حسبي الله ونعم الوكيل فيكم يا مطار الدوحة الدولي ,,, بالصور 29/6

[Sharshooooor]

الصور حصرية واهداء مني لقطر شير
المثل يقول الكتاب مبين من عنوانه
وانا ماحب اطيل عليكم اخواني الاعضاء
رحت مطار الدوحة الدولي امس تاريخ 29/6/2009 والصراحة انا من زمان مادخلت قاعة القادمون
وتفاجأت باللي شفته بعيني وماقدرت امسك نفسي عن التصوير ونشر الحقائق

هل هذه واجهه البلاد
ووين ممكن للناس ينتظرون اهلهم وذويهم
للاسف لايوجد اي مكان وكأن المشروع اقيم بدون اي تخطيط
تخيلوا ان في رجل او امرأة مسنيين كيف يقدرون ينتظرون في هالمكان اللي يخلوا من كراسي الانتظار
والله العظيم انا تعبت من الوقفة فما بالك كبار السن

اتركم مع الصور

http://www.arb-up.com/files/arb-up-2009-8/JTL53224.jpg
http://www.arb-up.com/files/arb-up-2009-8/mhj53224.jpg
http://www.arb-up.com/files/arb-up-2009-8/A1153224.jpg
http://www.arb-up.com/files/arb-up-2009-8/zh353224.jpg
http://www.arb-up.com/files/arb-up-2009-8/fNF53224.jpg
http://www.arb-up.com/files/arb-up-2009-8/fFx53423.jpg

الخافي اعظم

اذن اذان العصر ورحت ادور المسجد
وشوفوا المصيبة


الممر للباب لايتسع الا لشخص يادوووب وكأنهم مستحيين من المسجد وعازلينه

http://www.arb-up.com/files/arb-up-2009-8/m2d53423.jpg

والمسجد لايتسع الا لاقل من 10 اشخاص
حسبي الله ونعم الوكيل فيهم
لو المسؤول عن هالموضوع يصلي كان فكر في بيت الله وعمل له الف حساب
لكن اشك انه يصلي الصراحة

http://www.arb-up.com/files/arb-up-2009-8/z8M53423.jpg

تارك لكم التعليق على الموضوع واتمنى من المسؤولين النظر وبسرعة في الموضوع

[بواردي]

ياخي ليش زعلان
هاي مطار سفري
يعني مشي حالك
وربي مطار بومباي ابرك منه
لما تسافر برا البلد وتشوف المطارات اللي صج تقدر تقول انها مطار دولي
موبمطار الدوحة اللي ما ينفع يكون مكتب لتاجير الباصات
او محطة لباصات كروة

[♣شيبةالنخرة♣]

حسبنا الله ونعم الوكيل ؟؟؟؟

[ورقــة أمــل]

صحيح مافي مكان للانتظار في قاعة القادمون
ذاك اليوم رحت اجيب الخدامة وتعبت من الوقفة
بس ياخوي لو تشوف الجاليات عددهم هناك اكثر من المواطنين بوايد
فاعتقد لو حطوا كراسي بينترسون وكل واحد بيجيب هله وربعه وطوايفه كلهم
وبالتالي بعد ماراح يكون في مكان كافي للانتظار << وجهة نظر
بس لو يخصصون مكان حق كبار السن بيكون افضل لانهم ما يقدرون يوقفون فترة طويلة
وبالنسبة للمسجد صج وايد صغيرر المفروض يكون اكبر ويهتمون فيه يوميا

[حلم قطري]

احنا احسن من غيرنا
ولاتكون سلبي خلك ايجابي وانا اخوك
بالنسبة للكراسي موجوده جنب خدمات المها وانت متعمد ماصورتها
مطعم وجلسه مريحه وكنب من احسن مايكون
بالنسبة للمسجد
ياخوي المسجد برا وقريب وش كبر
زين حطو مكان لل متأخر عن الصلاة

[Sharshooooor]

احنا احسن من غيرنا
ولاتكون سلبي خلك ايجابي وانا اخوك
بالنسبة للكراسي موجوده جنب خدمات المها وانت متعمد ماصورتها
مطعم وجلسه مريحه وكنب من احسن مايكون
بالنسبة للمسجد
ياخوي المسجد برا وقريب وش كبر
زين حطو مكان لل متأخر عن الصلاة

ههههههههه

حرام عليك ياخوي حلم قطر
انا فعلا تعمدت اني ماصور المطعم وانت قلتها (مطعم) وهو كوستا كوفي
على ماعتقد كوستا فاتح لزباينه بس وهم لايتعدون ال 30 شخص على حسب الكراسي الموجودة
وهذا مقابل انك تشرب اي شي من عنده مقابل قعدتك وهذي الخدمة مومن مطار الدوحة!!

وثانيا عمر المساجد اللي مفتوحة في المجمعات واي مكان عام نسمية مسجد للي متأخر عن صلاته
هذا مسجد حاله حال اي مسجد برى ويخدم المصلي
والمسجد اللي تقصدة بعيد ولازم تروح له بالسيارة وخصوصا بجونا هاليومين

اتمنى انك فهمت وجه النظر والفرق بين كراسي المطاعم وكراسي اللي تخدم الجمهور
والا انت عاجبك قعدة الناس بهالطريقة؟ وفهمت فكرة المساجد بعد لانها للمصلين وليس المتأخرين عن الصلاة فقط !!!

