من يومين ياإدارة المرور

[latty]

الموضوع هذا اوجهه عبر المنتدى لادارة المرور

كما ارحب بمداخلاتكم اخواني او اضافاتكم او من شاهد مثل ماشاهدت .....

يوم الاحد هذا الاسبوع

كنت بجانب حديقه البدع الساعه 11:30 ص

وانا في السياره شفت مشهد تمنيت المرور او رجل عاقل يشوف اللي شفته

سياره بيكم (عراوي) طبعا صدرين لون ذهبي او بيج

المقعد الخلفي خالي وقفت امام سيارتنا

بالالمقعد الاول ناس لكن منهم ياترى ؟

شابين لا طفلين اقول حتى مااظلمهم

اللي يسوق نحيل الجسم والوجه يلبس الثوب والغتره عمره 14 سنه بالكثير
الثاني ممتلئ الجسم قليلا اكبر من الاول يمكن عمره 16 سنه

نزلوا من السياره واتجهوا لكفتريا مقابله الشارع المقابل الكورنيش اشتروا عصاير ورجعوا للسياره وحركوا وانا مذهوووله


اطفال يسوووووقوووون بهذا السن؟

كم دوار مروا به وبجانبه سياره للخويا؟

هل هم لابسين طاقيه الاخفاء؟

بما إنا في فتره الصيف يرجى من ادارة المرور تكثيف الدوريات ومطالبتهم بالانتباه لهذه الفئات
قبل ماتتسبب بكوارث نحن في غنى عنها

ملاحظاتكم مطلوبه ان انتوا صادفتم ما يشبه القصه اعلاه

والله يحفظكم من اطفال المواتر


لاتي

[غناتي1]

والله يا عزيزتي انا عن نفسي شفتهم

ويا مكثرهم في منطقتنا والمنطقة اللي جنبنا -- اللي اتخبرينهم

وانا لا زلت على قد ما اقدر ما اعطي عيالي الموتر الا والسايق بجانبهم

بالرغم من اني متأكدة من سواقتهم وانهم كبار

بس دام الليسن مب في المخبا -- ما فيه سواقه

الله يخلي لي ويحفظ عيالي -- ويخلي ويحفظ عيالج وعيال المسلمين أجمعين

[فلفل حار]

اختي بحكم معرفتي بعدة اصدقاء في المرور ولخويا ....

اؤؤكد لج انهم ماشافوهم ولاا مستحيل يتركونهم ...!:nice:

جايز هالاطفال بيتهم قريب من الجمعيه وصارت السالفه في غمضة عين ....

والشرها :anger1:على اهاليهم وعلى الدريول ألي انا على يقين انه يدري عنهم ...!

لانه عهدة السياره في يده ....

:omen2:





يعطيج العافيه على غيرتج

[انجود]

الله يحفظ عيالنا

[وطن]

شايفه نفس هالمنظر من شهرين على خليجي 11
اللهم ان الشيبه قاعد ع اليمين

والصراحة كنت خايفه الولد يدعمني من كثر ماهو صغير

[نورالهدى]

أنا أشوف هالمنظر وكان خاطري أوقفهم وأسألهم
بس قلت لو إني ريال لسويتها
الله يحفظهم

[بنت ابوها 19]

عادي

تعودنا على هل المنظر

وياكثرهم بشارع آل شافي وفي الريان


لكن الشرهه مب على الشرطه

الشرهه على الاهل ..

[ريماس الغلا]

لا حول ولا قوة الا بالله


ادارة المرورلا تؤول جهدا في مخالفه وتوقيف هؤلاء الشباب

لكــــــــــن


المشكله تكمن في الاهـــل ..

[♣شيبةالنخرة♣]

مثل ماقالو اللي قبلي الاهل وينهم الله بالخير ؟؟ ولا ينطرون الناس تربي بزارينهم ؟؟

[وتبقى الدنيا حلوه]

بكل مكان نشوفهم

والاب أول ما ولده يدخل صف اول اعدادي يعلمه و يعطيه المفتاح

[الـقـاسـي]

والله بصراحة هو غلط هالشي انا اخبر يمكن من صف اول اعدادي كنت اسوق واحياننا اروح الدوحة مثلا او اي مكان بس ابوي يكون وياي او اخوي العود ..
الاهل ترى احياننا مايدرون ممكن انهم ماخذين السيارة من الدريول ومافي احد فالبيت .. اخبر قبل اذا راح ابوي الدوام وقتها يمكن كنت صف خامس واخوي اكبر مني بسنه تقريبا ناخذ السياره من عند الدريول غصب وندور فيها بس قريب البيت طبعا لين صادونا الشرطه ..

