تقييم البضائع/ التجار يمتنعون

[الحره]

السلام عليكم ورحمة الله وبركاته

اخواني ، اخواتي /الاعضاء والعضوات..

عندي اقتراح ألا وهو تنقييم البضاعه التي تشتريها من خلال المنتدى.

يعني اذا شريت بضاعه كويسه وتستاهل تعال هنا واكتب انها تستاهل الواحد يشتريها ، لكن اذا طلعت مش اوكي وكانت عباره عن خرده ولاتستحق نصف القيمه الي شريتها ، تعال هنا واكتب

عشان الغير لايقع في نفس الخطأ ، خل نتعاون جميعا ونكون اخوه محبين للخير لبعضنا البعض .

ياليت محد\ يدخل من التجار والتاجرات ويقولون انتوا تخربون رزقنا ، حنا ماقينا فلوسنا في الهوا . ومثل مانت يالتاجر تبي تربح انا كمستهلك بعد ابي اربح ومابي اتعرض للغش سواء بالبضاعه او بالاسعار .

وياليت من الاعضاء لما يشوفون بضاعه معروضه من تاجرين مختلفين يقارنون بالاسعار والسعر الارخص يحطونه لنا في الموضوع عشان نعرف من اللي يستغلنا كمستهلكين ..

والسلام ختام .. اختكم

[anood]

انا مـــــــــــــــع

وصراحه لاحظت بعض التجار عندهم هالشي

قطعه عند تاجر ب 200 وعند اخر ب 100 والثالث ارخص !!


شي غريب


انشالله الاعضاء يتفاعلون

[shahd]

موضوع حلو كتير
يعيطيكي العافيه ع الفكره الحلوه

[لولوتي]

سبحان الله توني من دقايق كنت في احد مواضييع سوق المنتدى
وفكرت ... ليش مافي اعضاء يكتبون عن تجربتهم للبضاعه اللي اشتروها، ولو في نفس الموضوع على سبيل مدح للبضاعه اللي اشتروها ؟؟؟

مع امنياتي بالتوفيق للجميع :)

[اميرةالصحراء]

موفقه

[$.$.$]

بصراحه فكره حلوة

يعطيج العافيه

[شـــوق]

السلام عليكم ورحمة الله وبركاته ..

فكره اكثر من رائعه اختي الحره ..

ان شاء الله بكون اول وحده تكتب عن تجاربها مع منتجات المنتدى .. الزعل مرفوض من الاخوه والاخوات التجار :)

*/ من المنتدى اشتريت مقص الحف .. بادئ الامر كان عجيب ويجنن بس لما انقطع الخيط خلاص حسيت انه انتهى .. حاولت اثبت خيط جديد ولكن دايم يكون مرتخي حاولت كثير اني اشده لكن بدون جدوى ..:secret:

*/ المشد الاندونيسي .. بصراحه احس انه فاشل وبقوه ..عباره عن قطعة قماش كتان طولها 10 امتار .. والمفروض انها تنلف حول الخصر .. عموما المشد المفروض انه مطاطي .. لكن هذي قطعة القماش فاشله جدا .. يعني شريناها ورميناها .. ( غير عمليه بالمره )..

*/ شريت منتجات اخرى كانت عباره عن لزقة اعشاب .. وايضا خذيت عطور ومعطر فراش ..جربت الجبن ..

اختي شرت حق المنكير اللي يجي معاه 6 الوان مدري 8 .. هذا ايضا فاشل وبقوه .. كأنه لعبة اطفال .. مايستاهل ابد .. والمنكير اللي يجي معه تعبان جدا .. يعني مايستحق قيمته الشرائيه ابدا ..

شفت واحد يبيعه ب65 ريال وشفت وحده تبيع نفس المنتج ب250 ريال :secret:

وان شاء الله راح تكون لي تجربه مع منتج عن قريب وراح اذكره لكم بعد مايوصلني ..:)

[الحره]

انا مـــــــــــــــع

وصراحه لاحظت بعض التجار عندهم هالشي

قطعه عند تاجر ب 200 وعند اخر ب 100 والثالث ارخص !!