[ســـهم]

ومنا الى الجمعيات الخيريه للتبرع بكراسي لمطار الدوحه ..

[Sharshooooor]

صحيح مافي مكان للانتظار في قاعة القادمون
ذاك اليوم رحت اجيب الخدامة وتعبت من الوقفة
بس ياخوي لو تشوف الجاليات عددهم هناك اكثر من المواطنين بوايد
فاعتقد لو حطوا كراسي بينترسون وكل واحد بيجيب هله وربعه وطوايفه كلهم
وبالتالي بعد ماراح يكون في مكان كافي للانتظار << وجهة نظر
بس لو يخصصون مكان حق كبار السن بيكون افضل لانهم ما يقدرون يوقفون فترة طويلة
وبالنسبة للمسجد صج وايد صغيرر المفروض يكون اكبر ويهتمون فيه يوميا

تحياتي لك يالغالي
بس تتوقع في الاخير وضح كراسي افضل والا قعدتهم بهالطريقة
عالاقل نحل نص المشكلة وانشالله بعدها راح تطلع افكار اكثر
بس مو يهملون المكان بهالطريقة
اخبر مطار الدوحة قبل التطوير كان في كراسي انتظار

[hemoud123]

انا يوم قريت العنوان توقعت شي خطير والله , وفي الاخير كراسي ؟
الصراحه نظره سلبيه جدا , انا لاحظت نظافة الصاله والمسجد وهذا في حد ذاته شي يشكرون عبيه
معظم مطالاات العالم ما تضع كراسي في صالات القادمون , كان في السابق موجوده الكراسي وبعض الجنسيات يكون القادم شخص واحد واللي جايين يستقبلونه عشرين وموعد وصوله الساعه خمس والجماعة ينتظرونه من الساعه وحده , جالسين سوالف وبراد
اما بالنسبه للي يقول كراسي لكبار السن , كبار السن عادة ما يجون المطار يستقبلون ولا يودعون , لان ببساطه الحق لهم والمسافر او القادم يوصلهم لين مكانهم

[Sharshooooor]

انا يوم قريت العنوان توقعت شي خطير والله , وفي الاخير كراسي ؟
الصراحه نظره سلبيه جدا , انا لاحظت نظافة الصاله والمسجد وهذا في حد ذاته شي يشكرون عبيه
معظم مطالاات العالم ما تضع كراسي في صالات القادمون , كان في السابق موجوده الكراسي وبعض الجنسيات يكون القادم شخص واحد واللي جايين يستقبلونه عشرين وموعد وصوله الساعه خمس والجماعة ينتظرونه من الساعه وحده , جالسين سوالف وبراد
اما بالنسبه للي يقول كراسي لكبار السن , كبار السن عادة ما يجون المطار يستقبلون ولا يودعون , لان ببساطه الحق لهم والمسافر او القادم يوصلهم لين مكانهم

مع احترامي لوجهة نظرك عندي بعض التعقيب
اولا اسف اني خرعتك والموضوع عندك طلع شي تافه
وبالنسبة للنظافة ارجوا زيارتك للمسجد مرة ثانية وراح تعرف مستوى النظافة
وثالثا هل قياس الموضوع بنظرك صحيحة ان القادم شخص والمستقبلين عشرين؟ هل من واقع دراسة منك ومتعوب عليها؟
ورابعا كبار السن اول ناس راح يشتكون لو زاروا مطارنا وخلنا نتكلم عن الشباب مثلا
كل اللي بالصور شباب وموقادرين يوقفون نص ساعة وفضلوا اي طريقة يريحون فيها نفسهم

وفي الاول والاخير هل ترضى بالمنظر اللي شفته بالصور اذا كنت تغير على بلادك سواء قطري او في بلادك لوكنت مقيم وماترضى عليها هالمنظر؟

الفكرة كلها بالمنظر العام

[بومحمد911]

أن سمعة مطار الدوحة يجب أن تؤخذ في الحسبان ويجب على المسؤولين أن يوفروا كراسي داخل المطار حتى يتماشى مع النهضة العمرانية الكبيرة.. لقد أصبح استقبال أي شخص في مطار الدوحة أمراً لا يطاق نظراً لطول الانتظار

[بنت سيف]

الخافي اعظم

اذن اذان العصر ورحت ادور المسجد
وشوفوا المصيبة


الممر للباب لايتسع الا لشخص يادوووب وكأنهم مستحيين من المسجد وعازلينه

نفس السالفة صادتني ..

رحت استقبل ضيفة جاية من البحرين .. تقريبا على صلاة العصر
وسألت على المسجد للسيدات

وهو الباب المجاور للي في الصورة ..

لقيته مقفول ؟؟؟؟؟؟؟؟؟؟؟؟؟؟

وماصليت طبعاً إلا لما رديت البيت

[بوعلي2]

عجبا..!!

قبل التطوير فيه كراسي

وبعد التطوير مافي كراسي

وليش المسجد جذي صغير؟؟

لاحول ولاقوة الا بالله

الله المستعان

[zeknon]

الله ايهديكم بس
الكراسي موجودة
لكن ودوها المطار الجديد
اهناك شكلها احسن راكبة مع الديكووور

[Breakaway]

زين أنك نبهتنا على الأقل الواحد يجي ومعه بساطه!

