الكروزر 2010 نزل الدوحه

[الخبــره]

هلا وغلا
واحد من الربع امس يقولي انه الجي 2010 نزل الدوحه
وفي شايفينه بالشارع وعلى حسب كلامه انه في واحد اتصل الوكالة
وقالوا له اي نزل ابي اعرف اذا حد منكم يدري او عنده خبر نزل والا متى بينزل بالضبط
وشنو بيكون التغير

[الخارجية]

شهر 8 أخوي

[جاسم القطري]

شاللي يفرق بين 2009 و 2010
؟؟؟

[qatarman8008]

السلااااااااام عليييييييييييييكم
والله اللي اخبر انه بينزل شهر عشرة واللي شفته هذا يمكن للعرض وليس للبيع. لكن الاهم ان الجديد بيكون فيه تغييرات كثيرة واحتمال كبير يكون المكينة بعد, عشان كذا لو تلاحض اسعار الكروزرات في المعارض على افا من يشيييييييييييييييييييل
وشكرا

[ANONYMOUS]

انت تقول نزل
وكلمت الوكاله قالوا نزل

اسألهم شالفرق !

[قناص 787]

مادري متى الأشاعات بتخلص وصدقوني صعبه ينزل ألحين بمكينه غير لأن للحين المواتر مكوده عندهم و حتى 2008 موجود وبسعر خاص ولا ينباع على أنه 2009

[قناص 787]

السلااااااااام عليييييييييييييكم
والله اللي اخبر انه بينزل شهر عشرة واللي شفته هذا يمكن للعرض وليس للبيع. لكن الاهم ان الجديد بيكون فيه تغييرات كثيرة واحتمال كبير يكون المكينة بعد, عشان كذا لو تلاحض اسعار الكروزرات في المعارض على افا من يشيييييييييييييييييييل
وشكرا

وين في المعارض على أفا من يشيل صدقني للحين أسعارهم فوق وبدليل ال vxr كم ينباع ألحين؟
للحين فوق ال200 للمستعمل وين على أفا من يشيل الله يرحم والديك صج الأسعار أنزلت بس بعد غاليه

[بوسلطانqtr]

السلام عليكم

اخواني الفرق ماراح يكون كبير راح يكون في الليتات والاسطابات والمكينه مثل ماهي ومستحيل تتغير الحين
على حد علمي
هذا والله اعلم

اما عن الاشاعات حدث ولا حرج والكل يبي يبيع موتره سبب هالاشاعات

الله المستعان

[qatarman8008]

وين في المعارض على أفا من يشيل صدقني للحين أسعارهم فوق وبدليل ال vxr كم ينباع ألحين؟
للحين فوق ال200 للمستعمل وين على أفا من يشيل الله يرحم والديك صج الأسعار أنزلت بس بعد غاليه

اخوي هذا الكروزر اللي كان ينباع في الوكاله ب235 نفسه في المعرض ب 265 لانه ما كان متوفر في الوكاله, الحين روح المعارض وشوف والا خلك من المعارض , عندك في المنتدى هنا انباعت مواتر فل ابشن وارد عبدالغني وممشاه بسيط ب200 الف, واذا تبي تعرف السعر الحقيقي للموتر لا تسال كم طالب فيه لكن اسال بكم انباع

[قناص 787]

اخوي هذا الكروزر اللي كان ينباع في الوكاله ب235 نفسه في المعرض ب 265 لانه ما كان متوفر في الوكاله, الحين روح المعارض وشوف والا خلك من المعارض , عندك في المنتدى هنا انباعت مواتر فل ابشن وارد عبدالغني وممشاه بسيط ب200 الف, واذا تبي تعرف السعر الحقيقي للموتر لا تسال كم طالب فيه لكن اسال بكم انباع

يعني للحين سعره 200 وفوق:nice: بشوي يعني نزوله طبيعي عجل تبغيه يكون ماسك سعره:anger1: لازم بينزل وانا قلت لك الأسعار للحين غاليه واللي باعوا ب 200 أعتقد معدودين وصدقني يالغالي لو أنت عندك vxr و2009 وجيت بتبيع راح تبيع بسعر السوق ومش اقل من سعر السوق لأن الvxr 2008 ينباع ع 180 و190 وماتلقى 180 ألا أذاكنت محضوض وصدقني أن الأسعار بتنزل بس مب نفس ماتقول على أفا من يشيل ياريت لو نكون واقعيين شوي يعني النزول راح يكون شي بسيط بسبب الأشاعات نفس سنة2003 قالو راح يتغير الكروزر وراحوا شباب خذوا من السعوديه أذا تذكر كروزرJ من عبداللطيف جميل وكان التغير عنده في المصنع والناس شرت وبتلشت وبعدين أرتفعات أسعار ال2002 حتى ان سعره وصل بعد سنتين من نزوله 90 و85 وكانت الناس تشتري :)

[الوهاااااج]

بخصوص 2010 ما راح ينزل قبل رمضااااان استحاله راح ينزل في اخر 8 يمكن اما الاكيد في شهر 9 ميه بالميه كلام غير متراجع فيه وبالتوفيق

[qatarman8008]

يمكن السنه هذي يسير نفس اللي تكلمت عنه , بتنزل وبعدين بتطلع مرة ثانيه , السيارات كل سنه اتغير نفس الجوالات, والغلبااااااااااان الزبون لكن انقول انشالله الله يجيب اللي فيه الخير

[محمد11]

http://japancarblog.com/wp-content/uploads/2009/04/land.jpg

[الخبــره]

تسلمون ياشباب وان شاء الله يكون فيه تغير والاسعار ماتكون غالية
والله يعننا على اسعار الوكالة


لكن انت قريت الموضوع والا بس خذوه فغلوه

انت تقول نزل
وكلمت الوكاله قالوا نزل

اسألهم شالفرق !

اقولك سمعت وقالوا يعني مب انا يور اندر استناند
ولا لا :omen2:

[الخبــره]

وبعد واحد اليوم قال شايف 2010
معقولة نزل في الخليج وهاي مب وارد الدوحة !!!!!!!

[ALRAYYAN]

الموتر مانزل ياشباب .. وهذا كلام أكيد 100%
وأول ماينزل انا بنزل لكم موضوع وبالصور وفالكم طيب