شي غريب


انشالله الاعضاء يتفاعلون

مرحبا اختي

انا لاحظت هذي الحركه من كثيرين وما هذا الا استهوان بنا كمستهلكين يعني بدل ما يكون ربح التاجر 15% او 20% يصير ربحه 100% والمشكله انه حركتهم مكشوفه وومكن اي حد يسوي سيرش في النت ويشوف الاسعار الحقيقيه للمنتجات ويقارن

ولكني لا أعيب على التاجر فقط على حركة الغش هذه ، فالمستهلك يساهم في هالشي بشرائه من هالتاجر والمفروض الي نعرف انه يغشنا ويبالغ بسعره نقاطعه

[نووون]

تاجرة متابعــة .. :)
ياليت يكون الكلام من دون مبدأ إن التجار يستغلونكم لأنكم أنتو كزباين مش هبــّل
السوق كله عرض وطلب ومحد مجبور يشتري
وياليت يكون فيه ذم اذا البضاعة فاشلة ..ومدح اذا البضاعة ممتازة
علشان احنا كتجار نستفيد من الـ Feedback

[الحره]

سبحان الله توني من دقايق كنت في احد مواضييع سوق المنتدى
وفكرت ... ليش مافي اعضاء يكتبون عن تجربتهم للبضاعه اللي اشتروها، ولو في نفس الموضوع على سبيل مدح للبضاعه اللي اشتروها ؟؟؟

مع امنياتي بالتوفيق للجميع :)

والله ياختي لولوتي انا ماكتبت هالموضوع الا بعد ما انقهرت

توني من يومين اشتريت اله رسم الاظافر بـ 65 ريال

وش طلعت عاد!!

خررررررطييييييييييي كأني خذت الـ 65 ريال وشققتها وقطيتها بالزباله وانتي بكرامه
المكينه لا تطلع الطبعه مالت الظفر ولا شي الا توصخ حتى النقشه ماتطلع > يازين اللقلامه الي ماخذتهم من المعرض شزينهم أرسم على اظافري بهم

حتى عقب عطيت بنت اختي المكينه قلت يمكن الياهل تعرف لها وتلعب ابها ابي اطلع قيمتها لاني ماستفدت منها حتى الياهل قالت هذي اصلن ماتصلح خرابيط قطيها احسن:anger1: والله في نفس اليوم قطيتها في الزباله وهي جديده.

[الحره]

السلام عليكم ورحمة الله وبركاته ..

فكره اكثر من رائعه اختي الحره ..

ان شاء الله بكون اول وحده تكتب عن تجاربها مع منتجات المنتدى .. الزعل مرفوض من الاخوه والاخوات التجار :)

*/ من المنتدى اشتريت مقص الحف .. بادئ الامر كان عجيب ويجنن بس لما انقطع الخيط خلاص حسيت انه انتهى .. حاولت اثبت خيط جديد ولكن دايم يكون مرتخي حاولت كثير اني اشده لكن بدون جدوى ..:secret:

*/ المشد الاندونيسي .. بصراحه احس انه فاشل وبقوه ..عباره عن قطعة قماش كتان طولها 10 امتار .. والمفروض انها تنلف حول الخصر .. عموما المشد المفروض انه مطاطي .. لكن هذي قطعة القماش فاشله جدا .. يعني شريناها ورميناها .. ( غير عمليه بالمره )..

*/ شريت منتجات اخرى كانت عباره عن لزقة اعشاب .. وايضا خذيت عطور ومعطر فراش ..جربت الجبن ..

اختي شرت حق المنكير اللي يجي معاه 6 الوان مدري 8 .. هذا ايضا فاشل وبقوه .. كأنه لعبة اطفال .. مايستاهل ابد .. والمنكير اللي يجي معه تعبان جدا .. يعني مايستحق قيمته الشرائيه ابدا ..