[بوعلي 78]

يعني هي جات على المطار؟؟؟!!!!!!
مستوى الخدمات بشكل عام دون المستوى :(
احسن شي تقعد في السياره وتنتظر هم مرتاح وهم براد، واذا جاك المرور خذلك لفه على المواقف بدون ماتدخل وارجع وقف

[Sharshooooor]

الله ايهديكم بس
الكراسي موجودة
لكن ودوها المطار الجديد
اهناك شكلها احسن راكبة مع الديكووور


زين أنك نبهتنا على الأقل الواحد يجي ومعه بساطه!

:nice::nice::nice:

[غناتي1]

ما شفت شئ

على قولتك -- الخافي أعظم

[خوي الشوق]

بصراحه شي يزعل ويفشل الله ييعينا على الاسنين الي جايه بدون تخطيط

[Sharshooooor]

بصراحه شي يزعل ويفشل الله ييعينا على الاسنين الي جايه بدون تخطيط

اي والله صاج
اشوف في كل المجالات في تخبط
المشكلة ماعلنوا عنه حاله حال فلونزا الخنازير

بعيد الشر عنك هاي وباء بعد

[Realistic]

غالبا الواحد لما يروح المطار.. يعرف متى موعد وصول الطائره
فيوصل في الموعد .. وغالبا المسافرين مايتأخرون ويطلعون بسرعه

قد يصير بعض التأخير .. مثلا .. قبل كمن يوم رحت استقبل واحد في المطار.. وتأخرت طيارته ساعه .. فعادي تميت واقف

انا شاب .. وقد استحمل الوقوف لفتره طويله .. لكن البعض مايستحمل
خاصه كبار السن والنساء

اتمنى ان تكون هناك كراسي لكبار السن واصحاب الاحتياجات الخاصه .. ويتم التشديد عليها من قبل سكيوريتية المطار انها فقط لكبار السن واصحاب الاحتياجات الخاصه ..مب لتسكع البعض

ياخي احنا شباب.. عيزان الواحد فينا يتم واقف ساعه وله ساعه ونص ؟ :)


اما بخصوص المسجد ..
فتذكرت كاركاتير محمد عبداللطيف .. يوم كل المحلات تبي تاخذ من المسجد حتّه :(

[r10]

حسبنا الله ونعم الوكيل

[Sharshooooor]

اي والله اخوي Realisttic
امس المصرية اللي جاية من القاهرة تأخرت وقالوا لي بتتأخر من الساعة 2 لين 3

يعني حتى هم مايعرفون متى راح توصل

وترى شاب والا شيبة والله الوقفة طول هالفترة زهق وتعب

[مستثمره جديده]

موضوع الكراسي موضوع يتكرر كل عام بالمنتدى وخصوصا في فترة موسم السفر والكل يطالب باعادة الكراسي لصالات الانتظار والمسؤولين المعنيين يتجاهلون هذه المطالب ولم نرى اي اجراء قد اتخذ بخصوص
هذا الموضوع .. يعني لاتتعبون روحكم عمك اصمخ :victory:

http://www.qatarshares.com/vb/showthread.php?t=194925&highlight=%DF%D1%C7%D3%ED+%E3%D8%C7%D1+%C7%E1%CF%E 6%CD%E5&page=4

http://www.qatarshares.com/vb/showthread.php?t=236012&highlight=%DF%D1%C7%D3%ED+%E3%D8%C7%D1+%C7%E1%CF%E 6%CD%E5

شكرا لصاحب الموضوع :)

[بوخالد911]

والله فشييلة


حسبي الله ونعم الوكيل

[بو نايف]

صدقت .. ومنا الى اهل لمطار

[دلة الرسلان]

كلامك صحيح وبعد في صالة القادمين تشوف سباق على الكراسي المحدودة بانتظار وصول

الحقائب .

[هدوء 2]

والله صدقتوا نفس الحال .....وصلت المطار انتظر أهلي وما أقدر أدخل علشان كلنا ندخل مرة وحدة ....الا ريلي طاحت .....أدور الكرسي مداور مادري وين كطوة:anger1: والله ان ريلي اتعبت من الوقفه ... صحيح لتأخير أحكام........ بس سؤال هذه من فكرته ان يشيل الكراسي؟؟؟

وماجات ع الكبار ف السن ترى الوقفه تكسر كل شى....... ياليت يامطارنا الموقر النظر ف الموضوع ترى ريولنا طاحت حسو ولو شوي:anger1:

[نورالهدى]

:telephone:
:secret:

[Sharshooooor]

والله صدقتوا نفس الحال .....وصلت المطار انتظر أهلي وما أقدر أدخل علشان كلنا ندخل مرة وحدة ....الا ريلي طاحت .....أدور الكرسي مداور مادري وين كطوة:anger1: والله ان ريلي اتعبت من الوقفه ... صحيح لتأخير أحكام........ بس سؤال هذه من فكرته ان يشيل الكراسي؟؟؟

وماجات ع الكبار ف السن ترى الوقفه تكسر كل شى....... ياليت يامطارنا الموقر النظر ف الموضوع ترى ريولنا طاحت حسو ولو شوي:anger1:


والله امس حسيت بهالمعاتاه وللاسف ان بعض الاعضاء ردودهم مش عقلانية
واحد يقول كبار السن لازم يقعدون فالبيت والواجب زيارتهم والثاني مستانس على شبابة ويقول ماعهندي مشكلة في الوقفة والثالث يقول احسن مافي كراسي والثالث يقول المسجد نظيف ومخصص حق اللي متأخر عن الصلاة بس
احنا طرحنا موضوع مساحة المسجد وليس نظافته