[قطريه ماتهاب]

الله يهديهم ويصلحهم

[بوحارب]

محثلينها من قلب !

[ضوى]

من فترة ولد واحدة قريبة لنا كان ويا الدريول بمشوار وعمره 12 سنة ، والسيارة جديدة كروزر ، تحايل عالسايق او عطاه رشوة الله العالم وخلاه يسوق السيارة ما لحق يطلع من البيت الا مكسر سور البيت من قلب والسيارة تنكسلت وال\ريول تسفر والولد مسوين له حفلة تحمدا على سلامته ولا حول ولا قوة الا بالله

[ســـهم]

اي والله ياليت يكون في هالامر تشديد شوي

والله يهديهم ان شاء الله ..

[ذيبه مزاجيه]

عاااااااااااي مره انا زاختي كنا رايحين الاند العصر
الا في الدوار يطلع في ويهنا واحد .. تونا بننتقد سواقته .. الا تميت انا اطالع بذهول وسكت قلت يمكن اتحلم
الا اختي قالت تشوفين اللي انا اشوفه؟؟؟؟؟؟؟؟؟؟؟؟؟
ياهل يمكن عمره 10 سنوات يسوق في اهله وواحد شايب قاعد جنبه !!
الله يعين بس
..

[لولوتي]

احيانا الواحد منهم من صغره ما يبان حتى وهو يسوق السياره :rolleyes2:

[" روح قطر "]

الله يحفظ عيالنا من كل شر

الله يستر على عيالى من هالحديد يمووووووووووتون في شى أسمة سواقة

وأنا وأبوهم حنة ولغوة على السيارة والسواقة

الله يحفظهم من كل مكروووووووووووووووة يااااااااااااارب

[عـ العبيدلي]

اممـ .. بصراحه ما اقدر اعلقـ ..
كلنا سقنا واحنا صغار ..

الله يحفظ الجميــع ..

[latty]

والله يا عزيزتي انا عن نفسي شفتهم

ويا مكثرهم في منطقتنا والمنطقة اللي جنبنا -- اللي اتخبرينهم

وانا لا زلت على قد ما اقدر ما اعطي عيالي الموتر الا والسايق بجانبهم

بالرغم من اني متأكدة من سواقتهم وانهم كبار

بس دام الليسن مب في المخبا -- ما فيه سواقه

الله يخلي لي ويحفظ عيالي -- ويخلي ويحفظ عيالج وعيال المسلمين أجمعين

الله يحفظ لي ولج يالغاليه غناتي1

على سالفه المنطقه اللي بالي بالج الاسبوع الماضي هندي يعبر احد الشوارع الداخليه


واحد من اطفال المواتر داس له هندي مسكين وكسر رجوله الهندي ماعرف لا رقم ولا لون من الصدمه بس اللي يذكر ان اللي يسوق طفل على قولته بجااااااا ولين اليوم مالقوا السياره ولا الداعم


وياكثرهم هناك وكل اب يقول فلان رجال يروح ويجي

خله رجال مادام الشوارع والمناطق الداخليه خاليه من سيارات المرور


والله يستر من الجاي خاصه وان المدارس معطله:(

[latty]

اختي بحكم معرفتي بعدة اصدقاء في المرور ولخويا ....

اؤؤكد لج انهم ماشافوهم ولاا مستحيل يتركونهم ...!:nice:

جايز هالاطفال بيتهم قريب من الجمعيه وصارت السالفه في غمضة عين ....

والشرها :anger1:على اهاليهم وعلى الدريول ألي انا على يقين انه يدري عنهم ...!

لانه عهدة السياره في يده ....

:omen2:





يعطيج العافيه على غيرتج

الشكر لله ولك على المروور

بس اقولك صار على الكورنيش بجانب دوار مسرح قطر وين حديقة اللقطه :)

[latty]

شايفه نفس هالمنظر من شهرين على خليجي 11
اللهم ان الشيبه قاعد ع اليمين

والصراحة كنت خايفه الولد يدعمني من كثر ماهو صغير

وطن

شكرا

والشيبه ترى كان يفتخر بان ولده يسوق به

كبر الطفل وصار رجال:)

الله يحفظهم

[latty]

أنا أشوف هالمنظر وكان خاطري أوقفهم وأسألهم
بس قلت لو إني ريال لسويتها
الله يحفظهم

الله يحفظهم

شكرا عزيزتي

[latty]

عادي

تعودنا على هل المنظر

وياكثرهم بشارع آل شافي وفي الريان


لكن الشرهه مب على الشرطه

الشرهه على الاهل ..

صدقتي بنت ابوها والله هالمنطقتين تعج باطفال المواتر

وكل شي عادي لا رجل بيستنكر ولا حد بيوقفهم


الله يحفظهم

[latty]

لا حول ولا قوة الا بالله


ادارة المرورلا تؤول جهدا في مخالفه وتوقيف هؤلاء الشباب

لكــــــــــن


المشكله تكمن في الاهـــل ..

واحيانا الاهل ماعندهم خبر

يهاوش الدريول ويخانقه ويمكن يضربه وياخذ السياره

شكرا على المرور والاضافه

[latty]

مثل ماقالو اللي قبلي الاهل وينهم الله بالخير ؟؟ ولا ينطرون الناس تربي بزارينهم ؟؟

شيبه النخره البزران صاروا يربون الاهل :)

والابهات مب مثل لول الحين يفرح ولده راح يجيب له كم ريال خبز مايدري ان ممكن هالروحه لسمح الله مايرد منها

مانقول الا الله يحفظهم ويستر عليهم

[latty]

بكل مكان نشوفهم

والاب أول ما ولده يدخل صف اول اعدادي يعلمه و يعطيه المفتاح

والله صدقتي

شكرا على المرور والاضافه

[latty]

والله بصراحة هو غلط هالشي انا اخبر يمكن من صف اول اعدادي كنت اسوق واحياننا اروح الدوحة مثلا او اي مكان بس ابوي يكون وياي او اخوي العود ..
الاهل ترى احياننا مايدرون ممكن انهم ماخذين السيارة من الدريول ومافي احد فالبيت .. اخبر قبل اذا راح ابوي الدوام وقتها يمكن كنت صف خامس واخوي اكبر مني بسنه تقريبا ناخذ السياره من عند الدريول غصب وندور فيها بس قريب البيت طبعا لين صادونا الشرطه ..

القاسي مشكور

بس سؤال الحين لو عندك ولد بالصف اول عدادي بتعطيه يسوق ؟

واذا عرفت انه خذا السياره غصب من السايق بتسكت؟


ترى ان سلمت مره ماراح تسلم كل مره

واضافه رائعه منك شكرا لك

[latty]

الله يهديهم ويصلحهم

امين امين

شكرا لك

[latty]

محثلينها من قلب !

:)

شكرا بوحارب

[latty]

من فترة ولد واحدة قريبة لنا كان ويا الدريول بمشوار وعمره 12 سنة ، والسيارة جديدة كروزر ، تحايل عالسايق او عطاه رشوة الله العالم وخلاه يسوق السيارة ما لحق يطلع من البيت الا مكسر سور البيت من قلب والسيارة تنكسلت وال\ريول تسفر والولد مسوين له حفلة تحمدا على سلامته ولا حول ولا قوة الا بالله

:(

عن جد حااااااااااااااله تتدعي الاسف

يعني تشجيع له يجيب العيد لـ سمح الله

ضوى شرفتي

شكرا للاضافه اللي منك رائعه لكن تعووور القلب من جد

[latty]

اي والله ياليت يكون في هالامر تشديد شوي

والله يهديهم ان شاء الله ..


الله يهديهم

نتمنى يكون هناك مخالفات تطبق على الاهل حتى يتعلمون كيف يحافظون على عيالهم واموالهم وارواح الغير

شكرا سهم

[latty]

عاااااااااااي مره انا زاختي كنا رايحين الاند العصر
الا في الدوار يطلع في ويهنا واحد .. تونا بننتقد سواقته .. الا تميت انا اطالع بذهول وسكت قلت يمكن اتحلم
الا اختي قالت تشوفين اللي انا اشوفه؟؟؟؟؟؟؟؟؟؟؟؟؟
ياهل يمكن عمره 10 سنوات يسوق في اهله وواحد شايب قاعد جنبه !!
الله يعين بس
..

اصبحوا من معالم شوارعنا يعني عااااااااااااادي

الله كذا رخص بالانسان

ذيبه مزاجيه نووورتي الموضووع بالاضافه

شكرا لج

[latty]

احيانا الواحد منهم من صغره ما يبان حتى وهو يسوق السياره :rolleyes2:

اي والله صدقتي

مرورك طيب غاليتي

[latty]

الله يحفظ عيالنا من كل شر

الله يستر على عيالى من هالحديد يمووووووووووتون في شى أسمة سواقة

وأنا وأبوهم حنة ولغوة على السيارة والسواقة

الله يحفظهم من كل مكروووووووووووووووة يااااااااااااارب

روح قطر

تحملي بهم والله الله بحفظ السويك ترى ياحبهم للتقليد واحنا القدوه لهم

الله يحفظهم لج يارب وتشوووفيهم رجاجيل كل واحد ليسنه بيده


شكرا لج

[latty]

اممـ .. بصراحه ما اقدر اعلقـ ..
كلنا سقنا واحنا صغار ..

