هرطقات سائق ملتزم [الأرشيف] - منتديات شبكة الأسهم القطرية

OTOsan

18-01-2006, 01:27 PM

هر..طقات سائق ملتزم

في اطار الهرطقات المتواصلة لي ( مستر لونلي ) قررت ان اكتب .. وحينما قررت ان اكتب .. فكرت

عن ماذا اكتب ، وبما اني اطيل التفكير في اي شئ كان وانا اقود سيارتي .. ففكرت ان اكتب عن

السائقين .. وملاحظاتي التي جمعتها خلال ثمان سنوات هي خبرتي في السواقة ، ربما لم تفِ

بالغرض من خلال هذه النقاط .. ولكنها محاولة لا اقل ولا اكثر .. واسكاتا لهاجس الكتابة الذي حل

بي :

1 - مافي اسوا من انك تكون متاخر عن شغلك .. وتجي تشغل موترك .. مايشتغل .. شعور

كئيب على الصبح ... مايفوقه اكتئابا الا رؤية البورصة مصبوغة باللون الاحمر ..

2 - مافي يوم يمر الا ويكون قدامك سائق متردد عند الدوار .. يقول في خاطره .. امشي .. لا ما

امشي .. انطلق .. لا ماراح انطلق .. ويتم يفكر الين مايصير سيد السيارات واصل للدوار اللي قبله ..

3 - تخيل نفسك .. واقف قدام الدوار .. في امان الله .. وناطر تنطلق .. وفجأه يدعمك واحد من ورا ..

تنزل وتطالع وهو ينزل ويطالع .. ويقول لك بكل برود ( حزات ) وبكل غباء ( على الاغلب ) : اسف

ماشفتك .. عبالي رحت ) .. اشدعوه ياخي ماشفتني .؟؟ لايكون انا سايق سيكل ونا مادري ..

عجايب

4 - تسوق وانت ماسك اليسار .. وماشي بسرعه معقوله .. ويجيك واحد مكيم من ورا يعطيك

ديمات تبي توخر على يمينك سيارات .. ويتم يديم ويديم ويديم ----> نفس دعاية

تدوم وتدوم وتدوم ، زين انت شايف الوضع اشحقه مستعجل لهالدرجه ؟؟؟؟؟

5 - اكره ما اكره من السواقين اللي تكون قدامه في الاشاره او الدوار ويتم يهرن لك .. يعني امش انا

مستعجل .. او اول ماتصير الاشارة صفرا يهرن لك .. هذول صج اذيه .. اشدعوه ياخي انت بروحك

تعرف الالوان ؟؟ حتى انا اميز بين الاحمر والاخضر

6 - في ناس تعشق الجهة اليسرى -------> الله يجعلنا من اصحاب اليمين .. يمشي على مهله

سلوووووولي لو وراه امية سياره مايهتم ..مادري ليش .. وفي ناس من غبائها تكون ماسك النص

او اليمين تديم لك تبيك توخر ههههههههههههههههه

7 - لو كنت في اشاره مكونه من ثلاث حارات .. وجاك واحد داش من بين السيارات وخلاهم اربع

حارات .. طالع لوحة السياره وبتعرف السبب -------> عرفتوه ؟؟

8 - لفت انتباهي في سيلين مره شاب .. يستعرض ويطعس ---> شي عادي

مايلفت الانتباه .. بس لفت انتباهي انه هو واللي حذاه رابطين احزمة الامان !!! هل هو

ذكاء ام توقع لكارثه لاسمح الله ؟

9 - نظرية الانتقام موجودة بين اغلب السائقين .. يعني لو لفيت عليه بالغلط لازم يلف عليك ..

مادري اشبيستفيد اللي يطبق نظرية الانتقام بحذافيرها .. المفروض تلاقي عذر لاي حد سوى

شي غلط وهو يسوق ماتدري ظروفه شنهي !

10 - مايكسر خاطري الا هندي متوهق الكل يهرن له وياشر له يبي يسابقه .. تدرون ليش ؟

سايق سيارة كفيله ( نيسان باب واحد مكتوب فيه من ورا .. مــا....... ) هههههههه مسكين .

11 - بالرغم من التوعيه والتحذيرات والبلاوي والحوادث الا اني اشوف اغلبية الشباب مايعتبرون ..

سرعه في سرعه 24 ساعه .... زين ليش ؟؟؟

12 - من خلال تجربتي اكتشفت شي حبيت انقله لكم ... سماع شريط لام كلثوم يوفر ماقيمته

حوالي 20 ريال من البترول عن سماع شريط لموضي او مطرب مرتبش اخر .. النغم الهادئ يساعد على عدم

التهور .. والطرب يخليك تسوق على 160 ونت ماتحس .. ( زين ليش مانسمع قران احسن بكثير

صح ؟؟ )

13 - عادة قبيحه نتمنى القضاء عليها قريبا وهي عادة ( اخخخخخ تفو ) عند الاشارات ... يع .