شكرا على مشاركتج واتمنى اسمع ردود اللي زاروا هالقاعة وليس بعض الشباب اللي ينتظرون بسياراتهم الفخمة برى

[عليان قطر]

شرشور
تقرير طيب
بس الخطوط القطرية ما فيها قطري
وكذلك المطار
والله يعينك

[" روح قطر "]

لاتعليق

بننبح ونشحط حلوقنا على الفاضي ولاحياة لمن تنادى

خلينا ساكتين أبرك

[مليونيره]

بال انا قلت مصيبه عوده
جات على كراسي ومصلى صغير مطارات دول عربيه مافيها مصلى تصلي في ساحة الانتظار جدام الناس
دققت على هالأمور تافهه ماشفت سوق الحره أنواع الخمر ؟؟

[ولد النواخذه]

ملاحظتين هامتين على المطار:

1- كراسي في القادمين والمغادرين خصوصا لكبار السن والنساء الحمل والمرضى وغيره.
2- كشك كيوتل في القادمين أو فودا فون ليش مافي؟؟

هالملاحظتين ضروريتين ياليت نشوف ردة فعل من المسؤلين ياليت

[مساهم فنان]

عجبا..!!

قبل التطوير فيه كراسي

وبعد التطوير مافي كراسي

وليش المسجد جذي صغير؟؟

لاحول ولاقوة الا بالله

الله المستعان
صح كلامك .. من طوروه وهم شايلين الكراسي .. والله المفروض على الأقل فيه 100كرسي ..
أنا بالنسبة لي أروح كوستا كوفي واجلس فيها .

[بوحارب]

يمكن موفرين فلوس الكراسي والمسجد للمطار الجديد http://www.pc4up.com/2009/7c-2009/jul95044.gif (http://www.pc4up.com/)

[latty]

فـــــــــــــــــــــــــــــــــــضيحه مابعدها كلام

وش نقول

حسره لما اشوف مطار مثل مطار ماليزيا


ايه ماليزيا

ماابي اكثر نعمه:)

[Realistic]

والثاني مستانس على شبابة ويقول ماعهندي مشكلة في الوقفة

قل اعوذ برب الفلق . من شر ماخلق . ومن شر غاسق إذا وقب. ومن شر النفاثات في العقد . ومن شر حاسد إذا حسد

:)

[Sharshooooor]

قل اعوذ برب الفلق . من شر ماخلق . ومن شر غاسق إذا وقب. ومن شر النفاثات في العقد . ومن شر حاسد إذا حسد

:)

هههههههههههههههههههههه

[Sharshooooor]

بال انا قلت مصيبه عوده
جات على كراسي ومصلى صغير مطارات دول عربيه مافيها مصلى تصلي في ساحة الانتظار جدام الناس
دققت على هالأمور تافهه ماشفت سوق الحره أنواع الخمر ؟؟

والله اختي شاقولج
اقري الردود السابقة ولاترفعين ضغطي :nice:

اتمنى يصيدج اللي صادني واشوفج مثلهم قاعدة عالارض تنتظرين اللي يحبه قلبج
اااقصد ابوج امج اخوج اختج اووووو زوجج :nice:

وتذكري شرشووووور ذاك الوقت وقولي والله قال وصدق
وبالنسبة للمساجد لازم نكون احنا الاحسن ومانشوف غيرنا عالاقل بهالنقطة

تحياتي لج وشاكر لج مشاركتج

[بنت^البحرين1]

كلامك صح اخوي،،

انا اول ماجيت السنه اللي طافت، اووول مالفت نظرنا ان المطار خالي من الكراسي داخل، الكل واقف، واول ملاحظة قلتها لرفيجتي مطاركم وين كراسيه؟؟ ضحكت قالت في المطار الجديد ودوهم

واللي قالوا في كراسي في كوستا، احنا صارت عندنا لخبطة في الرجعة للبحرين وتأخرنا ساعتين، ويوم بنروح كوستا، كانك طالع ونرجع مره ثانية ندخل كان اول مرة وعفيسه من الزحمه الجاليات الاسيوية متجمعين كلهم عند هالجم كرسي اللي عند الباب لان مافي غيرهم

ان شاءالله يلقى كلامكم صدى عند المسؤلين ويعالجون هالمشكلة

[الخلاقي]

والله فشله كراسي مو قادرين يوفرونها ولو قلنا انهم ودوها المطار الجديد اوكي جيبوا شي بديل لازم في بديل لهم ...؟! واصلا المشاريع الجديدة كلها بدون تخطيط مرتب حتى لو تعرف اخوي شرشوووور المركز الصحي اللي فالريان او المراكز الصحية الجديدة في المناطق في الشكل القديم كانت واسعه وكبيرة وحتى الموظفين مرتاحين الحين تخيلوا شلون ضيقه حتى غرفة الاستقبال حدها تشيل 15 واحد ... وغرفة الراااحة للموظفين خلط وماتشيل الا عشرة ..... سبحان الله

[الطيبة كلها]

والله افتكرت انك بتحط عن الخمور كاني داخله مطار بلاد غير اسلامي وبالنسبه للكراسي من زمان نعاني منها وحتى بسيتي سنتر امام كارفور الحامل تموت وكرسي واحد مافية ولا لكبار السن الله يعطيك الف عافيه اوه نسيت بالنسبه للمصليات مأساه بالمجمعات حتى بقاعه المعارض حر مووووت

[فلفل حار]

شرشوور شخبارك وشخبار اخوك في الغربه .... :)



بخصوص الكراسي .... اكيد الجهات الامنيه بالمطار لها اسبابها ...!

