ابنتي تريد بلاك بيري وابني يريد السفر وحيدا

[عروة]

ما توقعت انه بيجي هاليوم الى ادخل فيه بتحدي مع اطفالي ولكن حصل الى حصل

ابنتي المراهقة دوم تشتكي انه هاتفها قديم ومافيه اي مميزات وانه لازم تحصل على بلاك بيري مثل كل صديقاتها وانها لازم يكون عندها كمبيوتر خاص علشان امور الدراسة والتعليم ودائما تقول ليش انا مختلفة عن باقي البنات الى معاي ويعايروني اني طالعة من كتاب التاريخ


وابني المراهق يقول ليش كل اصدقائي عندهم سيارات واذا مايسوقون عندهم دريول تحت يدهم يوديهم اي مكان
وليش كل اصدقائي يسافرون برا البلاد علشان يتعلمون انجليزي ويشوفون الدنيا اشلون صايرة وانا مجبور اني اقعد بالصيف بروحي وانك توصلني المعهد البريطاني وتنطرني لما اخلص وترجعني البيت وطلعاتي محسوبة وكل شيء محسوب علي

فهل تعاملي مع اطفالي بطريقة الحرص والتضييق مبالغ فيها وبالاخص اني مش قادر اقتنع
انهم صاروا كبار وممكن كل واحد يعتني بنفسه بروحه

والا الدنيا تطورت والعيال كبرت ولازم اتيح لهم مساحة وفسحه علشان يتعلمون الامور بنفسهم
والي كان يصلح لي بزماني مايصلح لهم بزمانهم وهل لو ماعاشوا حياتهم مثل باقي
اصدقائهم راح ينطرون اقرب فرصة علشان يعيشونها بعيد عن العين والرقابة

احترت فيهم واحتاروا معاي واذا يقرون هالموضوع لازم يعرفون انه تصرفاتي نابعة من حبي لهم وخوفي على مستقبلهم واني ما ادور الا مصلحتهم وبس

[بنت قطر202]

يسعدني اكون اول وحده ارد على الموضوع ،،
الابناء لازم يشوفون غيرهم ويبون كل شيء لانهم مايعرفون السلبيات الي ممكن تجي بعدوهني يجي دور الاهل مب كل شيء يجيبونه لهم تقدر تتفاهم معاهم واذا مانفع الشده ممكن تفيد ، ممكن يزعلون ويصيحون بس مع الوقت بيعرفون ان الي كانو يبيونه مافي منه فايده . . .
واعيال هالايام عنيدين والي براسهم يبون يسوونه وفي حلين التفاهم او الشده..

[بولينجر]

تصرفك صحيح اخوي ولازم الواحد يربي عياله بالطريقة اللي يشوفها صح....

[وتبقى الدنيا حلوه]

لا انت ماغلطت

عمر المراهقة المفروض الواحد يحاسب على عياله لأنهم في هالعمر

و تحاول تتعرف على اصدقائهم

بخصوص ان الولد يسافر بروحه

هو شي حلو لأنه بتعطيه مجال يعتمد على نفسه ولكن أنت عارف الحين الدول الأوربية مشاكلها كثرت

و لاننسى أخونا الله يرحمه ولد الماجد اللي مات قتيل في بريطانيا و هو كان رايح ياخذ كورس لغة

الزمن ما عاد مثل أول والحين الغرب يكرهون العرب انتظر لين مايكبر سوي و يدخل 20 - 22 و خليه يروح برفقة اصدقائة اللي انت تعرفهم مسبقا

بخصوص البلاك بيري ما أخفي عليك أنا بنفسي أبي اشترية بس مو معانتها اذا ما شرته بكون قديمة و طالعه من كتاب التاريخ !!

و اذا قالت انها مختلفة عن باقي البنات فقول لها انتي مختلفه عشان مميزه

و لاتنسى أخوي لكل شي بالدنيا سلبيات و ايجابيات

و اذا كنت تبي تعلمهم يعتمدون على نفسهم فلا تعطيهم كل شي يبونه

[بنت قطر202]

بس في ناس يشترون اكثر من جوال وكله في خاطرهم ،، نسو انهم يسرفون والله لايحب المسرفين
اذا البنت قالت تبي بلاك بيري بكره بتقول تبي طياره

[وتبقى الدنيا حلوه]

بس في ناس يشترون اكثر من جوال وكله في خاطرهم ،، نسو انهم يسرفون والله لايحب المسرفين
اذا البنت قالت تبي بلاك بيري بكره بتقول تبي طياره

:anger1:

خلها تشتري طياره

دام من فلوسها كيفها

[عروة]

علشان اوضح الامر الواحد منا يتعب في تربية عيالة ويحاول يزرع فيهم القيم الكريمة والاشياء الى تعلمها في حياته
لكن لما عياله يطلعون للخارج ويبدون يخالطون باقي الناس والي هم الاغلبية ويلاحظون انه في اختلاف بين الى تربوا عليه والى يشوفونه حولهم هنيه يصيدهم صراع داخلي هل احنا صح والا الى حولنا صح
وليش احنا ما نستمتع مثل باقي الى حولنا وهنيه الاب او الام يسئل نفسه هل عيالي مستعدين للجو الخارجي وهل تربيتي لهم بتصمد والا بتطير مع اول اختبار

[مناحي السادس عشر]

:anger1:

خلها تشتري طياره

دام من فلوسها كيفها



انت مسكين

[م. عبدالعزيز]

فعلا تربيه الأبناء مب سهله ..

[latty]

البلاك بيري هذا وشهو اعرف انه تلفون بس ايش هي مميزاته لان وحده اشوفها نهاية كل اسبوع الجوال بيدها وكان ماحد جنبها عايشه عالم المجلس مليات وهي لاهيه تطقق فيه ولا ني اعارفه ايش السالفه

والكل يقول بلاك بيري بلاك بيري ممكن توضيح ؟

[ALREEM]

عطهم وعودهم انهم يعطونك..

حاول توضح لهم الايجابيات والسلبيات وخلهم يختارون بنفسهم ويتحملون النتيجه

بس مو معناته انك تخلي مسؤليتك وتسلم كل شي لهم .. خلك وراهم اذا الواحد قريب من الغلط نبهه

عززهم بنفسهم وازرع فيهم الرقابه الذاتيه وبتكون متطمن اكثر عليهم

ارجوا اني اكون افدت ولا عورت روسكم
تقبلوا مروري :)

[عروة]

يسعدني اكون اول وحده ارد على الموضوع ،،
الابناء لازم يشوفون غيرهم ويبون كل شيء لانهم مايعرفون السلبيات الي ممكن تجي بعدوهني يجي دور الاهل مب كل شيء يجيبونه لهم تقدر تتفاهم معاهم واذا مانفع الشده ممكن تفيد ، ممكن يزعلون ويصيحون بس مع الوقت بيعرفون ان الي كانو يبيونه مافي منه فايده . . .
واعيال هالايام عنيدين والي براسهم يبون يسوونه وفي حلين التفاهم او الشده..

الخوف يضيعون مابين التفاهم والشدة والاب وده يوفر كل شيء حق عياله ووده يكونون احسن الناس لكن خوفه عليهم يمنعه يوفر لهم الاشياء الى ممكن تكون مدخل لهم للانحراف او تخرب تربيتهم

[عروة]

تصرفك صحيح اخوي ولازم الواحد يربي عياله بالطريقة اللي يشوفها صح....

نربي لكن اذا المجتمع ماشي في طريق وتربيتنا ماشيه في طريق فهل احنا الصح والا اصلا الزمان متغير ولازم نعطيهم شوية حرية ومانخليهم يحسون انهم مختلفين عن جيلهم الى عايشين فيه

[ALREEM]

علشان اوضح الامر الواحد منا يتعب في تربية عيالة ويحاول يزرع فيهم القيم الكريمة والاشياء الى تعلمها في حياته
لكن لما عياله يطلعون للخارج ويبدون يخالطون باقي الناس والي هم الاغلبية ويلاحظون انه في اختلاف بين الى تربوا عليه والى يشوفونه حولهم هنيه يصيدهم صراع داخلي هل احنا صح والا الى حولنا صح
وليش احنا ما نستمتع مثل باقي الى حولنا وهنيه الاب او الام يسئل نفسه هل عيالي مستعدين للجو الخارجي وهل تربيتي لهم بتصمد والا بتطير مع اول اختبار

اخوي مثل ماقلت لك ..

اذا عودتهم هم يختارون ( طبعا مو ف كل شي بس ف الاغلبيه((يعني في اشياء تستدعي الرفض القاطع)) ) مو فكل مره بيختارون الاختيار الصح ولا من اول مره .. بس بيعرفون يقارنون ويشوفون الانسب لهم او هل هم قد قرارهم او لا مع الوقت ..

وترى هذا يخلي عند الشخص شي من الحكمه في قراراته مع الزمن .. يعني عقب انت بتكون واثق ان ف الاغلب ولدك بيسوي الصح وماراح يتأثر بغيره .. بيكون على قناعه باللي عنده واللي يسويه فبيكون صعب التأثير عليه وسهل انه يأثر على غيره

السموحه ع الاطاله ع اني احس اني طلعت برى الموضوع :)

[عروة]

لا انت ماغلطت

عمر المراهقة المفروض الواحد يحاسب على عياله لأنهم في هالعمر

و تحاول تتعرف على اصدقائهم

بخصوص ان الولد يسافر بروحه

هو شي حلو لأنه بتعطيه مجال يعتمد على نفسه ولكن أنت عارف الحين الدول الأوربية مشاكلها كثرت

و لاننسى أخونا الله يرحمه ولد الماجد اللي مات قتيل في بريطانيا و هو كان رايح ياخذ كورس لغة

الزمن ما عاد مثل أول والحين الغرب يكرهون العرب انتظر لين مايكبر سوي و يدخل 20 - 22 و خليه يروح برفقة اصدقائة اللي انت تعرفهم مسبقا

بخصوص البلاك بيري ما أخفي عليك أنا بنفسي أبي اشترية بس مو معانتها اذا ما شرته بكون قديمة و طالعه من كتاب التاريخ !!