14 - قل لي ( شاللزقه اللي حاطها على موترك من ورا ) ... اقل لك من انت ..

15 - اكثر من مره اصادف بنيه تسوق واكتشف ان حركاتها في السواقه العن من بعض الشباب ..

تسابقك ..وتلف عليك .. وعادي تخليك تطلع عالرصيف .. اشدعوه وين الرقه وين الانوثه

ههههههههههههه .. توني مصادف وحده من هالنوعيه امس

16 - غريبه اصرار البعض انك تسمع معاه اغنيه غصب حتى ونت بموترك .. يرفع الصوت حده يبيك

تسمع .. المشكله ان بعضهم ( خاصه اصحاب الموستنغ ) مايسمعك الا انجليزي -----> سمعني عربي عالاقل عشان افهم .

هذي كانت بعض الملاحظات .. واتوقع وجود الكثير والكثير والمزيد منها .. واترك لكم المجال للاضافة

، وقبل لا انهي الموضوع حبيت اوجه كلمة شكر وتقدير من القلب لجميع افراد وافرادات

-----> جمع مؤنث المرور والدوريات ولخويا والنجده .. المهم أي شخص

يلبس لبسة شرطه على جهودهم الواضحه جدا جدا خلال فترة العيد وخلال الايام العادية بعد ..

والى لقاء اخر

بنت الحرمي

18-01-2006, 01:56 PM

لوووووووووووووووووووووووول .. :app:

والله موضوعك عجيب يا Mr Lonely

انا من هالناحية مرتاحة .. لا اسوق ولا اعور راسي .. قاعدة مرتاحة :D

لاهنت على هالموضوع .. صدقت في كل كلمة قلتها

Bently

18-01-2006, 02:07 PM

ياسبحان الله نفس الي يحصلي وواجهم كل يوم في طريقي
وخاصة هر... طقات رقم 6
وتسلم أخوي ويعطيك العافيه ويكفيك شرهم

OTOsan

18-01-2006, 02:21 PM

لوووووووووووووووووووووووول .. :app:

والله موضوعك عجيب يا Mr Lonely

انا من هالناحية مرتاحة .. لا اسوق ولا اعور راسي .. قاعدة مرتاحة :D

لاهنت على هالموضوع .. صدقت في كل كلمة قلتها

احسن لج مرتاحه هههههههه .. يعطيج العافيه عالمرور والتعليق :)

ياسبحان الله نفس الي يحصلي وواجهم كل يوم في طريقي
وخاصة هر... طقات رقم 6
وتسلم أخوي ويعطيك العافيه ويكفيك شرهم

مشكور اخوي بنتلي على مرورك .. ويكفينا ويكفيك شرهم ان شاء الله :)

relaax

18-01-2006, 03:36 PM

يعطيك العافيـــــــــه

OTOsan

19-01-2006, 07:53 AM

يعطيك العافيـــــــــه

الله يعافيك ريلاكس وشاكر لك مرورك

lwfabs

12-09-2006, 03:35 PM

مشكور أخوي على هذي الهرطقات الجميلة . وكثر منها ;)

khaldoon

12-09-2006, 03:56 PM

روووووعه في الطرح
الله يعطيك الف عافيه يا مستر لونلي

ROSE

12-09-2006, 04:23 PM

ازيدك من الشعر بيت

1- وانت على الدوار ماسك الوسط تبي تروح سيده الا جايك هندي وماسك اقصى يمين ويبي
يلف اقصى يسار ويدعمك على الدوار وانت منتظر المرور
والا واحد مسرع ويدعمك من ورا شبيصير فيك :eek2:

2- الدوار فاضي وجدامك سيارة تتوقع انه مشى توك تبي تحرك الا الريال واقف يطالع يمين يسار ماسك بريك

( شودك تسوي فيه ) :mad:

3- تمشي بسبحان ربك وتسمع قصة من قصص الانبياء او اذاعة القرآن الكريم وانت مندمج

وفي سبحانيتك شوي الا واحد لاف عليك ويسمك بريك جدامك ( ودك تنزل وبالكعب على راسه )

:funny: :funny: :funny: :funny: :funny:

4- معاك يهال بالسيارة الا شباب ماعندهم سالفة قاعدين يعاكسون :mad:

5- ماسك خط الوسط وماشي 100-120 شوي الا واحد ضارب لك ديم فول ( وخر عن طريجي )

وتحترم نفسك وتوخر علشانه الا الاخ قاعد يتسابق مع ربيعه ( الله يعين الاعصاب حزتها )

6- ماشي في طريجك الا بيك اب والسواق هندي طالع لك من اللفة ويسرع مايبيك تطوفه او تلف جدامه مع انك ماسك الخط وضارب اشاره انك بتلف

امسك اعصابك اوعى تتهور :eek2:

لي تذكرت مواقف باقول لك بعد :looking:

يعطيك العافية يارب

Mercedes

12-09-2006, 05:04 PM

الأجتماعات الوزارية كثيرة عشان كذا الشباب مستعجلين ...