وخاصة لما اشوف العمال مسدحين ورقود عند باب المطار ...!

تشويه المنظر الحضاري للدوله .... واتوقع والله أعلم هذا السبب ألي ماخلاهم يحطون كراسي ....



وبخصوص النقطه عن المسجد .... انا معاكم والمكان وايد صغير ....




يعطيــكـ العافيـــه يالغالـــي شرشــوور .... :)

[محسن العجي]

ياخي ليش زعلان
هاي مطار سفري
يعني مشي حالك
وربي مطار بومباي ابرك منه
لما تسافر برا البلد وتشوف المطارات اللي صج تقدر تقول انها مطار دولي
موبمطار الدوحة اللي ما ينفع يكون مكتب لتاجير الباصات
او محطة لباصات كروة

حلوه حلوه

بس على فكره مطار بومباي من اقوى المطارات في اسيا

لانها 3 او 2 مدينه تجاريه ف اسيا :victory:

[وتبقى الدنيا حلوه]

تدري ليش ما حطوا كراسي ؟!

عشان متضامنين مع مرضى البواسير

[بوخالد2]

ومنا الى الجمعيات الخيريه للتبرع بكراسي لمطار الدوحه ..

هههههههههههههههههههههههههههههههههههه


عجبني ردك :nice:

[Nasser2006]

يالربع وش فيكم على المطار ؟

لاتنسون انه الدولة تستخدم هاي المطار مؤقت ،لانه المطار الجديد ما فيه مثله في العالم.وهاي هيه الصور:

http://www.arinc.com/images/pr_doha_intl_large.jpg

http://www.arabianbusiness.com/images/magazines/arabian_business/2008_01_20/fullsize/4_full.jpg

http://up.qatarw.com/get-3-2009-ez0zuxdg.jpg

وهاي معلومات عن المطار الجديد:

وسيعزز مطار الدوحة الدولي الجديد الذي سيشيد على بعد 4 كم تقريباًشرق المطار الحالي. مكانة قطر كبوابة على العالم وكمركز لعمليات الخطوط الجويةالقطرية، الناقل الرسمي لدولة قطر، وغيرها من شركات الطيران وكمركز للشحن وصيانةللطائرات.
ومن المتوقع افتتاح المطار الجديد في مطلع 2009 وتصل تكالف تشييدالمرحلة الأولى حوالي 2.5 مليار دولار، و سوف تستوعب مرافق المطار الجديد 12 مليونمسافر سنوياً بالإضافة إلى 750000 طن من الشحن. ومع اكتمال مباني المطار بشكلهاالنهائي في العام 2015 ستصل تكلفة الانشاء الى 5.5 مليار دولار، وتصل الطاقةالاستيعابية للمطارالى 50 مليون مسافر ومليوني طن من الشحن سنوياً.

وأحد مميزات هذا المشروع هو أنه سيتم بناء 40% منه على أراضيالخليج العربي. وستدير الخطوط الجوية القطرية المطار الجديد المصمم لبلورة مكانةالدوحة كمركز للطيران العالمي.
ويعدّ مطار الدوحة الدولي الجديد أول مطار فيالعالم يتم تصميمه وبناؤه خصيصاً لطائرة إيرباص العملاقة A380-800 ذات الطابقين وهيأكبر طائرة لنقل المسافرين على الإطلاق. وتستطيع طائرة A380، التي ستستلم القطريةأول طائرات منها في العام 2009 استيعاب 500 راكب.
وصرّح السيد عبد العزيزمحمد النعيمي، رئيس مجلس إدارة هيئة الطيران المدني ورئيس لجنة مطار الدوحة الدوليالجديد، "نشكر سمو الشيخ عبدالله بن خليفة آل ثاني، رئيس مجلس الوزراء، لوضعه حجرالأساس اليوم إيذاناً ببدء العمل في موقع هذا المطار الرائع الذي من شأنه تعزيزالازدهار الاقتصادي في دولة قطر."
وأضاف قائلاً "سيكون للمطار الجديد دور كبير في تطوير قطاعالطيران في قطر وسيكون قاعدة نموذجية للخطوط الجوية القطرية وغيرها من شركاتالطيران العالمية."
من جانبه علّق السيد أكبر الباكر، الرئيس التنفيذيللخطوط الجوية القطرية "يسعدنا بدء العمل في بناء المطار الجديد، والذي من المتوقعأن يكون تحفة هندسية بحداثته ومرافقه المميزة على مستوى المنطقة والعالم على حدٍسواء، الذي سيتم افتتاحه بعد أربع سنوات."
وأضاف "هذا المطار مصمم لاستيعاب طائرة إيرباص الجديدة A380 التي تفخر القطرية بكونها أحد زبائنها الأوائل. وستعرض القطرية هذه الطائرة عندماتنطلق في رحلتها الأولى بألوان القطرية نحو مطار الدوحة الدولي الجديد في عام 2009."
وقد رسى عقد بناء المطار الجديد ذي الـ26 بوابة والمدرجين ومحطةالصيانة ومركز الشحن ومرافق التسوّق الكبيرة على شركة بيكتل الأمريكية.
وبالإمكان الوصول إلى مبنى المطار ذي السطح المموّج من خلال شبكة من الطرق التي تعبر بحيرة اصطناعية تعكس جمال مياه الخليج. كما سيتضمن البناء مسجد بمساحة 1900 متر مربع، وومنارة مطلّة على حديقة في الجزء الجنوبي من المبنى الرئيسي للمسافرين في المطار. وسيكون المبنى الأميري تحفة معمارية ذا مظهر خارجي أشبه بالقوارب الشراعية المُكملة للخلفية البحرية للمطار. وتنقسم البناية إلى طبقات لتعطي شكلاً باهراً. ومن الجدير بالذكر بأن المبنى سيتضمن منصة احتفالية وطرق خاصة وأماكن لوقوف السيارات محاطة بمناطق مذهلة.