و اذا قالت انها مختلفة عن باقي البنات فقول لها انتي مختلفه عشان مميزه

و لاتنسى أخوي لكل شي بالدنيا سلبيات و ايجابيات

و اذا كنت تبي تعلمهم يعتمدون على نفسهم فلا تعطيهم كل شي يبونه

هالشي انا معاج فيه مافي شيء بالدنيا ماله سلبيات وايجابيات بس احيانا يصعب علينا نشرح الى نبيه لهم يمكن علشان الى نفكر فيه غير عن الى هم يفكرون فيه يعني حتى لما نحاول نصادقهم يظل في حاجز وهذي الدنيا وتسلمين على المشاركة والكلام الطيب

[المشط]

اخوي عروه الله يعينك ويبارك في ذريتك ويصلح حالهم وحال اعيالنا وجميع المسلمين

اخوي بالنسبه لطب ولدك سائق خاص وسياره شي عادي وعلى حسب المقدره اذا تقدر وفر له هذا الشي ( بس بشرط ان السايق ثقه ... مب اول مايطلع معاه ولدك يصارخ عليه ويخاف السايق وينزل ويخلي ولدك يسوق ) واذا ماتقدر مب ضروري ولازم الابناء يراعون ظروف الأباء

بالنسبه للسفر على حسب اذا مع اعيال عمه او خواله ممكن الواحد يرتاح لكن مع ربعه وهم لحين مراهقين شي يخوف

وبالنسبه لتفون البلاك بيري نصيحه لا ثم لا ثم لا ... خذ فيرتو بــــــ 20 الف ولا تاخذ بلاك بيري بــ 2000 ريال

البلاك بيري تلفون مصغر عباره عن جات ماسنجر شغال 24 ساعه والموضوع كله جات في جات

في خدمات ثانيه مثل الاميلات ... لكن انا متاكد كل اللى عندهم من شباب وبنات للجات وبسسس

[م. عبدالعزيز]

اممم لو الأمر بيدي كنت بتخذ التالي :

ماراح أقول لا .. راح أقول نعم .. ولكن بشروط !

اللي يبي يسافر برع.. يسافر مع واحد كبير عاقل وأعرفه، واذا مب عاجبه احنا ناس نخاف على عيالنا ،، خله يكبر هالولد وعقب بيسافر ، اما يسافر الحين بروحه لا ..

بالنسبة للبلاك بيري عادي.. بحط اللمت عالفاتورة أقل شي، اظن 400 ريال .. وبقول له لو وقف الخط وصك اللمت 400 ماراح افتحه لين ماتنزل الفاتوره، أخليه يستخدمه باقتصاد ويتعلم مايسرف،، وبنفس الوقت بقعد افتحه من فتره لفتره واشوف وش يسوي فيه ....

[نورالهدى]

البلاك بيري مصيبه
ومن قال يبغيله لمت 400 ريال
150 شهريا إشتراك في كيوتل والإيميل مفتوح 24 ساعه والتشات
نصيحه لا وخصوصا للبنات
وبالنسبه للولد فأنا مع الرأي إنه يسافر ومعاه حد كبير
أو وديه وحطه عند عايله بالشروط اللي تبغيها
أو مع أحد أقاربائه
والأفضل في نظري أن يتم التفاهم بينكم والتصالح في امور حياتكم وتبادل وجهات النظر مع تفهيم مايجب أن يكون وما سيكون
وأخيرا القناعه كنز لايفنى

[عروة]

بس في ناس يشترون اكثر من جوال وكله في خاطرهم ،، نسو انهم يسرفون والله لايحب المسرفين
اذا البنت قالت تبي بلاك بيري بكره بتقول تبي طياره


:anger1:

خلها تشتري طياره

دام من فلوسها كيفها

وهذا من الاشياء الى تخوف الاباء والامهات انه مردهم العيال بيكبرون ويشتغلون ويكونون مسئولين عن انفسهم وبيحصلون الاستقلالية ماليا ومعنويا ووقتها مجبرين نرفع عنهم بعض القيود وان شاء الله تكون تربيتنا نفعت

[عروة]

فعلا تربيه الأبناء مب سهله ..

صادق ابدا مب سهله في الاخير هذيلا مسئولية وتربيتهم هي الى بتاثر علي مستقبلهم وبيتمون يذكرونها طول عمرهم

[عروة]

البلاك بيري هذا وشهو اعرف انه تلفون بس ايش هي مميزاته لان وحده اشوفها نهاية كل اسبوع الجوال بيدها وكان ماحد جنبها عايشه عالم المجلس مليات وهي لاهيه تطقق فيه ولا ني اعارفه ايش السالفه

والكل يقول بلاك بيري بلاك بيري ممكن توضيح ؟

تلفون بمميزات انترنت واستقبال ايميلات مع نظام مسنجر لاصحاب البلاك بيري يخليهم يتبادلون الرسائل والملفات بتكلفة بسيطة من كيوتل وفي كل دول العالم

[م. عبدالعزيز]

البلاك بيري مصيبه
ومن قال يبغيله لمت 400 ريال
150 شهريا إشتراك في كيوتل والإيميل مفتوح 24 ساعه والتشات
نصيحه لا وخصوصا للبنات
وبالنسبه للولد فأنا مع الرأي إنه يسافر ومعاه حد كبير
أو وديه وحطه عند عايله بالشروط اللي تبغيها
أو مع أحد أقاربائه
والأفضل في نظري أن يتم التفاهم بينكم والتصالح في امور حياتكم وتبادل وجهات النظر مع تفهيم مايجب أن يكون وما سيكون
وأخيرا القناعه كنز لايفنى

انا اقصد علشان الواحد يتفادى الفواتير العالية، يحط لمت شوي علشان الشخص اللي يستخدم مايستخدمه بشكل (اسراف) ، مب شرط 400 ممكن 1000 يعني يعتمد عالشخص نفسه!

[الدوحي7]

ربهم التربيه السليمه وبتجني ثمار هذه التربيه دنيا واخراه ، ولاتترك لهم القارب،،

[فلفل حار]

فعلا تربيه الأبناء مب سهله ..

اي والله ...




وجوابي لك مثل ماتفضلت وجاوبته بنفسك ....:nice:


والا الدنيا تطورت والعيال كبرت ولازم اتيح لهم مساحة وفسحه علشان يتعلمون الامور بنفسهم
والي كان يصلح لي بزماني مايصلح لهم بزمانهم وهل لو ماعاشوا حياتهم مثل باقي
اصدقائهم راح ينطرون اقرب فرصة علشان يعيشونها بعيد عن العين والرقابة



والله يخليهم لك ان شاء الله ....:)

[saeed2005]

اخي الكريم قواك الله ورايي انك مع الشدة تستخدم الاقناع يعني ما ينفع طريقة الاوامر حاول تخاويهم وتبين لهم وجهة نظرك فيوافقونك تارة وتوافقهم تارة فيكون التنفيذ عن اقتناع والراي عن مشاركة وفقك الله واعانك

[عـيـون قـطـر]

ربي يكون في عونج

[بنت ابوها 19]

ماقدر اعلق


لكن اقولك ياها ياخوي
ونعم التربيه


هذي التربيه الصحيحه
تربية أبأنا لنا ..


ماشوف اي خطأ في التربيه
هاي الصح
لازم البنت ماتخذ كامل الحريه ولا الولد
انا مانصح الناس بالبلك بيري مادري ليش
من دريت سالفة الخدمه مالت كيوتل
انا مب مرتاحه له
وان شريت لها ياه
لاتفتح لها الخدمه
خله تلفون عادي
بلا خدمات وغيره

بيصير فيك
انه تربيتك متشدده وبتعيد نظر كم مره ومره في التربيه
وانك مقصر
لا والله الي قارنونك أبنائك فيهم
لازم هم الي يعيدون النظر في تربيتهم لأبناءهم مب انت

[J & N]

الله يعينك

اااااااااااااه :weeping:

بموت لاكبروا اعيالي :weeping:

لاتعطيهم كل اللي يبونه :nice:

[بنت ابوها 19]

البلاك بيري هذا وشهو اعرف انه تلفون بس ايش هي مميزاته لان وحده اشوفها نهاية كل اسبوع الجوال بيدها وكان ماحد جنبها عايشه عالم المجلس مليات وهي لاهيه تطقق فيه ولا ني اعارفه ايش السالفه

والكل يقول بلاك بيري بلاك بيري ممكن توضيح ؟


هذي اخس خدمه وانبذ واوقح خدمه قدموها لنا كيوتل

يكون الشات مفتوح على جميع انحاء العالم
ويتم يدردرش مع الناس
24 ساعه

هذي المسخره
بعينها وعلمها

[بومحمد911]

شوف يا الغالي الواحد ما يقدر يمنع الابناء من اي شيء في هاالزمن لا محالة

بس لازم نوجهم ونغرز فيهم تعاليم دينا الحنيف

والله يعينا ويعينك على تربيتهم

[شمعة الدوحه]

الله يعينك اخوي

بس مافيه غير التفاهم لان العيال في مرحلة المراهقه تبتدي عندهم مرحلة التشكيل

يعني اذا اختلطوا بربعهم اكثر شي بهالمرحله تربية الاهل ممكن تروح هدر

لانه يكتسب بهالمرحله اشياء مايكتسبها بأي مرحله ثانيه

فالاهل لازم يقربون لهم بهالمرحله اكثر من ربعهم

لانه مرحله حررررررررررررجه ويبتدي يكتسب عادات سيئه حتى لو اهله ربوه صح

الا من هداه الله

فاانت لازم تقعد معاهم وتبين لهم اسبابك وانك خايف عليهم ومن حرصك عليهم

وبالنسبه لبنتك اذا صديقاتها عندها واهي ماعندها .. قولها هذا لابيرفع من قدرج ولا بينزله

كله الا تلفون

وبالنسبه للولد .. بين له اضرار السفر للخارج اذا كان بروحه ولازم تنطر عليه لين مايكبر ويعقل

هذا رايي :victory:

[شيخة الجزيرة]

الله يثبتك ويآجرك على نيتك في تربية عيالك.

أخوي إحنا تربينا على نفس هالتربية... وفترة المراهقة كل شي امنعنا منه زعلنا عليه.

لكن يوم كبرنا وخلصنا دراستنا وطلعنا للمجتمع ناضجين ومتزنين وراحت عنا غشاوة المراهقة شكرنا أهلنا ولين الحين ممنونين على تربيتهم.

وكل تعاملاتنا مع المجتمع متزنه وعلى قدر كبير من المسؤولية.

تربينا على العلم والدين وهذيلن يكفون للحفاظ على الأبناء.

وموضوع السفر تسافرون كعائلة أو مثل ماقالوا الأعضاء مع شخص كبير وواثق منه.

الله يسدد خطاك وتجني ثمرة تربيتك.