خلك احذى الرصيف وفك عمرك حبيب ألبي

اتمنى اعطائي رخصة هليوكبتر ... كي اتحاشى تلك الأمور ..

اللى اذا اصعدوا الجو .. ومن هنا ستبدأ الكوارث

لا تقولي حادثة نيويورك 2001 .. وحياتك عطهم يومين واذا ما شفت الفورسيزن منسدح

ولله العظيم وانا راجع من الشغل .. واقف جدام الدوار ... وشفت المراية الأمامية .. اللى وفيكسار واللي يسوقه مراهق يمشي 300 .. من شدة خوفي انه يطمر علي .. دخلت الدوار غصب معى انه زحمة .. خذلك هرنات عاد .. بيب بييييب

المحبووووب

12-09-2006, 05:09 PM

الله يعطيك العافية يا مستر لونلي

خاربه خاربه

12-09-2006, 05:14 PM

:app: :app: :app:

يعطيك العافيه يارب

والحمدالله ما اسوق جان مت من زمان :shy:

OTOsan

13-09-2006, 12:38 AM

مشكور أخوي على هذي الهرطقات الجميلة . وكثر منها ;)

كل الشكر لك لتفضلك بالمرور :)

شكل المواضيع القديمه كلها بتعود للحياه هههههههههههههه

لمت داون111

13-09-2006, 01:10 AM

ازيدك من الشعر بيت

1- وانت على الدوار ماسك الوسط تبي تروح سيده الا جايك هندي وماسك اقصى يمين ويبي
يلف اقصى يسار ويدعمك على الدوار وانت منتظر المرور
والا واحد مسرع ويدعمك من ورا شبيصير فيك :eek2:

2- الدوار فاضي وجدامك سيارة تتوقع انه مشى توك تبي تحرك الا الريال واقف يطالع يمين يسار ماسك بريك

( شودك تسوي فيه ) :mad:

3- تمشي بسبحان ربك وتسمع قصة من قصص الانبياء او اذاعة القرآن الكريم وانت مندمج

وفي سبحانيتك شوي الا واحد لاف عليك ويسمك بريك جدامك ( ودك تنزل وبالكعب على راسه )

:funny: :funny: :funny: :funny: :funny:

4- معاك يهال بالسيارة الا شباب ماعندهم سالفة قاعدين يعاكسون :mad:

5- ماسك خط الوسط وماشي 100-120 شوي الا واحد ضارب لك ديم فول ( وخر عن طريجي )

وتحترم نفسك وتوخر علشانه الا الاخ قاعد يتسابق مع ربيعه ( الله يعين الاعصاب حزتها )

6- ماشي في طريجك الا بيك اب والسواق هندي طالع لك من اللفة ويسرع مايبيك تطوفه او تلف جدامه مع انك ماسك الخط وضارب اشاره انك بتلف

امسك اعصابك اوعى تتهور :eek2:

لي تذكرت مواقف باقول لك بعد :looking:

يعطيك العافية يارب
مع احترامي الشديد لج اختي بس بصراحه الهنود مايسوون هالحركات للشباب

لانه يعرف انه بينزل له وطراق واحد علي ويها يخليه ينسي الدنيا ومافيها :looking:

لمت داون111

13-09-2006, 01:16 AM

الأجتماعات الوزارية كثيرة عشان كذا الشباب مستعجلين ...

خلك احذى الرصيف وفك عمرك حبيب ألبي

اتمنى اعطائي رخصة هليوكبتر ... كي اتحاشى تلك الأمور ..

