المساعد الشخصي الرقمي

مشاهدة النسخة كاملة : اهداء لك يا زقرتي


برنس قطر
30-06-2009, 11:08 PM
أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني
المهاجر
30-06-2009, 11:13 PM
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني


اخوي العزيز برنس

صدقت يالغالي والله,, فبالرغم من كبر البحر الا انه كثيرا ما يكون صغيرا امام همومنا واحزاننا,,

تعبر رائع منك فدمعه واحده تحمل من الالم والحرقه والقهر تكفي لاغراق البحر بكامله

صح بوحك ولا تحرمان من مشاعرك واحاسيسك الجياشه

ويستاهل اخوي زقرتي الاهداء
بوحارب
30-06-2009, 11:29 PM
صح السانك ولاهنت على الأبيات الجميلة
لاداعي
30-06-2009, 11:33 PM
يعطيك العافيه.. ويستاهل شاعرنا زقرتي..:)
نفسي عزيزه
30-06-2009, 11:45 PM
صح لسانك...لاهنت
ورقــة أمــل
30-06-2009, 11:48 PM
تصدق يا بحر انك ..
تشابه كل عطا قلبي ..
تصدق يا بحر انك تشابه كل غدر حبي ..

تشابه منهو حبيته ..
وبديته على نفسي ..
هذاك اللي توقعته ..
ينور بالوفا دربي ..


أجيه وشايلن همي ..!
أدور عنده الراحه ..
تخيل لما يلمحني ..
تجيني تركض جراحه ..!

واذا صديت ناداني ....
واذا اقبلت خلاني ....
واذا قلبي نوا الفرقا .....
يعشم قلبي بفراقه ....

أبعرف يا بحر ذنبي وش اللي بعمري سويته ؟؟؟
أنا ما أذكر اني بيوم جرحت انسان وبكيته .. ..

جروحي ليه ؟ علمني ..؟ عشان اني على النيه ؟؟ ......
تعب قلبي وتعبني .. يا ليته يقسى يا ليته ..

ابسكت يا بحر وامشي .....
واخلي ضيقتي فيني ......
ابسكت وابتعد عنك .. وادور من يواسيني ..


تصدق يا بحر اني توقعتك تشيل هموم ..... ولكن انصدمت انك ! غرقت بدمعه من عيني ..


وايد احب هالكلمااات

:(:(:(:(
لوجين098
06-07-2009, 04:15 AM
كلمات رائعة منك ياخوي برنس والله لايهينك باذن الله تعالى ويفرج لك همك باقرب قريب باذن الله تعالى
شاهيناز
06-07-2009, 05:38 AM
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني

وايد معبره الكلمات

تسلم اخوي
ابوالجازي
06-07-2009, 12:02 PM
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني

الله يعطيك الف عافيه اخوي على هالاختيار الطيب

كلمات معبره من قلب
زقرتي ومزاجي
06-07-2009, 12:21 PM
أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني



لبيه والله بالكلمات .. وراعيها


مساء الخير .. يابرنس
مساء احلى مسى .. بريضان أختيارك




محاكاه رائعة أبحرت بنا في بحار الفضفة
الى جزر الأمل .. جزر .. يريدها الانسان
بين الفينه والاخرى .. ليرتاح من عناء همومه
التي يمر بها على مضض

حبيبي وصاحبي والغالي .. برنس


يابرنس هديّتك مالها اثمان
..............................لوّ الذهب يرخص هداياك في زود


لا هان بي راسك ولا الشعر بك هان
..........................لا الطيب بك مُحصى ولا الطيب معدود


كن الكرم والخُلق في كفّك اخوان
...................................ماجيت تبذل طيب من شان مردود


أعوّذك من كل حاسد وشيطان
......................................مثلك على كسب الجمالات محسود

(( محمد السالم ))


برنس

أدخلت الفرحة لقلبي .. الحزين .. وكأنك الشمس المشرقة
دمت لي أولاً .. ودمت لأحبابك ثانياً
شكرا لك من الأعماق
:)