سلفة الزواج للموظفه

[roseQ8]

السلام عليكم ورحمة الله وبركاتة


أخواني واخواتي الكرام حبيت استفسر عن الموظفات هل تشملهم سلفه الزواج بما انهم موظفات في الدوله ويحق لهم الزواج مثل مايحق للرجل هل لهم سلفه زواج مثل مالهم سلفه سيارة ولا لناس من دون ناس :weeping::weeping:

ياليت اللي عنده الخبر الاكيد يقول لنا لان الشئون الاداريه مع الاسف الشديد بالدوام يتهربون من هالموضوع ومن الرد عليه فالبداية يطالبون بااثبات مايثبت ان للموظفه سلفه زواج وبعد قرار سمو الامير الاخير في اقرار السلف جلسوا يتحججون بما يثبت ذلك رسمي واعتقد ان القرار واضح لجميع موظفي الدوله بكافه فئاتهم


لذا من لديه المعلومات الاكيده يقول لنا يحق للموظفه ولا تنطم وتسكت وتاكل قهر :

[واحد 11]

سلفة الزواج للرجل لانه هو المسكين اللي يدفع المهر:weeping: انتوا شتبون بعد

سميها سلفة استعداد للعرس ممكن تكون اقتراح وانشاء الله يوافقون عليه .... بس سلفة زواج صعب من اسمها اصلا ماتركب انها تصرف لكم

[roseQ8]

سلفة الزواج للرجل لانه هو المسكين اللي يدفع المهر:weeping: انتوا شتبون بعد

سميها سلفة استعداد للعرس ممكن تكون اقتراح وانشاء الله يوافقون عليه .... بس سلفة زواج صعب من اسمها اصلا ماتركب انها تصرف لكم



صدق من قال الرازق بالسما والحاسد بالارض

[فلفل حار]

صدق من قال الرازق بالسما والحاسد بالارض

هههههههههههههههههههههههههه ....:eek5:



والله الحياه صارت صعبه على الجنسين مب بس على الشباب .... :weeping:



بس بعد الحريم مرتاحين اكثر:eek5: ولاتقولين حساد ....:tease:





والله يديم الراحه يــاارب ....:victory:

وان شاء الله يفيدونج أهل الاختصاص والخبــره .... :)

[كلي أمل]

هههههههههههههههههههه الله فلااااااااااااااااا والله ياليت صرااااااااااحه - بروحه المهر مايكفي هالايام - والله يبارك فيه ان شاء الله

[وتبقى الدنيا حلوه]

والله ماعندي فكره بخصوص سلفة الزواج للموظفه من الدوام

بس اذا بغيتي تاخذين سلفة اخذي مساومة أسهم و من بنك اسلامي

وربي يوفقك

[bo_hamad]

الظاهر بنمر في زمن المراه هي اللي بتدفع المهر هههههههههههه

[عديـل الـروح]

سلفة الزواج : للموظف الرجـل

[طارق]

سلفة الزواج للرجل لانه هو المسكين اللي يدفع المهر:weeping: انتوا شتبون بعد

سميها سلفة استعداد للعرس ممكن تكون اقتراح وانشاء الله يوافقون عليه .... بس سلفة زواج صعب من اسمها اصلا ماتركب انها تصرف لكم


سلفه لدفع المهر للزوج الاجنبي
:)

[قطري فلته]

والله الحريم مرتاحين الحين الحريم عندهم اجازه امومه سنتين سالتهم مافى اجازه (أبوبه )

[كرستال]

السلام عليكم

يمكن للموظف و للموظفة القطريين بالادارات الحكومية اخذ سلفة على الراتب كالتالي:

1. زواج طالب السلفة أو من يعولهم : قيمتها (50.000) خمسين ألف ريال لجميع فئات الموظفين القطريين .

2. سلفة لشراء سيارة خاصة : خمسة أضعاف الراتب الاساسي للموظف، وبما لا يقل عن (25.000) خمسة وعشرين ألف ريال .

3. سلفة لسد نفقات أعباء الحياة : خمسة أضعاف الراتب الاساسي للموظف، وبما لا يقل عن (25.000) خمسة وعشرين ألف ريال .