[المقهوره]

بالعكس انا سافرت بالعكس المطار وسيع ومرتب صح ان الجاليات ياكثرهم بس فيه اماكن في المغادرون كراسي فاضيه وفيه مصلى نساء ورجال ودخلت وصليت وكانت فاضيه بعد.


اما في القادمون بصراحه المكان ضيق يادوب اول ماتنزل من الطياره وتركب الباص وتنزل إلا الخروج هههههههه اسهل شي لاحوسه ولا مايحزنون.


بس لاتنسى ان هالمطار مؤقت وفيه مطار جديد وكبير وروعه ومتطور

فليش النقد وانت تدري ان فيه مطار جديد


البلد شغاله على نفسها كثير والحمد لله فيه تطور ملحوظ


وبعدين روح وشوف مطارات الغير قسمن بالله هالمطار الي مب عاجبك ان تقول يا زينه انا رحت لاحد الدول العربيه والله ان الغبار ينزل عليك من فوق من سقف المطار ووصاخه ولوعه وتمشي بالفلوس حتى ختم الجواز ...

[Sharshooooor]

بالعكس انا سافرت بالعكس المطار وسيع ومرتب صح ان الجاليات ياكثرهم بس فيه اماكن في المغادرون كراسي فاضيه وفيه مصلى نساء ورجال ودخلت وصليت وكانت فاضيه بعد.


اما في القادمون بصراحه المكان ضيق يادوب اول ماتنزل من الطياره وتركب الباص وتنزل إلا الخروج هههههههه اسهل شي لاحوسه ولا مايحزنون.


بس لاتنسى ان هالمطار مؤقت وفيه مطار جديد وكبير وروعه ومتطور

فليش النقد وانت تدري ان فيه مطار جديد


البلد شغاله على نفسها كثير والحمد لله فيه تطور ملحوظ


وبعدين روح وشوف مطارات الغير قسمن بالله هالمطار الي مب عاجبك ان تقول يا زينه انا رحت لاحد الدول العربيه والله ان الغبار ينزل عليك من فوق من سقف المطار ووصاخه ولوعه وتمشي بالفلوس حتى ختم الجواز ...

الحمدلله ماعندنا هالسوالف ولا عمرنا نقارن نفسنا فيهم
حتى بالنسبة للنظافة احنا متعودين على شي معين وهم على شي ثاني
فلو حصلت شي صغير لاح تعقب علية لكن هم ماتفرق معاهم وبالعكس يمكن يمدحونه :nice:

[Sharshooooor]

شرشوور شخبارك وشخبار اخوك في الغربه .... :)



بخصوص الكراسي .... اكيد الجهات الامنيه بالمطار لها اسبابها ...!

وخاصة لما اشوف العمال مسدحين ورقود عند باب المطار ...!

تشويه المنظر الحضاري للدوله .... واتوقع والله أعلم هذا السبب ألي ماخلاهم يحطون كراسي ....



وبخصوص النقطه عن المسجد .... انا معاكم والمكان وايد صغير ....




يعطيــكـ العافيـــه يالغالـــي شرشــوور .... :)

هلا اخوي فلفل حار نورت الموضوع والله
بس اكيد عندي تعقيب
الجهات الامنية لهم مسؤولية الامن فقط سواء الكراسي موجودة والا لا
والمكان مثل ماشفت بالصور فااااضي ماستغلوه بطريقة صحيحة

[عليان قطر]

شرشووووووووووور
بس لا تقولي
كيف الحال
اكو شاكر لك

[شايب الفريج]

الصور حصرية واهداء مني لقطر شير
المثل يقول الكتاب مبين من عنوانه
وانا ماحب اطيل عليكم اخواني الاعضاء
رحت مطار الدوحة الدولي امس تاريخ 29/6/2009 والصراحة انا من زمان مادخلت قاعة القادمون
وتفاجأت باللي شفته بعيني وماقدرت امسك نفسي عن التصوير ونشر الحقائق

هل هذه واجهه البلاد
ووين ممكن للناس ينتظرون اهلهم وذويهم
للاسف لايوجد اي مكان وكأن المشروع اقيم بدون اي تخطيط
تخيلوا ان في رجل او امرأة مسنيين كيف يقدرون ينتظرون في هالمكان اللي يخلوا من كراسي الانتظار
والله العظيم انا تعبت من الوقفة فما بالك كبار السن