[The Watcher]

بشكل عام .. اللي لاحظته ان غالبية الاطفال في قطر تربية خدامات
يعني لا حسيب ولا رقيب .. ولا اخلاق ولا مسؤولية ولا حتى طريقة تفكير ولا شخصية

المشكلة انك لو انت بتربي عيالك بالشكل الصحيح .. لازم بيتأثرون بالبيئة المنحطة اللي حولهم (الا من رحم ربي)

يعني تفكير البنت مايطلع عن الماركات والجوال والفشخرة .. وتفكير الولد مايطلع عن السيارات والكورة .. وشغلات ثانية

انا من رأيي .. انك تقعد معاهم وتقنعهم .. حاول تغير اسلوبك معاهم .. صير واحد من اصدقائهم

بالنسبة للسفر .. ممكن تخلي ولدك يروح مع مركز شباب الدوحة .. ناس محترمين وملتزمين .. وكل سنة يودون شباب في عمر ولدك الى احد الدول (بريطانيا او امريكا او كندا) ويدرسون لغة

بالنسبة لبنتك .. انا اصلا ضد فكرة ان البنت في المدرسة يكون عندها جوال

[شارع الأصمخ]

عادي الناس الحين زمن the 3 g

[حمندي1]

أخي الكريم ...
خلك على طريقتك ( الحزم والشدة ) في هذه المرحلة ( صج بيزعلون منك العيال ) بس في نهاية المطاف مردهم بيعرفون ان اللي كنت تسويه كان لمصلحتهم ...
السفر بدون رقابة في هذه المرحلة من العمر له عواقب وخيمة .
بالنسبة للبلاك بيري انا اشوف انه ما يصلح للبنات ( صغار السن ) وانا ما أيد اللي قال اشتر الجوال بس لا تحط فيه الخدمات لانها البداية وبعدها بفترة بتحن عليك وبتطلب لها الخدمات وكنك يا بو زيد ما غزيت .

مع العلم ان انا عندي بلاك بيري وخذته مثل ما ذكروا الجماعة من اجل الشات فقط ( مع الربع ) ومن النوادر اني استخدمه كهاتف جوال لانه ما يصلح لهذا الغرض .

السموحة على الاطاله والله يوفقك ويجزاك خير ويعطيك على قد نيتك

[عروة]

عطهم وعودهم انهم يعطونك..

حاول توضح لهم الايجابيات والسلبيات وخلهم يختارون بنفسهم ويتحملون النتيجه

بس مو معناته انك تخلي مسؤليتك وتسلم كل شي لهم .. خلك وراهم اذا الواحد قريب من الغلط نبهه

عززهم بنفسهم وازرع فيهم الرقابه الذاتيه وبتكون متطمن اكثر عليهم

ارجوا اني اكون افدت ولا عورت روسكم
تقبلوا مروري :)

اتوقع هذي الطريقة هي الملائمه لزمانا هذا صعب انك تواصل سياسة المنع عليهم لانه لو ماخذوا الشيء الحين مردهم بيكبرون وياخذونه بس احنا نحاول نراقبهم مثل ماقلتي ونحاول نكون قريب منهم علشان نتلاحق عليهم اذا قربوا من الغلط واتوقع مافي احسن من الرقابة الذاتية وتسلمين على النصيحة



اخوي مثل ماقلت لك ..

اذا عودتهم هم يختارون ( طبعا مو ف كل شي بس ف الاغلبيه((يعني في اشياء تستدعي الرفض القاطع)) ) مو فكل مره بيختارون الاختيار الصح ولا من اول مره .. بس بيعرفون يقارنون ويشوفون الانسب لهم او هل هم قد قرارهم او لا مع الوقت ..

وترى هذا يخلي عند الشخص شي من الحكمه في قراراته مع الزمن .. يعني عقب انت بتكون واثق ان ف الاغلب ولدك بيسوي الصح وماراح يتأثر بغيره .. بيكون على قناعه باللي عنده واللي يسويه فبيكون صعب التأثير عليه وسهل انه يأثر على غيره

السموحه ع الاطاله ع اني احس اني طلعت برى الموضوع :)

لا ماطلعتي بالعكس كلامك في قلب الموضوع والى هو تقويه عيالنا علشان ماينصدمون لما يحتكون بالعالم الخارجي بعد مايطلعون من نطاق سلطة الاسرة وتسلمين مرة ثانية وكلامك منطقي وموزون

[عروة]

اخوي عروه الله يعينك ويبارك في ذريتك ويصلح حالهم وحال اعيالنا وجميع المسلمين

اخوي بالنسبه لطب ولدك سائق خاص وسياره شي عادي وعلى حسب المقدره اذا تقدر وفر له هذا الشي ( بس بشرط ان السايق ثقه ... مب اول مايطلع معاه ولدك يصارخ عليه ويخاف السايق وينزل ويخلي ولدك يسوق ) واذا ماتقدر مب ضروري ولازم الابناء يراعون ظروف الأباء

بالنسبه للسفر على حسب اذا مع اعيال عمه او خواله ممكن الواحد يرتاح لكن مع ربعه وهم لحين مراهقين شي يخوف

وبالنسبه لتفون البلاك بيري نصيحه لا ثم لا ثم لا ... خذ فيرتو بــــــ 20 الف ولا تاخذ بلاك بيري بــ 2000 ريال

البلاك بيري تلفون مصغر عباره عن جات ماسنجر شغال 24 ساعه والموضوع كله جات في جات

في خدمات ثانيه مثل الاميلات ... لكن انا متاكد كل اللى عندهم من شباب وبنات للجات وبسسس

اخوي المشط حاولت ابعث لك رسالة خاصة علشان اعتذر لك لكن جاتني الرسالة اني ماتميت 50 رسالة علشان اقدر استعمل الخاص

بالنسبة للولد اصدقائه احيانا يروحون لمعاهد بالخارج وفي شركات تنظم لهم انهم يسافرون بالصيف علشان يتعلمون اللغة وهو مثل البرنامج فيه دراسة وفيه ترفيه لكن المشكلة حتى لو انت تعرف اخلاق ربعه واهاليهم لكن بعد هناك بيحتكون بثقافة ومجتمع وخلفيات ثانية يمكن تأثر عليه في هذي السن وتابعني في نهاية الموضوع بقولك وش كان رده علي بعد ماتكلمنا مع بعض بهذا الموضوع

اما تلفون البلاك بيري احنا نستخدمه في شغلنا لكن بشكل عملي ايميلات الشغل ونقدر نحصل المسئولين في اي وقت وفي اي مكان بالعالم وبدون تكلفة فعليه لكن بالنسبة لبنت مراهقة استغرب انه كل الى معاها عندهم هذا الجهاز ؟ يعني صار الاستثناء انه مايكون عندهم وان شاء الله في نهاية الموضوع بعد بقولك وش وصلت معاهم بالنقاش

مقدر ردك والسموحه اذا مانتبهت له وشاكر لك

[عروة]

اممم لو الأمر بيدي كنت بتخذ التالي :

ماراح أقول لا .. راح أقول نعم .. ولكن بشروط !

اللي يبي يسافر برع.. يسافر مع واحد كبير عاقل وأعرفه، واذا مب عاجبه احنا ناس نخاف على عيالنا ،، خله يكبر هالولد وعقب بيسافر ، اما يسافر الحين بروحه لا ..

بالنسبة للبلاك بيري عادي.. بحط اللمت عالفاتورة أقل شي، اظن 400 ريال .. وبقول له لو وقف الخط وصك اللمت 400 ماراح افتحه لين ماتنزل الفاتوره، أخليه يستخدمه باقتصاد ويتعلم مايسرف،، وبنفس الوقت بقعد افتحه من فتره لفتره واشوف وش يسوي فيه ....

مثل ماوضحوا الاخوة انه خدمة البلاك البيري مالها علاقة في فاتورة الهاتف ومكالماتها يعني ممكن اللمت يكون 400 لكن خدمة استخدام الانترنت يكون سعرها تقريبا بحدود 120 ريال شهريا وحجم معين من البيانات بالاضافة الى فتح برنامج مسنجر لمستخدمي البلاك بيري مقارب لنظام المسنجر بالاضافة الى خدمة استقبال الايميلات يعني صعب السيطرة عليها وتحتاج رقابة ذاتية ورقابة الاهل وهذي المشكلة الى تجعل الخدمة تخوف

[عروة]

البلاك بيري مصيبه
ومن قال يبغيله لمت 400 ريال
150 شهريا إشتراك في كيوتل والإيميل مفتوح 24 ساعه والتشات
نصيحه لا وخصوصا للبنات
وبالنسبه للولد فأنا مع الرأي إنه يسافر ومعاه حد كبير
أو وديه وحطه عند عايله بالشروط اللي تبغيها
أو مع أحد أقاربائه
والأفضل في نظري أن يتم التفاهم بينكم والتصالح في امور حياتكم وتبادل وجهات النظر مع تفهيم مايجب أن يكون وما سيكون
وأخيرا القناعه كنز لايفنى

وهذا الى يحير اكثر الاباء هل الشدة ممكن تنفع على طول وخصوصا في مرحلة المراهقة والا الزمن هذا مب زمن شدة ولازم في محادثة وتفاهم بينهم وبين عيالهم وشاكر لك المشاركة

[عروة]

ربهم التربيه السليمه وبتجني ثمار هذه التربيه دنيا واخراه ، ولاتترك لهم القارب،،

التربية السلمية لها طرق وادوات واهم شيء النتيجة توصلهم لبر الامان شاكر لك المشاركة

[صوت الضمير]

من وجهة نظري الشخصيه

انت كلامك صحيح وبلعكس ماغلطت في تربيتك عين الصواب

أبناء اليوم عاشوا في ترف مبالغ فيه كل شي يبونه ...

لكن لازم نعلمهم على شي موب كل شي يبونه يلقونه ...

وبعدين سالفة اي شي يشفونه عند اصاقائهم يبونه

انت اتفق معاهم قل لهم لانجحتوا بوفر لكم هالشي ..

مش كل شي بسهوله تعطيهم ..

لاني اشوف اللي حولي اسرفوا بدلعهم الزايد .. وفروا لعيالهم كل شي

لدرجة ان الولد والبنت مايبون يدرسون .. لان عندهم كل شي يبونه

مايحسون بقيمة الاشياء...

يجب انك تعاملهم بأسلوب المكافاه والعقاب ... أسلوب رائع للتعامل معهم


في مراكز بالصيف لتحفيظ القران وفي مراكز تديرها الاوقاف

للسيدات ... تقدر تدخل بنتك بتتكتسب صحبه طيبه وبتعلم اشياء تفيدها

فيه مركز ابداع الفتاه // يعلمهم فنون الرسم والخزف اشياء تضيع وقت الفراغ وتفيدهم

لاتخليهم كذا بالاجازه ،، خلهم يستفيدون من وقتهم

لان ابناءنما المراهقين عندهم طاقه كبيره

واذا ماقضوها بشي مفيد ،، بيقضونها بأشياء غير مفيده

والله يحفظهم ويخليهم لك
العنود

[STAR]

كم اعمارهم؟؟؟اذا ممكن؟؟

[عروة]

اي والله ...