شفت واحد يبيعه ب65 ريال وشفت وحده تبيع نفس المنتج ب250 ريال :secret:

وان شاء الله راح تكون لي تجربه مع منتج عن قريب وراح اذكره لكم بعد مايوصلني ..:)

مرحبا اختي شوق

ذكرتيني مره انا بعد خذت مقص الحف وارتخى الخيط بعد 3 استعمال ومايستاهل قيمته ابد

ومانصح احد يشتريه

وهم خذت الة رسم الاظافر وطلعت مش اوكي الحمدلله ان مب انا الوحيده الي قلت عنها خرده اشوه ان اختج بعد مجربه

يعني الحين صار منتجين عليهم بلوووك مقص الحف واله رسم الاظافر وبغض النظر عن النصب في الاسعار

صراحه وايد عليها 65 ريال وبعد وحده تبي تبيعها بـ 250 !!! هذا نصب عينك عينك اشكره الموضوع لين الحين في المنتدى والناس ترد عليه صراحه شي غريب هالجشع في الناس!

[ام نآصر]

تاجرة متابعــة .. :)
ياليت يكون الكلام من دون مبدأ إن التجار يستغلونكم لأنكم أنتو كزباين مش هبــّل
السوق كله عرض وطلب ومحد مجبور يشتري
وياليت يكون فيه ذم اذا البضاعة فاشلة ..ومدح اذا البضاعة ممتازة
علشان احنا كتجار نستفيد من الـ feedback

صحيح .. ^_^

[umhend]

السلام عليكم

انا اشتريت وايد من المنتدى بس للامانه الاشياء الي احس انها ممكن ماتكون جيدة وحتى من غير
احد يثبت لي انها مش جيدة ابتعد عنها ومع ذلك ومع حرصي بعد انخميت :( وزعلللللت وايد وما لمت الا نفسي
وخواتي قالو لي حد ياخذ شي بهالسعر وهو ماشافه الاعن طريق صورة في منتدى .

شوفو شريت نظارة جورجي ارماني من عند تاجرة متخصصه تقريبا بالنظارات الشمسيه سعر النظارة
700 ريال وشوي النظارة خلال اسبوع استوت تقريبا خمس قطع العدسات طاحت الربلات الي تمسك
على الخشم طلعت من مكانها العصيان الي تتعلق على الاذن تعوت وحاله... وايييييييد استغربت ياما
شريت نظارات ماركات اول مرة تطيح عندي عدسه وخلال اسبوع والله ماادري هل ارماني مش
جيدة زي شانيل وديوررر لاني اول مرة اشتري ارماني ولا انا دفشششششششه لهدرجه الله واعلم

والله ان حتى علبتها من جابوها لي ماتسكر وماتطبق على بعض لاحول ولا قوة الا بالله

[الحره]

تاجرة متابعــة .. :)
ياليت يكون الكلام من دون مبدأ إن التجار يستغلونكم لأنكم أنتو كزباين مش هبــّل
السوق كله عرض وطلب ومحد مجبور يشتري
وياليت يكون فيه ذم اذا البضاعة فاشلة ..ومدح اذا البضاعة ممتازة
علشان احنا كتجار نستفيد من الـ feedback

والله أنا أستغرب من وصفج للي يشترون منج وتسترزقين منهم بأنهم هبـــل !!

ولا أنتي قصدج رزق الهبـــل على المجانين!!!

والحين كل من سواله اسم في المنتدى عد نفسه تاجر ومشكله اذا الواحد صدق نفسه يا اخواني!
الحين مابقا شي ما باعوه حتى ثيابهم وشناطهم وجواتيهم قامو يبيعونها! انا لله وانا اليه راجعون

وهذا مش موضوعي المهم كان الموضوع واضح من البدايه ومن العنوان بعد وهذا الموضوع ما نحط الا لصالح الجميع
نبي نستفيد من تجارب بعض واذا واحد فينا أنغش في بضاعه وشافها ماتستاهل يجي ويقول وحتى ومن غير ذكر أسماء ، يقول مثلا والله انا خذت هذا الغرض وطلع فيه كيت وكيت ومانصحكم فيه..الخ
او انه خذ غرض وعجبه واتسفاد منه يجي ويمدحه! او شاف منتج وكان كويس وشاف شخصين يبيعون نفس المنتج ويكون في تفاوت رهيب في السعر هنا يقدر يجي ويقول في هالموضوع .. وبس

يعني الحين غرض تلقاه في النت بـ 5 دولار يعني بـ 18 ريال قطري تلقاه عند حد بالمنتدى يبي يبيعه بـ 150 ريال والله بدون مبالغه

ولا عطر قيمته بـ200 ريال لما تطلبه من النت وتجي الاخت تبي تبيه بـ500 ريال زين ليش!!