اتركم مع الصور

http://www.arb-up.com/files/arb-up-2009-8/jtl53224.jpg
http://www.arb-up.com/files/arb-up-2009-8/mhj53224.jpg
http://www.arb-up.com/files/arb-up-2009-8/a1153224.jpg
http://www.arb-up.com/files/arb-up-2009-8/zh353224.jpg
http://www.arb-up.com/files/arb-up-2009-8/fnf53224.jpg
http://www.arb-up.com/files/arb-up-2009-8/ffx53423.jpg

الخافي اعظم

اذن اذان العصر ورحت ادور المسجد
وشوفوا المصيبة


الممر للباب لايتسع الا لشخص يادوووب وكأنهم مستحيين من المسجد وعازلينه

http://www.arb-up.com/files/arb-up-2009-8/m2d53423.jpg

والمسجد لايتسع الا لاقل من 10 اشخاص
حسبي الله ونعم الوكيل فيهم
لو المسؤول عن هالموضوع يصلي كان فكر في بيت الله وعمل له الف حساب
لكن اشك انه يصلي الصراحة

http://www.arb-up.com/files/arb-up-2009-8/z8m53423.jpg

تارك لكم التعليق على الموضوع واتمنى من المسؤولين النظر وبسرعة في الموضوع
اخواني اولا الصور لا يمكن ان اراها و حاولة ولكن دون جدوى يرجى المساعدة.
ثانيا بالنسبة للمصلى فيمكن تقديم اقتراح بسيط و بكل احترام للمسؤولين من منبركم الحر الشامخ لتكبير المكان المخصص للصلاة و كذلك لتوفير الكراسي اللازمة للمنتظرين في صالة القادمين.
يا ناس ترى الكلام الزين يجيب فايدة احسن من اي شئ ثاني.
و على القوة.

[فلفل حار]

هلا اخوي فلفل حار نورت الموضوع والله
بس اكيد عندي تعقيب
الجهات الامنية لهم مسؤولية الامن فقط سواء الكراسي موجودة والا لا
والمكان مثل ماشفت بالصور فااااضي ماستغلوه بطريقة صحيحة

لعل وعسى نشوف رد من احد اعضاء المنتدي ( ان كان موظف في المطار )

:)


ومنور بوجود راعيه طال عمرك ....:nice:

[rarayyan]

اقترح مكرمه اميريه لحل هالمشكلتين

[سعادة الوزير]

عرفت الحين يا Sharshooooor ليش احنا متخلفين؟؟؟

بصراحة ردود تحرق الاعصاب!! .. وكأنه مطار السنغال مب مطار الدوحة!

[بنت العلي]

ههههههههه

حرام عليك ياخوي حلم قطر
انا فعلا تعمدت اني ماصور المطعم وانت قلتها (مطعم) وهو كوستا كوفي
على ماعتقد كوستا فاتح لزباينه بس وهم لايتعدون ال 30 شخص على حسب الكراسي الموجودة
وهذا مقابل انك تشرب اي شي من عنده مقابل قعدتك وهذي الخدمة مومن مطار الدوحة!!

وثانيا عمر المساجد اللي مفتوحة في المجمعات واي مكان عام نسمية مسجد للي متأخر عن صلاته
هذا مسجد حاله حال اي مسجد برى ويخدم المصلي
والمسجد اللي تقصدة بعيد ولازم تروح له بالسيارة وخصوصا بجونا هاليومين

اتمنى انك فهمت وجه النظر والفرق بين كراسي المطاعم وكراسي اللي تخدم الجمهور
والا انت عاجبك قعدة الناس بهالطريقة؟ وفهمت فكرة المساجد بعد لانها للمصلين وليس المتأخرين عن الصلاة فقط !!!

مع احترامي انا لين الحين ما شفت اي تغييير للاحسن في مطار الدوحة وما في اي تنظيم المفررروض يستغلووووون المساحة الكبيرة في انهم يحطوون كراسي فيها ...
انا عن نفسي انصدمت وانا مسافرة اول الشهر يوم دخلت المطار واااايد تفاجات من نظامهم بس الواحد شيقول ...حسبي الله ونعم الوكيل

[محمد]

مع تحيات أكبر الباكر

[الطيبة كلها]

القهر بحرالمحرقه اللي احرمونا منه وين اول نروح هناك ونسبح ونلعب الحين مافي بحر شبه جزيرة ومافي بحر

[بـ فيصل ـو]

ياخي ليش زعلان
هاي مطار سفري
يعني مشي حالك
وربي مطار بومباي ابرك منه
لما تسافر برا البلد وتشوف المطارات اللي صج تقدر تقول انها مطار دولي
موبمطار الدوحة اللي ما ينفع يكون مكتب لتاجير الباصات
او محطة لباصات كروة

مشي حالك :happy: ههههههههههه
محطة باص كروة :nice: خخخخخخخخ


بصراحه .. لاتعليق :shy:

[الدوحي7]

والله مطار بانكوك احسن من مطار قطر،لاحول ولاقوه الا بالله،

[eveqatar]

بصراحه ذكرتني بشي خاص بهالموضوع

انا كنت حامل في داية السادس وادور علي كرسي

واستفسر واسال ومافي فايده واقول ابي كرسي

اخرتها قعد مثل العمال بعبيتي والكل كانو يطالعوني

ايش اشوي كنت حامل وتعبت من الوقفه

دعيت على المطار دعوه لا يعلم بها الا الله

بصراحه شكلهم شالو الكراسي وودوها للمطار درجه اولى مع انه مافي انتظار هناك

[Sharshooooor]

اخواني اولا الصور لا يمكن ان اراها و حاولة ولكن دون جدوى يرجى المساعدة.
ثانيا بالنسبة للمصلى فيمكن تقديم اقتراح بسيط و بكل احترام للمسؤولين من منبركم الحر الشامخ لتكبير المكان المخصص للصلاة و كذلك لتوفير الكراسي اللازمة للمنتظرين في صالة القادمين.
يا ناس ترى الكلام الزين يجيب فايدة احسن من اي شئ ثاني.
و على القوة.