اللى اذا اصعدوا الجو .. ومن هنا ستبدأ الكوارث

لا تقولي حادثة نيويورك 2001 .. وحياتك عطهم يومين واذا ما شفت الفورسيزن منسدح

ولله العظيم وانا راجع من الشغل .. واقف جدام الدوار ... وشفت المراية الأمامية .. اللى وفيكسار واللي يسوقه مراهق يمشي 300 .. من شدة خوفي انه يطمر علي .. دخلت الدوار غصب معى انه زحمة .. خذلك هرنات عاد .. بيب بييييب

شعرفك انه عندهم اجتماعات وزاريه ؟؟ والله انه دايما اقول هالجمله لما اشوف واحد طاير هههههههههههههههههه

شكلك تعرفني :D

وبالنسبه للمراهق ماجات علي واحد ولا اثنين الدوحه متروسه منهم

تصدق اذا عندي اجازه ولا شي ( خبرك الرقاد معتفس ) والله بعد الساعه 12 ماقمت اطلع من البيت الا اذا اضطريت من كثر الملل واخذ لي كرك وارجع البيت بكرامتي

لانه ادري انه المبزره تارسين الدوحه الي مركب فلتر ريس ومستانس ولا الي يمر جنبك هو وربعه ويطالعونك كلهم >>> والله انا اطالعهم واضحك بويوهم <<< لعبتي اقهرهم :dance

مره بالصدفه ماشي علي خط الكورينش مع واحد وكل شوي يطالع ويطالع والله أشرت له ولما وقف اقوله الشيخ ماتبي تصور معاي ولا شي؟؟ هههههههههه والله تخلف :D

غير الي يتحرش يبي يدز >>> عنبووه شالطاقه الي فيك لا ترتاح صبح ولا ليل كله 24 تبي تسابق ؟؟ ماعمرك بنجرت علي سرعه ولا دعمت دعمه خشنه عشان تووب ؟؟

عشان جذيه احشم عمري عن هالمبزره واقعد بميالس الربع ابرك :nice:

ROSE

13-09-2006, 01:17 AM

مع احترامي الشديد لج اختي بس بصراحه الهنود مايسوون هالحركات للشباب

لانه يعرف انه بينزل له وطراق واحد علي ويها يخليه ينسي الدنيا ومافيها :looking:

لا والله يسوونها اخوي وخاصة اذا كانت بنت تسوق

مستقوين الهنود هالايام مادري ليش crazy crazy

لمت داون111

13-09-2006, 01:26 AM

وربي موضوعك روووعه يامستر لونلي وعندي تعليقات كثيره بس بكتفي بالرد علي نقطه وحده من النقاط الرووعه الي ذكرتهم وذلك بعد اذنك :nice:

']15 - اكثر من مره اصادف بنيه تسوق واكتشف ان حركاتها في السواقه العن من بعض الشباب ..

تسابقك ..وتلف عليك .. وعادي تخليك تطلع عالرصيف .. اشدعوه وين الرقه وين الانوثه

ههههههههههههه .. توني مصادف وحده من هالنوعيه امس

تصدق هالنوعيه انتشرو وايد :confused:

واغلبهم توهم ببدايه سواقتهم يعني لا تعرفون لاتسوقون ولا تعرفون تحشمون اعماركم ؟؟:anger2:

والامثله كثيره والله وشوفت عيني بس بقولك سالفته وحده عندها نيسان فور ويل ومعروفه والله يستر عليها دايما تلحق الشباب تبي تسابقهم :funny: :funny:

والله مره شفتها وتحرشت فيني تبي تسابق طالعتها وضحكت و سويت بيدي حركه الحمدلله والشكر ومشيت عنها :strong <<< ورفعت ريلي بويها نحاس لها :D

لانه بصراحه الحمدلله والشكر علي الغباء الي هم فيه :dance

يعطيك العافيه علي الموضوع الراائع :app:

لمت داون111

13-09-2006, 01:28 AM

لا والله يسوونها اخوي وخاصة اذا كانت بنت تسوق

مستقوين الهنود هالايام مادري ليش crazy crazy
افا عليج قوليلي عن اي موتر يتعرض لج كم روز عندنا احنا ;)

وحزتها بيكون عندج تايرين اسبير << واحد وكاله وواحد غريغا :D :D

ROSE

13-09-2006, 01:30 AM

افا عليج قوليلي عن اي موتر يتعرض لج كم روز عندنا احنا ;)

وحزتها بيكون عندج تايرين اسبير << واحد وكاله وواحد غريغا :D :D
:eek2: :funny: :funny: :funny:

:dance :dance :dance :dance

OTOsan

13-09-2006, 07:38 AM

روووووعه في الطرح
الله يعطيك الف عافيه يا مستر لونلي

الاروع مرورك اخوي خلدون .. واشكرك عليه جزيل الشكر

OTOsan

13-09-2006, 07:44 AM

ازيدك من الشعر بيت

1- وانت على الدوار ماسك الوسط تبي تروح سيده الا جايك هندي وماسك اقصى يمين ويبي
يلف اقصى يسار ويدعمك على الدوار وانت منتظر المرور
والا واحد مسرع ويدعمك من ورا شبيصير فيك :eek2:

2- الدوار فاضي وجدامك سيارة تتوقع انه مشى توك تبي تحرك الا الريال واقف يطالع يمين يسار ماسك بريك

( شودك تسوي فيه ) :mad:

3- تمشي بسبحان ربك وتسمع قصة من قصص الانبياء او اذاعة القرآن الكريم وانت مندمج

وفي سبحانيتك شوي الا واحد لاف عليك ويسمك بريك جدامك ( ودك تنزل وبالكعب على راسه )

:funny: :funny: :funny: :funny: :funny:

4- معاك يهال بالسيارة الا شباب ماعندهم سالفة قاعدين يعاكسون :mad:

5- ماسك خط الوسط وماشي 100-120 شوي الا واحد ضارب لك ديم فول ( وخر عن طريجي )

وتحترم نفسك وتوخر علشانه الا الاخ قاعد يتسابق مع ربيعه ( الله يعين الاعصاب حزتها )

6- ماشي في طريجك الا بيك اب والسواق هندي طالع لك من اللفة ويسرع مايبيك تطوفه او تلف جدامه مع انك ماسك الخط وضارب اشاره انك بتلف

امسك اعصابك اوعى تتهور :eek2:

لي تذكرت مواقف باقول لك بعد :looking:

يعطيك العافية يارب

هههههههههههه عيل انا ناسي نقاط كثيره الظاهر ،،

شاكر لج تعقيبك واضافتج للموضوع ..

وحبيت اقول للسواقين جمله مشهوره .. واتذكر انها محطوطه اول ماتدش منطقة الريان ومدري شلوها ولا للحين .. والجمله كانت تقول :

( قد تحتاج حزام الامان مرة .. ولكن اي مره ؟ ) ------> ونا صغير كنت اقول منهي هالمره اللي تبي حزام امان ؟؟ " عبالي يقصد حرمه " هههههههه

شاكر لج مرورج ..

OTOsan

13-09-2006, 07:46 AM

الأجتماعات الوزارية كثيرة عشان كذا الشباب مستعجلين ...

خلك احذى الرصيف وفك عمرك حبيب ألبي

اتمنى اعطائي رخصة هليوكبتر ... كي اتحاشى تلك الأمور ..

اللى اذا اصعدوا الجو .. ومن هنا ستبدأ الكوارث

لا تقولي حادثة نيويورك 2001 .. وحياتك عطهم يومين واذا ما شفت الفورسيزن منسدح

ولله العظيم وانا راجع من الشغل .. واقف جدام الدوار ... وشفت المراية الأمامية .. اللى وفيكسار واللي يسوقه مراهق يمشي 300 .. من شدة خوفي انه يطمر علي .. دخلت الدوار غصب معى انه زحمة .. خذلك هرنات عاد .. بيب بييييب

اقتراح جيد .. بس اتهقى الهيلوكبتر تقدر تلغمهما ؟؟
هههههههههههههه
يسوونها شباب الدوحه .. مب غريبه عليهم ..

بالنسبة للنوع اللي ذكرته .. اذا شفته وراي اخذ يمين واصير سائق ملتزم من قلب واقول " الله يستر عليه "

الف شكر على مرورك الرائع اخوي مرسيدس واضافتك ..

يله السموحه .. عندي اجتماع وزاري هههههههههههههه

OTOsan

13-09-2006, 07:48 AM

:app: :app: :app:

يعطيك العافيه يارب

والحمدالله ما اسوق جان مت من زمان :shy:

بعيد الشر عنج ان شاء الله .. بس اخاف الظروف تحدج عليها ..
واذا اضطريتي تسوقين .. اهم شي حزام الامان ههههههه

شاكر لج مرورج ..

OTOsan

13-09-2006, 07:48 AM

الله يعطيك العافية يا مستر لونلي

الله يعافيك اخووي المحبوب وشاكر لك مرورك ..

OTOsan

13-09-2006, 07:53 AM

شعرفك انه عندهم اجتماعات وزاريه ؟؟ والله انه دايما اقول هالجمله لما اشوف واحد طاير هههههههههههههههههه

شكلك تعرفني :D

وبالنسبه للمراهق ماجات علي واحد ولا اثنين الدوحه متروسه منهم

تصدق اذا عندي اجازه ولا شي ( خبرك الرقاد معتفس ) والله بعد الساعه 12 ماقمت اطلع من البيت الا اذا اضطريت من كثر الملل واخذ لي كرك وارجع البيت بكرامتي