في هذه الحاله لا تاخذون منهم خل بضاعتهم اتم عندهم لا تكسبون الاستغلاليين .

واحب أذكر قول الله عز وجل في الآيه الكريمه: (لا تأكلوا أموالكم بينكم بالباطل إلا أن تكون تجارة عن تراض منكم )

وأختم بحادثه صارت بعهد سيدنا عمر بن الخطاب اللهم ارضى عنه:-
جاء الناس الى الخليفه عمر بن الخطاب رضي الله عنه فقالوا :
غلا اللحم فسعره لنا . .
فقال :ارخصوه انتم !!!!!

قالوا :نحن نشتكي غلاء السعر واللحم عنند الجزارين ونحن اصحاب الحاجة فتقول : ارخصوه انتم !!!!!


قالوا : وهل نملكةحتى نرخصة !!!!؟؟؟


وكيف نرخصة وليس في ايدينا ؟؟

قال : اتركوه لهم

[الحره]

السلام عليكم

انا اشتريت وايد من المنتدى بس للامانه الاشياء الي احس انها ممكن ماتكون جيدة وحتى من غير
احد يثبت لي انها مش جيدة ابتعد عنها ومع ذلك ومع حرصي بعد انخميت :( وزعلللللت وايد وما لمت الا نفسي
وخواتي قالو لي حد ياخذ شي بهالسعر وهو ماشافه الاعن طريق صورة في منتدى .

شوفو شريت نظارة جورجي ارماني من عند تاجرة متخصصه تقريبا بالنظارات الشمسيه سعر النظارة
700 ريال وشوي النظارة خلال اسبوع استوت تقريبا خمس قطع العدسات طاحت الربلات الي تمسك
على الخشم طلعت من مكانها العصيان الي تتعلق على الاذن تعوت وحاله... وايييييييد استغربت ياما
شريت نظارات ماركات اول مرة تطيح عندي عدسه وخلال اسبوع والله ماادري هل ارماني مش
جيدة زي شانيل وديوررر لاني اول مرة اشتري ارماني ولا انا دفشششششششه لهدرجه الله واعلم

والله ان حتى علبتها من جابوها لي ماتسكر وماتطبق على بعض لاحول ولا قوة الا بالله


عليكم السلام ورحمة الله وبركاته

باللمهلي ياأم هند هلا ومرحبا

صادقه ياختي لازم الواحد يكون حذر وخاصه ان الصوره وايد تخدع في كثير من الأحيان

وان شاءالله معوضه بالنظاره الي طلعت مب اوكي ، بس ياختي لو انج زايدتها 100 ولا 200 ريال تقدرين تاخذين نظاره أصليه من الوكيل احسن لج

بس الواحد يتعلم من اخطاءه
واشكرج جدا على مشاركتنا تجربتج مع السوق :victory:

[الحره]

هلا مره ثانيه

الي يحب الشوكولاته السايحه ويحب يكون عنده الادوات عشان يقدر يسويها في البيت

انا رحت ايس كريم هاجن دز الي في الستي سنتر هناك يبيعون مله راقيه وتحتها مكان للشمعه عشان تحطون في المله شوكلت وتسيحونه للتقديم وسعره حلو بـ 85 ريال واشوف حد يبي يبيعه هني في المنتدى بـ 120 ريــال
والصراحه مالت هاجن دز عجييييبه ومكتوب عليها هاجن دز وكشخه وارخص وفي الدوحه بعد ، ان شاءالله أفدتكم :)

[alranan]

موضوع يستحق التثبييييييييييييييييييييييييييييييييييييييييييييي يييييييييييييييييييييت.
الأهل اشتروا البف (بف الشعر) وقالوا مايستاهل قيمته ولاقدروا يثبتونه.

[نووون]

والله أنا أستغرب من وصفج للي يشترون منج وتسترزقين منهم بأنهم هبـــل !!

ولا أنتي قصدج رزق الهبـــل على المجانين!!!