الله يحفظ الجميــع ..


اخوي بارك الله فيك

لما كنتوا صغار ماكانت الشوارع كذا

ماكان استهتار السواقين كذا

الحين شوارعنا ندخلها ونحن نتشهد من بعض السواقين اللي مايراعي حق الطريق ولا ينتبه

فمابالك باطفال مايقدرون يميزون ولا يسيطرون على مقود السياره

شاكره مرورك والاضافه

والله يحفظ الجميع

[بوخالد911]

مشكلة الدريول ممكن يررضى بكرت هلا ب 30 ريال

ولا يبالي بسلامة الولد



تحياتي قبل ان تجف كلماتي




مسيوو/ بوخالد911

[latty]

مشكلة الدريول ممكن يررضى بكرت هلا ب 30 ريال

ولا يبالي بسلامة الولد



تحياتي قبل ان تجف كلماتي




مسيوو/ بوخالد911

وانت صادق اخوي خالد


مصلحته حتى لو بنص عادي عنده

الله يحفظ عيالنا يارب

[الدوحي7]

عيالنا وخلوهم اهم شي ماشين سيده ويعرفون يسقون احسن من(.......)

[latty]

عيالنا وخلوهم اهم شي ماشين سيده ويعرفون يسقون احسن من(.......)


احسن من (................)

كمل اخوي

الله يحميهم لك

ويطرح فيهم البركه ولا تشوف واحد على كرسي متحرك

والله يحميهم يارب

[عنزي قطر]

مرحبا اختي شكرا لك

هنا دور الاب والام وينهم عن عيالهم

اختي أذا شفتي مخالفه

اتصلي على ادارة المرور على رقم 4890666

وان شاءالله مارح يقصرون


عنزي قطر

[الكلدي]

بصراحه بديت اسوق وانا بالصف السادس عمري 13
والحمد لله ولا مره تسببت في حادث

ترى سواقتهم ابرك من الحريم اللي ما يعرفون اذا الاشاره صفراء تمشي ولا توقف

[الدوحي7]

احسن من (................)

كمل اخوي

الله يحميهم لك

ويطرح فيهم البركه ولا تشوف واحد على كرسي متحرك

والله يحميهم يارب

الله يبارك فيك والقصد من(.......) ترا اقصد الى مايعرفون يسوقون بغض النظر عن اي جنسيه،

[latty]

مرحبا اختي شكرا لك

هنا دور الاب والام وينهم عن عيالهم

اختي أذا شفتي مخالفه

اتصلي على ادارة المرور على رقم 4890666

وان شاءالله مارح يقصرون


عنزي قطر

وانت ماقصرت بارك الله فيك

[latty]

بصراحه بديت اسوق وانا بالصف السادس عمري 13
والحمد لله ولا مره تسببت في حادث

ترى سواقتهم ابرك من الحريم اللي ما يعرفون اذا الاشاره صفراء تمشي ولا توقف

ايه كان زمان يعني مب الحين قبل كم سنه ؟ 15 سنه ؟ 20؟

كانت الشوارع خاليه

الحين وين ...


الله يعطيك العافيه والحريم هذولا قمة المشكله بعد خاصه المبتدئات تسبب ربكه ويمكن تسبب كارثه

الله يحفظ الجميع

[latty]

الله يبارك فيك والقصد من(.......) ترا اقصد الى مايعرفون يسوقون بغض النظر عن اي جنسيه،

تسلم اخوي الدوحي على الايضاح

وصح ان بعض الجنسيات مالهم بالسواقه لو معهم ليسن عشرة سنوات وحتى هنا بعض الجنسيات يسوقون بخشم مب بيد يعني يسوق وهو مستسغراللي جنبه وكان مافي الشارع الا هو وماسك وسط الشارع وان هرنت عليه اعدل سيارتك نظر لك بطرف عينه وكنه يقول لك روح العب بعيد :(
وياكثر الماسي بشوارعنا منهم

الله يحفظ عيالنا ويستر عليهم وحفظهم من كل مكروه

وشكرا لك

[كشافات بيجو]

في الوكره وشارع المطار التجاري ياكثرهم
والقهر ان اعمارهم 12 سنه

[الكاسر99]

والله أن الشرهة على أهاليهم اللي يعطونهم السيارة وبعد إذا صار حادث لهم تحسفوا وندموا ولكن بعد ماذا بعد فوات الأوان لا ينفع الندم