وجوابي لك مثل ماتفضلت وجاوبته بنفسك ....:nice:




والله يخليهم لك ان شاء الله ....:)

اخوي فلفل حار
انا الى اقصده من طرحي للمشكلة او الموضوع اثارة الافكار بين الاعضاء علشان نوصل لحلول ونسمع تجارب ومقترحات لانه النت صار شيء واقع في حياتنا ومن اول الاشياء الي يروح لها الفرد لما يحب يدور على المعلومة او يتشارك تجربة او ينشر افكار فالحل موجود ومعروف لكن لما يطرح لعاصفة افكار ممكن تحصل فيه عيوب او نواقص ممكن نكملها بالنقاش
شاكر لك مداخلتك والله يخلي لك من يحبونك وتحبهم

[عروة]

اخي الكريم قواك الله ورايي انك مع الشدة تستخدم الاقناع يعني ما ينفع طريقة الاوامر حاول تخاويهم وتبين لهم وجهة نظرك فيوافقونك تارة وتوافقهم تارة فيكون التنفيذ عن اقتناع والراي عن مشاركة وفقك الله واعانك

صدقت الشدة ماتنفع على طول ولا اللين ينفع على طول ومثل مايقول المثل اذا كبر ولدك خاوه
لانه صعب انه يظل هو نفسه الطفل الى تحاتيه وتخاف عليه في الاخير هم بيصيرون افراد فلازم يعتمدون على انفسهم وان شاء الله نكون وفرنا لهم الزاد اللازم علشان يواجهون هذي الحياة

[عروة]

ربي يكون في عونج

وعونك وشاكر لك التعاطف

[عروة]

ماقدر اعلق


لكن اقولك ياها ياخوي
ونعم التربيه


هذي التربيه الصحيحه
تربية أبأنا لنا ..


ماشوف اي خطأ في التربيه
هاي الصح
لازم البنت ماتخذ كامل الحريه ولا الولد
انا مانصح الناس بالبلك بيري مادري ليش
من دريت سالفة الخدمه مالت كيوتل
انا مب مرتاحه له
وان شريت لها ياه
لاتفتح لها الخدمه
خله تلفون عادي
بلا خدمات وغيره

بيصير فيك
انه تربيتك متشدده وبتعيد نظر كم مره ومره في التربيه
وانك مقصر
لا والله الي قارنونك أبنائك فيهم
لازم هم الي يعيدون النظر في تربيتهم لأبناءهم مب انت




هذي اخس خدمه وانبذ واوقح خدمه قدموها لنا كيوتل

يكون الشات مفتوح على جميع انحاء العالم
ويتم يدردرش مع الناس
24 ساعه

هذي المسخره
بعينها وعلمها




المشكلة مب بالخدمة لانه مافي شيء نظيف على طول الخط في حياتنا ولكل شيء وجهين وجه طيب ووجه قبيح بس يمكن انا معاج في نقطة ابعد عن الشر من البداية والباب الى يجيك منه الريح سده واستريح لما يكبرون شوي ويركزون ويعقلون وقتها لازم نتيح لهم شويه مجال علشان يعيشون حياتهم شاكر لك المرور

[عروة]

الله يعينك

اااااااااااااه :weeping:

بموت لاكبروا اعيالي :weeping:

لاتعطيهم كل اللي يبونه :nice:


مسئولية وماتصغر بالعكس تكبر كل يوم والله يعين الجميع على تربية عيالهم
شاكر مرورك

[عروة]

شوف يا الغالي الواحد ما يقدر يمنع الابناء من اي شيء في هاالزمن لا محالة

بس لازم نوجهم ونغرز فيهم تعاليم دينا الحنيف

والله يعينا ويعينك على تربيتهم


وهذا الى قلته يابومحمد وطرحته وفي الاخير يمكن حتى كلامنا فيه درجات للالتزام فيه يعني حتى فتح الباب لهم مايكون مرة وحده وبالاعتدال وبالتوزان راي موزون اخوي وشاكر لك المشاركة

[عروة]

الله يعينك اخوي

بس مافيه غير التفاهم لان العيال في مرحلة المراهقه تبتدي عندهم مرحلة التشكيل

يعني اذا اختلطوا بربعهم اكثر شي بهالمرحله تربية الاهل ممكن تروح هدر

لانه يكتسب بهالمرحله اشياء مايكتسبها بأي مرحله ثانيه

فالاهل لازم يقربون لهم بهالمرحله اكثر من ربعهم

لانه مرحله حررررررررررررجه ويبتدي يكتسب عادات سيئه حتى لو اهله ربوه صح

الا من هداه الله

فاانت لازم تقعد معاهم وتبين لهم اسبابك وانك خايف عليهم ومن حرصك عليهم

وبالنسبه لبنتك اذا صديقاتها عندها واهي ماعندها .. قولها هذا لابيرفع من قدرج ولا بينزله

كله الا تلفون

وبالنسبه للولد .. بين له اضرار السفر للخارج اذا كان بروحه ولازم تنطر عليه لين مايكبر ويعقل

هذا رايي :victory:



وهذي نقطة مهمة وهي الوقت والوقت والوقت الى يقضيه الاب او الام مع عيالهم نلاحظ انه كل ماكبروا كل مابتعدوا عنا واحنا ابتعدنا عنهم كنه حمل وكل واحد يبي يستريح من شيله مع انه المفروض يزيد الوقت الى الواحد يقضيه مع عياله وعلى الاخص يزيد الكلام بينهم علشان يزيد مستوى الفهم وكل واحد يقول الى بخاطره يمكن الكلام يبين للاباء وش مشاكل عيالهم الى ممكن يطيحون فيها ويقدرون يلحقون عليهم قبل مايدخلون اي مجال او خبرات ممكن تضرهم
شاكر مرورك وكلامك ياشمعة الدوحة

[عروة]

الله يثبتك ويآجرك على نيتك في تربية عيالك.

أخوي إحنا تربينا على نفس هالتربية... وفترة المراهقة كل شي امنعنا منه زعلنا عليه.

لكن يوم كبرنا وخلصنا دراستنا وطلعنا للمجتمع ناضجين ومتزنين وراحت عنا غشاوة المراهقة شكرنا أهلنا ولين الحين ممنونين على تربيتهم.

وكل تعاملاتنا مع المجتمع متزنه وعلى قدر كبير من المسؤولية.

تربينا على العلم والدين وهذيلن يكفون للحفاظ على الأبناء.

وموضوع السفر تسافرون كعائلة أو مثل ماقالوا الأعضاء مع شخص كبير وواثق منه.

الله يسدد خطاك وتجني ثمرة تربيتك.

في هذي صدقتي وكلنا نسمع هالكلام انه اهلنا ماقصروا معانا بالتربية حتى لو كانوا شديدين لنا نقول انهم نجحوا في تربيتهم والدليل احنا والى وصلنا له كله منهم ومن تربيتهم والله اعلم لولا الشدة وين كان وصلنا شاكر لك مرورك وكلامك الطيب

[المرسى الأخير]

الله يعينك اخوي.. ولاتنسى ان تربية الابناء نوع من الجهاد

والبلاك بيري انا كنت اعرفه واقرا عنه من قبل ماينزلونه كيوتل .. والي اعرفه انه خدمة موجهه بالاساس كوسيلة اتصال لرجال الاعمال والمدراء الي يتنقلون وايد ليسهل التواصل معاهم

وهذا الي اشوفه مع الي معاي .. والي اشوفه حاصل مع دكاترتي اول ماارسل لهم ايميل يردون علي

وانا شخصيا افكر اخذ لي واحد عشان سالفة سهولة الاتصال والرد عالايميلات

بس استغرب الحين من كلامك ان بنات صغار صاروا يسمحون لهم اهاليهم بالبلاك بيري .. في ايش بيحتاجونه ؟

انا اتوقع الخلل مازال موجود عند بعض الاهل الله يهديهم .. لاحسيب ولارقيب على عيالهم .. وتاركين لهم حرية التصرفات في كل شي وهذا غلط

والله يطول بعمرها الشيخة موزة قالت جملة تختصر الواقع الي عايشينه " احنا مصابين بأخطر مرض .. وهو مرض الترف الاجتماعي " هالمرض هو الي يقتل روح الهمه و تحمل المسؤولية مثل ماوضحت سعادتها


لازم نمسك العصا من الوسط " لا افراط ولا تفريط " .. لازم مناقشة الابناء و محاورتهم بالذات فهالسن .. لان ماشالله عليهم تجيهم افكار عجيبة وتبريرات غريبة فيحتاجون توجيه ومشاركة هذي الافكار مع ناس كبار

الله يعينا معاك في تربية عيالنا التربية الصالحة

عساك عالقوة اخوي .. وان شالله انت الفايز مع عيالك :victory:

[ضوى]

اختي الكريمة او اخوي الفاضل


اانا مثلك اعاني مع تربية الاولاد وهم بهذ السن الحرجة ، ولكن اعترف انني قاسية جدااا وضعي الف خط تحت قاسية ، اكاد لا اوفر لهم متنفساً ، قنوات غنائية قنوات افلام اجنبية هواتف حديثة ممنوعة منعا باتاً ، انترنت رقابة شديدة وممنوع الدخول للاغاني والشات ، طلعات ومجمعات مع صديقات او اصدقاء ابداااااااا ، صدقيني اشعر انهم في سجن غوانتاناموا والله انا صادقة ، من داخلي اتمنى ان اجعل لهم زاوية حرية يمارسون فيها مايريدون لكني والله اتذكر ان الله سيحاسبني على تفريطي في تربيتهم اعود واقسوا مرة ثانية ، ماذا سأقول لربي اذا سألني لماذا لم تنهيهم عن سماع الأغاني ؟؟ او دخول المواقع المحرمة ؟؟ ماذا سأرد ؟؟ هل اتجرأ واقول لا دعهم يحرمون الشئ بانفسهم بعد التجربة ؟؟ ترى هل سيقبل عذري ؟؟

ابنتي في 13 وابني في 16 ولا زالا تحت جناحي لا يتحركون الا بأمري اوفر لهم كل شئ مباح اسعدهم اخرجهم معي نتعشى نتغدى نتمشى نلعب نسافر نرفه عن انفسنا ولكن بالمباح فقط ، ابنتي احيانا تريد عبايات تناسب سنها احاول ان اطرز لها خفيف ولكنها تختار مايختاره البنات في سنها ولكني اجبرها على لبسهم لبيت اهلي فقط او بيت اهل زوجي اما مجمعات فانها تكون كالمراة العجوز حسب تعبيرها الذي تقتلني به ، ابني اتصل به كثيرا اين انت ومع من وماذا تفعل لدرجة انه يتصل بي تلقائيا ليخبرني اين هو تعود على ذلك .

اعترف ان التربية متعبة جدا واعترف اني قاسية جدا ولكني لا استطيع ان اتركهم يعيشون حياتهم مثلما يريدون لانه مايريدونه سوف يتعبهم مستقبلا وان شاء الله مااريده لهم هو خير الدنيا والاخرة وربي لا يؤاخذني ان نسيت او اخطات في حقهم فوحده العالم بمافي قلبي ونيتي تجاههم ووحده العالم ماذا اريد لهم من خير وان شاء الله ربي لا يخيب ظني ابدا واراهم من الدعاة لدين الحق ان شاء الله وان طال الامد

اعذريني عالاطالة ولكني احببت ان انقل تجربتي مع ابنائي لربما تفيد في موضوعك الجميل

[عبدالله الحميدي]

عطهم على اذنهم .. مافي مافي مافي.. والجواب اذا كبرتو بتعرفونه .. سلام

[البحار]

أخي الكريم خوفك على ابنائك شي طيب وجزاك الله خير في غيرك قاطين عيالهم .

شوووف اخوي نصيحه لك رووح اشتر كم شريط ديني يتحدث عن الإجازات وما يحدث في الاجازات داخل البلد وخارج البلد وعن الاسراف في الشراء واشياء كثيره تتحدث عن فترة المراهقه ماذا يحدث لهم روووح تسجيلات الفاروق اللي في المطار واسأل الأخوان هناك عن الشريط اللي تبيه وانصحك بالعريفي ونبيل العوضي وشيووخ كثر موجودين ايضا ....وقووول حق عيالك انكم الان ياعيالي فترة المراهقه وشغل لهم الشريط كلما ركبوا معاك السياره وبلأخص اذا كان الطريق طويل لاتعطيهم الشريط بس سمعهم في السياره ...بس شووووف لاتمنعهم عن كل شي عطهم في حدود المعقول اقعد معاهم تكلم كثير معاهم دام انك تخاف عليهم ,,..ايضا انت اسمع اشرطه كثيره عن فترة المراهقه وعن طلبات الأبناء حتى تتعرف على مايريدون وتوجههم التوجيه الصحيح..... لاتخاف تربية الأبناء سهله جدا بس أنت سو اللي عليك والباقي اتركه لله ... اهم شي انت اتعب معاهم وابتسامتك على شفتيك ..الله سبحانه وتعالى بيعينك وأدعوا لهم في الصلاه ايضا ..اسأل مجرب ...

اخوك البحار ....

[عروة]

بشكل عام .. اللي لاحظته ان غالبية الاطفال في قطر تربية خدامات
يعني لا حسيب ولا رقيب .. ولا اخلاق ولا مسؤولية ولا حتى طريقة تفكير ولا شخصية

المشكلة انك لو انت بتربي عيالك بالشكل الصحيح .. لازم بيتأثرون بالبيئة المنحطة اللي حولهم (الا من رحم ربي)

يعني تفكير البنت مايطلع عن الماركات والجوال والفشخرة .. وتفكير الولد مايطلع عن السيارات والكورة .. وشغلات ثانية

انا من رأيي .. انك تقعد معاهم وتقنعهم .. حاول تغير اسلوبك معاهم .. صير واحد من اصدقائهم

بالنسبة للسفر .. ممكن تخلي ولدك يروح مع مركز شباب الدوحة .. ناس محترمين وملتزمين .. وكل سنة يودون شباب في عمر ولدك الى احد الدول (بريطانيا او امريكا او كندا) ويدرسون لغة

بالنسبة لبنتك .. انا اصلا ضد فكرة ان البنت في المدرسة يكون عندها جوال


وهذا بيت القصيد اخوي اشلون ممكن نربي عيالنا صح اذا كانت البيئة الى حولهم مب صح اكيد بيتأثرون فيها بشكل او باخر ويمكن ينعكس هذا اتجاهه الاب والام ويعتقدون انهم ضدهم ويبون يحرمونهم من السعادة لكن احنا نسوي الى علينا وان شاء الله التربية تتم في النهاية ومافي احسن من الاسلوب الى ذكرته وهو الكلام والكلام والكلام معاهم لازم يكتسبون كل شيء من الاب والام ومايتركون فرصة انه عيالهم يكتسبون اي تربية من الخارج شاكر لك مشاركتك الممتازة

[عروة]

عادي الناس الحين زمن the 3 g

وزمن الى قبلنا زمن البلاستشن والى قبلنا السيجا والى قبلنا الفاميلي واحنا زمن الاتاري وكل زمن وله تكنولوجيا واشياء تاثر فيه شاكر لك المشاركة

[عروة]

أخي الكريم ...
خلك على طريقتك ( الحزم والشدة ) في هذه المرحلة ( صج بيزعلون منك العيال ) بس في نهاية المطاف مردهم بيعرفون ان اللي كنت تسويه كان لمصلحتهم ...
السفر بدون رقابة في هذه المرحلة من العمر له عواقب وخيمة .
بالنسبة للبلاك بيري انا اشوف انه ما يصلح للبنات ( صغار السن ) وانا ما أيد اللي قال اشتر الجوال بس لا تحط فيه الخدمات لانها البداية وبعدها بفترة بتحن عليك وبتطلب لها الخدمات وكنك يا بو زيد ما غزيت .

مع العلم ان انا عندي بلاك بيري وخذته مثل ما ذكروا الجماعة من اجل الشات فقط ( مع الربع ) ومن النوادر اني استخدمه كهاتف جوال لانه ما يصلح لهذا الغرض .

السموحة على الاطاله والله يوفقك ويجزاك خير ويعطيك على قد نيتك

وهذا شيء يطمن ياحمندي انه دام احنا حافظين الجميل حق اهلنا علشان ربونا على الشدة المتوازنة فاكيد عيالنا بيطلعون مثلنا لما يكبرون بس مايمنع انه احيانا نحاول ننزل لمستواهم ونحاول على قد مانقدر نكيف نفسنا على تفكيرهم لانه الزمان يتغير بسرعه ومانقدر نجبرهم يعيشون زمانا شاكر لك المشاركة اخوي

[عروة]

من وجهة نظري الشخصيه

انت كلامك صحيح وبلعكس ماغلطت في تربيتك عين الصواب

أبناء اليوم عاشوا في ترف مبالغ فيه كل شي يبونه ...

لكن لازم نعلمهم على شي موب كل شي يبونه يلقونه ...

وبعدين سالفة اي شي يشفونه عند اصاقائهم يبونه

انت اتفق معاهم قل لهم لانجحتوا بوفر لكم هالشي ..

مش كل شي بسهوله تعطيهم ..

لاني اشوف اللي حولي اسرفوا بدلعهم الزايد .. وفروا لعيالهم كل شي

لدرجة ان الولد والبنت مايبون يدرسون .. لان عندهم كل شي يبونه

مايحسون بقيمة الاشياء...

يجب انك تعاملهم بأسلوب المكافاه والعقاب ... أسلوب رائع للتعامل معهم


في مراكز بالصيف لتحفيظ القران وفي مراكز تديرها الاوقاف

للسيدات ... تقدر تدخل بنتك بتتكتسب صحبه طيبه وبتعلم اشياء تفيدها

فيه مركز ابداع الفتاه // يعلمهم فنون الرسم والخزف اشياء تضيع وقت الفراغ وتفيدهم

لاتخليهم كذا بالاجازه ،، خلهم يستفيدون من وقتهم

لان ابناءنما المراهقين عندهم طاقه كبيره

واذا ماقضوها بشي مفيد ،، بيقضونها بأشياء غير مفيده

والله يحفظهم ويخليهم لك
العنود


شاكر لك على الاقتراحات اختي عنوده وصحيح اسلوب الثواب والعقاب محفز لهم وممكن يدفعهم للعمل ونقدر عن طريقه نوجههم للاشياء الى احنا نبيها حتى بطريقة غير مباشرة بس بعد مايكون بدون رقابة او تقييم للشيء يعني نمسك العصى من النص شاكر لك مرة ثانية المشاركة

[عروة]

كم اعمارهم؟؟؟اذا ممكن؟؟

ممكن فترة المراهقة والثانوية

[عروة]

الله يعينك اخوي.. ولاتنسى ان تربية الابناء نوع من الجهاد

والبلاك بيري انا كنت اعرفه واقرا عنه من قبل ماينزلونه كيوتل .. والي اعرفه انه خدمة موجهه بالاساس كوسيلة اتصال لرجال الاعمال والمدراء الي يتنقلون وايد ليسهل التواصل معاهم

وهذا الي اشوفه مع الي معاي .. والي اشوفه حاصل مع دكاترتي اول ماارسل لهم ايميل يردون علي

وانا شخصيا افكر اخذ لي واحد عشان سالفة سهولة الاتصال والرد عالايميلات

بس استغرب الحين من كلامك ان بنات صغار صاروا يسمحون لهم اهاليهم بالبلاك بيري .. في ايش بيحتاجونه ؟

انا اتوقع الخلل مازال موجود عند بعض الاهل الله يهديهم .. لاحسيب ولارقيب على عيالهم .. وتاركين لهم حرية التصرفات في كل شي وهذا غلط

والله يطول بعمرها الشيخة موزة قالت جملة تختصر الواقع الي عايشينه " احنا مصابين بأخطر مرض .. وهو مرض الترف الاجتماعي " هالمرض هو الي يقتل روح الهمه و تحمل المسؤولية مثل ماوضحت سعادتها


لازم نمسك العصا من الوسط " لا افراط ولا تفريط " .. لازم مناقشة الابناء و محاورتهم بالذات فهالسن .. لان ماشالله عليهم تجيهم افكار عجيبة وتبريرات غريبة فيحتاجون توجيه ومشاركة هذي الافكار مع ناس كبار

الله يعينا معاك في تربية عيالنا التربية الصالحة

عساك عالقوة اخوي .. وان شالله انت الفايز مع عيالك :victory:

معاك بمسك العصا من الوسط اخوي وبالفعل التربية جهاد والترف هو سبب الكثير من المشاكل والله يعين الجميع ان شاء الله

[عروة]

اختي الكريمة او اخوي الفاضل


اانا مثلك اعاني مع تربية الاولاد وهم بهذ السن الحرجة ، ولكن اعترف انني قاسية جدااا وضعي الف خط تحت قاسية ، اكاد لا اوفر لهم متنفساً ، قنوات غنائية قنوات افلام اجنبية هواتف حديثة ممنوعة منعا باتاً ، انترنت رقابة شديدة وممنوع الدخول للاغاني والشات ، طلعات ومجمعات مع صديقات او اصدقاء ابداااااااا ، صدقيني اشعر انهم في سجن غوانتاناموا والله انا صادقة ، من داخلي اتمنى ان اجعل لهم زاوية حرية يمارسون فيها مايريدون لكني والله اتذكر ان الله سيحاسبني على تفريطي في تربيتهم اعود واقسوا مرة ثانية ، ماذا سأقول لربي اذا سألني لماذا لم تنهيهم عن سماع الأغاني ؟؟ او دخول المواقع المحرمة ؟؟ ماذا سأرد ؟؟ هل اتجرأ واقول لا دعهم يحرمون الشئ بانفسهم بعد التجربة ؟؟ ترى هل سيقبل عذري ؟؟

ابنتي في 13 وابني في 16 ولا زالا تحت جناحي لا يتحركون الا بأمري اوفر لهم كل شئ مباح اسعدهم اخرجهم معي نتعشى نتغدى نتمشى نلعب نسافر نرفه عن انفسنا ولكن بالمباح فقط ، ابنتي احيانا تريد عبايات تناسب سنها احاول ان اطرز لها خفيف ولكنها تختار مايختاره البنات في سنها ولكني اجبرها على لبسهم لبيت اهلي فقط او بيت اهل زوجي اما مجمعات فانها تكون كالمراة العجوز حسب تعبيرها الذي تقتلني به ، ابني اتصل به كثيرا اين انت ومع من وماذا تفعل لدرجة انه يتصل بي تلقائيا ليخبرني اين هو تعود على ذلك .