ويجوز بموافقة رئيس الجهة منح الموظف غير القطري سلفة لشراء سيارة خاصة، تكون قيمتها خمسة أضعاف الراتب الأساسي وبحد أقصى (50.000) خمسون ألف ريال.


لا يجوز الجمع بين أكثر من سلفتين في وقت واحد.


بالنسبة لسلفة اعباء الحياة ، تصرف عندنا بالوزارة للجميع ، ويرفق مع طلب السلفة صورة البطاقة الشخصية فقط

بالنسبة للاخريات من السلف انتوا عارفين الاجراءات السابقة كما هي


سلفة الزواج للرجل ... اذا لم يأخذها الزوج ، يحق للزوجة ان تأخذها ( من هو فيهم الي راتبه الاساسية اكبر ياخذها)


حاليا .. سلفة اعباء الحياة للجنسين


ان شاء الله اكون افدتكم

[eXpert*]

والله الحريم مرتاحين الحين الحريم عندهم اجازه امومه سنتين سالتهم مافى اجازه (أبوبه )


تكفى خلني ساكت :secret:

[hamoor4ever]

والله الحريم مرتاحين الحين الحريم عندهم اجازه امومه سنتين سالتهم مافى اجازه (أبوبه )

اي والله نبي اجازه على نفس قصه قرض الزواج وخل يسمونها اجازه ابوبه على قولتك ولا حق ناس وناس

[eXpert*]

للتوضيح بعض الشركات فيها اجازة تسمى (اجازة رعاية) (paternity leave) ،، وهي عادة ما تكون ما بين 2 - 5 أيام عمل. و الغرض منها : السماح للزوج بالتواجد بـ جانب زوجتة في حالته الولادة .

[الرميله]

بعد هااااااااااااي حاطين عينكم عليها
الصراحه مالكم حل

[moonبنتnight]

شفيكم كالتوها 00 خذتوها بشراع وميداف 00

بصراحة يمكن وضعها يسمح تأخذ 000 مثلاً عندها ولد على سن زواج بتأخذله سلفة ليش مو قانون يقول لي يعول ومعنها
( مطلقة و أرملة و متزوجة غير قطري ) قانونياً تعول 00

سؤالها عادي ولا ما تبون يعيالها يعرسون 00

[أم ريليه]

انا كنت ماخذ سلفة زواج وابي اتزوج الثانية ليش ما يعطون الي بتزوجها عشان تشاعدني
ان بعض الظن اثم ايها الاعضاء .................................................ك له خايفين من الحريم ومهند هههههههههههههههههههههههههههههههههههههههههه

[بوخليفة3]

من اسمها سلفة زواج يعني من اللي دفعلكم مهر يا المتزوجات؟؟؟؟؟
ولا المره بتاخذ سلفة زواج بتروح ادورلها ريل واتقوله مهرك 50 الف تتزوجني؟!!!


اما في بمبي يمكن يعطونهم لان المهر ع المره!!!!


بس فالنهاية حتى لو عطوهم يستاهلون لان هم قطــــــريـــــات ويستاهلون كل خير:)

[♣شيبةالنخرة♣]

ممكن تسميتها سلفة المساعده على الزواج مثل ما قالوا بعض الاعضاء ولا باس فيها اما اللي كاتب لي سلفة الزواج من الاجنبي وش فيك يا اخوي ؟؟ ليه مافي حريم يتزوجون قطريين بطن وظهر ومع ذلك المهر ما يكفيهم ويدفعون من جيوبهم ولا تلاقي اهلها يدفعون الباقي من عندهم فهل كل وحده تطلب سلفة معناها ماخذه اجنبي ؟؟ الناس في النهاية احرار بقراراتهم .. والله يوفقك يا اللي طالبه السلفه وان ما ظنتي ان يعطونك اياها والله يعينك واما اللي حاسدين الحريم على اجازه الوضع والامومه الحين الحرمه تربي وتتعب وتجهد نفسها وتقعد مع عيالها وحاسدينها؟؟ الله خلق الحريم للراحه وخلقنا يا الرجال للمكده والتعب والله عجبي ..:victory:

[شيخة الجزيرة]

ممكن يعطون للموظفة سلفة بدل قاعة العرس

[أخت رجال]