لانه ادري انه المبزره تارسين الدوحه الي مركب فلتر ريس ومستانس ولا الي يمر جنبك هو وربعه ويطالعونك كلهم >>> والله انا اطالعهم واضحك بويوهم <<< لعبتي اقهرهم :dance

مره بالصدفه ماشي علي خط الكورينش مع واحد وكل شوي يطالع ويطالع والله أشرت له ولما وقف اقوله الشيخ ماتبي تصور معاي ولا شي؟؟ هههههههههه والله تخلف :D

غير الي يتحرش يبي يدز >>> عنبووه شالطاقه الي فيك لا ترتاح صبح ولا ليل كله 24 تبي تسابق ؟؟ ماعمرك بنجرت علي سرعه ولا دعمت دعمه خشنه عشان تووب ؟؟

عشان جذيه احشم عمري عن هالمبزره واقعد بميالس الربع ابرك :nice:

هههههههه حلوه سالفة اللي يطالعون ،،
يمكن معذورين مساكين .. هي وحده من ثنتين .. اما مشبهين .. او معجبين هههههههه
ياخي انا اتذكر هالسوالف كانت على ايام ماكنت في الاعداديه .. يعني قبل 13 سنه .. كان حلم مراهقه سياره تلغمها وتسابق فيها وتشل .. والحين انا والله اشوفها اشياء مالها داعي مع احترامي للي يعشقها بس هذي وجهة نظري ، واستغرب ان هالتفكير لازال للان مع الجيل الجديد

غريبه ..

الف شكر اخوي لمت داون على تفضلك بالمرور والتعقيب ..

OTOsan

13-09-2006, 08:07 AM

وربي موضوعك روووعه يامستر لونلي وعندي تعليقات كثيره بس بكتفي بالرد علي نقطه وحده من النقاط الرووعه الي ذكرتهم وذلك بعد اذنك :nice:

تصدق هالنوعيه انتشرو وايد :confused:

واغلبهم توهم ببدايه سواقتهم يعني لا تعرفون لاتسوقون ولا تعرفون تحشمون اعماركم ؟؟:anger2:

والامثله كثيره والله وشوفت عيني بس بقولك سالفته وحده عندها نيسان فور ويل ومعروفه والله يستر عليها دايما تلحق الشباب تبي تسابقهم :funny: :funny:

والله مره شفتها وتحرشت فيني تبي تسابق طالعتها وضحكت و سويت بيدي حركه الحمدلله والشكر ومشيت عنها :strong <<< ورفعت ريلي بويها نحاس لها :D

لانه بصراحه الحمدلله والشكر علي الغباء الي هم فيه :dance

يعطيك العافيه علي الموضوع الراائع :app:

وهل يخفى ( النيسان ) ؟؟ :deal: ،، الله يستر عليها ويخليها تعقل ،،

بس انا لاحظت في الاغلبيه شي مدري لاحظته ولا لا : كل ماتمر احذا وحده تسوق تلاقيها تسولف بالتلفون :funny: مدري هم مبرمجين على هالشي ولا تصرفات عفويه ..!!
وحلاتها تلاقيها ماسكه السكان بيدها اليسار واليمين متسنده وهي شبه منسدحه وتطالعك بنص عين :looking: ،،

ذكرتني بمسرحية طارق العلي ( لن اعيش في جلباب زوجتي ) يوم يتكلم عنهم :D وناسه

شكلنا بننضرب انا وانت :looking: :D

الف شكر اخوي لمت داون مره اخرى للتعقيب والمرور

حمد بن خالد

13-09-2006, 08:49 AM

الصراحه موضوع عجيب

وأحلى موضوع شفته في المنتديات

لانه يطلع الحره اللي في قلبك

والشباب بعد ماقصروا قالوا اشياء وايد بعد

وعلى قولة المثل

شر البلية مايضح

لان بطني تيبس من الضحك وانا اقرا موضوعك واقرا التعليقات

ههههههههههههه

ولا تعليقات اخوي لمت داون111 ههههههههه <<<<<< تقول شيبة يسولف في الفريج

هههههههههههههههه

وانا من النوع اللي دووم انقهر من الناس الباردين في الشارع واعصب مرااات بس استانس يوم اعصب

وللاسف اذا يكون حد معاي مايستانس وانا معصب <<<<<<<<<< مسكين اللي وياك

هههههههههههه

بس الصراحه أمس صار لي موقف وبردت حرتي

الشوارع كلها زحمه وممله والزحمه ماتمشي وكنت عند اشارات رمادا وصار لي ساعه واقف عن الاشارة و وقفت وجدامي واحد بس ويوم افتحت الاشارة الا الحبيب يسولف مع ربعه القريقا وناسي الاشارة (( مافي مشكلة )) لكن القهر يوم انتبه مازال يتبيرد في الطلعه والناس مشت الا هووو