اعترف ان التربية متعبة جدا واعترف اني قاسية جدا ولكني لا استطيع ان اتركهم يعيشون حياتهم مثلما يريدون لانه مايريدونه سوف يتعبهم مستقبلا وان شاء الله مااريده لهم هو خير الدنيا والاخرة وربي لا يؤاخذني ان نسيت او اخطات في حقهم فوحده العالم بمافي قلبي ونيتي تجاههم ووحده العالم ماذا اريد لهم من خير وان شاء الله ربي لا يخيب ظني ابدا واراهم من الدعاة لدين الحق ان شاء الله وان طال الامد

اعذريني عالاطالة ولكني احببت ان انقل تجربتي مع ابنائي لربما تفيد في موضوعك الجميل

شاكر لك المشاركة المميزة ولكن احيانا تضييق الحلقة مش الحل ولكن نقدر نقول تقريب الابناء منا والحوار معهم هو الحل وخلق صداقة مابين الاب او الام مع الابناء بعد له تاثير مفيد لانه بيحصلهم لما يحتار او يحصل حيرة بداخله اتجاه اي موضوع بيحصلهم هم خياره الاول علشان يطرح مشاكله عليهم ووقتها نقدر نوجه ونقدر نصلح مسارهم والله يعينا ويعينكم على التربية وشاكر لك المشاركة المفيدة

[عروة]

عطهم على اذنهم .. مافي مافي مافي.. والجواب اذا كبرتو بتعرفونه .. سلام

اخاف يتعقدون من كثر مانعطيهم على اذنهم شاكر لك المشاركة اخوي بس مافي احسن من مسك العصى من النص وعليك السلام

[عروة]

أخي الكريم خوفك على ابنائك شي طيب وجزاك الله خير في غيرك قاطين عيالهم .

شوووف اخوي نصيحه لك رووح اشتر كم شريط ديني يتحدث عن الإجازات وما يحدث في الاجازات داخل البلد وخارج البلد وعن الاسراف في الشراء واشياء كثيره تتحدث عن فترة المراهقه ماذا يحدث لهم روووح تسجيلات الفاروق اللي في المطار واسأل الأخوان هناك عن الشريط اللي تبيه وانصحك بالعريفي ونبيل العوضي وشيووخ كثر موجودين ايضا ....وقووول حق عيالك انكم الان ياعيالي فترة المراهقه وشغل لهم الشريط كلما ركبوا معاك السياره وبلأخص اذا كان الطريق طويل لاتعطيهم الشريط بس سمعهم في السياره ...بس شووووف لاتمنعهم عن كل شي عطهم في حدود المعقول اقعد معاهم تكلم كثير معاهم دام انك تخاف عليهم ,,..ايضا انت اسمع اشرطه كثيره عن فترة المراهقه وعن طلبات الأبناء حتى تتعرف على مايريدون وتوجههم التوجيه الصحيح..... لاتخاف تربية الأبناء سهله جدا بس أنت سو اللي عليك والباقي اتركه لله ... اهم شي انت اتعب معاهم وابتسامتك على شفتيك ..الله سبحانه وتعالى بيعينك وأدعوا لهم في الصلاه ايضا ..اسأل مجرب ...

اخوك البحار ....

شاكر لك اخوي البحار المشاركة وبالفعل مشاركة مميزة وجميلة وفيها حلول عملية ان شاء الله الكل يستفيد منها والله يسهل علينا

[anood]

انا راايي ان العيال لازم يكون لهم فرصه يحسون انهم مسؤولين عن نفسهم لو شوي

كل عمر له مسؤوليته وطريقه ف التعامل معاه

لازم يحسون بالثقه بس مش الثقه العمياء

مثلا تخلي ولدك يطلع بروحه مره ف الاسبوع اتقوله انا واثق فيك وواثق انك مابتزعلني في شي تسويه
عشان جذي انا بخليك تطلع اليوم وتستانس مع ربعك

وطبعا يكون بينكم اتصال وتقوله مثلا حدك لين الساعه 9 فليل

يعني بالاتفاق وكل شي بحدود

لازم يكون للولد والبنت مواقف يتصرفون فيها بروحهم حتا لو كانت مواقف كبيره
تعلمهم الحياه وتعلمهم شلون يتصرفون .. لو تصرفوا غلط انت توجههم وتقولهم كان المفروظ تسوي هشكل
المره اليايه سو هشكل وسو هشكل

بس كل شي بالهداوه

وصدقني لو عطيتهم الثقه وحسستهم انهم مسؤولين وانهم كبار مش صغار

راح تشوف تصرفاتهم كبيره فعلا لان الولد لما يحس انه مسؤول راح يحاول مايخون الثقه وراح يحاول
يكون قد الثقه

حتى لو غلط .. لان مثل ماتعرفون يظل ماعنده خبره في الحياه ويظل صغير

بس تذكرو ان الغلط من الابناء مايعني انتهاء الحياه .. اذا غلط اتوجهه وماتحسسه انه الدنيا انتهت بغلطه

بلعكس تظغط عليه شوي وعقب ترجع الثقه ودااااااااايم حسسه انك معااه مهما صار لانك تحبه
وانك من خوفك عليه تسوي هالاشيا ومن حبك

اتمنى فهمتو وجهه نظري لان هاي الي اجوفه صح

[ahn]

حاليا في كندا وبعض الولايات الامريكيه يفكرون في كيفيه منع طلاب المدارس من استخدامه لان البحوث الدراسيه اظهرت نتائج سيئه بسبب استخدامه بين طلاب المدارس والمراهقين مثل انخراطهم بالءفيس بوك وغيره من الموقع ....وهذا في الغرب ......والجهاز مخصص لرجال الاعمال واللذين بحاجه لما به من مزايا اما لدينا انتشر بسرعه بين الاطفال والحريم فقط لمعرفتهم بخدمة اللاك بيري مسنجر والتي لاتسمح بمعرفة قائمة الاتصالات حيث يتمتع المستخدم بخاصيه حذف اي واحد من قائة المتصلين لديه... والاطفال يشوفون غيرهم ويقلدون والاباء بعضهم من غير قناعه يشتريه بس يبي الفكه من الحنه او هدية نجاح....والاهم من هذا ان هناك تحذيرات لمن هم في سن المراهقه وطور النمو من استخدام الجوال والذي يسبب امراض خطيره خاصه في الراس الا ان شركات الجوال دائما تنفي هذا وتعمل بحوث تنفي الادعاءات السابقه والله يحفظنا وياكم من كل مكروه

[عروة]

انا راايي ان العيال لازم يكون لهم فرصه يحسون انهم مسؤولين عن نفسهم لو شوي

كل عمر له مسؤوليته وطريقه ف التعامل معاه

لازم يحسون بالثقه بس مش الثقه العمياء

مثلا تخلي ولدك يطلع بروحه مره ف الاسبوع اتقوله انا واثق فيك وواثق انك مابتزعلني في شي تسويه
عشان جذي انا بخليك تطلع اليوم وتستانس مع ربعك

وطبعا يكون بينكم اتصال وتقوله مثلا حدك لين الساعه 9 فليل

يعني بالاتفاق وكل شي بحدود

لازم يكون للولد والبنت مواقف يتصرفون فيها بروحهم حتا لو كانت مواقف كبيره
تعلمهم الحياه وتعلمهم شلون يتصرفون .. لو تصرفوا غلط انت توجههم وتقولهم كان المفروظ تسوي هشكل
المره اليايه سو هشكل وسو هشكل

بس كل شي بالهداوه

وصدقني لو عطيتهم الثقه وحسستهم انهم مسؤولين وانهم كبار مش صغار

راح تشوف تصرفاتهم كبيره فعلا لان الولد لما يحس انه مسؤول راح يحاول مايخون الثقه وراح يحاول
يكون قد الثقه

حتى لو غلط .. لان مثل ماتعرفون يظل ماعنده خبره في الحياه ويظل صغير

بس تذكرو ان الغلط من الابناء مايعني انتهاء الحياه .. اذا غلط اتوجهه وماتحسسه انه الدنيا انتهت بغلطه

بلعكس تظغط عليه شوي وعقب ترجع الثقه ودااااااااايم حسسه انك معااه مهما صار لانك تحبه
وانك من خوفك عليه تسوي هالاشيا ومن حبك

اتمنى فهمتو وجهه نظري لان هاي الي اجوفه صح

وهذا الى كنا نقوله في مشاركات متفرقة في هذا الموضوع الى هو مسك العصى من النص لانه راح يجي اليوم الى يكبرون فيه العيال ولازم يعتمدون على انفسهم وعلى الاشياء الى غرسناها فيهم وعلشان هالشيء نحاول نخليهم يخوضون التجارب بنفسهم بس بدون مايطلعون عن اطارالرقابة حتى لو كانت من بعيد لبعيد انا معاج في الكلام الى قلتيه وشاكر لك المشاركة المميزة

[عروة]

حاليا في كندا وبعض الولايات الامريكيه يفكرون في كيفيه منع طلاب المدارس من استخدامه لان البحوث الدراسيه اظهرت نتائج سيئه بسبب استخدامه بين طلاب المدارس والمراهقين مثل انخراطهم بالءفيس بوك وغيره من الموقع ....وهذا في الغرب ......والجهاز مخصص لرجال الاعمال واللذين بحاجه لما به من مزايا اما لدينا انتشر بسرعه بين الاطفال والحريم فقط لمعرفتهم بخدمة اللاك بيري مسنجر والتي لاتسمح بمعرفة قائمة الاتصالات حيث يتمتع المستخدم بخاصيه حذف اي واحد من قائة المتصلين لديه... والاطفال يشوفون غيرهم ويقلدون والاباء بعضهم من غير قناعه يشتريه بس يبي الفكه من الحنه او هدية نجاح....والاهم من هذا ان هناك تحذيرات لمن هم في سن المراهقه وطور النمو من استخدام الجوال والذي يسبب امراض خطيره خاصه في الراس الا ان شركات الجوال دائما تنفي هذا وتعمل بحوث تنفي الادعاءات السابقه والله يحفظنا وياكم من كل مكروه