والحين كل من سواله اسم في المنتدى عد نفسه تاجر ومشكله اذا الواحد صدق نفسه يا اخواني!
الحين مابقا شي ما باعوه حتى ثيابهم وشناطهم وجواتيهم قامو يبيعونها! انا لله وانا اليه راجعون

وهذا مش موضوعي المهم كان الموضوع واضح من البدايه ومن العنوان بعد وهذا الموضوع ما نحط الا لصالح الجميع
نبي نستفيد من تجارب بعض واذا واحد فينا أنغش في بضاعه وشافها ماتستاهل يجي ويقول وحتى ومن غير ذكر أسماء ، يقول مثلا والله انا خذت هذا الغرض وطلع فيه كيت وكيت ومانصحكم فيه..الخ
او انه خذ غرض وعجبه واتسفاد منه يجي ويمدحه! او شاف منتج وكان كويس وشاف شخصين يبيعون نفس المنتج ويكون في تفاوت رهيب في السعر هنا يقدر يجي ويقول في هالموضوع .. وبس

يعني الحين غرض تلقاه في النت بـ 5 دولار يعني بـ 18 ريال قطري تلقاه عند حد بالمنتدى يبي يبيعه بـ 150 ريال والله بدون مبالغه

ولا عطر قيمته بـ200 ريال لما تطلبه من النت وتجي الاخت تبي تبيه بـ500 ريال زين ليش!!

في هذه الحاله لا تاخذون منهم خل بضاعتهم اتم عندهم لا تكسبون الاستغلاليين .

واحب أذكر قول الله عز وجل في الآيه الكريمه: (لا تأكلوا أموالكم بينكم بالباطل إلا أن تكون تجارة عن تراض منكم )

وأختم بحادثه صارت بعهد سيدنا عمر بن الخطاب اللهم ارضى عنه:-
جاء الناس الى الخليفه عمر بن الخطاب رضي الله عنه فقالوا :
غلا اللحم فسعره لنا . .
فقال :ارخصوه انتم !!!!!

قالوا :نحن نشتكي غلاء السعر واللحم عنند الجزارين ونحن اصحاب الحاجة فتقول : ارخصوه انتم !!!!!


قالوا : وهل نملكةحتى نرخصة !!!!؟؟؟


وكيف نرخصة وليس في ايدينا ؟؟

قال : اتركوه لهم



الحره

الله يهداج الشيخة .. اشفيج متحاملة على التجار .. والكلام تفهمينه بالعكس :discuss:
الحين أنا اقول لج ( الزباين مش هبّــل ) .. يعني بالعربي عاقلين ومفتحين وفطنين ! تقولين أتطنز ؟
الحمدلله مب انا اللي أتطنز على زبايني ولا على الناس لأن أخلاقي عالية ما تسمح لي :)
وقلنا تاجرة .. قمت اتطنزين !!
طرحتي موضوع وابدينا الراي لا كفرنا ولا أجرمنا ..
واللي تعامل مع نوون وخذ منها شي طلع مب عدل والا حرام فيه الفلوس خله يكتب ويذم في نووون .. واللي شاف خير من نووون يكتب ويشهد باللي شافه منها والا من بضاعتها
والباب مفتوح للكل لابداء رايهم ...
أما اذا ماتقرين عدل فهذي مشكلتج مب مشكلة التجار :)

[Maha_N]

الموضوع مفتوح عشان نستفيد منه


مو للمشاكل واستعراض العضلات


هدّوا جزاكم الله خير

[missqatar]

يعطيج العافيه اختي على هالمووضوع والمفروض يتثبت عشان الكل يستفيد "

وخاصة المشتركات الجدد ^_^

موفقين ان شاءالله ..

[ضوى]

للامانة اشتريت اشياء وايد من النت ومن تاجرات معروفات والحمد لله كل اللي اخذته كان اوكي مثلا
اخذت من نوون شنطة جوسي كوتير وكانت وايد حلوة ، واخذت من مس اورينجال الاجار وصنادل وبعد كانت اوكي ، واخذت من واحدة الله يبارك لها في تجارتها شنط تقليد وتحسفت اول وارخ مرة بحياتي اخذ تقليد ولا عاد اكررها وكان سعرها بالنسبة لجودتها فووووووووق اما باقي تعاملاتي فكانت اوكي ولله الحمد والمنة

[ضوى]

وبالنسبة للاسعار ، انا اشوف السوق عرض وطلب وهذي تجارة فيه ناس ترح بالمعقول وفيه ناس تربح فوق المعقول وهذا شئ لهم هم وضميرهم مالنا حق نتدخل في نسبة الارباح اللي يحطونها دامنا رضينا ناخذ من بضاعتهم

[bo_Oof]

والله الصراحه خوش موضوع ويبيله يثبتوونه لانه يستاهل

[bo_Oof]

وفي ناس يقولون بنشتري بس يطقعون هذي اخس حركه

[بـن عدوان]

اشم ريحه هواش ..

