شاليهات سيلين

[ثاني]

السلام عليكم ورحمة الله وبركاته
كيف الحال
في احد راح شاليهات سيلين في الاشهر الماضيه ؟
لاني ودنا نروح مع الاهل ونستفسر عن الخدمه والنظافه هل تغيرت للاحسن ؟
ولا نفسها من سنه 2007 !!

[مهاجر]

النظافه والخدمه زينه

بس النصب زاد ولا في فايده فيهم

[قطري فلته]

ثاني شوف تبي صج النظافه ما عليها كلام

بس انا من ناحيتي ما ارتحت ما تصلح حق العوائل صراحه
يمكن علشان جيت وقت مو مناسب بس يعني
فيها خربطه
والناس اذواق انا على طول ما ارتحت رجعت الدوحه نفس اليوم
وشكرا

[ثاني]

مهاجر
وقطري فلته
شكرا لكم ، على الرد
ويعطيكم العافيه

[عـ العبيدلي]

حق شباب اوكي
بس عوايل لا ياخي ما ترتاح كلش ..

وترى تعاملهم تعبان كلش ..

[فلفل حار]

اخوي ليش ماتجرب شاليهات فندق غراند دوحه ..؟!:)




ترى شــي والله ....:victory:

[الدنيا تجارب]

سيلين خذ فيلا قسم العائلات وبالنسبه لي اشوف حلوو وعجب الاهل
وعندك غراند حياه تراه شي شي
وبالتوفيق

[3beed]

انا توني رايح وماخذ صوب العائلات بس للاسف على اليمين شباب وعلى اليسار شباب

يعني ما سوينا شي كله شباب وخربطه وازعاج لين الصبح وريحة الزقاير من الشاليه اللي احذانا

داشه على الشاليه لان التكيف شبك مع الشاليه اللي احذانا ..

يعني مافي وناسه اللا اذا بتروح ايام غير الويكند

[خوخه وحلو]

خدمه سيئى واكل تعبان وغالي ع الفاضي

[الكايـــده]

غاليه ع الفااااضي وماعجبتني من داخل البيبسي على 24 والماي على 20 @@


والبحر وصخ وصخ وصخ

[شواروفسكي]

تونا رادين

كنا قسم العائلات بس اللي حوالينا كلهم شباب

ولوعوا اجبودنا الله يخسهم بقله الادب شوي ويدخلون عندنا

[>>> غــمـــوض <<<]

:nice:
وااي على سيلين وهواهــا
بصراحه الشاليه الوحيد اللي استانس فيه عندنا هو سيليـن :)

النظافــة ماعليها كلام
واحنا دوم نحجز صوب قسن العائلاتـــ لافي شباب صوبنا ولا شي
بس يمكن والله اعلــم في تعديل صوب قسم شاليه الشباب عشان جذي جايبنهم الصوب الثانـي :omen2:

:nice:

[الكواري8]

جزاكم الله الف خير....

[غبيش]

السلااا عليكم
شحالك اخوي ثاني
تبي نصيحتي ماتصلح حق العائلات.. الشباب من حولك ولا راح تاخذ راحتك
واقصد حتى في قسم العائلات حاجزين الشباب
وروح وشوف بنفسك
تحياتي

[yousef545]

فلفل حار ليش اتقلدني ياخي انا كنت بقول جراند حياة الا مدرعم قبلي ههههههههههه

المهم جراند حياه يمدحونه بس مارحت و شاليهات سيلين اشوفه عادي و جرب شاليهات الغاريه

و لا شاليه الي شفناه في احد المواضيع حق عضو من الاعضاء في المنتدى على ماظن كان في سميسمه

الصراحه اشوفه مجهز و فيه خصوصيه و الواحد ياخذ راحته مع هله ولا مع ربعه

[anood]

صح كلام الي قبلي

في شاليهات خاصه لو تبوون خصوصيه تامه
مثل شاليه الحويله وشاليه الريم مادري سميسمه كلهم في قسم سوق المنتدى تحصلونهم. بصراحه صورهم شي عدل


بالنسبه لسيلين انا اشوفها حلوه صج فيها شباب بس كلن ف حاله !!

وبلعكس وايد حلوه حق العائلات لان مش مكشوف

شنسوي بعد وين يروحون عيالنا

[Miss.qtr]

استفسار اخواني

عن شاليهات غراند حياه

بكم الليله

وفيه خصوصيه ولا خليطي كالعاده؟؟

[anood]

في موضوع في القسم
عن شاليهات قراند حياه

هذا الرابط

http://www.qatarshares.com/vb/showthread.php?t=278215

[براتزية برازيلية]

غالي ع الفاضي

[bo_hamad]

ايام العطل ما تصلح للعوائل

[Q T R]

تحسنت شاليهات سيلين
شويه وصارت مرتبه احسن من اول
بس الاسعار مبالغ فيها

[بوراجي]

حق شباب اوك عوايل ماانصحك,,,,,,,,,

[3beed]

الصراحه ماانصحك في الويكند

اذا تبغي تستانس عليك بالاستراحة اللي في سميسمه (ورد الخزامي) انا توني رايح

والصراحه مكان ولا ارووووع جنك قاعد في بيتك وكل شي متوفر وديكور وتصميم

جميل وبركة السباحة ولا ارووع صدقني ما راح تندم

[ثاني]

نصيحه للي بيرحون شاليهات العوائل
لاياخذون الفلل
رقم
و 9 و 10 و 11
لان حاطين مثل كاسر امواج اسمتني
جدام الفلل فهذا يقلل الاستمتاع بالشاطئ ( من وجهت نظري )



اسعار الشاليهات
عوائل 1800 ريال ايام الاسبوع
2500 ايام الجمعه

الشباب
1200 ايام الاسبوع
1800 ايام الجمعه

الغرف
570 ريال ايام الاسبوع


سعر الساعه للسكوتر
500 ريال فقط !!!!!!!!

واي استفسار

[alranan]

رحنا يومين مب ويك اند وكنا عايلةكبيرة.استانسنا وايد وكلن ف حالةمافيه ازعاج.النظافة اوكي.والأكل كتا ناخذه من الربوة,هارديز,كنتاكي لأن عندهم توصيل,أما الريوق كلن يسوي له بروحه أو لعياله.
روحوا واستانسوا.

[theeb_qatar]

سيلين ...
حق شباب اوكي ...

حق عوايل ماتنفع ...

نص الاسبوع احلى شي هدوء ومحد فيها

[ibrahem]

طيب يوم الاربعاء والخميس والشيك اوت بيكون الجماعه بكم يكون السعر؟؟

طبعا عائلات ونحتاج اكبر فله سواء 3 غرف او 4

[صاحي لهم]

اخوي الاسعار للفلل الكبيره 3 اغرف نوم وحمامين الله يعزك الايام العاديه 1900 ريال
والخميس والجمعه ب 2500
بس نصيحه لاتروح ريحه الشاليه الله يعزك مجاري وغيرنا الشاليه نفس المشكله الظاهر من الزحمه المجاري طافحه

[ميمي قطر]

والله انا اخر مره رحتها من 6 سنوات ... ويمكن اكثر..

بس يمدحون فندق قراند حياة ..

ارخص واحلى