معاك في هذا الرأي مشكلتنا نحب ناخذ كل شيء من الغرب وماعندنا دراسة او فهم لخطورة الاجهزة الى بين ايادي عيالنا والاغلبية حتى مايعرفون وش الخصائص الى في هذي الاجهزة اهم شيء عنده يريح راسه ويفتك من الحنة شاكر لك المشاركة المميزة اخوي

[المرسى الأخير]

انا راايي ان العيال لازم يكون لهم فرصه يحسون انهم مسؤولين عن نفسهم لو شوي

كل عمر له مسؤوليته وطريقه ف التعامل معاه

لازم يحسون بالثقه بس مش الثقه العمياء

مثلا تخلي ولدك يطلع بروحه مره ف الاسبوع اتقوله انا واثق فيك وواثق انك مابتزعلني في شي تسويه
عشان جذي انا بخليك تطلع اليوم وتستانس مع ربعك

وطبعا يكون بينكم اتصال وتقوله مثلا حدك لين الساعه 9 فليل

يعني بالاتفاق وكل شي بحدود

لازم يكون للولد والبنت مواقف يتصرفون فيها بروحهم حتا لو كانت مواقف كبيره
تعلمهم الحياه وتعلمهم شلون يتصرفون .. لو تصرفوا غلط انت توجههم وتقولهم كان المفروظ تسوي هشكل
المره اليايه سو هشكل وسو هشكل

بس كل شي بالهداوه

وصدقني لو عطيتهم الثقه وحسستهم انهم مسؤولين وانهم كبار مش صغار

راح تشوف تصرفاتهم كبيره فعلا لان الولد لما يحس انه مسؤول راح يحاول مايخون الثقه وراح يحاول
يكون قد الثقه

حتى لو غلط .. لان مثل ماتعرفون يظل ماعنده خبره في الحياه ويظل صغير

بس تذكرو ان الغلط من الابناء مايعني انتهاء الحياه .. اذا غلط اتوجهه وماتحسسه انه الدنيا انتهت بغلطه

بلعكس تظغط عليه شوي وعقب ترجع الثقه ودااااااااايم حسسه انك معااه مهما صار لانك تحبه
وانك من خوفك عليه تسوي هالاشيا ومن حبك

اتمنى فهمتو وجهه نظري لان هاي الي اجوفه صح


انا موافقه معاج اختي عنوود :nice:



حاليا في كندا وبعض الولايات الامريكيه يفكرون في كيفيه منع طلاب المدارس من استخدامه لان البحوث الدراسيه اظهرت نتائج سيئه بسبب استخدامه بين طلاب المدارس والمراهقين مثل انخراطهم بالءفيس بوك وغيره من الموقع ....وهذا في الغرب ......والجهاز مخصص لرجال الاعمال واللذين بحاجه لما به من مزايا اما لدينا انتشر بسرعه بين الاطفال والحريم فقط لمعرفتهم بخدمة اللاك بيري مسنجر والتي لاتسمح بمعرفة قائمة الاتصالات حيث يتمتع المستخدم بخاصيه حذف اي واحد من قائة المتصلين لديه... والاطفال يشوفون غيرهم ويقلدون والاباء بعضهم من غير قناعه يشتريه بس يبي الفكه من الحنه او هدية نجاح....والاهم من هذا ان هناك تحذيرات لمن هم في سن المراهقه وطور النمو من استخدام الجوال والذي يسبب امراض خطيره خاصه في الراس الا ان شركات الجوال دائما تنفي هذا وتعمل بحوث تنفي الادعاءات السابقه والله يحفظنا وياكم من كل مكروه

ارجع واقول البعض مصابين بمرض الترف الاجتماعي .. و الفوشرة

الله يصلح امة المسلمين

[sh50]

انا عن نفسي شريت لبناتي الثنتين بلاك بيري وولدي الصغير عمره 11سنه بلاك بيري
وصراحه اي شي يحبونه اشتريه لهم وهم من احسن الابناء في الدين والاخلاق

عمري ما نقدت عليهم والحمدالله

[عروة]

انا موافقه معاج اختي عنوود :nice:




ارجع واقول البعض مصابين بمرض الترف الاجتماعي .. و الفوشرة

الله يصلح امة المسلمين

اللهم امين يالمرسي الاخير

[عروة]

انا عن نفسي شريت لبناتي الثنتين بلاك بيري وولدي الصغير عمره 11سنه بلاك بيري
وصراحه اي شي يحبونه اشتريه لهم وهم من احسن الابناء في الدين والاخلاق

عمري ما نقدت عليهم والحمدالله

في الاخير كل واحد مسئول عن عياله اخوي والتربية مافيها شيء مطلق مثلها مثل كل شيء بالحياة بس احنا نسوي الى علينا والباقي عليهم وعلى المؤثرات الى يتعرضون لها والله يبارك لك في عيالك وتشوفهم مثل ماتتمنى وشاكر لك المشاركة

[برشلوني قطر]

الله المستعان..

والله يستر ع اعيالنا من التطور..

الواحد بيمسكه من ايش والا ايش...شوف اخوي من وجهة نظري التربية اهم شي..

انت يمكن تمنعه عن اشياء كثيره بس فالوقت نفسه هو بيكون معظم وقته برع مع ربعه حتى فالمدرسه..

ويتأثر فيهم...فلازم انت اتفهمه قبل اي شي وتقنعه بوجهة نظرك...

وحتى لو خذت تلفون..او لاب توب...ممكن يكون الاستخدام ايجابي وممكن يكون سلبي..

فأعقتد المسؤليه الاكبر عليك انت..

الله يعيينك ويهدييك ويهدي عيالنا..

الولد كل يوم والثاني جايني ولد عمي عنده ابي ذي ولد خالتي عنده لييش ماخذ...

لدرجة من فتره جايني ابي جوال عمره ست سنوات..<< زيين ماكسرت جوالي ع راسه..

الله يعين

[عبـد الله]

عروه

رباني ابوي بحاجه .. مره يشد علي ومره مايشد ..

بس تربيته لنا مرتبطه بدعاء الى رب العالمين


والحمدالله كلنا طلعنا رافعين راسه ..!

اما بخصوص البلاك بيري بيري فاهو يخص الاميل والماسنجر

فاهذا الأمر يرجع لك اذا كانت صغيره تحت العشرين لايصلح لها

لابد تكون تحت عينك .. اما السفر ارجووك ارفض اتخليه يسافر

بروحه او مع ربعه لان ربعه بيعلمون اشياء سلبيه ربع السوء


وانا اتمنى انت الى توديهم واتمشيهم واتعلمهم وليس ربع ولدك


وبنتك ممكن اتعوضه في شي غير البلاك بيري لعبه الخ

اهم شي يكونون تحت عينك وحاول انت الى اتفرحهم وليس الغير


وشكرا ً

[ورقــة أمــل]

الله يعينك اخووي
ابناء هالجيل فعلا سندااااااااااااااااارة

[براتزية برازيلية]

برايي
و انا عمري 22 سنة و مو متزوجة و لا عندي عيال
بس برايي:
عطيهم مساحة (شوية بس)
و راقبيهم بدون مايحسون انج (تراقبينهم طول الوقت) بس خليهم عارفين انج تراقبينهم وانج مهتمة فيهم و حريصة على مصلحتهم
و كدا يعني

[كاشخ في قطر]

اللـــــــــــــــــه كريم كل شخص يحط نفسه مكانهم ومكان هاليهال وبس ويشوووف نفسه يوووم كان صغيرررر وشنو كان يتمنى؟؟؟... واذا شاف ربعه ايش يكووون في داخله حتى اذا ماطلب من هله شي ايش يكووون في خاطره وووووووووووووووشكرا ,,,,,,,,,,,,,,,,,,,,,,,,,,

[الدوسري قطر]

اختي ممكن تلبين رغباتهم بس مب كلها الواحد يربي عياله ويراعيهم بالعقل وبحدود مع نوع من الرقابة
اذا انتي واثقة منهم لازم تحرصين على متابعة اصحابهم لان اصدقاء السوء يأثرون عليهم بنسبة 100%

وفهمي بنتج انها مثلا اذا خلصت ثانوية بتاخذين لها والولد نفس الشي لازم يخلص الثانوية وياخذ سيارة وتظربين لهم مثال وتفهمينهم ان هالشي من خوفكم عليهم

والله يطرح فيهم البركة

[عروة]

الله المستعان..

والله يستر ع اعيالنا من التطور..

الواحد بيمسكه من ايش والا ايش...شوف اخوي من وجهة نظري التربية اهم شي..

انت يمكن تمنعه عن اشياء كثيره بس فالوقت نفسه هو بيكون معظم وقته برع مع ربعه حتى فالمدرسه..

ويتأثر فيهم...فلازم انت اتفهمه قبل اي شي وتقنعه بوجهة نظرك...

وحتى لو خذت تلفون..او لاب توب...ممكن يكون الاستخدام ايجابي وممكن يكون سلبي..

فأعقتد المسؤليه الاكبر عليك انت..

الله يعيينك ويهدييك ويهدي عيالنا..

الولد كل يوم والثاني جايني ولد عمي عنده ابي ذي ولد خالتي عنده لييش ماخذ...

لدرجة من فتره جايني ابي جوال عمره ست سنوات..<< زيين ماكسرت جوالي ع راسه..

الله يعين

الله يعين الجميع والمسئولية اكيد في الاول والاخير علينا احنا الى نربي ونزرع القيم وننتظر الحصاد منهم بالمستقبل ونسئل الله انه تربيتنا تطلع فيهم ومايتاثرون بالجو الخارجي المحيط فيهم وتربية بعض الناس التيك اوي شاكر لك المشاركة اخوي

[عروة]

عروه

رباني ابوي بحاجه .. مره يشد علي ومره مايشد ..

بس تربيته لنا مرتبطه بدعاء الى رب العالمين


والحمدالله كلنا طلعنا رافعين راسه ..!