[qatar poy]

مشكوره على الموضوع الجميل والفعال

انا عن نفسي ماتعاملت ابدا مع اي تاجر ولا شريت اي بضاعه

لاني الصراحه اخاف يعني يمكن ماتكون بنفس الجوده المعروضه بالصور او على عكس ما كنت اتصور مثلا مقص الحف فكره وااايد حلوه وكنت متخيله شي خيالي بس يوم سمعت رايكم عنه هني قلت اي والله صج ترى ماينفع

[shamma]

فكره مفيدة جيدا ..اتمنى التوفيق للجميع

[الحره]

أخواتي بدون زعل ، قلنا التجار يمتنعون

اشوف تاجرات يبيعون اغراضهم يدخلون الموضوع .

نبي موضوعنا يستمر مايكون نصيبه الارشيف .

للي يقول السوق عرض وطلب ، اشوف الدنيا قامت واقعدت لما حصلتوا تفاوت في قيمة المواد الغذائيه من بين جمعيه وأخرى :telephone:

فلحد يقول السوق عرض وطلب ، ايضا يوجد الغش التجاري فلنحمي انفسنا من الجشع ،

اعتقد انا ماطالبت بالكثير ، على فكره بس حبيت اوضح هالنقطه مش انا اللي ينقص علي

وينعرض شي قيمته 20 ريال واروح اشتريه ب200 ريال على فكره بس انا اقدر اسوي بحث واطلع الغرض وقيمته الاصليه .

لكن حبيت اساعد الناس اللي ماعندهم خبره في الموضوع يعني حرام وحده تروح محل وتشتري شي غالي جدا وتروح لمحل ثاني وتلقا نفس الغرض بأقل بكثير ، كلنا نعرف ردة الفعل بترجع الغرض لنفس المحل وبترميه في وجه البياع وراح تقول له انت غالي ولقيته بأرخص من كذا

ولا انا غلطانه؟ اعتقد عندكم عجايز في البيت وأسألوهم.. اذا حصلت العجوز اسعار متفاوته وش راح تسوي .

[بنت قطر202]

بنات بخصوص طباعة المناكير ترى كانت تنباع في المعارض من كم سنه وفي زون بعد وانا اشوفه حلوه واذا تبون الرسمه تبين استخدموا لون غامج واضغطو عليها بقوه اشوي..

انا ماسوي دعايه بس حرام تظلمون الي يبيعون هالاغراض

[بنت قطر202]

وبالنسبة للاسعار ، انا اشوف السوق عرض وطلب وهذي تجارة فيه ناس ترح بالمعقول وفيه ناس تربح فوق المعقول وهذا شئ لهم هم وضميرهم مالنا حق نتدخل في نسبة الارباح اللي يحطونها دامنا رضينا ناخذ من بضاعتهم

كلامج صحيح وهالموضوع بيخلي بضايع تجار تخسر اتمنى من الادارة تصكر هالموضوع

[شيزكيك]

السلام عليكم

والله موضوعك حلو انا الحمدلله بس 3 مرات شريت مره من الامارات ومره من السعوديه

ومره من عندنا وكان شوكليت بس شكل كلش ماعجبنا

وخلاص قررت ما اشتري شي بالمره واصلا الي بيدور بيحصل البضاعه وبسعر احلى

وشنط التقليد يبونهم المعارض الصينيه وباسعار مناسبه وصج اول مره اشوف شنط

تقليد نخب اول بالف والفين حطوا فوقها الف واشترواشنطه اصليه

ترى شنط الماركات الاصليه مب كلها غاليه حرام تحطون آلاف على شنط تقليد

وانا بنفسي شايفه في بوتيك فندي وال في شنط بال2000 و2500

وحتى اغراض الرونق الي بريال يبونهم ب15 ريال اشدعوه


وصج تذكرت مره طلبنا فطاير وسندويشات من وحده بس كلش ماعجبنا يابت

سندويشات بس نوع واحد والحشوه كلش عاديه والفطاير صغار بس ريحه الحشوه فيهم

[alreeem77]