والله ماعندي فكره بخصوص سلفة الزواج للموظفه من الدوام

بس اذا بغيتي تاخذين سلفة اخذي مساومة أسهم و من بنك اسلامي

وربي يوفقك

عزيزتي اشرحي لنا طريقة مساومة الاسهم وهل البنوك الاسلاميه الباقيه عندهم هالنظام؟

لانج على ماعتقد تقصدين مصرف قطر الاسلامي

[~ نســـايم ~]

ماظنتي موجوده اختي جان خذناها من زمان :weeping:

[ANONYMOUS]

عش رجبا ترى عجبا

[شاهيناز]

رجب شهر العجب

[قطريه ماركه]

عش رجبا ترى عجبا

جبتها صح :nice:

[كرستال]

والله ماعندي فكره بخصوص سلفة الزواج للموظفه من الدوام

بس اذا بغيتي تاخذين سلفة اخذي مساومة أسهم و من بنك اسلامي

وربي يوفقك



عزيزتي اشرحي لنا طريقة مساومة الاسهم وهل البنوك الاسلاميه الباقيه عندهم هالنظام؟

لانج على ماعتقد تقصدين مصرف قطر الاسلامي





انا خذتها عن طريق احدى المصارف الاسلامية

كنت ابغي تمويل حق سيارة اشتريها طلع راعيها شاريها من عندهم ، وهم ما يجيزون شراء سيارة اشتراها المصرف نفسه الا بعد مرور 6 شهور على الشراء السابق


لكن ياريتني ما خذيتها

لا شرحولي عدل وش الي بيصير
ولا الي صار كان على البال
وهقوني بالاسهم الميته هذي
احس انهم غشوني بالموضوع ، الله لا يسامحهم

والشكوى لله

[roseQ8]

السلام عليكم ورحمة الله وبركاتة


سبحان الله وبحمده استغفر الله العظيم من كل ذنب عظيم

ماكنت اتوقع راح ادخل الموضوع واحصل انحدار الاسلوب والرد نزل لهذا المستوي والدرجه

جالسه اشحت منكم ولا قايله لحد منكم ابي قرض عشان كل واحد يعطيني طريقه له

اعتقد قرار سمو الامير واضح جدآ في تحدد السلف وقال جميع موظفي الدوله والرجل والمراه كلهم موظفين

ومثل مايحق للمراه سلفه سيارة وهي ماتسوق مافتح المجال لها الا من كم سنه اعتقد يحق لها بعد سلفه الزواج هي مسماه كذا اقترحوا على مجلس الوزراء تغير المسمي وكما يحق لها سلفه اعباء الحياة حالها حال الرجل


يمكن انا ام وابي اساعد ولدي ولا اخوي توه متخرج ويبي يكمل نص دينه وابي اساعده ولا انا بتزوج والمهر مايكفي مع الغلاء المعيشي ويحق لي اخذها مثل غيري

وللعلم لا تصرف الا مره واحده هي وبعقد الزواج يعني ماراح ياخذها الا المقبل على الزواج من الجنسين



ولكن ان يصل بنا الاستخفاف لهذي الدرجه بالاستفسارات ماكنت اتوقعها ان مستوي الرد انحط للاسف عند الكثير وصدمتي كانت كبيرة




رجاء يا مراقبين ارسلوا الموضوع للمحذوفات

[MeMe MoOoON]

جارى المتابعه

[موضي قطر]

السلام عليكم ورحمة الله وبركاتة


سبحان الله وبحمده استغفر الله العظيم من كل ذنب عظيم

ماكنت اتوقع راح ادخل الموضوع واحصل انحدار الاسلوب والرد نزل لهذا المستوي والدرجه

جالسه اشحت منكم ولا قايله لحد منكم ابي قرض عشان كل واحد يعطيني طريقه له

اعتقد قرار سمو الامير واضح جدآ في تحدد السلف وقال جميع موظفي الدوله والرجل والمراه كلهم موظفين

ومثل مايحق للمراه سلفه سيارة وهي ماتسوق مافتح المجال لها الا من كم سنه اعتقد يحق لها بعد سلفه الزواج هي مسماه كذا اقترحوا على مجلس الوزراء تغير المسمي وكما يحق لها سلفه اعباء الحياة حالها حال الرجل