<<<<<<<<<<< مسكين حاله الهندي

والا الهررررررررررررن على راسه بييييييييييييييييييييييييييييييييييييب واذا انت تسوق كروزر لازم تكون واثق من نفسك ومتكبر وماتخاف من حد <<<<<<< يوصف نفسه

انا اقصد بالهرن انه يسرع شوي الحبيب لف عاللي احذاه انا ماصدقت ابي اتجاوزه الا راجع علي وهو يشوفني اني بتجاوز بس بكل برود يطالعني في المنظره والابتاسمه مرسومه على ويه ويلف علي

<<<<<<<<<<<< مايدري ان في اخس منه

واعطيه انا من الزين بيعد من الصدام الخلفي <<<<<<< اللي دوم كبش الفداء هههههه

وادخل رفر الموتر في حظنه واخليه يولي في الشارع

<<<<<<<<< استانس اللئيم

:app:

وشكلي بسوي هالحركه في لمت داون يوم من الأيام

ههههههههه

:)

ومشكوور اخوي لونلي عالموضوع التفجير

:)

ههههههههه

OTOsan

13-09-2006, 10:30 AM

الصراحه موضوع عجيب

وأحلى موضوع شفته في المنتديات

لانه يطلع الحره اللي في قلبك

والشباب بعد ماقصروا قالوا اشياء وايد بعد

وعلى قولة المثل

شر البلية مايضح

لان بطني تيبس من الضحك وانا اقرا موضوعك واقرا التعليقات

ههههههههههههه

ولا تعليقات اخوي لمت داون111 ههههههههه <<<<<< تقول شيبة يسولف في الفريج

هههههههههههههههه

وانا من النوع اللي دووم انقهر من الناس الباردين في الشارع واعصب مرااات بس استانس يوم اعصب

وللاسف اذا يكون حد معاي مايستانس وانا معصب <<<<<<<<<< مسكين اللي وياك

هههههههههههه

بس الصراحه أمس صار لي موقف وبردت حرتي

الشوارع كلها زحمه وممله والزحمه ماتمشي وكنت عند اشارات رمادا وصار لي ساعه واقف عن الاشارة و وقفت وجدامي واحد بس ويوم افتحت الاشارة الا الحبيب يسولف مع ربعه القريقا وناسي الاشارة (( مافي مشكلة )) لكن القهر يوم انتبه مازال يتبيرد في الطلعه والناس مشت الا هووو

<<<<<<<<<<< مسكين حاله الهندي

والا الهررررررررررررن على راسه بييييييييييييييييييييييييييييييييييييب واذا انت تسوق كروزر لازم تكون واثق من نفسك ومتكبر وماتخاف من حد <<<<<<< يوصف نفسه

انا اقصد بالهرن انه يسرع شوي الحبيب لف عاللي احذاه انا ماصدقت ابي اتجاوزه الا راجع علي وهو يشوفني اني بتجاوز بس بكل برود يطالعني في المنظره والابتاسمه مرسومه على ويه ويلف علي

<<<<<<<<<<<< مايدري ان في اخس منه

واعطيه انا من الزين بيعد من الصدام الخلفي <<<<<<< اللي دوم كبش الفداء هههههه

وادخل رفر الموتر في حظنه واخليه يولي في الشارع

<<<<<<<<< استانس اللئيم

:app:

وشكلي بسوي هالحركه في لمت داون يوم من الأيام

ههههههههه

:)

ومشكوور اخوي لونلي عالموضوع التفجير

:)

ههههههههه

اكره شي اضافة لكلامك اللي قلته .. لما تكون في شارع رايح جاي .. واذا بك باثنين واقفين عكس بعض يسولفون .. مب بس يسولفون .. لا .. الا ياخذون راحتهم في السوالف ولا معبرين حد .. واذا عطيته هرن واحد ياشر لك بيده كنه يقول ( اشبلاك اصبر شوي ) ، في هالحاله مالك الا حل واحد .. ايدك عالهرن ولا تهده .. وبالتالي هو ماراح يسمع رفيجه ولا رفيجه بيسمعه .. ويا اما يحركون .. او بينزلون من مواترهم والامر متروك للعضلات بعد ذلك ههههههههههه