انا عن نفسي ما شريت الا اشيا بسيطة من مكياج وكريمات
لكن للأسف اكتشفت ان كل شي موجود بالسوق وبنصف لو حتى بربع السعر

لكن هذي ضريبة الكسل :(

من الأغراض اللي اتذكر اني شريتها وبعدين حصلتها في السوق

تاتو الحواجب شريته 75 وحصلته بفتول ب 25
عدسات توتي حصلتها في صيدلية بوتس ونظارات البحرين
حمام مغربي كامل مع الليفة من فتول ب 20 ريال
جميع منتجات بارتنر لوف حصلتها بنص القيمة في صيدلية السيتي اللي عند كارفور
مسك الطهارة حصلت الاصلي عند عبد الصمد القرشي ب 25 ريال ربع تولة
وغيرها بس ما اتذكر
وسلامتكم

[ضوى]

للي يقول السوق عرض وطلب ، اشوف الدنيا قامت واقعدت لما حصلتوا تفاوت في قيمة المواد الغذائيه من بين جمعيه وأخرى :telephone:
.

اختي الكريمة بما اني انا اللي قلت السوق عرض وطلب فراح ارد على هالجزئية

مافي مجال تقارنين مواد استهلاكية بمواد تجميل وزينة وهالسوالف اللي اعتبرها انا كماليات ، الحين بالجمعيات الاسعار موحدة فلما ينقطع منتج واشوفه بالسوق السودا ينباع بسعر خيالي هنا اكيد راح اقوم الدنيا واقعدها لانه هذا منتج استهلاكي مو من حق احد يرفع السعر مثل مايبي

بالنسبة للمواد التكميلية بنظري الشخص هو اللي يقدر يقرر يشتري والا لا ، اذا اشترى فهو يلبي حاجة نفسيه عنده واذا ماشترى فهو شاف القيمة غالية ويقدر يتعنى شوي ويجيب ارخص


لذلك من الظلم الشديد تقارنين مثلا الرز بتاتو الحواجب صح والا انا غلطانة ؟؟

على فكرة انا مب تاجرة

تقلبي تحياتي للمرة الثانية :)

[alranan]

موضوع رائع<-----------------------------------> يرجى التثبيت.

[شـــوق]

كلامج صحيح وهالموضوع بيخلي بضايع تجار تخسر اتمنى من الادارة تصكر هالموضوع

السلام عليكم ورحمة الله وبركاته ..

اهلين اختي الكريمه ..ليش اعتبرتي ان هالموضوع بيخلي بضايع التجار تخسر؟؟؟

هل لردائتها؟؟؟

ليش ماعتبرتي ان هالموضوع بيزيد من ربحهم خاصه اذا كان المنتج كويس وماعليه كلام اللي راح يشتريه اكيد بيمدحه وبيكتب انا شريت كذا واستخدمته وكان مافي احسن منه .. وبالتالي اللي كان وده يشتري ومتخوف راح يشتري المنتج وبالتالي التاجر بيكسب ..:)

اختي الكريمه خلك ايجابيه ..:)

[anood]

متابعه وبقوه

والبقاء للافضل

[متسبب]

المشكله البضاعه تشوفينها هني شي و ع الطبيعه شي اخر
مادري يضبطونها بالفوتوشوب يحلونها في عيننا:)

[احلى ستايل]

