قراج عجيب للصبغ و تعديل الضربات

[qatar005]

السلام عليكم

ابي الفزعه عندي جي اكس ومتردد:eek3:

مادري اصبغه كامل او اعدل الضربات والشموخ الي فيه:eek5:


ومادري شنو احسن قاراج حق هالاشياء ابي شغل نظيف والي يسلمكم

الي عنده خبره في هالموضوع يريت يشاركني

ويعطيكم الف عافيه

[عاشق الشهادة]

روح محطه التيسير الي عند المجموعه محل اسمه كلاس تقريباً وادعيلي .

[halcrow]

روح كراج المضمار شارع 17 وادعيلي :)

[سمو انسان]

عندك كراج النورماندي اللي فشارع سته

بقولك المواتر اللي وديتها له

عندي هلكس بدلت وصبغت له جمب كامل والحمدلله كان شي لم يكن
وعندي جي مخزن بدلت له وجهه كامل واموره طيبه ولا يبين ان مصبوغ
وعندي رنج موديل ٢٠٠٤ مخزن وصبغته جمب كامل والموتر كانه وكاله

يعني شغل ممتاز والله يوفقك

[فلفل حار]

على حسب يالغالــي ....:)




أيش ضرباته بالضبط ..؟! ( ضربه عن ضربه تفرق )

وهل ممكن يشملها التأميــن لو كان شامل ...!

:nice:

[الدنيا تجارب]

الشيخ النورمندي تمام وجهة نظر
ويعطيك العافيه

[qatar005]

عندك كراج النورماندي اللي فشارع سته

بقولك المواتر اللي وديتها له

عندي هلكس بدلت وصبغت له جمب كامل والحمدلله كان شي لم يكن
وعندي جي مخزن بدلت له وجهه كامل واموره طيبه ولا يبين ان مصبوغ
وعندي رنج موديل ٢٠٠٤ مخزن وصبغته جمب كامل والموتر كانه وكاله

يعني شغل ممتاز والله يوفقك


مشكور الشيخ على الرد بس كم كلفك ؟؟؟؟:nice:

[qatar005]

روح محطه التيسير الي عند المجموعه محل اسمه كلاس تقريباً وادعيلي .

شكرا على المرور

صابغ عنده موتر مجرب شغله ولا كلام شباب ؟؟؟

وكم كلفك ؟؟؟

[qatar005]

روح كراج المضمار شارع 17 وادعيلي :)


اذا مجربه قولي وشلون اسعاره ؟؟؟

واشكرك على المرور

[halcrow]

اذا مجربه قولي وشلون اسعاره ؟؟؟

واشكرك على المرور

عن تجربه شغله شغل شركه وسعره لك عليه معقول انقول عليه .

[khalid_81]

الشيخ انصحك تروح المحل اللي في المسيله اعتقد اسمه الاصباغ التقنيه

شغله مظبوط 100% كان في موتري خفس في الرفرف اللي ورا والصدام مشقوق

رحت النورمندي قالي بابدلك الصدام باجيب لك صدام جديد وباصبغه وباركبه وباسمكر لك الرفرف وباصبغه كامل الشغل كامل قالي 4800 الصراحه الربع كلهم قالو لي حرام تصبغ رفرف كامل على هالضربه البسيطه وقالو روح المحل اللي في المسيله وهو بيظبط امورك

ورحت له والله قالي شي فر مخي قالي باظبط لك مكان الضربه وباصبغ بس مكان الضربه وبادمج لك الصبغ القديم مع الجديد وبالحم لك الصدام وباركب لك خط جديد وتعال شوف الموتر اذا بين شي فيه لاتعطيني ولا ريال والله توكلت على الله ومن فرحتي ضربت عنده بولش للموتر كامل والله وطلع موتري وكاله ماشالله وكل هالشغل ماكلفني 2500 ريال :victory:

اسمحلي ع الاطاله وحبيت اوضح لك وشصار معاي بالتفصيل

واذا تبي رقم مديرهم انا حاضر اطرشه لك رساله خاصه

[qatar005]

عن تجربه شغله شغل شركه وسعره لك عليه معقول انقول عليه .

مشكور اخوي :nice:

[yousef545]

المحل في محطة المسيله وايد يمدحونه شغل عدل بس انت موترك حاول انك ماتصبغه لو يترقع

احسن من صبغ كامل لأنه وقت البيت لايطيح بجبدك و حاول الاماكن الواضحه اتصلحها و الخفيفه اتغض نظر

عنها عشان لاتصبغ الموتر كامل و الصداديم موضوعهم بسيط

[بو عيسى]

عندك كراج ميتالك بالصناعيه شغله واايد ممتاز صلحنا موتر عنده في شاصي والموتر بعد التصليح ماعليه كلام

[بوعبدالله100]

النورمندي او الي بالمسيله مكان ثاني لاتدور

[qatar005]

عندك كراج ميتالك بالصناعيه شغله واايد ممتاز صلحنا موتر عنده في شاصي والموتر بعد التصليح ماعليه كلام

مشكور اخوي بوعيسى على المرور

بس الموضوع عن البدي مب الشاصي والله يبعدنا عن ضربات الشاصي

[qatar005]

المحل في محطة المسيله وايد يمدحونه شغل عدل بس انت موترك حاول انك ماتصبغه لو يترقع

احسن من صبغ كامل لأنه وقت البيت لايطيح بجبدك و حاول الاماكن الواضحه اتصلحها و الخفيفه اتغض نظر

عنها عشان لاتصبغ الموتر كامل و الصداديم موضوعهم بسيط

عدل كلامك وبمر عليهم نهايه الاسبوع مع المعاش :secret:

[qatar005]

النورمندي او الي بالمسيله مكان ثاني لاتدور

ماشاء الله اغلبيتكم متفق على النورمندي والمسيله

شورتكم وامري لي الله

بس بعد بشوف الارخص :nice:

[الرميله]

ياالربع الصناعيه فيها يمكن
1000 كراج
واحنا لين الحين نكرر الاسامي
نورماندي
المضمار
ومادري ايش
طلعوا لنا شي غير