اما سالفة المواتر الخشنه فحبيت اقولك بما ان عندي سياره صالون .. انا اخاف من ثلاث انواع من السيارات وما احاول اتحرش فيها في الدخول للشارع او عند الاشاره .. الجمس والشاص والكروزرات بانواعها ----> غير الشاحنات والباصات ..
خاصه اذا كان الموديل قديم فراعيه لن يتوانى ----> اشرايك بيتوانى هذي :) ، لن يتوانى عن فعل مافعلته باخينا سالف الذكر هههههه وبالتالي اطبق مبدأ ( من خاف سلم ) بس اذا سياره صالون مثلي فهني تطلع عضلاتي هههههههه
اما اصحاب المواتر الفخمه فللامانه مدري ليش احس كلهم ذوق .. مايعاندون ، مدري هي اخلاق ولا خايف على موتره ههههههههههه

عالعموم الف الف شكر لك اخوي حمد على تفضلك بالمرور على الموضوع والتعقيب عليه ،،

Mercedes

13-09-2006, 12:44 PM

فديت بريطانيا .. قسم بالله تطلع من خطك تتمصخر اخر مصخرة ..

السواقه فن وذوق وأخلاق

وشبابنا طبعا اللي شاد حيلة والشاطر فيهم يا دوبك عنده ثانويه وأدبي بعد! (هذا اذا كان ناجح اصلا لووول)

اشلون راح يطبقون المقولة المذكوره عن السواقه .. الله يستر علينا

OTOsan

13-09-2006, 12:58 PM

فديت بريطانيا .. قسم بالله تطلع من خطك تتمصخر اخر مصخرة ..

السواقه فن وذوق وأخلاق

وشبابنا طبعا اللي شاد حيلة والشاطر فيهم يا دوبك عنده ثانويه وأدبي بعد! (هذا اذا كان ناجح اصلا لووول)

اشلون راح يطبقون المقولة المذكوره عن السواقه .. الله يستر علينا

اخوي مرسيدس .. يمكن المشكله مب في الشهاده اللي عندهم .. في ناس ماعندهم شهادات وتلاقيهم عاقلين في سواقتهم ..
المشكله تكمن في سؤال واحد وهو : هل تعرف لماذا صنعت السياره ؟؟

وحسب الاجابات .. راح تلاقي تعدد المشاكل ..

شاكر لك تعقيبك ،،

الغزالة

13-09-2006, 01:14 PM

يعطيك العافية الواحد لازم يسوي حركااااااااااااات

OTOsan

13-09-2006, 01:38 PM

يعطيك العافية الواحد لازم يسوي حركااااااااااااات

الله يعافيج .. بس اي نوع من الحركات اللي لازم الواحد يسويها ؟ :d

مليونير قادم

13-09-2006, 05:10 PM

عادة قبيحه نتمنى القضاء عليها قريبا وهي عادة ( اخخخخخ تفو ) عند الاشارات ... يع

ياليت ياليت ياليت يتم القضاء عليها

الله يعطيك العافيه اخوي

تحيه لك

OTOsan

14-09-2006, 09:36 AM

عادة قبيحه نتمنى القضاء عليها قريبا وهي عادة ( اخخخخخ تفو ) عند الاشارات ... يع

ياليت ياليت ياليت يتم القضاء عليها

الله يعطيك العافيه اخوي

تحيه لك

والله اعتقد لو حطوا عليها غرامه محد بيسويها .. قرف يقرفهم ..
مدري اشلون البلديه ساكته عليهم هههههههههه

الله يعافيك اخوي مليونير قادم ، وتقبل شكري للمرور والاضافه ..

Mercedes

14-09-2006, 12:30 PM

']والله اعتقد لو حطوا عليها غرامه محد بيسويها .. قرف يقرفهم ..
مدري اشلون البلديه ساكته عليهم هههههههههه

الله يعافيك اخوي مليونير قادم ، وتقبل شكري للمرور والاضافه ..

عليها غرامة طال عمرك .. لكن وين الي يلتزم بالقوانين

OTOsan

14-09-2006, 12:54 PM

عليها غرامة طال عمرك .. لكن وين الي يلتزم بالقوانين

جزاك الله خير اخوي مرسيدس عالتوضيح ..
بس اذا هذا كله وعليه غرامه ،، عيل لو ماعليه غرامه اشلون بيكون الوضع ..!!!

بنلاقيها صارت مستنقعات آسنه هههههههه -----> حلوه آسنه هذي :D

Mercedes

14-09-2006, 02:35 PM

']جزاك الله خير اخوي مرسيدس عالتوضيح ..
بس اذا هذا كله وعليه غرامه ،، عيل لو ماعليه غرامه اشلون بيكون الوضع ..!!!

بنلاقيها صارت مستنقعات آسنه هههههههه -----> حلوه آسنه هذي :D

هاهاهاهاهاهاهاهاهاها

M.D.Luffy

01-10-2006, 04:50 PM

لا والله عجيييييييييييييييبه هذه الهرطقات.............وياريت لو تنزل الجزء الثاني منها