السلام عليكم


انا رآي من الاخت الحرة بس مو في كل شي

انا اعتقد ان من حق التاجر يبيع بالسعر الي يعجبه بس طبعا مايغلي واجد

يعني 20% من سعر البضاعة تقريبا

لان مو كل البضائع تجي بسهول يبيلها طلب وتودين الفلوس البنك

ومراسلات مع الناس الى برا

وخصوصا احيانا الي يبون يطلبون شي يطلعوون عين الواحد حزات

الا كنسل الا ابي لون ثاني غيري ومادري وشو لا ويمكن اخرتها تقول مابي بعد

كل واحد من حقه يغير ويرفض بس بحدود المعقول

اما ان مثلا شنطة تسوي 500 ابيعها 1500 هاااي حرام

بس الي بيشتري حر محد جبرة انه يشتري

وخصوصا الواحد يجرب يشتري قطعة اول واذا عجبة الشغل

والكوالتي يشتري مرة ثانية واول شي يشتري شي رخيص يجرب

واتمني يكون الموضوع فيه تفاعل سواء من التجار او المستهلكين

عشان الكل يستفيد والكل يعبر عن رأيه في الموضوع


واتمني مايكون فيه هالمشادات واو التجريح ويكون النقد بناء

حيث ان محد يجرح في الثاني

وشكـــــــــــــــــــــــرا

[الحره]

شكرا لتفاعلكم مع الموضوع وكل اراءكم لها احترامها

وهذا الموضوع في النهايه لصالحنا

اعتقد الحين النقاش اخذ حقه وزياده ، والحين لازم تكون الردود تخص لب الموضوع الا وهو الي عنده راي في منتج يجي ويقول والي خذ منتج وعجبه بعد يقولنا
وشكرا لكم

اتمنى ماحد يفتح نقاش ثاني عشان مانطلع عن صلب الموضوع والغايه الي نكتب عشانها الموضوع هذا

وتقبلوا كل الاحترام والتقدير :)

[m7mad_qtr]

بصراحه فكره حلوة

يعطيج العافيه

[PARIS]

انا بصراحة اشتريت احذية من تاجرة معروفة بالمنتدى وبعد ماقلبت في موقع امازون لقيت كل الاحذية الي طلبتهم للاسف للاسف ............. بربع السعر غير الخصومات الي يسوونها على البضاعة بين فترة والثانية... والسموحة من التاجرات

[umhend]

عليكم السلام ورحمة الله وبركاته

باللمهلي ياأم هند هلا ومرحبا

صادقه ياختي لازم الواحد يكون حذر وخاصه ان الصوره وايد تخدع في كثير من الأحيان

وان شاءالله معوضه بالنظاره الي طلعت مب اوكي ، بس ياختي لو انج زايدتها 100 ولا 200 ريال تقدرين تاخذين نظاره أصليه من الوكيل احسن لج

بس الواحد يتعلم من اخطاءه
واشكرج جدا على مشاركتنا تجربتج مع السوق :victory:


اختي الحرة

فديتج انا مااخذ شي تقليد انا خذتها على انها اصليه على حد كلام التاجرة
الى الان ماتعاملت الا مع مس اورجنال بخصوص الشنط والحمدالله شنطه
ولا اروع وملابس من امريكا قمه في التصميم وكوالتي صج حلو وايضا
اختنا رد اي الله يسمح دروبها شنطه الكاديلاك مع بوكها ولا اروع
هذا بخصوص الاصلي والمكاركات

وقاعدة افكر في شنط التقليد واحاول اقنع نفسي ومترددة وشكلي بهون

[>>> غــمـــوض <<<]

موضوع في غايــة الاهميــة واشكرج جزيل الشكر على اتاحـة هالفرصــه عشان الكل يفيد ويستفيد .،....
واتمنى لو يتم التثبيت للموضوع

[umhend]

زين بقينا هالموضع يتم فوق على طووول لو راح ورى سو له اب اب

واي شي تشترونه وعقب تكتشفون انه مضرووب ولا مقلب تعالو وسجلو

رايكم واخواني التجار والتاجرات اكيد ماراح يعجبهم الموضوع سوو موضوع

مثله وحطو رايكم عن تعاملات بعض المشترين وبجذيه الكل بيلتزم تاجر ولامشتري

والله يعطيج الف الف عافيه اختي الحررررررررة

[سوق واقف]

موضوع جميل ولا يزعل بالعكس ومنكم نستفيد....

[مشتاقة لقطر]

يعطيكم العافية ..

[قطري فلته]

صراحه لج اجر سويتي الموضوع

ارجو يثبت علشان ما احد يطيح فى الغش

وشكرا