من ردود بعض الاعضاء عرفت اني ثالث واحد يعرض هالمشكلة في المنتدى
واكيد غيري راحوا لادارة المطار بس تخيل الشكاوي من 2008 للحين مافي اي تغيير ولا حد اهتم

[Sharshooooor]

والله مطار بانكوك احسن من مطار قطر،لاحول ولاقوه الا بالله،

اكيد مطار بانكوك مليون مرة افضل من مطارنا
روح شوف المصلات كأنهم قاعات ماشالله


بصراحه ذكرتني بشي خاص بهالموضوع

انا كنت حامل في داية السادس وادور علي كرسي

واستفسر واسال ومافي فايده واقول ابي كرسي

اخرتها قعد مثل العمال بعبيتي والكل كانو يطالعوني

ايش اشوي كنت حامل وتعبت من الوقفه

دعيت على المطار دعوه لا يعلم بها الا الله

بصراحه شكلهم شالو الكراسي وودوها للمطار درجه اولى مع انه مافي انتظار هناك

بالنسبه للمغادرون صح كلامج وانا فضلت اجيب الويل شير حق الوالدة لكل سفرة لها
اما قاعة الدرجة الاولى في كل مكان ماشالله حاطين كراسي ومدلعينج اخر دلع
عند الكونتر وعند البيوتي فري وفي صالة البوفية والاستراحة حتى وانتوا بكرامة جبن الحمامات حاطين كراسي بعدههههههههههههههههههههههههههههههههههه

[عشقي قطر]

مطار حديث مثل مطار الدوحه لازم يهتمون فيه من كل النواحي ويضعون كل الامور الصغيره والكبيره في اعتبارهم . وبمكانهم تصحيح اي خطأ موجود لاانه مافيه شي يمنعهم .....

[ســـهم]

ابي ارد

بس ماشوف غير نص الصفحه !!!!

[ALRAYYAN]

يعني هي جات على المطار؟؟؟!!!!!!
مستوى الخدمات بشكل عام دون المستوى :(
احسن شي تقعد في السياره وتنتظر هم مرتاح وهم براد، واذا جاك المرور خذلك لفه على المواقف بدون ماتدخل وارجع وقف

هههههههههه

يازين برود أعصابك يابو علي 78

تعجبني والله

هالموضوع رسالة لمسيو .. أكبر الباكر !!

[كشافات بيجو]

الله يعينا على الوقفه راح نص العمرر

[صوت الضمير]

عندي سوال هذا المطار الجديد والا

لانهم يقولون خلصوا المطار الجديد بس مدري افتحوه وإلا؟؟؟؟

ومفروض يكون هناك كراسي .......

ترا حتى جامعة قطر ماعندنا كرسي :) حاطيني لنا حطبه نقعد عليها كنها طاوله

مدري وش قصدهم بذا الحركه :)

نتمنى احد من المسئولين يشوف الوضع :) اللي قاعد على كنبه

فيه ناس مافيه مكان تقعد فيه

وفيه ناس قاعدين على حطبه تكسرت ظهورهم في سبيل العلم :) يتصبرون

وغير مشكلة نقص الكراسي بعد حنا نعاني منها بالجامعه

وهي تهمش المساجد :) تخيلو حاطين مخزن صغير مسجد

مدري له تهمش المساجد في بلاد المسلمين والاسلام :)

العنود

[سهم 1]

معلومه للقراء الكرام
مطار الدوحه حصل ع المركز الثاني في التقيم السنوي من منظمه الطيران العالميه على مستوى الشرق الاوسط في عام 2008

[منتهى الحكمة]

معلومه للقراء الكرام
مطار الدوحه حصل ع المركز الثاني في التقيم السنوي من منظمه الطيران العالميه على مستوى الشرق الاوسط في عام 2008 كل هالشكاوي وبعد المركز الثاني:eek5: ليييييش؟؟؟؟ وين راحة الجمهور أقصد الكراااااااااسي؟؟؟؟

[abdulla999]

اخوي مشكور على الموضوع بس متى بداوم
المطار بدون كراسي احسن لان الناس لي تجي ولي تستقبل تنام على الكرسي وكذا احسن يستقبل ويروح احسن من واحد ينطر ساعتين وينام على الكراسي . نفس قبل
والمسجد قول الحمد الله انهم سووه ولا شلوه لان اكيد لي سوى المسجد مايصلي .

[jassim_9]

من وجهة نظري افضل بدون كراسي احسن لانة اذا بالكراسي بتكون الصوره اسوء بفضل العمال اللي تقريبا 50 شخص يستقبلون واحد

[PIX]

هو بس المطار الستي تنقص ريولك وطيح عافيتك وماتلاقي غير الكوفي تقعد فيه:anger1: