اللي تجيهم رسائل من خارج الدوله من ارقام غريبه او شركات معينه ..

في فرق بين انك تعرف اسم صاحب رقم معين وبين انك تقدر تجسس على رسائل ناس

تطلع رقم باسم من هذا شي سهل اي موظف يقدر يطلع لك اسم صاحب الرقم

لكن انك تدخل على رسائل الواسط هذا مستحيل

وانا متاكد من هذا الشي

وللعلم انا مب موظف في كيوتل وعندي فلوسي تطيح في الشارع ولا تروح حق كيوتل من زود المعزه لهم في قلبي ... لكن كلمه الحق لازم نقووولها .. وكلامي انا متاكد منه

[المشط]

حاسبوا من البلاك بيـــري

في نظام في كيوتل توصلهم اول الوسائط والمسجات بعدين تصل للشخص المرسل اليه


مصدر موثوق وانتوا بكيفكم

البلاك بيري نعم يوجد فيه ثغرات كثيره

ومن كم سبوع شفت خبر على سي ان ان ان تم منع وسحب تلفون رئيس امريكا اوباما ... تلفونه بلاك بيري ... والسبب ان ممكن يتجسسون عليك ويشفون كل الملفات الخاصه فيك

[Bu Rashid]

شكرا لصاحب الموضووووووع على التنبيه ....
هذه حقيقه يجب ان يعرفها الكل سواء كان مسج او ام م اس يعني صوره او فيلم من الي يحبه
قلووووبكم ... كيوتل باستطاعتها ان ترى وتعرف وتشوف متى ما تريد لان كل المعلومات
ترووووح عن طريق السرفر ويتخزن عندهم للمستقبل ...
ولكن كما قال اخي المشط هناك موظفيين محدديين الذين باستطاعتهم الحصول على هذه المعلومه
الزبده ان الصوووور والافلام موجوووووده في كيووووطل ...

[بوحارب]

الله يستر لحد يشوف صورتي بس :(<<<< من زينك :weeping:
مشكورة على التحذير بنت قطر وننتظر اراء الخبراء :telephone:

[تدلل قطر]

كلشي جائز

[eXpert*]

عندي تسائل : تخيلوا فتاة أرسلت صورتها بـ الغلط الى احدى أرقام الهواتف !!

ماهي ردة فعلها ؟

[كيفـي]

بصراحة بعض اللى يشتغلون بكيوتل ماعندهم ذمة..!!!

لان رقم أختي بأسم زوج اختي الثانية.. وتخيلوا صديق زوج اختي..

يقوله من هذي اللى جات تدفع الفاتورة عنك..!!!!

(قلة أدب + وقاحة)..!!

وبعضهم يتفاخر بإنه يطلع أي رقم بأسم من..!!

وغيره وغيره.. وانا عرفت انهم يشوفون من شفت رابط بالرسالة اللى ماتنفتح..

والله يستر علينا وعلى بنات المسلمين..!!

وجزاك الله خير اخوي..

[qarooob]

والله اللي بتصور في الجوال تستاهل اللي بيصير
مع احترامي للكل
مافي داعي
غير انه تظل الصوره عند كيوتل اصلا لو ضاع الجوال

شنو بيصير فيج
ولو طاح في يد ناس ماعندها ضمير


الله يستر على الكل
والله ماعمري صورت ولا حتى افكر اصور في جوالي
حتى لو فكرتوا تبيعونه في برامح ترجع كل شيء مخزن وانمسح

[سلمى76]

اللي بترسل صورها لاخرى

هل تثق ان هذه اليد امينة

واللي تصور نفسها على الجوال

ممكن يضيع منها او ينسرق او تموت ويقع في يد غير امينة

اللهم استرنا فوق الارض وتحت الارض ويوم العرض عليك

[ALRAYYAN]

ابتعدوا عن إرسال صوركم ... وإنتهى

[ANONYMOUS]