يمكن انا ام وابي اساعد ولدي ولا اخوي توه متخرج ويبي يكمل نص دينه وابي اساعده ولا انا بتزوج والمهر مايكفي مع الغلاء المعيشي ويحق لي اخذها مثل غيري

وللعلم لا تصرف الا مره واحده هي وبعقد الزواج يعني ماراح ياخذها الا المقبل على الزواج من الجنسين



ولكن ان يصل بنا الاستخفاف لهذي الدرجه بالاستفسارات ماكنت اتوقعها ان مستوي الرد انحط للاسف عند الكثير وصدمتي كانت كبيرة




رجاء يا مراقبين ارسلوا الموضوع للمحذوفات



السلام عليكم أختي يمكن الأخوان مايقصدون بس الموضوع شد انتباهي لأنه هالأيام الحياه

صعبة على الرجل ولا المرأه كلهم شركاء في الحياه وبالنسبة للأخوان الأفاضل اللي علقوا

أن النساء بيشاركونهم في كل شي حتى في السلفة هاذي أقول يا أخوان مافيها شي ان خذتها

المرأه يمكن تاخذها وزوجها ياخذها عشان يدبرون أمورهم مب شرط تكون لنفس الغرض اللي

سميت فيه ( سلفة زواج ) يمكن المره عندها ظروف يعني غير الزواج ولا لازم اللي ياخذها

يشترطون عليه مايخذها الا لحالة الزواج فقط ؟؟ ياجماعة ترانا يا هل قطر ينطبق علينا المثل

القائل ( كلنا عيال قرية وكلٍ يعرف أخيه ) يعني كلنا نعرف معيشه أهل قطر وظروفهم

أتمنى من الجميع التمحيص في ظروف الآخرين ودمتم بود

[أم ريليه]

السلام عليكم ورحمة الله وبركاتة


سبحان الله وبحمده استغفر الله العظيم من كل ذنب عظيم

ماكنت اتوقع راح ادخل الموضوع واحصل انحدار الاسلوب والرد نزل لهذا المستوي والدرجه

جالسه اشحت منكم ولا قايله لحد منكم ابي قرض عشان كل واحد يعطيني طريقه له

اعتقد قرار سمو الامير واضح جدآ في تحدد السلف وقال جميع موظفي الدوله والرجل والمراه كلهم موظفين

ومثل مايحق للمراه سلفه سيارة وهي ماتسوق مافتح المجال لها الا من كم سنه اعتقد يحق لها بعد سلفه الزواج هي مسماه كذا اقترحوا على مجلس الوزراء تغير المسمي وكما يحق لها سلفه اعباء الحياة حالها حال الرجل


يمكن انا ام وابي اساعد ولدي ولا اخوي توه متخرج ويبي يكمل نص دينه وابي اساعده ولا انا بتزوج والمهر مايكفي مع الغلاء المعيشي ويحق لي اخذها مثل غيري

وللعلم لا تصرف الا مره واحده هي وبعقد الزواج يعني ماراح ياخذها الا المقبل على الزواج من الجنسين



ولكن ان يصل بنا الاستخفاف لهذي الدرجه بالاستفسارات ماكنت اتوقعها ان مستوي الرد انحط للاسف عند الكثير وصدمتي كانت كبيرة




رجاء يا مراقبين ارسلوا الموضوع للمحذوفات

أختي الكريمة لو انتي متابعة المنتدى من زمان كان عرفتي سبب الانحطاط في الردود من نفس الاشخاص وعلى فكره هم فئة قليلة جدا بس يشاركون وايد ويبخون سمومهم هنا وهناك .

لا تتوقعين اختي الكريمة انتش تحصلين حقوقتش بدون ما تسمعين تعليقات سيئة لاننا نعيش في مجتمع ذكوري وصدقيني تحصلينهم لما توصل السالفه لمصالحهم تشوفين العكس تماما .

انشالله تاخذين كل السلف والله يوفقتش انشالله ويوفقنا جميعا

[ريماس الغلا]

رحت لمركز عملي أقدم طلب سلفه

وحصلت ما شاء الله عالم عالم

رديت للبيت على امل زيارتهم مره اخرى