اما بخصوص البلاك بيري بيري فاهو يخص الاميل والماسنجر

فاهذا الأمر يرجع لك اذا كانت صغيره تحت العشرين لايصلح لها

لابد تكون تحت عينك .. اما السفر ارجووك ارفض اتخليه يسافر

بروحه او مع ربعه لان ربعه بيعلمون اشياء سلبيه ربع السوء


وانا اتمنى انت الى توديهم واتمشيهم واتعلمهم وليس ربع ولدك


وبنتك ممكن اتعوضه في شي غير البلاك بيري لعبه الخ

اهم شي يكونون تحت عينك وحاول انت الى اتفرحهم وليس الغير


وشكرا ً

الله يعين اخوي عبدالله وهذا الى المفروض يصير من الاباء لكن احيانا الزمن يفرض علينا اشياء مثل موضوع السفر العيال في هالزمن اسبقوا اعمارهم الاصلية بمراحل فالي كان يصلح لنا زمان بالعشرين الحين يصلح لهم ب15 يعني هي مسئلة تطور المجتمع وتفكير العيال المفتوح على العالم وان شاء الله يعين الجميع على التربية وشاكر لك مشاركتك الجميلة اخوي

[عروة]

الله يعينك اخووي
ابناء هالجيل فعلا سندااااااااااااااااارة

سابقين اعمارهم والمغيرات كثيرة والمؤاثرات كثيرة وكل العوامل الثانية تخليهم سندراة وصداع في روس الاباء وشاكر لك المشاركة والله يعين الجميع

[عروة]

برايي
و انا عمري 22 سنة و مو متزوجة و لا عندي عيال
بس برايي:
عطيهم مساحة (شوية بس)
و راقبيهم بدون مايحسون انج (تراقبينهم طول الوقت) بس خليهم عارفين انج تراقبينهم وانج مهتمة فيهم و حريصة على مصلحتهم
و كدا يعني

الله يرزقك بالزوج والعيال الصالحين ان شاء الله وهذي هي المساحة الى تكلمنا عنها في اجزاء من هذا الموضوع امنح المساحة للابناء وفي نفس الوقت هذي المساحة تكون مراقبة ويستحسن من بعيد لبعيد واذا شفت انه عيالك غلطوا وجههم بطريقة غير مباشرة ورجعهم للطريق السليم وشاك لك المشاركة المميزة

[عروة]

اللـــــــــــــــــه كريم كل شخص يحط نفسه مكانهم ومكان هاليهال وبس ويشوووف نفسه يوووم كان صغيرررر وشنو كان يتمنى؟؟؟... واذا شاف ربعه ايش يكووون في داخله حتى اذا ماطلب من هله شي ايش يكووون في خاطره وووووووووووووووشكرا ,,,,,,,,,,,,,,,,,,,,,,,,,,


ايامنا ماكان في كل هالمؤاثرات ولا كل هالفلوس ولا كل هالعدد من السكان فصعب نقيس ايامنا على ايامهم كل شيء تغير والتربية تتغير مع الايام وشاكر لك مرورك اخوي

[عروة]

اختي ممكن تلبين رغباتهم بس مب كلها الواحد يربي عياله ويراعيهم بالعقل وبحدود مع نوع من الرقابة
اذا انتي واثقة منهم لازم تحرصين على متابعة اصحابهم لان اصدقاء السوء يأثرون عليهم بنسبة 100%

وفهمي بنتج انها مثلا اذا خلصت ثانوية بتاخذين لها والولد نفس الشي لازم يخلص الثانوية وياخذ سيارة وتظربين لهم مثال وتفهمينهم ان هالشي من خوفكم عليهم

والله يطرح فيهم البركة

اسلوب الثواب والعقاب ممتاز بس في نفس الوقت مايكون هو القاعدة في التربية علشان حياتهم كلها ماتنقلب الى المادة ومايحركهم الا محفزات لكن كمرحلة معينة ممكن ينفع معاهم وشاكر لك مرورك ورايك اخوي الدوسري اخوك عروة

[الجوكر90]

السلام عليكم
اخوي بقولك شي
انا يوم كان عمري 15 ابوي خلاني اسافر بريطانيا بس مب بروحي مع مركز شباب الدوحه وهو كان عنده عادي اني اروح بروحي لاني رايح دراسه وانا من النوع الي ماينخاف علي يعني اعرف اتصرف
بس انت شوف ولدك اذا راكد وشخصيته هاديه لاتخاف عليه بس الاحسن اطرشه مع مركز او شباب كبار
واذا عن السواقه انا ابوي عطاني السياره وعمري 16 ويوم دخلت 17 وماكان عندي ليسن قلت له ابي موتر فورويل
قال لا مافي امل اطلعلك موتر فورويل
وقالي روح اختار اي موتر صالون شرط يكون عندك اما فورويل لا انسى
بس قدرت اقنعه وطلعلي الموتر الي ابيه وهو كان خايف علي اني انقلب او ادعم
بس الي صار ان سواقتي فالفورويل احسن من الصالون بوايد لان ماحب الصالون
ويوم فكرت اخذلي موتر صالون قالي لا انسى روح طلعلك فورويل احسن لك



واذا عن البلاك بيري قول حق بنتك تنسى هالتلفون ترى والله ماله داعي كلش
حتى البنات الي يشترونه يزهقون منه بسرعه ويبووون يبيعونه
وهو اصلا صعب استخدامه والجرج يفضي بسرعه وفي عيوب
بس والله اذا انت تبي تفتح ع نفسك ابواب انت غنى عنها روح واشترلها بلاك بيري
واذا لا قولها بشترلج بنفس القيمه اي تلفون بس بلاك بيري لا عشان تعرف ان المساله مب فلوس السالفه اكثر من جي دماااااااااااااااااااااااااااااااااااااااار
والله يقويك ع تربية عيالك
والسموحه ع الطوله

[ولد النصر]

والله سالفة هالبلاك بيري

[لولوة قطرية]

الواحد يربي عياله بالطريقه اللي يشوف انها الصح .. والشده ضروريه في هالزمن اللي الواحد يخاف فيه على نفسه

والله يطرح فيهم البركه ان شاء الله

[مسفر2]

حسبي الله على هل المدارس المستقله والي راضي فيها
اصلآ هذي خطط المدارس المستقله والاجانب الي جايبين فكرة المدارس يبون البنت تعلم الكمبيوتر
وتحل واجباتها عن طريقة الكمبيوتر ويكون عندها كمبيوتر خاص فيها وتكون البنت متفتحه وفاهمه كل شي
اما بخصوص الولد الي يبغي بلاك بيري فهذي مصيبه . الله يعينك عليها

[ولد النواخذه]

الله يبارك لك في عيالك ويحميهم ويكونون من الصالحين المطيعين لأمهم وأبوهم
أقترح انك وفي حديثك معاهم تبينلهم أن انت تشوف شئ اهمه قد ما يشوفونه وانك حريص عليهم وعلى سلامتهم وحياتهم وتبغيلهم احسن مستقبل وان شاء الله يقتنعون مع الوقت ويعيدون النظر ويفكرون مثل تفكيرك مع أن بالتأكيد الضغوط الخارجية من الي يشوفونه عند اصدقاءهم قوية الله يكون فالعون الدنيا تغيرت...

[غبيش]

السلااام عليكم
شحالك اخواني وخواتي
والله مادري شاقولك اذا بنتك اتقول مراهقه ليش تعطيها تلفون اصلااا ... انا الاحظ اكثر المراهقين مستهترين اهلهم فيهم او مايدرون عنهم . والحل توفير طلباتهم احس من عوار الراس.
سن المراهقة خطر اذا ماتعملت معا السن صح بتصير امور سلبيه حاولي ترجعون للقيم الاسلاميه ترى ابتعدنا عنها وانضرينا وانا مالومك لانك تربي وتكبر والابناء يختلطون معا اصدقاء لهم متوفر كل شي بدون رقيب
وماقول الا الحافظ ربك انت تجتهد بتربيه وتحاول والصلاح من عند الله سبحانه
واسمحولي بس والله من الواقع الي انشوفه والغيرة على ابناء المستقبل
والمجمعات اكثر مافيها هالمراهقين البنات والشباب وين اهلهم عنهم الله اعلم؟
تحياتي

[اعقل مرجوجه]

وين دور الاب

يعني مايخافون منه !!!

والله انا بناتي صغار مايقدرون حتى يقعدون عالنت اي وقت ودايما اراقبهم وابوهم مايخليهم على كيفهم

ترى الدنيا مالها امان

اعتقد وجود الاب ضروري لأنه يقدر يتحكم فيهم

والا الام مسكينه بيلعبون عليها هههه

[تـاجر الـذهب]

السلام عليكم

اخوي عروة توكل على الله وعط عيالك الي يبونه ولكن

مع كل شي اعط تنبيهاتك عنه وشنو مشاكله وليش انت تشوف ان هالشي خطير

الشي الثاني على طول دش معاهم فيه

بلاك بيري؟! خذ لك بلاك بيري حتى لو زينه

سيارة واستعراض وطلعات شبابيه؟!! روح مع ولدك او واعده هناك

يعني خلك مع الي يبونه

عشان باجر لا جيتهم توصيهم بيقولون والله ابونا متفتح ويعرف حق البلاك بيري
مايتكلم الا عن واقع تجربه وهو يعرف ..


الشي الثاني: ادع الله بالحفاظه وقطهم وخلهم يتعلمون وانا خوك والله يبقي اهل الخير ويحفظهم وعيالهم


والله يطرح لك فيك البركة وانت من الطيبين الباقين محافظين على عيالهم ويخافون الله فيهم

[storm..]

اللهـ يخليلج لهم انشاللهـ

بس المراهق اول شي يبي يفعله انه يبرز نفسهـ

وانا الحين كنت تقريبا مثلهم لخوف امي الشديد

ويوم من الايام الا امي تغيرت 180 درجه

اتخليني اطلع واروح بس الرجعه لازم متاخر عن 10 الفليل <<<<<< بس مع عيال عمي لان الصاحب ساحب

انا كنت في هاي المرحلهـ غير شفت العالم سفروني لندن عشان ادرس وتعلمت وااااااااااااااااااايد من لغتهم و تعرفت على ربع جدد و و و و و اشياء وايد باتعب وانا اكتبهم

وكان الشي الوحيد السلبي انه يمكن معظم الايام في الستي لاين ماملينا من الستي والحين لما انروحله انشوفه مكان عادي ماتونس مثل ايام اول

بس هاذا كله وانا عند اعيال عمي وربع اعيال عمي لان هم مطاوعه وعرفت مصلحتي عندهمـ لانه هم بيفيدوني مب ربعي الثاني زقاير و و و و و واشياء ثانيهـ

وانا اقول انج اتخفين عليهم شوي لان الخوف الوايد مب زين واتكوني على تواصل بتلفون وانشاللهـ اجوفينهم غير <<<<<< هاذا حق الاولاد

ام سالفة بلاك بيري مافي حد ماعنده كلهم عندهم حتى انا عندي :) مواصفاته كلها بس حق شات يعني ماسنجر وهاي السوالف بس

وتقبلي تحياتي
ولدج : عبداللهـ

[ولد الشحانية]

هذا سب الدلع

[راسي براسك]

أخوي أنت أتبع اللي تشوفه صح في تربية أبناءك لكن لاتحرمهم
يعني لو بنتك تبي جوال عطها جوال داام أن أنت واثق في تربيتها وأنك أنت اللي مربيها لو تمسك ألف جوال ماراح تمشي على خطأ
وولدك أذا يبي سيارة ويسوق خله يسوق مرده بيجرب هالشي الأن ولا بعدين
العناد مع الأبناء ماينفع بشي أبداً وأناأكلمك وأنا مريت بهالتجربة مع أهلي

[MeMe MoOoON]

عيال هالايام صعبين والله