ماعتقد ان في شخص راح يرسل لرقم شخص ثاني بالخطا

لان اكيد الرقم مخزن هههههههههههههههههههههههه

[الصيـاد]

فوق ما هم يصكونا بالفواتير بعد يتجسسون علي صور ورسائل خلق الله

عيب يا كيوتل ما تصون اسرار الناس حاطين ناس منحطة تستمع بالتجسس ومن ثم الابتزاز

كيوتل كرهتك


يالربع لا يكون يتجسسون علينا بالمنتدي واي واحد ينتقدهم يطلعون اسمة ويلعوزونة

لاني الاحظ من يوم قاعد انتقد كيوتل كل اسبوع او 10 ايام يصكرون الجوال واروح ادفع جزء

في اقرب فرصة بتخلص من رقم كيوتل

[" روح قطر "]

ياااااااااااااااااااساااااااااااااااااااااااااااتر

الله يستر علينا وعلى بنات المسلمين

[latty]

وماخفي اعظم

[الدمعه]

اصلا ليش البنت تتطرش صورها بالتلفون ماله داعي كلش .. والله ماعندها سالفه وتستاهل اللي يصير لها ..

[فلفل حار]

اختــي لاتعبين نفسج

حتي لو السالفه صج بيقولون مافي وماعندنا وقطر بعيده عن هالسوالف .... :rolleyes2:



وللعلم اتوقع فـــي ....:telephone:

بس مافي امل تنتشر هالسوالف بــرع ....:victory:





اخرتها بنرجع على هالتلفونـات ....

http://upload.wikimedia.org/wikipedia/commons/thumb/5/58/Nokia_5110.jpg/450px-Nokia_5110.jpg



شحلاته والله .... لا فيرتو ولا بلاك بيري وربعه .... :)


والله يستــر على الجميـــع من هالسوالف الماصخــه ....

:nice:

[غناتي1]

لازم يطلع شئ في التكنلوجيا المتطورة هاذي يكون قيه استغلال سئ

[مساهم فنان]

أنا أعتقد كل الاتصالات في العالم تستطيع تعرف الأرقام اللي اتصلت بها وممكن يكون فيه تسجيل أصوات ويمكنهم الاطلاع على المسجات بأنواعها ، لكن لا يطلعون على ذلك إلا بأوامر عليا .. فلا تخافوا من كيوتل وغيرها ومستحيل موظف عادي يطلع على ذلك .
أما معرفة الرقم فسهل عند الموظفين ... يحط رقم البطاقة الشخصية ويطلع الرقم ، أو يحط الرقم فيطلع صاحبه .

[BURBERRY]

كل المسجات و المكالمات الصوتيه و مكالمات الفيديو و الصوور المرسله مخزنه في سيرفس امن الدوله ... و ما يقدر اي شخص يشوف البيانات إلا بأوامر و تصريح ..

:nice:

[بنت ابوها 19]

باااال سالفه قديمه
ومن زمان ندري فيها

وانا ولد عمتي يشتغل مسؤل قسم في كيوتل

ساألناه مره وقال اي تم الصور 3 تيام بالضبط وبعدها تنمسح
والي يقدر يشوفها هم المتخصصين بقسم الوسائط المتعدده


السالفه مايبيلها مصدر ولا أثبات وغيره

[فهد111]

فوق ما هم يصكونا بالفواتير بعد يتجسسون علي صور ورسائل خلق الله

عيب يا كيوتل ما تصون اسرار الناس حاطين ناس منحطة تستمع بالتجسس ومن ثم الابتزاز

كيوتل كرهتك


يالربع لا يكون يتجسسون علينا بالمنتدي واي واحد ينتقدهم يطلعون اسمة ويلعوزونة

لاني الاحظ من يوم قاعد انتقد كيوتل كل اسبوع او 10 ايام يصكرون الجوال واروح ادفع جزء

في اقرب فرصة بتخلص من رقم كيوتل


:rolleyes2:

[النجلا]

اول شي البنات من الاساس ليش يتصورون في الجوال..؟ قلة كيمرات يعني ..؟

يعني مايخأفون في اي لحظة الجوال يضيع والا يصير اي شي..؟

المهم انا صآآر لي موقف بخصوص هالموضوع جاتني رسالة من وحدة كان بيني وبينها مشكلة المهم من كثر ماانا معصبة مسحت الرسالة مع اني كنت بخليها اراوي الوالدة المهم قمت اتصلت كيوتل وكلمني الموظف ودار بيننا الحوار التالي

انا : لو سمحت اخوي عندي رسالة مسحتها من جوالي وحابه اعرف اذا تقدرون تطلعونها لي..
موظف كيوتل : اختي شنوع الرسالة اس ام اس والا ام ام اس
انا : لا الرسالة عادية نصية ..
موظف كيوتل : اذا رسالة نصية اسمحيلي اختي ماقدر اطلعها بس لو كانت صورة كنت اقدر اطرشها لج الحين .. اوكي مع السلامة ..

شرآآآيكم .....؟ وطبعـــاً انا قلت حق ربعي وهلي هالموضوع كنوع من التحذير مع انهم مايصورون في الجوال ..

والله الشاهد على كلامي صار هالموضوع من 6 شهور تقريبا

والله يستر على بنات المسلمييين جمييع يااارب

[ثرية]

والله سالفه وين الخصوصيه وين احترام ادميه الشخص

اخترقوا كمبيوتراتنا وقلنا هكر سرقوا صورنا وسكتنا تطفلوا علينا وبلعنا حرتناااااا بعد اوصلوا لين الجوال شدعوه اعراض الناس عندهم لعبه

يالله يارب اي انسان توزه نفسه على هالحركات الله يبليه في هله والي ينشر فضايح الناس الله يفضحههههههههه فيه وفي هله واقرب الاقربون

[السلطان]

ياجماعة لاتظلمون كيوتل
ماسمعت ان حد انتشرت صورته والسبة كيوتل
وسالفة انهم يشوفون الصور اشوفها عادي
الواحد لايطرش الا صورة هو مقتنع فيها ومافيها فضيحة لو انتشرت
وكل واحد يتحمل مسؤولية نفسه

بس انه احد يقدر يطلع رقمك من كيوتل موجودة
لكثرة الموظفين وكل موظف وضميره

للعلم
انا مااشتغل في كيوتل ومالي مصلحة عندهم

[امل الحب]

أنا أعتقد كل الاتصالات في العالم تستطيع تعرف الأرقام اللي اتصلت بها وممكن يكون فيه تسجيل أصوات ويمكنهم الاطلاع على المسجات بأنواعها ، لكن لا يطلعون على ذلك إلا بأوامر عليا .. فلا تخافوا من كيوتل وغيرها ومستحيل موظف عادي يطلع على ذلك .
أما معرفة الرقم فسهل عند الموظفين ... يحط رقم البطاقة الشخصية ويطلع الرقم ، أو يحط الرقم فيطلع صاحبه .

هالشي ممنوع والمكالمات من خلال السستم مسجلة .. واي شخص مايبي وظيفته خل يعطي اسم صاحب رقم تم السؤال عنه :)

[وتبقى الدنيا حلوه]

الله يحفظ الجميع

[~ نســـايم ~]

وي شهالسوالف اللي تخرع بس الحمدلله انا ما اطرش وسائط حق احد الا صور كرتونيه وجي ومره بس طرشت صورة بنتي حق اختي والظاهر بحرم بعد اليوم والله حاله مافي شي فيه امان ماصارت

[قطريه ماتهاب]

وش حادهم يطرشوون!!

اذا كانت الصور تتخزن في السيرفر صعب تبقى مده طويله لان السيرفر مايتحمل

يعني اكيد كيوتل يمسحونهم بعد فترة